روح الفراق ، للكاتبة : بريق أمل

الـــبـارت(4)
...../الاخ عبدالله؟
عبدالله/ ايه خير فيه شي؟؟
..../ معك مستشفى(... ..) ....................
عبدالله بصدمه/ ابوي سوا حــــادث؟؟
كل اللي بالمجلس سكت مستغرب من الكلمه الغريبه اللي قالها عبدالله بعد ثواني انتهت المكالمه قفل الجوال رفع راسه للسقف وتكى براسه ع اعلى الكنبه تعالت الاصوات داخل المجلس بس كلهم اتفقوا ع جمله وحده/ ابوعبدالله فيه شي ؟
.. ابوي في العنايه مسوي حادث يقولون حالته خطرة ..كان ينطق بها مصدوم متألم متخيل موت ابوهـ
عم الهدوء في المجلس مع مناقشات جانبيه
بدر بعصبيه/ طيب وش منتظرين خلونا نروح له
الكل بعد ماسمعوا كلام بدر اسرع كل واحد فيهم لسيارته بعد دقايق وصلوا للمستشفى سألوا عنه في الاستقبال ودلوهم ع غرفته سألواا الدكتور عن حالته بس كان رد الدكتور ان حالته خطرة جدا ونسبه نجاته ضعيفه جدا
بدر/ طيب يادكتور لوسمحت ابغى اخل واشوفه
الدكتور/ اسف ما اقدر
بدر بعصبيه/ كيف ماتقدر اخليه يموت يعني؟؟
محمد وسالم/ خلاص بدر خلاص
بدر بنفس النبره/انت ماتشوف وش جاالس يقول
بدر حط راسه على الجداريبكي/خلاص بنسكت
وسط السكوت اللي داهمهم واحد فيهم اللي كسر حاجز صمتهم
عبدالله بهدوء/ مانقدر نخبي على الاهل اكثر من كذا لازم نقولهم
بدر بحزن/ تبغاهم يموتون قهر عليه
محمد بحزم/ امي ماراح تسامحنا ان صار فيه شي وما قلنا لها
وليد بنفس النبره/يعني مين راح يقلهم؟؟
سالم/ اذا ماتقدرون انا رح اكلم منى تقولهم
بدر بحزن/ ايه تكفى سالم اعفينا من ذا الشي
تركهم سالم وراح يكلم منى على كل اللي صار
منى بصدمه / انت وش قاعد تخربط!!
ام عبدالله وكل الموجودين سكتوا لمن سمعوا صراخ منى
منى بصدمه ممزوجه بحزن/سالم انت وش قاعد تقول ابو عبدالله وش فيه؟ طيب ليش ليش؟؟
سالم بعصبيه/ احنا ماقلنا لخالتي عشان ماتنهار نبيك انتي تمهديلها تقومين انتي وتنهاري
منى بحزن/ طيب خلاص يصير خير
قفلت الجوال ونزلت الدمعه غصب عنها كانت تبي تبين قوتها قدام الحاضرين بس الخبر كان باشبه طعنه قويه لها
ام عبدالله بخوف/ خير يابنتي ابو عبدالله فيه شي؟
منى تبكي/ فـــ..ـي العــنـ...ـايه مسوي حادث
ام عبدالله بصدمه/ في العنااايه كيف؟..ليش طيب؟؟... وش صاير له؟؟
منى تهديها وهي تبكي/ ان شاؤ الله بخير ياخاله
ماقدرت تقول لها بعد ماشافت صدمتها ان حالته خطره
ام عبدالله تبكي / ودوني له ودوني له
......./ استهدي بالله ياام عبدالله اذكري ربك
ام عبدالله/لااله الاالله محمد رسول الله ابي اروح تكفون ودوني له
منى/الحين بيجي سالم وياخذنا له
وبعد دقايق مرت بالبكاءوالدعاء بشفائه وصل سالم واخذهم وصلت ام عبدالله للمشفى اخذها سالم لمكان انتظارهم
ام عبدالله تتجه لسالم وتمست ثوبه/وين ابوك وينه؟؟
عبدالله نزل ايدينها بحنيه،/ يومه هدي بالك هو في العنايه ان شاء الله يكون بخير
ام عبدالله/ دخلني عنده
عبدالله/ ممنوع يومه حالته ماتسمح
ام عبدالله رجولها ماشالتها اكثر من كذا ماتحملت وانهارت على الارض جالسه بدر اللي كان مراقب اللي يصير بهدوء اول ماشافها منهاره ركض لعندها تجمعوا عليها اولادها وسالم وقوموها على الكرسي
.................................................. .................................................. ....
