مرحبا أحبتي ..
كيف حالكم أتمنى أن تكونوا بخير .. و كل عام وأنتم بخير
أحب اعتذر عن انقطاعي للمنتدى لظروفي الخاصة .
واليوم حأنزل كم بارت و أتمنى لكم قراءة ممتعة

صباح الخير آل ليلاس
كيف حالكم جميعا ؟ إن شاء الله بخير
و كل عام و انتم بألف خير و ربنا يعيده علينا و عليكم كل عام
أحبتي أعلم بأني تأخرت كثير و اعتذر وأتمنى السموحة ??.
بهذا اليوم الجميل / يوم عودة الطلاب للمدارس
أحب انهي الوقت الطويل للبارت الثاني و أنزل البارت 3 و 4
و أتمنى لكم متابعة ممتعة
لكن مقدما أشكر كل من دعمني سواء بالشكر أو التقييم و كل من تابعها
و هذا يدعمني / أتمنى منكم الرد / العبارات تحفز قليلا .

: 3 :



من أين ابتدي يا جرحي الوفي
من أين ابتدي وقد خلقت معي
من مولدي .

أأترك العالم وأموت
أم أواجه العالم فتزداد سعة جروحي

العالم !!
العالم هو الألم الذي لم أنساه
هو الجروح
هو الحزن
هو الهم
هو الشتات
هو كل شيء مقييت بالنسبة لي

يقولون لي نحن من نصنع السعادة
حسنا أوافقك الرأي لكن !
ذلك العالم يفسد السعادة

أحلام الحربي .




أخذه لأحدى الغرف بقصره لا يريده أن يبقى في ذاك المنزل من بعد تلك اللحظة ..
دخل لغرفة ابنه نواف ووضعه على السرير فصرخ معاذ متألم لان ظهره ممتلئ بالجروح بسبب السوط

أبو نواف بحنان : لا تخاف خلاص ما بيقرب منك ولا بيلمسك مرة ثانية ....... خلاص اهدأ ي وليدي أهدأ




لم يتوقف عن التأوه و النحيب
فــ هو لا يرى إلا الجد المتوحش
وكأن ذاك الثائر يستعد لضربه من جديد



بصوت مبحوح باكي :
إيه أنا أحبها أبـــــــاها ..
أقتلني خذ الدم مثل ما تبا بس
لا تضربني تكفى لا تضربني أقتلني برد دمك ...
بس لا تضــــ..ــــــربــــ..ــــ..ـــــي
نواف بحزن و بصوته الضخم الغاضب
: خلاص اهدأ والله أنه ما يلمسك مرة ثانية أهدأ
: لااا لاااااا آهــــ يبــــاه أبعده يبــــاه آهـــــــــ آآهههــ
أم نواف بألم و بصوت راح من كثر البكاء
: أبوي راح خلاص .. أهدأ يا وليدي ما بيجي والله خلاص


معاذ لا يحتمل سماع اسمه ..
لا يعلم ماذا يُقال له
لا يفهم بأنه لن سيلمسه مجددا
بل تتردد عبارة واحدة
لم يفهم سواها
وأبت أن تغادر عقله
وهو انه لم يمت
يفهم بأنه * لم يــــــمت *
وهذا يعني بأنه سيعود لقتــــــــــله وسيأخذ الدم منه هو ..
وقف وهو مائل بسبب الألم الذي يشعر به
مسكه نواف من يدينه ..
وأول ما رفع رأسه شافــها واقفة على البـــــــــــــاب ..
طاح من طوله وهو يصرخ بصوت باكي متقطع وهو يفتح يديه لها : أخــــــــــــذيـــــــــنــــــي معش

دخلت الغرفة رغم نظرات عمها وخالتها وابن عمها لها
ساعدته بالنهوض وحطته على السرير
وألتفت لنواف الذي علم أن لا فائدة من وجوده هنا
ولكن معاذ أمانة برقبته و لذا حمل نفسه مسئولية ذلك الجريح
ووكل نفسه محام عنه ضد جده المتوحش الذي لا يعلم ما يريد جده
وسيفعل المستحيل لإبعاده عن جده وعن هذا المكان ..
و أن يعرف القصة بأكملها..
خرج من الغرفة رغم أمنياته بأن يأخذ معاذ معه للبعيد ..
ولكن معاذ يتألم .. وصمود تدرس الطب ..
لذا بقيت تهتم بجروحه بدل أن يلمسه جدها المتوحش ..





