المنتدى :
ارشيف خاص بالقصص غير المكتمله
ماكل مكسور مايرجع بهاهـ
ما كل مكسور ما يرجع بهــاهــ
قصتي الثانية بعد ( كلاً على حزنه سرى )
أعزائي القرأء اتمنى أشوف تعليقاتكم واعجابكم وانتقادكم وهذا شيء يشرفني أكيد ويسعدني
قصتي ليست واقعية ولا تتم بــ الواقع أي صلة من شخصيات أو أحداث
والأكيد للأمانة من حاب ينقلها لأي منتدى يدون أسمي تحتها
ما كل مكسور ما يرجع بهاهــ
لــ عشان الحب ..
ملاحظه ( أنا كتبت القصة في منتدى الشوق 4 لكن للأسف
المنتدى تسكر قبل أنهيها)
الجــــ الأول ــــزء
عذاااااااااااب يا مناير وش هالزين
مناير : اسكتي لا تفضحينا وطي صوتك
مها بهيام : حرام هذا يكون اخو حنان حراام
مناير بقرف : ايه من جد بـ ذي صادقة يا غثاها ما ادانيها
اقول أنسة خقة ترا معاد الا خير وما قضينا والمحلات بدت تسكر وانتي عليك ذوق يمررض هذي وهي حفلة ذبحتينا اجل لا صار عرسك وش بتسوين
مها : ...........
مناير بقهر : هي انتي شيلي عينك عن الآدمي لا أقوم اجلدك ألحين
مها وهي ترد ع التلفون : اسكتي هذا اخوك ( فتحت الأسبيكر )
هلا طليل هلا
طلال : طليل بــ عينك قدمي قبل اسمي الشيخ طلال
مها بلعانة : ايه هين
طلال بلعانة : اقول خالتي
مها بقهر : خالتك بعينك انا اصغر منك نادني مها
طلال ويبي يهبل فيها : لو ان عمرك يوم بسميك خالتي ( وبهبال )انا ابن مطيع وامي قالت لي احترم خالتك
مناير : اخلص وش تبي ترا مابعد قضينا
طلال : وش تبين انتي ما جيت جنبك انا اكلم خالتي المهم وحدة فيكن تجيني انا عند البوابة ومحد راضي يدخلني
مها ومناير بشماتة : احسن اقعد خيس عند الباب
طلال : بخيس انا عند الباب لكن شوفي من يرجعكن البيت لا اخليكن ترجعن مشي
مناير : اووووف ناس ما تشد مزح ^_^
@@@@@@@@@@@@@@@@
يلا ما خلصتن
منايربقهر وودها تصقع مها بـ أكبر شيء جنبها : لا يمه هذي اختك تجيب المرض غثتني لها ساعة تستشور وأنا بعد ابي استشور
مها وهي تطفي الاستشواروبلعانة : اوووف قلق ما تسكت خلصت ( وحذفت لها الإستشوار)
مناير بقهر : شين وقواة عين
بعد ما أعطتها الإستشوار بدت تضبط مكياجها الفيروزي الابق مع لون فستانها
@@@@@@@@@@@@@@@
بالبيت الي جنبهم
مو الحفلة ع شرفة مفروض هو الي يدخل عشان نشوفه
مناير مطيرة عيونها : انتي بتنكبينا بلا شفاحة ترا نحنا بيت اهله
مها : يوووه ان الله جميل يحب الجمال انتي وش تبين انا مو حارق قلبي الي هالحنان حررررام تكون اخته يعني لو نتخيل اني اتزوجه هذه بتكون قبال وجهي
مناير طيرت عيونها : كأنك دخلتي جو
مها بفشيلة : حسيتي
وقاموا البنات يرقصون ويستهبلون و مو حاطين كلمة برستيج في قاموسهم
@@@@@@@@@@@@@@@@
يمه من هذيك البنت البيضاء الي لابسة فستان جلد النمر
