"
ليلة خميس

ليلة ثانية



مدخل:







فوق الشفاه حروف ..
يسكـن معاها الخوف ,
وفوق الألم دمعه :
في خاطري وسيووف ..

محظور تضحك فرح
ومجبور تبكي الجرح
ومسكين تآخذ رجا
من لارجا معروف ..

ياساكنـي والخوف ..
مثل جذوع النخل ..
مثل شجون الأمل ..
مثل الغطا المكشوف ..
يبذّر تباريحه في صحرى
قحط وليل ..
وسيل الدمع وسهيل
فوق السحااب وقوف ..!

ياساكنـي والخووف
ملزوم آجامل وقت ..
ومجبور أخون الصمت ..
وأشكي على الأيام ..
يمكن تحن وترووف ..!

ماعاد يمدي الزمن ..
يمحي آثار جيوش ..
وماعاد عندي أمل
ألقى كحل لرموش ..
مجبور أوادع سما ..
ومجبور أعيش الضما ..
ياساكني والخوف ..
وين العيون تشووف ..




×




يمه.. واللي خلق هالروح فيني.. عاجزه اروض جنوني.. المشاعر تهتويني.. والجمود معتليني.. يمه.. هو صحيح الحب ذنب.. في ضلوع الصيف احساسي شتـآء.. وفي الشتاء احطب

ابشعل هالوفاء.. يمه.. ليه الحضن يخالطه الجفا.. ماهقيت الطهر يدنسه الردى.. ومادريت ان البياض في اصله عمى.. يمه.. عالمنا غريب والا في شره طغا.. يمه.. هو الذنب ذنبك

والا في قلبي انا.. ماتحملت المواجع ولا تحملت الشقا.. كان حلمي في جنونه يتعدى هالسماء.. امتلك كل النجوم واسرقه شعله ضياء..

يمه.. اخنقتني عبرتي واحتوتني هالدموع.. شل تفكيري وهمي احتضنته في الضلوع.. اكبت الآه واردد بكره اشعل هالشموع.. واتالم من مراره في فؤادي بي تلوع.. يمه.. قلبي من

انينه يرتعد خوف ويروع.. شفتي بنتك هالصغيره لا تغرك في فرحها.. لاذكروا طاري الاماني تبتهل وتدعي بخشوع.. تبكي الهم وتردد..

يارب ابغى اموت..

يارب ابغى اموت..

يارب ابغى اموت..

يمه.. سـآمحيني مادريت اني بـ احب .. غصب عني في خفوقي التهب.. ماقويت اصد عنه وفي سمومه الف طب.. يمه هو صحيح الحب ذنب.. وخالقي اني اصده وبتعب.. وماقويت

الا اذوب.. خايفه ماقدر اتوب.. وتتعاظم فيني الذنوب.. يمه.. في دعائك جمليني.. ارتجي اني اموت وادري بك بتفقديني.. يمه لاجلي.. سآمحيني .. انولد احساس فيني..


ان هالكون ماهو كوني..

ان هالكون ماهو كوني..

ان هالكون ماهو كوني..


تتجرد الـآماني في لحظه اختنـآق.. وتبقى تلك الامنيه قيد التحليق.. اخشى اني كفرت بالحب فاستغفرولي


أم يزيد: ساره يامك وش فيك تهووجسين.. تونسين من شيء

بإختناق: لا يمه.. بس مستهمه الاختبار

ويعتلي على ملامح امي استغراب: اي اختبار

بداخلي: اختبار الآخره يمه.. مالي وجه اقابل فيه ربي.. وش اقوله يارب انا زنيت.. بس والله يارب انت اعلم باللي في ضلوعي ماغيرك يعلم به.. يارب اللي كان لي حبيب وصديق
اصبح كذاب وخاين.. كل ما ادق عليه مايرد.. ابيه يسترني بس مايرد علي.. ابيه يغطي هالمصيبة اللي ابتلاها فيني..

اطياف: ساره ســــاره

التقت عيني بعيون امي.. آه يمه آه

أم يزيد: ساره ساره يامك وش فيك

غمضت عيوني بإرهاق نفسي قبل مايكون جسدي.. فتحت عيوني بتوهان وانا احس دنيا بدأت تقتلب فيني ابي اقوم ابي حضن امي حاولت اوقف بس للأسف طحت وغبت بعالم

اللاوعي..

أم يزيد بخوف: ساره يمه ساره لاتفجعيني عليك.. قومي يمه.. اطياف مويه جبيبي مويه

اطياف وهي تمشي بتثاقل

بقلق: إن شاء الله يمه.. إن شاء الله

صرخت على الخادمه.. واللي عطتها كوب مويه بارده..

راحت ووقفت فوق راسي.. مسحت وجهي بالمويه.. فتحت عيوني والتقت بعيون امي..طاحت دمعه كسيره

أم يزيد: انتي بخير يمه.. وش تتوجعين منه..

اطياف: ادق على يزيد.. يجي يأخذنا المستشفى

بوجع: لا تدقين عليه.. انا بخير

أم يزيد: أي خير ووجهك غادي اخضر.. اخصري هرجها وخل يزيد يجي

اطياف: إن شاء الله

ودموع عيني ماوقفتت

بهمس: يمه..


دخل أبو يزيد وهو يستند على بكوره

وقال: السلام عليكم

أم يزيد: وعليكم السلام.. تعال يا ابو يزيد شف لك حل مع عناد بنتك ماهي راضيه ماغير لها يومين تتعب علي ولاهي برايحه هالمستشفى

حب راسي وبحنان ابوي

ويبتسم: علامها روح(ن) ابووها

غمضت عيووني وبكيت.. والله غصب عني بكيت قدام عيونهم القلقانه علي.. لمني وهو يمسح علي شعري ويقرأ علي بعض من سور القرآن الكريم.. نوم اللي كان مجافني ايام

وليالي هذا هو جاني.. نمت ولا حسيت على نفسي.. ابي اهرب من الوواقع المؤلم.. يمكن اللي صار لي كله حلم.. لا.. إلا كابوس مزعج بالحيل..





×







ابتدت قصه حكايه.. من جنون الانتظار.. اعزف اللحن بالم تحت شرفه احتضار.. بين خوف نقض العهد و نسيانك قرار.. ارتجي هم المصير.. وآتـبعثر.. تدري اني من بعادك..

انحكمت بلوعه الفرقا مؤبد.. واغرقتني هالدموع.. واكتواني الانكسار.. ولا ازال.. احلم بليله رجوع.. صرت كلك لي حلم.. ينفض اوجاعي ويروح.. وين اروح.. ووين الاقي لقلبي

المجروح روح.. شوف همي بي ينوح.. والملامح اختفت اخنقتها هالجروح..

من عرفتك ماعرفت الا الشقـآ.. الردى من اصل طبعك ليه تتركني بعنا.. وين طيفك انشده.. وين حظنك التحفني هالشتا.. أرفع وشاحك والمه ارتجي منه الدفا.. ماتحس بقلب انثى

تنكسر باحساس خوف الفقد.. ويجرحها البكا.. ماتشوف العين اشقاها العمى.. وجمره تشتعل في خافقي ماغير ازفرها بـ افا.. والنهايه.. خلف سكه هالقطار.. احتريك وانتظر وارجع

في كل مره اشعل شموع اللقـآء.. وتنطفي كل الشموع واحلم بلحظه فرار.. وما الاقي غير ذكرى تلتهب.. انكتب لي هم بعدك وقلبي في حبك نشب..

وش اقول بعد ماكنت تحتضن هالروح.. مابين رمشك والهدب.. حتى النظر في غيبتك.. اسلبتها حكمه الاقدار.. وارتضينا نعيش.. في ظلمه وعتب ..


زهره وهي تشد ثوب امها

وبهمس طفولي: ماما.. بابا وثل

هتوف بفرح: وصل بابا.. يالله خل نروح نستقبل بابا

جرت بلهفة وارتمت بحضن ابوها اللي غرقها بوسات.. وضحكت على حركاتهم

همام رفع عينه لعيني وارتبكت

همام: مابتسلمين علي

مشيت ومديت يدي له.. ماحسيت إلا سحبني ويلمني وباس خدودي

همام: يا انك وحشتيني

بخجل فطري: همام مو هنا..

غمز لها وبخبث: عشان زهره والا ####

رمى كلمه من العيار ثقيل .. فرصعت عيوني

وبخجل: همــــــام

بهيام: عيونه وضلوعه تنبض بضلعك

بهمس: مايفيد معك.. ابو طبيع

مامداني اكمل الجملة ألا واحس نفسي فوق..

صرخت وضربت صدره: همام عيب عليك

وغطيت وجهي يوم شفت شغاف خارجه من المطبخ وبيدها كوب مويه


همام: شغووف.. اهتمي ببنتي لا اوصيك

وانا ببكي: ليه همام حرام عليك

همام: بالله إلا حرام على قلبك اللي بغا يذبحني.. وبعدين لاتسبلين بعيونك ترى اتهور

هتوف: لااااااا

غرق بضحكه..

همام: مرت سنتين على زواجنا.. وكل مالك تحلوين بعيني.. يذبحني خجلك ياعيون همام




×







يا رفاء

شوفي دمعي يبكي نزفي بدون اسباب.. وغيوم الشوق تبعثر ناظري.. خلف جنحان الضباب.. يا رفاء.. وش تكون هذي الحياه...؟ لافرح يرسم اماني ولا لقاء يضوي انوار الغياب..

