كاتب الموضوع :
عشآآآن آلحب
المنتدى :
ارشيف خاص بالقصص غير المكتمله
رد: ماكل مكسور مايرجع بهاهـ
الجـــــ الثالث ــــــزء
مو قادرة أقول لأحد الكلام الي يقوله هالمنحط يتعبني ومنيب مسترجية أقوله لأحد أستحي أتكلم فيه بيني وبين نفسي
الأفكار ذبحتها قلقها من زواجها كوم وكوم ثاني أكبر بــ كثير المسجات الي توصلها بالساعات في اليوم قلقانة وسكوتها يدمر أعصابها وبوحها بــ هالموضوع مع أي أحد كمان صعب
تنهدت من اعماق قلبها وهي تدعي ربها انه ما تكبر السالفة ويبعد عنها هــ الإنسان المجهول هويته بــ النسبة لها
!!!!!!!!!!!!!!
@@@@@@@@@@@@@@@@@@@@@
حبيبتي وش فيك
مناير بدموع تكتمها : ما في شيء يا مهنأ لا تشغل بالك شكلها بداية سخونة
مهناأ بخوف وحب : لا حبيتي لا تزيد عليك اليوم أبمرك أخذك المستشفى
مناير بحماس : لالالا ما يحتاج كلها سخونة ما تستاهل تشغل بالك فيها
مهنأ : اذا ما اشغلت بالي في منورة في من بشغل بالي لا حبيبتي اليوم لازم أخذك المستشفى
مناير بتعب مافيها تجادل : السخونة بــ بدايتها أنا بهتم بــ نفسي قبل تزيد واذا ما نفع انا بنفسي بقولك توديني المستشفى
مهنأ : أكيد
مناير : أكيد
مهنأ بخوف : مناير ما أدري ليه أحس الي فيك مو تعب أحسك مضايقة
مناير ودموعها تزيد من خوفه عليها واهتمامه فيها وتبي تلطف الجو : مهنأ انت فيك عرق من كونان
ضحك مهنأ من قلب وهو مبسوط عليها وحبه لها قاعد يكبر ويتربع في قلبه يوم بعد يوم
@@@@@@@@@@@@@
فسخت عباتها بخــوف وتوجهت لها بــ أقصى سرعة : مناير حبيتي وش فيك مريم لما قالت لي انك تعبانة ما قدرت أمسك أعصابي حتى تهاوشت مع تركي عشان يوصلني لك بسرعة ( وهي تضغط علي يدها بحب) مناير وش فيك مريم تقول ان عندك فقر دم هذا الشيء مو زين لك عرسك قرب
سحبت مناير يدها من ايدين مها ودموعها تحرق خدودها استغربت مها تصرف مناير
ومناير من بعد ما أعترف لها تركي انه هو الشخص المجهول صارت تستحقر نفسها وما تقدر تحط عينها بــ عين خالتها احساسها بــ الخيانة لأعز الناس وأحب الناس على قلبها يقتلها حتى لو ما كان لها ذنب فيها
@@@@@@@@@@@@@@@@
مقهور وتعبان وحزين ومتألم صدها له وتسكيرها لــ لجوالها او بــ الأحرى استغناها عنه حطم نفسيته
حبها له صارت تحسه ذل لها لأن حبها له ما توصفه أي كلمة حب
صراخه لها وتوتر أخلاقه معها وغيبته عن الشقة وما يرجعها الا بــ نص الليل كل شيء قاعد يبعده عنها لكن مهما يسوي تحبه وتموت في تراب رجوله
مها بخوف وحب قربت من تركي وشكله يكسر الخاطر من التعب : تركي هذا عصير ليمون وإن شاء الله بتخف سخونتك
تركي ونيران تحرق جوفه صرخ فيها : مــــــــــــها انتي ما تفهمين ما تفهمين تبين أترك لك البيت وأهج لأنك بــ صراحة ما تنطاقين وشوفة وجهك قبالي تـمرضني أنا قتلك ما أبي شيء طسي من وجهي
ما حست بنفسها الا وهي بــ زاوية الغرفة وصراخه عليها بكاها وكسر قلبها الرحيم
@@@@@@@@@@@@@@@@@
