بنفس البارح
قرأ نبذتها التعريفية
)في 1991 ولدت الأسطورة
يقال أن هناك فتاة على قانون الطبيعة
متمردة
مخلوقة متذبذبة بين البشر والملائكة
وتشير الدراسات أنه على الأرجح إنها تكون أنا(
ابتسم بسخرية:ملائكة مرة وحده أنتي اقذر
من البشر
ناظر متابعينها اللي أكثر من400 ألف
وضغط على اللي هم تتابعهم
جراح الكاسر
سمارا الكاسر
صحيفة سبق
صحيفة عاجل
عبدالله السامي
والفنانة أحلام>>لزوم الطقطقه
وكذا شخص مهم
جلس يفكر من ذا عبدالله السامي
دخل على اكاونته وعرف من نبذته التعريفية
أنه سكرتير جراح
رجع ودخل على سمارا وكانت الصورة ماتفرق
كثير عن أختها ونبذتها التعريفية )البايو(
كانت عبارة عن شهاداتها وكذا
>>يعني تدل على وحده جدية
طلع وسوا له حساب ثاني باسم مزيف
ورجع لحساب نارا من جديد وسوا لها فولو
مايدري ليش يسوي كذا بس يبي يعرف أخبارها
يبي يكشف تربية جراح الفاشلة للناس كلها
عشان الكل يشوف وش طلع من نسل المثالي
___________
نرجع لمؤسسة الكاسر مجددآ
رن جوالها وهي جالسة تشتغل تأففت وهي
معصبة:ويقولون ليش ماتشتغلين ليه هو فيه
أحد تاركني بحالي
ردت بدون نفس:الو
لاحظ أحمد تضايقها:آفاا ايش فيها نانو
معصبة
نارا تركت القلم اللي بأيدها
وسندت ظهرها
على الكرسي وقالت بدلع:لأن توقيتك غلط
أحمد يتصنع الزعل:آفاا والله هذا وأنا مدرعم
على جوالي عشان اعزمك
نارا رفعت حاجب:تعزمني ؟ ,,على ايش
أحمد وكأنه مخترع الذرة:ريتاج مسويه حفلة
نارا ميلت فمها:ريتاج بنت الوزير ماغيرها
أحمد:ايوه ريتاج بنت الوزير,,ليه فيه شئ
نارا بدلع رباني:لا مافيه شئ,,بس متى الحفلة ووين
أحمد:الليلة في xxxxx
___________
ناظر شاشة الكمبيوتر وقال:خلصنا ؟
-رفع اكتافه-ماكان صعب
ابتسمت فيه ثقة تعجبها,,ثقة تشعل الفضول
بداخلها,,من لما كانت صغيرة وهي تحب
تعرف كل شئ عن اي شئ تشوفه
والحين تبي تعرف كل شئ عن تركي
تركي الحين بمثابة تحدي جديد لها لازم
تفك كل شفراته,,قالت بثقة
:من قالك إنا خلصنا,,باقي أشياء كثيرة ياسيادة
المدير
تركي التفت لها وهو عاقد حواجبه:
أشياء مثل ايش بالضبط
سمارا حكت رقبتها بتوتر:أشياء بتعرفها في وقتها
-وقفت تتهرب-يالله أنا بروح لشغلي
باي
تركي وهو يطالع فيها وهي تمشي:باي
________
الساعة 2 الظهر
أسـوء شـئ هـو الأنتـظار
ثـم الأنتظـار
ثـم الأنتظـار
ثـم لا شـئ ....››
جالسة تنظف المطبخ بعد الغداء
كعادتها ملت أبريق الشاهي مويه وحطته
على النار,,جلست تطالع الحوش من شباك
المطبخ وهي تفكر في البعيد
اليوم وبدون مقدمات حست بالطفش من
