ماكل مكسور مايرجع بهاهـ - الصفحة 4 - ارشيف خاص بالقصص غير المكتمله

14-04-13, 05:18 PM

المشاركة رقم: 16

المعلومات
الكاتب:	عشآآآن آلحب
اللقب:

البيانات
التسجيل:	Nov 2011
العضوية:	231701
المشاركات:	40
الجنس	أنثى
معدل التقييم:
نقاط التقييم:	46

االدولة

مدونتي

الإتصالات
الحالة:
وسائل الإتصال:

كاتب الموضوع : عشآآآن آلحب المنتدى : ارشيف خاص بالقصص غير المكتمله

رد: ماكل مكسور مايرجع بهاهـ

نجلاء الريم
تسلمين على حضورك الدائم
شرفتيني
بالعكس انتقادك وسام اعتز فيه و على راسي من فوووق

خيتك عشان الحب.

14-04-13, 05:23 PM

المشاركة رقم: 17

المعلومات
الكاتب:	عشآآآن آلحب
اللقب:

البيانات
التسجيل:	Nov 2011
العضوية:	231701
المشاركات:	40
الجنس	أنثى
معدل التقييم:
نقاط التقييم:	46

االدولة

مدونتي

الإتصالات
الحالة:
وسائل الإتصال:

كاتب الموضوع : عشآآآن آلحب المنتدى : ارشيف خاص بالقصص غير المكتمله

رد: ماكل مكسور مايرجع بهاهـ

الجــ الخامس ــزء

شكله وجع قلبها مافي مكان من جسمه مو مجبس ومو حاس بدنياه وتعبان مسكت يده ودموعها مغسلة وجهها له اسبوع وهو مغيب وهذه قعدة مها عنده ماتحركت الكل يحاول فيها ترجع بيت صالح ترتاح بس تعيي طيرت عيونها بــ فرح لما سمعته يتأأأوه

مها بـفرح تبشر طلال : طلال تركي صحى من الغيبوبة

طلال انبسط عشان مها : الحمد لله ع سلامته ألحين نحنا جايين الله الله بعمرك

مها : طيب لا تتأخرون
رجعت مها تركض فرحانة تشوفه وتكلمه كشت ابتسامتها وانصدمت ومعاد قدرت تتحرك

تركي يتأوه : آآآآه آآآه مناير مناير وينك

@@@@@@@@@@@@@@@

صارت تقرفه وتستحقره وما تطيق تطالع وجهه سكتت وتحملت شربه للخمر وسكتت على طلاقه ورجعت له ورمت نفسها عليه وهادرة كرامتها عشان حبها له ورجعت له بدون تفكير لكن توصل انه يحب ويفكر في وحدة ثانية والأمر من هذا كله مناير بنت اختها هذا الي ما قدرت تتحمله

وصلها طلال شقتها بعد ماقضوا بــ الرياض حوالي الشهر الكل مستغرب نفسيتها الي تغيرت توقعوا فرحتها فيه أكثر من كذا ومحد طبعاً عارف السبب الا هي

قفلت باب الشقة على توصيات طلال اذا احتاجت شيء وانها تهتم بــ نفسها دفت الكرسي المتحرك وشكله المتدهور ما حرك في قلبها شعره حطته بــ نص الصالة ودخلت غرفتها وقفلت الباب بــ أقوى ما عندها

غمض عيونه بــ ألم من صوت الباب وعلى حاله أكثر مسك ركبه وشد عليهم وهو يبكي يبكي مثل بكاء الأطفال صد مها له عذبه ما يدري وش السبب معقول عشاني صرت مقعد كرهتني وما تبيني وجات ترد حقها كمل بكاه بصوت عالي يقطع نياط القلب وحاله يرثى له

@@@@@@@@@@@@@@@@@@@@@@@

تركي خلك رجال ولا تبكي مو انت الي تبكي

تركي بقهر يمسح دموعه : خالد حالتي منيب قادر أتحملها شوف وش صار فيني وبنت الناس ما تبيني ماهي بــ حولي كأني منيب موجود أمس رحت أترجاها توديني الحمام( وشهق بــ ألم وهو يصيح )

خالد مقهور على حالة تركي : مو تركي الي يصيح صدقني بتصير زين كلها كم شهر علاج طبيعي وبتصير مثل الأول لا تبكي وأنا أخوك ما بخليك لحظة وحدة

تركي : جد يا خالد انا محتاج وقفتك لا تخليني

خالد بفزعة : أفا عليك يا تركي ما يحتاج توصي

@@@@@@@@@@@@@@@@@@@

ما أبيه ما أبيه

طلال وصالح ومريم طيروا عيونهم في بعض

طلال : خالتي من جدك الي تقولينه ما أصدق انك مها الي قدامي

مها : مافي شيء يتم على حاله وانا هالآدمي عفته معادني طايقة أشوف وجهه

مريم : مها لا تطحين من عيني لما تركي تعب ويبيك جنبه تعاونينه ومحتاجك تتخلين عنه أثرك ماتحبينه كنتي تكذبن على نفسك

صالح : مها خذي فترة فكري فيها انتي عشانك مضغوطة نفسياً وتعبانة مو قادرة تحكمين قرارتك

مها بــ إصرار : لا صدقوني انا بــ هالحظة مافي أصحى مني هالواطي انا عفته عفتــــــــه

@@@@@@@@@@@@@@@@@@@@

نعم ؟

مناير بخوف وقلق : مها وش فيك علي ليش اسلوبك تغير معي من متى وحنا نشيل على بعض

مها مستغربة قسوتها : مناير أنا مشغولة تبين شيء

مناير بقهر صرخت : مها حرام عليك وش هالبرود أنا تعبانة واترجاك وبنتي مفلونزا وتاركتها وهاملتها عشان افهم وش فيك وانتي منتي مقدرة

مها بجفاء : مناير لا تصرخين علي وانا ما مسكتك روحي قابلي بنتك

مناير تبكي : مها لا تحرقين أعصابي ماني قادرة أتحكم بــ حالي حياتي تلخبطت والسبب كله من تصرفاتك معي

مها بكت قسوتها الي لبستها كل الفترة الماضية : مناير أنا تعبانة أكثر منك نفسيتي بالحضيض تركي يحبك يا مناير يحبك تخيلي لما صحى من غيبوبته أنا طول الوقت كنت جنبه وسهرانة ع راحته وأول اسم نطق فيه هو انتي

غمضت عيونها مناير بشدة والي خايفة منه صار

@@@@@@@@@@@@@@@@@@

صدق قليلة أصل وينها عنك لما تعبت خلتك وجحدتك

تركي متوتر وحاله ما يسمح انه يأخذ ويعطي بــ الكلام : يمه خلاص تكفين سكري الموضوع خلاص البنت ما تبيني الحياة قدامها وهي لسى صغيرة تجبر نفسها تعيش معي أضيع لها شبابها ليش وبعدين ما تدرين هذا جزاي من الله يوم اني أنا الي جحدتها وبهذلتها وطلقتها يمه الله يخليك قفلي الموضوع

