راحوا غيداء وشهد عيد الميلاد وكانوا مررة تعبانين لانو صحيو من بدري..

بس خلص عيد الميلاد ورجعوا البيت قررت شهد انها تسوي قروب ليهم يسير اسهل يتكلموا فيه..



قرب موعد سفر شهد ولمى وحيغيبوا شهرين عن لوس انجلوس ويرجعوا ومهم عارفين ايش يسوو في الشقة حقتهم ماينفع يفضوها لانو فيها عفش وحيسيبوا ملابسهم وفي نفس الوقت صعب يدفعوا الايجار كلوا وهما في السعوديين فقروو يدورو على احد يستاجرها الين مايرجعوا..



شهد:والله يافيصل مننا عارفين ايش نسوي في الشقة حقتنا لازم ندور على احد يستأجرها.

فيصل:وش رايك انا اخدها الين ماتجون خصوصأ انو خالد بيروح ولايه تانيه ومحيكون عندي سكن وأهلي جايين في الإجازة كمان.

شهد:والله من جدك تتكلم؟

فيصل:أي بس ندفع النص بالنص والكهربا والمويه انتو تدفعونها.

شهد:أنا ماعندي مانع أشوف رأي لمى وأردلك خبر.

راحت شهد وقالت للمى ولمى طبعأ وافقت على طول خصوصأ انهم يعرفوا فيصل وواثقين فيه.

شهد:فيصل خلاص لمى وافقت.

فيصل:حعيش في بيتكم مو مصدق.

شهد:أيوة ويسير نام في غرفتي.

هنا فيصل حط بوسات وقلوب لشهد..



جلسوا يتكلمو في القروب شوية وقررو ينامو بكرة وراهم معهد طول الفترة الي شهد كانت في أمريكا كانت العلاقه بينها وبين عماد بتسوء أكتر واكتر كان مابيكلمها كتير ولا يسأل عنها الا فين وفين وهيا مستغربه من الوضع دا بس قررت تطنشوا وماتفكر فيه لانها جايه تنبسط مهي جايه تتنكد..

جا الصباح والكل راح المعهد وبقي ساعه على اللنش بريك ..



شهد:فيصل,سيف أيش رأيكم نفوت الافترنون ونخرج؟

سيف وفيصل:ماعندنا مانع شوفي غيداء ورديلنا خبر.

شهد:غيداء يلا امشي حنفوت الأفترنون..

غيداء:لا ماابغى روحوا انتو..

شهد:بلا غباء كم يوم وبقي وانا مسافرة خلينا ننبسط مابقي شي..



حاولت فيها الين مارضيت واتفقوا مع فيصل وسيف يوقفوا بعييد عشان لحد يشوفهم..

ركبوا السيارة وقررو يروحوا شارع ووك اوف فيم..

راحوا وهناك دخلو ستار بكس وطلبوا وجلسوا الا شوية يخرج سيف برا عشان بيدخن تخرج معاه شهد..وجلس يحكيها عن اهلو وهما اخوين واختين وانو كان معجب بوحدة في المعهد وكان مخطط يخطبها بس تفركشت الخطوبة البنت بطلت مايعرف السبب وهنا فيصل كان يراقب شهد من جوا ومقهوور واتفق مع غيداء انهم يمسكوا يد بعض ويسووا انهم مبسوطين مع بعض وشهد ولا شايفة شي كانت منسجمة مع سيف..



شهد ماكانت تحب سيف ولا هوا في راسها أصلا بس شهد تحب لما تتعرف على احد جديد تعرف عنو كل شي..

شوية خرج فيصل وصور شهد وسيف ووراها كيف هما منسجمين مع بعض ..



فيصل وهوا مقهور:خلاص يلا قوموا خلينا نتغدا.

قاموا وراحو تغدو ولما خلصوا قررو يروحو سيتي ووك..



