السلام عليكم ورحمه الله وبركاته
قراﺀت ثلاث ليال لحد للان بصراحه اسلوب مميز جميل
في البدايه ما اخفيك واجهت انقطاع في الاندماج بالاحداث بسبب كثرت المحسنات البديعيه
والخواطر بوسط الكلام .لكن مع الوقت تعودت
والحمد لله وصلت للاندماج ومتعة القراﺀه
في شي ثاني مدري عن اللهجه صراحه احس في حشر لنون في بعض المفردات مدري. شتتني باللهجه
يعني نجديه والا شماليه
والا جنوبيه
يعني اتعبتني شوي ويمكن القصور فيني اللي مو قادره اوصل للمطلوب. لكن اتوقع مع الوقت بتزين الامور
بدايه بطلااتك بشكل عام كلهم منكوبات بشكل يعور القلب

ووراهم اسرار ودي اكشفها بتكملة القرآه
ماراح اعلق بالتفصيل الا بعد ما اكمل العشر خميسات
وبعدها لي رد مفصل باذن الله
موفقه باذن الله

مسائك ورد الجوري
تسلم انأملك ضلوعه

حبيب
وش الفايده اللي جنيتها بخطفك لها تبي ترجعها غصب
بعد ماشفت بعينك ياليتك تنساها وتحفظ كرامتك
أبوك واقف في صفها وهو كاره تصرفاتك كلها فلا تزيدها على نفسك

ساره
فقد ذكراه مؤقت خلها ترجع طفله والكل الحين بيتعامل معها على هذا الأساس
بس جزاع اللي ناوي يتزوجها وشلون بيعيش مع وحده ناسيه كل شئ
راح تعاني كثير على ما تقدر ترجعها للطبيعتها
بس أخوها بيخليها تتزوج وهي في ذا الحاله
يمكن كل شئ يتأجل حتى تتعافى
ويمكن يقدر جزاع يقنع يزيد بالزواج لانها ناسيه كل اللي صار معها وهذا بيساعده عشان خليها تحبه

هادي
يعني الام عايشه في بيت الجد بروحها كنت أظن ان الجد عايش وهي راحت عنده صار ميت وهي هناك لوحدها ولدها اللي طاوعها وراح تزوج بنت أختها تاركها ورايح يخطف في ذا البنت
شف أمك وشلون عايشه موب انت تزوجت عليا عشان ترضي أمك وينك الحين عنها
أكيد انها تبكي بنت أختها اللي ماتت
وبعد حالتها ماتسر عدو ولا صديق يمكن حتى الأكل ما عندها

ضلوعه ابدعتي

يسعد مسائك يا ضلع بكل خير .. وتسلمين على نجمه رائعة مثل روعة تواصلك دائم
عسى الله لا يخلينا منك ويسعد مساء انوار ليلة خميس اللي نورت بـ داية بـ جزاع وإنتهاء بـ مياسه

ساره وحالها اللي يكسر الصخر ولو انه صخر جامد وما ينكسر بس هذا ابلغ تشبيه لـ ساره وفقدان ذاكرتها ماهي إلا رحمه من رب رحيم - ورجوع عقلتيها لمرحلة طفولة متأخرة محزن للغاية لكن الأمل من بعد الله بـ موافقتها لـ زواج من جزاع وبـ إحتواء جزاع بتـ نسى ضاحي والي خلفوه بعد ..


جزاع كبرت بعيني .. وحبك سامي لها اكبر دليل .. إن شاء الله ساره تصير من نصيبك وليلتها بنفرح بكم وبتنتهي الاحزان بإذن الله

بدر وسر الحزن الي يخفيه بضحكته متى بتجدد حياتك وتضيف عليها نكهات خالية من الحُزن ومن سعيدة الحظ الي بتكون من نصيبك ياترى زمرد وإلا مياسه

حبيب لا تعليق -

اعجبتيني يا مياسه وحاولي تنسينه وتمحينه من بالك لأنه ما يستاهل تفكرين فيه ولو لـ ثانية وإن شاء الله ربي بعوضك بالي احسن منه

زهام متى بـ تصحى من برودها إلا إذا جات لها مصيبة توفقها غصب واتمنى انها تعقل ..
هادي فرق بينك وبين اخوك سبحان الله - خلق وفرق وش اللي شفته بيت جدك امك تبكي على حال بنت اخوها وإلا شيء ثاني الله يستر


واشكرك على الابداع لا متناهي ياضلع

السلام عليكم ورحمه الله وبركاته

صباح الخير.....صباح الرياحين....صباح الجمااال

ان زعلت برضيك وكل عمري فداك00
والزعل مازعله يالغالي عليك00
لو تامر بروحي تلقاها تراضيك00
لو تطلب عيوني في لحظه تجيك00

تسلم يدينك ضلوعه على هالبارت الروعه...اخيرا صار شيء يبرد القلب اشوي ...بارت حلووو والاحداث الي فيه تفرح القلب اشوي ...