ام تركي : لا منيب مقفلته ابروح ألحين العن سنسفيلها

تركي بــ ألم : يمه يمه يكفي بذمتك ماتسوين الي براسك خليني يمه اذا انتي كمان ما تبين تتعبين عمرك معاي منتي ملزومة

ام تركي وعيونها امتلت دموع : افا يا تركي هذا الكلام لي أنا أمك وحياتي فداك

@@@@@@@@@@@@@@@@@@@@

كل عام وانت عيد ميلاد حبي
كل عام وانت في حياتي حياتي

بك أحتفل واشعلك شموع قلبي
واهديك ورد لك زرعته بــ ذاتي

كل عام وانت عيد ميلاد حبي
كل عام وانت في حياتي حياتي

يا أجمل هدية عمري من فضل ربي
جتني تحقق في الحياة أمنياتي
هي غيرت وجهة حياتي ودربي
وأهدتني عمري وابتسامة شفاي

كل عام وانت عيد ميلاد حبي
كل عام وانت في حياتي حياتي

أشتاق لك لو كنت يا شوق قربي
وأنسى بقربك كل ماض وأتي
لا تبعتد عني وخلك بجنبي
انت عيوني وانت أربع جهاتي

كل عام وانت عيد ميلاد حبي
كل عام وانت في حياتي حياتي

حبيب روحي شرق عمري وغربي
وابيات شعري وابتسام اغنياتي
في عيدك أهديلك سنيني وحبي
واشعل لعيدك كل شمعة بــ حياتي

كل عام وانت عيد ميلاد حبي
كل عام وانت في حياتي حياتي

قفل الجوال وأرسل لها مسج لخبط لها حياتها من أرسله ما قفلته تقرأه في الثانية عشر مرات دفنت راسها بالمخدة وهي تبكي بــ عنف معقول أنا لسى أحبه بعد كل الي سواه فيني
" حبيت أكون أول واحد يهنيك كل عام وانتي عيد ميلاد حبي "

ليش كذا يصير فيني يارب أني أكرهك يا تركي يارب انزع حبه من قلبي يارب عضت مخدتها بقوة تكتم صوت صياحها عشان محد يسمعه قهرتني يا تركي قهرتني وعذبتني وأنا ألي معاد أبيك

@@@@@@@@@@@@@

مناير تكفين الله يخليك تعالي شوفي مها أنا خايف عليها طول الليل أسمعها تبكي وابي أدخل عليها بس أخاف تضايق وتبي تقعد لحالها

مناير بقلق : طلال هي ما تكلمني

طلل بعصبية وقهر : من جدك مناير لو انها قاتلة بكرك تجين تشوفينها من غير ما تفكرين

مناير فيها الصيحة : طلال انت منت فاهم شيء

طلال وصوته يحتد : خلاص لا تجين احسن

مناير : طيب طيب انت وين

طلال : توني طالع من عندها دقت علي جدتي وحالتها تعور القلب روحي عندها مناير يمكن تتكلم معك

منار وهي تبلع ريقها بخوف وتتنهد : طيب يا طلال

@@@@@@@@@@@@@@

منسدحة على الكنبة وصوت أنفاسها تدل على التعب غفت من غير ما تدري ومن قوة البرد تقوقعت
غطاها بــ البطانية وصقع طرف كرسيه بــ حافة الكنبة وطلع صوت جامد

قامت مفزوعة لفت وجهها عنه ما تبغى تطالع فيه على قد ما حبته على ماقد ماهي متأزمة منه وتعبانة وعتبانة تركي هد حيلها في ظرف فترة مهيب قصيرة

تركي برقة : آسف قعدتك

مها بحزم : تبي شيء

تركي دنق راسه وحط يداته على عجلات كرسيه راجع والخيبة هي الكلمة الي توصف حالته هــ اللحظة

@@@@@@@@@@@@@@@@@@

كيفك يا مها مرتاحة

خنقتها العبرة وهزت راسها بمعنى ايه

طلال ومنظرها هاد حيله كانت رافعة شعرها بطريقة عشوائية ولابسة جينز وتيشرت اسود كئيب عظام خدودها برزت نوعاً ما كان دايم يشوفها أنيقة وستايل وأهم شيء عندها كشختها وأناقتها

طلال بحب حاوطها وبحنان الدنيا : قومي أطلعك نروح السوق

ابتسمت مها : الله يرحم كنت تكره السوق بــ سببي وألحين تبي توديني وش الي تغير

طلال انهبل ع ضحكتها : كذا طلعت لي لمبة اليوم قالت لي حب السوق يا طلال قلت بس مالها الا مها

مها : لا حبيبي مشكور ما تقصر بعدين تركي من عنده

طلال بــ إصرار : مصممة ما تقولين لي وش صار بينكم

مها : طلال حبيبي لا تنشغل علي شيء بسيط وانحل

طلال : معاً منيب مقتنع بس لا احتجتي شيء تراني بالخدمة

مها بسماجة : 24 على 24

طلال : مها لا تخليني استحقرك مثل الخبلة الي عندي هي وسماجاتها

مها من جات عندها مناير تواسيها طردتها ومعاد كلمتها حنت لهـا كثيــــــــــر : ليش وش سوت

طلال : خبلة هي وبنتها سبحان الله طاحن على بعض

مها : ههههههههه شكلك منقهر منها

طلال : وأزيدك من الشعر بيت مهنأ أبلى منها هي وبنتها يــ الله عيلة ترفع الضغط المهم مصرة ما بتروحين السوق

مها : طلال لا تحرجني

طلال بــهبال : طيب واللمبة

مها بــ ضحكة : خذ مناير معك

طلال طير عيونه وبسماجة : لالالا أجل أبحرقها هــ اللمبة

ضحكت مها وشوفة طلال ريحت نفسيــــــــــــتها كثير

@@@@@@@@@@@@@@@@@

مسك يدها وضغط عليها بقوة محتاج دعمها ومحتاج حبها تمنى يرجع به الزمن لــ شهرين ورا كان حافظ على هالأماسة الي عنده خصوصاً انها ما تخلت عنه الفترة الماضية كانت تقوم فيه بس الشيء الي يبي يعرفه ويفهمه اللوم والعتب والزعل في عيونها لما تناظره لكن اهتمامها فيه كفيل انه يحس انه حبه في قلبها لازال موجود ندمان قد شعر راسه وش استفاد من حبه لــ مناير ولا شيء وصل لـ هالحالة وضيع مها من يده من معاملته لها

تركي بــ ألم وهو يشبك أصابعه بــ أصابعها : مها لا تخلين عني أنا محتاجك ومحتاج دعمك صدقيني يا مها لا تحسبين اني قاعد أقول هالكلام احايلك عشان تظلين معي لا مو الي فبالي أبد أصلاً انتي مو ملزومة فيني ولك الحق تكرهيني لأني ما أستاهلك واصليني يا مها

