مســاء الــورد

حبيت اقـول ان بـكرة بأذن الله وإذا ربي كتبلي عمر
راح انزل البارت

دخلت السيارة وقالت بتعب:يالله شوبار
مسكت رأسها تحس بألم فضيع يفجره بسبب أنها أمس كانت سكرانه,تندمت أنها شربت اليوم يعني لو أجلته ليوم الجمعة عطلة الحين بتلاقي جدها قالب الدنيا عليها
بكره فضيع وصوت مرتفع:الله يلعن سلطان واليوم اللي عرفت فيه سلطان

شوبار ناظر فيها من مرايه السيارة بأستغراب

نارا انتبهت له:ناظر طريقك

شوبار رجع يناظر طريقه بخوف يعرف كمية العصبية اللي ممكن تفجرها بوجهه

رفعت جوالها ودقت على سمارا
جاها صوتها وكأنها معصبة:خير
نارا بأستغراب:اش فيك معصبة
سمارا:جدي سألني عنك وعصب لما عرف أنك للحين ماجيتي
نارا بلامبالاه:خليه ينقلع هالشيبه بس,اسمعي أنا بطريقي للشركة أول مااوصل بجيك اوك لأنو عندي كلام معاك
سمارا بهدوء:طيب حتى أنا فيه كلام بقوله لك
نارا بفضول:ايش هو
سمارا بأنفعال:لما تجين بقولك اووف,يالله باي
نارا بخيبة:باي
___________
طلعت من غرفة تبديل الملابس ووقفت وتراجعت لما شافته واقف قدامه التسريحة
رجعت للغرفة وجلست تسترق النظر له ,من لما صار اللي أمس ماتكلمت معه نامت مثل كل ليلة كل واحد معطي الثاني ظهره
لابس ثوب أبيض يبرز عضلاته المشدودة وشماغ ,وطووييل جدآ عملاق وحواجبه سوداء مرسومة وعيونه واسعة عسلية ورموشه كثيفة انفه طويل واقف بمنتصف وجهه بشموخ ومحدد له سكسوكة خفيفة

جلست تتأمل فيه مو كل يوم تحصل له فرصة التمتع بجماله
ابتسمت لما شافته يبتسم برضى عن شكله النهائي مغتر بجماله((حبيب قلبي يحق له يغتر ويشوف نفسه))‎
‏نست كل شئ سواه لها نست كمية الألم والضعف اللي سببه لها وطلعت وهي مبتسمة وكأنها تقول سامحتك

رش من عطره القوي وأخترق سمعه صوت آخر مايتمناه اليوم هو أنه يسمعه:صباح الخير
ناظرها ببجامتها الناعمة الصباحية,وقال بجفاء:صباح النور

حاولت تتجاهل جفافه معها:افطرت ولا لسى

حط جواله بجيبه وتناول مسبحته بأيده وقرر يجيبها من قاصرها: ماافطرت ولا ابي افطر ولا ابي أحد يسألني أو يتصنع أنه متهم فيني اوك
مشى بهدوء بأتجاه الباب

بلعت ريقها وقالت بجرأة غريبة عليها:لحظة
وقف ناظرها وهي تقترب منه

قالت وهي ترجف من العصبية والخيبة:أنت على اي أساس حكمت علي بأني اتصنع الأهتمام فيك,أنت ليه مو قادر تفهم أني جد أ أ أحبك

يعرف أن كلامها مؤثر,وهو بعد مو بهذي القسوة اللي يبين فيها بس ماهو عارف ليه مايقدر يحس فيها أو يحترمها أو حتى يشفق عليها بالعكس كلامها هذا يحسسه بالأشمئزاز والأحتقار لها قال بأستخاف:همم يعني أنتي تحبيني؟
<<تراه استصعب الكلمة الأخيرة

علا بسرعة:أكيد

عزام رفع حاجب وتكتف:وأكيد تبغين راحتي

علا استغربت الأهتمام المفاجئ فيها:ايوه

عزام فتحت الباب اللي كان قريب منه وقال وهو للحين يناظرها: اذا تبين راحتي جد,فارقيني
طلع وضرب الباب وراه