هيفاء جلست مقابلة للجازي : جد والله !
الجازي : إيه توه حاتساني فوازوه و يقول إنه يفحصونها الحين
هيفاء : الله يكون بعونها و يشفيها من ذا المرض
الجازي : آمين .. إلا تعالي وش موضوعتس ؟
هيفاء : أكرهها ذيك المجنونه تخيلي درت بإني أحب زوجها
الجازي : أما وش عرفها ؟
هيفاء : سمعتني أولة أمس لمن كلمتك عنه بالجوال
الجازي : يا فضيحتاه وش بيسكتها الحين
هيفاء : ما علي منها .. بعدين ما همتني أنا أبي أحمد و بس أبيه يالجازي
الجازي : هيفاء والله ودي أنتس تنسينه وتعيشين بعيد عنه
هيفاء : هو حياتي و سعادتي كيف تبيني أبعد عنه
الجازي : أبعدي عنه بكل بساطة وأنسيه
هيفاء : ما أقدر بيننا وعد ما ننسى بعض
الجازي : هو بعد عنتس و عرس بعد وعنده ولد ولا مرته حامل هالحين
هيفاء : ما يضعفني شيء و لا هامني مرته قد ما يهمني هو هو بالذات شاغلني و منتظرته لآخر يوم
الجازي : هيفاء والله بتتعبين و بتنهبلين
هيفاء : ما عليكك بأكون بصحتي يمكن بأحترق يمكن أجن بس ما عليك
الجازي ضمتها : يا جنوني ما أبي أخسرتس ما أبيه يقتلتس
هيفاء بكت : أحبه يقتلني فداه بس يرجع لي مالي غيره يا الجازي مالي وطن بعده
الجازي و هي تكفكف دموعها : أهدي يا قلبها أهدي




علموا أب و أم نواف بدخول الجد للغرفة قاموا له ..
أم نواف بغضب : أنت وش اللي سويته يا يبه ؟؟
جنيت يا يبه فيه احد يضرب بها الشكل ..؟؟
يا يبه أتق الله في المسكين ...
مو كفاية أنه يتيم ..
لا أب ولا أم وأنت تجي تكملها عليه ..
أبو نواف : كلمة توصلك وتتعداك يا عم ..
معاذ ولدي و مالك أي حق له ..
ومالك أي شيء عنده ..
لا تعرفه ولا يعرفك ..
تبا أحد يخدمك كاهم العمال والعيال كثار ..
بس مــعـــاذ لاااااااااااااا
نواف وهو يصرخ بين أبيه و جده
: لا أنا ولا معاذ بنجلس عندك بهذا المكان
باكر بأمشي وأخلي المكان لك
الجد صقر : الله معك
كان هذا رده الوحيد على نواف فقط ..











