البــــــــــارت 16
ميار تطالعها بنص عين/ لامو جايه اسأل عنه بس ترى من الذوق انك تسألي اول وتقولي سلامتك فيك شي تصنعي الخوف حسسيني انك عقلتي شوي
كاثرين تضحك / ماعلينا بس صدق ليش جايه
ميار/ ابد بس اختي عندها مراجعه وجيت معها
.وهي وينها الحين؟
ميار تحط ايدها ع جبينها/ يوه تصدقين نسيتها
كاثرين بمرح/ ومين شاغل بالك عنها؟
ميار بخجل/ انتي
كاثرين تضحك/ صدقتك بس يلا خلينا نروح لهابدي اتعرف عليها
ميار اخذت ايدها وراحوا للعياده وصلوا شافوها واقفه تتكلم مع الدكتوره قربو منها بصمت
الدكتوره/ بصي يابنتي العلاج ده اللي وصفته لك ياه ضروري تستمري عليه
صمود بوجود القطن اللي بفمها حاطه ايدها ع خدها محاوله تخفيف الالم/ يعني كم اضل عليه؟
الدكتوره/ انتي حتستمري عليه لغايه اسبوع وبنهايه الاسبوع عندك مراجعه لتثبيت الحشوه
صمود تتألم/آآآآآآآخ ان شاء الله يصير خير
كاثرين حطت ايده فوق ايد صمود ع خدها بحنيه/ ماتشوفين شر حبيبتي
صمود/ الشر مايجيك
ميار بمرح/ صمود هذي كاثرين اللي كلمتك عنها
صمود/ هلا والله
كاثرين/ هلا فيكصمود/ واخيرا شفتك ازعجتني صمود من كثر ماتتكلم عنك
كاثرين تضحك/ الله يعينك عليها
صمود بتكسر كلامها/ خليها ع ربك
ميار بمزح/ الحين انتي اعرفي تكلمي عدل بعدين فكري تعلقي
صمود/آآآآآآآآآآآخ حسبي الله ع ابليسك ذكرتيني
الدكتوره تقطع كلامهم/ انتي ياد.كاثرين بتعملي هنا ايه ده مش قسمك
كاثرين/ بعرف بس هذي صاحبتي وحبيت اسلم عليها
الدكتوره تلف عنها وجهها وهي تمشي/ دنتي لو عندك عمل ماكنت شيفاك هنا بس اضن الراحه لناس والشقا النا
كاثرين بهمس/طوسي بس اعوذبالله حسوده ولفت لصمود وكملت انتي كيف مستحمله هاي؟
<كاثرين من الاصل البناني بس ابوها متزوج سعوديه وهذا سبب اقامتها هنا دكتوره نفسيه وبسبب تقاليد وعادات بلدها ماتلبس الحجاب عمرها الحين26 سنه آنسه من وجهه نضرها ان العمر الامثل للزواج30 سنه>
صمود تضحك /والله عاد نبي نتعالج وبعدها التفت لميار يل محمد ينتضرنا برا
ميار بتذمر/يووه ليه؟
صمود بحزم/ اقول يلا بس لانتأخر عليه
كاثرين/وين وين ع الله انا اليوم بدي ياك تجلسي معي فاضيه ماعندي شغل
صمود بمزح/ اجل كلام الدكتوره صح بس بجد مانقدر اعذرينا
ميار / لانقدر تكفين صمود لاتحرميني منها سنتين ماشفنا بعض
صمود/ طيب انا وش اقول لمحمد؟
كاثرين/ قولي له عندها مراجعه ومطول دورها وان سألك عنك خبريه انك تعبانه ومابتجلسي
صمود/ والله مدري بس انتي متى بتطلعي
ميار بفرح/ بس اخلص اتصل فيكم
صمود/ بس ماتطولين
ميار/ ابشري من عيوني
سلمت عليهم وطلعت للسياره اول مادخلت سألها عن ميار
صمود/ هي بعد عندها مراجعه والظاهر انها مطوله
محمد/ وليش ماتنتضريها؟
صمود تتألم/ والله تعبانه بس هي قالت بس تخلص تتصل فينا
حرك السياره ومشى وهي تدعي على ميار في قلبها ع ها لموقف
تمسك ايدها بابتسامه دافئه/ تعالي معي مكتبي لي كلام معك
ميار / يلا
ماسكين ايدين بعض كل وحده فيهم تتسارع في مشيها ليوصلوا المكتب دخلت وقفلت الباب واشرت لها تجلس ع الكنبه واتصلت بالسكرتيره تطلب قهوه وجلست قدامها بابتسامه/ كيف كان احساسك اول مادخلتي المكتب؟
ميار خانقتها العبره/وانا لوقادره اوصف كان وصفت
كاثرين تتنهد/ايه هييه ايام حلوه وراحت
ميار تتنهد / لاتذكريني بشخص نساني ونسيته
غريبه كيف ينساني
ويطعن قلبي المسكين
ولاغرب ماخذ قلبي
معاه بدنيته زينه
حبيبي ان جفيت ورحت
حنا بلعهد وافين
انما مانساك ولو طول
الحزن وياي وسنينه
انا باقي ع حبك
ولو بعده تحب الفين
لموت بحبك الغالي
وارد احيا ع ايدينه
كاثرين/ بطلي مكابره لامانساك ومانسيتيه
ميار تبتسم بانكسار/لاتعشميني حبه تكفين
كاثرين توقف وتقرب منها وتركز ايدينها للنقاب وتفكه وطالعت فيها بدهشه/تغيرتي كتيير
ميار بضحكت استغراب/ تغيرت!!
كاثرين/ كبرتي ياقلبي
ميار تضحك/ دامي كبرت قولي لي صايره حلوه او شينه
كاثرين/ لا والله حلوه
تقدمت للباب لسماعها دقته فتحته اخذت القهوه ورجعت تجلس حطت القهوه للطاوله وهي تطالع ميار اللي ابتسمت بخجل
كاثرين/ تحبينه جاوبيني بصدق لاتكابري
انصدمت من سؤالها واكتفت بأنها تنزل راسها بخجل وانكسار
كاثرين / يعني تحبينه؟؟
ميار/..............
