كاتب الموضوع :
WORLD,S SMILE
المنتدى :
الارشيف
رد: روايتي الاولى : قالو ليش راسك مرفوع وعينك قويه قلت العفو كلنا ناس بس هيك الفلسطين
ارويني بالابتسامة التي تتسرب الي الاعماق
وتلهب القلب بالعشق والاشواق
وتجعلني اهيم فوق كل الافاق
واقول لكي اني مشتاق
حبك الذي يحتضني
واشعر اني طفالا رغم كل عنفواني
وبقربك يتكلم الشعر بالحب والحناني
يامن سكنتي قلبي ووجداني
يامن في بعدك تثور كالبركان احزاني
وبقربك مني اشعر بكياني
حبك نهاية احزاني
ارجوكي لا تبتعدي
لا تبتعدي يوما عن احضاني
وارويني من حبك اجمل المعاني
اجعلي قلمي يبتسم باشعاري
كوني انتي لي داري
اخفي في حنايا قلبك اسراري
احبك حقا ولا تحتاري
يامن شتتي في بعدك عني ..افكاري
ان نبض قلبك يبوح بكل اسراري
يقول لي ان حبك حطم جداري واسواري
احُبك وابوح بها لكل الكوني
فكوني لي حبيبة عمري
فحبك هو سر من اسرار حياتي
وبعدك عني يحرق ابتساماتي
حبك انتي دون غيرك يعزف باوتاري
يقول لكي احبك ياعمري ولا تحتاري
اخفيها عنكي ومعكي انتي اسراري
يا قلبُ قلبي حبكي باقي
ولا احد غيرك يدري بعمق اشواقي
فاريد ان اقولها حقا حبك لي باقي
يلهب في عشقي واشواقي
فما اجمل حبك حينما يتلاقي باشواقي
البارت السادس
وشاف عروب لحالها وشاف الي ماسك ايدها
عروب سبحت ايدها من ايدو بقوه : انت كيف بتسمح لنفسك تمسك ايدي انت واحد تافه غبي
ولفت وجهها بدها تروح وكانت المفاجأة الشخص الي وراها تماما مافي مسافه بينها وبينه وعيوونه بتاكد انو في هالحاله ممكن يقتل انسان
امجد بعد عروب ومسك الشب الي بكل وقاحه رافع راسه ولاكأنو في اشي
الشب : هيه انت خير شو بدك مضيع اشي عندي
امجد : والله لاندمك على اليوم الي تجرأت ولمستها فيه
الشب : حر انا بعمل الي بدي اياه وانت مين مفكر حالك ليكون ابوها وانا مابعرف
امجد وصلت معو للسما ودخل في عراك طويل مع الشب وعروب واقفه ودموعها متل الشلال ومو عارفة شو لازم تعمل
امجد : عروب روحي عند سارة
عروب مو مستوعبه وخايفه كتير على امجد ............
امجد بصراخ : عروووب
عروب صحت ع حالها : امجد خلص اتركو امجد بكفي
امجد بصوووت بهز الارض هز : روووحي عند سارة
عروب زادت دموعها وضلت واقفه مكانها بدون ااي حركه
امجد ماتحمل يشوف دموع حبيبتو وخوفها واضطر يترك الشب بعد ما غيرلو ديكور وجهو
الشب بس تركو امجد على طول هرب
عروب ضلت واقفه مكانها وبتبكي ومو سامعه غير صوت انفاسه
امجد قرب منها : خلص ماتبكي
عروب زادت بكي : ............
امجد : عروب انت منيحه ؟
عروب من بين دموعها : ليش ليش عملت هيك ؟
امجد كان نفسه يحكيلها لاني بحبك ماتحملت اشوفك مع حد تاني : امجد بدك مني اشوفه ماسك ايدك واتركه انت امانه عنا لحد مايرجع عمي
عروب بخيبة امل فكرت انو غيران عليها : ماكان في داعي لكل هاد كان بكفي تبعده وبس ما شفت حالك شو عملت فيه
امجد شاد على اسنانه : اه سوري ازعجتك انسة عروب وخربت عليكي الجو الرومنسي
عروب لا اراديا ضربته كف : هاي تاني مرة تحكي معي بهالطريئة انت واحد غبي بكرهك بكرهك بكرهك وهربت
امجد واقف مكانه ومصدوم من الي حكته عروب ومن الكف الي وصله عمرو بحياته ماحد مد ايده عليه
عروب راحت ع مقعد بعيد وقعدت لحالها وصارت تبكي بقوة وتردد غبي غبي غبي
.............................