ميار وصلت للبيت لقيته فاضي فتحت لهال الخدامه الباب قالت لها ان مااحد بالبيت
ميار/ اكيد طلعوا برا البيت واللحين بيرجعوا
ميار ماكانت تدري عن تجمعهم طلعت غرفتها وبدلت ملابسها كانت تحس بألم فضيع بصدرها بضيق قلبها كان شويه ويطلع من صدرها من كثر الالم
رن موبايلها كان محمد المتصل/الو
ميار بألم/ هلا حمودي
محمد ياخذ نفس/ميار البسي عبايتك وانزلي سالم برا البيت ينتظرك بتروحين معه
ميار باستغراب/ ليش؟؟!!
محمد/ انت اطلعي وهو بيقلك كل شي
قفل الجوال بدون مايسمع منها أي مناقشه كانت مستغربه وبنفس الوقت خايفه اكيد فيه شي صاير وخصوصا ان ماجاها هو رسل سالم لبست عبايتها بسرعه ونزلت عند السياره دخلت السياره / السلام عليكم
سالم/ وعليكم السلام
ميار بخوف/ سالم وش فيه
حرك السياره بهدوء متجاهل سؤالها يدري انها بتنهار يدري انها تحب ابوها بجنون وهو يحبها بس مايقدر لازم تدري وبعد ثواني من اعاده سؤال ميار قال لها كل شي صار
.................................................. .................................................. ................
الدكتور/ استاذ عبدالله ابوكم صحى ويبي يشوفكم
ام عبدالله والبنات كانوا اول من ركض عند ابوهم بعد ماسمعوا الدكتور
ام عبدالله بخوف/ ابو عبدالله ويش فيك.؟
البنات/ يوبه سلامتك وش فيك
ابو عبدالله بألم ممزوج بحنيته/مافيني شي ياروح ابوكم
وجه عيونه لأم عبدالله اللي كانت تبكي/ وين ميار؟؟
ام عبدالله/ الحين بتجي سالم راح يجيبها
صمود تبتسم/ يوبه عن اذنك بدخل الحمام
دخلت ميار عنده وهي تبكي قالت بخوف/ يووبه وش فيك؟؟
ابو عبدالله حط ايده ع خدها/ مافيني الا العافيه ياروح ابوك
ميار بفرح/الحدملله ياروحي عساها فيني ولا فيك
ابو عبدالله بحزن/ لايبنتي يكفيك اللي فيك وجه نظره لام عبدالله واخواتها اللي كانو يراقبوا الموقف بصمت/ لو سمحتوا ابي اجلس مع ميار اشوي
مااستغربوا من طلبه ولا رفضوه لانه يحبها وبيجلس معها كان اتلامر بنظرهم عادي جدا طلعوا من عنده وقفلوا الباب
ميار بحنيه/امر يابعد عيني تبي شي
ابوعبدالله تنهد بقهر/يابنتي ابي اقلك شي خليه وصيتي انا باروح عن الدنيا بقولك هذا السر وانتي براحتك ان شفتي ان الدنيا انقلبت ضدك قولي ولا تخبي شي داخل صدرك .>كانت تسمعه بهدوء عاقله من مراهقتها<...كان يكلمها ويقلها كل شي صار تسمعه وتبكي وتشاركها بكاها صمود اللي كانت تسمعهم في الحمام كمل ابوها كلمته الاخيره بكل صعوبه طلع اخر نفس منه ع صياح مياراللي كانت تبكي وتناديه/يوووووبه يوووبه تكفى لاااا مين بيحميني منه من اهله يوبه لاتتركني لاا صمود طلعت بسرعه من الحمام تطالعها بصدمه تشوفها تقول لا تموت لاتتركني كانت تبي تصيح تبي تبكي مثلها بس ماقدرت مصدووومه
دخلوا الاطباء مع اخوانها بعد ماسمعوا صياحها مسكوا ميار اللي كانت منهاره وتصيح طلعوها برا هي وصمود اتجمعوا الاطباء على ابو عبدالله حاولوا يسوون له انعاش بس خلاص ماااااااات كان هذا الخبر باشبه طعنه لكل المتواجدين