كاثرين/ هو بعد يحبك
رفعت راسها بدهشه/ كذاابه
كاثرين تاخذ نفس/ ويموت فيك بعد
ميار بارتباك/ وانتي وش دراك؟
كاثرين/ امممممم تصرفاته معك حنيته عليك خوفه نضراته يوم يشوفك كلها تحكي عن حبه لك
ميار بحزن/ هذي كان اسمها شفقه مو حب
كاثرين ترفع حاجب/ بطلي سماجه هو والله يحبك
ميار/ هالكلام ماينفع الحين سولفي بس واتركيني انساه
كاثرين/ تنسيه ولاتتناسيه؟
ميار تاخذ نفس/ تكفين كوكي خلص
كاثرين برفعه حاجب / يابنت انا كم مره قايله لك لاتدلعيني
ميار تضحك/ احب ادلعك وش اسوي
كاثرين/ تحبين ولاتعاندي
ميار/امممم اضن الثانيه
كاثرين بحنيه/ واحد بس هو اللي كان يحب عنادك
ميار/ميين؟
كاثرين/ تعاندي؟؟ اصلا هو اللي كان يخليك تعانديه عشق كل شي فيك حتى عنادك
ميار خانقتها العبره/ تكفين خلاص خلاص
كاثرين/ هذا ماينفع ماحتنسينه كنت متأكده انك تحبيه ليش المكابره؟؟
ميار/.........
تركتها وقامت متوجهه للمكتب شنطتها فوق المكتب فتحتها وطلعت مفتاح فتحت به الكبت اللي بالمكتب اخذت منه ضرف مع صندوق مغلف بتغليفه حمرا
توجهت لميار وهو بايدها مدته لها
ميار باستغراب/وش هذا
كاثرين/ اخذيه اول
اخذته منها وهي راحت وكانها حطته بحضنها
كاثرين/ جاني قبل سنتين قبل مايسافر كان مبين ع وجهه علامات التعب والقهر كنت بمكتب في المستشفى التخصصي العام
هادي/ د. كاثرين ممكن اطلب منك خدمه.
كاثرين / تفضل
هادي مد ايده له باصندوق والضرف/ هذي امانه ابيك توصليها لــــــ.....
كاثرين اخذتها باستغراب/ لميين؟؟
هادي بعبره/لميار
كاثرين نزلت راسها بهدوء
هادي/ايه ميار عطيها وامانه ان تأخرتي وماقابلتيها امسحي الهديه كل يوم مابيها يتجمع عليها الغبار ومابيها توسخ اناملها بها
وان رفضتها تكفين اكذبي علي وقولي لي استانست حيل بيها
خلص كلامه وطلع برا المكتب حابس دموعه
...........................................
كاثرين/ قلت لك انه يحبك
مسكت عباتها بألم وهي تبكي بحرقه/ خلاص خلاص
خافت عليه وقامت بسرعه لها حضنتها وجلست تهديها/حبيبتي انا آسفه الله يجمع بينكم ياقلبي
ميار تتابع شهقاتها/آمين الله يسمع منك

اجتاح قلبي حينما رأيته...احببته..
اول لقاء وآخر لقاء نبض به قلبي
اين انت عني الان؟؟
الا تدري من عذب صغيرتك؟
ايامن تزعم انك لاتسمح لأحد بعذابي..
الاترى ماذا تفعل انت الان؟؟
عذابك قاسي وجميل دافئ
ينبض بمشاعره الصادقه لي..
احببتك يامعذبي..
.......................................
كل وحده فيهم لابسه عبايتها باقي ساعتين ويأذن العصر هذا موعد الانصراف كانت ماسكه جواله بحزن تطالع التوبيك اللي حاطه خالد بالواتس...
اكان عشقي لها بدايه جنون ام نهايه عقل..
ميار / بيحضر خطبتي اليوم؟؟
شوق ورنيم التفوا لها باستغراب
شوق/ مين تقصدين؟
ميار/ اقصد اخوك
شوق بارتباك/ والله مادري
تنهدت بصوت مخنوق مع رنه موبايلها بالمتصل بدر
ميار/هلا
بدر/هلا فيك اطلعي انا عند الباب
ميار/ يلا طالعه
قفلت الجوال ودخلته بشنطتها التفت لشوق مبتسمه/ اخوي برا بتمشي معي؟
شوق/ ايه يلا
ميار/ رنووم تروحين معنا؟
رنيم/ ودي هشوم ملبجي الامع الاذان
ميار/ طيب تعالي
رنيم/ طيب بس مين اللي جايك؟
ميار/ محمد
رنيم بارتياح/ خلاص جايه معك
شوق كانت قريبه من ميار يوم رن موبايلها وشافت المتصل ضحكت كل وحده فيهم وهي تغطي وجهها بالنقاب
....... نهاية البارت.......... بريق امل

البــــــــــــــارت 17
رنيم بارتياح/ خلاص جايه معك
شوق كانت قريبه من ميار يوم رن موبايلها وشافت المتصل ضحكت كل وحده فيهم وهي تغطي وجهها بالنقاب
اخذوا شنطهم وطلعوا سوا شافت سيارته قدامها ركبت السياره هي وصاحباتها
ميار/ السلام عليكم
بدر/ وعليكم السلام هلا بعروستنا
ميار بنبره حاده متصنعه/ عقبالك ياقلبي
رنيم تقرص شوق بقهر وتهمس/انا ارويها قالت لي ان محمد اللي جاي
شوق بألم/آح آح وانا وش دخلني
كانت جالسه وراه اناملها بارده مره وترتجف وبخوف رفعت عيونها للمرايه بس ارتاحت لمن شافته مايطالع ومركز لطريقه
بدر/ توني موصل خلود وسحر للسوق تحبين اوديك لهم
ميار/ لا مافي داعي والله تعبانه ومالي حيل
بدر/ طيب صاحباتك وين بيوتهم؟؟
ميار/ وحده جارتي والثانيه اخت هشام
بدر بحزم/ في شي اسمه بنت سلمان خلي اخت هشام
ميار برفعة حاجب/ هشوم بعد فــ راسك شي
على اساس اني ماني عارف مين معك وانت ماخذ لفة بيتهم من اول
بدر بعصبيه/ ميـآآآآآر
ميار تضحك/ عيونها..
