كاتب الموضوع :
عشآآآن آلحب
المنتدى :
ارشيف خاص بالقصص غير المكتمله
رد: ماكل مكسور مايرجع بهاهـ
الجــــ الرابع ـــــزء
دام هذه كلها سواياه معاد له عندنا شيء
ام صالح بــ صدمة : وش تقول يا صالح تبي أختك تتطلق
طلال بــ قهر على خالته : جدتي الطلاق أهون من الي قاعدين نسمعه مها تقول انه مهوب حولها ويبيت بــ الأسابيع برا البيت طاحت علينا ما فكر يجي يزورها يطمن عليها يا جدتي فرقاه عيد وصدقيني خالتي مهيب ناقصة ولا فيها عيب عشان نجبرها تعيش مع هالواطي
حاوطها صالح بحب وكأنها بنته : وانتي يا مها وش قولك
مها تبكي وحالتها يرثى لها : أنا أبيه يا صالح
!!!!!!!!!!!!
@@@@@@@@@@@@@@@@@@@@@
وش تبين داقة مسوية قوية وشادة الظهر بـــ ولدأختك
مها بـ ألم : تركي ابفهم أنا وش جاك مني ع هذا كله انا وش سويت وش أجرمت بــ حقك تكلم خليني أبرر لك
تركي بشعور غريب : بس كذا كيفي أنا انسان مليت ومن النهاية أعطيك اياها ع بلاطة انا بايع
مها شهقت مصدومة : أيــــــش
تركي بإ صرار : الي سمعتيه
مها بدموع مكتومة : يعني ايش بايع
تركي بـ جدية وخبر حمل مناير مجننه ومو حاسب حساب تصرفاته : يعني انتي طالق
وانقطع حبل الوصل بين مها وتركي بــ كلمة من تركي
@@@@@@@@@@@@@@@@@@@@
ليش تطلقها انت مجنون مجنــــون
تركي : حنان فارقي عن وجهي ما أحد له دخل فيني
ام تركي بقهر: وش الي ما احد له دخل فيك تصرف صرفات مالها أساس وتطلق بنت الناس من غير سبب اول تبيها واخطبوها لي ابيها هي وما ابي غيرها وألحين تفشلنا مع الجماعة وتطلقها من غير سبب ليش بنات الناس لعبة قصيت وجهي قدامهم معاد لي عين أقابلهم وأكلمهم
تركي : وش دراكم انه مافيه سبب البنت ما تتعاشر وانا انغشيت فيها لا عاشرتوها ما بتلوموني
حنان بقهر من تصرفاته : صحيح أنا ما أحبها لكن الغلط ما ينسكت له يمه ولدك استخف فعايله ما تنقال تفشل
ام تركي : ليش مافهمت وش قصدك
حنان بقرف : اسألي ولدك المصون لأني اذا قعدت معه دقيقة وحدة ما أظمن وش يصير فيني
@@@@@@@@@@@@@
ارجع يا كل الحب
ارجع يا روحي
ارجع انا محتاج
لأيامك الحلوة
مليت أنا مليت
زادت جروحي
ارجع يا روح الروح
الهجرما يسوى
خليتني ما بين شكي وخوفي
لاني بـ امل مفقود
ولاني على الحروة
حبل الوصل خله
بينك وبيني
لاتقطعه أرجوك
لا تباعد الخطوة
من غبت عني غاب
فرحي ونساني
ما غير أشكي الحال
وأعاود الشكوة
رد لي الفرح رده
ردلي الأماني
ماعدت أنا والله
ع غيبتك أقوى
خلاص يا طلال اطلع وخليني بــ همي خليني
طلال بحزن وبألم تركى قبالها :مها حبيتي تشكين بــ حبي لك
مها تبكي بــ عنف : انا صرت أشك بــ روحي الي جاني من تركي يا طلال صدمني ما أذكر اني سويت له شيء عشان يعاملني هـ المعاملة ويـ طلقني .. طلقني يا طلال طلقنـــــــــــــــي
مناير دمها محروق على خالتها وتحس انها لها يد بــ ألي في مها ضمتها بــ حب وخوف : صادق طلال يا مها تركي دامه تركك من غير سبب مافية ذرة الخير