ام عبدالله تهدي نفسها/ انا لله وانا له لراجعون انما الصبر عند المصيبه الاولى
خلود ماسكها سامي وجالس يهديها كانت تبكي بهدوء قهر في حضنه
سحر خليل كان خايف عليها من ان الصدمه تأثر ع حملها بس كانت اهداهم واعقلهم بعد ام عبدالله كانت تردد طول الوقت انا لله وانا اليه راجعون
كل اللي بالمشفى يطالعونا مشفقين على حالتها اللي صارت اشبه بمجنونه منهاره تصييح ما احد فاهم هي وش جالسه تقول موفاهمها غير صمود اللي كان ودها تبكي تصيح بس مو قادره
يمسكها بدر ويدفنها بحضنه يبكي/خلاص حياتي اهدي ابوي ان شاء الله بالجنه
ميار تبكي وتصيح/يوبه يوبه بدر ابوي مامات صح؟ بدر ابوي وينه ؟ هو قال لي انه بيحميني مستحيل يروح هو قال وربي قال ابوي عمره ما وعدني وما وفا بوعده
بدر يبكي ونادي للمرضه انها خلاص تعطيها الابره .. غفت على صدره بعد ماعطوها الابره المنومه لانها لو استمرت على كذا اكيد بتوصل لحد الجنون في هذي اللحظات وليد طلع من المستشفى بسرعه محد كان منتبه له يوم طلع كانت ابرتها مدتها ساعتين بس من تعبها وصدمتها استمرت طايحه بالمشفى اسبوع كامل..... بعرور اسبوع كامل على حالتها اخيرا صحت فتحت عيونها بصعوبه ماهي عارفه هي ليه هنا وهي وين ناسيه كل اللي صار
ام عبدالله بخوف/ تكفين يابنتي لا تفجعيني فيك مثل ماانفجعت بابوك
ميار سمعت كلامها رجعت لها ذكراها /ابوي ماتركني صح؟
بدر بحنيه ممزوجه بحزن/ابوك عند اللي خلقه وخلقنا
ميار تبتسم/ عند ربي؟؟
بدر/ ايه عند ربي
ميار تبتسم/ تركني وراح عند ربي دامه عند ربي اكيد بخير
ابتسمت ام عبدالله مع بنتها اللي ابتسمت لذكرى ابوها ابتسمت لان بنتها تحسنت حالتها مادرت انها كانت تسوي كذا عشان تطمن امها كان قلبها يعتصر قهر ع كلام ابوها ..كتبولها خروج من المشفى اول مادخلت البيت شافت الكل يستقبل بابتسامه استانسوا لطلوعها من المشفى بس مالقوا ردة فعل منها غير الصمت وطلوعها لغرفتها دخلت غرفتها وقفلت على نفسها كان البيت اشبه بالميت هدوء يقتل استمرت ع حالها 3 ايام امها كانت تترجاها تفتح الباب وتاكل بعد دقايق من بعد ماراحت امها من عندها كان يحس انه هو الوحيد اللي يقدر يطلعها من حالتها لانهم كانوا دايما مع بعض هذا اللي خلا اخوانها يوافقوا
سالم دق عليها الباب/ ميار افتحي
ميار/.......
سالم/ افتحي عندي لك رساله من ابوك
ميار/.........
سالم/ لدرجه هذي ابوك ماصار يهمك
ميار لبست عبايتها وفتحت الباب/ابوي!! عندك لي رساله منه
سالم/ بس اول ادخل
ميار/ اسفه تفضل
سالم بهدوء/ ميار صح انا ماادري وش قلك بس اللي ادري فيه انه ماطلب منك تازمين حالك
ميار/ مو بايدي
سالم / بايدك ميار بايدك هذا اللي تسوينه مارح يرجعه
ميار تبكي/ ادري وربي ادري
سالم/ طيب ليش تسوين كذا؟
ميار/ ابوي تركني سالم قال بيحميني منه ومن اهله بس راح انا من بقالي بغيابه!