مارد عليها ووقف عند بيت رنيم اللي نزلت وهي تتوعد في ميار
الجو في السياره بعد نزولها كان هادي جدا كل واحد فيهم كان يفكر باللي شاغله
كانت تحس باختناق كل ماتذكرت انها بتصير زوجه لفيصل الليله

اقسى الاختناق هو ذلك الذي يُصيب من خسَر شخصاً لون حيَاته

وصلت شوق لبيتها وراحت لبيتهم نزلت متجاهلهمناداة بدر لها لجل تقفل باب السياره بس كان تبلدها مغطي ع سمعها ويمكن حتى بصرها كانت في حاله من القهر لايحسد عليها دخلت البيت طالعه لغرفتها بشكل آلي قفلت عى روحها الباب ونزلت عبايتها وجلست على السرير طلعت البجوال من شنطتها وهي تتنهد باقي ساعه ويأذن وبعدين تروح للصالون فكرت تاخذ شاور قبل ماتروح متفأئله في انه رح يهدي اعصابها ويطلعها من حالتها اللي هي فيها
.................................................. .....

طويت صفحه احزانك تلك
لعلي أراك في عيني سعيده
سأكتب بجروحك معاناتي لعلها تكون طريقا
لمداواته ايا ضوئا من نور ذاك
القمر الذي اجبرته ع معاناتك ورحيله

قفل الدفتر وماكان بوده يقفله بس كان المشوار اللي بيروحه مهم في نظره اخذ الدفتر وطلع لسيارته
كان القهر يملا قلبه وهو يدري ان غيره طاير من الفرح باليوم هذا
فيصل اللي اول ماصحى من النوم اخذله شاور وطلع للصالون كان اليوم بعيونه ماينوصف بأي جمله من حلاته ايه يحبه ايه يعشقها هي تكرهه تحقد عليه ماكان يهمه كل اللي كان ميقن فيه انه بخليها تحبه غصب عنها
انتبه للحلاق انو يكلمه فرد بهدوء / هلا
الحلاق/ شكلك عريس
ابتسم بحب وهو يفكر فيها/ ايه
الحلاق/ مبروك وعقبالنا
استغرب من كلمته كان باين عليه انه في الثلاتينات ومو متزوج/ ليش انت مو متزوج؟
الحلاق/ الا بس ناوين على الثانيه
فيصل يضحك/ بلا الله يكتب لك ويصبر زوجتك عليك
كان متخيل حياته معها بكل تفاصيلها وكلام الحلاق له خلاه يتخيل اكثر كيف انه بيجي يوم ويقول لها بمزح انه بيتزوج عليها
بتفرح وتقول له اول طلقني؟ ولا بتكون غيرتها طاغيه عليه وتحاول تمنعه بشتى طرقها
فيصل يبتسم/ تدري انه لي فرحتين اليوم
الحلاق يبتسم/ طيب الاولى وعرفناها بس الثانيه
فيصل/ مو تحس اليوم في شي غريب؟
الحلاق باستغراب/ شي غريب ايش؟؟
فيصل يبتسم/ اليوم مافي زحمه عندك
الحلاق يضحك/ وهذا اللي مفرحك قطع رزقي
فيصل/ لا هذا مو قصدي بس اقصد اليوم حلو كل شي متيسر ومتسهل لي الا شي واحد الله يسهله بس
الحلاق/افآآ وش ذي الملامح اللي تغيرت ياخي افرح هونها وتهون
بعد ثواني انتهى من حلاقته دفع الحساب وطلع لسيارته وراح للبيت متضايق مع انه قبل كان مبسوط
من يومه هذا بس بثواني حس بالحزن عليها وصار يفكر بعد مادخل غرفته وانسدح على سريره انه حرام ياخذها باكراه منها هي مالها اي ذنب بس هو مااخذها بناء على كلام امه وابوه اللي اصلا مو فاهم منه شي
هويحبها ويبيها لجل يسعدها بس هي كانت سعادتها مهوب بقربه وهو كان عارف بهالشي بس اول ماطرى هالشي براسه اعمات غيرته وحقده انو يخليها له
مو قادر ينتظر اكثر من كذا لبعد المغرب كل شي صار جاهزثوبه مع الشماغ مكويين ومعلقين فكر انه يروح ياخذ له شاور ثلني لجل يتناسى الوقت
اخذ المنشفه ودخل يستحم وباله مشغول بها
..........................................
طلعت من الحمام لافه الروب عليها جلست ع السرير واخذت الجوال حصلت 6مكالمات من خلود ورسايل في الواتس منها ومضمونها واحد ردي وجع..
كملت بضحك وجع يوجعك كانت متأكده انهم بحاله توتر وهم يدورا ع فستان بواصفات سحر
اتصلت فيهااول ماردت بعد الجوال عن اذنها بضحك
خلود بصوت عالي/انتي ليش ماتردين؟؟
ميار ماسكه ضحكتها/ هآه الناس يسلموا بالاول وبعدين كنت بالحمام
خلود/ يعني اخذتي لك شاور؟
ميار/يب
خلود/ كويس اجل سمعي احنا حجزنا لك موعد بصالون الــ.... صلي وروحي ع طوول للصالون انا كلمت بدر
ميار/ طيب خلاص
خلود/يلا باي
ميار/لالا دقيقه سمعي
خلود/هآآه
ميار/ صمود بتيجي
خلود/ مدري عنها بس اضن ان ماودها تفارق دبي
ميار بعبره/ يعني ماهي بجايه؟
خلود/بنت وش فيك؟ لاتبكين علينا
ميار/ طيب باي بروح اصلي
متنتظرت لحد ماتسمع توديع خلود قفلت الجوال وهي مقهوره كل شي نكد بيتجمع عليها اليوم
قامت بدلت ملابسها وصلت لبست عبايتها حتى بدون ماتجفف شعرهاكانت ملابسها بلوزه كت وبنطلون عشان بس تفسخها ماتخرب التسريحه نزلت بسرعه على صوت بدر اللي يناديها ويستعجلها
ميار/ هاه جيت وش فيك مستعجل
بدر/ انا موفاضي ابي اوصلك والحق على طلبات الحلى والفطاير اللي وصت عليهم خلود من غير اني ابي اروح الصالون وياالله على الزحمه
ميار/خلاص هيني جيت
طلعت ركبت السياره بدر طلع بعدها بعد ماقفل البيت ودخل السياره
ميار/ليش قفلت الباب؟
بدر/ ليش في احد بيجي؟
ميار/: ايه السواق ومعه الشغالات اللي استأجرتهم خلود
بدر/ وبيضلوا بالبيت وحدهم؟
ميار/ اكيدلا خلود بتيجي معهم وبعد صاحبتي
بدر/ صاحبتك!!