ناظرت ام تركي بـ حنان وهي حاقدة حواجبها : من الي لا بسة الي يقوله اخوك
حنان كشرت ملامحها : وانت وين شفتها
تركي منحرج : مو شغلك اخلصي من هي
حنان : اول تعلمني وين شايفها وبعدين اقولك
تركي : شفتها وهي تلبس عباتها وهي طالعة من المجلس وانا داخل ومدري انه في احد بـ المجلس
يلا تكلمي من هي ( قالها برواق )
حنان تلوي فمها : شعرها فاتح ولنص ظهرها
تركي : ايه يلا من هي
حنان : مها خالة جيراننا
تركي يستفهم : أي جيران
حنان : خالة طلال
ابتسم تركي : اهااا وكم عمرها
حنان مدري بس هي معنا تدرس بـ الجامعة سنة ثانية
ام تركي تبتسم : وش فيك تسأل نويت
تركي منحرج : يعني البنت دخلت مزاجي والله حلوووة
@@@@@@@@@@@@@@@@@@@@
هلا تركي ( قالتها بخجل )
تركي بحب: عيون تركي أخبارك يا عمري
مها وخدودها حمر وتناظر دبلتها وفستانها المشمي قبال المرايه الطويله: أنا تمام انت
تركي : دامي اني شفت أحلى انسانة من دقايق أكيد بكون بخير
دخلت مناير وشافت مها بــ حالة يرثى لها من كثر ماهي مستحية بدت بلعانتها قعدت تصقع بــ الدواليب وتصفق غراش العطور ببعض
مها بقهر تكلم مناير بالإشارة يعني اطلعي برا
مناير بصوت عالي : وشو وش تقولين عسى ما انطرمتي يا مها
تركي بــ إبتسامة : مها أحد عندك
مها غمضت عيونها بقوة خايفة انه سمع السب : ايه لا ايه ايه
مناير بصوت عالي: مها مها تخيلي تو شفت وحدة بالملكة لحجية قعدت أضحك عليها بردت خاطري
مها بــ فشيلة : لحظة تركي ( وحطت الجوال ع الميوت ) انقلعي يا خايسة يا حمارة انتي وش جابك ها وش جابك
مناير مسوية زعلانة : أفااا يا خالتي خلاص نسيتني وين اخوتنا وصداقتنا جاء الي يأخذك مني
مها : أقول مسوية دراما انقلعي وسكري الباب
@@@@@@@@@@@@@@@@@
بعد يومين
نـــعم خير وش تبين
مها : حبيبتي أنا منورتي وش رايك تجين تبيتين عندي
مناير بلعانة : ما ابيك الله لا يبيك خلي تركي يبيت عندك هذا وانتي ماتدانين اخته أجل لا صرتي تدانينها وش بتسوين
مها مسوية مصدومة : إهـــــــــــئ ما هذا الكلام يا حمقاء
مناير : ماتضحكين وطسي
مها : اقول من الأخير وع بلاطة انا بجي عندكم عشان أكون جنب الحبايب
مناير بقهر : يا وصخة يا كلبة انتي فصختي الحياء مرة وحدة
مها بسماجة : ليه الحياء ينلبس
مناير : يا ثقل طينتك ( وقفلت السماعة بوجهها )
@@@@@@@@@@@@@@@@
ضحكنا معك
تركي وهو يعدل جلسته : يمة كلميهم خل يعجلون بالزواج بعد 3 شهور واجد
حنان : اثقل يــ الخبل خلك ثقيل تخيل شكلك امي تكلمهم تقول لهم تركي يقول خل نعجل بالزواج شكلك يطلع بايخ
تركي يصقعها بكرتون المنديل : اسكتي بس اسكتي محد طلب رايك
حنان بقرف : مدري وش الي طيحنا عليهم نخطب من عندهم ما ادانيها ولا اداني بنت اختها