ياحبيبه الفرح وكل الاماني.. ترتسم ببضعه حروف.. يبتديها حرف يشبه زفر آه.. وينتهيها باخر حرف من الثواني.. يا رفاء يعني همي.. محتويني بين زفره بثانيتين.. ياه ياعشق
الاماني.. تنتهين بزفرتين.. لا.. ياروح مياسه.. باخبرك.. عن حياتي بكلمتين.. امهليني شويتين.. نبتدي..

بحرف يشبه زفر آه..

( أ ) امل منثور من عقد الجنون .. اما في الحرف باء.. بلبله باسم السكون.. اما في تاء(ن) وثاء.. اتثبت في زمن كله طعون.. والجيم من اصل نقطه تحت حاء.. الجحود المر من

اوثاق العهود.. اما خاء وجاره داء.. يتمثل بـ خد(ن) ابتلى بصفع الكفوف.. وفي حرف ذآل ذنب خالطه الحسوف.. والزاء من اصل نقطه فوق راء.. الرزينه اللي ابتلت بحب مجنون

الوصوف.. اما في حرف سين.. سر ذاتي مدفون بوسط الرفوف.. بين ماضي الحب وبين ذنب يخشى ضربات السيوف..

شفت ضحكات الرفاء.. بنظره وبنص عين


همست لي:


موب ذنبك انك تعشقين.. ذنب قلبك هالرزين.. اطربيني وش ورا هالحرف شين..

وببتسامه: يا مياسه.. الحياه نعيشها في امور تمتلك جانبين.. اما شين شين او يكون بشيئ زين.. يا مياسه.. لا تهمك هالحروف.. ولاتهابين الحياه وان شعرتي باي خوف.. احضني

من صاد صبر (ن) عظيم.. واحمي قلبك لايتالم.. من ضاد ضيم.. بعض البشر من رحمته اصبح عقيم.. يالمياسه.. الحياه في حرف طاء شرحها طال وتملل.. باقي ظاء وصاد وضاء

اعفيني اني اكمل..

ياه ياقلبك يا روح.. الجحود وبلبله باسم السكون ما الهبوا نزف الجروح.. والصدق في كل حياتك صار ماله اي وضوح.. اما حرفك في طعونه يكفي عن الفين بوح.. والجنون ترسمينه

في امل منثور.. ومازلتي تبنين.. فيه الصروح..يامياسه يعني اسباب البعاد تمتلك الفين باب.. منها صدّ وانعدام الصدق من بين الاحباب.. شايفه قلبك مايهاب.. وابتساماتك تزين ثغرك

رغم امرار الغياب.. ياقلب الرفاء.. الاماني تحت ضغط الانهيار.. بين صبر وامل وبين مهله انتظار.. هذي هي الحياه تحتويك بكبرياء في شموخك بانكسار..

دموع تلمع بعيوني ولاهي قادرة تطيح على صفح اصفر التهم بياضه

بإختناق: رفاء وش تبين اسوي.. دليني ماعاد(ن) لي عقل افكر به.. روحي تنزف منه.. تعبت من حالي والله تعبت

وضميت كفوفي وغطيت وجهي وانا اجهش بالبكاء.. لمتني

وبهمس: ياعيون رفاء.. خلاص ياعمري خلاص ماتعبتي.. اتعبتي روحك مايصير اللي تسوينه وأنا اختك.. صح هو ولد عمنا ومنا وفينا.. والغلطة ماتعيبه.. هو تزوج بالحلال ولا

ألتجا لمن حرمه ربي.. وغير انه ضم بنت خاله من عيون ناس واحكيهم افرضي انك بمكانها الحين.. وين بتجلسين بروحك.. لا بيت(ن) يحويك ولا خلق(ن) تناظر وتنشد عنك..

مياسه: بس تزوجني انا بالنسبة له زوجه ثانيه.. شاركته وحده غيري.. لمته وحبته انثى غيري انا.. كل شيء ملك لوحده سبقتني عليه.. ليه ليه انا وش ذنبي.. ليه يخدعني ويغدر فيني

ويجحد علي.. ليه عمي ما قال لي اني ولده متزوج ليه ما رفض هالزواج الباطل ليه.. وإلا عشان مالي سند وعزوه وقال خل تأخذ ولدي وتحمد ربها بعد..

رفاء: لا حول ولا قوة إلا بالله.. اذكري الله يا مياسه.. ولا تظنين ظن شين..

مياسه: ما انتي حاسه فيني مايحس بالنار الا رجل واطيها..

رفاء: طيب هذا انتي لا انتي مطلقه مير معلقه.. 6 شهور وكلام ناس ينهش فيتس..

مياسه: وانتي مايهمتس إلا كلام ناس(ن) ماتحسين بالألم اللي فيني..

رفاء: استغفر الله العظيم.. الحين انا قلت هذا الحكي.. الله يسامحتس بس..

مياسه: الله يسامح الجميع..

رفاء: وين بتروحين بعز القايله..

مياسه: لبيت عمي.. ولا تسألني ليه؟

رفاء: لحظه مياسه استني

ماكملت كلامها لأن طنشت نادائها ونزلت من درج.. وشفت امي تسبح وتستغفر وضامه كفوفها السبحه اللي ماتفارقها.. حبيت راسها ويدها..

أم رفاء: ووين رايحه يابنتي

بوجع: بيت عمي بقضي لي شغله ووثم(ن) اجي






×


نقف هنا

حنين فاض بداخلي فعذرا إذا صادفه ذرة من تقصير
أتشرف بإنتقادكم

وغنت للأم بنبض إعوجاج

أختكم في الله:
ضلع إعوجاج



×

بسم الله الرحمن الرحيم


براعم الريح تنمو في ناي الأبجدية لتخرج من ثقوبه لحناً هو لذة للسامعين
من شفق الحرف إلى أصيل الكلمة ،
من مبتدأ الحكاية إلى منتهى الغياب ،
من بين ابهام فكر وسبابة ابداع..
يتدفق الكلم الطيب كنبعٍ زلال لا يخالطه دنس أو خطيئة !




فيا آل ليلاس
اشرعوا للريح مراكب اقلامكم ولرعونة الموج أوراقكم
وخذونا لأرض عذراء
نزهو بِجمالها و نقترف في بهوها الجمال ،

لمن استحقت نجمة ليلة ثانية

نصوص جميلة و مميزة حصلت على نجمة " هجآفي "


×


وبالنسبة للمواعيد

وبالتوصيت الاعلى

يكون كل اثنين حالياً ،، صراحة يناسب لي كثير وخوصاصا في إرهاق الحرف



مَع أرقى الأمنيات مني بأن نحيكم متصفحاً
يغرينا باستحضار فنجان قهوة


ول ليلة ثالثة

من ليلة خميس


ليلة مكتملة وسبب نزولها الآن.. بإنشغالي هذا الاسبوع بمراسيم خطوبتي، وعقبال الجميع بزوج(ن) صالح.. لذلك حبيت اطرح هـ ليلة لإكتمالها ،، متشوقة لحرفكم

ليلة خميس

ليلة ثالثة



مدخل:





والله اني يوم عزمت الفراق
و خاطرك من جد ضاق
ابكاماتي المخيفه
اعتذر لك وقتها
كانت سخيفه !
بس والله منظرك بالحزن لاق !

واعتذر لك
كنت مقهوره شويه !
واعتذر لك
كنت أقولك ما عليّه !
كنت تبكي !
وانا اردد داخلي خليه يبكي !
يا عسى دمعه هنا
لين العراق !

و بالطقاق !
اعتذر لك
كانت الكلمه مريره
وكان عادي وقتها ماهي كبيره !
لان سيد هاللقا كان الفراق

يوم قلت القلب ذايب
ارجعي تكفين تايب !
اعتذر لك ..
يوم اقولك اوووص
مو وقت اشتياق !

واعتذر لك ..
يوم كالني احبك !
قلت - يخسى فيك قلبك !
لان ما حسيت مره
خاطري لا جيت راق !

انت تذكر
يوم تتعمد بكاي !
وكنت ادعي !
يا عسى يلحق وفاي
كنت تضحك !
وانا اردد
يا عساها كبر جرحك !

ليه تبكي !
مات فرحك !
يا اخيييرا
كنت ادري !
المحبه ما تجي الا بطراق
وانا احبك !
موت احبك !
شفت وش نوع الفراق !
مو انا الي ابرحل
الجمود الي سكنك !
و هات قلبك
يا هلا به يوم فاق







×




ياقلب(ن) مات بـآفراحه.. بليالي في ضماها موت.. تبكي الهم واتراحه.. وتغني لميتم الذكرى.. قبل لا

يحضنها التابوت.. نبه سمعي لصوته ودق مفتاحه.. دفنت الخوف في صدري..

وحضنت اصابعي بكفي.. اساير خوفي المكبوت.. اخاف الوهم يبعثرني.. واشوفه بصوره اشبـآحه..

اشوفه يقترب مني.. وملامح بسمه مركمه.. على شفاته

يمد ايده.. يبيني اسكن اضلاعه.. زفرت الآه.. وصحت ابكي.. نسـآك الموت وجيت يمي.. تحيي روح

ذبلانه.. انتظرت يلمّني بكلي.. ويمسح دمعي الميهود.. ويحلف عاليمين وعود

انه مايخليني.. رحل من كلمتي.. واشوف سرابه يتبع اظلاله.. رحل مع صمته المعهود.. وخلاني.. مابين

الدمع وشهقاته.. اليمه قصه الاوهام.. تبعثرني بعد ماتحيي احزاني.. نسوك

الناس والدنيا وحلف ذكراك.. مايطري كلمه انسيني.. اشوفك حي في عيني.. واشوفك حلم في ليلي..