مها كسرها ضعفه وانكساره وترجيه طول عمرها تشوف تركي الشامخ صحيح هو جرحها ودمرها وزعلها وذلها وبكاها لكنها ما تبغى تشوفه بــ هالحالة : الي تبغاه يا تركي بصير

مو الرد الي مستنيه لكنه يعتبر فيه تقدم دامها ردت عليه ووعدته انها بتكون معه

أعلن الميكروفون نرجوا من السادة المسافرين على متن الطائرة رقم 1365 التوجة لــ البوابة أكرر نرجوا من السادة المسافرين على متن الطائرة رقم 1365 التوجة لــ البوابة

جاء خالد وطلال يأخذون تركي بعد أعلان رحلتهم

تركها تركي وحست ان قلبها بطلع من صدرها لما استوعبت ان تركي راح يسافر لــ مدة مجهولة وراح يبعد عنها ورحلة علاج قالتها بــ صعوبة : انتبه لنفسك

خالد بــ شهامة : لا تنشغلون عليه تركي بــ عيوني وأخباره بتوصلكم يومياً

@@@@@@@@@@@@@@@@@@@@@

He has to care of himself

خالد بخوف : why is his situation dangerous , Dr?

Dr : do not worry but I want to do the operation very soon

خالد : I hope every thing ok

Dr : yes trust me

· خالد : شد حيلك نبيك تقوم بالسلامة الدكتور يقول لازم تهتم بصحتك

تركي بتنهيدة : سمعته

@@@@@@@@@@@@@@@@@@

بــ الواجهة البحرية

بجهة الرجال

مهنأ بــ لعانة وهو يصب القهوة في فنجان نثر كم قطرة برجول طلال وابتسم بخبث

طلال صرخ بصوت عالي بــ ألم خصوصاً أن الحركة جات على غفلة : آآآي يلعن شكلك يا حمار ما تشوف

مهنأ ضحك بشماته

صالح بضحكة : وط صوتك يا الثور تراك منت بزر

طلال طير عيونه لما درا انه متعمد خذا حصاه وحذفها فيه بـــ أقوى ماعنده بس ماجات فيه

مهنأ بــ استلعان : ربي لك الحمد ما تشوف ولا حول ياربي لا تبلانا

صالح يحرش : طلال انمسح بك القاع قم رد عن حقك تحرك

مهنأ مسوي قوي : ما يقدر لي ضعيف

طلال : منيب راد عليك واذا خاطبك الجاهلون قولوا سلاما

صالح ومهنأ طيروا عيونهم فيه

مهنأ : اوووووه والله نعرف نرد

طلال مسوي مغرور لف وجهه عنهم

مهنأ بــ خبث : طلال طلال بنات بنات يتبوسمون لك لا يحوشك

لف طلال بسرعة وانقص وجهه لما ضحكوا عليه والي صرفه من موقفه المحرج دق تلفونه ورد

هلا أخ طلال

طلال مشبه ع الصوت والرقم دولي : هلا والله

خالد : شكلك ما عرفتني

طلال : حيا الله بو وليد هلا والله وش اخباركم عسا اموركم تمام

خالد : طيبين طاب حالك ما عليك أمر تركي يبي يكلم أهله

طلال : أيه ابشر ثواني بس

توجه طلال للحريم وخلا مسافة بينه وبينهم : خالتي خالتي

مناير : مهاواي مهاواي

مها سرحانها و ضايقة فيها وسيعتها ياربي وش اخباره مرتاح ولا نفسيته تعبانه ينام ولا السهر تاعبه قرروا موعد العمليه ولا مابعد: .............

مناير تهز كتفها : مهاوي

مها فزت : هلا وش فيك

طلال : خالتي تركي يبيك ع التلفون

خذت التلفون منه بلهفة والعبرة خانقتها بس تحاول تقوي نفسها ومستحيل تبين له انها ضعيفة : هلا تركي

خالد : لحظة يا أختي هو داخل عند الدكتور وقلي ادق عليكم

مها انصدمت وخافت وبرزانة : ليه صاير شيء

خالد مرتبك مو عارف يكلم ولا يدبر اموره : لا بس لو سمحتي ابي اقولك ان تركي حالته تعبانة والنوم ما يذوق عيونه ياليت تبردين خاطره هو موجوع وطول الوقت يفكر ويسولف عنكم

مها : طيب هو وينه

خالد : هذا هو طلع من عند الدكتور

سرع تركي بدفعة لكرسية بيداته ويبغى يوصل للجوال لو زحف بس يسمع صوت مها : هلا مها

غمضت عيونها وبلعت ريقها وقوت صوتها : اهلين كيفك ياتركي

تركي بــ ألم : منيب بخير مها انا محتاجك منيب بخير

كسر خاطرها هي قلبها رحيم وأي شيء يكسر خاطرها فــ كيف تركي : هانت يا تركي قو عمرك وكل شيء بصير تمام اهم شيء نفسيتك

مها : حدد الدكتور موعد العملية

تركي : نفسيتي تعبانة والدكتور يقول لازم يتعدل وضعي ما يقدر يسوي شيء وهذه حالتي

@@@@@@@@@@@@@@@@@@@@

مسك يدها وهو مو مصدق انها قدامه : مهاوي انتي عندي ولا أنا ألي أتهيأ

مها مسوية قوية : انت اهتم بنفسك وكل شيء بكون خير

تركي يطالعها بــ حب : مها ما توقعتك تجين عندي يعني انا غالي عندك

مها تحاول تضيع الموضوع : شد حيلك يا تركي خالد قال ان عمليتك بكرة

تركي بترجي : لا ترجعين السعودية خلك معي

مها شدت على يده وابتسمت

@@@@@@@@@@@@@@@@@

طلال بألم لــ حال مها : خلاص مهاوي اهدي وش بسوي صياحك

مها تبكي ومو قادرة تمسك نفسها وتحس روحها بتطلع

ضمها طلال بقوة يحاول يهديها : مهاوي تكفين لا تقطعين قلبي

مها تشهق : مو قادرة انسى شكله يا طلال ( وشهقت بقوة )

طلال بعد عن مها عشان يرد على تلفونه : هلا بو وليد

خالد بحزن : كيفكم يا طلال

طلال بحزن وهو يناظر مها ومقطعة قلبه : الحمد لله على كل حال

خالد وهو يسمع صياح مها : على قولتك ربك يعين ابا أخليكم ترتاحون

طلال : لا خذ راحتك بو وليد

خالد : متى طيارتكم

طلال : لا اجلناها

خالد بتنهيدة : عسى الله يعينكم

قفل طلال ومها تختنق أنفاسها قدامه

@@@@@@@@@@@@@@@@@@@

آرائكم بالجزء الخامس تشرفني
توقعاتك لـ الجزء السادس أنتظرها بلهفة .