حياتها,,ومقلقها هالشعور ليش اليوم بالذات بس
طفشت من حياتها الروتينية
ماصحت من افكارها ألا لما انسكب
القليل من الماء اللي فالأبريق على الفرن
بسبب الغليان
طفت النار وسكبت المويه على أكياس الشاهي
بالترمس
دخلت رسيل تركض:عنيد عنيد
العنود التفتت لها ووقفتها بأيدينها قبل لاتصدم
فيها
وقالت:خير وش فيك
رسيل بدلع:جبت لك خبر الضيف اللي عندنا
عرفت ليش جاي هنا
العنود تخصرت بأيد وضربت وجه رسيل بالمنشفة
اللي كانت بأيدها وقالت بدون أهتمام:وليش
جاي ياسبق
رسيل بفرح وهي تهمس وتراقب الباب:جاي يخطبك
العنود التفتت لها بسرعة وهي مفجوعة
وقالت بصوت عالي:تكذبين
رسيل وهي تطالع الباب بخوف: اششش
اسكتي لاتفضحينا ,,تراه للحين هنا
العنود طالعت الشباك وهي مفهية
هي تنخطب,,آخر خطيب جاها لماكانت
بعمر22 ,,كانت دائم ترفض لأنها مستحيل تترك
البيت كله على رأس امها لوحدها ورسيل وقتها
كانت صغيرة
التفتت لرسيل وقالت:طيب مين هو ومن قال لك
رسيل وهي تناظر اظافرها:والله هذي مصادري
الخاصة
العنود بقلة صبر:يووه رسيلوه وبعدين
خلصيني من قال لك
رسيل:قالت لي رنا-بنوع من الفخر-ارسلتها
وقلت لها روحي شوفي الضيف اللي لفانا
وشلون شكله وجاتني بالخبر
العنود وهي تضربها على كتفها: وجع أن شاءالله
بتعلمين البزر على التنصت
رسيل وهي تمسك كتفها:اااي عنيد عورتيني
وبعدين هذا بدال ماتشكريني -بأستغراب-
الا صح وش فيك مافرحتي
العنود رفعت راسها بشموخ تخفي فرحتها
:ليش شايفتني عانس ماصدقت انخطب
-مشت وهي تأشر لها-جيبي الشاهي لغرفتنا
اوكي
مشت بسرعة أول ماطلعت من المطبخ ودخلت
الغرفة وسكرت الباب واطلقت صرخة
فرح كانت كاتمتها,,جلست قدام المراية المسندة
على الجدار وفكت شريطة شعرها
لينسدل بنعومة على ظهرها جلست
ترتبة وهي مبتسمة,,راح تصير عروسة
وبتلبس فستان أبيض و و و
وسرحت بأفكارها,,هذي أمنية اي بنت أنها
تتزوج وتصير ملكة بفستانها الأبيض
وتجيب أطفال وتكون أسرة وتستقر بحياتها
انفتح الباب ودخلت رسيل بالشاهي
وقالت وهي تناظرها مبتسمة:الله الله بديتي
تفكرين بتسريحة شعرك بزواجك من الحين
العنود لفت بجسمها لها وقالت وبأستخفاف
:لا الحمدلله للحين محتفظة بعقلي مو
مثل غيري
رسيل بأستهبال وهي تصب الشاهي
:والله العقل هذا مو كويس,,يعني يجيب التفكير
والهم,,الحياة كذا بدون تفكير وتخطيط أحسن
العنود أخذت كاستها وجلست تشرب بصمت
رسيل زحفت الين جلست جنبها ودقتها من
كتفها بخبث:عنودة بالله قوليلي كيف إحساسك
العنود التفتت لها وهي معصبة: انقلـ .....