بعد مايضمني طيفك.. ويروي شوق مضنيني.. كثير احيان ابيك تعود.. وكثير احيان.. امسي في الم موجع

ودمع يعانقه جفني قبل لا ينام.. واحيان.. عطش شوقي يرسم قلب(ن) من

حنينه ضام.. غريق من رداة الهم.. كسير مبعثرالـآحلام.. آه.. يامرها الايام.. تروينا الفرح يومين

وتقطعنا من رواه اعوام.. ونهايه كل حكي قصه.. حبيب سنين في لحظه.. غدى

تحت الثرى مدفون.. كان سلطـآن في عشقه.. حينما احتوى بين ضلوعه.. قلب قطر الندى.. قبل ان

يحتضنه الثرى..


ساره: ضاحي استر علي الله يخليك

ضاحي: نعم وش ستره ي ام ستر.. المفروض ذاك اليوم ماتطلعين معي ماهقيت انك رخيصة

رخيصة

يا موجع الكلمه.. ليه تزود الجراح ليه

بهمس مخنوق: ضاحي حرام عليك انت.. مو دائما نخرج مع بعض

بلؤم: مزاج يابنت عمي.. عشان مرت(ن) ثانية ماتلعبين بالحبلين.. بنشوف تعليمك وش بيفدك

ساره: تسوي كل هذا عشاني متعلمه.. وشرطت عليك بالعقد اكمل تدريسي وماتمنعني عن الوظيفة.. ليه

يا ضاحي ليه..

ضاحي: خلاص لاتزعجيني ورقة طلاقك بتوصل لك لاتعبين عمرك

شهقت: طــــــلاق

ضحك بصوت عالي.. كرهته بقدر ماحبيته.. قفل بووجهي ومسكت شعري واشده من الغيض والقهر..

بكيت وبقلة حيله.. وش اسوي بـ هالمصيبة والله لو ابوي شم خبر بس لا يطلعني

فوق السماء.. الله لا يسامحك يا ضاحي الله ينتقم لي منك.. يارب.. انت اعلم بحالي.. يارب استر علي

يارب..

شفت اطياف متزينه وريحة عطرها يسبقها

اطياف: وانتي للحين مالبستي

ساره: ماني رايحه

مرت حاذني ولما ابتعدت مسكت كفي

وتبتسم: وليه إن شاء الله.. وإلا مستحية من حبيب القلب ضويحي

بوجع: تكفين يا اطياف خليني بروحي.. ماحد ما اكلني

اطياف: انتي انهبلتي ولا صاب عقلك به بلا.. بنروح القصيم كلنا وانتي جالسة لي هنا..

وبهمس: اطياف اللي بترحون لهن انا ما اعرفهن من هن صغار.. مو يوم كبرنا ينشدون عنا..

اطياف: احنا مو براحين لناس(ن) غرب.. ألا انهن اهل(ن) وحبايب.. بس تعرفين من نقلنا للرياض انقطعت عنا اخبارهم

ساره: خلاص يا اطياف الله يخليك

اطياف: ولا تنسين جدتي اللي ماتدنى القطعية وش بتحس ان ماجيتي ولا سيرتي عليها.. يكفي غيابنا

سنين طويلة

بإرهاق: متى بنمشي

اطياف: بعد صلاة العشا.. يزيد بصلي وبيأخذنا.. جهزي نفسك بنقعد اسبوع أو يمكن شهر


خرجت اطياف وتركتني اهوجس

ليه يا اطياف مابي ارووح القصيم.. مابي اشوف حنيني هناك وعذابي.. انا هنا مرتاحه هههه حيل

مرتاحه.. ماتهز الارض خطوات عجوله.. يا خفوقِ زادني حبه متاعب..

من صدود.. الى نفور.. الى تلاعب.. الجفا والبعد والجرح وانيني.. اللقا.. والحب لا يمكن يزوله.. اجتهد

فيني.. وانا برضى ولكن.. المحبه ماتجيك بهالسهوله.. قلتلك يا صاحبي.. وان

جاك صدي.. عطني اعذاري الين.. ارجع اقوله .. لا تقول اني قدرت.. ولا تفكر.. ان عندي حس لا من

رحت ازوله !لا وربي دام عيني ممتليه مستحيل احساس قلبي يوصوله..

ومستحيل النوم من دونك يجيني وانا عيني لا غفت عينك هطوله.. ليه تظلمني.. وانا احلف لك وفيت.. ليه

احس اني وانا اشوفك ذلوله.. صاحبي هاجر.. وغيب ولا تجيني.. لا يغرك

ميل قلبي او ذبوله.. روح دام النفس طابت.. وانتهينا.. روح يا عرض الجفا عندي وطوله غلطتي اني

الين الحين ودي.. وقلبي الي قالب الدنيا تحدي.. غلطته.. قطعة وفا.. وجيت

امهبوله.. كاشفه اوراق قلبي وبايعه الدنيا بفوله..






×






سايق غلا.. وين أوديه قلي.. وطيفك ساهي ما فطلي.. دوم بيه أهلي.. وصلته وما وصلي.. وين أولي ..

وأنت من كل الجهات.. مأخذ روحي شتات.. وأناديك خلي.. وعنديِ يقين..

أنك تناظر بطرف عين.. وان الهوى في خاطرك يطري وتصدين.. وأنك تخفي.. مثل شايل الدين.. يوصل ويجفي.. من حين إلا حين.. ما تخافين.. يا ماخذه من النبض روح ورياحين

.. شعور وميادين.. مابيك تقضين.. وأزيد.. يا سيد , سيد الغيد.. ويا كامل الزين.. مالك مواعيد.. ومالي بالوعد عهد ومضامين.. من غير تخمين.. يوم تمرين.. عطرك يسابق طلتك..

مثل المطر لا لامس الطين.. يا غيث ناديتك.. هجير.. وانا اصيح تكفين.. تحي الهدب.. تنعش عروقي وتروين.. الشوق بعضي وبعضي هلاوين.. لا تخيب ضنوني.. صافح عيوني..

ما في الخجل شين.. طبع العذاري والعذاري سلاطين.. في حكمهم قسوة.. وبقلوبهم لين.. بين الملايين.. يا نجمة مساى.. والمسا سر المحبين.. خذي غلاي.. ولا تقولين بعدين.. بي

حادي البين..يلعب بي لعب مرجوحه.. مابين حبلين.. ولك شهقة قلم.. ما بين سطرين.. خذيني عناويين.. لو أنك تسلين.. ولو بسلي .. على قلبي تمونين..





دخلت بيت عمي وشفته بوجهي.. عيوونه ذبلانه وجهه اللي يتعليه ملامح الأرق..

فتح عيوونه على وسعها وظل يناظر فيني وكنه يصدق انه.. انا هنا.. فرك عيونه

بحب: مياسه انتي وإلا طيفك اللي يمر علي كل يوم

بوجع: لا ماني بطيف يا ابو برهان

اقترب مني وانا عيوني تطلق شرار.. صرخت بوجهه

مياسه: لا تقرب

عنادني ولمني بقوة حسيت ضلوعي بتنكسر.. جيت بحكي إلا هو يغرقني ببوساته اللي حنيت لها

مياسه: حبيب وخر عني.. ابعد

حبيب: كذا يا ظالمه 6 شهور حارمتني من شوفة عيونك

دفيته بقوة غريبة علي.. وطنشته مشيت ودقيت باب المجلس الكبير اللي يجلس فيه عمي..

براق: ياهلا والله بنت(ن) اخوي

بصوت مرتجف انحنيت له وحبيت راسه ويده: شلونك ياعمي

براق: بخير ياجعل عمرك طويل

بعتاب: ماهقيتها منك ياعمي.. تزوجني لولدك وانا ثانيه له

بصوته الحنون: أفاا وانا عمك.. مير انك الاولى يابنت الغالي

ببكاء حزين: لا والله ياعمي ماني الاولى إلا شريكه ودخلت بالغلط .. مثل مادخلنا بالاحسان نخرج بالمعروف

بشموخ مطعون: ياعمك فهميني السالفة يمكن انها هرج(ن) حريم

بألم: ياعمي ولدك خدعني.. وجعني ياخذ بنت خاله على عين وعلى راس بعد.. بس انه يخدعني ومثل الاطرش بالزفه.. ادري من ناس(ن) ان زوجته ثانيه

اختنق وجهه وفتح ازرار ثوبه العلوي

بغصه: والله انه قليل خاتمة

بخوف: عمي انت بخير

براق: الحــ ــــبــــ


فتح الباب وشاف وجه ابوه المخطوف.. عرف انه ناسي حبة الضغط .. دخل يده بجيوب ابوه وفتح فم ابوه

بصعوبة وتناثرت الحبوب بالارضيه.. العلبه بيده اليمين وتلقف باليد الشمال الحبه

وضعها على فم ابوه شبه مخنوق وخذ كوب المويه القريبه منه وسقى ابوه.. شوي رجع للونه طبيعي..