21-04-13, 08:16 PM

المشاركة رقم: 18

المعلومات
الكاتب:	عشآآآن آلحب
اللقب:

البيانات
التسجيل:	Nov 2011
العضوية:	231701
المشاركات:	40
الجنس	أنثى
معدل التقييم:
نقاط التقييم:	46

االدولة

مدونتي

الإتصالات
الحالة:
وسائل الإتصال:

كاتب الموضوع : عشآآآن آلحب المنتدى : ارشيف خاص بالقصص غير المكتمله

رد: ماكل مكسور مايرجع بهاهـ

الجـــــ السادس ــــزء

مها تكفين تكفين ما يصير الي تسوينه بـ عمرك

مها بــ ألم وتعب وجسمها منهد من الوجع غمضت عيونها بتعب ورجعت فتحتهم ولعقت شفاتها تبلهم : وين تركي

طلال ربت على كتفها : مها والي يرحم والديك خليك بعمرك

مها ضغطت على يده وكأنها تطلب منه ما يتعبها ويرد عليها

طلال : بــ غرفته مغيب ومو داري عن الي حوله وخالد عنده

مها نزلت دموعها على جنبات خدودها ولفت وجهها للجهة الثانية

@@@@@@@@@@@@@@

شهر ونص مروا والحال وهو الحال

مهاوي حبيتي ما يصير ضروري نرجع اجازتي خلصت ولازم ادوام

مها بترجي : طلال الله يعافيك مستحيل أخلي تركي وهو بــ هالحالة تركي محتاجني

طلال مسح على وجهه بتوتر : مهاوي افهميني انا لسى بادي شغلي ومو حلوة أبدأ تغيب من البداية وبعدين خالد ولد عمه معه وهو أكيد بقدر الوضع

مها انهارت ع أرضية غرفة الفندق الباردة وصاحت بطريقة تكسر الخاطر

@@@@@@@@@@@@@@@@@@@

كيف تخليها وتروح يا طلال من جدك انت مخليها بــ غربة وزوجها تعبان ما يقدر يرد عن نفسه

طلال ومتندم على قراره وكيف تصرف مثل هذا يطلع منه وهو الي يضرب به العقل : يمه وش اسوي وجعت قلبي وبعدين هي مع زوجها و ولد عمه شهم ورجال وكلها اسبوع ونص وبترجع

ام صالح : وكيفه ألحين

طلال يتنهد : من فشلت العملية وهو ما يتكلم ومخنوق وتعبان وشكله وشكل مرته يكسر الخاطر حالتهم بــ الويل

@@@@@@@@@@@@@@@@@

تركي حبيبي كل الله يخليك لا تعور قلبي الدكتور يقول فيه أمل تسوي عملية ثانية كلها كم شهر بتمر هواء

تركي لف وجهه الجهة الثانية ووضعه متدهور

مها قربت الملعقة لفمه عشان يأكل لكنها انصدمت وطيرت عيونها الثنتين على وسعهم لما دف يدها بقوة ونثر الأكل في كل جهات الغرفة

مها تبكي : تركي حرام الي تسويه فيني قاعدة بغربتي لك ومن أجلك وأنا عارفة وش انا عندك انا عارفة أنك ماتبيني ولا تحبني وعارفة من تحب ومن تبي وفوق هذا كله تعاملني كذا انت من ايش مخلوق وش جنسك تكلم ورد علي تبي مناير أدق عليها تجي تباريك وتفتح نفسك مستغرب اني عرفت اسبوع موجوع قلبي عليك سهرانه جنبك انتظر الثانية الي تقوم فيها ويوم قمت صدمتني كنت اظن اني شيء كبير في حياتك لكني طلعت ولا شيء اول اسم نطقت فيه كان مناير ولا كأن لي وجود في حياتك ( وشهقت بقوة )

انصدم تركي يوم سمع كلامها ودموعه رسمت طريقها مبللة ثيابه من بعد خدوده ونفسيته مساعدته انه يستمر في البكى

@@@@@@@@@@@@@@@@@@@

انا خالد جاي أزور تركي

فتحت باب الشقة ودخلت المطبخ تسوي الضيافة

استنى خالد فترة عند الباب لما حس انها دخلت وفتح الباب وشاف تركي قباله ونفسيته من بعد مارجعوا من لندن متدهورة وتعبان

خالد بــ إبتسامة : كيفك يا بو خالد

ناظره بطرف عينه وابتسم ابتسامة يدوب تبان

خالد يربت على كتفه : تراها ما تسوى وكل الي يصير ترا فيه خيرة لنا صدقني ما بتكون ارحم على نفسك من ربك ولسى الأمل باقي انت اطلب ربك وكل شيء بكون تمام صدقني يا تركي انا متفائل وارحم هالضعيفة الي عندك بس مأذيها ومخليها مثل الشغالة عندك الكلمة الزينه ما تشوفها منك تركي انا ولد عمك وبمقام اخوك واحبك اسمع نصيحتي وعاملها زين تراها ما شافت الريق الزين منك من خذتك وانت مبهذلها

سمع خالد دقة الباب وتوجة له وفتحه ولقى القهوة والحلى والتمر ناظر تركي بنظرة تحمل معاني احمد ربك ع هالنعمة الي عندك

دنق راسه تركي ومستغرب تصرفاته لــ مها وكأنه يتلذذ بــ عذابها

@@@@@@@@@@@@@@@@@@@@@

الحب ذابحني توهني في دربه
يارب سامحني من هم با سبه
الحب لا بو الحب يبيلة قوة قلب
وهقت انا نفسي يا ناس في حبه

رضيت انا بالهم بس مارضى فيني
الله بسماه يرحم وحضرته ناسيني

الحب لا بو الحب يبيلة قوة قلب
وهقت انا نفسي يا ناس في حبه

عن قلبي مو سائل رغم الي سويته
لكني استاهل يوم اني حبيته

الحب لا بو الحب يبيله قوة قلب
وهقت أنا نفسي يا ناس في حبه

ما وعت على نفسها الا وهي تغني مع المغنية وكل كلمة تنقال تحفر في قلبها وتعورة رمشت بعيونها لما شافته قبالها يناظرها نظرات ما قدرت تفسر معانيها سوت ميوت ولفت الناحية الثانية
قرب تركي ناحيتها أكثر لين صدم كرسيه بطرف الكنبة

تركي بهمس : مها

مها وقلبها موجوع : لا تكمل الله يخليك لا تكمل الي جاني منك كفايه

تركي بتنهيدة : مها بس انا بجد حبيتك

لفت وجهها بقوة وملامح وجهها مصدومة وناظرت بعيونه ودموعها تلمع : حبيتني وتقولها بوجهي ليتك ما تكلمت ولا قلت شيء أكيد حبيتني بس الحين تحب مناير وانا صايرة بالماضي