ساره وجزاع
فقدان ساره لذاكرتها فيها خيره لهااا...لان الي مرت فيه والاحداث الي صارت لها مو اشوي..فجات فقدان الذاكره رحمة من عند رب العالمين عشان تقدر تكمل حياتها وتستعيد عافيتهاااا...وتقدر تكمل حياتها وتبداها من جديد مع جزااع الي بيكون له دور كبير فيها..

لانها لو ظلت مثل ماهي بيكون زواجها من جزااع صعب حيل وهو بيتعب كثيررر من معاملتها له لانها بتكون جازعه من وسالفة اغتصابها على يد ضاحي بتكرر ببالها كل ماقرب منها جزاع....وجزاع بهالفتره بيقدر انه يكسب ثقتها ويحببها فيه ..ويعيش الحب الي انحرم منه..
بس المشكله اذا استردت ذاكرتها وش راح تكون ردة فعلهااا..اتوقع بتكون اقل حده لان حب جزاع بيكون مسيطر عليهااااا

يووه يعني جزااااع يتيم الاب ياقلبي هو عااااى كثير اجل...فقد امه وهو توه صغير وبعدها فقد حب شبابه وهو صااابر عاد اللحين ياضلوعه لازم تريحين قلبه ....

اتوقع الجده اذا شافت وضعها كذا بتصر على جزاع انه يتزوجها وهو صحيح بيتغلى شوي بس بيرضى لانها ماصدق ترجع له

مياسه وحبييييب
الحمد لله الي ربي خلصها من يدين عديم المروه والذات...ابي اعرف هالخبل كيف يفكر من جد يبي يتمم زواجه منهااا وهو مطلقه يعني ماتحل له...وللا مفكر انه اذا سوى كذااا بترضى انه ترجع له لااااا يحلم كلش ولاا غدر الحبيب اكبر طعنه لها انك تزوجت عليها لا وعيلت وهي لسى ماسكنت ببيتك ولاا حتى فكرت بخاطرهاااا..

.حسبي الله عليك على قولة>> الشيخ براق<< بنت الحرام توهاااا متوفيه وانت جالس تناقز من مكان لمكان كنك شاذي لو فيك خير ان ضفيت اعيالك مو رميتهم على اخوك وانحشت ..وبكل قواة عين تقول لمياسه ابيك ام لعيالي روح لامك ياحبيب امك تربيبهم لك مو هي الي خططت ودبرت عشان تزوجك اجل تتحمل مجايبك لهااا...

وانا مع زيزفونه مياسه لبدر اثنينهم يصلحون لبعض..


هادي وامه
الله يعينك ياهاااادي ربي بلاك بمرة مطفوقه وجاايبه لك وجع الراس ...بس البلاا منك انت الي راخي الحبل لهااااا لو انك مسنعهااا كان ماتمادت كذااااا وطال لسانهاااا....

وامك هذااا حقها وماجاها ..وهذا حوبة اليتيمه مياسه الي هدمت بيتها قبل لاا تبنيه وكسرت فرحتهاااا وهذا هي الولد الي شدت على يده وزوجتة بنت اخوهااا تركها ولاا حتى سال فيهاااا بناتهااااا كل وحده لاهيه بعمرهااااا...ولاقالت اجي اسال عن امي واتطمن عليها وصار مردك بيت اهلك المهجوووور....

اتوقع ان هااادي اذا شاف وضع امه كذاااا بياخذهاا عندها ويمكن زوجته تطلع عينهاااااا

تسلمييييين ضلوعه جعل من جابوك بالجنه
اكثروو من صلاه الضحى لانها تعتبر صدقه عن كل عضو بجسم الانسان

مساء الخير ،، بنات اسحمولي ما اقدر انزل ليلة 11
اولاً بسبب قرب الاختبارات واللي يبي لها تركيز وطولة بال
وتعرفون ما اقدر اجمع بين مذاكرتي وروايتي لكن
إن شاء الله بعد الاختبارات لي عودة لكم ،، بشتاق لكم كثير

واشكر لكل من وضع حروفه هنا ،، اشكركم من كل اعماقي
ولكل الي يتابع خلف الكواليس ،، الله لايحرمني من حضوركم رائع
أختكم في الله:
ضلع إعوجاج