غادر روح غلا ..
ثم غادر جسدها
أما عمر لا حياة فيه بعد اليوم ..
متمدد وسط الظلام بغرفته ..
ضام المخدة اللي تضم ريحة غلا ..
و جالس يبكي بكل ألم بكل قهر ..
وده لو أنه رحل معها ..
ودهــــ

آهـــ يا غلاي من لي بعدك
من بيسعدني مثلك
مين بيشاركني الحلوة و المرة بعدك
مين بيلمني مثل ما كنتي تلميني
مين بيضحكني و يبكيني
مين اللي بيوصل بي لحدود السماء
مين بيهبل فيني و ما بيترك فيني عقل
مين بيملي علي المكان و الحياة
مين يا روح عمر .. خبريني مين ؟؟








أما صمود غادرت الغرفة ثم عادت ..
ووقفت وهي تحاول أنها تكون قوية لأجله فقط
: خــــــلاص حــــــــرام علـــــيــــكم ..
والله حرام
أرحموه من هواشكم ..
خلاص أطلعوا برى أبي أعالجه بروحي
أطلعوا ....... أطــــلـــــعــــــوا

غادروا الرباعي الغرفة متفهمين الطلب عدا الجد صقر ..
سحبوه نواف و أبيه من الغرفة ...
جلست على السرير وقلبت معاذ على بطنه
قصت قميصه من الأعلى للأسفل بالمقص

وضعت يديها على فمها بشهقة باكية من منظر الجروح النازفة
: آسفة ي روحي آسفة ..
أنا ببقى معاك مثل ما تبي ..
بس تحمل الألم على شاني ي روحي تحمل

بدأت تداويه
و فترة تركز نظراتها على ظهره المجروح
تتأمل آثار جريمة جدها
آثار سوطه وقسوته
تلمس جروحه بأصابعها
أزاحت شعره وقبلته على عنقه من الخلف
وقالت بهمس : بوقف معك ..
و أتحمل كل شيء مثل ما أعلنتها أنت ببدأها معك ..


) بعد ما تعب و بعد جهد ما منه كل شيء ... ما بقى معه
شيء فقد الأم و الأب و الشهادة و فقد الصديق ثم القوة .. لتأتي إليه فتطلب البقاء معه !!! (

عقمت جروحه وغطتها بلاصق متفرق ..
لان جروحه منتشرة بظهره ..
و ركزت نظرها للضربات المتفرقة على فخذه الأيمن ..
تراجعت قليلا وشعرت بالخجل لكنها ..
ارتاحت بأنه نائم لذا قصت بنطلونه ..
وعقمت الجروح المتفرقة و غطتها بلاصق أيضا ..
تدري أنه راح يتألم لوقت طويل
ويسخن والصدمة كانت هذي بس بداية الطريق
لكنها وعدت نفسها أنها راح تكون معه ولا راح تخليه أبد ..

غيرت الضمادات المعقمة..
ومثل ما توقعت حرارته ترتفع وسيبدأ في الهلوسة عما قريب ..



بعد ما تأكدت أنه أنضم لعالم الأحلام جيدا ..
خرجت من الغرفة وواجهت جدها غانم و باقي الرجال الكبار ..
ونواف ومحمد و أحمد و خالتها ..
و هذا الشيء حسسها بالإحراج كثيرا ..




فيصل : ها إيش رأيك يا قلبو نروحُ لمكه ؟
شوق : والله مابوه مشكلة
فيصل : يعني فيكي قوه ؟
شوق : أكيد عاد مكة بتجيني لها القوة مسرعه
فيصل : هههههههههههههه طول عمرك مجنونه
شوق : مجنونه فيك والله
فيصل : آآآهه منك بسَ
شوق ناظرته : يا زينك
فيصل : وزينك .. طيب يا حرم فيصل خلينا نقوم نجهز حالنا للرحلة
شوق : راح نطول
فيصل : لا أنتي تعبانه نروح مكة من دحين و نرجع بالليل أو بوكره إيش رأيك !
شوق : مره حــــلو
فيصل : أجل خلينا نقوم
شوق : يالله حبيبي