انفتح الباب ودخلت ام تركي وهي مبتسمة
:ماشاءالله مسويات شاهي وماقلتولي
العنود وهي تتربع:حياك يمه تعالي
ام تركي دخلت وجلست وناظرت رسيل
:رسيل قومي غسلي الملابس
رسيل وهي تطالع العنود:طيب يمه بغسلها
شوي بعد مااتقهوى
ام تركي:لا قومي اغسليها الحين أحسن
الشاهي لاحقة عليه
رسيل لوت فمها وقالت بدلع:لايمه
خليها شوي بلييز
ام تركي تنهدت وقالت:رسيلوه قومي الحين
ابي أختك بسالفة
العنود حطت ايدها على فمها تكتم ضحكتها
من وجه رسيل اللي تلون
رسيل:لا يمه تكفين ماعمري شفت الخطوبة
كيف تصير
ام تركي توسعت عيونها:وش خطوبته
أنتي من قايلك هالكلام
رسيل حست نفسها توهقت لو درت امها أنها
قايله لرنا تتنصت على مجلس الرجال
كان ذبحتها,,قامت وقالت بخوف:
ولاشئ يمه الحين رايحة
طلعت وسكرت الباب
ام تركي التفتت لعنود وقالت بحنان
:شوفي يايمه,,قبل شوي جاء واحد وخطبك
رجال والنعم فيه

العنود بعدت شعرها وراء اذنها بحياء وقالت
وكأنها لتو تدري:ومن ذا يمه
ام تركي وهي تتذكر الأسم:هذا يونس الحامد
تعرفينه صح
العنود وهي تعقد حواجبها:لا يمه مااعرفه
أول مره اسمع فيه
ام تركي:وشلون ماتعرفينه,,هذا يصير ولد خال
ابوك الصغير
العنود وكأنها تذكرت:ايوه صح اذكر قد
سمعت بالعائلة ذي بس هو مااعرفه-بخجل-
قوليلي ايش تعرفين عنه
ام تركي:والله حسب اللي قاله لي تركي
أن عمره حول الـ37 وهو رجال معروف بطيبه
ويشتغل وحالته زينة متوسطة يعني بس...
العنود كانت مندمجة معها وكل شئ لحد
الآن مثل ماتبي بس )بس( هذي مااعجبتها
قالت بأستغراب:بس ايش يمه
ام تركي:بس أنه متزوج وعنده أولاد
العنود توسعت عيونها على آخر شئ وقفت
وهي مصدومة وتردد ببلاهه:متزوج
وعنده أولاد
ام تركي وهي توقف معها قالت بنفس النبرة
الحنونة:يايمه هذا ماهو عيب,, مافيها شئ
ضاع الحلم الجميل اللي رسمته كل شئ
انتهى وتبخر قالت بصوت عالي: أجل وش هو
العيب إذا كان ذا مو عيب,,وش تنفعني به
إيجابياته إذا كان ماراح يكون لي لوحدي
دخلوا رسيل وتركي على صوتها العالي
تركي بصدمة:وش فيه ,,وش صاير
العنود وهي تتخصر:سلامتك مافيه شئ
بس روح قول لعريس الغفلة ذاك أني مو
موافقة
رسيل بأستغراب:ليش عنوده
العنود وصوتها يرتجف:لأنه متزوج وعنده عيال
-التفتت لتركي-وش على باله هو مفكرني أني
عنست وطحت بكبد نفسي عشان اوافق عليه
ولا من زود محاسنه واثق الأخ أني بوافق
تركي تنهدت كان يعرف أن هذا ردها
قال:خلوني مع عنوده لحالنا
ام تركي استغفرت بصوت عالي واخذت رسيل
معها وطلعوا
العنود جلست وحضنت نفسها وهي تشوف
تركي يقترب منها
تركي جلس بجنبها:اسمعي يالعنود أنا
ماراح اجبرك على شئ,, بس أنتي تعرفين الوضع
يعني أنتي ماعدتي صغيرة عشان
العنود تقاطعه وهي مصعبة: عشان ارفض
براحتي,,تبي تقول أني عنست وماراح احد
يتقدملي بعد ذا صح,,تبي تقول أنه ماراح
أحد يخطبني الا متزوج والا شايب صح
هذا اللي تبي تقوله
تركي تنهد وقال بنفس النبرة الحانية
:لا مو ذا اللي كنت بقوله,,بس أنتي تعرفين
