البارت السابع
الحب اسمىكلمة في الوجود ولكن بعض البشر يخطئون في فهمه وتطبيقه ..اخيرا قدروا يسلمونالبروجكت للدكتور وأول مجموعة تسلم هي مجموعتهم..راح هو وياها عنده وعطوه اثنى عمجهودهم وع ثمرة انجازهم وشغلهم كامجموعه متعاونه ..وهم طالعين من عنده
تنفس بكلراحه:واخيرا بصراحه هالبروجيكت من اصعب البروجيكتات اللي اشتغلت فيهم بس ماكنتبنجح لو مب وجودج وجود القروب اتمنى صج يجمعنا بروجيكت ثاني
ابتسمت: انشاء الله ...عمر ممكن اسالك سؤال مع انه خاص شوي
عمر: اكيدممكن تسالين
مها: انت فيسكن خاص صح؟
عمر:هيه..انااساسا من العين(العين مدينه في الامارات تابعه لامارة ابوظبي)..تعرفين الطريج طويلعشان جذا اتفقت مع كمن شاب واستأجرنا شقه هنا..(في دبي)..
مها:حلو..وانشاء الله ماشي مشاكل
عمر: مابسميهامشاكل امور عاديه ممكن تصير بين الاخوان
مها: اممم..
عمر:تبينتسألين شي غير؟
مها:لا ابد
عمر:ترا عادياسالي مثل ماتبين ..حياتي كتاب مفتوح ماعندي شي اخفيه
مها: جذاب(كذاب)..وربي انك جذااااااب (رمت كوب الكوفي باقوى مافيها وبدت تصيح بحرقه وهييالسه في حجرتها)..حقير...حقييير
................
هل القدر ارادان يأخذ لها ولو جزء من حقها فيما فعله فيها...فهاهو وبعد سنين يبقى طريح الفراشبعد حادث الم به...كانت زوجته جالسه مع جارتها
الجاره:الاشحال ريلج ؟
ناديا: علىحاله...مايقدر يحرك جسمه بس راسه حتى انه مايقدر يتحدث
الجاره: اللهيكون بعونج ياوخيتي...انزين محد وياج يساعدج اعرف ان بنت اخوه تعيش وياكم
ناديا: بنتاخوه(قالتها بسخريه) ماتمد ايدها وتساعدني
الجاره:هيتدرس؟
ناديا:مطرودهمن الجامعه..بس هي فحالها ونحن فحالنا
الجاره: ولوعندج عيال كانوا بيخففون عنج
ناديا:الحمدللهعلى كل حال
الجاره: عيلانا بخليج الحين...بس اذا احتايتي لاي شي ترانا جيران لا تستحين
ناديا:انشاءالله
قامت وياهاوصلتها للباب وادعتها...بس فيه جرح دفين يسكن قلب شخص كبير ولكنه رقيق مثل قلبطفل..طفل انحرم من طفولته وعاش وياه جرحه لين كبر....ولو ناديا عرفت سر هند كانممكن تعذرها وتتفهم سبب بعدها عنهم خاصة عمها....
ساعٍـٍـٍـاتأحــس أن الزمٍـٍـٍـن قآسٍـٍـٍـي ولايمـٍگُـن يلٍـٍـٍـين
وساعٍـٍـٍـاتأحـس أن الفٍـٍـٍـرح مـحآل ولايمـٍگُـن يـحين
هٍـٍـٍـذا الليشفتـﮧُ بدنٍـٍـٍـيتي .. گُـل مامضٍـٍـٍـى لي من سنيٍـٍـٍـن..
يامن يعٍـٍـٍـلمني الفٍـٍـٍـرح .. ويفٍـٍـٍـرح القٍـٍـٍـلبالحٍـٍـٍـزين..
خرج من الحماميمسح وجهه بالمنشفه رمى بها وسار بخطوات بطيئه ناحية الكرسي جلس بتثاقل ثم ارخىبدنه عليه ولكن عقله يأبى ان يرتاح من الهموم كان البلاك بيري بقربه موصول بالشاحنوبجانبه علبة السجائر..نظر اليها ومد يده واخذها وسحب منها سيجاره وضعها في فمهواخذ القداحه (الولاعه) واشعلها ..وبدأ يدخن ..انها بارده لا تأتي شيء امام النارالتي تشتعل في جوفه ..نظر ناحية البي بي عندما سمعه يرن..اخذه ونظرلشاشته"بوعسكور يتصلبك"
فيصل:هلا ابوعسكور
ابوعسكور:هلافيك يالغالي..شحالك؟
ابتسم ساخر منالسؤال: تمام ومن صوبك؟
ابوعسكور:يسرك الحال..ابا اشوفك تعال الشقه ضروري
فيصل:اوكي..ربعساعه وانا عندك
ابوعسكور:تمعيل ياللا اترياك لا تبطي
فيصل:اوكي..باي
ابوعسكور:بايحبيبي
..............