بغضب وهو يضرب العكاز مصدره صوت مزعج

براق: تطلع من شوري ياحبيب من سنين وانا يا غافلكم الله.. لا احترمت شيبتي ولا قدرت كبري .. فوق هذا تاخذ بنت عمك ثانيه وتسحب علي وتخدعنا بمواعيد وعهود.. ما انت

برجال ولا تنشد لعلمومه(ن)

حبيب وهو يحب يد والده ويقبلها

وبحزن: يبه ماغلطت سترت على بنت خالي.. وانا مليت وانا انتظر موافقتها سنه يبه عشتها نار تكويني

وهي ولا تحس فيني ..

براق: وتقوم تاخذ لك بنت خالتك اللي مقطوعه من شجرة

عيونه تشوف ولده راكع ومتذلل.. الذي طعنه برجولته ونحرها أمام بنت اخوه وبين جماعته

براق بغضب: حبيب الحين تطلقها تسمع وإلا والله وامانه الله لا اغضب عليك ليوم يبعثون وان تنسى لك أبو جزاع.. وبنت عم اسمها مياسه

ويضرب كتفه بالعكاز: توحي هرجي ياولد

حبيب بإختناق: بس انا عندي ولدين منها

براق: الله أكبر عليك.. قم عن وجهي قم.. حسبي الله عليك كان شوهت سمعتي بتالي كبري.. قم

حبيب يقوم وهو يشوف وجه ابوه اللي انقلب اسود: يبه هالهرج مو منك انت تعرف ليه اخذت بنت خالي

براق: لاتخليني اكره وجهك.. اللي سويته مايسويه عاقل.. عمرك كم عشان تتصرف هالتصرفات الطايشه.. وش خليت لأخوك شكري.. وهذا انت العاقل واللي اعتمد عليك


كنت اشوف مناقشتهم.. وانا قلبي يهوي وينكسر بألف انشطار.. عمي مثلي مايدري عن زواجه.. يعني معقولة مرة عمي هي المخططه على كل هذا اي ماتبي بنت اخوها تروح

لواحد(ن) غريب..


براق: مياسه تعالي وانا ابوك

قربت منه وهو لمني بحنان

وبهمس: لا اسمع سيرة طلاق منك.. كنك ماتبين زعلي.. وهالتيس الاربد بربيه لك ويطلقها وهو مايشوف درب

مياسه: بس ياعمي

براق: بيطلقها والولدين انا بربيهم وامهم تدور لها رجل(ن) ثاني غير حبيب

مياسه: لا ياعمي وش ذنب الاطفال يتشتوون بين امهم وابوهم.. خلاص ياعمي ان كان لي خاطر عندك تلبي طلبي ولاترفضه

براق: جاك يابنت دعاس

مياسه: جعل عمرك طويل ياعمي.. انا ابي طلاق.. لي 6 شهور فكرت فيها زين واستخرت ياعمي

بحزن: بس

مياسه: يحز علي افارق بيت احتضني.. بس هذه حال دنيا دوام الحال من المحال..

براق: يابنتي طلاق ابغض شيء

مياسه: سامحني قطعت كلامك.. بس والله انه ياعمي يوجعني اني مرتبطه به وهو اولى من غيري.. ولا تخاف علاقتنا ما راح تتأثر.. تأمريني علي شيء قبل ما امشي..

براق: سلامتك.. اهتمي لعمرك وان احتجتي اي شيء مايردك إلا لسانك وانا ابوك

حبيت راسه ويده وخرجت

حبيب بغضب: تعالي وين بتروحين

مياسه بخوف: وش تبي.. مو كفاية انك ما انت من نصيبي..

بسخرية: قسم بالله ان يجيني يوم واشوفك ما اخليك.. وجاء اليوم اللي انتظرته من 6 شهور.. تبين تختفين عن حياتي

مياسه: حفظك الله ياعمري.. ولي طلبه قبل لاسري.. ابي المس ورقة طلاقي بلونها البياض

بوجع: لاتطرين هالطلاق مرت(ن) ثانيه.. توحين هرجي يابنت دعاس

ببرود: اي اوحي يا ابو برهان.. لا تقلل من شيمتك اكثر.. ترى مافي شيء يستاهل.. انت بطريق وانا بطريق

وهو مفتون بي.. ويقبل عيوني بإشتياق

بهمس: لاتغيبن عن عيني.. انا غلطت اعترف بعيبي اني طيب.. وهذا قليبي من يوم كنا صغار

يبكي ودموعه ولا تبان

غمضت عيوني وانا اشوف داخل قلبي يسكن طيفه

وبوجع: هذا قليبي.. تبيه وش تبيه.. خله لزمن سيبه










×














أخافك.. ياعيون الليل.. برق و خيل.. وعيوني بالنهار عميا.. لا عصا.. لا وطن.. لا خيل.. لا روح تهف بتمتمات هيا.. لقيت روحي نهر..و إنت جسر.. من فوقي أكف يدي.. أوراق..

وغصن.. والماضي عيدي.. أخافك.. ياجناح الطير كل الغير.. و إنت عيوني.. و عيونك ليل.. باح سر النور بلمحة عيونك.. ذاق اللون لونك.. و إنتعش جيل.. ياعيون الليل..

طعم الليل بيني و بينك..




قلت له بوجع..

شغاف: ترى ماني على خبرك.. لو إني على خبري

المكان اللي مشى دربك.. خطوته ضاعت من بدري

العين اللي كحلها شرك.. أدمت في مقتبل عمري

السما طاحت من عسرك.. و الخلا غيمته تبري

المسافه النجم وبعدك .. أشياء مكمله لفكري

يابعد روح القبر عمرك.. فدوة مراسيل السما عمري


يزيد: يـآشموخك انكساره.. يـآعذاب(ن) ارتجيه.. هي سنين وايام مرت وامتلت.. بعض صفحات الكتاب.. بين عشق وبين ذكرى والتيـآع..

تذكرين حبي لك طاهر مادنسه غير بياض صافي

شغاف: يزيد بتتحمل طفله حبت.. رغم ان الحب عيب.. طفله تعشق.. وتكتب الاشعار كيف.. شامخه بقلب حنون.. عارفه هي وش تكون

يزيد: احبك.. وابد ما اجني الاشواك ورد.. وترسمين المبسم ربيع.. وتطفي الحزن بشتاء.. ولامن جاك هالصقيع.. اشعلتي شموع دفا

شغاف: يزيد

يزيد: انتي بعيني انثى.. محتويها قلب طفله.. ياروح خاوها الشموخ.. وياشموخ(ن) انكسر.. وياقلب(ن) انهزم

شغاف: كم مره تقول.. مادريت الحب غيم.. ممتلي برق ورعود.. بين ضيم وبين خوف.. ويشعل الخافق بـ آه.. رغم العيب حبيتك وبجنون.. التحفني البرد قبل لاياتي الخريف..

وذبلت من مر الجفاف.. مثل زهرالياسمين..

يزيد: لا تزودين الجراح كلها شهر ويضم لك بيت(ن) يلمك ويحويك.. تكفين إلا العيون لاتدمع..

شغاف: احبك يزيد.. الله لا يحرمني منك

يزيد: ولامنك ياعيون مدمعي.. ياقلبي العصر اذن بروح الحق عالصلاة..

وبمزح اردف: ولا تهوجسين غير بي

بحب: من عيوني.. الله يحفظك






×




جاء المساء وغاب ضياء الشمس..

كنت اسمع صوت يزيد يناديني اعجل.. خذت شنطتي وخرجت من غرفتي إلا هو رقى وحمل شنطة مني..

وبعصبية: علامك تأخرتي الله يصلحك.. شكلك انك ناسيه ورانا مشوار(ن) طويل

انحنيت ووقبلت راسه

وبهمس: آسفه.. حقك علي

يزيد: ها يمه.. ناقصك شيء مو نرجع من طريقنا

أم يزيد: توكلنا على الله..




×






أم براق: يامرحبا يامرحبا ياجعلني ما اذوق حزنك

جزاع وينحني لها ويحب راسها بقبله حنونه

ويبتسم: الله يخليك لي وش له متعبه عميرك.. ارتاحي بسلم عليك وانتي جالسه

أم براق: ان ماوقفت لك اوقف لمن ياولد البراق

جزاع: تسلمين لي يمه.. جهزتوا العشاء ترى عمي خزام على وصول

أم براق: الله يجبيه بسلامه.. والله انه حنيت عليه القطوع لا ينشد عن سلومنا.. هالديرة اللي راح لها ماسوت خير

جزاع: افااا يمه الرياض مافي مثلها.. إن شاء الله اوديك يوم(ن) لها

أم براق: الله لا يقوله..

غرق بالضحك

وابتسم: يمه ليه حاقده على الرياض ترى جوها

قاطعت كلامه: اقول اقطع الهرج .. إلا كني لمحت مياسه.. وينه حبيب مايدري ان عمه على وصوول

براق: بيرجع يايمه انتي ريحي لي بالك..

أم براق: الله يهديه وهذا هو اعقل واحد فيهن.. ازهم عليه خل يستقبل عمه

جزاع: ان شاء الله انا بكلمه

دق على حبيب بس يعطيه مشغول..

أم براق: وين رايح

جزاع: شوي وراجع

خرج جزاع ورسل رسالة لاخوه .. سمع صوت سيارة رفع نظره وطاحت عينه على عمه اللي نزل من سيارة..

بترحيب: حي الله من لـفانا وياهلا بكم نورتو القصيم

خزام: منوره باهلها

جزاع: تفضل ياعمي حياك.. ياهلا والله بخالتي علومكن

أم يزيد: حمدلله اخبارك ياجزاع عساك طيب

جزاع: حمدلله بخير ياخالة حياك داخل..