الجد غانم اللي أول ما وقف تمسك بالكنبة بقوة
: ها يا أبوك كيف جروحه ؟

صمود نزلت رأسها ما كانت بتتكلم
لكن تذكرت عاشقها كيف كان ينقذها بلسانه السليط
قوي لا يهزه شيء .. فضعفه الآن محتاج لقوة
لذا رفعت رأسها فقد تبدلت نظراتها وواجهتهم بقوة
اقتدت بقوة و مدى طلاقة لسان عاشقها
: ما هو بخير محتاج عناية .. و اليوم تبعدونه من هنا الـــــيـــــوم .. و إذا ما تقدرون أنا بأخذه معي لمكان ما أدرس .. وراح أستأجر شقة وبخليه معي ..
لا أنا و لا أنتو نتحمل العذاب اللي يعيشه ..
و لا الجرح و لا الألم اللي فيه لذا بأخذه و أبعده عنكم
الجد غانم : برسله لصاحبه عمر برسله لهنآك
صمود : زين .. جروحه مؤلمه و شكله مطول على وجعها
و بيسخن لذا أنا أقول نسافر في هذي الأوقات ..
الجد صقر وهو يتدخل بكل شموخ وكأنه لم يفعل شيء
: ما هوب طالع من هنا و مالك دخل بالرجال
صمود ضاعت قوتها بثواني ورجعت لصمود الضعيفة تراجعت للوراء حتى تمسكت بأبيها
: مـ .. مالك أمـــــ...ـــــر مالك أمر علي ..
هذا أبوي عايش ومعاذ بظل أحمل جميله لي ..
و بوقف معه مثل ما وقف معي
الجد صقر : مانتيب رايحتن معه ولا أنتي بحابته ..
و لا أنتو بمعرسين على بعض ..
والله اللي رفع السماء و الأرض سبع و وحده العالي في سماه أنكم ما تعرسون على بعــــــــض



دخل ماجد وهو يركض و ينهي صرخات الجد الثائر
: طويلين العمر
محمد : هلا ماجد .. علامك ؟
ماجد : شكلي بظل طول عمري أزف لمعاذ خبر شخص يموت
أحمد اللي وقف : ليه من مات هذي المرة ؟
ماجد : زوجة عمر
أبو عمر : جـــــــــد !!
ماجد : إيه طال عمرك تو وصلني الخبر .



صرخوا الكل و من بين تلك الصرخات
اعتلت صرخة معاذ الذي بداخل الغرفة ..
و دخلت له أم نواف بخطوات سريعة ..



جالس على السرير وأم نواف ساندته بصعوبة
تحاول تقنعه يأخذ المسكن عشان يهدأ ألمه وينام
بس معاذ مو راضي يشرب منها شيء ..
ما غير يتألم و يأن بالـ آآآآآآآآآآآآآهـ ....
أم نواف بقلة صبر : يا يمه خذ المسكن بيخفف عليك الألم
يصرخ و يأن بجنون و يصر على أسنانه : آآآآآآهـ ما أبي آآآآآآهـ أبي ابوي ما أبيكم ودوني لأبوي آآآآهــــ يبااااه
أم نواف : والله هذا مسكن بيريحك )بكت( يمه تعوذ من الشيطان يمه ... بسم الله عليك أبوك توفى من زمان يا وليدي
صرخ معاذ بجنون أحقا مات أبيه : لاااااا ماااا ماااااات أبووووي ما ممااااااات يبـــــــااااااهه يبـــــــــاهه تعال يبـــــه .. تعاااااال خذني لا تخليني معهم تعال يبه .

دخل أكرم و جلس بجواره فاحتضنه : بس يا وليدي لا تعذب نفسك إهدأ لا يجن حالك إهدأ ... هذاني معك إهدأ

بعد ما هدأ تدريجيا قلبوه على بطنه برفق لجل يخففون من الضغط على الجروح ..

و عاد معاذ للـ البكاء والنحيب ..
فالألم لا يحتمل أبــــــــداً..
أم نواف : خذ المسكن ي يمه يريحك وتنام
دفن وجهه في الوسادة دليل الرفض القاطع ..