راحوا سيتي ووك وجلسوا يتمشوا واتصورو ودخلو موفي وسوو كل حاجة عشان ينبسطو..شوية فيصل بيرجع حركة شهد في ستاربكس لما جلست مع سيف وقال غيداء امشي نروح نتفرج موفي تاني لوحدنا هنا قال سيف شهد تعالي انا وانتي نخرج نتمشى لوحدنا وجري سيف وشهد وخرجوا برا وتخبوا..



الا شوية خرجوا فيصل وغيداء وجلسوا يدورو يدور على سيف وشهد مهم لاقيينهم وسيف وشهد كانوا متخبين ويضحكوا وشوية طلعولهم وكملوا مشي وتصوير وهما بيروحوا يركبوا السيارة..



شهد:أبغى أسوق.

سيف:طيب اركبي وانا اعلمك.

سيف كان خايف وشايل هم لاتسوي شهد حادث ويتورط هوا



ركبت شهد محل اللي يسوق وجمبها سيف وفيصل وغيداء ورا جالسين وجالسين يتضاربوا وزعلت غيداء من فيصل ..

جلست شهد تسوق وسيف يقولها أي زي كذا تمام عليك ويمسك الدراكسون ويساعدها شوية فيصل مررة متوتر وشايل هم ولاحظت شهد دا الشي واتضايقت وقالت خلاص سيف خليني انزل لايروح يطرطع فيصل ونزلت وركبت ورا وراحوا مطعم هندي يتعشوا فيه وطول الطريق الي يتكلموا سيف وشهد وفيصل وغيداء زعلانين.



وصلوا المطعم الهندي وطلب فيصل من شهد وسيف ينزلوا عشان يتفاهم مع غيداء نزلوا سيف وشهد الا فجأه فيصل ساق السيارة وراح انفجعوا سيف وشهد قام شغل اغنيه سيف خليجيه وجلس هوا وشهد يرقصوا في الشارع وفالينها شوية يرجع فيصل وغيداء وطلع مسوين مقلب عليهم بس انقهرو سيف وشهد وجلسوا يجروا ويسوو نفسهم زعلانين بس وقفوا السيارة غيداء وفيصل ونزلوا منها وراحوا لسيف وشهد وسارو يهرجوا عادي طبيعي والكل يهرج سوا ودخلوا يتعشوا في المطعم الهندي ورجعوا البيت بعدها مهلوكين..الا لمى تيجي لغرفة شهد..



لمى:أقولك شهد أيش رأيك تغيبوا بكرة عن المعهد ونروح البحر نفلها ونتشمس قبل مانرجع السعودية؟

شهد:والله فكرتك حلوة طيب أستني أقولهم واردلك خبر.

شهد:أقووولك أيش رأيكم نروح البحر بكرة؟

غيداء:والمعهد؟

شهد:نغيب وي عندنا 3 غيابات مسموح فيها بطلي دفرنه انتي كمان.

سيف وفيصل:ماعندنا مانع خلاص بكرة ان شالله لما تصحي صحينا.

شهد:اوك.



وراحت قالت للمى انهم وافقوا على الفكرة وقررت لمى تكلم هناء عشان تخلي لين ترجع البيت مع ولدها لأنو يمكن نتأخر..

جا الصباح وفجأه دخلت لمى على شهد الغرفة..



لمى:شهد قووومي تأخرنا أنا راحت عليا نومة.

شهد:وي جوااالي خلص شحنو وانا اقول اشبي ماصحيت.

قامت شهد وفزت على طول وشبكت الجوال في الشاحن ودخلت الحمام اول ماخرجت لقت كلام كتيير في القروب.

غيداء:دولا اللي بيصحوا بدري ها ولا احد بيرد شكلي بروح المعهد.

فيصل:والله اني صاحي من زمان بس جالس اصحي في سيف.

شهد:معليييش راحت عليا نوومة والله خلاص انا ولمى نهجر ونكلمكم وغيداء بلا هبل قلك معهد.