مها دفتها وبقهر : ابعدي عني كلأ يفكر بــ نفسه وماحد يحس بــ وجع أحد وش عليك فيني انتي حامل وعايشة حياتك مع زوجك من أحسن ما يكون ولا تسوين فيها خايفة علي ( وبصراخ وبوجع ) اطلعوا برا ما ابيكم اطلعوا برا
شهقت مناير بــ صدمة وطلعت مع طلال من الغرفة مخليين مها بــ أقصى حالات الإنهيار
@@@@@@@@@@@@
تلاحق عمرك لا تخلص عدتها ورجعها لا تخرب حياتك بــ يدك
تركي ببرود: مالك شغل فيني وخلك بنفسك
خالد بجدية : طيب فهمني وش فايدة الي تسويه البنت الي تفكر فيها متزوجة وحامل وعايشة مع زوجها تمام تطلق مرتك ها الضعيفة ليش وش تستفيد ؟
تركي بــ إستلعان وتشفي: بس كذا أبي أحرق قلوبهم مثل ما حرقوا قلبي أنا تعبان وهلكان وهم مرتاحين ليش خلهم يذوقون الي قاعد اذوقه
خالد طير عيونه بصدمة من ولد عمه وتفكيره
@@@@@@@@@@@@@@@
خلاص انتي اقعدي عندها الفترة الي تبينها ولا احتجي شيء دقي علي بس الله الله بعمرك لاتجهدين نفسك ترا ماعندي اغلى منك ومن ولدي
مناير بحب : متأكد انه انا وولدك ولا بس ولدك
مهنأ بضحكة : أفا تشكين بــ مهنأ ما هقيتها بعدين يالفالحة من الي بجيب ولدي انتي يعني حبك بكون ضعف حبه
مناير وتلوي فمها : ايه اقنعتني
مهنأ بــ استهبال: اكيد بقنعك تدرين وش كانوا يسموني أول
مناير داخلة جو معه : لا ما أدري علمني وش كانوا يسمونك
مهنأ بــ استهبال : يسموني مهنأ رجل الاقناع
مناير مسوية متفاجئة : لااااا من جد
مهنأ مسوي معصب: أكذب عليك أنا أعرفك تعرفيني عشان اكذب عليك
مناير : الله يحفظك لــ أهلك
مهنأ بخبث : بس لــ أهلي
مناير بــ حياء : ومن هم اهلك يالفالح انا ولا عندك شك بكلامي
مهنأ : جبتيها ياروحي انتي
طلال وهو يفتح الباب وبسماجة : مهنأ انت قلت لي انك بتودع مناير وبتطلع كأنك طولت ما صار وداع أخاف منتظر نعشيك ترا آسفين ما نعشي ولا نقهوي ولا نسوي آي شيء خاصة لرجال بناتنا
مهنأ يكلم مناير ومسوي جدي بكلامه: عندك مثال ثاني اخوك كانوا يسمونه ولألحين رجل السماجات
طلال مسوي حمقان :اني ولد ابوي تغلط علي وفي بيتي
مهنأ : يلا أنا ماشي بس لا تطولين عند أهلك تذكري ان في ناس تصعب حياتهم من دونك
طلال بــ استهبال : يالأخوان ترا أفلام نص كم ما أشوف فـ أحترموا مشاعري تراني رجل أعزب
مهنأ : لا تسوي فيها برئ انت خربان وخالص طلال الله الله بــ مرتي لا تزعلونها واهتموا فيها
طلال : يا الدلخ تراها أختي قبل تصير مرتك
مهنأ : مناير طمنيني عليك بمسجات وكلميني دوم
مناير : أبشر ( بلعانة ) طلال ما يقصر يعطيني جواله
طلال : ايه هين بعدين انت يالقحطي خذ لمرتك جوال ما خلت أحد بالبيت الا وطرت جواله
مناير بــ قهر : وجع يوجع ابليس يا كذاب هذه أول مرة اطلبك فيها ومعاد بــ أخذه منك
طلال وكأنه مرتاح رفع يد ومسوي يدعي : الحمدلله وهذا الي انا ابغاه الحمدلله انهم حسوا على دمهم
