السلام عليكم ورحمة الله وبركاته


آسفة على الغياب الطويل لكن إن شاء الله الايام الجايه بعوضها لكم بإذن الله
اخبار الجميع إن شاء الله انكم بخير ...



حمدلله من بعد غياب طويل عن الكتابة بدأت ارجع واكتب من جديد ونفسية كان لها دور كثير
سامحوني على الغيبة الطويلة والتقصير .... البارت إن شاء الله على العصر يكون جاهز بإذن الله

مراجعة اخيرة وانزل البارت ، وترى نزلته بدري عشان اليوم مشغولة حيل
قراءة ممتعة*’

يا ليتهنّ هموم قلبي معازيم تحل (وسطه) عدة أيام وتروح

بقلم/ عِتق السنين !


’.



(14)





فداك .. فداك أنا كلي
عودي غصن يابس ..
لا تحرقيني اليوم ..
هم و سموم و صيف ..
أنتي اجلسي في ظلي ..
ولا جا الشتاء يمدي ..
لا تجرديني اليوم .. خليني في غمدي ..
سيف الغضب ماضي .. خلي الكلام يموت ..
وقت الغضب ماضي .. لا ترجعيه بصوت ..
وش كثر أنا راضي .. و حبيبتي عندي ..
قولي لي يابعدي ..
يومين ماشفتك ..
يومين مالي عيون ..
محروقة أجفاني ..
بشموع إحساسي ..
كانت دموعي فوق وجهي و أنفاسي ..
وظلي على كتفك .. وراسي على زندك ..
فداك أنا والله .. لا تسمعي رعدي ..
ولا يزعجك برقي ..
أنا لو شكيت احلم ... مابه زمن نندم ..
ومابه عمر للخوف ..أنتي احفظيني فم ..
ولا تحفظيني حروف ..ولو غرقت في يم ..
لا تعشقي بعدي .. !!




،




ينظر لـ ابنه الغارق في وسط المياه الباردة ويرثي عجزه الكلي عن الكلام .. خطو بصعوبة رؤيته موجعة لقلبه ويتلاشى امام طفولته التي ينتظرها كي يشاركه العاب الصغر .. عينه المشدوهة تعجبًا .. مد يديه لـ يشد جسد ابنه ويصفع وجهه حتى غرق فيها وتلون بزرقة حتى الموت
وهو يدرك غصص النبض التي جرت خلفها سؤاله الساذج عن السبب الذي يجعله لا ينبض
محمد بوجه كظيم من الحزن/ علي يا ابوك علي قوم حبيبي قوم يا عين ابوك



كانت تشد الخطوات من خلفه وتشعر بعظمة وخزها إلا حين يغلف الضباب رحيل جسده الصغير حيث
يصعب حينها ان تلوم نفسها وان يسألها بملءِ البكاء/ ليه خليته بروحه ....



حاولت ان تخطو فـ كانت قدامها رغمًا عنها تنساق نحوهم .. لم تكن تقدر حينها على الوقوف لـ تسقط على الارضية الباردة ، كأنها تريد أن تثبت قدمها اليمنى قدرتها على كشف الحقيقة التي عجزت عن الكشف عنها ، وحين نظرت لابنها المتوفي فوجئت . دمرت . كسرت .. تلاشت تلقائيًا حتى صارت نقطة تختم سيول الكلمات بشهقة توبة بـ أن لا تصدق ما يحدث امامها