اخفي دمعتياضحك..انا كلي شقـى وشجـون
اهيم وانتظر دنياي..شمـوع الفـرح تضويهـا
احس بداخلي ضيقه تضحي جرحـي المدفـون
وتطعن قلـب آمالـي بخنجـريعشـق ايديهـا
الا يالله من حزني كشفـت الخافـي المكنـون
واسرارالجروح اللـي عـن العـذال اخفيهـا
الا ياللهساعدني..وصبـر قلبـيالمـحـزون
جروحي تنزف احزاني..ولاادري وش يداويهـا.....
صحى من نومه على صوتها اللي كله رعشه من البكا والحزن على حالهم الليمايدرون متى ينفرج..
ظبيه:راشد...راشد..قوم اذن
راشد:لا إلهإلا الله قال وعينه على بناته الثنتين..اللي وحده منهم مرقدتنها فحجرها والثانيهمنحنيه ع ريلها ولافه عليها بايدها_ظبيه
ظبيه: خير
راشد:شرايجناخذهم للميتم
وسعن عيونهاونزلت دموعها :لا الا بناتي..مب كفايه الدنيا اللي مافيها خير ..بعد بتحرمنيمنهم..حرام عليك ياراشد..حرام..استغفر ربك وقوم صل فالمسجد وادعيه انه يزيح كربناويفرج همنا ..الله يخليك لا تحرمني منهم
راشد: ابااحميهم ..نحن بندبر حالنا بس هم شو ذنبهم نسحبهم ويانا من مكان لمكان
ظبيه:ربككريم...قوم قوم عن تفوتك صلاة الجماعه انت عمرك ماطوفت فرض فالمسيد راشد قوم ونحنبتم هنا ياللا
قام وهويقول:لا حول ولا قوة الا بالله..انا ساير
ظبيه:اللهوياك..._بعد ماسار_...يارب ارحمنا برحمتك...حسبي الله ونعم الوكيل على الظالم....
............
تـــــــــــكــمــــــــاــةالبارت الــــــــســـــــابع
اشواق عندهااخوان اثنين أروى وهي بالجامعه وخالد وعمره 12 سنه ابوهم متوفي ومالهم غير امهم..كانتامهم واروى وخالد يالسين في الصاله..توصل اشواق عندهم وبعد ماسلمت وقبل ماتيلس خذتتفاحه وبدت تاكل
أروى:امايه
الام: خير
أروى: متىبتزوجين أشواق؟
وقبل ماتتحدثالام قالت اشواق: ياسلام وليش أنا؟!... دامج ولهانه ع العرس عرسي ست أروى
أروى:بس انامابا اعرس
خالد: خلاصانا بعرس
أشواق:ههههههه امايه حطي عباتج ع راسج ودوري لخلود حرمه
الام : انتماتستحي على ويهك يالس ويا الحريم
خالد:اي حريمالا انتي واشواق واروى
اشواق:ههههههههههههههه عيبتني الصراحه
اروى:امايه
الام:خير يااروى
اروى:امسفالليل كاني شفت حد فالحوش
اشواق:اروى لاتخوفين خالد
اروى: سوري
خالد:لا كمليعادي..صج كان حد فالحوش؟
اروى:مادري بسكاني شفت حد طالع من باب الحوش من ورى
الام:فايساعه؟
اروى:يمكنالساعه1 او 2 مامتاكده
خالد: امايهالليله ببات عندج
اشواق: عايبنجخوفتيه
اروى:هههههههههههخلود لا تخاف بس بغيت ناس يخافون
اشواق (فينفسها):تخوفيني...الا بغيت اموت ..بس لحظه فيصل كان عندي من الساعه 12 ولين روحتالجامعه هو كان راقد ..معقوله كانت تبى تخوفني لالالا اروى مالها فهالسوالف...
بعد ماخلصواسوالفهم وكل راح لحقت اختها وقبل ماتدخل اروى حجرتها
اشواق:اروى
وقفت ولفتصوبها وتجدمت منها اشواق: صج شفتي حد فالحوش؟
اروى:هههههههههههههياحليلهم الخوافين ..لا محد
اشواق:اروىتعالي ع الصج
تجدمتمنها:ماشفت حد كنت ابا اروعج وصار هههههههه
دخلت اروىلحجرتها ودخل الوسواس لقلب اشواق اذا صج ماشافت حد فاحتمال انها فيوم تشوف فيصل!!! ...
