السلام عليكم

صباح الخير

كل عام وانتم بخير


البارت السادس



بالفندق

عهود بالغرفة تبكي على الكلام اللي قاله لها تركي

وموقفه معها

ليه والله أحبك تركي

هين والله لاطين لك عيشتك معها


والله

ــــــــــــــــــــــــــــــــــــــــــــــــــــــــــــ ـ


عند ام حاتم وأبو حاتم بالغرفة


ام حاتم: تناظر أبو حاتم

ماشاء الله ياأبو حاتم مستانس ومبسوط

ابوحاتم:ايييييييه يام حاتم

تركي بيداوم السبت بالشركة

ام حاتم:ماشاء الله يابو حاتم حتى يوم دخل علينا وهو ماشاء الله متغير مسفهل

من دخلت فرح بحياته وهي مغيرته

بنت ماشاء الله تبارك الله أخلاق وزين

ولسان وذرابة

الله يحفظها

ابو حاتم:آمين وفيه موضوع ثاني

ام حاتم:وش هو

ابو حاتم: تراي خطبت لبنتي هناء عامر من أبوه وبكرة بيجي يشوفها بعد المغرب وترى ماعلمناهم

ام حاتم:بابتسامة زين ماسويت والله اني كنت اتمناه لبنتي

رجال ماشاء الله


ابو حاتم :وأبدخلها ماتدري تعبت من كثر ما ترد هالخطاب

ام حاتم:هههههههه بكرة نشوف وش بيصير

ام حاتم:الله يفرحني بحاتم

ابو حاتم :آمين


ــــــــــــــــــــــــــــــــــــــــــــــــــــــــ

ابو عامر وام عامر


ماشاء الله زين ما اخترتي له يام عامر الولد تغير

ام عامر:ايه الحمد لله

ابو عامر:فيه مويضيع ثاني بعد

ام عامر:وشو

اليوم ابو حاتم خطب ولدي لبنته هناء

واتفقنا بكرة تكون الشوفة الشرعية لهم من دون مايدرون


ام عامر: هههههههه زين ماسويتوا تعبت معه من كثر ما يأجل
وهناء ماشاء الله جمال ويكفي انها تربية ام حاتم

ابو عامر :يعني راضية

ام عامر:ايه

ابو عامر:هههههههه ودي اشوف ولدك لما يجي للديرة بعد الشوفه

ام عامر:ههههههههههههههههه


ــــــــــــــــــــــــــــــــــــــــــــــــــــــــــــ ـــــــــ

الصباح الساعة عشر بالديرة

أم فرح: قوم يابو فرح افطر

ابو فرح:بفراشه التعب هاده

مالي نفس يالغالية

ام فرح:طيب بكلم ام عامر يجي ابو عامر وولده يودونك المستشفى

ابو فرح:لا لا تكلفين على الناس ابد هدة جسم ويبي لي نوم وبطيب

ام فرح:الله يهديك بس


ــــــــــــــــــــــــــــــــــــــــــــــــــــــ
عند فرح

بالغرفة ترتبها

ودها تشوف تركي

.....................................................

تركي وعامر


تركي:صحا من النوم وما لقى عامر وين راح ذا ابي اطلع أغير

و أشوف فرح

(بعد الكلام اللي قاله له عامر

عنها وعن تضحيتها وتمسكها فيه رغم كل اللي سواه فيها

يحسها اليوم بداخل قلبه )