نفسك أكثر من اي احد ثاني ,,صدقيني عنودة
يونس رجال ماينتعوض-طالعها وهي ضامه
نفسها وتهتز بغضب وساكتة قال-
عمومآ خذي وقتك وفكري زين -حط ايده على كتفها-فكري بنفسك
طالعته وهي ساكتة وابتسم بوجهها وطلع
تنهدت وشدت شعرها لوراء:أستغفر الله
قال اتزوجه قال
‏___________
9:00 م
فـي أحضـان الـتمـرد ,, ارتـمى الجمـال عـاريآ...››
متمدد على السرير وجواله بجنبه
اليوم أطول يوم بحياته الحياة بدون شغل
مو حياة
جلس يغني أغنية قديمة كان يحبها
:أنا صاحي لهم,,وعيني عنهم مش غافلة
دارس طبعهم..عارف قصدهم واتجاهله
طلعت من غرفة تبديل الملابس وهي لابسة
عبايتها وحاطه طرحتها على كتفها
وتشيل شنطتها بأيدها ,,ابتسمت لاإراديآ وهي
تسمعه يغني,,شئ نادر جدآ لازم يتصور فيديو
ويحط بالمتحف
رفع نظره لها وابتسم بسخرية:ما شاء الله
وين رايحة يامدام
علا بهدوء:بروح اتسوق
عزام ناظر ساعتة وقال بنفس النبرة
:الحين بهالوقت -بسخرية أكثر- ومن بيوديك ؟
علا ببرود أكبر:السواق
عزام قام من على السرير ووقف:
أنتظريني بروح ابدل ملابسي واوديك
علا بأستغراب:غريبة,,وش صايرلك اليوم
عزام وهو يمشي للغرفة الملابس:اقول
أنتظريني بس ماعندنا بنات يطلعون مع
السواقين بنص الليل
دخل وبدل ملابسه بثوب وشماغ وكذا
يعني شئ مرتب
وطلع وهي كانت تنتظره بالغرفة
لفت طرحتها على شعرها كويس ومشت وراه
طبعآ عزام راح لأنه طفش من البيت
ركبوا السيارة وكانوا طول الطريق
ساكتين ,,كل واحد ملتهي بحاله
وقفوا قدام المجمع عزام ناظره من الشباك
:يالله أنا انتظرك بالسيارة ,,لاتتأخرين
علا ماعاد تستغرب منه شئ يعني جاي معاها
ويجلس بالسيارة ويخليها تروح لوحدها
صارت تفهم مزاجيتة وماعاد يهمها أساسآ
نزلت من السيارة بهدوء
عزام جلس يطالع الناس اللي تدخل المول
هذي عائلة طالعة وبزارينهم ماينشافون
من كثر الألعاب اللي يشيلونها كل واحد يشيل
لعبة أطول منه
ضحك وهو يشوف واحد بعمر الـ3 سنوات
يطيح على الأرض,لان سبونج بوب اللي
هو شايله أكبر منه))المفروض هو اللي يشيلك
ماهو أنت((
التفت لبنت لابسة عباية كتف مطرزة ومخصرة
ولثمتها مالها داعي لوتشيلها أحسن
وماسكة جوالها بلاك بيري وتكلم وطالعة من
المول,,اشرت بأيدها وكأنها تلوح لأحد
التفت محل ماتأشر وشاف واحد واقف عند
سيارته ويأشرلها
ركبت معاه السيارة ومشوا
التفت لجهة ثانية شاف بنت لابسة عباية كتف
ماسكة من الصدر وبعدين تتوسع وبوسطة حزام
ذهبي وحاطة طرحتها على كتفها
وتاركة شعرها
الأحمر منسدل على ظهرها بنعومة ولافه
أطرافه بس ولابسة نظارة أطرافها مرصعة
بالألماس
مشت بأتجاه البوابة,,هز راسه بسخرية
:هالبنات كل شوي يفصخون زيادة كلها
10 سنين بس ويقلبون زي الأجانب بالضبط
التفت مفجوع للبنت نفسها وهي تدخل
وقال بشرود:كأنها نارا

فتح الباب بينزل بس حتى لو لقاها وش بيقول
وش جابك هنا,,ليه هو من اصلا عشان يسألها
سكر الباب والتفت للبوابة يشم ريحة صياعة