:
ما أبي شيء ما أبي آآآآآآآآآآآآآآهـ ..
بروح لعمر بجلس معه هو يحبني أكثر منكم ..
ما أبي شيء منكم ما أبي روحوا عني
اتركوني خلوني أعيش مرتاح
عمري ما حسيت بالراحة من صباي لشبابي
بأروح للي أحسن و أكرم منكم
بأروح له و أرتاح منكم
عمر آهــ يا عمر تعال خفف عني أوجاعي يا عمر
آآآآآآآآآآآآآآآآآآآآآآآآآآآآهـ



رأى الجد صقر أمامه و صرخ مبتعدا عنه لكن الذي قاله الجد صقر أخرسه تماما : عمر مرته توفت و ما هوب ناقص تكمل عليه بجروحك

يسخر من آثار ضربه , يسخر من الألم
الذي خلقه بجسد ذلك المسكين ..
لكن معاذ وقف رغم الألم الذي به ..
و بدأ يمشي بالقوة يريد أن يصل إليه ..
يريد أن يقف بوجهه ..
يريد أن يتحلى بتلك القوة ..

يريد هذا حقا ..
لكن لطالما الذي نريده لا يتحقق ..

سقط بقوة على وجهه .. وضرب رأسه بحافة السرير ..
[

: 4 :







أمن عاصف يا قلب نمضي لعاصف ..

ألم يسأم البحار زمجرة البحر ..؟؟

و من موقف باك على أذرع اللقاء ..

إلى موقف دام على راحة الهجر ..

و من وقع سيف نام بين أضالعي ..

إلى وقع رمح راح يوغل في ظهري ..

ألا فامنحيني هدأه .. رب هدأه ..

ترد شتيتاً من ظنوني و من فكري ..



المرحوم بإذن الله : غازي القصيبي








رأى الجد صقر أمامه و صرخ مبتعدا عنه لكن الذي قاله الجد صقر أخرسه تماما
: عمر مرته توفت و ما هوب ناقص تكمل عليه بجروحك

يسخر من آثار ضربه , يسخر من الألم
الذي خلقه بجسد ذلك المسكين ..

لكن معاذ وقف رغم الألم الذي به ..
و بدأ يمشي بالقوة يريد أن يصل إليه ..
يريد أن يقف بوجهه ..
يريد أن يتحلى بتلك القوة ..

يريد هذا حقا ..
لكن لطالما الذي نريده لا يتحقق ..

سقط وضرب رأسه بحافة السرير بقووة..
وقبل لا يدرك أو يستوعب اللي صار له ضرب وجهه الأرض مرة أخرى وجسمه أيضا ..
و غاب عن وعيه تماما وتقدم ذلك الجد الحزين ..
و أمسك معاذ بيدين مرتجفة خائفة يقلبه على ظهره وشاله عن الأرض ..
وصرخ على الموجودين
: روحــــــــوا جــــهزوا السيــــــــــــارة
فخرج يهرول بجسد معاذ و دم رأسه لم يتوقف عن النزيف



صمود ..
يصعب ضميري أن يتخيل تلك الحالة التي وصلت إليها ..
عندما رأت ذلك سقطت على ركبتيها تصرخ و تبكي بألم ..
فقبل قليل كادت أن تسمح لها الفرص بالبقاء معه ..
لكن ذلك الجلمود ..
حطم جل ما تمنت ..





أم نواف ..
ممسك بها زوجها صلاح المغلوب على أمره ويمشي بها ..
وكل منه يحمل نفس الألم نفس الحزن تجاه ذلك الكسير ..