@@@@@@@@@@@@@@
بعد مرور عدة مها بــ مكة المكرمة
خلاص انتي اجلسي ولا تعتمرين انتي حامل وتعبانة
مناير معترضة : لا يا حبيبي مستحيل أجي مكة وما أعتمر ليه قالولك كل يوم أنا بــ مكة
مها : مناير صادق طلال لا تشغلينا عليك انتي ا قعدي بالحرم صلي واقرأي قرآن
مناير : لا لا لا مهو صاير لي شيء إن شاء الله أبعتمر
طلال : امسكي تفاهمي مع مهنأ انا مالي دخل فيك
منااير : هلا مهنأ
مهنأ : لا حبيتي مناير لا تعتمرين أنا خايف عليك وعلى صحتك لك وعد مني أول ماتولدين وترجع لك عافيتك أبأخذك وبنعتمر
مناير بزعل وترجي : مهنأ الله يخليك الله يخليك لا تقولي لاء
لا تبلشينا مع رجلك شوي شوي
مناير بفرحة : لا حبيبي تطمن ما هو بصاير لي شيء
مها بــ راحة نفسية : من جد انتبهي على عمرك يا مناير
مناير :فديتهم الي يخافون علي
طلال مسوي معصب : يلا بس ما نحنا رايقين لــ دلع سامجات بس امشي قدامي
مناير ناظرته مستغربة : بسم الله عليك وش جاك طلال
طلال غمز لــ مها : وبعدين معاك مها وخريها من خشتي لاـ أخليها سالفة الحرم ألحين
مناير مستقوية : أقووول لا تسوي فيها معصب تزوج وجب لك بنات وعصب عليهن
طلال طير عيونة : يلعن الشيطان على هاللسان
مها بــ ضحكة : ترا ماتقدر لها لا تقول تزوجت عقلت ترا لسانها طال
مناير بــ سماجة : كم صار طوله
طلال بــ استحقار : كيف لك وجه عايشة وهذه سخافاتك لو انا منك اروح انتحر
مها : عسل على قلب مهنأ ولا يا مناير
مناير بــ غرور : علميهم هــ الحوش الي ما يتعلمون
مها : انتم مركزين اننا بــ طريقنا لــ الحرم رايحيين نعتمر
طلال ويــأشر على مناير : وأحد يشوف وجه هالمخيسة ويعمتر زي الناس
مناير تتقدمهم : استغفر الله العظيم من وجهك الي يقطع الرزق
مها بــ ضحكة : هدوا اللعب يالمهبل وش فيكم
@@@@@@@@@@@@@@
طير عيونه في امه منهبل من الي قاعد يسمعه : يمــــــــــــه وش الي قاعدة تقولينه
ام تركي بـ حزم : الي سمعته اليوم انا كنت عند ام صالح وقلت لها تركي يبي يرجع مهــــا
تركي يرتجف من قوة الصدمة : يمــــــــه الله يخليك قولي انك تمزحين يمه ما أبيها ما أبيها ماصدقت أطلقها تروحين تسوين هالسوات ليـــِش
ام تركي بعصبية : تركي الي قلته ما يتثنى و الكلام الي قالت لي عليه حنان بخصوص مناير بسوي اني ماسمعته تفهـــــــــم
تركي طامرت شياطينه لما عرف ان حنان قالت لأمه كل شيء
تركي بــــــصوت عالي : حنــــــــــــــــــــــــــان حنــــــــــــــــأن
حنان مستغربة صراخ تركي ما أمداها تخرج من غرفتها مسكها تركي وضربها بــ أقوى ماعنده
!!!!!!!!!!!!!!!!!!
@@@@@@@@@@@@@@@@
دموعها غاسلة وجهها تدعي وتطلب ربها بتضرع وخشية وهي ترتجي منه انه يصلح حالها مافي غيره هو الي بصلح حالها ويسخر لها الخير في حياتها
طلال بــصدمة : مناير امي دقت علي تقول ان تركي ارسل امه عشان يرجع مها
مناير طيرت عيونها : تمزح !!!