حاس أنها مو جايه عشان يشتري وبس
بعد10 دقائق بالضبط طلعت وهي تشيل
كيس صغير بأيدها مشت بغرور وغنج وركبت
السيارة ومشت
عزام مشى وراها بسيارته,,طلع نظارته ولبسها
وتلثم بشماغه عشان مااحد يعرفه
فالسيارة الأولى
رفعت جوالها وقالت بدلع:الو,, كيف يعني
ويني جايه بالطريق,,لا ماراح أتأخر أنا
بس رحت للسوق اشريلي روج بس وجايه
,,يالله سي يو
السيارة الثانية
رفع جوالها ودق على علا وبعد فترة ردت
:الو,,هاه علا خلصتي
علا تأففت:لا لسى بدري
عزام هز راسه:حلو,,اسمعي أنا جاتني شغلة
مهمة اوكي,,راح ادق على السواق يجيك
علا فتحت فمها بتقول)مو أنت قلت أنه
ماعندنا بنات يطلعون مع السواقين بنص
الليل(قالت بعدم أهتمام:اوكي باي
سكر بدون رد وكمل طريقه ومافي راسه
الا سؤال واحد وين بتروح أكيد مو للبيت لأن
طريقة مو من هنا

وبعد ربع ساعة
دخلوا حي راقي ووقفوا قدام بيت جميل
يدل على ثراء أصحابه الفاحش
نزلت نارا وهي تناظر البيت بأعجاب
مشت ورنت الجرس وهي تطالع حولها بقلق
أول مرة تروح لهالأماكن بالسعودية تخاف
يكون المكان مراقب وتروح بستين داهية
شهقت وتراجعت وراء بخوف أول ماانفتح الباب
ابتسمت وهي تشوف الخادمة المستغربة من
خوفها ,,تنهدت براحة ماكانت متوقعة أن
الباب ينفتح بهالسرعة,,دخلت وطالعت البيت
كان جدآ عصري وجريئ وألوانه مخبصة بجرائة
باللون الأزرق ودراجاته والأخضر بدراجاته والأصفر
والأورنج
وقفت وجلست تطالع تصميمه بفهاوه كان بيت
خشبي مكون من طابقين ألأنوار تطوف بالمكان
بشقاوة وناس كساة عراة تتراقص على
الأنغام الأجنبية بشكل مقزز
التفتت على الخادمة اللي واقفة عندها طالعتها
بأستغراب
الخادمة طالعت عبايتها وكأنها تقول نزليها
نارا ناظرت عبايتها وابتسمت بأحراج ونزلتها
واعطتها الخادمة وجلست تطالع عبايتها اليين
حطتها بالأدراج,,طالعت مكانها بخوف
هالعباية اللي مضايقتها واللي دائمآ تتنرفز
منها ,,الحين تبيها الحين بس حست بقيمتها
هي موجودة عشان تحميها
مشت للدرج خلاص بتاخذها وتطلع من هنا
فتحت الدرج بقوة
:هاي
نارا التفتت لجهة الصوت ابتسمت بغرور وهي
تشوف ريتاج واقفة قدامها بشموخ وهي
لابسة فستان أسود لنصف فخذها كت بدون أكمام
مفتوح من عند الصدر بشكل٧ وطويلة الفتحة
لنصف بطنها ومفتوح ظهرها كله
مو ماسكة الا x ممتد بطوله
ورافعة شعرها الأشقر شنيون بخصل مموجة
على وجهها البيضاوي حاطة مكياج شوي
ثقيل وروج أحمر ناري يزين شفايفها
نارا سكرت الدرج وقالت بأبتسامة متوترة:هاي
ريتاج توجهت لها وسلمت عليها:
كيفك نانو -طالعتها بغيرة- طالعة تجننين
نارا بأبتسامة تخفي وراها غيرتها: تسلمين
مو أجمل منك أكيد
ريتاج بضحكة عالية مالها داعي مافيه شئ
مضحك يخليها تضحك بهستيريا كذا
قالت برضى من قدها نارا أشادت بشكلها:تسلمين
نارا مشت وهي ترتب فستانها فستان أبيض
ضيق من صدرها وخصرها وبعدين يتوسع
بنعومة لفوق ركبتها يتوسطه حزام أسود
يتوسطة هالحزام بروشه ذهبية بأسمها
يتعلق من أكتافها بخيطين ضعاف مره