ميار/ تطمن مهي برنيم
بدر برفعة حاجب/ انا اقصد بدري على العزيمه وحضور المعازيم
ميار/ هي جايه تساعدني
سكت ومشى السياره وكل واحد فيهم ضل ساكت لحد ماوصلوا الصالون قبل ماتنزل لفت عليه/ زعلت؟؟
بدر يبتسم/لا
ميار/ طيب ليش ضليت ساكت؟
بدر/عبالي انك زعلانه وبعدين حسيت ان التوتر طاغي عليك فما حبيت اضايقك بأي كلمه
ميار وهي تنزل/ فديت اللي مايبي يضايقني
بدر بحنيه/ فديت قلبك انا
ميار تاشر له من شباك السياره/يلا باي
ابتسم لها وحرك السياره بكل بطء وهو متأكد انه في شي مضايقها بس كان اعتذاره لها انها متوترهوكل آماله انه يكون هذا السبب
دخلت الصالون وتوجهت للاستقبال تسأل عن موعدها فتحت شنطتها لحتى تدفع ردتها الموظفه بانه تم الدفع استغربت كثير من ممكن يكون دفع خلود قالت لها انه عربنت بس
طنشت السالفه لانها بنظرها ماتستاهل طلعت فوق جلست عند امرايا شالت غطايتها مع الطرحه وحطتهم بالشنطه فكت شباصه شعرها المبلل واستندت على الكرسي
طلعت جوالها لقت رساله بالواتس مضمونها
يسعد حياة من له القلب خفق كيفك حبيبتي؟!
نهاية البارت..بريق امل..

البـارت 18


طلعت جوالها لقت رساله بالواتس مضمونها
يسعد حياة من له القلب خفق كيفك حبيبتي؟!
استغربت من الممكن يكون اللي ارسل لها هاي الرساله فتحت صفحة التوبك كانت الحاله
عشقته حبيته اغرمت فيه قليله فيه.. فديت من بيكون في لحظه نصيبي
الصوره كانت رجال لابس شماغه ونضاره شمسيه ومبتسم..
انصدمت وحست بقهر بس بنفس الوقت حست بفضول انها تعرف من وين جا برقمها
بس بغمضه عين جاها جوابها منه..اخذت رقمك من وليد بس عرفتيني؟؟
كانت بتتسرع وترد عليه بس فكرت انها بتقهره اذا ماردت عليه وتستفزه بتجاهلها
طلعت من الواتس وهي تتنهد حست بايد تمسك شعرها
...... بحنيه/ ليش ماجففتي شعرك؟
ميار بتجاهل/ اعذريني بس كنت مشغوله
.... بمزح/ يلعن ابو التطنيش عطينا وجه
لفت بدهشه بعد ماسمعت الصوت بتركيز قامت بسرعه من فوق الكرسي ونطت تضمها والعبره خانقتها
ميار/ وحشتيني ياقلبي
صمود بحب/ وانتي اكثر وكملت بمرح يلا بس خلاص لا تبكيين علينا
ميار تبعد عنها والدمع بعينها/ اش اسوي واحشاني
جلست كل وحده فيهم على الكراسي المجاوره لبعض
صمود بمزح/ وش شعورك يوم انك ماتدفغين شي
ميار تضحك/ امممم شعوور لايوصف صراحة بس اعوضك بس آخذ المهر
قطعت كلامهم السيده اللي قربت منهم/ مدام ميار
ميار/ حبيبتي باقي على مدام خليني استانس شوي بآنسه لبعد العشاء
....../ عفوا
ميار تبتسم/ ايه ميار
حطت شنطتها على التسريحه اللي كان موقع عليها اسم ماركه عالميه معروفهوقالت/انتي اليوم خطبتك مبدئيا الف مبرووك
ميار/ الله يبارك فيك
......./ اناإجيت على طلب منكن..
قاطعتها ميار/ سوري شكلج غلطانه انا ماطلبتك اكيد غلطانه
....../اي لا انا متأكده مو انتي ميار هادي
ميار/ايه
...../ خلص
لفت لصمود باستغراب بادلتها نفس الشعور
طلعت ورقه من الشنطه ومدتها لها/ اي هه لأيتا هادا طلب من الاستاز فيصل الفيصل امممم هادا بئربلك شي
كانت بالنسبه له بعد مانقال الاسم لحظه هدوء وهي تتأمل الارض
مدت لها الورقه والقلم/ لوسمحتي وئعي هوون واشرت لها بأصبعها
كانت بعالم آخر لحتى ماهزت كتفها صمود وفزت وانتبهت للورقه والقلم واخذتهم ووقعت
بدت الخبيره تصلح شعرها اما صمود جلست جنبها تتنتضر دورها بعد احد الزباين
صمود بهمس/ تحبينه؟!