طلال ومستغرب ويناظر خالته الي قطعت قلبه من كثر ما شافها تبكي بــ هاليومين : هالآدمي منيب قادر أفهمه أخاف يأذيها ان رجعت له ويرجع للــعانته وأن ما قلنا لها أخاف انها هي تبيه
مناير محتارة : وش السوات بتقولون لها ؟؟؟
طلال بــ حكمة وتروي : ما أدري خل نرجع الشرقية وتهدأ الأنفس بــ نقول لها هالفترة خليها مرتاحة وما بنضايقها ابد
@@@@@@@@@@@@@@@@@@
فتح الباب وهي جنبه وداخلها أحاسيس ما تقدر توصفها مابين خوف وفرح وحزن وألم من كل زواية في البيت تذكر شيء أليم تحاول تنساه من أغلى الناس وأحبهم على قلبها " تركي"
فسخت نقابها كانت ترتجف رجفة مو طبيعية أول مرة بــ حياتها ترتجف كذا وأنفاسها ثقيلة
ناظرها تركي غصب عنه صوت تنفسها كان مخيف خاف يصير لها شيء طير عيونه فيها لما شافها كانت نحيفة شاف فرق كبيررر كانت رويانه وجسمها المرتوي معطيها حلا فضيع لكن ألحين شكلها مؤلم تقدم لها وهي كانت معطيتة جنبها مسكها من ذقنها ولفها عليه كسرت خاطره معقول أنا مجرم لــ هالدرجة معقول أنا قاسي قلب وما عندي ذرة شفقة لــ هالإنسانة الي تحبني رنت هالكلمة في باله مها تعشقني مو تحبني دام غيابي عنها هلكها ودمرها لين وصلت لــ هالحد
تركي بنبرة غريبة نقدر نقول عنها رحيمة وتكسر القلب : وحشتيني يا مها وحشتيني
شهقت مها بــ الدموع الي كانت مغرقة عيونها ونزلت على خدودها وهي تحرقها هالكلمة كانت من تركي لــ مها بمثابة بلسم نستها كل ألمها من تركي غطت وجهها بيداتها الثنتين وبكت
ماتحمل تركي يشوفها بـ ها المنظر ضمها وكل شهقة يسمعها وكل هزة يحسها منها تكسر قلبه وتأنبه بــ عنف
@@@@@@@@@@@@@
مهاواي حبيتي أحلى خالة في الدنيا
ضحكت مها برواق وعيونها تلمع فرح اسبوع قضته مع تركي في دبي من أحسن ما يكون رجعها مها الأولانية الي تخلي المكان الي هي فيه رايق وكله حماس وفله : أقووول بلا تمصلح وتميلح أحلى خالة بــ الدنيا ولا عشان الهدية اوووف ناس استغفر الله وجيهم ممسوح الحياء منها بتاتا البته
مناير طيرت عيونها في مها : ايش يا مها بــ الله عيديها آخر كلمة
مها مسوية مثقفة : بتاتاً البته
طلال : أقول مها صحيح اني أحبك وما أرضى عليك لكن ألحين ع هالكلمة بــ صقعك بــ ها المنديل بخلييك تحرمين تقولين هالسماجات
مناير تصفر : عليهم عليهم عليهم عليهم
طلال ومها بــ أستحقار ناظروها
طلال : وش تحسين فيه وانتي وهــ السماجة الي تقولينها
مها : ما أقول الا الله يعين مهنأ
طلال بــ إستلعان : يسلم راسك يا مهاوي جبتيها وأنا أقول ليش كل ما شفت مهنأ يكون تافل العافية وحالته لــ الله أثر من وجهك هو السبب
مناير وهي تأكل بــ حماس وتنشز : الي ما يطول العنب حامضِ عنه يقول
طلال يزيد لعانة : هــــي انتي ووجهك أشك انك انثى في أنثى تأكل كذا لو عندي مرأة كذا رجعتها بيت ابوها من أول ساعة
مناير طيرت عيونها فيه : افاا يا تركي طلعت حق مظاهر اذا انت اخوي هذا كلامك اجل وش خليت حق الغريب
مها : لا يا ماما هذا مو مظهر هذا ذوق وأدب
@@@@@@@@@@@@@
ها وش الأخبار عساه مستقر
تركي : تمام الحمد لله