سحبها من يدها لــ مكان بعيد عن ضجة وحوسة البيت وحب يريح نفسه من شكوكه الي تاعبته
طلال بحب وحنان أخوي : مها يرحم والديك قولي لي وش فيك حالتك كثير تاعبتني ومشغلة بالي
مها ابتسمت تخفي ألمها : اووووف يعني اني انا الفاهم وأعرف كل شيء
طلال بجدية : خالتي الله يخليك ترا اباليسي تطامر قدامي لما أتكلم جد وانتي تستهبلين
مها : وش فيك مافيني شيء ما استهبل انا من جد مافيني شيء
طلال عصب : خليك قدها يا مها انا خايف عليك ومشغول بالي وانتي تستهبلين علي ( وراح عنها )
تنهدت بضيق ما تبغى تزعله وفي نفس الوقت ماتبي تضيق خاطره
كانت تناظرهم من بعيد وبــ ذهانة عرفت الموضوع الي يتكلمون فيه من ملامحهم الضايقة تنهدت بــ ألم على حال خالتها وعلى حظها الي رماها مع انسان قذر وسافل مثل تركي حسافة حبك له يا مها
اعطت ايدها الثانية لــ الحناية تبدأ تزينها لــ حفلتها بكرة
@@@@@@@@@@@@@@@@
مهاوي حبيتي على من تدقين
مها وهي تحوس بــ جوالها وقلقانة : تركي مايرد مخوفني عليه سافر الرياض امس وقلت له انه لازم يحضر العرس قالي إن شاء الله وألحين جواله يعطيني مسكر وش السوات مرة خايفة عليه
عضت مناير ع شفاتها : حبيتي لا تقلقين يمكن عنده ظرف او مافي سيرفس
مها بتفكير : وش رايك أخلي طلال يدق ع ولد عمه خالد هو أقرب واحد له
استح ع وجهك يا تركي مرتك مخلية ولد أختها يدق علي تبي تطمن عليك وانت قافل جوالك وتفكر في وحدة ما تجوز لك
تركي بتنهيدة ومنسدح ورامي شماغه ع وجهه وصوته مخنوق : خالد ما أحد حاس فيني أدري انك تقول في خاطرك ولد عمي مريض وتفكيره وصخ لكن مو بيدي صدقني مهو بيدي حبيتها دخلت قلبي من شفتها زوجتي ما حبيتها كذا حس فيني ليش محد فاهمني
خالد بــ حيرة من حالة ولد عمه : ابليس يا تركي صدقني ابليس تعوذ منه
تركي شال شماغة من على وجهه وصدمة خالد كانت كبيرة لما شاف دموعة مغرقة وجهه
@@@@@@@@@@@@@@@@
دخلت شهد تتنكس وترقص رقص محترفين درجة أولى ^_^ : عمتي مالك داعي قاعدة هنا القاعة تحت تهوش كل أغنية أحسن من الثانية كل ماقلت بقعد بريح ما أقدر أقوم وأرقص
دخلت نوف وراها بــ قرف : إلا من الشفاحة الحمد لله والشكر فضحتنا قلنا بنت عمة العروس بس مو كذا
شهد بقهر : اسكتي بس اسكتي ما طلبت رايك عاد أنا أحسن منك انتي ورقصك كأنك سيلانية تبي ترقص خليجي فشلتيني
نوف بــ صدمة : انقلعي يا خايسة أنا سيلانية
مها بــ رواق بعد ما تطمنت على تركي : تبون الصدق تحفة انتي وأختك شكلي بنزل بأخذ لي نظرة
مناير بخوف : لاااا مها تكفين ما تطلعين وتخليني بلــيز
مها بحب وحنــان : أبشري حبيتي
أقول يالحسناوات تغطن طلال بــ دخل يسلم على العروس
شهد ــ أووف عاد ما لقى ألا ألحين بتخرب تسريحتي خل يشوفها بالقاعة مرة وحدة
مها وهي تفتح الباب: اقول تغطي وانتي ساكتة
سحبت شهد جلال صلاة كان على كرسي تغطت فيه اما نوف تلثمت ولبست عبايتها واندست ورا الستارة