سالم بخوف/من مين يحميك؟
ميار برجفه/ منه منه
سالم/ طيب مين؟
ميار/ من انسان مايخاف ربه لا هو ولا ولده يبون يقهروني آآآآآآآآآآهـ
سالم بخوف اكبر/ مين هم؟؟؟
ميار تهذي بكلام غريب ومو مفهوم وفجأه ترفع عيونها فوق وتكمل كلامها سالم خاف عليها كان يحاول يفك الكلام اللي كانت تقوله بس ماقدر حط ايدينه ع جبينها حرارته كانت عاليه جدا شالها بسرعه ونزلها عند اخوانها اللي كانوا جالسين والصمت هي لغتهم الكل وقف لمن شافوه نازل ومعه ميار سالم ماكان منتظر من احد انه يسعفها اخذها بسرعه ووداها المستشفى لحقه بعدها وليد وعبدالله وبدر
دخل المستشفى شايلها بين ايدينه توجه للدكتور بسرعه وسدحها ع السريروشخص الدكتور حالتها وخرج شاف اخوانها برا
عبدالله/ كيف حالتها؟
بدر/ نفسيتها تعبانه مره عندها انهيار عصبي حاد
محمد/آآآآآآه ياويلي على حالك يااختي
عبدالله/ لازم بس تصحى نوديها عند طبيب نفسي
بدر بهدوءه المتصنع/ انا كلمت الاطباء يجيبوا لها دكتور نفسي
وليد/ بس هي متى تصحى؟؟
سالم/يقولون بكره
وليد بحزم/ خلاص بكره نتجمع هنا عشان الدكتور
عبد الله بسخريه/ الدكتور لها مو لك
محمد/ وليد ماينفع نجي لازم نتركها تتعالج لوحدها
وليد/ طيب واذا طول علاجها
محمد/ يطول زي مايبي لازم تتعالج
سالم كان في عالم لوحده اشغلت باله ياترى مين اللي يبي يعذبها وش قال لها ابوها قبل مايتوفى مستحيل ودعها مستحيل
.................................................. .................................................. .................
منسدح على سريره يفكر فيها مستحيل ينساها او ينسى شكلها مستحيل مايذكرها وكيف مايذكرها وهي اكثر رحله علاج تعذب فيها انبسط مع طفله لم تبلغ الخامسه عشر من عمرها بريئه كانت تحمل الكثير مستغرب من تحملها
ماكانت تتغطى منه حالتها ماكانت تسمح لها خوفا من تفكيرها بالانتحار
يرتب اغراضه في عياته يدخل عليه الدكتور المسؤل عنها/د.خالد في مريضه لازم تروح تشخص حالتها الحين
خالد/ بس انا مااروح للمرضى هم اللي يجوني!!
الدكتور/ ادري بس هذي المريضه حالتها غير
خالد بتذمر/ طيب الحين اروح كمل ترتيب اوراقه بسرعه وبتذمر/ يعني عشان اني تطبيق بياكلوني بأوامرهم
طلع من العياده وراح عى الاستقبال عطاهم الاسم ودلوه على غرفتها راح لغرفتا دق الباب بس ماكان فيه أي مجيب كان ينتظر كلمه تفضل
ضحك بسخريه/ تفضل من مجنونه!!! نهاية البارت اتمنى يعجبكم
بريق الامل

حياك الله عزيزتي ..

الرواية منقولة صح ؟
ياليت تعطينا خبر باسم الكاتبة من هي ؟

ايه حياتي الكاتبه يتب اسمها اخر كل بارت وهي بريق الامل

البارت الــ(5*) اهداااااء للجميع
محمد بحنيه/ حبيبتي كيفك الحين؟
سمر/ الحمدلله
محمد يمزح/ احسب بعدين من كرهك لهلي ماتبين تحضرين الزواج
سمر برقه/ حرام عليك وربي اني اعتبرهم مثل هلي وخصوصا ميار احبها مثل اختي
محمد ياخذ نفس/ تحبين ميار؟؟ وميار مين يعاشرهاومايحبها
مرت عليه حاله من سرحان يتبعها قهر وحزن وهو يتذكر حالتها بس يقطعه صوت سمر تناديه/محمد حمودي روح البس جزمه لا توقف بالمطبخ كذا
طالعها بنظرات حزينه وغريبه بعدين ابتسم بوجهها وطلع من المطبخ وتوجه لغرفته دخلها وقفل الباب انسدح ع سريره بصوت عالي ومخنوق/اااااه ياويلي عليك ياختي
بعد مــــــــرور يــــــــــــــــوم...