ميار رفعت عيونها لها/ مين؟؟
صمود/ فيصل
ميار تتنهد/ الكلام هذا وش يفيد الحين؟
صمود/ وليد اجبرك صح؟
ميار تبتسم بانكسار/ صح
صمود تتنهد/ والسواة الحين
ميار/ عادي انا راضيه بنصيبي
صمود/ استغفر الله العظيم
ميار/ وش فيك؟؟
صمود/ طيب مافي شي نسويه عشان تتفركش الخطوبه
ميار تضحك/ في شخص قلي مثل كلامك وهو فعلا بأيده هالشي بس انا رفضت
صمود/ مين؟
ميار تبتسم/ شخص غالي غلى قلبي
صمود بمزح/ وهالشخص ولد ولا بنت؟
ميار تضحك/ لاتخافي من هالناحيه
صمود/ اشوى
وبعدها التفت للي يناديها من الكوفيرات وأستأذنت ميار وراحت لان حان دورها
ابتعدت عنها صمود وبقت لحالها تفكر في حالها متجاهله الشخص اللي كان قدامها يراقبها بابتسامه
وبعد لحظات حبت تعدل جلستها بس كانت كصاعقه لها وهي تشوف الشخص اللي قدامها
ميار بصياح وهي تغطي على عيونها/ بسم الله الرحمن الرحيم
انتبهت لها الخبيره بس لان اصوات الاستشوارات كانت مرتفعه بالمكان
...../ شوبك اختي؟؟
ميار تأشر بأيدها للفراغ
طالعت الخبيره باستغراب/ شو؟؟
ميار تبعد ايدينها عن وجهها وما تلاقي احد قدامها
ميار تتنهد/ سوري بس كأني شفت احد قدامي
......ا الزاهر انك بتحلمي
ميار / يمكن سوري ع الازعاج
سكتت ونزلت عيونها للارض وهي متأكده انها شافته قدامها

نهاية البارت ادري انو قصير بس المعذره هذا اللي قدرت عليييه
بريق امل

البارت 19
طلع من المحل مجوهرات الفيصل اللي كان فيه وهو كاره المحل بس مابيده حيله هذا هو افضل المحلات بالعالم(هذا المحل مجموعه من محلات الفيصل اللي منتشره بالعالم ومالكها هو فيصل وهذا سبب كره خالد لها)
طلع من المحل ودخل للسياره حط الهديه على جنب وحرك السياره لصلون الحلاقه نزل من سيارته وتوجه لكراسي الانتظار جلس فيها بجانب رجل طلع جواله يتفقد الرسايل وبعدها رجعه
................/ شـ دعوه عطنا وجه
خالديلتفت ويبتسم/ اسف بدر بس والله مانتبهت لك
بدر/ ماعليك ماحصل الا الخير
الا قولي ان شاء بتكون موجود الليله
خالد يبتسم بانكسار/ اكييد بكون متواجد
بدر بضيق/ ماآخفي عنك يآخوي والله اني متضايق بالحيل من فيصل وماودي انه يناسبنا بس اش نسوي البنت وافقت
خالد استغل فرصة اعتراف بدر/ ومين قايل لك ان البنت موافقه يمكن تكون مجبوره
بدر باستغراب/ مجبوره لالا
خالد/ الا مو بعيده ان يكون وليد جابرها
بدر/ شوف وليد صح نفسيه بس ماتوقع انه يوصل لهالمستوى مهما كان هذي اخته وبعدين اختي وانا عرفها زين عنيده وراسها يابس
خالد/ خير ان شاء الله
خالد كان عارف انه بيحط الشكووك داخل بدر عشان اخته هو اكثر واحد كان يعرف معزه ميار عند بدر
.................................................. ........
...../ شو رأيك بتجنن ماهيك
ميار/ يسلموا ياقلبي
كانت التسريحه عشوائيه ومرفوعه بشكل حلو بحيث يكون نصها مرتفع والنص الثاني منخفض شوي على الرقبه كانت بجد تجنن عليها
............/ طيب ئومي هلأ حبيبتي على داك الكرسي منشان المكياج
قامت ميار مبتسمه ابتسامه هاديه وانسدحت على الكرسي بهذا الوقت كانت صمود توها تخلص تسريحتها وقامت بقرب كرسي ميار وانسدحت على الكرسي اللي قريب منها
كانت تسريحتها غباره عن غجري على جنب وكان طالع عليها مره رووعه
...............................................
شوق اخذت فستانها وراحت لبيت ميار وحطتهم بغرفتها وانتظرت خلود لحد ماتجي وتجيب مسؤله الديجيه معها
قامت كل وحد فيهم تتروش وتجهز نفسها خلود وسحر تركوا شوق وراحو للصالون سوا
شوق جلست مع الشغالات شوي وعلمت كل وحده فيهم اذا اي احد دق الباب يقولوا لها بلأول
طلعت لغرفه ميار عشان تسوي المكياج وهي تغني وتسلي نفسها بعد دقايق جنها رساله على الواتس من رنيم مضمونها انا جايه الحين عند ميار وينج انتي ميار جواله مفلق
ردت.. هلا بجد تصدقي ماتوقعتك تجيين انا الحين بغرفتها هي بصالون هي واخوتها وانا جالسه بروحي
ردت رنيم.... لا ياشيخه بدري شكل النت خايس عندك توك تردين انا عشر دقايق واكون عندك
شوق...اووه سوري بس هذا على رصيدي ناسيه الباسوورد حق نت ميار
رنيم.... طيب حبيبتي انزلي وافتحي الباب انا وصلت
شووق.. توك قايله عشر دقايق
رنيم.. هذا هشام يطقطق علي مايبطل حركاته ذي
شوق.. طيب نازله
حطت الروج اللي كان باقي له ونزلت