وقفت بمكانها تناظر المكان اللي كان واقف فيه ثواني,دقيقة,دقيتين
حركت راسها وناظرت الغرفة حولها الحياة معه صارت شبه مستحيلة
إهانه,تحريج,استخفاف,تحطيم,أستهزاء
فيها وفي مشاعرها
خلاص قررت قرار مامنه رجعه بتروح لاهلها
هناك بتلقى الأحترام,التقدير,الكلمة الحلوة
تحملت منه كل شئ باسم الحب ألا الكرامة
لعنبوه قلب يجيب المهانة‎ ‎
‏‎_____________________________‎
جلست تسلي نفسها بالنت لحد ما توصل نارا
دخلت احد الصحف ألكترونية وجلست تتصفح الأخبار
سرقة ,أختطاف,تكريم
شافت خبر رجعها لذكريات سوداء
(شاب يقتل أخاه بعدة طعنات في البطن بسلاح أبيض..)
عقدت حواجبها لهالدرجة الروح رخيصة عند هالناس,ليه يقتله يمكن عنده أطفال محتاجينه,ليش ييتم ويرمل أشخاص أبرياء مافيه أي عذر أو مبرر له هذولي وحوش ضروري يسجنون أو يحتجزون بمستشفى الأمراض النفسية
عادت لها ذكريات أليمة تتمنى أنها تغسل ذاكرتها منها,طفلتين يبتسمون ويلوحون لأبيهم الخارج للعمل وسيارة سوداء كقلب سائقها تلتقط أغلى وأطيب من على الأرض وشاب بمقتبل العمر مازال يوجد الكثير ليعيشه يسقط وهو مغطى بالدماء ,إسعاف, مستشفى , ورجل يقضي معظم وقته منعزلآ عن الجميع ليبكي الوجع ويستعد لأستقبال العناء ,ومفاوضات ومحاكم لا نهاية لها
و "النتيجة"
ضحية سجل ملفها بأسم ضد [مجهول]
ومجرم طليق ضميره ابكم يعبث في طيات الأرض
مسكت رأسها وهي تتمتم:اطلعوا من راسي

انفتح الباب ودخلت نارا وناظرت فيها وهي حاطة راسها بين ايدينها ومسندتها على الطاولة سكرت الباب وقالت وهي رافعة حواجبها:وش فيك

رفعت رأسها بألم وناظرتها بتعب وهي تتنفس ببطئ ماهي قادرة تشوف عدل
الدنيا جالسة تروح يمين ويسار وتنفسها بدأ يضيق
وصدرها يطلع وينزل بشكل ملحوظ

نارا وعلامات الدهشة على وجهها:سمارا
‏-راحت تركض ومسكتها من اكتافها-
سمارا وش صار فيك سمااااارا

راحت تركض بجنون وفتحت الباب وجلت تصارخ على السكرتيره:نورا نورا تعالي ي حيوانه

نوره جات تركض:نعم استاذه

نارا وحالتها حاله:روحي جيبي مويه بسرعة
نوره هزت راسها وراحت
نارا رجعت لسمارا وكانت حالتها اسوء من قبل وجهها احمر وقطرات العرق تملئ وجهها ورقبتها‎

نارا هزتها وجلست تضرب وجهها بهدوء: سمارا سمارا كلميني,ياربي وش صار فيك سمارا

سمارا كانت بعالم ثاني شريط ذكرياتها المريرة يمر أمامها,تبي أبوها تبي أمها تبي ترجع تلعب مع ابوها وتركض معاه مثل قبل تبي تتسابق معاه ويسبقها وبعدين يرجع ويشيلها ويركض فيها عشان ماتزعل تبي تجلس مع امها وتسولف معاها عن مشاكلها عن صاحباتها تبيها هي اللي تمشط لها شعرها وتسرحه ماتبي المربيات مرت عليها أيام تمنت أنها معاها تقولها اللي ماتقدر تقوله لغيرها تبي ترتمي بحضنها وتبكي,أكيد ماخطر في بال من حرمها منهم أنها تعاني هالكثر ,أساسآ مااهتموا بها هي وأختها ماهمهم إلا مصلحتهم

جابت نوره المويه وأخذتها نارا وجلست ترش على وجهها:سمارا الله يخليك قومي,سمارا لاتخليني
تجمعت بعيونها الدموع فقدت أمها وابوها والحين بتفقد أختها آخر شخص تبقى لها,نفس الدم ,نفس الذكريات ,نفس الماضي ,نفس الجرح يجمعهم
سمارا أختها الوحيدة واللي أكيد تحس فيها
جلست تهزها بقوة:سمارا سمارا فتحي عيونك,الله يخليك قومي سمارا بليز قومي