اما عند سارة طلعت من الحمام رجعت على المكان الي تركتهم فيه مالقت حد صارت تدور عنهم ومالقت حدا
اما خالد كان واقف بيستنى امجد يرجع ومعو البنات عشان يتغدو
وهو يستنى شاف سارة واقفه وواضح انها بتدور على حد راح لعندها
خالد : سارة
سارة التفت بسعاده انها لقت حد منهم : وينكم الي ساعه بدور عليكم وين رحتو
خالد ابتسم : انا هيني بس امجد مابعرف راح يناديكم ومارجع تعالي نشوف وينهم استني اتصل على امجد
سارة : اوك لاني بتصل على عروب ومابترد وندى جوالها مشغول
خالد اتصل على امجد : مغلق تعالي ندور عليهم
سارة كانت ماشية وحافظة على مسافه بينها وبينه وخالد مبسوط ومو مسد ئ حالو
سارة توترت وتزكرت الموقف الي صار بينهم بالجامعه وانها ما اعتزرت : انا اسفه
خالد استغرب من اعتزارها : على شو ؟
سارة : انا كنت معصبة وما انتبهت للحكي الي حكيتو
خالد فهم عليها وابتسم ولا اراديا وبدون تفكير : لازم تعتزري لانك
سرئتي ئلبي
سارة خدودها حمرررر وانصدمت من كلامه ومن اعترافه الصريح انو بحبها بعد الكلام الي حكته والصورة الي بينت فيها قدامه
سارة : ................
خالد انتبه ع حالو وماعرف شو يعمل : سارة انا
قاطعته ندى من وراهم : شو وين رحتو الي ساعه بدور عليكم
سارة : وين عروب
ندى : مو معك تركتها ورحت احكي بالتلفون
سارة : غريب بتصل عليها مابترد انامو مرتاحه خايفه يكون حد تعرضلها
ندى : امجد وين ؟
خالد التفت حوليه : هيو امجد هداك
ندى وسارة : اه بس ليش واقف لحاله وشو بعمل
وراحو كلهم لعنده
خالد : وينك يازلمه النا ساعه بندور عنكم
امجد .........
سارة : هيه امجد عروب وين مو مبينه بتصل عليها مابترد
امجد صحى ع حالو وادرك حجم المشكله الي عملها
امجد لف : كل واحد يروح يدور عليها وبنلتئي هون
امجد ركض من الناحية الي راحت منها عروب وكل واحد راح يدور من جهه
امجد التفت هون وهون وانتبه للبنت الي قاعده على المقعد وبتبكي , حس بالالم وتأنيب الضمير هاي تاني مرة يعمل هيك فيها وفي نفسه : والله مو بإيدي جد اني غبي
راح لعندها , عروب ما انتبهت لوجوده وعيونها منتفخين من البكي
امجد بصوت حنون : عروب
عروب بدون ماتطلع عليه : اسمي ماتحكيه على لسانك
امجد انصدم من لهجتها : تعالي كلهم بدورو عليكي
عروب بدون ماتحكي ولاشي قامت من مكانها ومشت وتركت امجد وراها
امجد راح وخبر سارة انو لقاها وحكالهم يروحو ع الكفتيريا
عروب راحت على الحمام غسلت وراحت عند سارة وندى الي كانو قاعدين ع طاولة وقبالهم امجد وخالد بطاولة تاني
سارة : وينك النا ساعه بندور عليكي
ندى : عروب ليه هيك عيونك انتي منيحه
عروب : متى رح نروح تعبانه
سارة خافت على عروب : هلأ بحكي لامجد انو يروحنا لانك تعبانه
عروب حست حالها كرهته كرهت كلشي فيه حتى اسمو ماكان الها نفس تسمعه : اها
في الطريئ خالد شغل المسجل بالسيارة على اغنية حسام الشامي ( بخيال الوردة )
بخيال الوردة في وردة أعدت بالفي
بدي احكيها و ما بدي تكبرت شوي يا قلبي ما بعلمي شاطر لأشواقك
بتخاف تخاطر متل العطشان اللي ناطر على نبعك مي
سمعناك و قلنا عطشنا و ما قلت خطي خطي
سمعناك و قلنا عطشنا و ما قلت خطي خطي
حلوي يا حلوي لاقيني عطشان كبير
ما بتنفعني الميي اسقيني من حب كبير
حبيتك و الله حبيتك أحلى من أحلامي لقيتك بعيوني على مفرق بيتك