تركي سب نفسه كيف ما يثمن كلامه وبتلعثم : مهــ

مها سدت أذانها : بس يا تركي بــــس قلت لك لا تكمل الي جايني منك كفاية ليش يا تركي تتلذذ بتعذيبي وقهري سويت لك كل شيء بديتك على روحي رميت نفسي عليك نسيت كرامتي صرت خدامة لك انذليت لك قبلت بكل شيء سويته فيني وما تلاقي وما تشوف مني الا الحب والسماح لكن توصل فيك انك تحب بنت أختي هذا الي ما توقعته ولا جاء فبالي ألحين فهمت ليش كنت تتنرفز مني على أي شيء وتسوي مشكلة معي من ولا شيء بس عشان تخرج من البيت وألحين فهمت ليه يوم زواجها كنت متضايق وما جيته وسافرت الرياض وفهمت ليش كنت تقول لأبوها ان مهنأ ما يناسبها و تحاول تفركش الخطوبة بنت أختي يا تركي خليتني أنفر منها من بعد ما كانت أحب الناس على قلبي مناير اختي خليتني اكره اختي ياتركي والمشكلة انها متزوجة وفوق هذا كله ما تحل لك كيف تفكر كيـــف لو حبيت وحدة ثانية ببلعها وأسكت طيحتني من عين نفسي وخليتني ما أسوى شيء آآآآآآآآه والمشكلة ما يعطيني قلبي اروح وأخليك بــ هالحالة قلبي ما يطاوعني معاً قلبي مجروح منك ما بكيت في عمري مثل ما بكيت في حياتي معك حتى لما توفى أبوي مابكيت عليه عشان كان عمري سنتين ولسى ما بعد وعيت وحسيت
وش تبي مني ألحين قولي وش تبي ( قالتها بحدة أكثر وصوتها يرتفع )

تركي مستحي من نفسه : الي تبينه سويه لك الحق تسوين الي تسوينه فيني ومحد يقدر يقول شيء

@@@@@@@@@@@@@@@@@

جلست قبالها وهي مستعدة تسوي لها أي شيء بس ترجع مها الاولانية: مها الله يخليك لا تعاقبيني بذنب انا مالي ذنب فيه ومالي علاقة فيه تذكرين قبل أيام زواجي كيف كنت تعبانة وطحت عليكم كنت احس نفسي أخونك معاً مالي علاقة مها الله يخليك افهميني وسامحيني

مها مصدومة: يعني انتي كنتي تدرين من ذيك الأيام وانا وين كنت لهدرجة كنت مغفلة وساذجة ومنيب دارية عن الي يصير حولي

مناير تبكي :مها مالي ذنب قتلك مالي ذنب

مها تبكي وترتجف : مناير انا تعبانة ومحد حاس فيني انا كل يوم اموت واذبل ومحد داري عن هوى داري ليش كذا صار معي زوجي يحب بنت اختي آآآآآآآه يا مناير وين صارت هذه وين شافك وكيف تعلق فيك كان يحبني ويهوى ترابي وين شافك تكلمي ردي علي

مناير تشهق : مدري يا مها انا استغربت الشيء الي صار كنت حاطة يدي على قلبي خايفة يجي اليوم الي تدرين فيه ولما دريتي تعبت أكثر من أول

مها بترجي : علميني وش أسوي معه اتركه ولا أكمل معه قلبي ما يطاوعني اخليه وهو بــ هالحالة على كثر ما حبيته على كثر ماني مجروحة منه وحتى ما أبي أطالع فيه

انفتح الباب وانصدمن لما

طلال طير عيونه : وش فيكن ليش تبكن

دنقت مها راسها تمسح دموعها وردت مناير : مافينا شيء بس نتعاتب شوي

طلال بحمية ما يحبهن يبكن :منيب بزر وحدة تتكلم وتعلمني وش صاير وهو يناظر مها وش فيك جيتك البيت في وراها شيء سوى معك شيء زوجك

مها تلطف الجو : أفاا ياولد اختي تطردني من البيت ( وتسوي نفسها تلبس عباتها ) خلاص قوم وصلني ما أبي اجلس هنا

طلال بقهر : مها كم مرة قلت لك هالإسلوب ما احبه تفهمين ولا لاء مها تكفين علميني وش صاير معك مها صدقيني ان كان ماذيك لا يهمك تقولين ما ابي اتركه بــ هالحالة ترا انتي ومناير قطعة مني وما أرضى أحد يأذيكن وانتي ما قصرتي معه وجاية تبكين منه اسمحي لي هذا قليل خاتمة والخير ما يبان فيه

جاء كلامه ع جرح مها: يعني اذا ابيكم تطلقوني منه بترضون

طيروا عيونهم في بعض من مها وكلامها

@@@@@@@@@@@@@@@@@@

وش أخبارك طيبة

مها وهي تسوي القهوة : الحمد لله بخير

طلال : وش تسوين الحين بمشي مافي داعي للقهوة

مها : خالد عند تركي له ربع ساعة وتأخرت بالقهوة

طلال : ما انتبهت لسيارته تحت المهم ورا غيرتي رايك أنا جاي أتفاهم معه ونفك الي بينكم

طيرت مها عيونها في طلال : لا طلال لا تواخذني ع الكلام الي قلته أنا كنت تعبانة وما ثمنت كلامي

طلال بتنهيدة: بس لو أعرف الي بينكم عشان اكلمه بوجه قوي

مها :مافي شي بينا يا طلال تطمن ( وهي تناوله الصينية ) خذ ودها تأخرت عليه فيها

طلال : غيري الموضوع بس مردي أعرف والأيام بينا

مها بضحكة : يا جاااامد يا قوي
خذ طلال الصينية واباليسه تطامر قدامه من مزحها الي يرفع ضغطه

هلا بو وليد

خالد بــ إبتسامة : الله يحيك يارب

طلال حط الصينية ع الطاولة وسلم ع تركي بنفس : أخبارك تركي

تركي ببرود : تمام الله يسلمك

طلال ما تحمل المجلس مشى بعد السؤال عن الأحوال

@@@@@@@@@@@@@@@@@@@

وش فيك يا طلال لك كم يوم صحتك مهيب تمام عسى ما شر يا خوك

طلال مسوي مستحقر وبــ لعانة : وش عليك انت تقربلي اخوي ابوي جدي تحشر نفسك بــ إلي مالك فيه ليش

مهنأ طير عيونه مقهور : الشرهه علي أداري أشكالك

طلال مبسوط قدر يرفع ضغطه ويكمل ومسوي جدي : أقول قم بس ناد أختي وانت ساكت ولا ناديتها لا تدخل موضوع عائلي