فجأة هدأ تنفسها وبدت دقات قلبها بالهدوء فتحت عيونها ورجعت للحياة من جديد بعد ماكانت فالماضي
عدلت جلستها واخذت الكوب اللي رشت منه نارا عليها وشربت ماتبقى منه

نارا وعيونها مغرقة:سمارا وش فيك

سمارا سندت راسها وغمضت عيونها: مافيني شئ

نارا عرفت انها مستحيل تقولها اي شئ
لانها جدآ كتومة:أنا ماعمري شفتك بهالحالة الا...الا لما مات ابوي

سمارا وهي للحين على حالها:خ خلاص ماابي اتكلم ف في هالموضوع‎

نارا تنهدت حاسه أن الموضوع يخص أمها أو ابوها لأن الحالة هذي كانت تجيها أيام وفاة ابوها وأختفاء أمها المفاجئ ((صحيح أمي ليه اختفت فجأة وبعدها بأيام جانا خبر وفاتها,ماني قادرة افهم جدي أكيد مخبي علينا شئ فيه حلقه مفقودة بالحادثة))

انتبهت لنفسها وقالت بهدوء:طيب تعالي نروح المستشفى يشوفوا وش فيك

سمارا بأنغعال وهي تلم شعرها اللي يوصل بعد مالمته على جنب لتحت صدرها:نارا الله يخليك تعبانة ومالي خلق

نارا تأففت:طول عمرك عنيدة, طيب خليني اخذك للبيت

سمارا بألم وابتسامة باهته:لا يكون مسويه فيها أمي

نارا رفعت حاجب وتخصرت:ماراح تفرق كثير أختك الكبيرة وبمقام أمك

سمارا وهي تقوم وتوقف:كم مرة قلت لك أنتي مو أختي الكبيرة ال5 دقائق مااعتبرها فرق

نارا ناظرت بنوره اللي تناظرهم وقالت بغرور:ليه واقفة تناظرينا كذا روحي جيبي عباية سمارا

نورة راحت وطلعت العباية من درج ذهبي في مكتب سمارا وهي تلعن نارا بداخلها تعرفها في زيارتها المتكررة لأختها وماحبتها بالمره,اعطتها العباية:تفضلي أستاذة

نارا اخذتها بتكبر:شكرآ,ومره ثانية لا أسمعك تقولي أستاذة ذي,قولي طال عمرك.ايش تقولي؟

نوره بلعت ريقها:طال عمرك

نارا ابتسمت:يالله روحي لشغلك
نوره طلعت وتلعن الحاجة اللي حطتها عندهم

سمارا لبست عبايتها بمساعدة نارا‎
‏‎_____________________________‎
واقفة قدام دولابها وتحط ملابسها بالشنط
خلاص ماعاد تقدر تتحمل كل يوم مذلة
كل الحب اللي كانت تكتنزه في قلبها من الطفولة وحتى الآن
تحول لكره فضيع,ماعاد تطيقه ولا تطيق تسمع اسمه بعد
جلست تاخذ من الملابس وتحط بالشنطة من غير وعي أو إحساس
أو حتى دموع,عزام صنع منها وحده ثانية مختلفة جدآ عن السابقة
انحنت على الشنطة وحاولت تسكرها بس ماقدرت
ركلتها برجلها بقهر:سكري ياحيوانة
جلست عليها عشان تنخفض أكوام الملابس وحاولت تسكرها وهي تقول من بين أسنانها:
حتى أنتي تعانديني هاه,ولا لايكون حابه تجلسين عنده,غبية
حتى أنتي تحبينه
سكرتها بعد طلوع الروح
ووقفت ومشت وهي ترفع شعرها بشريطة من ديور
وفتحت الباب وقالت بنوع من الصراخ:روز ,روز ياحيوانه

بعد دقيقة جاتها روز وهي تركض:نأم ماما

علا تخصرت وقالت بعصبية:وينك من زمان صارلي ساعة اناديك

روز ناظرتها بصدمة استحاله تكون هالبنت هذي هي علا واقفه متخصرة وتطق برجلها الأرض ووجهها محمر وحواجبها معقده وقالت بخوف:سوري ماما

علا اشرت لها على غرفة الملابس وقالت:شوفي,روحي ولمي كل أغراضي بالشنط فاهمة
تلمينها كلها,يالله