محمد بقهر/ هذا آخر اهمالك والله لو صار لولدي شيء بـ تحملين مسؤوليته
لـ ينهض ومن ثم شد خطواته للخارج .. لتحاول النهوض ولكن ما كان في الحسبان ان الخادمة كانت تختبئ خلف الباب ... نظرت اليها اطلال دون استيعاب/ انتِ وش تسوين
وهي تعتنق ارصفة الخوف .. وتحمل علبة الكلور لـ تضعها على فمها ثم تشرب العلبة كاملة لتطيح على الارض وكل هذا الامور تحدث امامها عجزت عن الاستيعاب
نهضت بجنون لـ تبحث عن هاتفها لتجده مرمي بين الاريكة سحبته وهي ترتجف بألم
بلحن حزين/ اسامه تعال الحين السعودية
فجع من نبرة صوتها/ اطلال وش فيك ..... فيك شيء ...؟
بهذيان/ ولدي اسامه ولدي
اسامه بتعقيده حاجبيه/ علي علامه ... انطقي يا اطلال ...
اطلال تبكي بألم/ ولدي مات .. اسامه ولدي ما عاد بشوفه
اسامه بصدمة/ لا حول ولا قوة الا بالله .. اطلال اهدئي وافهميني الله يهديك .. علي وش بلاه
وبصوت بكاء لا تدري من أي عينٍ سقط فـ حزنها اللاوعي لا يملك القدرة على سكب البكاء من عينين اثنتين/ اسامه اقول ولدي الخادمة هي الي غرقته ولدي مات
اسامه/ تمزحين يا اطلال .. كارين تحب ولدك .. كلامك ما يدخل العقل
اطلال/ والله والحين محمد راح للمستشفى وهي شربت الكلوريكس
اسامه بغبن/ حسبي الله عليها وانتٍ وش مجلسك دقي على شرطة تسمعين .. انا بدق على سلمان الحين ..... انتبهي على نفسك وانا اقرب طائرة اكون عندك ...
اطلال/ اسامه انا خايفه كثير اخاف ولدي يموت
اسامه/ لا حول ولا قوة الا بالله .. إن شاء الله انه بخير ادعي يا اطلال ادعي له حبيبتي ...












حلم ايقظها منه في الشمس لحظة مباغتة جعلها تصرخ/ علـــــــــي ولدي
استفاق محمد الذي كان يغط في غفوة صدم منها/ بسم الله الرحمن الرحيم ..
لتنهض من السرير وهي حافة القدمين ... خطوت بخوف لـ تفتح الباب وتشاهده ينام بسلام ... لتقترب منه وتجلس بجواره ثم تعانقه/ علي حبيبي انت طيب انت بخير يا روح امك
لـ يستيقظ علي مفجوع القلب .. وهي تقبله بكل مكان/ انت بخير علوي انت تحب ماما صح حبيبي ...



محمد يقف بتمايل على الباب وينظر بتعقيده حاجبيه وبغضب/ اطلال عساك طيبه ... فجعتي ولدك
اطلال/ انا كنت احلم .. محمد ولدي ما مات غرقان في المويه
تقرب منها/ بسم الله عليه .. هذا هو قدامك بخير المسكين فجعتيه الله يهديك بس ... كنتِ تحلمين
اطلال/ طيب وكارين شربت الكلوريكس هي بعد ...
محمد/ إن لله وإن اليه راجعون ... اطلال وش فيك كارين نايمه الحين ... كلنا بخير اذكري ربك
مد يديه والتقط علي ..
من ثم اردف/ تعالي الغرفة خلينا ننام ...
اطلال بخوف/ محمد انا ما كنت احلم ... شوف حتى ملابسه مثل ما هي
محمد/ استغفر الله العظيم .. اطلال بطلي جنان وتعالي تراني وراي داوم من صباح ربي
لتمشي حافية صوب غرفتهم ... لتستلقي على سرير وتشد اللحاف الابيض لتدس بكائها في وسادتها وهو يرى اهتزاز كتفيها وتحاول تكميم صوتها بيدها
لـ يشدها لصدره/ تعوذي من ابليس ... كله حلم
لتنطق بخوف/ يخوف الحلم ... ولدي علي وينه ...
محمد بهدوء/ نايم فجعتيه الله يهديك بس .. قريتي المعوذات قبل لا تنامين
لتصمت دون ان تجيب فكل الكلمات ترتجف أسفل اللسان سوف تجوع حد الشبع















،










يوم جديد


في ساعة 9 صباحًا


ايطاليا – ميلان








كانت مستلقية على سريرها الوثير ذو النعومة الفائقة واتخذت اللاوعي بوقت هي اشد ما تحتاج لقوة ...