حاولت يكون ماكياجها بسيط جدا فـ كتفت انها تحط ماسكرا وكحل ورسم عينه وضل وروج
والجرس يرن شافت وحده من الخدم رايحه وقفتها وقالت لها انها هي اللي بتفتح وصلت للباب وفتحتحه بس بثواني رجعت سكرته بقوه وارتباك
هشام/ هههههههههههه شوي شوي
رنيم توها نازله وبأيدها هديه ميار وكيس ثاني/ وش فيه
هشام يرفع صوته/ مدري بس فيه وحده قويه فتحت الباب وبعدين قفلته بقوه كنت بطير
رنيم/ هشام انتا متى حتعقل
هشام/ اذا عقلت هيه
رنيم/ هشوم ترا اقول لميمو عن هذي الحركات وقول شوفي ربي ريحك من اللي كان ببيخطبك
هشام باستغراب/ ميار!! اي خطبه يرحم امك
رنيم/ اي خطبه يعنني ماعرف
بس ابعد ابعد دفته ودقت الجرس بعدها راح هشام للسياره وهو جالس يفكر بكلام رنيم
شوق بخوف/ مين؟؟
رنيم/ هذا انا حبيبتي
شوق/ طيب معاك احد؟
رنيم/ لا هشوم رااح
فتحت الباب بهدوء ودخلت رنيم
شوق بعد ماقفلت الباب/ هذا مايستحي على وجهه
رنيم/ اكيد عباله انو بدر في البيت ولا ترى على هباله الا انه محترم
شوق تتطنز/ فديت الاحترام انا
رنيم/ اتركينا بس ترا ماكياجك يهبل ابيك تسوي لي مثله
شوق/ طيب يلا طلعنا فوق
طلعت كل وحده فيهم لفوق دخلوا وقفلوا الباب
جلست رنيم على السرير وشوق خذت الماكياج وجلست قربها
شوق/ ايوة وان شاء الله ليش ماتشيلي عبايتك
رنيم/ يوووه نسيت
قامت فسختها وجلست
شوق بدت تحط لها وتقول لها/ الا قولي لي صدق هشام خطب ميار
رنيم/ هي ماهي بخطبه بس قال لي انه معجب بشخصيتها
شوق/ وانتي اي شي يقوله هشام لك
رنيم تبتسم/ انا وهشوم كأننا اصحاب كل اسراري عنده وكل اسراره عندي
شوق/ يعني هو يحبها؟
رنيم/ والله مدري
شوق/ يعني يحبها
رنيم/ لاحول انتي ليش تسألين الحين
شوق بارتباك/ لالامافي شي بس نسولف
رنيم/ اييه بس خلصي شغلك ولا يكثر
...............................................
ركبت السياره مع صمود بعد ماخلصوا ماكياج
سالم/ مبرووك ياعروستنا
ميار/ الله يبارك فيك
سالم يلمح/ وفيك ياالعروسه
ميار فهمته واكتفت انها تسكت قدام صمود
( سالم كان بمثابه اخ لميار وهي صغيره وكان اكثر واحد يطمنها من فيصل اللي كان يضايقها من صغرها ويدري انها مغصوبه عليه )
حرك السياره ومشى وبقرب احد المحطات يعبي بنزين وبصدفه شاف خالد طالع من الصالون
نزل من السياره وراح يسلم عليه
ميار كانت تراقبهم من بعيد بغصه
صمود/ يحليله خالد هذا بجد انه انسان محترم وخلوق
ميار بنفسها/ تكفين ياختي كافي عذااب والله حرام
صمود/ ميار اكلمك
ميار/ معاك ياقلبي بس اقوول ترا بعلم سالم
صمود/هههههه هذا اللي طلع براسك
ميار/ دووم عليك الضحكه ياقلبي
صمود/ تسلميلي
دخل سالم للسياره وحركها/ حبيبتي هذا اللي سلمت عليه الدكتور هادي اقصد خالد انسان مافي منه
ميار لمن سمعته رفعت عيونها بصدمه للمريا
شافته رافع حاجبه ويطالعها
نزلت عيونها بخجل لتحت وهي تسأل نفسها/ هذا كيف عرف مين قايله انا حتى لاخواتي ماقلت
معقووله خالد قايل له؟؟ مستحيل خالد مايسويها
سالم/ محد قايل لي انا عرفت بنفسي
ميار قامت تتلفت وماشافت صمود جنبه والباب مفتوح
صمود/ قلت شي حبيبي
سالم/ سلامتك
نزلت من السياره بهدوء للبيت حتى بدون ماتتكلم وتقول اي كلمه طلعت المفتاح وفتحت الباب متجاهله مناداة صمود لها
طلعت للغرفه اول مافتحت الباب ابتسمت للي بداخل الغرفه وراحت تحضنهم وتبكي
شوق ورنيم بخوف/ ميار حبيبتي وش فيك
ميار/.......
رنيم/ ميار
شوق/ ياقلبي ترا منتي مجبوره تاخذينه والله نقدر ننهي هذا
سمعت قرع باب الغرفه وراحت بسرعه للتسريحه واخذت منديل ومسحت دموعها
صمود/ هلا والله
شوق ورنيم/ هلا فيك
قربت وسلمت عليهم
صمود/ ميار اناديك ساعه ليش ماتردين؟
ميار تبتسم،/ ماحبيت اجاوب قدام سالم
صمود/ طيب انا رايحه غرفتي ابدل اسمعي اذن المغرب صمود وسحر الحين جايين
ابي احد يروح يشوف تجهيزات الشاغالات
شوق/ خلاص احنا خلصنا نازلين نشوف
صمود/ تعبناكم معنا يالغلا
رنيم/ لالاتعتب ولا شي
صمود / فديت قلوبكم
طلعت صمود من غرفتها
استأذنوا ميار بعد ماهدوها بس كان جوابها انها راضيه بنصيبها
اخذت لها منديل وضلت تمسحل الكحل اللي نزل من بكاها انتبهت لانعكاس المرايا والرجل اللي يطالعها بابتسامه خبيثه وبنفس الوقت حنونه


نهاية البارت اتمنى يكون عجبكم توقعاتكم للبارت الجاي فمان الله بريق امل

البارت 20 اهدااااء للجميع..