ويبتسم: العريس حي الله من جاء

لم ولد عمه: الله يبقيك..

جزاع: علومك وانت بتودع العزوبية بعد شهر

يزيد: بيني وبينك خايف من المسؤلية

ضحك: مو هذا اللي مهتويها

يزيد: عن طنازة عاد.. تعال ساعدني وانت ساكت

جزاع: على امرك يانقيب






×


دخلت امي واطياف وانا معهم واتمنى ما اشوف ضاحي لأن ساعتها مدري وش بسوي.. الله يعدي هاليوم على خير..

رحبوا فينا .. وجلست جنب جدتي اللي كل شوي تمسح شعري وتذكر الله علي..

أم براق: وراه ضويحي ماعجل الزواج.. احد(ن) يشوف هالزين ويفرطه

آه ياجدتي لاتقلبين المواجع ولي يسلمك ياجده..

أم براق: شفيتس يمه تعبانه.. يعورتس شيء

أم يزيد: والله مدري ياعميمه من يوم زواج طرفه وهي ماتبشر بالخير

وانا ابتسم لهن بتعب: يمه.. ياميمتي مرهقه شوي من طريق وإلا انا مافيني شيء

أم براق: الله يهديتس ياخزنه.. بنتس الوكاد بها بلا وشين بعد تأسنها انحته ( اصابتها عين )

أم يزيد: اسم الله على بنتي ياعميمه.. فاولي خير إن شاء الله مابها غير تعب طريق

أم براق: ايت ياساره ( تعالي ياساره)

وقفت بشموخ بان انكساره.. وطلتي الغربية بعيدة عن شخصيتي المرحه .. ابتسمت بهدوء.. ونزلت

جزمتي احترام وتقدير لجدتي اللي ماتدنى اتوطى واوسخ فراشها بجزمتي..

وارخيت جسمي وارخيت راسي بحضنها وتمددت بألم.. جفني رمش وتعب ياميمتي غرقت بدمعي والهدب.. وكنت أكثر من خفوق ووجه واحد.. وكنت أجمل لغز مجهول.. ايش

اقول.. مابقى عندي كلام.. حتى عيني تبوح.. ولاتنادي للمنام.. ساهره من امس المساء.. لا جفا قلبي غلاك ولانسى.. ولا اقتنعت اني على ضفة احساسيك ازوول.. ياميمتي كيف

اوصف لك شعوري.. وكيف ادراي شمعتي.. والقوانين اخذلتني.. والتواريخ اوصلتني.. لآخر أيام الذبول..

أم براق: يامتس علامتس اندهى عليتس وانتي ولا كنتس هنا.. علامتس تهوجسين بضوحي وبقرب جوزاتس

أم براق: علامها صخت تسذا.. اطياف وانا جدتس انشدي عن سدره خلها تعطيتس من زيت(ن) مقري عليه.. خل ادهن جسم(ن) صابه بلا قومي

اطياف: إن شاء الله جدتي..


أم براق: اسم الله عليتس.. الله اكبر من عيونهن الحسود.. جعلهن للمرض اللي يطيحن.. ما لقن غيرتس.. يمه سوير علامتس صاخه

انا من حسيت بالامان نمت وماحسيت إلا بصعيق فوق راسي.. فتحت عيوني إلا اشوف ابوي وعماني ولفيت إلا اشوف امي واقفه بعيدة عني

يزيد بحنو: ساره حبيتي تسمعيني انت وش اللي موجعك

بانكسار: تعبانه حيل

يزيد وهو يحملها بيدينه: جعل تعب فيني ولا فيك

ساره: آه ياخوي الوجع مايدواي اللي فيني مايدواه طب

أبو يزيد: قم خل ناخذها لدكتور

أم براق: قلت لكم انحته

شوي حسيت اصواتهن تختفي عن مسمعي.. وغمضت عيوني بدوخة احتاجتني بكل خلاياي

أبو يزيد: هاتها ماني عجزان عن شيلها..

يزيد: يبه

أبوي وهو يحمل جسدي اللي غاب عن دنيا فانيه اطالب منها زوال.. ويزيد فتح سيارة لابوي.. وصعدوا

سيارة ونقلوني للمستشفى






×
















فيني ونه.. وبخاطري ارحل بعيد.. ومن عمق التناهيد.. سرحت



حبيب: احبك ..

قلت: صدقني انا اكثر ولاتسمح لنفسك تتحدى من يحب الثاني اكثر.. لان الاكيد انك بتخسر ..

بثقل: اتحدى قلتك وانا اقدر..

قلت : تصدق ياعذابي لما نكون بجمعتنا.. كلن في حضن محبوبه ..واللي منهم تتمنى.. يجيها الحبيب بلهفه لها ويتفدى ..

وبالم: يابخت حظوظهم ..

بسكون: وانتي من لك..

بحزن : انا لي الهواء والنجوم والقمر في ليلتي الظلما اشكيها واسامرها


بهمس: وش رايك اختطفك.. والمارد السحري لك اكون احقق احلامك واردك.. ولامن شاف ولامن درى


وبفزه خفوق: تقدر ..


حبيب:صدقيني.. بتكوني نجمه في ليلي ..واميره في كوني

مياسه: واهلي..


حبيب: انسيهم وانا معك هم ماراح يدرون عنك ..

اختطفني بدون صراخ وبدون صوت.. وبكل هدوء سرت في درب قلبه.. وكيف مايبغى اكون ..


فجاه: هاه بترجعين..

قلت بدلع :ايه مليت منك..

قال و في صوته فرح وبضحكه احساس الوله: للاسف ماعاد لك اهل واحباب.. كني سمعت ان عندهم عزاء لبنت(ن) توفت فجاه وبدون اسباب

ارتجفت وارتوت دمعات عيني.. عانقت كف يده

وابتسم :ياروح فيني.. هالدموع ليه يانور كوني

مياسه: وين اروح

طق صدره : انت لي والا نسيتي ..

مياسه: يامجنون فكني

حبيب: باخذك لبيتي

وانصدمت: امك ..خواتك ..والعيون اللي تناظر وبتسال من اكون ؟؟

حبيب: طفله في دربي لقيت.. راعوها واكرموها

بدلع قمت اتمايل واغتصب مناظر عيونه:

طفلتك ومحبوبتك وش بقى لك ماصرت ..

بنبره اربكتني خوفتني زلزلتني: تعرفين المستحيل

بهمس:ايه

حبيب: انتي عين المستحيل..



×



رفاء: اصحي يابنت.. مياسه

نظرت فيها وعيوني تدمع..

رفاء: آخخخ منك وش سويتي بيت عمي

بإختناق: طلبت الطلاق.. من حرتي طلبته حتى عمي إلا هو ابوه مايدري بسواته.. كله من امه سوسه

رفاء: لا حول ولا قوة إلا بالله
.
بتعب: ذبحني وهي يقولها.. انتظرتها سنه وهي طولت ولا ردت علي.. مايدري ان بهالسنة كنت اعاني

بعجز قلبي.. ولا لقيت لي طب وهو دواه.. آه شفتها يا رفاء بنت صغيرة والله

صغيرة أنا اكبر منها وكني عجوز.. هي عندها ولدين.. وانا سنين ضاعت كلها بالهوى ماوصلت لعاطفة

ام(ن) تشوف عيالها وتسهر عليهن.. آه يا رفاء يامكبر الاهانه لا جات لتس من حبيب وخاين.. الله لا يذوقتس

اللي ذاقته اختس

رفاء: ذكري الله يا مياسه.. لك 6 شهور وانتي على الحال ترى ترهقين جسدتس لا اكل تاكلين صويحي ولا

نوم كأن نوم عدو مو رفيقنا.. دام انتس طلبت طلاق ما الومتس اللي صار لتس مو هين.. وبعدين ماتدرين

الخيره وين.. هذا المكتوب ياقلب اختس اصبري واحتسبي الأجر والله بيرزقتس باللي احسن منه

مياسه: لا تخنقيني زود يا رفاء.. ما اقدر انساه ماخلى فيني مجال انسى حبه غرقني ببحر ماله لا ساحل

ولا مينا.. حبه يتشبث فيني مو راضي يفك قيده عني.. ماهقيت عمتي تسوي

فيني هالسوايا.. اشوفها ليه تكرهني وتنتظر مني الزله.. اثرها ماتبي شريكه لبنت اخوها.. الحين بس

فهمت وش سبب كرهها لي.. بس ما اقول غير حسبي الله عليك ياحبيب كنك

تاعبني بغيابك وبحضورك حسبي الله عليك



×




قسم وربي مشتاقه.. يا ظل الأيام.. و ضحكات السنين.. سنه من تفارقنا.. ما غابت طواريك.. قسم بالله..