تركي بــ إبتسامة : بتموت أصلاً اذا ما حبيتيها مو لازم حبك
يمه مارديتي علي بتكلمينهم
ام تركي : صح كلام اختك اثقل عبال ماتجهز شقتك وتأثثها
تركي بتحطيم : اوكي الله يصبرني
@@@@@@@@@@@@@@@@
اوووووف خلاص الله يلعن الأسواق ع ابو الأسواق خلصن كسرتن رجولي
مها وهي منشغلة بــ قطعة قماش : محد قلك تجي
مناير منقهرة منه ومنه زنه : من جد اسكت
طلال : اقول انثبري انتي لا الزقك بذأ الجدار
مها تحرش بينهم: اما عاااااااد اتخيل شكلك مناير ملزقة بالجدار كأنك سحلية
طلال بلعانة واستنذال : تركي يا مها تركي ورانا
مها جاتها ام الركب و قامت ترتز ومسوية ثقيلة
ضحكوا عليها لما شافوها صدقت
اما هي انقهرت منهم وتقدمتهم وفيها الصيحة
@@@@@@@@@@@@@
بعد 3 شهور
يوم الزواج
الساعة 6 صباحاً
من جدك انتي قاعدة تأكلين ويوم زواجك وش ذا البرود الي انتي فيه اتحدأ عروس مثلك كذا باردة
مناير بلعانة : صادق طلال يعني مدري وش جنسك انتي
مها بــ خوف : انتم وبعدين معكم وشتبون فيني خلوني أكل
طلال يمثل الخوف : ياويلك يا مها ياويلك بــ تتزوجين وبتروحين بيت لوحدك خلاص معاد في نوم لــ متى مابغيتي وسهر خلاص هذا كله انسيه
مناير : صح كلامه وبعدين من وين لــ وين بنشوفك مو مثل ألحين كل يوم شايفين خشتك هــ الي ما تقابل
مها بدت تدمع : انا وش سويت فيكم لــيش
كذا تسوين فيني ليش ؟
طلال بــ استنذال وهو يطلع تلفونة وبدأ يصور : هذا الي ابغاه
مناير صوري فيديو لا تفوتك
^_^
@@@@@@@@@@@@@@@@
شعرها عسلي عيونها نفس لون شعرها مملوحة حيل لكن الأهم من هذا كله جذااابه
فستانها اووف وايت مخصر جسمها الرويان له ذيل طويل وفتحة الصدر جاية ع لى جنب ومسويتها حركة حيل حلوة مبينه صفاء بشرتها وأعطت رقبتها طول
مكياجها كان فوشي مع بشرتها الفاتحة طلع عذااااب
اما مناير حلاها غير خالتها جمالها الجمال العربي الحاد وعيونها السود معطينها نظره جميلة مسوية شعرها الأسود ويفي ولابسة فستان بنفسجي قماشه ساتان مخصر جسمها المرسوم ومفتوح من الجنب
مكياجها بالألوان الترابية طالع مع بشرتها الحنطية رايق وهادي
مناير بقهر : يمه على وشو تزغرطين أنا من شفت حنان حامت كبدي ما ادانيها ما ادانيها احس اني بكفخها
تخيلي تمر من جنبي ومسوية ما تشوفني أكرررهها مع وجهها هي وفستانها اللحجي برتقالي خير وش ها للون اجي بــ بجامة أصرف
مها بتوتر : شوفي انا منيب رايقتلك دانيتيها ما دانيتيها مهوب بــ شغلي رروحي نادي امي ابي امي
مناير بــسماجة : شعندها حليمة ابي امي ابي ابوي ابي زوجي ( وبلعانة ) ركزي على ابي زوجي حطي تحتها 3 خطوط
تبي الصدق مادخل مزاجي أبد ما حبيته
نايف : ليـــه ؟ شكله حبيب