يا وردة أيامي أنت يا أحلى عبير
يا وردة أيامي أنت يا أحلى عبير
سمعناك و قلنا عطشنا و ما قلت خطي خطي
خالد ابتسم وسارة عرفت انو الاغنية الها
امجد بطلع على عروب من المراية كانت ساكته وسرحانه
عروب في نفسها : يالله شو اشتئتلك يا بابا وينتا رح ترجع
وصلو على البيت نزلو وعروب اتجهت ع بيتها
سارة : عروب وين رايحه
عروب : تعبانه بدي ارتاح شوي
سارة : سلامتك ياعمري بس اكيد جاية المسا
عروب اجت تحكي وقاطعها صوت
ابو امجد : يابنتي ليش رايحه ع بيتكم مابصير تضلي بالبيت لحالك
عروب : بدي ارتاح شوي واشوف البيت
ابو امجد : طيب واكيد المسا جاية
عروب : انشاء الله عمي
عروب دخلت على البيت راحت ع غرفتها رمت حالها على السرير فتحت الدرج بدها تاخد مسكن وشافت الدبدوب الي كان امجد مهديها اياه : آآآآآآآآآه منك بس ليه بتعمل فيي هيك بس اطلع بعيوني وبتعرف كل الاتهامات الي بتوجهها الي بس انا مستحيل اسامحك بعد هلأ واحد اناني غبي ونامت وهي بتفكر بـأمجد
صحت عروب شافت الساعه 7 قامت تحممت وجهزت حالها وراحت ع بيت ابو امجد
رنت على الجرس وامجد الي كان يستنى فيها من الضهر اسرع فتح الباب
عروب اجت عينها بعينه وبعدتها بسرعه ودخلت وراحت ع غرفه سارة بدون ولا كلمه
امجد كان بدو يحكي معها بس ماتركتله فرصه ابدا
في غرفه سارة
سارة : عروب انا متل اختك وبتوثقي فيي صح
عروب : اكيد ولو
سارة : صار اشي اليوم بينك وبين امجد ؟
عروب ببرود : اخوك واحد مريض
سارة صح انها بتحب عروب بس ماهان عليها امجد : عروب لاتحكي عنو هيك لو سمحتي احكيلي شو الي صار
عروب حكت لسارة كل الي صار
سارة عرفت انو امجد عمل هيك من الغيرة : عروب بدي اسألك سؤال وجاوبيني بصراحه
عروب : اها
سارة : انتيب تحبي امجد
عروب اتفاجأت من السؤال وفي نفسها لهدرجه مبين علي الكل عرف الا انت يا امجد : انا .. ..مين حكا انا
سارة قاطعتها : ماحد حكى انتي بس احكي اه او لاء
عروب وجهها احمر :.......
سارة ابتسمت : هلأ بس تأكدت
عروب رجعت لبرودها : ولو كنت بحبه مارح اسامحه على الي حكاه هاي تاني مرة يعملها فيي وبعدين حب من طرف واحد مو حب
سارة نفسها تحكيلها انو امجد بحبها بس مابيصير لازم هو بنفسه يحكيلها : شو عرفك انو مابيحبك متلن
عروب : هههه نكتي خلص سكري على الموضوع
وفجاءة طفت الكهربا , سارة وعروب ارتبكو وخافو طلعو التنتين من الغرفه
سارة : انا رايحه اشوف امجد خليه يشوف ليه قطعت
عروب خايفه كتير من العتمه : سارة لا تروحي وتخليني لحالي
بس سارة كانت رااايحه عروب استنتها كتير بس سارة تأخرت مرت اكتر من ربع ساعه
عروب الي بتخاف من العتمه صارت تبكي وتمشي بالممر واصطدمت بشخص
ماسدئت انها لئت حد رمت حالها بحضنه وصارت تبكي
عرف انها عروب وحضنها بكل حنان كان نفسه انو هاللحظة ماتنتهي
كان نفسه يدخلها جوااتو ويحميها من كلشي
عروب كانت تشم ريحه عطره وتسمع صوت انفاسه ودقات ئلبو
علمني كيف انساك
علمني كيف اهواك واكتفي
علمني كيف اصل الى اعماقك
وابدا الحكايه ...
واسير على اوتار قلبك حتى النهايه...
ضلو على هالحاله ثواني وكل واحد فيهم عارف التاني وبكزب بحالو
وفجاءة رجعت الكهرباء ,
.................................................. ......................
انتهى البارت
|
06-02-13, 10:26 AM
جديد مواضيع قسم الارشيف
العرض العادي