دخل طلال بــ أبتسامته الرايقة وغمازتة الي بخده الأيمن مطلعته خطيررر وعرض اكتافه معطينه هيبة وسامته نفس جمال مها الا ان بشرته أغمق بشوي والأهم من هذا كله خفة دمه
لحظة لحظة مها وين مناير قلتي لي ادخل سلم عليها
مها غمزت له وبــ لعانة : مدري وينها فيه شكلها راحت الحمام وما انتبهنا لها اصبر ألحين تطلع
مناير بــ قلق وفيها الصيحة: يا معفنــــــــــــــــين يا حمــــــــــــير منيب رايقة لكم عن اللعانة
طلال مسوي مصدوم : من مناير ماعرفتك الا من صوتك ولا ماكنت بعرفك
مناير و دموعها بــ تطيح : ارحمني كلها ساعات ومعاد تشوف وجهي
طلال بــ حب وشفافية راح يضمها : بعد عمري منورة بفقدك والله بفقدك
مناير تشبثت فيه بقوة : طلال سامحني يا طلال الله يخليك سامحني أنا أحبك
طلال انصدم وناظر مها نظرات وش السالفة : مناير انتي بتجاهدين ولا بتعرسين
منايرومو داريه وش تخربط ^_^ : طلااااال لا تدقق أنا خايفة
طلال بــ إستنذال : بدري على الخوف وش خليتي لــ بعد ساعتين من رأيي أنا تستمتعين بــ آخر ساعتين وتتركين عنك الخوف
مهاوي بــرواق : صدقت يا طلال
طلال : وأزيدك من الشعر بيت لو شفتي مهنأ تحت ما خلى أحد إلا وابتسم له وسأل عن أحواله من الفرحة يعرف الرجال ولا لاء ( ويوطي صوته بــ إستهبال ) تبين الصراحة شكيت إنه مختل عقلياً
مناير بـ حمية : أقول امسك لسانك
طلال ومها بــ نفس اللحظة : اوووووووووووووخس الله لنا
مناير دمعت : طلال وين أبوي ليش ما جاء معك
طلال يمسح ع راسها : حياتي منورتي ما هقيت اني أحبك هالكثر شوفي لو مهنأ رفع صوته بس رفع صوته تعالي قولي لي وأنا أوريك فيه
مها : تراني أغار وأنا من يدافع عني
طلال : أفااااا أنا فداكن لكن الثنتين
مها : بعد عمري طلولي يا بخت من تأخذها
طلال مسوي مستحي : اقول عن الظرافة مناير أبوي قال بدخل القاعة خايف يطلع عندك تقلبينها مناحة بس أنا قلت أبد ما أضيع دقيقة ما أشوف فيها مناير
مها : أقول تصور يلا ترا هالفلبينية شوي وتجلدك من أول معطلها عن شغلها وبنات خالك اختنقوا
طلال لف لهن بــ حياء : ما عليه السموحة منكن ما انتبهت أحس انكن تقولن ولد عمتنا هذا مايسكت إلا وش أخباركن
شهد بــ رجة : بصراحة خذيت راحتك بس تمون
طلال ضحك ضحكة تطير العقل واستحى نوعاً ما ومسوي خايف : من جد أبتصور لا تشوتني ذي ( وبإستهبال وبــ لهجة شامية ) بالصرماية
الكل ضحك من روقانة الي أضاف على جو الغرفة حماس وضحك
@@@@@@@@@@@@@@@@
صباحية مباركة يا عريس ايه دا ايه الجمال دا
مهنأ بحومة كبد : ياخي حومت كبدي اسكت بس اسكت
طلال مسوي مصدوم : أنا أحوم الكبد ( وبأمر ) شوف احترم هالخشة المخيسة تراني خال العيال
لا تخليني أمنع المدام عنك تراها أختي اذا ماتدري يعني
مهنأ مسوي خايف : لا الله يخليك لا تهور الله يخليك
@@@@@@@@@@@@@@@@
مناير وهي خايفه تسأل :وش فيك يا مها
مها وعبرتها مخنوقة مسكت ايدين مناير وكأنها تبي وقفتها : تركي يا مناير تركي مهو تركي الأولاني معي تصدقين انه له اسبوع ينام برا البيت