خالد : يعني أفكارك والبنت الي تفكر فيها شلتها من بالك
ً
تركي بــ تنهيدة: أحاول معاً ما أظن أقدر
خالد طير عيونه : ليش هالكلام تو تقول حياتك مستقرة و وجهك مرتاح من بعد مارجعت مرتك العن ابليس يا تركي وحافظ على بيتك وصون مرتك مثل ماهي صاينتك
تركي : خلها ع الله يا أخوك وهو الي يدبرها من عنده
@@@@@@@@@@@@@@
مررا نايس فديتك تسلمي ع الهدية
مها بــ إبتسامة تنور وجهها : حبيتي انتي تستاهلين أكثر
حنان من ورا قلبها: وين مناير من زمان عليها دقي عليها خل تجي نشوفها ونأخذ أخبارها
مها بــ خاطرها وخايفة تزل بــ ضحكتها مادريتي انها ما تدانيك ومارضت تجي : قلت لها بس قالت انها تعبانة ومرة ثانية تجي
@@@@@@@@@@@@@@@
بــ لعانة : يمه طلال يقول يحب وغارق لــ شوشته ويبي يعرس حتى نوم مو قادر ينام بس مستحي يقول
طلال طير عيونه : اقوول اقلبي وجهك بس
مناير بــ سماجة: على أي صفحة
طلال بــ أستحقار: مناير يلعن ابو وجهك سخافاتك لا تقولينها قدامي وتحومين كبدي انتي وكرشك تقول كأنك اندوسية بــ الأربعين
مناير برفعة حواجب : وش دخل يارب لك الحمد والشكر يسبني ويقول عني سخيفة وما يشوف نفسه
طلال بــ فشيلة : حسيتي اني سامج بس مو مني منك انتي ووجهك من كثر ما اقابلك
أم طلال : بـــس يالمهبل ما كأنكم كبار وحدة بتصير أم والثاني اكبر منها
طلال : ذي يمه تتبلى علي تقول اني أحب وأبي أعرس وأنا ماجيت جنبها
أم طلال : واذا قالت عنك كذا مافيها شيء المهم وش رايك أخطب لك شهد بنت خالك
طلال طير عيونه : لا يمه من جدك ملسونة عليها لسان يخوف
مناير بــ خبث : يبي لك وحده مثلها في الداخلة تحفلها فيك وفي الطالعة تحفلها فيك ( وهي تصفق بــ يداتها بــ بعض وتمثل انها تضحك ) اتخيل شكلك يا طلال ممسوحة بــ كرامتك القاع ياليت يصير وأقعد أضحك عليك
طلال بــ استحقار : ممسوح بي القاع هــا انطمي بس ما بعد جابته امه الي يمسح بي القاع
مناير : اوووه متحدي انت
ام طلال : طيب نوف مزيونة وهادية وحنونة
طلال حب الفكرة بس ما بين : يمه خليني أخلص الجامعة وهي تخلص ثانويتها وتالي يصير خير
@@@@@@@@@@@@@
مهاوي
مها ومن رجعت له تحس بــ حياء فضيع لــ سبب هي تجهله ردت عليه وخدودها حمر : هلا
تركي ويحاول انه ما يخدش قلبها الرحيم الي جاها منه كفاية : انتي باقي تحبيني
مها ناظرته وعيونها تلمع تحاول تعبر بس مو قادرة
تركي نغزة قلبه من سكوتها : مها ليش ساكتة انتي كرهتيني بــ صراحة معك حق اذا كرهتـــ
مها بكت : تركي لا تقول كذا انا مستحيل أكرهك انت حبك في داخلي عمره مانقص بــا العكس
تركي واسلوبها وكلامها يعوره لأنه ما يستاهل هــ الحب حبه لــ مناير يعذبه ويقتله : وأنا بعد أحبك وأعشق ترابك
@@@@@@@@@@@@@@@@@@@@@@
Congratulations , sir you have got a beautiful girl
مهنأ بفرح : really, thank you
طلال بــ إبتسامة تطير العقل : تتربى بــ عزك يا بو طلالة
مهنأ بفرح : الله يبارك فيك يا بعدي يالبى قلوبهن
طلال بــ رفعة حاجب : مهنأ الحمد الله ياربي تراها وحدة مهن بــ توم