......../ تركتك ليالي كثيره سولفيلي طمنيني عنك
ميار بصوت مخنوق/مين انت؟؟
......../بتجلسين لحالك؟؟
ميار بخوف/ ليش ما اقدر اشوفك؟
......./ ليش ماتطمنيني عنك؟
ميار برعب ملا قلبها/ليش الظلام مغطيك؟؟
......./ لاتخافين بكون معك قريب منك مثل ظلك قريب انا تراني قريب ..صوته كان يبعد اكثر واكثرلحد ما اختفى
تتعالى شهقات ميار اللي صحت على ملمس ايدين غريب صاحت باعلى صوتها/ميييييييين؟؟؟
صمود بخوف/ ميار وش فيك بسم الله عليك شايفه كابوس انتي؟؟
ميار تلقط انفاسهاقامت وجلست/ ايه كابوس بسم الله الرحمن الرحيم الله يكفيك الشر عساك ماتشوفينها وكملت بمزح..الاسالم اكبر كابوس بتشوفينه بحياتك
صمود/ههههههه فديت طاري الكابوس ذا....بنت ترا اذن الظهر ليش بعدك نايمه قومي صلي
ميار بملل/ صليييت
صمود بسخريه/ باين... غريبه بالعاده ماتنكتين وتحبسين نفسك بغرفتك وما تكلمي احد الا اذا خلصتي
ميار تبتسم/ جايتك جايتك بس خلي هالليله تعدي
صمود بتوتر / طيب يلا قومي كلهم صاروا في الصالونات باقي انا وانتي ابيك تجين معي الصالون
ميار تقوم على حيلها ترو عند صمود وتضمها/ بتوحشيني ياغلاهم
صمود تبكي وتضمها اكثر/ وانتي بعد
ميار/ لاعادالا البكا يعني انا من اول حابسه الدمعه تقومين انتي وتخربينها تعرفين مابي ابكي عندك عشان ماتشمتين فيني
صمود/ههههههه لاوالله هذا الي هامك انك ماتبكين بس ماعليه دامي عرفت انك تحبيني
ميار حابسه الدمعه/ واموت فيك بعد
صمود/ يلا ان شاء يجي بدر وينسبك صمود
ميار/ الله يسمع منك ااااااه ماتدرين كم اشتقت له
صمود تبعد عن ميار بحنيه/ يلا حياتي تاخرنا
على اذان المغرب خلصوا راحت القصر اول مادخلت وشافت اخواتها نطت من الفرح وضمت كل وحده فيهم بشوق سلمت على زوجات اخوانها حست بحقد وكره عميق يجتاحها وهي تميد ايدها لها حاولت قد ماتقدر تخفي هالشي بس كان باين من عيونها
انتبهت لنضرات عيونها هي تدري انها تكرها بس ماتوقعت نضرات الحقد والكره لهدرجه مسيطره عليها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
مانام طول الليل ذكرها تمر عليه كل ماهم للنوم هذا ثاني يوم مايروح فيه العياده طول الليل يشوف صورتها ويتذكرها والنهار ينامه بعد ماصلى العشا دخل الحمام اخذ له شاور وطلع بعد مالبس وتكشخ
خالد بصوت عالي / يلا يامال الماحق تاخرنا وكمل بابتسامه الكلام لشواقه مو لك ياام مهند ولا انتي الكبيره وعلى روسنا
ساره تبتسم/ كلك ذوق فديتك
شوق/ يامال الحمى انت ترى الساعه توها9على ايش مستعجل انت؟
خالد بعصبيه/ شوق ترا والله اجي اقص لسانك احترمي نفسك
مهند يمسك ثوب خالد ويسحبه/ يلا خالو انا جاهز ابي اروح
ساره وهي تتعدل عند المرايه / يلاوانا بعد جاهزه
خالد بعصبيه/ يعني مافي الا شوق متاخره؟
مهند يصيح/ يلا خالو ابي اروح شوق يلااااا
ساره تضمه/ يابعد قلبي مشتاق لها