مهنأ معصب : أصلا لا جات بتدخل بمنعها منيب قايم اناديها

طلال يزودها عليه : ايه هين ضف وجهك بس

دخلت مناير حاملة مها وبتحطها في حضن طلال : حيا الله أخوي من زمان ما نورت بيتي

مهنأ خذ مها بسرعة : ما أبيه ينجس بنتي

طلال مسوي مسكين ومظلوم : شفتي مناير من أول يجرح ويسب وأنا ساكت ومتحمل عشانك

مناير رافعة حواجبها مستغربة : وش فيكم وش صاير

مهنأ طير عيونه فيه منجلط

طلال : هذا الي قدرك ربي عليه بدل ما تدافعين عن أخوك ضفي انتي بس انا قايل من زمان عيلة ترفع الضغط بس وش أسوي أختي وبعدين داخلة مع وجهك انتي وبنتك كأنها باب من عرضها وين القهوة

@@@@@@@@@@@@@@@@@@@

منسدحة ع السرير وملامح التعب باينة في وجهها وبين حواجبها معقود بشدة حتى تنفسها يتعبها من شدة تعبها

قعد يتأملها بعطف وكلام خالد يتردد في باله من خذيتها ما شافت منك ريق حلو ناظر نفسه لقى نفسى مرتب ومهندم ومو ناقصه شيء هذا دليل البنت مو مقصرة معه بــ شيء جاه صوت وانت ذابحها بــ إهمالك وعذابك لها وخيانتك خفق قلبه مع هالكلمة ومرت فباله مناير

حست مها عليه وانتفضت لما شافته قريب منها : وش فيك يا تركي فجعتني

تركي : ولا شيء بس جيت اسولف معك ولقيتك نايمة

مها تعددل جلستها : وش تبي تقول

تركي بغصة : لا بس فقدتك وجيت أشوفك

تنحت مها فيه لكنها قوت نفسها لأنها صارت معاد تصدقه وبقوة وحزم : ايه طيب وبعدين

تركي انقص وجهه : خالد دق علي يقول دامني كملت 8 أشهر من العملية نرجع نسافر يمكن تنجح الثانية

مها بتنهيدة : بــ السلامة إن شاء الله

تركي طير عيونه فيها : يعني منتي جاية معي

مها : لا

تركي بــ إنفعال : ليش يا مهـــا أنا أبيك معي

مها بحدة : أسافر معك وش أسوي انا صرت معاد اتأمن نفسي معك ومعك خالد ولد عمك وش لزمتي تروح وترجع بــ السلامة

تركي : أنا كنت مطمن جيتك معي كيف تتخلين عني

مها : انا ما تخلت عنك كل مابغيتني لقيتني جنبك بس الحين اسمح لي منيب جاية وطلال وصالح عندهم دوامات وما ابيهم يتغيبون

تركي يحط يده على صدره وصوته يعلى : بس انتي معي وحميتي

مها وشوي بتنهار : قلت لك ما أقدر أمن نفسي معك اتركني روح وقلبي داعي لك صدقني مارح أتخلى عنك قلبي راح يكون معك وكل يوم راح أكلمك وأطمن عليك

تركي بقهر : انتي انانية وما تحبين الا نفسك

مها : !!!!!!!!!!!!

@@@@@@@@@@@@@@@@@@

الله يعطيك العافية يمه تعبناك تعالي اجلسي

مها بذوق وأدب : الله يعافيك يا عمة وانا ماسويت شيء ( ومسكت الدلة بتضيف )

حنان خذتها منها وشكل مها كاسر خاطرها : عنك ارتاحي انتي شكلك حيل تعبانة

مها وفيها صداع بفك راسها من الوجع : لا وش دعوى وين التعب تعبكم راحة

تركي بقل حيلة : أدق على طلال نأخذك المستشفى

مها وهي ترمش لعل يروح الصداع : لا يا تركي ما يحتاج مصدعة شوي ابقوم أخذ بندول وبصير بخير

@@@@@@@@@@@@@@@@@

الحمد لله ع السلامة يا خالتي خوفتينا عليك

غشاش ما تشوف شيء والدنيا تدور فيها تغمض عيونها وترجع تفتحهم والنتيجة نفسها غمضت عيونها لمدة أطول لعل يروح الغشاش

مناير بخوف : خالتي فيك شيء انتي سامعتني

شدت مها على يد مناير تطمنها وبللت ريقها بلسانها : ابي ماء

مناير متلخبطة ومهيب عارفة وش تسوي ومن وين تجيب الماء دقت على طلال وهي تبكي : طلال

طلال بخوف : وش فيك صاير لها شيء

مناير تمسح دموعها: لا بس تبي ماء بليز لا تتأخر

طلال : اجل ليش تبكين تكلمي

مناير : بس شكلها عور قلبي

تركي : وش فيها

طلال ناظره بقهر ومشى عنه عصب تركي وناقزت اباليسه قدامه كيف أنا زوجها وملطوع برا دف عجلات الكرسي وتوجه لغرفة الطوارئ وشاف الي مايبي يشوفه

أتوقع نزلت لكم جزء طويل ومليان بــ الأحداث

أرائكم للجزء السادس تشرفني وتسعدني
توقعاتكم للجزء السابع أنتظرها بلهفة

ودي لكم أختكم
عشان الحب.

11-11-13, 12:29 AM

المشاركة رقم: 19

المعلومات
الكاتب:	عشآآآن آلحب
اللقب:

البيانات
التسجيل:	Nov 2011
العضوية:	231701
المشاركات:	40
الجنس	أنثى
معدل التقييم:
نقاط التقييم:	46

االدولة

مدونتي

الإتصالات
الحالة:
وسائل الإتصال:

كاتب الموضوع : عشآآآن آلحب المنتدى : ارشيف خاص بالقصص غير المكتمله

رد: ماكل مكسور مايرجع بهاهـ

الجــــــ السابع ــــزء

تركي وقلبه يخفق مهوب وقته مهوب وقته ياليتني مادخلت

مناير حست شيء غريب رفعت راسها رمت شيلتها على وجهها وهي مستحقرة فعايلة : خالتي تبين شيء انا بطلع

مها مغمضة عيونها :خلك معي لا تروحين

مناير بقرف وماتبي تنطق اسمه رجلك جاء انا بطلع

فتحت مها عيونها وناظرته لقته بالطرف

جاء طلال ومعه الماء ومعصب : كيف تدخل هنا ومحارمي داخل

تركي بقهر : ابي اشوف زوجتي محد طمني عليها

مها بتعب : طلال هات الماء

@@@@@@@@@@@@@@@@@@

يومين قضتهم بــ المستشفى تحت فحوصات روتينية اتعبتها وأجهدتها بدل ما تريحها اكتشفت فيهم فقر دم الي كان سبب من أسباب الصداع الي كانت تشتكي منه في الآونه الأخيرة
المنظر غريب نوعاً ما كان تركي يهتم بها لدرجة أجهد صحته وأتعبها
جاب تركي شوربة وشوية أكل أرسلتها له أمه

مد تركي لها يده عشان يأكلها لكنها لفت وجهها لــ الجهة الثانية ونظراته لـ مناير ذاك اليوم هدتها فوق ماهي مهدودة