جاء عامر بالفطور من المطبخ


صباح الخير تروك


تركي :صباح النور

تعال ساعدني عشان اطلع أغير فوق

عامر بضحكة خبث:لا وين تطلع ههههههه

مافيه انت ناسي ان حاتم عازمنا وانا عارفك لو تطلع عندها ويغمز له

ماعادنا شايفينك

أقول افطر معي

والبس من بدلي

واذا خلصت العزومة حقت حتوم رح لها

تركي:وش هالتعذيب عويمر

عامر:هههههههه لا تعذيب ولا شي ههههههههههه خلك تشتاق لها

تركي:امري لله وخذ الجوال يكلم روان

عامر:من تكلم

تركي:ابد بكلم روان اشوف وش علومهم عقب أمس

عامر:علومهم والا علومها

تركي:هذاك عارف عويمر

عامر:ههههههههههههههههههههه

تركي:معه الجوال التفت على عامر وبخيبة أمل ماترد

تركي يناظر عامر:
لا تكون وحده من حركاتك


عامر:هههههههه لا والله بس أحسن خلك تشتاق لها وتعرف مكانتها بقلبك

تروك بصراحة من امس وانت شعورك متذبذب ناحيتها

تركي:بس تدري عامر فكرت بكلامك امس

بس ودي أعرف ليه هي ماطلبت الطلاق بعد ماسددنا الدين

عامر:الايام بتكشف لك كل شي

تركي:أحس من قمت اليوم ولها شي بقلبي أحس ودي أشوفها وأكلمها

عامر:هههههه هذا يمكن الحب

تركي:معقولة ياعامر حبيتها

عامر:وليه لا انا فاهمك أكثر من نفسك انت ياتركي تحبها بس بداخلك مشاعر متناقضة

يغلب عليها احساس العجز اللي انت تحسه وحبست نفسك داخله مع انا مانشوفك عاجز ولا شي بالعكس انت ماتغيرت بنظرتنا

تركي انت تحبها واتوقع من أول نظره لها

تركي:صدقت ياعامر صدقت

عامر:لا تخلي ها الاحساس يحرمك من متعة وحلاوة الحب معها

هي تدور رضاك و تحاول تسعدك بأي شي

تركي:بأحاول عامر

عامر:وش تحاول تروك عش حياتك افتح قلبك شل هالفكرة اللي مسيطرة عليك أغلبها لاتخليها تغلبك