شهقت مناير ما توقعت حياة مها وصلت لــ هالحد :وانتي بــ البيت لحالك
تنهدت مها بــ ضيق ونزلت راسها : وش تبيني أسوي
مناير بــ حمية على خالتها وقهر : كلمي طلال يوقفه عند حده
مها بــ ألم :من سافرتي شهر العسل ما شفته الا اسبوع بــ الأول كان بالرياض وبعدها رجع قعد 5 ايام وبعدين سوا مشكلة من ولا شيء وطربق البيت ع راسي وطلع ولــ اليوم ما شفته
@@@@@@@@@@@@@@
شوف يا السافل لا مالقيت أحد يربيك أنا الي بربيك وبسنعك على يداتي هالثنتين
( ودفه ع الجدار )
تركي بقهر خز مها بعيون حاده : هين يا مها تشتكين لـ أهلك مني
مها غطت فمها بيداتها ودموعها تنزل بصمت : مو أنا مو أنا الي قلت لهم عن شيء
طلال بقهر : كلمني أنا لا تستقوي ع مرأة
تركي بقهر ويرفع صوته : أستقوي علي الي أكبر منك اطلع برا بيتي
طلال : بطلع برا بيتك مهوب أنا ألي أتنزل وأقعد بــ بيت أشكالك ( ويلف ع مها ) مها لمي أغراضك ويلا معي ع البيت مالك قعدة مع هالأشكال يلا
تركي بحدة وجدية : ان طلعت من هنا ترا مالها رجعة
@@@@@@@@@@@@@@@
########
طلال ليش ما طلعتوني على بيتي خايفة تركي يزعل مني
طلال مقهور على حال خالته : مها من جدك الكلام الي تقولينه انتي تعبانة وطالعة من مستشفى وبــ يالموت تشيلين نفسك وتفكرين فيه وخايفة على رضاه
مها بــ خوف : انت ما سمعته وش قال قبل لا أطيح ان طلعت من البيت مالي رجعة
طلال بــ حمية : بس انتي ألحين تعبانة والكلام غير ولو فيه ذرة خير كان سأل عنك وانتي لك يومين مرمية بالمستشفى وهو ولا همه مها انا أحبك وخايف على مصلحتك وفي نفس الوقت منحمق عليك وما ابي أي شيء يمسك
مها دمعت عيونها ونكست راسها
طلال بـ حنان مسح ع راسها : مهاوي وش تفكرين فيه
ناظرته مها وبكت : مدري يا طلال وش الي غير تركي علي كنت عيونه الي يشوف فيها فجأة صار ما يبي يشوفني و(بتردد) اكتشفت انه يسكر
طلال طير عيونه : وشـــــــو
حرام عليك الي تسويه في مها انت وش جنسك يا مريض يا قذر لو يصير شيء لــ خالتي مارح يصير لك طيب ذبحت خالتي معادها خالتي الأولانية يا حقير يا سافل
المسج من تلفون مرته لكن الحكي غريب بذهانة وبسرعة دق على تلفون مرته وانتظر صوتها بــ لهفة وشوق
هلا حبيبي
تركي انصدم ماهو الصوت الي مستنيه وبصدمة : مهـــــا
مها مستغربة : ايه مها
@@@@@@@@@@@@@@@@@
دام هذه كلها سواياه معاد له عندنا شيء
ام صالح بــ صدمة : وش تقول يا صالح تبي أختك تتطلق
طلال بــ قهر على خالته : جدتي الطلاق أهون من الي قاعدين نسمعه مها تقول انه مهوب حولها ويبيت بــ الأسابيع برا البيت طاحت علينا ما فكر يجي يزورها يطمن عليها يا جدتي فرقاه عيد وصدقيني خالتي مهيب ناقصة ولا فيها عيب عشان نجبرها تعيش مع هالواطي
حاوطها صالح بحب وكأنها بنته : وانتي يا مها وش قولك
مها تبكي وحالتها يرثى لها :
توقعاتكم تشرفني
واعجابكم ونقدكم أنتظره بلهفة
أختكم
عشان الحب .
|
12-03-13, 06:07 PM
جديد مواضيع قسم ارشيف خاص بالقصص غير المكتمله
العرض العادي