نواف ..
قبل أن يخرج من المكان صرخ بوجه جده كلمات ..
ربما ثلجت المشاعر .. و ربما بردت الأحاسيس التي به قليلا ..
: الله يطول بعمري وأنتقم منك لأجله ..
غلطة عمر أنك تكون جدي .. ؟؟
أي جد ..؟؟
أي جد يكون بذي الهمجية بذي القسوة .. ؟؟
أي قلب تملك .. ؟؟
ولا الصخر بذي القسوة ..
و لا المجنون يسوي كذا
لكن لااااا ..
ما راح أسمح لك تكمل اللي تسويه فـــــاهــــم ..
معاذ أخووي تعرف إيــش يعني أخـــــــــــوي ..
يعني أقتلك إن قربت منه ولا علي فيك ولا في غـــــيـــــرك










خرجوا مع فهد إلى منزل أهل غلا ..
* طبعا هما جيران من سنين والباب جانب الباب *
كان المكان حزين جدا صرخات الأم لم تكف عن الهدوء أيضا ابنتها ..
الجدة و أم فهد و ألجازي و نوف يحاولون أن يفعلون ما بوسعهم لتهدئتهم ..
لكن أي حزن سيهدأ بعد وفات ابنتهم ..
التي كانت هي بسمة و فرحة البيت ..
أي شوق طار في مهب الريح سيهدأ بعد تلك الشهور ..

نوف * وهي تعانق شقيقة غلا * : بس أهدي خلاص أذكري الله ما يصير اللي تسوينه والله ما يصير
عهد : رااااحت أختي يا نوف راحــــت راحت أغلى ما أملك .. من وين بعيش بعدها من وين قولي لي تكفين ..؟؟
نوف : يا ربي يا عهد والله هذا يومها .. وكلن له يومه .. أهدي خلاص أرحمي نفسك و أرحمي أمك معك
عهد تنتحب : ما أقدر والله ما أقدر هذي غلا يا ناس غلا من يفهمني
نوف عانقت عهد بقوة و جالسه تهديها لكن عهد صعب تهدئتها ..








وصلوا فيصل و شوق الشقة بعد رحلتهم لمكة ..
شوق وهي تتمدد على الأريكة : آهـ يا ظهري يوجعني حيل
خلاص تعبت مو قادرة أتحمل أكثر
فيصل يجلس على ركبه ويضم يدها : يا قلبوا أتحملي ..
خلاص ما حنسافر إلى بعد ما تولدي يا حبيبتي
شوق : يا ربي خايفه و تعبانه ظهري أنكسر خلاص
فيصل : أروح دواء لك يا قلبوا يالله تعالي أروشك و أنومك بين أيديني
شوق : ما فيني أقوم
فيصل وهو يحملها بيديه بحذر
: لا تتعبي حالك / قبلها بحرارة
بعدها دخلوا غرفة النوم ونزل مَ عليه عليها ..
و بعد ما تحموا جفف جسمه و لبس ..
و رجع جففها و لبسها قميص نوم قصير من الحرير و مددها بين يديه على السرير








وصلوا به إلى المستشفى ودخلوا بجسده لقسم الطوارئ ..
و أمضوا ساعات طوال في ساحة الانتظار ..
حتى خرج الطبيب و طمئنهم ..
و أخبرهم بأنه سيفيق بعد بضع دقائق ..





دخلوا عنده نواف والجد غانم وصلاح وزوجته فقط ..
كانوا جالسين حوله عدا منال جالسة عند رأس معاذ تمسح على يديه و ذقنه و على شعره الذي ما يزال جاف بسب الدم
وبصوت حزين كسير : يا رب أنك تلطف بحاله يا رب
صلاح : أهدي يا منال أهدي أرحمي نفسك واللي ببطنك
منال : من وين أهدأ و المسيكين من أصبح لجرح و جرح
صلاح : والله ما بيدنا شيء , أبوك مدري وش اللي برأسه
الجد غانم : محدن بيوقف بوجهه غيري . أنا أدري وش اللي يباه بس هذا الشيء ما راح يتم لا بالطيب ولا بالغــصـــــب
نواف جلس بين قدمي جده و برجاء : الله يخليك يا جد .. قولي وش السالفة حلفتك بالله العلي العظيم أنك تقول لي
الجد غانم : أستغفر الله يا ولد لا تحلفني
نواف : حلفتك ب الله العلي العظيم وجهتك ب الله وأسألك بعزة جلاله إلا مجاوبني بالصدق
الجد غانم : أستغفر الله العلي العظيم .. يا ولد لا تحلفني والموضوع بيبقى بعيد عنكم
نواف : والله أنك تقولي .. أنا مو جاهل ومعاذ يهمني ..
معاذ أمانة برقبتي أبحتفظ بذي الأمانة محدن بيتحمل ألمها غيري ..
قولي تكفى خليني أحتفظ فيه ومو ناقص يصيبه أكثر من كذا ..