خالد بهبال/ ياولد عيب انت رجال تجلس مع الرجال
مهند يكشر بوجهه/ مهوب على كيفك
خالد بنذاله/ ولا على كيفك اذا بتدخل عند ميمو انا بعد بدخل
مهند بغيره/ لاوربي ماتدخل عندها انا غير انا مشتاق لها
خالد يضحك/ عاذرك اقنعتني يارجال وانا بعد مشتاق لها
ساره تضحك/ خلاص خالد لايروح يعلم ميار الحين
خالد/ ههههههههه اقول امسكي ولدك لايفضحنا
ساره بنذاله/ مابي اخلي ميار تحقد عليك طول عمرها
خالدبفضول/هههههه ليه ميار حقوده؟
شوق بدلع / خلصت ساندريلا بيلا مشينا
خالد بسخريه/ سواق عند وجهك انا انتي وشعرك ذا اللي كأنه عش غراب
شوق انقهرت بس تتصنع الدلع/ احمد ربي وتاكد ان ماما داعيتلك ليل ونهار ان تزوجت وحده مثلي انا ياحبيبي مافي مثلي ثنتين
خالد يتمصخر عليها،/ وانتي تبن مثلك وحده عز الله ابتلشنا
ام فهد اللي توها طالعه من غرفتها تعبانه تمشي ع حيلها قالت بعصبيه/ خالد اعتقد انك رجال وانتي ياشوق احتزمي اخوك اللي اكبر منك لا اربيك الحين
شوق تمسك ايد امها وتجلسها ع الكنبه/ فديت اللي يربي وهو تعبان
ام فهد/ خالد شيل هذا البنت من عندي
خالد يمثل العصبيه/ شوووووق وجع ان شاء الله ع السيارة يلا
شوق بصوت واطي/ وجع يوجعك
خالد/ ارفعي صوتك طيب
شوق / حاضر ياخوي اقول
خالد يطالعها بتشكيك/ احسب
طلعوا وركبو السياره بعد طلوعهم ام فهد نادت ع الخدامه تساعدها تروح على غرفتها
خالد طوال الطريق يتمصخر ع شوق بس شوق ما كانت ترد عليه بس هي كانت بحاله سرحان غريبه كانت مشغلتها ميار واحساسها ان البنت هذي وراها سالفه
ساره كانت بعد مثلها تتذكر ايامها وليله زفافها من ياسرحاولت تتجاهل ذكرها بس ماقدرت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
رنيم بتافف/ هشااام وجع بتوديني او لا
هشام يعدل شماغه عند المرايه يتصنع الغضب/ رنووم احترمي حالك لا اجي اتوطاك الحين
رنيم بنص عين/ ويعدين انت وين رايح؟؟
هشام/ معك يادلخه
رنيم بسخريه/ وش حقه قاط وجهك معي!!
هشام بغضب/ عازمني اخو صاحبتك يامتخلفه
رنيم بفضول/ مين؟؟
هشام/ اللي كان نايم عندنا
رنيم بصدمه/ بــ...ــــــدر
هشام باستغراب/ ايه بدر ليه فيه شي؟
رنيم بعدها مصدومه ماردت عليه طلعت من غرفته وراحت للسياره بعد ماقلها تنتظره فيها عيونها كانت في حضنها/ اكيد هذا بدر انا اعرف كل اخوانها الا بدر مااعرفه كانت منحرجه من اللي صار لها اليوم الصبح وبنفس الوقت خايفه بدر يقول لهشام بس اللي شوي مطمنها كلام ميار عنه
ام هشام تصحيها/رنيم رنيم قومي سلمي ع اخوك رجع من دورته
رنيم بنعاس/ يومه خليني انام
ام هشام/ قومي يومه هشام رجع
رنيم نطت من سريرها/ هشوم رجع؟
ام هشام تضحك/ ايه رجع يومه
رنيم نزلت بسرعه من فوق السرير متوجهه لغرفة هشام كانت بالحيل مشتاقه له 9 شهور وهو في دوره عسكريه
ام هشام تصيح/ وقفي يامجنونه رايحه لاخوك كذا!!