اخذت لها منديل وضلت تمسحل الكحل اللي نزل من بكاها انتبهت لانعكاس المرايا والرجل اللي يطالعها بابتسامه خبيثه وبنفس الوقت حنونه

لفت بسرعه لورا بخوف
ميار بخوف/ انت وش جابك هنا؟؟
....../ عشانك انا جاي
طفشت وانا اتبعك بخيالاتك باحلامك ابيك تشوفيني مو هذا مناك
ميار/ انت هو؟؟
....../ هيه انا
دخلت شوق باندفاع للغرفه وشافت ميار واقفه وكانت تتكلم
شوق بخوف/ ميار بسم الله عليك تكلمين نفسك؟
ميار بصعوبه كلامها/ لـ..ا والله كان فــ..يه شــ,,خـ..ص واااقف هـ...نا
شوق قربت لعندها وضمتها بخوف وهي تتذكر اللي قرأته بدفتر خالد/ حبيبتي ميار هدي من حالك
ميار/انتي ليش مو مصدقتني
شوق/، لا ياقلبي انا مصدقتك بس انتي روحي صلي الحين لان تأخر الوقت
ميار رفعت راسها من حضنها ولبست شرشف صلاتها وصلت
بهاذا الوقت دخلت سحر وخلود الغرفه بعد مارجعوا من الصالون والسوق بأيدهم الكيس اللي فيه الفستان
سحر سلمت على شوق/ اشوف عروستنا تصلي
ميار خلصت/ لا عروستكم كفرت
سحر/هههههههه بطلي هبالك
ميار بمزح/ وش اسوي لك اكيد بصلي
سحر/هاه شوفي جبت لك الفستان
ميار اخذته وطلعته وشهقت/ ياحيوانه احنا ماتفقتا على كذاا!
خلود/اني بريء وطلعت من الغرفه
سحر/خلووود تعالي انا ارويك
ميار/الحين لا تصرفون الفستان ليش كذا
كان الفستان قصير لفوق الركبه كت ماسك من الصدر ومنفوش حاجه بسيه من تحت ناعم واحمر بلون الدم
سحر/ حياتي عادي مافيها شي
ميار/ لافيها
سحر/ انتي الحين جربيه
شوق تهمس بأذن ميار/ ياغبيه البسيه بعدين اقلك ليه؟
ميار تطالعها بتردد وتدخل الحمام وبايدها الفستان عشان تجربه
بعد ثواني طلعت وهي لابسته وتمشي بخجل
شوق ورنيم يصفروون/ ياويلي انا تهبلين
ميار/ ادري
رنيم بمزح/ نجااامل
سحر/ والله روعه عليك ومناسب على بشرتك ليش الزعل؟؟
ميار/لانكم قايلين لي انكم بتشترون طويل وساتر
سحر/ كنا نستهبل لانا عارفين انك مستحيل تلبسين قصير
وبعدها استأذنتهم وطلعت
رنيم قفلت الباب/ ميار بنات عمك تحت
ميار/ وجع وش جايبهم؟
شوق/ شقتي عشان كذا قلت لك تلبسين كذا الحمدلله والشكر مدري وش يقرهم فيك
ميار/ وش اسوي اذا انا ساندريلا
رنيم/ايه ايه ماعليه
ميار/اقووول كل وحده تنتبه لاخوها من عيونهم
شوق/ وجع لهذي الدرجه
ميار/ واكثر استغفر الله العظيم ترا عيونهم زايغه
رنيم/ الله يعافينا
شوق/ ايه ميار بتنزلين الحين؟
ميار/ لا بعد مااوقع رح انزل بس كم باقي على اذان العشاء
شوق/ تقريبا ساعه
ميار/ طيب خليكم وياي
رنيم تبي الفكه من بنات عم ميار/ ماطلبتي شي ياقلبي
ميار وشوق فهموها وضحكوا
.................................................. ..............
تحت عند بنات عم ميار
اريج(انسانه بيضاء جميله وشعرها ناعم الطيبه فيهم حنونه وعلى نياتها بس تحاول تكون مثل الباقين خوافه نوعا ماعمرها 19)
عذاري( شيطانه تحب الموضه حياتها الاكسسوارات تحب تدلع وهذا اللي تكره ميار فيها هي واريج اخوات عمرها 20)
غاده( حقوده بشك مو طبيعي انسانه جميله احيانا تكون حنونه محترمه مع اللي يحترمها ماتحب ميار كذا بدون سبب وحيده امها وابوهابعمر ميار18)
عذاري/ انتوا عبالكم ان ميار ماخذه فيصل حبا فيه لاياقلبي هذي تبي فلوسه
اريج/ لا حرام عليكم انا اصلا كنت الاحظ من زمان على فيصل انه يحبها
غاده/ يرحم امك اريج انكتمي صدق انك على نياتك
عذاري/ اريج انتي مدري متى تفهمي ان ميار هذي شيطان بشل انسان ترا والله ماوطت البراءه
اريج/يمكن عاد مدري عنكم..
غاده/ بنات تشوفون صمود كيف صايره
عذاري/ مسويه يعنني انا تزوجت وعقلت واتكلم باحترام
غاده/ غبيه انتي انا اقول محلوه
عذاري/ لا عادي
اريج/ لاتكابري عذاري والله صايره صاروخ
غاده/ ايه صح يقولون انها ساكنه بدبي
عذاري/ لوتسكن ان شاء الله في المريخ وش دخلنا فيها
اريج/ بنات شوفوا شوفا هذي خلود وسحر
غاده/سحر من جد سحر والله تجنن
عذاري/ انتي اصلا كل الناس عندك يجننون
.................................................. .
دخل للمجلس الواسع/ السلام عليكم
قام بدر وسلم عليه/ هلا والله بخالد منور
خالد /النور نورك
بدر/تفضل
خالد جالس وهو عينه بعين فيصل
بدر/ خلاص خالد
خالد/ههه ماهمني اصلا بس والله اني مو ببالعه
بدر/انا حاشمه عشان ابوه هنا
خالد/ الله يعين
فيصل توجه لخالد وسلم عليه على اساس ان مابينهم شي
ولمن قرب يبوسه بوجهه همس باذنه/ فاز بها عكاشه
رد عليه خالد من بين ضروسه/ حسابك عندي عسير بس استنى وشوف
فيصل بتحدي/ اعلى مافي خيلك اركبه
بعد كل واحد عن الثاني وجلس كل واحد بمكانه
قام سالم وجلس جنب خالد
سالم/ كيفك خالد؟
خالد/ الحمدلله وانت كيفك
سالم/ بخير دامك بخير
سالم/ عقبالك يأخوي
خالد/ راحت علينا خلاص كبرت
سالم/ لا اكيد تمزح ولا كنت حاط عينك على وحده وراحت
خالد/ لا حاط عيني ولا شي بس كذا مرتاحين
سالم/ههههههه الله يزيدك راحه
بدر/ صدق انك حيوان تدعي للغريب ولا تدعيلي
خالد/ يعني انا الحين غريب
هشام/ ولايهمك بدر انا ازوجك
بدر/ احرجتني
الشباب/ههههههههههه
..........................................
