كاتب الموضوع :
خَمرُ . .
المنتدى :
الارشيف
رد: وكم من مرة حاولت ان انساك فنسيت نفسي وبح صوت حنجرتي
بدت الحمامة تضرب الطاولة بقدمها وتطلع صوت اشبه بالموسيقى
" للمعلومية للي يقولوا انو هالاشياء خيالية الحمام المدرب او الحيوان المدرب يفهم صاحبه بالكلمات اللي يرددها عليه ويقدر يسويها ويطبقها بكامل فهمه هذا في حال ان كان حمام تربية او حمام مدرب زي الفرس تماما يفهم لفارسه فلا تستهينوا بعقول الحيوانات الحيوانات تفهم ولكنها لاتتكلم وهذا موجود علميا وتقدروا تبحثوا عنه وتتأكدوا "
بعد ما امرتها ان تضرب الطاولة بقدمها حتى تطلع صوت اشبه بموسيقى
صارت سديم معها تضرب الطاولة بتناغم بأصابعها والحمامة تنط من جهة لأخرى ثم تألمت سديم بوجع لما نطت على اصابعها الحمام لان امس كانت تقضم فيها وتحولت المنطقة الى زرقاء ومع ضغط قدم الحمامة صار يوجعها وهي تقول : وجعععع قلنا تحمسي بس بشويش .. وجع وجع راحت اصابيعي يالخبلاء << وبطفولة فتحت النافذة << روحي برآ ييلا مابيك ..
لكن الحمامة طارت لحضنها وصارت تمسح راسها في سديم .. ضحكت سديم بخفة تناست وجعها
لكن صوت اجبرها تلف له : وأخيرًا الحمامة لقت من يفهمها .. اعتبريها صديقة لك .. لانها راح تفهمكك كثير .. << وهو ينبهها << واشكي لها ترى ماراح تكشف اسرارك ..
لفت عنه تسوي نفسها متجاهلته ..
يكمل كلامه : راح تساعدك بأنك تنسي امور كثير .. سميتها هازي " السديم" حتى تكون مقربة لك اكثر .. اعرفك راح ترتاحين لها كثير وكثير خصوصا انها راح تضحكك وتخليك تفرحين وتبتسمين هازي كلها امل انصحك تحافظي عليها
مسحت على راس الحمامة وهي تقول : مو محتاجة نصايحك .. الحمامة صارت لي !
نايف بتأكيد : حلالك
قالت بخبث للحمامة :
" Steal papier à partir de chemise"
" إسرقي الورقة من قميصه "
لاحظت عليه دايم يخبي ورقة بجيبه ولو حاولت انها تشوفها يمنعها نفس مايمنعها عن الملفات ..
طارت الحمام وهي تغافل نايف وبمرونة اخذت الورقة بشكل سريع ثم رمتها ع الطاولة ..
ووقفت امام سديم .. بصراحة ماكانت ورقة !
كانت صورة قلبتها على وجهها حتى تشوف من صاحب الصورة
فتحت عيونها بصدمة : أنننننننننننا ؟؟؟ كيف جبت صورتي !
كانت صورتها لما كانت صغيرة حاضنة دبدوبها الأبيض ..
تقدم لها واخذ الورقة وبتوبيخ ضرب كفها بقلمه بخفة وهو يقول : عيب تمدون يدكم على شيء لغيركم من غير استئذان !
سديم : ليييييييه محتفظ بصورتي ؟؟؟؟؟
نايف دنق عليها وهو يحط يدينه على الطاولة ويقابلها وهي جالسة ع الكرسي : مزاج .. عجبتني واحتفظت فيها
مدت يدها بكره وهي تاخذ الصورة : مااسمح له تسرق صوري ياقليل الخاتمه .. مايحق لك ابدًا وباخذك على قد عقليتك المتطفلة .. هذي صورتي انا واحلم تاخذها
مسك يدها يحاول ياخذ الصورة منها لكنها قفلت يدها بقوة ومن قوة ضغطه على كفها حست بوخز بأظافرها مكان ماعضتها امس .. وفتحت يدها وهي تنفخ بقهر
نايف بتهديد ووعيد : فكري تمدين يدك لشيء مو لك .. راح اقص ايدك واكسرها ! سبق وقلت لك انا مااداريك انا اكسرك ..
سديم بقهر : ياحححححححححقير حسبي الله عليك هذي صوووورتي صووورتي افهمم ياتنك
نايف رفع وجهها بكفه بعنف : الفااااااااااااظك !!!
سديم بقهر دفعته عنها لكنه مابعد ..