راحت شهد ولمى اتجهزوا وخلصوا وكلمو غيداء عشان يمرو عليها وشهد قالت لسيف وفيصل نتقابل عند ستار بكس ماينفع تمروا علينا هنا..



فيصل:بس اسمعي ترى بنروح بسيارة وحدة.

سيف:انا استحي طيب من لمى ماقد شوفتها.

شهد:لاتستحي ولا حاجة ترى لمى مررة فلة.

فيصل:أي وعندها اغاني بنت كلب ونسلي بعض في الطريق ماله داعي سيارتين.

شهد:اوك.



وقفوا في ستار بكس ودخلوا قبلو الصيدليه عشان يجيبو كريمات تشيمس وبعدها وقفوا ستاربكس يجيبوا قهوة ووقف فيصل سيارتو عند ستاربكس ونزل وركب سيارة لمى.

سيف كان مررة مستحي من لمى في البداية بس بعدين بدأ شوية شوية يتعود..وصلوا البحر..



لمى:خلاص البنات في جهه والاولاد في جهه ونتقابل بعد لما نخلص ان شالله.

غيداء راحت مع سيف وفيصل.



راحوا لبسوا لمى وشهد ملابسهم اللي هيا ليفن وبلايز كت وانسدحوا عدا الوقت وجات غيداء وقالت يلا ترى طفشوا سيف وفيصل يبغوا نسوي حاجات تانيه..

في الخرجة دي كانت شهد مطنشه فيصل وجالسه تهرج مع سيف وتتعرف عليه اكتر وتفتح معاه هروج..طبعأ اتضايق فيصل من شهد مررة بس شهد شافت انو شي عادي بتتعرف مع سيف وانو اصلأ مابينهم شي..

راحوا يمشوا عشان بيروحوا يستأجرو جيت سكي وهنا كان سيف وشهد يمشوا مع بعض,ولمى وغيداء وفيصل مع بعض..



فيصل:لمى شوفي شهد كيف ماخدة راحتها وبتمشي مع سيف ومطنشتنا.

ماردت لمى عليه ماعرفت ايش تقول..



راحوا لحق الجيت سكي واعطاهم اوراق يعبوها لازم قبل مايركبوا..هنا فيصل قال يبغالي انا اتعرف على وحدة تانيه بدل شهد اللي ماتغار ومطنشتني طول الخرجة..



ماردت شهد عليه وجلست تعبي الأوراق مع سيف وخلصوا وجوا يركبو..لمى وشهد مع بعض وفيصل وغيداء وسيف مع بعض..

وهما في البحر ومبسوطين على الجيت سكي الا لمى وشهد لمحوا فيصل وسيف وغيداء طاحوا من الجيت سكي وجلسوا يضحوا عليهم لأنهم لقوا غيداء ماسكة سيف ومررة خايفة..



لمى:شهد اسمعي انا حنزل وحخلي فيصل يركب معاكي أيش دا انتي مطنشتو طول الخرجة مايسير كدا حرام عليكي..

شهد:طيب اوك.



نزلت لمى وجا فيصل وركب ورا شهد بس ماهرجوا ولا شي الين ماخلصوا... بعدها قروو يركبوا بنانا كمان وراحو استاجرو وكان سيف ووراه غيداء ولمى وفيصل ووراه شهد..



جلسوا يرقصوا فيصل وسيف ويغنوا ويستهبلوا وغيداء ولمى وشهد ماتو ضحك عليهم ماقدرو يوقفوا..خلصوا وكانوا تعبانين مررة فقروو يروحوا يتغدو..هنا وهما ماشيين الا كان في بنت جالسه تطالع في فيصل وسألتو كم سؤال..



لمى وغيداء:شهد شوفي دي شكلها معجبة بفيصل..

شهد:طيب عادي وي.

غيداء ولمى:يالطييف انتي ماتغاري؟

شهد:لا انا اكره الغيرة ومااعترف فيها.