رنيم من فرحتها ماكانت منتبهه على البيجامه اللي لابستها كانت برمودا احمر حريرمع بلوزه مالها اكمام عليها صوره هلو كاتي
دخلت عليه وشافته منسدح على فراشه مغطي وجهه بمخده كانت تحرك اصلبعهاعلى بطنه بخفه عشان يصحى وهو يضحك بس اللي استغربته انه ثبت المخده عليه بقوه بس في ثواني فسرتها انه مايبي يصحى... صحى من اول مانطت عنده بس ماحب يحرجها كان يبيها تروح من نفسها بس هي اصرت تصحيه
رنيم/ هشووووووم يلا قوم اختك يانذل تبي تسلم عليك يلا هشوم يلا
خلاص وصل حده من الازعاج رخى ايده عن المخده شوي رنيم سمعت صوت الدوش بالحمام شهقت بخوف/ بسم الله مين في الحمام؟؟
شالت المخده عن وجهه/ قوم شوف مـــمــــــــ..... تفاجأت بالشخص اللي يطالعها ومبتسم رجولها ماشالتها تذكرت كلام امها/ لا تروحي اخوك معه صاحبه.. بس هي من الوناسه تجاهلتها
بدر بسخريه/ والحين ابي اغهم هشوم حقك هذا كل يوم يصحى ع هالموال؟! وانا اقول المسكين ليش التحق بالعسكريه
بعدها جالسه ع ركبها رجولها ماتشيلهاتمسكت بالسرير تبي تقوم بس ف قدامها غير الظلام وبطبيعه قلبها اللي مايتحمل اغمى عليها
فز من السرير بخوف اخذ المويه اللي ع الطاوله ورشها ع وجهها شهقت مرعوبه كان يعطيها كفوف بسيطه ع وجههاعشان تصحى/يابنت الناس قومي لاتبلشينا هشومك الحين بايطلع
رنيم سمعت اسم هشام تمالكت قوتها وقامت بسرعه تجري ع غرفته
كان يضحك ع شكلها وبنفس الوقت خايف عليها قام ورجع على السريرينسدح دخلت غرفتها وقفلت الباب واستندت عليه كان قلبها يدق بسرعه وايدينها بارده وترجف بس حامده ربها ان ماحد شافها وقفت عند المرايه تطالع وجهها الاحمر وعليه اثار اصابعه بابتسامه ممزوجه بغضب/ الحين ابي افهم هو كانت يبي يصحيني اويشق وجهي وكملت بسخريه الحين ابي افهم هشوم حقك هذا كل يوم يصحى ع هالموال الله يرزقك بزوجه تصحيك كل يوم ع طرااق واذا متزوج الله يهديها عشان تصحيك كذا
دخل عليها السياره وحركها ماكانت نتبهه عليه لسا تفكر/ الحين لو تدري ميار وربي تضحك علي سنه لقدام
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
لبست الفستان تسريحه شعرها كانت كيرلي وماكياجها ناعم والفستان كان لونه اخضر مناسب مع لون بشرتها ناعم بدون اكمام قصير لتحت الركبه بشوي مع كرستاله على شكل فيونكا ع الصدر والخصر من ع جنب امها هاوشتها كثير ع الفستان وانه شبه عاري بس كان ردها انها بتلبسه عند حريم وهي متاكده ان اخوانها مارح يشوفوها به
طلعت من الغرفه نادتها خلود/ميار
ميار/ يالبيه
خلود قربت منها/ روحي الحوش في هناك احد يبيك
راحت خلود بسرعه لانها كانت مشغوله بالمعازيم
ميار ماجا ببالها الا شوق ورنيم يمكن وصلوا بس لما راحت وشافت الشخص اللي معطيها ظهره ويكلم بجواله في نضرها كان شبه ضخم طويل وعريض ومعضل
صوته يجذبها انها تعرف مين هذا كانت تقنع عقلها انها تمشي بس قلبها ماكان مطاوعها تمالكت نفسها تبي ترجع بسرعه قبل مايشوفهها هي اللي لفت وهو اللي قفل الجوال وناداها وهو يضحك/ ميار ميار وين رايحه يابنت
نهايه البارت........ بريق الامل