طلال : كذا من ربي ( وابتسم ابتسامة صفراء لما طاحت عيونهم ببعض ) الله يعين خالتي عليه
تركي طويل ملامحه جذابه بس الأحلى ابتسامته جداً رايقه وحلوه
@@@@@@@@@@@@@@@@@
يلا أخلي بالك على خالتي تراها غالية عندي
تركي بــ إبتسامة : أفا عليك مهاوي بــ عيوني
طلال : ها مهاوي تبين شيء قبل لا أمشي تبيني اقعد أتعشى معكم ماعندي مانع خصوصا اني ما تعشيت
تركي طير عيونة : اقول يالحبيب ورا ما تلايط وتضف وجهك
طلال : افاا يا خالتي ترضين يسبني
تركي حاوط مها وهي ماتت حياء : بعد عمري مها تحبني وماتطلع من شوري
طلال بسماجة : انتم بــ تخربوني انا بريئ ولازم اطلع من عندكم
تركي : ايه من جد ان قعدت دقيقة زيادة بتصير داشر وصايع
@@@@@@@@@@@@@@@
بعد شهر العسل
أخبارك حياتي واحشتني حيل
مها : وانتي بعد واحشيني موت وين مريم ( ام طلال ومناير ) وامي
مناير : قلت لهم بتقدمكم مو قادرة أصبر مو قادرة مها والله واحشتني موووت اشتقت لأيام دجتنا وهبلنا
مها مسوية عاقلة : اووف من المبزرة هــي انتي انا متزوجة ما اكلم بزارين
مناير بقهر صقعتها : انتي وصخة هذا الي يشتاق لك الشرهه علي استعجلت وجيتك
مها بــ ابتسامة : حياتي انا الي زعلان وانتوا بعد وحشتوني وين طلال المعفن ما يسأل ما يقول عندي خالة أسأل عنها
مناير : ع طاري طلال قال بمرك الليل لين يروحون الضيوف وعطاني ذي الهدية أوصلها لك النذل مارضى يقولي ايش داخلها بليز افتحيها ابي اشوف وش فيها
مها بنذالة : اووف مناير اتركي حركات اللقافة فيك عرق من ام هلال
واكتملت سهرتهم بلمة الضيوف الي جوا يباركون لهم ويتحمدون لهم بالسلامة
@@@@@@@@@@@@@@
تركي
تركي بــ إبتسامة : حياة تركي تعالي اجلسي جنبي وراك قاعدة بعيد
مها بألم جات جلسة جنبة والعبرة خانقة أنفاسها
تركي : حبيتي وش فيك انتي تعبانة تبين أوديك المستشفى
مها اهتز فكها تبي تصيح قامت من جنبة : ابي اروح عند أهلي وديني عند أهلي
تركي طير عيونة : وليـــه !!
مها وهي تدخل الغرفة : بس كذا ابي اروح عند أهلي
@@@@@@@@@@@@@@@
مو معقولة يمه مالك شهور من عرستي ولك شهر عند أهلك وش صاير معك ريحيني تعبتي قلبي
مها صعبانة عليها حالة امها ضمتها بحنان : يمه حبيتي ما فيني شيء بس نفسيتي تعبانة واحس اني مشتاقة لكم
(ام صالح مرة طيبة وعلى نياتها توفى زوجها ابو مريم ومها وعندها صالح شغلة بالرياض وبالإسبوعين يجيها يسير عليها هو وعياله )
ام صالح : يمه حبيتي مهو كلام هذا لو ان كل وحدة تزوجت واشتاقت لأهلها تجي تبان عندهم بالأسابيع محد تزوج انا عارفة فيك شيء تركي ضايقك زعلك شفتي شيء عليه
مها غطت وجهها بإيدينها وقعدت تصيح بأمر نحنا نجهلة
@@@@@@@@@@@@@@@@@@
مرتك وش فيها لها فوق الشهر وهي عند أهلها وش صاير معها