راجح/ بثينه وش قلنا البارح .. قومي تعوذي من ابليس واغسلي وجهك
بثينه بخوف/ مابي راجح ... مابي الله يخليك لا تعذبني انا مابي اسوي هالعملية
تنهد ونظرات العيون التي انزلقت لعينيها الباكية ورعشات الايدي التي بات ينزلق منها كل شيء
راجح شدها وعانقها/ بسم الله عليك ليه ترتعشين طيب ... الخوف شليه من بالك يا بثينة والله بـ تتعبين إذا هذا محاولة نتخذ اجراء عملية ... وحالك كذا
بثينه/ انا راضيه بحالي والله راضيه .. بس تكفى لا تخليني اسوي هالعملية
راجح/ دكتور ينتظرنا يا بثينه ... بعدين انا جنبك لا تخافين وعد مني
كانت تشد قميصه ذات الخطوط الرفيعة/ راجح
ابتسم لها/ يا عيونه
بثينه/ سامحني
راجح بـ تعقيدة حاجبيه/ اسامحك على شنو .! بثينه وش فيك ؟!
بكت/ مدري يمكن انا مقصرة معك كثير ... اولها اني ما كنت زوجة المناسبة لك و .....
قاطعها وهو يضغط بشدة على ظهرها/ اششش لا عاد اسمع منك هالكلام تسمعين .. ابي اعرف بس ليه السلبية هذه كلها .. الله قادر يمنحك النظر ليه نظرتك لدنيا سوداوية .. خليه إيمانك قوي يا بثينه اجزمي ان هذا بلاء والله ما يحب عبده إذا ابتلاه
بثينه/ ونعم بالله .. راجح قرب وجهك ابي اخمن ملامحك
ابتسم بمحبة/ تراني مو شنيع يعني مملوح
بثينه/ ليت انك شنيع عشان ما حد يناظر فيك
ضحك/ الله يسعدك بس تدرين مو اجمل منك
ثم اردف بمداعبة ارنبة انفها/ انا ما احد يملي عيني غيرك ... لا تخافين






بعد ساعة





كانوا يمشون بين ممرات المستشفى ... الخالية



راجح/ بثينة .. إن شاء الله ما يصير الا اللي كاتبه ربك
بنفس بارد/ الله كريم

فتح باب المكتب ثم دخل هو و بثينة ..
ليردف/ السلام عليكم

ثمة رجفة أثقلت قلبه وجعلته يجول ببصره على جميع المكان ، ورغم اصراره على أن يتلافى اسباب الضيق .. الا انه ارتفعت انظاره لـ تلك العباءة وذات الخمار

اقترب منه راجح لـ يصافحه/ دكتور اسامه
الحبيبة هنا مع زوجها .. ابتسم ببرود/ وعليكم السلام .. تفضل اخوي



هي شعرت باختناق مفاجئ تمسكت بـ اصابعه لتضغط عليها بقوة وتوتر
راجح/ اكيد دكتور يوسف عطاك خبر عن حالة زوجتي
جلس على كرسيه المعتاد .. ثم زفر بهدوء وهو يلتفت لـ الواقفة خلفه على بعد خطوتين .. متمسكة على حقيبتها الصغيرة بشدة/ اكيد وصلني لكن قبل هذا هي مستعدة
راجح/ اكيد انا ما جيت هنا الا وانا مأخذ القرار ..
اسامه/ خير إن شاء الله .. اخت بثينة .. العملية إن شاء الله سهلة .. بس نبيك تساعدينا
بصوت متوتر/ إن شاء الله
اسامه/ دام كذا على الاسبوع القادم .. العملية ...
قام راجح ليصافحه مرة اخرى/ جزاك الله خير يا دكتور اسامه
ابتسم/ وياك ...



كانت تثرثر بداخلها " اسامه انت اللي بتسوي عمليتي .. وش معنى انت بذات .. يارب "