تاركة شعرها على راحتة بلفات بنهايتة
وحاطة فاونديشن وراسمة حواجبها اللي
ماتحتاج أصلا ومكحلة عيونها بأسود وروج
أحمر ناري
ماسكة شنطتها السوداء الصغيرة بأيدها وتمشي
معها وهي تطالع المكان بتقرف حاولت قد
ماتقدر أنها تخفيه الخدم يمشون بين المعازيم
بالنبيذ والجدير بالذكر أن كل اللي هنا من الناس
الهاي هاي والـvip ,, ومايخلو كرسي وكنبة
هنا من سكران خامل أو سكرانة خاملة مرتمية
بحظن واحد أسوء حال منها
ناظرت لبسهم بقرف وهي نفسها تطلع كل
اللي ببطنها,,لبسهم تستحي الراقصات من
لبسه
أكتشفت أنها استر وحده هنا
ماحست بنفسها الا واقفة مع ريتاج قدام
شلتهم
جولي وهي تضمها:لك اشتئتلك اشتئتلك
كتييير
نارا وهي تبادلها الشوق:وأنا بعد مشتاقة لك
أكثر من الكثير كمان
بعدت عنها وطالعت بواحد نحيف حنطاوي
مسوي شعره سبايكي وعيونه المتوسطة الناعسة
تطالعها بفرح برهنت عليه شفاهه
صرخت بفرح:فراس-تقلد لهجتة الكويتية-
وش جابك يامعود
فراس وهو يضمها ويستنكر لهجتها:ههههههههههه
وش جابك وش جابك يالظالمة اسمها وش يابك
ياتقلدين عدل ولا لاتقلدين موليه
نارا استنكرت حركتة كيف يضمها كذا وكأن
احد ضاربها على رأسها))أنا كنت اسوي كذا
ايوه أنا كنت إذا سلمت لازم اضمهم((
بعدت بسرعة وهي متوترة حدها هي ليش
جالسة تستنكر هالأجواء,,هي كانت جزء منها
بعدت هالأفكار عن رأسها وهي تطالع طلال
وتمد يدها وكأنها توصل رسالة له مفادها
)بدون ضم لوسمحت(
طلال مسك ايدها وسحبها له وضمها وهو يقول
:هلا والله بنانو -بعد وهو يقرص خدودها-كيفها
الحلوة
نارا عيونها توسعت على آخر شئ وش هالقرف
ذا طالعت وراها وهي تتمنى أن الزمن يرجع
بها وماتجي لهنا
رجعت تناظره وهي تقول بشرود
:تمام
طالعت بأحمد وابتسمت براحة على الأقل
أحمد موجود ومدت يدها له
أحمد صافحها وهو يقول:نورتي المكان ياقميل
نارا جلست وهي تطالع وجوههم:تسلم
فراس وهو يحط رجل ع رجل:وش فيج
نارا مو بالمود كلش
طلال بخبث:لايكون مستحية منا
الكل:هههههههههه
نارا وهي ترجع شعرها وراء أذنها ومبتسمة
:ياكثر مهايطك قال مستحية منه قال
ريتاج وهي حاطه رجل على رجل اشرت للخادمة
اللي مرت من عندهم تضيفهم
طبعآ الكل طلب الا نارا اللي كان ردها المفاجئ
:لا شكرآ
ريتاج بصدمة:ليش نارا
أحمد بأستهبال:لايكون تبتي
نارا بأحراج:لا مافيني شئ بس صدقيني كذا
اريح لي ولكم,,لأني الله لايوريكم أذا شربت
اصير وحده ثانية
فراس بخبث وهي يغمز بعيونه الجذابة
:مو احنا نبي هالوحده الثانية هاذي
نارا اكتفت بأبتسامة
فالجهة الثانية
رن الجرس وعلى طول انفتح الباب
عزام دخل بدون كلمة
الخادمة رفعت حاجب مستغربة من شكله
عزام وقف وهو يناظر الجو القذر من وراء
نظارته
اشكال عمره ماشافها بأوسخ فيلم
معقولة يكون هالمشهد حقيقي
زاد احتقاره لها أكثر وأكثر ((كنت عارف أن فيها
ريحة صياعه,,لكن نهايتك على يدي ياحفيدة
المثالي))
نهاية الفصل الخامس
قراءة ممتعة

تغلق إلى حين عودة الكاتبة