تركي بتعب من المجهود الي أبذله خصوصاً انه عيا أهلها يأخذونها وأصر انه هو الي يهتم فيها : مهاوي انا تعبان وانتي تعبانه فلا تجهديني وتتعبين نفسك معي

مها بــ ألم : تركي ابعد عني مو قادرة أنسى شكلك ولاني مستوعبة الي شفته كيف كنت تناظر مناير ما استحيت مني ما استحيت منها عيب يا تركي عيب في حق نفسك عيـــب

تركي بــ إنفعال: ما ناظرتها ولا جيت حولها انتي كيف تفكرين استحي على وجهك انا نسيتها

مناير بقهر وتعب : تركي انا مستحيل أكذب عيوني انا كنت مريضة وركزت عليك اجل لو كنت بــ صحتي وش كان شفت خلاص يا تركي انت ما منك رجاء وما ألومك القلب والمشاعر مهيب أيادينا أتعبتني يا تركي أتعبتنـــي والحب مهو بــ الشحاذة

@@@@@@@@@@@@@@@@

وش عندها عمتي مدلعة ع آخر دلع

مها بضحكة : حاسدتني ع المرض يلعن ابليسك يا وصخة

أم صالح تأكل مها قطت وجهها شهد : تكفين جدتي من أول خاطري بس مستحية لكن ألحين من وشو أستحي

نوف : يلعن أم الشفاحة الي كذا

شهد وهي تمضغ الأكل : وش عليك انتي ضفي وجهك بس

صالح وهو يحط يداته على كتفها: ها مها وش أخبارك طيبة إن شاء الله

مها بعبرة : أنا بخير دامكم حولي و معي

شهد بهبالة : هييي لا تغزلين بــ أبوي ترا أعلم أمي

صالح مسوي قوي ورومانسي: خير يا طير علميها هي واثقة إني أحبها

نوف وشهد صفروا بنفس الوقت : أووووووووووووووووووووووو اموت على الحب الأبدي

صالح يناظر مناير :ها يا مناير كيف الصحة كيف مهنأ

مناير بــ إبتسامة : تمام كلنا بخير

صالح : عسا دوم
يلا بنات لا ترهقون عمتكم وكلها يومين وجهزن أغراضكن

@@@@@@@@@@@@@@@@

قلبها يرتجف من قالها طلال ان تركي ينتظرها بــ المجلس وتحس نفسها متلخبطة قضت مع أهلها واجتمعت فيهم كلهم 3 أسابيع ردت روحها فيها وبذي اللحظة نست كل شيء حلو توجهت للمجلس وافكارها توديها وتجيبها ومهي عارفة وش بكون تركي يبي فيها

السلام عليكم

تركي ناظرها بــ لهفة : وعليكم السلام كيفك يا مها

مها بتنهيدة : نحمد الله بخير

تركي يفرك أياديه بــ بعض ومو عارف من وين يبتدي : مها انا جيت اقولك اني بكرة مسافر وجيـــ

شهقت مها المرعوبة قطعت كلامه : وين

تركي : لندن

مها عيونها غرقت بــ دموعها : وليش ما قلت لي من اول ليش لما تممت كل شيء تكلمت

تركي : انتي قلتي ما تبين تجين معي قلت ماله داعي أعلمك الا يوم السفر ( دف عجلات كرسييه ناحيتها بهمس ) ليش تبكين يا مها

مها مسحت دموعها : ما أبكي عادي

تركي نبضات قلبه تزيد وتنفسه سريع : بتفقديني

مها تغير الموضوع : تروح وترجع بــ السلامة لا تنسى تطمني عليك

تركي بــ إحساس: بتفقديني يا مها قولي كل الي عندك يمكن معاد تشوفيني ومعاد أرجع لك

تعب نفسيتها منه وعذابها بالآونة الأخيرة وحبه الي ما تدري لسى باقي في قلبها ولا لاءوكلمته الي خوفتها وأرعبتها خلاها غصب عنها تبكي بعنف وقهر وروحها بتطلع مع كل شهقة تشهقها

حاول تركي يقوم من كرسيه ويجلس جنبها بالكنبة وفعلاً عرف لكن بصعوبة ضمها بقوة لعل يهديها ويهدي نفسه من حالتهم ونفسياتهم المتدهورة تشبثت فيه بقوة وماتدري وش الي تحس فيه بــ ذي اللحظة

@@@@@@@@@@@@@@@@@@@@@@

هييي يا حمار شوي شوي عليها

طلال بــ ابتسامة تطير العقل قاعد يشقلب بــ مها ويطيرها بالهواء وهي تضحك
وبــ لعانة: الحمد لله والشكر البنت مسكينه مهيب شايفة خيرقاعد أشقلب فيها عبالها ألعبها خبلة مثل أمك صح

مها تضحك ضحكة تطير القعل

طلال منهبل عليها : قاعدة تضحك يعني تقول ايه امي خبلة

ام صالح : طلال نزل البنت لا تطيح عليك

طلال : لا يا جدة مهوب صاير لها شيء مثل امها لها سبع ارواح

مناير بخوف : طلااال نزل البنت حرام عليك نزلهاااا وش تبي تسوي فيني

مها منبسطة : طلال حرام عليك بوقف قلبها عطها بنتها

طلال : خلوها معي وشتبون ( وبااااسها بقووووة ) هذي حبيبة خالها صح

مريم : يلا شد حيلك بنزوجك وجب لك عيال

مها بــ فرحة : جد طلال والله الي بتأخذها تحمد ربها وتشكره كل يوم انت مافي منك أبد

طلال انحرج : والله تحرجيني يا خالتي لا تبالغين

مناير بــلعانة : يلا بدينا بثقالة الدم بقول لا لا لا تبالغون عشان نقوله الا والله انك احسن واحد ايه ايه نبالغ وانت ما تسوى ريال

طلال طير عيونه : أنا ما أسوى ريال يالطقاقة

مناير بقهر : نــــــــــــــــعم يمه شوفيه

مها تفزع لــ طلال : احسن تستاهلين كل شيء ولا طلال

طلال مسوي يرمي مها : خذيها هالبطة كسرت يداتي فديت أنا خالتي عساني ما أبكيها أحبها .