صلوا العشاء وبعدها جلسوا يكملوا سوالفهم
اندق الباب ودخلت سحر ومعها اكياس الهدايا وورقه التوقيع حطت الاكياس وقربت الدفتر من ميار
سحر/ وقعي ياعسل
ميار تمسك القلم بابتسامه ومرح متصنع ووقعت
شوق ورنيم صاحوا وصفقوا
سلمت سحر عليها وباركت لها وطلعت وقالت لها بعد ربع ساعه الزفه
شوق اخذت ااكياس وقربت منها/ بنفتحها سوا
ميار/ يلا
بدأت كل وحده فيهم تفتح هديه
رنيم/ بنات شوفوا هذا كتاب اسمه تحفة العروسين بالله امانه طسوا
ميار/ الحين هذولا متخيلين اني افتحه الله لا يبلانا بس اسم مين عليه
رنيم/ ام حامد هذي عمتك صح
ميار/ اييه
شوق / بنات انا عندي هنا طقم حمام
ميار/ وانا شوفو عقد من بديل الذهب

شوق / صراحه كلفت على نفسها
رنيم تشهق/ شوفو هنا فيه جوال
ميار تاخذه من ايدهاا ايه كذا الهدايا ولا بلاش
شوق/ لا بعد جالكسي فور
ميار/ من اريج ياحليلها طلعت ذوق
شوق/ هذي البنت انا بصاحبها
حطوه على جنب وهم باقي يفتحون الهدايا وكل وحده تقول وش لقت
ميار/ شوفوا هنا في عقد فتحته وشافت جواته ورقه فتحتها وقرتها
كان مضمونها
ستظلين في ذاكرتي في ذلك المكان الذي عشنا به سويا
ضحكاتك...تصرفاتك... همساتك..
نسجتها بداخلي بكل حب..
رجوت ربي ان اراك تحت ظلي سعيده..
وهاانا اعتذر لك.. كنت بنظرك اشجع الفرسان..
كنت لكي فارس.. بكل معانيكي..
..سامحيني..
خيبت آمالك عزيزتي..
ارجوك لاتغضبي مني فما باليد حيله..
احببتك نعم احببتك ولكن ماذا عسانا ان نفعل..
اهذه هي اقدارنا؟؟..
تلك الاقدار التي جمعتنا سويا ثم فرقتنا ..
وشاءت ان تجمعنا مره اخرى لكي تفرقنا..
عزيزتي... اويحق لي ان اهمس لكي بهذا..
بغصه بداخلي.. بعبرة تخنقني
برجفة يداي..ببكاء انيني..
بتمزق قلبي.. وداعا صغيرتي
محبك.. هـــــــــادي
حرقه بقلبها مرت عليه وهي تمسك الورقه بقوه طبقتها ورجعته وطلعت العقد عشان تشوفه
شوق/ وااااو هذا شكله الماس
اخذته من ايدها/ اشوف
شوق بحماس/ مكتوب عليه..... بلحضه انطفئ هذا الحماس وهي تقرأ العباره وتلاحظ نضرات ميار الحزينه المترجيه
شوق/ كأنها كتابه بس طلع نقش
رنيم وهي تحاول تفك الشطرطون حق وحده من الهدايا/ اي عقد
شوق/هههه حق بديل الذهب
العقد كان مكتوب عليه(تمنيتك نصيبي)
سحر/ يلا ميار وقت الزفه الحين بيدخل فيصل غرفتك يلبسك وبعدها تنزلون اول ماادق الباب
ميار/ بس ليش غرفتي؟؟مابيه اصلا يلبسني والغرفه مبهذله
سحر / تتلفت بالغرفه تاخذ الهدايا وترتبها خلاص صارت مرتبه
يلا رنيم وشوق انزلوا نزلوا وميار تصارخ لا تكفون
جلت على السرير باستسلام وتوتر بعد ثواني اندق الباب ودخل فيصل ضل واقف يطالعها بنظرات اعجاب منتضرها تقوم تسلم عليه بس هيه ماكانت تبي وعيونها بالارض بخجل
فيصل جلس قربها/ مبروك حبيبتي
ميار/........
فيصل يبتسم/ افهم ان هذا خجل
ميار اتنرفزت من الكلمه/ طبعا لا بس انت ما ينرد عليك
فيصل ماسك اعصابه/ افا وش سويت
ميار/.........
فيصل طلع الدبله من جيبه وفتحها قدامها واخذ ايدها عشان يلبسها بس ميار سحبت ايدها وطالعت فيه باستحقار/ انااعرف البس
فيصل/ براحتك
لبستها وهي متضايقه بالحيل من اللي جنبها
ميار/اووووووووووووف
فيصل بهدوء/ متضايقه مني؟؟
ميار بسخريه/ لا من اللي جنبك
فيصل/ مافي احد جنبي غيرك
ميار تتصنه الضحك/ههههه مره تضحك
فيصل/ ميار كلميني عدل
ميار/ يووه خفت
فيصل/ استغفر الله العظيم
واخيرا اندق الباب ونزلت للزفه بعد الزفه كان العشاء وبعدها كل واحد راح لبيته عدا شوق اللي الزمت عليه ميار تبقى الليله عندها
.................................................. .....
وفي صباح جديد والكل نايم صحت شوق وهي تدور على ميار بأرجاء كل البيت بس مالقتها لبست عبايتها وجري لغرفه بدر
دخلت الغرفه ونادته من بعيد
بدر قام مفزوع من فراشه على صوت شوق
وكانت صدمته ان ميار مو بالبيت....
نهاية البارت توقعاتكم للبارت الجاي