روز بصدمة:أنتي بتروهي ماما

علا ناظرتها وجلست على السرير:ايوه بروح-تمددت بتعب تعبت نفسيآ وجسديآ-
يالله بسرعة روحي لمي الأغراض‎

في السيارة
الصمت سائد المكان
نارا ناظرت سمارا اللي بجنبها وشافتها للحين سانده ظهرها على المرتبة بتعب
رن جوالها بالشنطة وجلست تدور عليه بوسط الأغراض وهي معقدة حواجبها دائمآ تضيع أغراضها بوسط شنطتها
طلعته وقالت:هذا جدي

سمارا التفتت لها:أكيد فقدنا بالشركة

نارا ردت:ألو
جراح:وينك أنتي وأختك
نارا وهي تلعب بالشنطة:سمارا تعبت ورحت معاها للبيت
جراح ترك الملف اللي بأيده وقال بهدوء يخفي وراه الخوف:ليه وش فيها سمارا

نارا قررت أنها ماتخبي عليه لعل وعسى ينسى موضوع تأخرها عن الدوام:ماادري دخلت المكتب ولقتيها تعبانة وماتحس باللي حولها حالتها ذكرتني-سكتت شوي مستصعبة الجملة-ذكرتني بأيام وفاة ابوي الله يرحمه

جراح حس بضيق زاده نبرة صوت نارا,يكره ذيك الأيام والتكلم فيها ويعرف بعد أن البنات نفس إحساسه قال بصوت ماقدر يخفي خوفه فيه:وكيفها الحين,تعبانة؟

نارا:لا الحين أحسن بكثير

جراح:طيب,يالله مع السلامة

نارا:مع السلامة
سكرت وطالعت بسمارا:من قدك جراح الكاسر يسأل عنك

سمارا رجعت سندت رأسها على المرتبة وهي ساكتة

نارا وكأنها تذكرت شئ:صحيح وش كنتي بتقولي لي

سمارا بأستغراب:أنا-تذكرت-ايوه صح جدي يقول يبينا شوي بموضوع

نارا بفضول:ايش هو

سمارا بأنفعال:شايفتني اعلم الغيب

نارا تنرفزت والتفتت للشباك,رن جوالها وناظرته
وفتحت عيونها وكأنها شايفه كنز:سموور رقم غريب أن شاءالله واحد غلطان

سمارا بلامبالاه:تلاقينه واحد من طقتك يدور البنات‎

نارا:فال الله ولافالك,أن شاءالله واحد غلطان واجلس ازعجه

ردت بسرعة قبل لايقفل:ألو
:ألو,كيفك نارا
نارا استغربت((هذا يعرفني)): تمام بس من معي
:افااا نانو ماعرفتيني
نارا بتوجس:لا
:أنا أحمد-سكت شوي وماسمع رد قال-ماتذكرتيني نسيتي بريطانيا والشله
نارا فتحت عيونها بصدمة:أحمد مااصدق أنت للحين حي هههههههه

سمارا ناظرتها بقرف:الحمدلله والشكر

أحمد:ههههههه ايه للحين حي عارف أنك تبيني اموت بس جالس على كبدك

نارا بدلع رباني:هههههههههه على كبدي أحلى من العسل,والله اني اشتقت لك ولسوالفك ولالشلة كلهم

أحمد:فديتك والله حتى أنتي واحشتنا حييل,قولي لي وش أخبارك وش مسويه تزوجتي ولا لا يالله حكيني هههههههه

نارا:ههههههههه ابد على حطت ايدك,الا وينك بالسعودية

أحمد:ايوه بالسعودية والله توني راجع من شهر

نارا تذكرت أيامهم واتفاق الشلة المكونة من شباب وبنات انهم يرسبون عشان يجلسون سنة ثانية ببريطانيا ويفلونها ويسوون اللي مايقدرون يسوونه تحت الرقابة بالسعودية ونارا مارسبت مثلهم رغم انه كان نفسها تسوي مثلهم بس جدها اكيد ماراح يسكت لها:أجل نجحت