راحوا المطعم وكان الويترز كلهم بنات حلويين وجلسوا فيصل وشهد يمدحوا فيهم ..بس قرروا ماياكلو فيه ماعجبهم فقالوا خلاص نروح نغير ملابسنا ونمشي وندور على مطعم ناكل فيه في الطريق..راحوا عيرو ملابسهم وركبوا السيارة وجلسوا يدورو على مطاعم فقررو يتعشوا في فايف قايز خلصوا عشا وركبوا السيارة خلاص عشان يرجعوا البيت تاخر الوقت..

في السيارة كانت برضو شهد مع سيف جالسه تهرج ويشغلوا اغاني سوا.ويوريهم صور البنات اللي يعرفهم...وفيصل مع كل اغنيه يقول مهي حلوة.



شهد:انتا اصلأ مايعجبك شي كل أغنيه معفنه معفنه أيش عرفك بس.

فيصل:أي الصدق ذا طيب.



سار مشادة بين فيصل وشهد بعدها وزعلت شهد منو مررة وقالت أصلأ انتا ليك فترة ماتحترمني حتى في الكلاس تصرخ عليا قدام الطلاب والتيتشر..

جلس فيصل يراضي شهد ويدلعها بس بدون فايدة لانو شهد عصبت منو مررة..الا شوية تكهرب الجو أكتر وزعل فيصل..حاولت لمى وغيداء يهدو الوضع بس مافي فايدة..

قربوا من ستار بكس ونزل سيف وفيصل وكان فيصل زعلان لسه وهنا لمى وغيداء جلسوا يكلموا شهد..



لمى:أيش دا مالك داعي وانتي زعلانه كدا.

شهد:لا والله هوا اللي بدأ.

غيداء:والله لو انا حبيبي كدا طول الخرجة مطنشني وجالس يهرج مع بنت تانيه والله ياويلو.



ماردت عليهم شهد لانو مو شايفه انها غلطانه..وصلوا غيداء بيتها وراحوا ياخدو لين ورجعوا البيت وناموا من التعب لانو كان يوم متعب مررة..

في دي الفترة شهد سحبت على جولين بسبب فيصل وبسبب سيف وغيداء وكل مرة جولين تيجي لشهد وتقولها قبل ماتسافري قوليلي يسير اودعك بس كأنها حست انو معد تبغى شهد تخرج معاها وهوا ماكان قصد شهد كدا فقالتلها شهد طيب..



جلسوا شهد وفيصل متضاربين يومين اول يوم ماكلموا بعض وكلم غيداء يشتكيلها انو هوا ليه الحق يزعل لانو طول الخرجة شهد كانت مع سيف ومطنشتووهوا جاي عشانها أصلا تقوم تسحب عليه فقالتلو غيداء خلاص انتا روح تفاهم معاها قام رد عليها انو بكرة بيكلمها وطبعأ غيداء ورت شهد الكلام..



شهد:مع نفسو.مني غلطانه هوا كمان مايحترمني وصرخ عليا قداكم.

لمى:انتي كمان تقهري لاتنسي نفسك طول الخرجة مع سيف ومطنشتو ولا كأنو جاي عشانك.



ماردت عليها شهد لأنو شايفة نفسها مهي غلط..



جا تاني يوم وطبعأ شهد وفيصل مايكلموا بعض وشهد تطالع في فيصل وجلست تقول في نفسها ايش دا لونو مررة سار يجنن قابل عليه التشميس مررة ..

خلص اول كلاس وكان في المعهد بين كل كلاس وكلاس بريك 10 دقايق خرجت شهد وقررت تروح ستاربكس وهيا خارجة تقابل في طريقها سيف وتقولوا تعال معايا ستاربكس..

وهما في ستاربكس وبيطلبوا دخل فيصل وسلم على سيف..



سيف:وشهد يعني مالها رب تسلم عليها؟

فيصل:شلونك شهد؟

شهد:زعلانه.