@@@@@@@@@@@@@@@@@

اليوم ولد عمي خالد دق ويقول كل شيء تمام والدكتور مطمنهم على كل شيء والعملية قربت

تنهدت مها من خاطر وهي تذكر المسج الي أرسله لها خالد بكل هالتفاصيل

@@@@@@@@@@@@@@@@@

تدري خالد كأن ربي ابتلاني بــ هالحادث عشان يوريني طيب أصل مرتي

خالد بـــ تعجب : تركي انت لــ ألحين ع سواياك وما خفت ربك فيها لــ ألحين

تركي بتنهيدة : خالد شعوري ناحيتها حلو احبه واحب قربها ولما اشوفها سبحان الله ارتاح وأبتسم لكن لما شفت بنت اختــ

خالد بقهر : تركي بس خلاص لا تكمل لا تكمل ما أبيك تطيح من عيني ظنيتك عقلت رجعت لــ عقلك انا راحم حالها هالضعيفة الي كل ما فيها تبي تسويه لك وانت جاحدها ومنت شايف ولا شيء
تركي تعوذ من ابليس انت الي تسميه ذا اعجاب متى قعدت معها عشان تبيها تذكر لما شفت مرتك في حفلة تخرجك وأصريت الا تبي تأخذها ولا تقولي هذه غير هذه عشانها ما تحل لك الا تبي توصل لها وابليس قاعد يزينها لك

تركي بتنهيدة والكلام صعب عليه عشانه منسدح ع سريره : من قال اني جاحدها

خالد بعصبية وصوته يعلى : ويوم تفكر في غيرها وش تسميه ذا فهمني ( قام خالد من الكرسي )

تركي بتعب : وين لا تتركني

خالد : المقعد معك يتعب ويرفع الضغط

@@@@@@@@@@@@@@@@@@@

بعد يومين

عطو مهنأ إجازة وقال يبينا نسافر

طلال : طيب على وين معزمين

مناير تبتسم : مدري

طلال : أوخس يا مهنأ ترفع تسوي مفاجآت

مناير : ................

الكل كان يسولف وهي مو معهم المسجات الي توصلها تستغربها صحيح انها من تلفون تركي لكن المرسل مو تركي
تركي يسأل عن أخباركم عساكم طيبين
خذت نفس صحيح هي ما عطته وجه لكن اسلوبه غريب تركي يأخذ اخباري من أخواني وان بغى كلمني بعض الأحيان
تنهدت من قلب
وهي ترتجي المولى يسير امورها ويكتب لها الخيرة في كل شيء

@@@@@@@@@@@@@@@@

تبين نمشي فيه وقت ؟؟؟؟

مها وهي خايفة وتفرك أياديها ببعض : لا يا خوي انت عندك دوام وبكرة العملية ما رح يمدي نوصل قبل العملية

صالح بحنية : ماعليك اذا تبين بتدبر

@@@@@@@@@@@@@@@

كان الكل نايم في عز الفجر وهي رافعة يداتها ودموعها غاسلة وجهها كانت الساعة 4 ص بتوقيت السعودية وكل ما فيها يرجف كانت تدعي له بــ ضمير ناسيه كل الامها الي واجهتها منه الي مهما ذكرتها مارح تخلصها وساعة الجدار تشوفها تمر ببطئ والود ودها تحركاها بــ أصابعها

أما الوضع في لندن كان جو الغرفة كئيب ما ينسمع فيها الا أنفاسهم المتوترة

تركي وهو يبلع ريقه : خالد دق لي على مرتي

خالد يصبره وهو عارف انه اذا كلمها راح ينتكس لأنه بحاجتها وهي مو جنبه: تركي خلاص الجوال وكل الأشياء الي فيها موجات منعت منك انت كلمتها الصباح وطمنتها واذا تبيني أطمنهم ما بقصر

تركي لف الجهة الثانية وبتنهيده : كم الساعة ألحين

خالد : 1 الفجر

تركي : يعني 4 الفجر هناك

خالد : أتوقع كذا

تركي : خالد لا تنام خلك معي لين أطلع من العملية

خالد يربت ع كتفه وبــ إبتسامة تبرد القلب : أفا عليك لادخلت العملية انا آخر واحد بتشوفني واذا خرجت اول وجه بتشوفه أنا ناشب لك ناشب لك

@@@@@@@@@@@@@@@@

قومي تغدي يمه اول مايصير شيء بطمنا ولد عمه لا تقلقين المكتوب بصير

مها تبوس يد امها : يمه الله يخليك اذا جعت بــ أكل خليني

ام صالح : الله يشفيه ويريح بالك

مها : يمه كثرري من الدعاء هذا

5 دقائق مرت

جوال مها حبيبي يتصل بك

بلعت ريقها أكثر من مرة وردت والي فيها فيها : ألو

خالد بفرح وحماس: نجحت العملية يا مها نجحت تو الدكتور طلع من عنده وبشرني ألف مبروووك

مها بكت من الفرحة : الله يبارك فيك طيب هو وينه

خالد بحماس ومو حاس بــ إلي يسويه : لسى مغيب ما فاق من الغيبوبة

مها تبكي بصمت : مشكور تعبناك معنا

خالد بعد هالكلمة استوعب وش سوى
!!!!!!!!

@@@@@@@@@@@@@@@@@@

How are you , Mr Turky?

تركي بــ إبتسامة : I am fine. what about you ?

Dr : I am fine

خالد : when can we come back to Saudi Arabia ,Dr

Dr بــ إبتسامة: I think you are boring of us

خالد بــ ضحكة : no Dr but we miss our family and we here for 4 monthes

Dr : ok but he has to care of himself

خالد : ok thank you

خالد وهو يدف كرسيه : لازم تهتم بصحتك وتكمل علاجك الطبيعي هناك مو تهمل ولا أقولك أنا إلي دايم بوديك وبجيبك

تركي : أدريبك ما تقصر .

@@@@@@@@@@@@@@@@@@@@@@

مترت الصالة رايحة جاية صحيح 4 شهور مرت ثقيلة عليها لكن هالساعتين لحظة وصوله من المطار حستهم سنة من غير مبالغة
دق جوالها وفزت من الخوف شافت المتصل صالح

مها برجفة بــ صوتها : هلا صالح

صالح وهو حاس فيها وشفقان على حالها : افتحي باب المجلس خالد ولد عمه وأنا وطلال جايين معه

مها بــ فرح : طلال جاء معكم هو مارضى يروح

صالح : ما جاء المطار أنا دقيت عليه ونصحته يجي يزوره عيب عليه واذا مو عشانه عشانك انتي

مها تبكي : حبيبي صالح الله لا يحرمني منك إنت كل شيء في حياتي ابوي واخوي .

صالح يضحك : مو وقت غزل أنا ألحين راكب السيارة وبطيح من عينهم .

ما طولوا عنده يدوب شربوا فنجانين قهوة وطلعوا حبوا يخلونه يريح ويريحون زوجته بشوفتها له دق طلال عليها يقول لها انهم طلعوا راحت ناحية المجلس تقدم رجل وتأخر الثانية فتححت الباب وفتحت عيونها المليانة دموع وحطت يدينها الثنتين على فمها تمنع شهقة

ارائكم للجزء السابع تهمني
توقعاتكم للجزء الثامن انتظرها بلهفة ؟
أختكم عشان الحب.

01-12-13, 05:11 PM

المشاركة رقم: 20

المعلومات
الكاتب:	عصفورالجنة
اللقب:	محرر مجلة ليلاس

البيانات
التسجيل:	Aug 2013
العضوية:	255817
المشاركات:	7,589
الجنس	أنثى
معدل التقييم:
نقاط التقييم:	5974