كأني.. فاقده بسمتي.. و دموعي كل ليله سواريب.. حنانك يا الرفيقه.. يشابه

حنان أمي الفقيده.. ضمتك تروي حناني.. و تهدي بقلبي ونينه.. تعالي .. يا أمي يأختي يا الرفيقه.. تعالي

أبحكي ما حصل.. و أبكي بين أياديك.. صار الوقت محاصرني.. و الغربه

سوت فيني.. الطواريق.. لا تقولي صار عمري.. واحد وعشرين.. أنا طفله بدونك.. أبكي ظلمت الإحساس.. و غربة الوطن من غيرك.. أضيع .. يا ساره يا أميره يا شيختي و

المزايين.. أحبك و رب البيت.. مالقيت من يساويك.. غربتك طالت و السموحه لا زدت غربتك تغريب.. خذيني أخت للـعضيد اللي.. من حشاك.. فاز بضمتك و قاسمني فيك

يا ساره كل ما قال يزيد ياشغاف أبيك.. تشتعل فيني غيرة طفله من زوجها.. تحارشه تبي تعاديه.. قسم بالله.. كأني طفل يحسب الأيام في عقدة أياديه

مرتْ عشر و باقي ثلاثين.. و لا زلت للحين أحسب اليوم يومين.. يالله عسى بكرا تصير دقيقه و ألاقيك.. و أشوفك قبالي و أحضن أياديكـ



غادة: مشتاقة لها ياشغاف

شغاف: لها مدة طويلة ما دق علي.. وهي كل يوم تحارشني عشاني اكلم حبيبي يزيد ولا اكلمها.. تهقين ازعلت مني

غادة: والله مدري.. طيب ليه ماتدقين عليها

شغاف: دقيت فوق العشرين مرة بس ماترد

غادة: طيب والحل

شغاف: مدري انا خايفه صاير لها شيء ولا احد(ن) جنبها

غادة: طيب دقي على اطياف مو هي اختها الكبيرة

بخجل: لا استحي

غادة: المهم ترى العشا جاهز والكل ينتظرك تحت

شغاف: قلت لك مكان فيه همام ما ابيه

غادة: ياربي منك.. وبعدين يا شغاف ترى همام ماله ذنب باللي صار

شغاف: الا له ذنب.. هو اللي زن على امي وخلاها تروح لبلاد اليهود.. وتعبت وفارقتني

غادة: حرام عليك يا شغاف انتي تعرفين امي ما راحت إلا وهي مضطره.. وبعدين تعرفين وجع رجل امي

من يوم صار لها الحادث وهي صغيرة اثر عليها بكبرها.. وهمام تغرب

عن زوجته سنة كاملة عشان يعالج امي من بعد الله.. بس ربك مو مكتوب العلاج.. لا تحسين انك بس

الوحيدة اللي فاقدتها هم انا بعد وهمام اكثر واحد فينا اتركي انانيتك والتفتي

لاخوك لا تخسرينه بشيء هو ماله ذنب فيه.. ولاتعترضين على كتبة ربك

بحزن: الحين انا انانية مشكورة يا اختي يابنت امي وابوي

غادة: الله يهديك بس


نزلت وتركتها.. مايفيد معها الكلام.. كل مره نقول اعقلت ترجع وترد لعقلها صغير.. ما اقول غير الله

يصلحك ويهديك ياشغاف



×



همام: ماتبي تتعشا

ببتسامة: لقيتها نايمه

همام: حمدلله.. سفره دايمه

غادة: ماتعشيت

همام: ومن له نفس يتعشا.. هتوف جيبي معك مسكن راسي بدأ ثورته




×







نقف هنا

تاركين مساحة للعين والقلب لنستشعر النبض وإيقاعه الرغيد ...
أدلوا بفتنتكم هنا على شكل ردود على هذا الموضوع لنلقي نظرة عن كثب
على فراديس الورق النابض..
بوركتم القلم وحامله يا أحبة ..
ولنا موعد أخضر مع مساحة خضراء أخرى مع مساء آخر

اختكم في الله:
ضلع إعوجاج




×

ليلة خميس

ليلة رابعة

لا تلهيكم رواية عن الصلاة


مدخل:

صمت المدينه ...!
والشبابيك الحزينه ...
والظلام الي كسي وجه النهار ...
والمسا الي تنفسه الغبار ...
والشوارع تلحفها السكينه ...
يا حديث الارصفه ...
مرت بنا عاصفه ...
مثل الصخب ...
شالت ورق .. حطت ورق ...
سكرت أبواب ...
فرقت أحباب ...
كم وكم غصن خضر ...
مال أنثني لين أنكسر ...
مات ...!
ويا قصر الحيات ...
ويا عمر الفرح ...
دوم لحظاتك شريدة ...
تصحي الجرح وتعيدة ...
ومن قال : ؟؟؟
أن الزمن يبقى على حال ...
والحلم ...
ما ينسفه زلزال ...
من قال ...؟
العشق غامض ...!
كل شيء فيه غامض ...
والي ما يطول العنب ...
يقول : ي حامض ...
يا حلو العناقيد ...
يا أقرب بعيد ...
وأبعد من نجوم السما ...
عشتك ضما ...
والليل شاهد ...
يجيني طيفك من خيال ...
يأخذني من حلم لمحال ...
يناديني تعال ...
من جنون الغياب ...
والحق سراب ...
اطرد سراب ...
اطرد سراب ...
اطرد سراب ...







×









مر الوقت بطيئ بالنسبة لأبوي واخوي يزيد اللي كانوا ينتظرون خروج دكتور من عندي ..

خرج دكتور وسأله ابوي بخوف: وش بها بنتي يادكتور

د. بدر: تطمن ياعم أبو يزيد .. سوء تغذية .. فعلا باين البنت لها ثلاث ايام بدون اكل ولا شرب مما سبب لها سوء تغذية ، وحاليا تعاني من صدمة نفسية حادة جداً.. مما ادى إهمالها

وتطور لسوء تغذية.. اعطيانها مغذيات ومهدئات ومحاليل والله يقومها لكم بسلامة..

أبو يزيد: طيب ياولدي نقدر نشوفها

د. بدر: أكيد ياعم معكم وقت لزيارة المريض .. على ساعة 10 تنتهي زيارة .. اتمنى تستقل الوقت مابقى إلا نص ساعة ، وإن شاء الله ماتشوف شر ، عن إذنكم



دخل ابوي وهو يناظر جسدي المسجى على سرير ومثبته فيه عشرة من الاسلاك وقال لأبوي الواقف عند باب الغرفة

يزيد: وش صدمة اللي تعرضت لها يبه

أبو يزيد: علمي علمك يابوك ، وجه أختك مايبشر بالخير..

يزيد وهو يشوف يدي صغيرة اللي محتضنها ابرة المغذي .. قرب مني وهو يمسح شعري

بحنان: ساره

فتحت عيوني

وبإرهاق: يـ ـزيد

يزيد: ياعيون يزيد .. علامك يا ساره

ساره: سامحني يبه والله هو سبب هو اللي ضحك علي

باستغراب: منو اللي ضحك عليك.. وش فيك تهلوسين ساره

ساره: يبه والله هو خدعني يبه غدرني يبه.. ذبحني طعن شرفي وهدر ماتبقى فيني

أبو يزيد: ساره يا بوك وش تقولين فهميني كلمة كلمة

بوجع: ضاحي يبه غدر فيني ..

يزيد حط يده على كتوفي وسأل: وش سوى فيك نذل وش تقصدين

وبعصبية: انطقي

بخوف: دخـــ ـــــل علـــ

بلعت الحرف الاخير وانا اشوف نظرات يده واصابعه اللي انغرزت بكتوفي..

صرخت: آه يزيد كتوفي

بغضب: من متــى.. من متــــــــــى ليه ساكته وكيف قدر يوصلك تكلمـــــــــــــــــــــــــــــي

بكيت بخوف وانا ارتعش: قبل يومين والله ضحك علي .. قال لي انو شاور ابوي وأخذ الاذن من ابوي كنت بكلم امي وبقولها بس هو ما عطاني فرصة

ناظر فيني وعقله بمكان آخر .. قعد يربط ارتباك ضاحي لمن فتح موضوع زواج اخته وتحديد الموعد المناسب ولعثمته وصدمته يوم اختارو الموعد القريب تحاشيه له يعني سواها بزواج اخته..

يزيد: وليه ما تكلمتي من أول.. ليه سكتي

نزلت راسي للأرض وبكيت بخوف: كنت خايفة

يزيد: والله وشوفي حلفت ما ارحمه.. لا رده صاع صاعين ، وعلى استغفاله ليه..

رفعت راسي ودموعي ماوقفت: الله يخليك لا تضربني.. سامحني الله يخليك

مسك يدي: قومــــــي..

وانا ابعد من الخوف: والله هو سبب.. والله ماكنت ابي اروح معه.. والله ضحك علي.. قال انه بيمشني وبرجعني سالمه

الخوف خلاني منهارة واعترف بكل شيء.. كنت اتكلم كلمات حسيتها طعنت اخوي في قلبه نحرت ابوي اعترفت اعترافات هزت بدنه.. كنت عند رجوله اصيح بقهر

رفع راسه للسقف وحط يدينه على راسه.. كان يحس بتشت بمشاعره.. ما كان يتخيل يوم في حياته اخته تعترف له ومن مين.. من المفروض اللي يحرص عليها وعلى سمعتها..

ضاحي الحقير..

بإختناق: سامحني والله ماكنت ابي انزل راسكم للقاع

نزل يده ونظر فيني نظرات قاتلة شاف شعري الكستنائي مبعثر على وجهي.. وجسمي الهزيل وغصن ذبل وفوقه قلب مرير ينوح بالعشرين طهر والبراءة يكسيني ..