مهنأ : مرتي وبنتي يالدلخ لا تسوي فاهم وبعدين وش بو طلالة حاكم عليها بــ الإضطهاد قبل تشوف الدنيا
طلال : تحمد ربها بنت مهنأ ومناير شرف لها تسميها كذا انت وهالخشة ضعيفة هالبنت أحس بتنصدم بــ حياتها لا كبرت واستوعبت انك أبوها
مهنأ بــ استهبال : ماكذبت لين سميتك رجل السماجات
طلال برفعة حواجب : تكفى يرحم والديك يــا رجل ( بسماجة )الحماقات
@@@@@@@@@@@@@@
مبروك تتربى بــ عزك
مهنأ : الله يبارك فيك وعقبا لك
تركي بــ ألم يحاول يداري : تسلم ما تقصر
طلال بــ ضيقة من تركي يحاول قد ما يقدر ما يختلط فيه دخل غرفة أخته و شوفة تركي ضيقت صدره
حبيتي أنا يسلم دلبها معقول هذه بنتك ما أصدق حرام
مناير بتعب : كلي تبن أنتي ووجهك
أم صالح بــ عقل : اكبروا شوي اعقلوا
مها بــ لعانة : يمه هذا الصدق ما ينزعل منه
طلال داخل عرض : وش قررتم تسمونها
مناير : أكيد طبعاً مها
شهقت مها بفرح وضمتها بحب أخوي : فديتك يا أروع أخت شافها قلبي
@@@@@@@@@@@@@@@
ما تشبهك يا مناير أبد شكلها ع أبوها طالعة
مها ماسكة ضحكتها من ملامح مناير الي كارهة حنان
مناير تمسك نفسها وبخاطرها وش تبين أنتي ماحد طلب رايك : الكل يقول انها ما تشبهني
أم صالح : ياما بــ تغير ألحين ما ينعرف لها
مريم : من جد بدري نحكم عليها
مها بغرور : بس أحسن شيء فيها اسمها يالبى قلبها بنت أختي أحبهاا
@@@@@@@@@@@@@@@@@
وش فيك يا خوفي الي في بالي صحيح
تركي يعض صبعه ندم : منيب قادر يا خالد انساها منيب قادر ضغطت على عمري لين أحس أني بستخف
خالد بتنهيدة : والزبدة تبي تطلق ثاني
تركي : مالي وجه قاعد ألعب فيها وأذيها آآآآه دمي محروق يا خالد
خالد بــقهر : تدري يا تركي هالبنت ما تستاهلك أبد
تركي يغمض عيونه بــ ألم : داري من قبل تقول
@@@@@@@@@@@@@@@@@@
ما صارت مسخت لك يومين قاعدة عند بنت أختك ومنتي بــ حولي وش رايك تعيشين عندهم أحسن
مها مستغربة تصرفه : تركي وش فيك أنا قلت لك اني بقعد عندها weekend وانت ما مانعت
تركي وحاس انه متوتر ومتنرفز ويبغى يسوي مشكلة مع مها من ولا شيء
مها ماسكة بكوتها : خلاص اليوم بخلي طلال يوصلني
تركي بندم : أسف حبيتي خلاص سوي الي تبغينه ولا قضيتي دقي علي أنا بجي أخذك
مها ومودها انقلب وحاسه انها متضايقة : لا تركي خلاص بــلم أغراضي وع الليل تعال خذني
عمتي وش فيك
مها تحاول تبتسم : ما في شيء بس تركي دق يقول بمرني
شهد بــ غمزة : ياعيني ع الحب ما يتحمل البيت من دونك
مها : شفتي كيف أنا مهمة بــ حياته
مناير بــ تحطيم : لا مهاوي اللمة ما تسوى من دونك قاعدين ومفتلين
نوف : من جد عمتي نحنا بكرة ماشيين الرياض خلك اليوم بعدين انتي وعدتينا تقضين الــweekend عندنا
شهد مسوية رومانسية : وبعدين فيكن خلكن من ثقالة الطينة المرأة متزوجة وزوجها يبيها ترجع البيت
مها طيرت عيونها : شهيد ووجع وش هالكلام كلامك أكبر من سنك
شهد بغمزة: عمتي خلك كول
مناير : أقول خلك من الكوالة حقك وقومي سوي لــ مهاوي حليب منيب قادررة أتحرك من السرير
شهد تنافخ : أوووف ابلشونا يجيبن عيال ويتسدحن 40 يوم ظلم