سيف: بلا هبل انت وهوا وخلاص اتصالحوا لا ارمي الكاسات ذي عليكم.

اخدو القهوة وخرجوا وهما في الطريق راجعين للمعهد..



شهد:والله شوف ياسيف فيصل مررة مابيحترمني مليون مررة قلتلو لايصرخ عليا قدام الكلاس والتيشتر وامس صرخ عليا قدامكم في الخرجة وانا مررة طرطعت مليون مررة قلتلو يحترمني.



سيف:انت كمان الله يهديك فيصل مايجي كذا لازم تحترمها.

دخلوا المعهد ولسه شهد ماتكلم فيصل وهما في الكلاس جالسين يهرجوا بي بي مع بعض الا بيكتبلها ومابترد قام طالع ورا عليها هنا انصرعت شهد انو الكلاس اكييد دحين حيفهموا انو بيهرجوا مع بعض..



شهد:اايش تبغى؟

فيصل:أبيك.

شهد:انتا ماتحترمني وانا تعبت منك واقولك احترمني خلاص بعدين نتكلم في البريك..



جا البريك وغيداء راحت مع سيف عبال مافيصل وشهد يتفاهموا ويخلصوا كلام..جلسوا في مكان قريب من المعهد..



فيصل:يوم لما رحنا البحر كنتي طول الخرجة مع سيف ولا كأني موجود,شوفي انا مااغار بس انا خارج عشانك تقومين تمشي معاه وانا مع غيداء ولمى.

شهد:ماكنت مطنشتك بس هوا جديد في القروب وجالسه اتعرف عليه وهروجنا مررة عادية عن اهلو وكيف جا امريكا وزي كدا.

فيصل:الحقيقه شهد انا مررة غرت من سيف وكان نفسي اتضارب معاه لما اشوفه معك..

شهد:يوووه والله ماكنت اعرف انك غرت لانو كنت اكلمو والله بحسن نيه لا هوا في راسي ولا شي عاادي بلا هبل انا احبك انتا.

فيصل:أي بس لما نخرج راعي اني خارج عشانك مو تطنشيني.

فيصل:شوفي انا لما عرفت انو انتي ماتحبين الولد اللي يسلم على البنات سرت اصافحهم بس..هنا ضحكت شهد لانها افتكرت قد قالت لفيصل أكره لما اشوف ولد سعودي يسلم على بنت مررة مالو داعي خلاص يصافحها بس وضحكت انو فيصل مفتكر الهرجة دي.

شهد:طيب خلاص ان شالله ومافي داعي نتضارب خلاص كلها 3 ايام ومسافرة ان شالله.



راحوا شهد وفيصل لغيداء وسيف وقالولهم انهم تصالحوا خلاص وراحوا تغدوا ورجعوا المعهد عشان كلاس الافترنون وبعد المعهد خرجوا يتمشوا شوية ورجعوا بدري عشان بكرة الفاينل..



الكل رجع البيت وجلس يزاكر عشان الفاينل بكرة وناموا..جا الصباح وبدأ الاختبار واختبرو وخلصوا وهنا قالت شهد انها بترجع البيت عشان تعبي شنطها واغراضها ويقفلوا البيت عشان بكرة يتفضوا اخر يوم خرجة..

رجعت البيت شهد وجلست ترتب اغراضها وجات غيداء تساعدها شوية ويتكلموا في القروب شوية..تاني يوم الصبح دقت شهد على فيصل عشان يمروا عليها هيا وغيداء لانو لمى وراها كم شغلة محتقدر توصلها..



ركبوا السيارة وهما في طريق المعهد نزلوا قبل فيصل وسيف عشان لااحد يعرف انهم جوا سوا لما وصلو للبوابة كانوا سيف وفيصل دوبهم جايين ضحكوا كلهم كأنهم كانوا مسويين جريمة..