،








السعودية
الشقة المفروشة






كانت صرختها المفاجئة ، اصوات تكومت في حنجرتها .. تجلس على الاريكة
وهي ترفع رأسها له/ وش تبي
مفلح/ اخلصي علي .. لك 10 دقائق تجهزين نفسك فيها
صبا/ بجلس هنا .. تبي تروح الله يسهلك
مفلح بغضب/ اقول لا يكثر .. اهلي مسوين حفلة بسيطة بمناسبة زواجنا
لتضحك من ثم تردف/ حفلة تصدق عاد متعبين انفسهم .. من الآخر مابي اخرج مكان
اقترب منها لـ يشد شعرها/ بتروحين تسمعين الكلام والا لا
صبا/ ياخي حرام عليك مابي اروح بالغصب هو
مفلح بعناد/ ايه بالغصب بالطيب بتروحين وانتِ ما تشوفين الدرب ..
لـ يدفعها على سرير وهي تئن ..
صبا/ حسبي الله عليك .. مابي اروح معك تسمع .. ماني رايحه
تقدم بخطوتين ثم امسك شعرها من جديد/ والله ي صبوب ان ما جهزتي نفسك في 10 دقائق ان موتك على يديني





تركها وخرج من الغرفة ، تاركًا في قلبها الم وحسرة .. ظلت تبكي وجهها وانفاسها سريعة بالكاد تمشي بضع خطوات يتيمة لدورة المياه حتى ارتطمت بجداره فاره وازرق جبينها ، وسقطت على الارض .. اسنانها الميتة تصطك بهشاشة واغمضت عينيها في الظلام








،






في فِلة ابو راجح



وهي تحمل صينية له ، وهو يقلب القنوات بملل....




أم راجح/ مريومه وين القهوة وتمر
ابتسمت مريم/ يمه بالمطبخ .. الحين اروح اجيبه
أم راجح/ الله يرضا عليك يمه .. وانت
تكزه بالخيزران/ وراك ما رحت لشغلك
ابتسم ياسر/ ابد يمه اليوم عندي اجازة ...
ام راجح/ دامك عندك اجازة وراك ما رحت مع ابوك
ياسر/ يالغالية الوالد عيا اروح معه .. الا وش غداكم اليوم
ام راجح/ انت وش مشتهي
ياسر يشد له الفطيرة من ثم يلقمها/ كل شيء من يدك حلو
ام راجح/ ياسر انت تبي بنت عمك
ياسر/ اكيد يمه .. بس تونا على الزواج
ام راجح/ ما عليه وانا امك ما نبي نوقف بنصيبها البنت جاء لها عريس
لم يشعر بنفسه الا وهو يقف وبغضب/ وشو ... عريس
أم راجح/ انت تدري ان حرمة عمك قشره ..
ياسر/ يمه البنت ابيها .. وهي تبيني
ام راجح/ يا امك البنت لاهي من ثوبك
ياسر يشتعل ويقاطعها/ يمه البنت لي .. وهذا انا خاطبها لكن والله انها لي
ام راجح/ ياسر .. اذكر الله وادحر الشيطان .. والله العظيم ان جاني الخبر اليوم من فتحية
ياسر/ مرة عمي انا اتصرف معها ....
ام راجح/ ياسر .. يا امك




ليخرج من المكان بخطوات غاضبة...








،






وضعت صينية القهوة بطاولة/ خير يمه وش فيه اصواتكم واصله للمطبخ
ام راجح/ الله يستر وانا امك .. دقي على ابوك يا مريم
مريم بخوف/ يمه حلفتك بالله تقولين لي
ام راجح/ زل لساني وعلمت اخوك عن هند
مريم باستغراب/ هند وش فيها
ام راجح/ تقدم لها عريس .. وحرمة عمك عطتهم خبر
كادت عيني مريم ان تخرج من محاجرها/ من جدك يمه ... وشلون توافق وهي مخطوبة لأخوي
ام راجح/ دقي على ابوك الحين مو وقت بربرتك
مريم/ إن شاء الله يمه ...











،









بالجهة الاخرى

في فِلة ابو احمد









تركي يـ لقي سلام على والداته .. من ثم جلس لجوارها ، وشد الفنجال لـ يرتشف قهوة
أم احمد/ يا مرحبا يا امك .. وينك البارحة
تركي/ ابد كنت اجهز لزواجي
ام احمد بفرحة/ تقول الصدق
تركي ابتسم/ ايه يمه .. البارحة تملكنا انا و ميمونة .. عساك راضية علي
أم احمد/ مبروك يا امك .. بس وراه ابوك ما خبرني كان رحت لعروستك
تركي/ مدري عنه .. المهم انا بنام الحين لا احد يزعجني
أم احمد/ زين ومتى الزواج ...!
تركي بتعب/ بعد اسبوعين
ام احمد/ مسرع .. لكن الله يوفقك يا امك
تركي/ آمين يالغالية مابي الا دعواتك ورضاك عني
ام احمد وهي تمسح دموعها بطرحتها/ والله راضيه عنك يا امك
ابتسم بحب ثم قبل راسها/ تبين شيء
أم احمد/ سلامتك يا امك ... بصحيك لا اذان العصر
تركي/ تصبحين على خير
ابتسمت ام احمد/ وانت من اهله يا تركي