رحل أغلب العائلة للرياض .. تاركين خلفهم
صمود ومعها حنين و محمد ..




حنين التي استيقظت قبل قليل و كانت حاضنة صمود وتهدي فيها
: صمود ي قلبي أهـــــدي أهدي .. قولي لي وش اللي صار
صمود : كله منه .. والله أنه ليقتله مثل ما قال .. يقتله
حنين : وش تخربطين يا صمود .. من ذا اللي يقتل من؟
أنا مو فاهمة شيء فهميني وش اللي صار ..؟؟
صمود : جدي صقر راح يقتل معاذ يا حنين يقتله
حنين بشهقة : وش ذا الكلام اللي تقولينه ؟
صمود : اليوم ضاربه ب السوط .. وجاء يتمسخر عليه يا حنين .. جدي فقد عقله .. فيه شيء وراء اللي يسويه صدقيني فيه شيء
حنين : يا ربي وش ذا اللي تقولينه مو مصدقة أبد مو مصدقة
صمود : معاذ طاح علينا وضرب رأسه بحافة السرير يا حنين .. الولد بيموت وما في حد راح يقتله غير جدنا
حنين تضم صمود : يا ربي .. خلاص أهدي إن شاء الله ما يصير شيء يا حبيبتي أهدي .. خلاص يا قلبي لا تقطعين لي قلبي أهدي ..

دخل محمد الصالة العلوية بهذا الوقت وجلس في الكنبة المنفردة بعيد عن الفتيات ..
ملقي برأسه بألم وحزن .. على الاثنان عمر و معاذ






استيقظ معاذ بألم و كان يحس بدوخة .. و ما هو قادر يركز في اللي حوله
قاموا له الأربعة .. منهين الهمسات التي تمت قبل قليل ..
الجد غانم : الحمد الله على سلامتك يا أبوك
صلاح : ما تشوف شر يا أبوك
نواف : الحمد الله على سلامتك يا معاذ
منال : يا يمه ما تشوف شر يا قليبي ما تشوف شر
أما هو بدأ يستوعب شيئا من الذي حصل و لكن رؤيته لذلك مجددا جعلته يصرخ بحزن و بأسى ( وش جابك ؟ وش اللي ما أخذته بعد ؟ آوه نسيت تبي تقتلني صح ! تحـــــلم ما بعدني حققت اللي برأسي و بدري على موضوع قتلي يا عم بدري )
أبعد عني خلني أرتاح منك أبعــــد
التفتوا للوراء فوجدوه واقفا هناك بكل شموخ ..
نواف بصراخ : وش اللي جابك ..؟؟
صلاح : نواف عيب أستح ذا جدك
نواف : واللي يسويه ما هو عيب ..؟؟

هدؤوا لأن الذي قاله شيء صحيح حقا ..