جبار حبك ولكنكعلي غالي
وقلبي على حبك الجبار وصيته
يا اول غلا فيخفوقي واخر أمالي
من قلبك الحب والاخلاص حسيته
مرة شهوربغيابك وانته فبالي
اشتاق شوفكوبعدك ماتمنيته
غيبتك ياروح روحي عذبة حالي
عانيت جرح الغلا والشوق قاسيته
ماهمني قولعذالك وعذالي
ولا الزمن لانوى الفرقى تحديته
والعمر دونك حبيبي كيف يحلى لي
غيرك من الناس كم ياني وصديته
عادي تموتالبشر بس انته تبقى لي
يامن على الروح قبل القلب وليته
غالي وتبقى علىبعد المدى غالي
مايطوي الوقت صفحة شخص حبيته
احساسه فيانها تغيرت عليه مازال يلازمه فتلك ليست من احبها ليست ذاتها الشفافه التي يرىفيها كل عذوبة وحبيشعر بانهاصارت تغلق قلبها امامه ولم تعد تدعه يرى ما بداخله ولكن ماهو السر الكامن وراءهالماذا تبخل عليه ؟!..لما لا تصارحه وتريحه ؟!....
هذا هو حالناصر اللي يفكر بنوف حبه اللي ماعرف ولا يبا يعرف غيره...
...............
كان فريسة سهله لمخططه الذي وضعه لم ينفذ هو بل هزاع الذي دعاهللخروج معهم في رحلتهم البريه ..تشجع سيف وجهز نفسه ومر عليه هزاع واخذه معه وكماغدر اخوة يوسف بيوسف غدروا بسيف ولكنهم لم يرموه في البئر...قبل عودتهم ذهب كلالشباب وكانو قادمين باكثر من سياره ..وبقي هزاع وسيف ومنصور..ادعى هزاع انه اضاعمحفظته وبدأ البحث وخمن انها ربما وقعت منه وهم يقودون الدراجات ..وطلب من سيفيبحث وراء كثبان الرمال(النفود او مثل مانسميها بلهجتنا العراقيب) ذهب سيف ع اساسانهم سينتشرون في البحث عنها وحين اختفى عن ناظرهما ركبا السياره وانطلقا خلفالبقيه ..................!!!!!
.....................
سمعت اسمها يطلبون منها الذهاب لغرفة الطوارىء ...جرت باسرع مالديها...وحين وصلت وقفت عبير مذهوله مما تراه امامها
عبير:معقوله؟!
نغمة تميز صاحبها عن اي احد اخر...مد يده واخذ موبايله من فوقالكوميدينا ورد عليها
اتاه صوتهاالذي يملأه الخوف والفزع والدموع :فيصل الحق عليي الحق عليي.
فيصل اللي خافعليها:الحين ياي
....: وين بتروح؟!
لف ناحية الصوتبعدين لبس قميصه وخذ موبايله وطلع من دون ماينطق.....؟؟؟!!!!!!!!!!
مها شو سبب حقدها لعمر وهو شو اللي سواه عشان تكرهه لهدرجه؟!
هند وعلاقتها المتوتره بعايلتها وين بتوصل؟ وشو سبب طردها من الجامعه؟
راشد وظبيهوبناتهم الثنتين شو اللي ينتظرهم؟
ناصر بدايتضايق من تصرفات نوف ياترى هل بياثر هذا على علاقتهم؟
فيصل شخص غامضشو اللي خلاه يصير فهالحال؟
هل بالفعل شافتشخص فحوش البيت ولا بس كانت تبى تخوف اختها؟
منصور حققمراده فياترى شو بيصير ع سيف لان منصور اعتمد ع حالة سيف اللي يعتبرونه خبل واهبل؟
عبير راحت لغرفة الطوارىء شو اللي انصدمت فيه وليش استغربت؟
من اللي اتصلتع فيصل وليش كانت خايفه وتصيح؟
يــــــــــــــــــــــــــتـــــــــــــــــــبــــــــــــع
إلــىاللـــــقــــاء فــي الــــبارت الــثامــــــن
16-10-12, 05:47 PM
رد: قلوب تكتوي بنار الحب و الحقد الكاتبة : اصداء الحنين
جديد مواضيع قسم القصص المكتمله
العرض العادي