أحمد:ايه ابشرك هههههههه,اقول نانو والله واحشتني حددي مكان نتلاقى فيه

نارا تناظر ساعتها:اممم اوك بشوف جدولي واردلك خبر‎
‏‎_____________________________‎
رجع كالعادة للبيت وتنهد قبل لايفتح الباب أكيد بتستقبله بالدموع
فتح الباب وناظر الغرفة كانت هااادئة
رفع حاجب((غريبة وينها ام دميع))راح لغرفة تبديل الملابس توقع أنها جالسة هنا تبكي كالعادة بس انصدم لما ماشافها موجودة
طلعت في رأسه مليون علامة أستفهام
ماهي عادتها تروح لمكان بدون ماتخبره واساسآ هي من النوع اللي اذا تضايق مايحب يروح لمكان ولا تعرف احد هنا بالرياض عشان تروح له
بسسس
معارفها بالشرقية,وبسرعة توجه للدولاب وفتحه وكان فاضي ضرب الدولاب بقووة:ايا الكلبة والله لتندمين ياعلا

طلع للغرفة واخذ جواله ودق عليها
كانت بالطريق شافت اسم ((نبض شرياني))ترددت ترد ولا لا قررت أنها تكون قوية وتعلمه أنها لعبة عنده:الو
عزام بعصبية:وينك يازفته
خافت بس مابينت له:بروح لاهلي,مو هذا اللي أنت تبيه مو أنت قلت لي فارقيني,خلاص قررت اسوي اللي أنت تبيه وافارقك

عزام هدأ شوي يعرف أنها رقيقة بكلمة حلوة ممكن تغير طريقها وترجع له قال بهدوء:أنتي للحين آخذه بخاطرك,أنا كنت معصب وطفشان من الشغل

تنهدت بتعب مجرد نبرة صوته تأثر فيها((لااا يا علا بهالسهولة بتتراجعين,أنتي تعرفين أنه كذاب)) قالت بجفاف:حتى لما كنا بالشرقية كنت تعاملني كذا,تبي تفهمني أنك كنت طول هالشهور طفشان من الشغل,لايكون مفكرني جارية عندك متى مابغيتها تجيك ومتى مابغيت تقلعني

عزام شد شعره لوراء مصيبة لودرى جده,صح أنه يحبه بس علا غير محظوظه هالعلا مدلله جدها وابوها وامها واخوها قال بحب مصطنع:علا أنا تعبان لاتزيدينها علي لاتصيرين أنتي بعد ضدي‎

علا سكرت الخط وبكت بحرقة تحبه وتبيه
وبنفس الوقت تعرف أنه كذاب
تتمنى أنها تصير غبية وتصدقه تتمنى لويجلس كذا يكذب عليها طول العمر
صح صعبة تعيش وكأنك مغفل بس الأصعب أنك تعيش مهمش
تعيش بكذبة ومبسوطة أفضل أنها تعيش الواقع الأليم مهانة
تدري أنه يبيها ترجع عشان ماتقول لأهلها عن حقيقة زواجهم الشكلي,متزوجين قدام الناس بس
مسحت دموعها((لاتخاف ياعزام ,لاتخاف ياعمري ماراح اقولهم شئ ,كيف تخاف مني أنا))

سمعت السائق وهو يقول:خلاص ماما فيه يوصل

عدلت طرحتها على شعرها وفتحت الباب ونزلت,ناظرت فلتهم
الفله اللي عاشت طفولتها فيها
هالفله ماهي جدران بس هذي كومة حنان فقدتها في ال5 شهور اللي عاشتها في سجن عزام
قالت للسائق ينزل الشنط
ومشت باتجاه الفله,دقت الجرس
وفتحت لها الشغاله
دخلت ولقتهم متجمعين فالصالة أكيد الكل الحين راجع من الدوام

ناظرت وجوههم بصمت قبل شهر كانت آخر زيارة لها عندهم وتحس أن صارلها سنين ماشفتهم
وقفوا كلهم بفرح على بالهم مسيره عليهم
اتسعت عيون امها وهي تشوف الخدم يدخلون الشنط حطت ايدها على فمها وشهقت

حسين ابوها:وش صار ياعلا, لاتقوليلي تطلقتي

الـــطــلااااق.....

أكبرمصيبة ممكن انها تصيب البنت
لانه لا المجتمع اللي بيرحمها ولاحتى اهلها
امها راحت لها:لا ان شاءالله -ناظرت تقاسيم وجهها-علا وش فيك ياقلبي

علا ضمتها:مماني قادرة اعيش معه احد يفهمني

امها اخذتها معها وطلعت فوق

محمد بعصبية:قلت لكم هذا عزام مافيه خير قلتو لا هذا ولد عمها واولى فيها

حسين:عزام مافيه شئ ولد اخوي واعرفه البلاء باختك