الحمامة طارت لكف نايف وضربتها بمنقاره تركت كفه وجه سديم وهو يتألم ضرب الحمامة وطاحت ع الأرض وبحكم خفة عضمها وريشها انكسر جناحها الأيمن ..
نزلت للحمامة بسرعة بدموع وحضنتها وبقهر : حتى ع الحيوانات قاااااسي .. اكرهكككككككك
حضنت الحمامة اللي بدت تطلع صوت وكأنها تتوجع .. يعني حاليًا الحمامة عاجزة عن الطيران ..
لما شافها حضنتها وقعدت تبكي نززل لمستواها : عندنا طبيب بيطري ..
سديم بعبرة : هذا انت ماتتغير تكسر ثم تبي تداوي .. بالله الجرح مايلتئم بسهولة فلا توجه سهامك ع ضعاف الحيلة مثلي ومثل هازي يالظالم
مد يده : عطيني هازي
حضنتها اكثر : مااثق فيك
نايف بعيون راجية : عطيني هازي اوديها للطبيب قريب
سديم بخوف : بآرووح معك
نايف : مو مشكلة عطيني هازي
ماردت عليه وهي تناظر كفه وهازي اللي على يدها ..
نايف يطمنها : اوعدك مااسوي لها شيء يضرها عطيني هازي ..
مدت له هازي بتردد وقامت معه لبست البالطو وهي تناظر الحمامة ..
سبحان الله .. مو انسان لكنها جسدت في قلب سديم مشاعر وحبتها بصدق ..
لان بكل بساطة مالها من يسليها بغربتها ..
اخذها للطبيب ..
فتح له الباب وهو يقول :
" Bonjour"
" مرحبًا "
هز راسه نايف بمعنى التحية ثم دخل ووراه سديم وهو يقول :
" J'ai frappé la colombe J'espère que vous abordiez En vertu de vous ici vétérinaire"
" لقد اصيبت الحمامة ارجو منك ان تعالجها بحكم انك الطبيب البيطري هنا "
الطبيب يتفحصها :
" Qu'est-il arrivé?"
" ماذا حدث ؟"
نايف وهو يناظر سديم اللي منشغلة بالحمامة :
" Je pense que cela a brisé l'aile"
" أعتقد ان جناحها قد كسر "
إبتسم الطبيب طلع قطعة خشبية مستطيله .. مد جناح الحمام وشده مرة وحدة والحممامة صرخت وسديم شوي وتضرب الطبيب وتكفر فيه من القهر ..
حط لها مادة اشبه بالمرهم او الجبس ثم ثبت عليها القطعة الخشبية ولف عليها شاش ثم حرك جناحها للأعلى وللأسفل ..
فسخ قفازه وهو يقول :
" Nous avons fini, je pense qu'il ne peut pas voler maintenant
Il doit faire preuve de même Tltam les os et peut voler à presque un mois ou plus"
" لقد انتهينا ! اعتقد انه لايمكنها الطيران حاليًا تحتاج الى فترة راحة وتدريب حتى تستطيح التحليق مرة اخرى وهذا يستلزم شهر او اكثر "
ناظرت نايف بتأنيب وودها الحين تهجم عليه وهو كاتم ضحكته على شكلها قال وهو يبي ينرفزها : اللي يشوفك يقول ولدك اللي مكسورة يده مو حمامة ..
ناظرته بغيض وقالت : أي أي هي بنتي وانا بهتم فيها جعل يدك الكسر بدالها ..
عساه فيك ولا فيها ..
ضحك عليها وهي جنت من قهرها .. حملت الحمامة برفق ورجعت ع البيت الابيض ..
دخلت لحرم البيت " بلاط اسفل البيت لونه ابيض هذا المكان تتجمع فيه الحمام"
الحمام يتطاير وحمامتها كسيرة .. مسحت على راسها بحنان .. شافت الحمامة تبي تنزل نزلتها ع الارض ..
رفعت جناحها الايمن حاولت تطير لكنه اوجعها وصرخت بصوت هديل الحمام القوي ..
ضمتها سديم وبعيون كسيرة ناظرت نايف : ترى ربي يحاسب اللي مايرفق بالحيوان
جلس جنبها وقال : دخليها البيت معنا .. تراها متمردة مثلك واحتمال تعاند وتحاول تطير وتتوجع مرة ثانية بشكل اكبر
لفت عنه بزعل واضح ودخلت للقصر الابيض ..
وهو ظل يناظرها ليما اختفت من امامه ..