تركي : مدري يمه انا مستغرب حالتها واذا دقيت ماترد علي او ترد وتبي تسكر بسرعة مالها خلقي
حنان وهي تلوي فمها : الله من زين النفس مالت عليها وش حارق عمرك خلها تخيس عند أهلها ولا طاح الي بـ راسها بتجيك تركض لا تخاف
تركي خز حنان بقوة : خلاص خلاص لا تعصب أنا بروح
@@@@@@@@@@@@@@@@@@@@@
حبيتي مها ما اشتقت لي كل ما كلمتك تصرفيني ولا ماتردين علي
مها : مافيني شيء ياتركي
تركي : مها مايصير كذا انا زوجك واشتقت لك وبيتك اشتاق لك
مها عضت على شفتها وغمضت عيونها تمنع دموعها تنزل : تركي تبي شيء
تركي طير عيونة وبحدة : مها وبعدين معك وش صار على هذا كله ليش تعامليني هــ المعاملة سويت شيء معك ضايقتك قولي لي يمكن فاهمتني غلط خليني افهمك
مها بقهر : اسكت اسكت يا تركي ما ابي اسمع حسك انت ليش داق علي
تركي بقهر وبعصبية : مها امسكي لسانك لا وريتك شغل الله سكت لك كثير وسكت على دلعك واجد لكن بكره من العصر تكونين لابسة عباتك تفهمين
@@@@@@@@@@@@
انتي وبعدين معك وش سالفتك معي
مها بــ ألم : تركي الله يخليك لاتكلمني لا تكلمني
تركي جلس قبالها ع السرير ومسكها من زنودها وبحدة : يعني وش تبين وش المقصد من هالدراما هذي كلها تبين طلاق بايعة يا مها
مها طيرت عيونها : تركي انت مستوعب الي تقوله
تركي بعصبية : ادري عنك انا شوفي تصرفاتك
ضمت حالها مها وغطت وجهها بيدينها وبكت بقهر وألم ضمها تركي بحنان وحب وهي تشبثت فيه تحبه وتعشقه
@@@@@@@@@@@@@@@@@@
ياخي شفتها والله حلوة صاررروخ
خالد مستغرب: استح على وجهك وش هالكلام الي تقوله
تركي : تبيني أكذب وبعدين ماقلت شيء انا قلت البنت حلوة
خالد بقهر : وش فيك انت منت بــ صاحي مالك شهور من تزوجت وهذه سوالفك ولا السفر برا خربك
تركي بــ ملل : جاكم المطوع أقول ما قلت شيء تراني كنت أهلوس
خالد بقهر: الشرهة مهيب عليك الشرهة علي انا قاعد مع أشكالك انت وتفكيرك الوصخ
انقهر تركي من وقاحة ولد عمه معه
@@@@@@@@@@@@@@@@
يا حظك تونسين نفسك بالجامعة
مناير وهي تلبس اكسسوارتها وتكلم مها من الاسبيكر : انتي الي جبتيه لنفسك تحولين انتساب ليش
مها لوت فمها : هذا الي صار
طلال : ها مناير خلصتي ترا معاد الا خير
مناير : اوكي جاية
طلال : من تكلمين مهاوي
مناير : ايه
طلال اخذ الجوال : هلا بــ سحيلة فقدناك
مها دمعت فقدتهم : تمون مع ذا الخشة المخيسة
@@@@@@@@@@@@@@@@@
ما تقدر تسكت دخلت عليه الصالة وكل عضو فيها يرتجف
مها بصوت عالي : وش ذا يا تركي وش ذا
تركي وهو مو فاهم شيء : وش ذا
مها بألم : أنا الي أسألك (رمت عليه الثوب)
أرائكم تشرفني
توقعاتكم انتظرها بلهفه
كل الود
عشان الحب .
|
05-03-13, 09:07 PM
جديد مواضيع قسم ارشيف خاص بالقصص غير المكتمله
العرض العادي