فيصل كان شخص محبوب مررة من المعهد كان مايجلس مع أحد الا ويضحكوا كان يجلس مع سعوديين وهاتك حش..ويجلس مع بنات أجانب ويحشهم..على فكرة حبيت أقولكم أنو شهد انسانه ماتغار أبدا ولاتعترف بشي اسمو غيرة فكانت لما تشوف فيصل يجلس يمزح مع بنات او يهرج معاهم عادي ماكانت تسويلو مشكلة ولا أي شي..



دخلوا المعهد وطلعوا ياخدو النتايج الا طلع فيصل راسب وسيف كمان وشهد وغيداء نجحوا..



فيصل:والله مو عدل ياشهد انتي تنجحين وانا أرسب.

شهد:حلوة دي أيش دخلني انا حسستني انو انا اللي رسبتك..



اخدو النتايج وقالت شهد انا وغيداء حنروح مع لمى وام غيداء السوق نشتري كم حاجة وبعدين انتو مرو علينا يسير نخرج..



راحوا شهد وغيداء السوق واشترو اللي يبغوه وهما في السوق شافوا كشك حق اسوار جلد ينكتب عليها اسماء..

شهد:أيش رايك غيداء انا اسوي اسوارة لفيصل وانتي لسيف.



غيداء:اوك ماعندي مانع..



ودقوا على سيف وفيصل يجو يمرو عليهم وقالو للمى وام غيداء انهم خارجين مع أصحابهم الاجانب وطبعأ لمى كانت عارفة انو فيصل وشهد..

ركبوا السيارة وهنا خرجوا الاساور غيداء وشهد..



شهد:فيصل جبتلك هديه معايا.

غيداء:وانا سيف جبتلك هديه كمان..



وكل واحد فيهم اعطى الاساور للتاني وانبسطوا فيصل وسيف مررة بالأساور..

قررو يروحوا محل ألعاب كبير في ألعاب الكترونيه شبه فن تايم بيتزا..رحوا ولعبوا وكل مايجمعوا نقاط اكتر ياخدو جواير اكتر جمعوا اوراق مررة كتيرة وراحوا يختارو هدايا..شهد اخدت انقري بيرد لونو احمر صغير وفيصل اخد ساوث بارك فيلم كرتون مررة كان يعجب فيصل اخدت دميه صغيرة على شكل بطل من أبطال الكرتون وسيف وغيداء اعتقد مااخدو شي..



خرجوا وقررو يروحو يتعشوا وراحو مطعم لبناني وبعد لما خلصوا راحوا ستار بكس يجلسوا شوية وهنا عرف سيف انو غيداء عندها حبيب لانو جوالها كان كل شوية يهز محادثات من الواتس اب..



سيف:اقولك طنشيه شوفيه بيتضارب معاكي.

غيداء:من جدك خلاص دا خطبني ايش طنشيه دي,هوا زعلان انو انا مابسأل عنو ومطنشتو.

سيف:بلا زواج بلا هم ذا وجهي ازا تزوجك طنشيه واتعرفي عليا انا وفليها.

غيداء سكتت وماردت عليه.

سيف:طيب نشوف لما ترجعين السعودية وش بيصير.

بعد شوية راحوا غيداء وفيصل جلسوا في كراسي جمب المطعم .

سيف:وش رايكم نروح نايت كلب؟

شهد:انا ماعندي مانع.

غيداء وفيصل ماكان ليهم نفس يروحوا وجات شهد جلست معاهم وكان فيصل زعلان ومتضايق انو شهد حتسافر بكرة مو مستوعب كيف حيجلس لوحدو..

فيصل:ماتقدرين تأخرين رحلتك؟

شهد:لا طبعأ خلاص اشترينا التزاكر ولازم اروح اغير فيزني عشان احولها دراسة..اودعني انك ماتتعرف على احد غيري عادي اتعرف بس انو ماتحب أحد غيري.

فيصل:تستهبلين طبعأ من غير ماتقولين.