ابتسم بهدوء وهو يشرب القهوة لما لمح طيف وسن طلعت مع طيف ..
جلست ع الكنب وجت لهم الخادمة : شو بدك تشربي ست وسن ؟
وسن بهدوء : إسبريسو
الخادمة : وآنسة طيف ؟
طيف : قهوة سادة ..
راحت الخادمة لداخل وبعد 15 دقيقة وصلت لهم القهوة ..
كانت صامتة طول الوقت ..
لاحظت ابتسامة خالد لها اللي يحاول يطمنها بنظراته انه ماراح يتكلم بشيء
ابتسمت بامتنان ..
علي يطفش جمانة : وش ذا الوجه المنفخ من النوم .. بالله حاشيته بسليكون ؟؟
جمانة بقهر : اسكككت انت .. اسم الله على زوجتك هالحين
علي يبوس بيلسان : ياحلاها بس .. !
جمانة : انكتتتتم
علي : الله الله .. وش ذا الوحش اللي هاج
راكان بضحكة : ههههههه توك تدري يالنسيب
جمانة بغضب : وانت ليه قاط عظم
راكان بهدوء : كذآ .. اقول الصراحة انتي انسانة متهجمة وتعصبين نفسك بنفسك وعلى قلة فايدة
جمانة تأشر على نفسها وبتقزز : أنااااا ؟؟
راكان كاتم ضحكته على حركتها حط يده على خده وهز راسه : إيوا انتي
جمانة بقهر : اكرهـــــــــــــــــــــــــــــــــــــك
راكان : هههههههههههههههههههههه
جمانة تدعي : ضحكت من سرك بلا
علي يراقب الوضع ويضحك ثم قال : من ججد بنت بو خالد الله ييعينه اللي بياخذهاا .. عليك يابنت اللذين عصبية هههههههههههههه
بيلسان : هههههههههه عسللل
جمانة ابتسمت : وه فديت الدرر انا
علي يضم بيلسان : حيلهم بينهم .. ماتغازلين زوجتي .. عيب
جمانة تحرك حواجبها : أفكر اخطبها لإنسان يوما ما
علي بتملك : افكر اعدمك وقتها
جمانة : هههههه ي ويلي .
علي : شفتي كييييييف ..
فتح جواله وكلم امه امامها : هلا يومه
ام نايف : هلا نايف .. أخبارك واخبار سديم
ابتسم وهو يناظرها : لازالت مشاكسة ومتمردة
ام نايف : خاف عليها من نفسك يانايف تراك هجوم كتوم وان انفجرت مارحمت
نايف : حمامة اشغلتها عني
ام نايف : تخافك فتروح لأي شيء يسليها
نايف ابتسم : أقدر اراضيها ؟
ام نايف : مو بالسهولة
نايف : يلا تبين شي ؟
ام نايف : سلامتك وصل سلامي لسديم ..
سكر الخط من امه وقال : امي تسلم عليك
لفت عليه ببرود ثم ماردت
وصلت وجبة الغداء .. قام ومد يده لها : قومي اكلي
سديم : مابي
نايف مسك يدها بقوة وقومها : مجننوونة يومين على لحم بطنك ..
سديم : كرهت الاكل بسببك
نايف : تحملي اجل .. راح تاكلي كل يوم اللي تكرهيه
جلسها ع الكرسي وجلس امامها .. حط لها من الغداء بصحنها
مد لها الملعقة اخذتها وبدت تلعب ب الأكل
نايف يرفع اصبعه بتهديد : نلعب احنا ؟؟؟ لك دقيقتين لو ماشفتك تاكلي بنفسك لأقوم وااكلك بنفسي ..
تغصبت الاكل وهي تاكل بغضب
شكلها المعصب خلى نايف يكتم ضحكته
عيونها لازالت غير مستقرة
وواضح فيها عنفوان الخوف .. مايستقر ابدا الا لما تنفرد بحمامتها هازي
صار لهازي يومين كل يوم تحاول الطيران لكن ماتقدر وتتوجع
وتسب في نايف وفي تصرفاته الهمجية ..
خلصت بسرعة وقامت ومشت من جنبه وهو مسك يدها : ويــن ؟
سديم بخوف : بروح لهازي ..
نايف بغضب : هازي هازي .. وطول وقتك هالحمامة ؟
سديم : هي ملكي وحلالي وانا طول الوقت بكون معها
نايف : إذًا انا طول الوقت بكون معك
سديم بسخرية : بصفتك شنو ؟ ملكي وحلالي !