.. أما الجد تقدم إلى معاذ .. غير مبالي بالذي يقال له .. و نطق الجمل مجددا :
عمر زوجته توفت .. مدري إذا بتروح له أو لا؟ بس الأحسن أنك تبقى بعيد عنه لأني ما أدري بيتحمل حزنه و إلا بنته الصغيرة و إلا أنت واللي فيك ؟
معاذ وهو يتنهد بقوة وبشكل ملحوظ ويحاول أن تخرج الكلمات من لسانه كما يريد .. جلس بكل قوة وأمسكت به أم نواف
: الجميل اللي سويته لي أنك قلت لي ذا الخبر ,,
لأني متأكد أن الغير ما بيقولون لي لسلامتي ..
لكن تأكد أن عمر أعظم منك ..
و مو هو اللي يعوفني ..
ولا أنا اللي أزيده حزن على ما به من ضيقه
وألتف لجده غانم وبصوت مرتجي :
تكفى أبا أروح له
الجد غانم : بس يا وليدي أنت اللي بك يصعب لك تسافر
معاذ : ما عليه بتحمل يا الغالي بس خلني أروح له الله يخليك
الجد غانم : أنت مريـــض محتاج للراحة يا وليدي
معاذ : لا تشيل همي الله يخليك
صلاح : بتروح يا وليدي بس نواف يكون معك



هيفاء : الجازي وش فيك ؟
الجازي صامتة .
هيفاء : يمه يا قلبي .. الجازي انطقي قولي شيء
الجازي على نفس حالها .
هيفاء : حبيبتي الجازي وش فيك ؟؟
يــــــا ربببببي الجازي خلاص ما صارت من دريتي أنها ماتت انبلمتي وش صار عليكك تكلمي فديتكك .. الجازي .. الجـــــازي .. الجـــازي تككككلمممي
لا حس و لا حركه أيضا ساكنة صامته منذ ان سمعت بذلك الخبر .
أما هيفاء تحاول معاها تتكلم . لكن كل المحاولات باءت بالفشل .
لا تعلم هل هو حزن ..
أم فرح ..
أم شيء لا تعرفه ..





لحظة صمت اكتفى بها الجميع ..

الجد صقر .: وش له بعد ..؟؟
صلاح : لحدن يسأل عن السبب و معاذ م يتحرك خطوتن إلى و نواف معه
معاذ : وش له ؟؟ .. أنا أعرف أدبر أموري
صلاح .: قلت لكم لحدن يتعمق ..
الجد صقر : لا تتكلم بالألغاز يا صلاح .. ووش لهم ببعض هالأثنين ؟؟ .. معاذ مو منا و مالنا دخل فيه و نواف ماله شغل بأحد ..
معاذ بدأت تتكرر الجملة مليون مرة بأذنه * مو منا و مالنا دخل فيه *
: معاذ ولدي و نواف أخوه وهم بعد أحمد و نوف أخوانه
الجد صقر : وش تهذري أنت وش تخربط ..؟؟
صلاح طنش الجد صقر وناظر معاذ : معاذ يبه ما أبيك تخطي خطوة إلى و نواف داري فيها .. أنت وصية برقبة نواف وأمانة لازم يأديها إلى أن ربي يأخذ الروح تعرف وش يعني وصية ..
معاذ بحزن : أنا وصـــيــــة ..؟!!
تقدم نواف : إيه يا معاذ أبوك دائما يزورني بالمنام ويوصيني فيك ودائما يحذرني و يقول لي أنتبه لك
معاذ بحزن عميق : أنت تشوف أبوي بالمنام ؟؟ و تكلمه كل يوم ؟؟ و أنا اللي مشتاق له و أبي أسمع صوته
نواف وهو يلم معاذ ويحاول أنه ما يلامس الجروح : ربنا رحيم يا معاذ ربنا رحيم
قدر صلاح ينهي النقاش بطريقة غير ملحوظة ..
لكن لن تفوت تلك اللحظات عين ذلك الجد القاسي ..

و ختمت الأربعة البارتات الأولى
و راح أنزل البقية في الليل إن شاء الله
أريد أن أخبركم بأمر أحبتي أن الرواية
كاملة عندي لكن أوقاتي ضيقة
لذا أنزل أجزاء و ابتعد لكن
إن شاء الله ما أتأخر عليكم
و استودعكم الله لحتى التقيكم في أقرب وقت ?