وهنا لاحظت كمان شهد انو سيف زعل انو مو جالسين يسوو شي وبيضيعو الوقت قامت راحتلو..

شهد:اشبك؟

سيف:انتي عارفة كم واحد دق علي عازمني على بارتي وطنشته عشانكم.

شهد:قلتلك انا ماعندي مانع اروح بس فيصل وغيداء مررة مايبغوا معليش خلاص مشيها..يلا تعال نروح لفيصل وغيداء ونروح للسيارة نفكر فين نروح بدل الجو الكئيب دا..



الكل ركب السيارة وجلس سيف يقنعهم يروحوا نايت كلب بس مارضيوا..



فيصل:انا حبيبتي مسافرة بكرة وانت جالس تقول نايت كلب.

سيف:انا مو قصدي شي بس والله ببسطكم خلاص اخر يوم ليكم.

غيداء:خلونا نروح داون تاون ديزني.



هنا طلعت شهد اسوارة حقتها نفس حقت فيصل ماتبغاها لانو سوت وحدة جديدة ..



شهد:صراحة انا كنت ابغى ادي الاساورة حقتي لغيداء بس قلت اديك هيا انتا فيصل عشان تتزكرني ودا عطري كمان عشان تبخ منو وتفتكرني..



الكل وافق وراحوا داون تاون ديزني..وهما جالسين يتمشوا في داون تاون ديزني الا حب فيصل يسوي حركات على شهد ويخليها تغار مسك يد غيداء وجلس يرقص معاها وشهد ولا كأنو شي بيصير عاادي بس هنا انقهر سيف ومسك يد شهد بأدب وجلس يتمشى معاها..يرد الحركة لغيداء..



سيف وشهد ماشيين ومنسجمين مع الهروج الا فجأة يطالعوا ورا اختفوا غيداء وفيصل..



شهد:وي بسم الله فين راحوا؟

سيف:ههههه تلاقيهم انقهروا مننا.

شهد:امشي نرجع ندور عليهم مافيا اتضارب مع فيصل حرام خلاص اخر يوم.



وراحوا يدورو عليهم الا لقوهم في مطعم ودخلو ولقوهم بيشربوا عصير..جلسوا معاهم شوية وخرجوا وراحوا جلسوا في مكان جمب بحيرة..



هنا حبوا يلعبوا لعبة الصراحة كل واحد يقول رأيو عن التاني..بدأ سيف وجلس يقول عن غيداء انها جذابه وحلوة وجسمها حلو وانها داهيه..وقال عن شهد انو عندها أسلوب مررة حلو والكل يحبها من أسلوبها..

بدأ دور فيصل وقال انو سيف داهيه برضو مو سهل وانو دعاء جذابه ومهي سهلة وانو شهد طبعأ حبيبتو اللي مررة يحبها وانها طيبة مررة..



قامت غيداء وقام سيف وراها خلاص بيروحوا للسيارة اتاخر الوقت وحتقفل دوان تاون ديزني هنا فيصل كان بيدخن وطلب من شهد تجلس معاه شوية الين مايخلص..



فيصل:لاتزعلين مني لما امشي مع غيداء وامسك يدها واسوي حركات ترى كلوو هبل.

شهد:عادي وي لا زعلت ولا حاجة والله..

فيصل:بس انتبهي مني.

غيداء:ترى انا دقيت على اخويا محمد يرجعنا ياشهد بدل فيصل وسيف واخر الليل والسكن كلوو سعوديين..

شهد:اوك.



شوية جا محمد اخو غيداء وودعوا غيداء وشهد فيصل وسيف ورجعوا البيت..

شهد وهيا على سريرها مهي مستوعبة بكرة السفر أبدا وانو خلاص راجعه السعودية يالله والله عدت 5 شهور كأنها أسبوع بس الحمدلله اني حرجع مرة تانيه..ونامت شهد ..



جا الصباح وصحيت شهد وقالت للمى انها بتروح تودع فيصل وسيف وغيداء وقالتلها لمى طيب لاتتأخري عشان الرحلة..