مها : يلا بس قومي وانتي ساكتة انتي أصغرنا وانتي اسمعي الكلام
شهد بــ صوت واطي : مفروض جدتي هي الي تقوم بــ طلباتها مو أمها
الكل طير عيونه في شهد وهي حطت رجولها لما شافت مها حذفتها بــ التكاية
@@@@@@@@@@@@@@@@@@@@@@
وين بتروح ؟؟
تركي وهو يرمي ثيابه بــ عفوية بالشنطة : مسافر يومين حاس أني مختنق
مها عاقدة حواجبها : ليش فيه شيء مضايقك بــ الشغل
تركي : لا مافي شيء بس منيب طايق عمري
كانت ودها يقول لها انه بيأخذها معه كتمت عبرتها : تبيني أساعدك بشيء
تركي بتنهيدة : لا مشكورة
مها : طيب ما بتقولي وين مسافر
تركي : يمكن جدة يمكن الرياض مدري
مها : تبيني أزين لك شيء قبل تمشيء
تركي بعصبية : مهــــــــا وبعدين معك خلاص لا بغيت شيء منك انا بطلبه يكـــــــفي الي فيني مكفيني
@@@@@@@@@@@@@@@@@
قلبها يوجعها تبي تسمع صوته لكن كابرت وقالت انها بتحفظ شوي من كرامتها لها ساعة مابين مد وجزر وهي ماسكة جوالها تبي تتصل وبعدين تتراجع
ام صالح : مها وش فيك منتي معنا
مها تحاول تبتسم : هلا يمه
ام صالح : وش فيك في شيء شاغلك مادق تركي
مها : لا يمه
ام صالح تواسيها : لا تشغلين بالك لا وصل أكيد بدق
فجعها صوت جوالها الي رن بــ إيدها ابتسمت لما شافت رقم تركي : هلا حبيبي
تلاشت ابتسامتها وطاح تلفونها ع الأرض بــ قوة من الي سمعته
@@@@@@@@@@@@@@@@@@@
على خط الرياض
تبكي بصوت عالي وكأنها رجعت طفلة بنت العشر سنوات
ام طلال حاضنة مها بقوة وتحاول تهديها لكن مها تزيد بكى وصوت شهقاتها يقطع القلب
طلال متوتر من مكالمته مع خاله : طيب ألحين كيفه
صالح وصوت صياح مها يخنقه وخاطره يصيح مايحب يشوفها تصيح يعاملها مثل بناته هي الوحيدة فيهم الي ما تربت بــ حضن ابوهم كان عمرها سنتين لما مات ابوهم سببها جلطة دماغية
صالح : اسمع طلال انا بتكلم وانت لا توضح لهم شيء
طلال بخوف يحاول يبتسم : ابشر
صالح : طلال بصراحة حالته ماتسر الحادث كان جامد كان مع تريلة وسيارته تدعست ومعاد تنعرف وألحين هو بــ العناية والدكاترة لهم ساعتين عنده وماحد طلع يطمني
طلال بهمس : خالي تكفى قول انك تمزح
صالح : هذا وقته طيب ألحين انت قربت
طلال : يعني بقى لي حوالي 200 كيلو
صالح بــ ألم : الله الله فيها صياحها يتعبني هدوها لايصير فيها شيء
طلال : الله يعينها يارب طمنا يا خالي لا صار أي شيء
@@@@@@@@@@@@@@@@@@
شكله وجع قلبها مافي مكان من جسمه مو مجبس ومو حاس بدنياه وتعبان مسكت يده ودموعها مغسلة وجهها له اسبوع وهو مغيب وهذه قعدة مها عنده ماتحركت الكل يحاول فيها ترجع بيت صالح ترتاح بس تعيي طيرت عيونها بــ فرح لما سمعته يتأأأوه
مها بـفرح تبشر طلال : طلال تركي صحى من الغيبوبة
طلال انبسط عشان مها : الحمد لله ع سلامته ألحين نحنا جايين الله الله بعمرك
مها : طيب لا تتأخرون
رجعت مها تركض فرحانة تشوفه وتكلمه كشت ابتسامتها وانصدمت ومعاد قدرت تتحرك
أرائكم تهمني
توقعاتكم انتظرها بلهفة
اختكم
عشان الحب .
|
19-03-13, 09:23 PM
جديد مواضيع قسم ارشيف خاص بالقصص غير المكتمله
العرض العادي