الحقيـــــــــر لعب في اختي تمتع بها.. اكبر مني ولعب بـ اصغر اخواتي ،، شافها ولمها وباسها.. وطبعاً بعد ما انتهى شغلته بـ يرميها نجوم سما اقرب لك يا الكلب .. صرخ فيني

وبغيض: قومـــــــــــــــــي

رموش عيني للي تأكلها ملوحة دمع.. والهدب احتضن دمع لحاف به.. كان كل مايشوفني يشوف ملامح ضاحي فيني

صرخ: قومي بتجلسين عند جدتي وان سمعت انك تحركتي يمين وشمال لا انحرك


هزيت راسي .. لفيت وشفت ابوي وصرخت: يبـــــــــــــــــــــــه، لاااا يبه

التفت يزيد وشاف ابوه طايح عالارض .. ركض لأبوي ورفع راسه

بخوف: يبه يبه تسمعني ، يبه وش فيك

بهستريا: لااااااااا.. ابوي يبه سامحني والله ماكنت ابي اخونكم والله يبه قووووم ،، يزيد ابوي ليه مايصحى خله يقوم

قام يزيد وفتح الباب وهو يصرخ على الممرضات وبعض دكاترة المارين .. نقلوا أبو يزيد للطورائ ، وساره عطوها بعض المهدئات

اتصل على عمي ولي كان على وصول..


براق: وش فيه ابوك.. يايزيد

يزيد بوجع: تعب علينا

براق: وش منه تعب..

بكذب: مدري ياعمي شفته فجأة طايح شكله ما تحمل شوفة سارة

براق: تقول صدق

يزيد: اي ياعمي

براق: لا حول ولا قوة إلا بالله.. وسارة وش موجعها هالبنت ماهيب صويحيه

يزيد: عمي انا شوي وراجع

جزاع: وين رايح.. لحظة يزيد

براق: قم الحق عليه..



جزاع: دقيقة يزيد لحظة بطلع معك.. انت وين رايح وتارك ابوك واختك

وهو يشغل سيارة وصوات انفاسه مسموعه له

جزاع: اذكر الله ،، يزيد ياخوك علامك وش منه متوجع

طاحت دمعته بقهر: والله لا اشرب من دمه الحقير

بصدمة: يــزيد

يزيد: لعب في اختي لعب فيها الحقير والله مايمنعني منه غير موته..

جزاع: انت وش تقصد.. مين اللي لعب بأختك.. يزيد انت صاحي للي تقوله.. طيب خفف سرعة يـــــــــــــزيد هون سرعة تبغا تموت انت ولا كيف

يزيد بإنهيار: الحيــوان.. والله لا اشفي غليلي فيه حتى يتوب الوسخ


من سرعته المتهورة وصل لبيت عمه ،، ومن حسن حظه شاف ضاحي يتهوكظ .. (يتمايل ببطء وهو يمشي بمشيته) ولا يدري عن غضب العيون ،، مسكه من ياقته وكور يده

وضربه ببطنه.. ويشد شعره ورماه بالمغسلة ويشغل المويه الباردة عليه

وبغضب: فـــــــــــوق يالواطي فـــــــــوق

جزاع: يــــــــــزيد

شهق من برودة المويه وخصوصا بـ الجو البارد.. وبعد مدة صحى من سكرته وما يحس نفسه إلا هو طريح على الأرض يحاول يقوم من الارض بس بنية وجسم يزيد المعضل تفوق

عليه بكثير من جسده ضعيف..

ويدفعه على الارض ويضربه

جزاع: يـــــــزيد خلاص كافية اللي تسويه قم لا احد يشوفك هنا

خرج أبو ضاحي على الاصوات ،، وشاف ولده مغرق بدمائه وجزاع مكتف يزيد

أبو ضاحي: وش صاير.. يزيد علامكم.. وش مسوي ضويحي

وهو زفير انفاسه بتصاعد وتنازل من المجهود اللي بذله بضرب الحقير..

أبو ضاحي: ما تهرجون

يزيد بقهر: ولدك ياعمي دخل على اختي ولازم يتمم الزواج.. ليلة قبل باكر

أبو ضاحي بتعب: يزيد وش تهرج انت

يزيد: هذا اللي صار ياعمي..

أبو ضاحي: قــوم.. قم قم الله عصبك وطاحت ركبك.. قم حسبي الله عليك من ولد.. يزيد ابوك درى

يزيد: ايه ياعمي وطاح علينا وكله بسبة ولدك.. والله ياعمي ان ما تمم زواج ماحد بردني عنه غير الموت

بألم: لا ياعمك بتمم زواجه وهو مايشوف درب.. ازهلها وانا عمك.. قم حسبي الله عليك هذا اخرتها تسوي هالسوايا ببنت عمك قم ياجعلك ماتربح قم

ضاحي وهو يون: آه

بقسوة: تستاهل لزع ( يعني ضرب)

قام وانزلق من مشيته غير المتوازنه.. دخل البيت وشافته امه وبغت تصرخ.. لكن

أبو ضاحي: لا تداوينه خليه يتأدب قليل الاصل..








×



أم يزيد: الله يستر اطياف يامك دقي على يزيد لهم نص ساعة وهم غايبن

اطياف: إن شاء الله مو صاير إلا كل خير

أم براق: الله يسترنا بستره.. الله يسترنا بستره

أطياف: مايرد يايمه

أم يزيد: وابوك بعد مايرد ياحسرتي على بنتي ياحسرتي






×


جزاع: تعوذ من ابليس واركب خل نروح للمستشفى

محروق .. ماله وجه يرفع ويشوف ولد عمه .. أسوء شعور وأسوء كيان انا ..طعم الحياة .. نكهة دبور داب الحياة سمه عنا.. يا أنت يابند الأجور.. وجهين لعملة ( زنا )

الناس و ممرات العبور.. أشياء تاخذنا لنا.. ما على مثلي قصور.. دام إذني تطرب غنا.. بحرق نسائي والذكور.. وانسى متاهات الأنا.. مالي ومال إبليس الصبور

مالي ومال كفره بنا.. وهو يخطي خطوات طريق ترتبك منه واختفت ملامح مشيته والقدم ماله صديق

جزاع وهو يربت على كفته: منقلب لونك يا يزيد.. ترى مصيبتك هي مصيبتي لا تخلي احد يحس بك ويعرف

وهو ساند راسه بالدركسون رفع راسه

وبإختناق: سود الله وجهه.. حسبي الله ونعم الوكيل.. نصحتها لكن رمت رأيي بعرض الحائط.. يا ما شيكت لها وجاء اليوم اللي كنت خايف منه

جزاع: لا حول ولا قوة إلا بالله .. يارب الطف فينا يارب .. ادعوك من قلبي ارحم والطف به يارب.. قم انا اللي بسوق

ما كان له حيل يرفض .. نزل من سيارة وركب من جهة أخرى بجانب مكان سائق..

بداخل جزاع: الله يهلمك الصبر والجزا بـ اغلى ثمن ..



وقف سيارة بمواقف المستشفى ولحق يزيد اللي كان يجري ودخل للطورائ ..

شاف عمه جالس بكراسي الإنتظار وحاط يده على راسه ولمح دمعة عمه على خده

بخوف: عمي وش صار لأبوي.. عمي

وهو مدنق راسه ولم شماغه: البقيه بعمرك يا ابوي البقيه بعمرك

ضاق صدره ووجهه انقلب شديد سواد .. ياعمي قلبي عليل مقتول مكسور الأمل على يدين المستحيل

الحب راح

سند راح

والعضيد راح

ابوي آآآآه ابوي

ابتعد من عند عمه.. ودف الباب وانفجع لمن شاف جسد أبوه والممرضات يفكون الاسلاك من جسده الخاوي اللي غادر لسماء سابعه .. صرخ من دون مقدمات

وبوجع: خلووووه.. يبه يبه انت تسمعني صح.. هم يكذبون انت بخير.. يبه ليه ماترد علي.. يبه تعرف غلاك عندي لا تختبر غلاك يبه.. يبه عرسي بعد شهر يايبه ماتبي تزف ولدك

لعروسته.. يبه ليــــــــــــــــــه ماترد علي.. يبه تكفى تكلم ابي اسمع صوتك.. بنفذ اللي تبيه.. بس قوم يبه قوووم الله يخليك.. يبــــــــــــــه قوووووووووووووم.. يبـــــــــــــــه

لميت ابوي وانا ابكي.. مسكوني الممرضات يحاولون يهدوني: ابوي امسك يدي خل نرجع البيت ادري فيك.. ماتحب المستشفيات وروائحها.. ابوووي ..

بحكم قوتي اللي تنافس أي جسم رياضي.. لكن وبهالصدمة خارت قواي.. جلست على الارض واصرخ بصدمة: يبـــــــــــــــــــــــــــــه


سمع صراخات يزيد ولد عمه.. وانصدم من منظر أبوه.. تخلى لأول مرة عن هدوء وبروده اللي يقتل: يبه وش صاير

أبو جزاع: عمك يابوك راح.. راح يابوك

جزاع: إنا لله وإنا إليه راجعون.. إنا لله وإنا إليه راجعون ..

دخل غرفة طورائ وشاف ولد عمه يبكي بضعف ووجه اللي مختفي ملامحه..

جزاع: يــزيد..