مر فيصل على شهد وركبت السيارة معاه وكان مريض مررة فراحوا المستشفى ياخد موعد وهما في السيارة ماسك يد شد وباسها وهنا طلب فيصل من شهد انها لما ترجع السعودية تقطع علاقتها في فيصل وتخليها رسمية مررة وشد بينهم الكلام واتضاربو عشان شهد مارضيت وجلست تقول هبل دا صاحبك وزي صاحبي ومابيننا شي..



قام رجعها فيصل البيت وراح زعلان..راحت دقت على سيف يجي بيت غيداء عشان تودعو..راحت شهد بيت غيداء وقالتلها انو اتضاربت مع فيصل بس ماقالت السبب..وجا سيف وخرجت غيداء هيا وشهد وقالوا لأم غيداء انو رايحة مع شهد تساعدها شوية.

ركبوا السيارة مع سيف وجلس يرحب في غيداء..



سيف:وين فيصل؟

شهد:زعلان.

سيف:ليش؟

شهد:سار بيني وبينو مشادة في الكلام شوية اسمع دق عليه خليه يجي ماينفع اسافر واحنا كدا متضاربين..



دق سيف على فيصل وقلوا يجي عند البوابة حقت السكن وجا فيصل ووجهوا كلووو زعل..ركب السيارة قاموا راحوا لحديقة قريبة من السكن وقررو غيداء وسيف ينزلوا ويسيبوهم لوحدهم..



شهد:يعني تبغاني اسافر كدا وانتا زعلان؟

فيصل كان سااكت ومابيرد على شهد.

شهد:جاوبني حسافر واحنا زعلانين من بعض؟

فيصل:ماتقدرين تأخرين رحلتك؟

شهد:لا طبعأ خلاص مررة مايجي.



ورجع سكت فيصل تاني وهنا نادت غيداء وسيف تعالوا خلاص مافي فايدة لساتو زعلان جا سيف وحضن شهد وباسها في راسها عشان يودعها..نزلها البيت هيا وغيداء الا جلست تبكي شهد..



غيداء:وي اشبكم بسم الله؟

شهد:مررة زعلانه حسافر وفيصل كدا زعلان.

غيداء:دقي عليه خليه يجي واطلعوا الدور اللي فوق مافي احد.



دقت شهد على فيصل وهيا بتبكي وقالتلوا يجي بيت غيداء يطلع الدور اللي فوق.

ركبت الاصانصير وطلعت الدور اللي فوق لقيت فيصل متكي على الجدار ووجهو زعلان مررة..راحت وبأقوى ماعندها حضنتو وهيا تبكي..



شهد:أهبل إنتا تبغاني أسافر واحنا كدا زعلانين من بعض ترى والله أحبك أنا ومررة راح توحشني.



ماقدر يستحمل فيصل أكتر وقالها خلاص شهد يكفي خليني اروح قالتلو لا استنى تعال البيت معايا عشان نديك المفتاح.

راح فيصل مع شهد البيت واعطتلو المفتاح وودع لمى..

قفلوا كل شي وكان اخو غيداء هوا وزوج هناء حيوصلوهم المطار اخدو الشنط وكل شي وقبل ماينزلوا تحت جات تقفل غرفتها وقالت:إن الذي فرض عليك القران لرادك إلى ميعاد.



طبعأ شهد نظفت ورتبت غرفتها مررة كويس عشان فيصل حيجي ينام فيها..

شهد ماودعت جولين برضو بسبب خرجاتها مع غيداء وفيصل وسيف..

ركبوا السيارة ومتجهين للمطار ولما وصلوا المطار مررة شكرو زوج هناء ومحمد اخو غيداء ودخلوا المطار متجهين على نيويورك اللي حيجلسوا فيها يومين قبل مايرجعوا السعودية..

تغلق إلى حين عودة الكاتبة