،









بعد ساعة ونصف





دخل مفلح الغرفة لـ يجدها غارقه .. لـ ينحني لها ويضع رأسها بحضنه
ثم يناديها بخوف/ صبا اصحي .. يا بنت الناس اصحي .. اففف وقت طيحتك
لـ يقف وهو متشتت لـ تسقط عينه على علبة المياه لـ يلتقطها ويضعها على وجهها و تفتح عينيها ، وتغمض عينها لتعاود النوم وهي فاقدة الوعي
مفلح/ اصحي ي بنت الحلال .. خلاص لا تروحين بس قومي
فتحت عينها لـ تقول بتعب/ ابعد عني
مفلح/ اقول بلا دلع هالبنات وقومي .. وهذا وانا معطيك 10 دقائق
صبا/ انت ما تفهم .. انا مو قادرة اتحملك تبي اتحمل شوفة اهلك
مفلح بغضب/ عطيتك وجه بزيادة ... قومي لا بارك الله فيك
صبا/ قلت لك ماني رايحه .. افهم وبعدين وش هالريحة العفنة .. انت شارب شيء
مفلح/ ايه شارب قومي لا اشوتك الحين للحمام
صبا/ ابعد الله يأخذك ويفكني منك ...




لتقف وهي مرغمة ثم ذهبت لدورة المياه .. أخذت دش دافئ وارتدت لها قميص قطني ، فـ يومها كان متعب وطويل وتريد النوم ....










،









بعد اسبوع



ايطاليا – ميلان



في غرفة العمليات





راجح/ توكلي على ربك يا الغالية
بثينة/ راجح اخاف ما اشوفك مرة ثانية .. سامحني
راجح/ مسامحك بس هدي بالك و لا توترين مو زين على صحتك
بثينة/ اخاف اموت وانا ما قدمت شيء لآخرتي
قبل جبينها/ بثينة كافي ارخي اعصابك ولا تشدينها
بكت بثينة/ راجح قلت لك مابي اسويها ليه مو راضي تفهم علي
حضنها وبحب/ خلاص يا بثينه ما مليت وانتِ تكررين رفضك .. انسي كل شيء واذكري المعوذات




تحت الوسادة .. جفنيها بدأت بتثاقل اثر مفعول المخدر .. وابتسامة شاحبة وتحبس سقطة الدمعة
ويطبع قبلة على جبينها ويردد/ استودعتك الله التي لا تضيع ودائعه ...









يتبعْ ..

السلام عليكم
البارت جميل يا جميلتي
علي قراءة البارتات الأولى لأني نسيت بعض الأحداث و الشخصيات لطول المدة
في إنتظارك حبيبتي

عتق السنين

مبدعة حتى الترف ....

ما شاء الله تبارك الخالق ، ومبروك على وسام التميز اللي تستحقينه وبجدارة


راجح & بثينة

ثنائي جميل وعسى الله لا يفرق بينهم ،
ويارب تنجح عمليتها وتشوف منتظرة اللحظات هذه من اول بارت

جاسر & ياقوت

حلوين ومتفاهمين الله يخليهم لبعض ويتمم حملها على خير

صبا & مفلح

فهمت شوي من فصتها لكن مع الاحداث القادمة بـ نفهم حروفك الغامضة والجميلة في ذات الوقت
مفلح حسبي الله عليك كرهههههههههته

محمد & اطلال

اطلال مريضة نفسية ....... وش هالحلم اللي خليتنا نشوفه واقع الله يستر
محمد فديته والله يحفظ لك علي

فارس & حنين

الله لا يغير عليهم

تركي & ميمونه

.................................



في انتظارك ي عتق السنين