نايف يتجاهل سؤالها الساخر : المهم .. جلسي محلك
سديم نفضته عنها بتقزز : إترككككني
نايف وقف : إن لله .. جنيتي على نفسك
سديم خافت وضمت نفسها : ماسويت شيء
نايف بخبث يكتم ضحكته : الأنثى الفاتنة مايحتاج تسوي شيء
هو قال كلمته من هنا وهي بدأت تبكي وتصيح وتسبه بقهر
ضحك وهو يقول : ههههههه وعلى طول تطيح دموعك ياام دمعة !
سديم بقهر : انقللللللللللللللع
نايف ابتسم وهو يرفع كفينه للسماء : يالله عسى ان تقلعني لها
سديم : مين ؟
نايف : وححده
سديم : أهم شيء مو أنا
نايف احتضن ككتوفها : انتي !
حاولت تفلت منه لكنه ثبتها وسار بها للحرم اللي برآ البيت ..
تجمع الحمام فيه بشكل مبهج جدا
وكأن نقطة البياض الساكنة في المكان صارت حسية
تطاير الحمام وبدأت حمامتها تمشيء كسيرة .. تحاول تطير لكنها ماتقدر
جلست على رجولها امام الحمامة : هااااازي
لفت لها هازي بطاعة وتقدمت .. ولما لاحظت وجود نايف
طارت لورا بعنف .. لدرجة ان بالغلط ضرب منقارها في كف سديم وبدأت تتوجع
نزل نايف بسرعة لسديم اللي بدآ الدم يطلع منها : ماقصرتي بقضم اضافيرك والحمامة زادتك حبة
سديم بعدته وهي تبكي : بععععععد .. مانبيييك
نايف : الفرق بينك وبين الحمامة اني بروح لها وبتتجرأ تجيني .. لكن انتي لك كبريآء تمانعين فيه وجودك معي
سديم بسخرية : لاني وبكل بساطة << قالتها حرف حرف << أ ك ر ه ك .. عُلم ؟
نايف ابتسم : عُلم ..
قام للحمامة اللي كل ماتقدم خطوة ابتعدت ..
نزل لمستواها وصار يقول لها "اقتربي" بالفرنسي حتى بدات تتقدم خطوتين له ولما استقرت بحضنه مسحت راسها في بطنه وكأنها تستمد الحنان
سديم اللي كانت تشوف الموقف تمسح دموعها من الوجع وكأن الحمامة تعبر عن شيء داخلها هي نفسها
السديم يعبر عن سديم
وسديم تعبر عن السديم ..
وكأنها شخص واحد في ارواح متفرقة
<< ولد خالي الله يرحمه كان عنده قطة وكانت معاه اكثر من امه وخواته
وين ماراح تطلع معه وتدافع عنه .. ويوم انه مات جت القطوة تبكي بموائها في بيت اهلي " خالاتي" وماسكتت لما ماتت لان سبحان الله جنسين مختلفين من المخلوقات لكن الله يؤالف بينهم ..
ولا ننسى نبي الله سليمان مع الهدهد كان رفيق دربه في رحلاته وجولاته للدعوة .. هذا كله يعبر عن قدرة الله سبحانه وتعالى في انشاء التمازج النفسي بين مخلوقين مختلفين .. فلا يستهين احدكم بالحيوانات >>
في بيروت
ضرب الباب عليه ودخلت الخادمة وحطت القهوة والجريدة وطلعت ..
بدآ يشرب الموية والدوا .. ثم القهوة
صار يقرا الجريدة مافي شيء جديد عن صفقات دولية ولا اعلاانات للبورصة ..
قلب الجريدة وشاف صورة شاب مضروب
ركز ع العنون << اعتذار ..
قرأ ما قرأ وعيونه تلفظ بالصدمة ولما
وقعت عينه على الاسم صرخ برهبة ارعبت كل اللي كانوا جالسين بالخارج :
عبد العزيـــــــــــــــــــــــــــــــــــــــــــــ ـــــــــــز
لهنا اتوقف لآن هذا آخر بارت نزلته في *********
وبإذن واحد أحححد راح انزل بعد ماانسق النص واعدل عليه ..
يشرفني ان ارى وجود عضوات ليلاس هنا وانتقادهم البناءء
واهلاً بكم
التعديل الأخير تم بواسطة ♫ معزوفة حنين ♫ ; 09-05-13 الساعة 12:10 PM
سبب آخر: يمنع ذكر اسماء منتديات أخرى
|
09-05-13, 02:02 AM
جديد مواضيع قسم الارشيف
العرض العادي