نزل لمتسواه ولمه بصدره: يزيد قول.. إنا لله وإنا إليه راجعون .. راح للي احسن مني ومنك.. هو أمانه وربك أخذ امانته.. راحته عند ربك ياخوك.. اذكر الله

يزيد: لا ياخذووووووونه.. يبـــــــــــــه

سحبوا سرير المتحرك المسجى بجسد أبو يزيد .. حاول يقوم لكن رجوله خانته.. مو قادر يقف الألم استطوطن قلبه وكل خلية من جسده







×



حبيب: عمتي الله يرضا عليك .. ابي اشوفها .. وإن شاء الله بنحل هالخلاف من بينا

أم شغاف: الله يصلحكن ويهدي نفوس.. استريح بالمجلس وانا بشوفها كنها ماتبي تجي ما بغصبها

حبيب: عمتي ولي يسلمك حاولي فيها.. وان ما رضت انا برقى لها من بعد إذنك

أم شغاف: بنشوف

دقت الباب علي امي.. فتحت لها الباب وعيوني متورمة وصايره حمراء: هلا والله يمه حياتس

أم شغاف: مياسه يامتس رجلتس تحت ينتظرتس.. يقول يبي يحل الخلاف بيناتكن

بسخرية: يبي يحل شنوووو.. يمه ولي يخليتي لي قولي له.. مابينا خلاف واي صح لا ينسى ورقة طلاقي

شهقت أمي وضربت صدرها: شنهووو أي طلاق.. انتي بعقلتس.. انا اشهد انتس ما انتي بصويحه.. وش تبين ناس يقولون عنتس هاااا

بوجع: يمه لاتصرين انتي وزمن علي.. كافي اللي جاني منه.. شايله منه جرح رطب وشرهات قلب.. وتسأليني وش تبين ناس يقولون.. يمه ان كان لي خاطر عندتس لا تطرين اسمه

عندي.. لاتطرين على من خان وكذب كل ذا طيش.. ذاك اللي ماهو ذهب.. يصدا ولا منه عجب.. خاين العيش يمه.. والله خاين العيش

أم شغاف: لا حول ولا قوة إلا بالله.. يعني وش تبين ارد عليه

مياسه: تبي ورقة طلاقها

أم شغاف: لا حول ولا قوة إلا بالله.. لا حول ولا قوة إلا بالله

خرجت من عندي أمي.. ورجعت بكيت بقهر وبضعف.. ليه ياحبيب ليه تسوي فيني كذا.. وش ذنب قلبي يوم حبك.. وش ذنبـــــــــــــــه؟



نزلت من درج ودخلت المجلس

أم شغاف: والله مدري وش احكي لكن البنت معيه وراسها يابس

حبيب قام وهو متحقرص يبي شوفتها اللي تسقي عيونه: طلبتك ياعميمه خلنا اشوفها ابي ارقى لها

أم شغاف: بس

وهو يحب راسها: ولي يخليك ياعميمه ابي اشوفها

بقلة حيله: بس

حبيب: صديقني بحل الوضع وبنوصل لحل نرضا فيه..

أم شغاف: الله يصلحك بس.. بنتي مغبونه ياحبيب اللي سويته فيها شين.. واسمح لي ياولدي البنت ماتبي إلا طلاق.. مايرضيها إلا طلاق

بعصبية: عمـــــتي أي طلاق ماني مطلقها وقلبي مهتويها

أم شغاف: ودام انك مهتويها وشوله توجعها

حبيب: غصب(ن) عني.. عمتي ابوس يدك خل اشوفها

أم شغاف بقسوة: بيتي يتعذرك ياحبيب..








×





بغضب والبراكين متفجرة: وصــــــــــــــال.. وصـــــــــــــــــــــــــــــــــــــــــال

زمرد: يمه ابوي ينادي عليتس

خافت من صوته.. وعرفت الغضب باين من يوم نطق اسمها بدون أم جزاع المحبب لقلبه

أم جزاع: الله يستر.. من شفت مياسه وانا حاسه به شيء

دخلت المجلس وبخطوات مرتبكه: سم يا ابو جزاع

براق: انتي تخيبلتي ولا شنووو.. سودتي وجهي الله يسود وجهك

بإختناق: براق وش مسويه الله يصلحك

براق: الله لا يصلحني دام اني مشيتي لي بهواك.. على آخر كبري تغدرين فيني.. انهبلتــــــــــــــــــــي عقلك به بلا

دموع تجمعت بعيونها: انا مانيب عارفه انت شقاعد تقول.. غدرت فيك.. براق

براق: ما يشرفني تنطقين اسمي.. تسمعين يا وصال ما يشرفني.. تجوزين ولدك وبدون علمي وكني زوليه عندك

بكت: والله

بغضب: لا تحلفين بالله.. والله مايطب لسانك على لساني.. وشلون تنامين ضميرك ما يأنبك.. الله أكبر الله أكبر.. منك ومن سواد فعايلك.. لكن والله ما اخليك تتهنين انتي وبنت
اختك صايعه

حبيب: يبـــــــــه

براق: انقلع من قدامي.. كم مره منبهك لا اشوف وجهك ماتووووحي انت.. قم وانتي.. تلمين قشاك وتذلفين عن بيتي.. سكت لك كل هالسنين واقول ي براق اصبر باكر المره بتعقل

بس اللي سويته مايسويه إلا مجنونه مثلك.. والله وامانة الله ان شفتك عندي هنا الليلة بتشوفين شيء عمرك ماشفتيه.. انقلعـــــي من قدامي حسبي الله عليك من مره..

أم جزاع بكت وهي تجر خطوايها صعدت لغرفتها وتلم بقايا كرامتها

زمرد ووبكاء: يمه وين رايحه

أم جزاع: وخري عني.. ابوتس مايستحي على وجهه والله ما اقعد له دقيقة وحده وبيت أبوي يضفني

زمرد: يمـــه لا تخلين العذال تتشمت فيتس.. وين تروحين بـ هالليل وباتسر الخميس ..

أم جزاع: الخميس قلتيها.. اللي بينا انتهى.. وبسبة من.. مياسه.. ياعلني اسمع صوت ونينها

زمرد: يمه استغفري ربتس .. مايجوز تدعين على بنت عمي

أم جزاع: هههههههه.. ومن متى همتس امتس.. كله بصف بنت عمتس.. اذلفي عن وجهي وخل حبيب يوصلني لبيت ابوي .. ابوتس ما احترم العشرة اللي بينا صغرني بوجه حريم

عمناتس







×





همام: هتوف

هتوف: ياعيوني

همام: ابي مساج من يديك الحلوين راسي بنفجر

هتوف: ابشر.. حبيبي قول لا إله إلا الله.. واستغفر قال الله تعالى: (الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ)

همام: ونعم بالله.. هتوف

هتوف: ياعمري

همام: أحبك

بحب: وانا بعد ياعيوني ..

سكت هو وانا سويت له مساج حتى زالت تعقيدة حواجبه وقريت عليه سور من القرآن الكريم لحد ما استكان ونام..

وبداخلي: لازم اتفاهم مع شغاف مو معقولة اللي تسويه لحبيبي وأبو عيالي.. همام ماله ذنب باللي صار .. قمت بشويش وانا اجر خطواتي بهدوء قفلت الباب وراي وبصوت مو

مسموع








×









×


نقف هنا


دائما حضوركم كالرذاذ يـ آل غرام

الف مرحى بكم ..

لنا لقاء بعد العودة من الحج وإذا الله كتب لي عمر

أختكم في الله:
ضلع إعوجاج

/.. أميراتي ,،
كُلُ عامٍ وأنتم بإبتسامةٍ تكبر في قلبكم وتجتاحُ معظم وجهكم
كلُ عامٍ وأنتِم بسعادةٍ أكبرْ تتسعُ لعالمكِم كلهْ ..
كلُ عامٍ وأنتِم لمنْ حولكِ السعادةْ ..
كلُ عامٍ وجعل اللهُ لكِم فيهِ بركةْ .. وخيراً ورضى ..
كل عامٍ وأنتِم لمنْ حولكِ سببُ البركةْ .. والخير والرضى ..
كلُ عامٍ وأنتِم للأعوامِ بهائها ..
كلُ عامٍ وأنتِم بخير .. وأنتِم الخيرْ .. وكلُ من حولكِ بخير ..
طيَّبَ الله أرضاً حوتكِم .. وأعلى منزلتكِم .. وحقق أحلامكِم ..
وجعل ختامَ خيرِ الدنيا لكِم سعادةً في الآخرهْ ..
وأطال عمركِم وأنتم بصحةٍ وعافيةْ .. وكفاكِم شرَ كل حاسدْ وذي شر ..
وفقكِم ربي أينما كنتِم .. وأينما حللتم ..
وأرضاكم بما شئتِم وبما تمنيتِم ..
ولا حرم قلبكِم أفراحهْ ..
كل عامٍ وأنتِم للكونِ أميراتهْ .. وأنتِم بخير ..!

كل عآم وطآري احبابي بخير

يافرحتي بكن والله.. أعلم ان لكل مجتهد نصيب.. وصوتي اعرج.. وحديثي ممل.. وأناملي مجدوعة.. وماينزلق من بين اصابعي لايفي حق الكلام.. والمعاني في احرفي موجوعه.. والنبضات في قلبي مخدوعة.. واطفئ الصباح على حلمي شموعه.. وما عاشت روح إلا على أمل رجوعه.. اشكركم على روح احرفكم المخمليه اسأل الخالق بأن يحفظكم


وبالنسبة ليلة خامسة جاهزة وبتم الاكتمال

ليلة هذه غير عن ليالي الباقيه.. ليلة يتم فيها مجرى الاحداث من هنا.. واعذروني على تقصير وان كانت الجزئية قصيرة.. بعض المواقف تتطلب مني حبكتها وتوقف إلى هذا الحد..



لا تلهيكم رواية عن الصــــلاة


وقراءة ممتعة

!~