وتضيع هالالماسة اللي بين يديك

يالا خلنا نفطر

تركي:يالا


كلام عامر ايقظ مشاعر الحب النائمة بقلبه





؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بأمريكا

اياد :يرن الجرس على نرجس

فتحت نرجس الباب

وأول ما فتحت وشافها انهبل


كانت نحفانة ومصفرة وعيونها مسودة من تحت

اول ماشافته ارتمت بحضنه وبكت


اياد:بسم الله عليج نرجوسة

نرجس:ببكا ومشاهق بعد مالقت أمانها

انا محتاجتك ياخوي

اياد:يسكر باب الشقة وهو حاضنها خلاص ياقلبي

ويمسح دموعها

تعالي حبيبتي

وشلونج والله اشتقت لج

نرجس:بخير ياخوي

اياد:وش بلاج وش فيج جذي ذبلانة

نرجس:آآآآآه ياخوي ومن بين دموعها

ياليتني ماتزوجت ولا عرفت جاسم

جاسم صار متزوج علي يااياد

وبمشاهق وببكا قالت له السالفة


اياد:الحقير اللي مايخاف الله ببنت الناس اللي ااتمنوه عليها

والله ماخلي حقج ياغلاي والله


نرجس:خلاص كل شي امبينا انتهى احنا تطلقنا

اياد:تطلقتوا

نرجس :ايه وشوف الورقة

اياد خذها وفتحها وقراها

الحقير اللي مايخاف الله انتي تدرين انه مطلقج بالثلاث من زمان من شهرين تقريبا

وهذا الثالث اخر شهر لج بالعدة

الحين فهمت السالفة

وهو سوا جذي وخطط معها عشان تعرفين بالموضوع ويفتك

واللي خلقني لأوريك فيه

نرجس:لا مو معقولة وأجهشت بالبكا يعني انا آهأ اهئ

ماأصعب موقفك نرجس مجروحة القلب ومصدومة ومشتته


اياد حضنها خلاص نرجوسة هدي

واحمدي ربج انج افتكيتي منه

والله لأرد لج اعتبارج والله

نرجس تمسح دموعها :لا يا اياد مانبي مشاكل أخاف ياخذ بنتي مني

اياد:مو قال هي لج

نرجس:أخاف يعاند ويحرمني منها

ارجوك ومن بين دموعها احجز من بكرة ابي أرد الكويت

اياد:خلاص يا قلبي ابشري بس لا تضيقين خاطرج

وبنفسه طيب والله لأرد اعتبارج


ماودج تضيفيني ولو بماي

نرجس:تبتسم وتمسح دموعها

اياد:ايه ابتسمي يالا ياقلبي

قامت تضيفه الا أسيل تبتسم لخالها

اياد:شافهابنفسه والله مالج ذنب وضمها حبيبة خالوا انتي

(ياااااه يالدنيا ليتج تحت ظل حاتم كان ماصار لج جذي

انا قلت مايستاهلج بس كلهم وقفوا ضدي امر الله اللهم لا اعتراض)

الا تطلع له بعصير وماء

وتشوف بنتها بحضنه وابتسمت له

نرجس :تفضل

اياد:ياخذ العصير يزيد فضلج

نرجس:جلست وسهت تفكر

اياد:وش تفكرين به نرجوسة

نرجس:بأمي وابوي والناس\\

اياد:لا تتعبن نفسج بالتفكير هذا اللي كاتبه لج ربج ولعلها خيرة لج يالغالية

نرجس:والنعم بالله

ــــــــــــــــــــــــــــــــــــــــــــــــــــــــــــ ـــت

عند تركي وعامر

يالله تروك

تلقى حاتم ينتظرنا

الا جواله يدق

عامر:هلا وغلا بحتوم

حاتم:وينكم

عامر :يالله مسافة الطريق

وطلعوا للمطعم


تروك اللي ماخذ عقلك

تركي:ابتسم ابد محد

عامر:هالحكي مو علي ههههههههه

تركي:ماوصلنا

عامر:ضيع الموضوع ضيعه ههههههههه



وجا وفتح له الباب ونزل يدفه



وراحوا لطاولة وطلبوا الغداء

تركي:حتوم مافكرت تتزوج؟

حاتم:لا وأصلا شايل الفكرة من راسي

تركي:وليه عمرك الحين 30

حاتم:آآآآآه بس هي وحدة وراحت وما بقلبي غيرها

تركي:بس هي متزوجة يعني خلاص

حاتم:بس صعبة اتزوج وأظلم اللي باخذها معي

تركي:صدقت حاتم بس فكر

الا عامر جاي لهم

هاه وش قلتوا

تركي وحاتم ههههههههه

ابد أقنعه بالزواج

عامر:اها

حاتم:وانت ماودك تتزوج

عامر:تو الناس حتوم لما تتزوج اتزوج

تركي:لا لا ما أنتو صاحين

عامر وحاتم:ههههههههه

حاتم لعامر:على فكرة عمور ترى ابوي يقول لا تنس الموعد

عامر:خلاص بعد المغرب

وجلسوا يسولفون ويكملون غداهم

؟؟؟؟؟؟؟؟؟؟؟؟؟؟؟

فرح وروان والخالة ومازن على السفرة

روان:يمه متى بتسافر خالتي لمكة

الام/ بعد يومين

روان:أها

وعهود بتجي

الام :ايه

فرح تضايقت شوي وبنفسها :الله يستر منها

روان:والله مي حلوة ترى تجلس

الام:وش هالكلام ترى ازعل منك انا حسبة امها وتركي حسبة أخوها

روان:هذا البلى

الام وش قلتي:

روان :هاه ولا شي قلت ام بلى بحسبة اخوها

فرح:ماعاد هي يمهم تفكر بعهود

الام:يمه فرح ماكلتي

فرح:الحمد لله شبعت يالغالية مفطرين متأخر

روان:ههههههههه مشتاقه اكد لتركي

الام:عيب عليك

روان:هههههههههههه

فرح:استحت ونزلت راسها
كم
الام:ماعليك منها يمه الله يخليكم لبعض ولا يحرمكم من بغض

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


بعد العصر الشباب طلعوا للسوق يشترون لهم بعض الاغراض اما تركي فاشترى جوال و كمبيوتر

لفرح


عامر : اخس تروك هدايا لحبيبة القلب طيب ماودك تغلفها

تركي:الا

عامر:خلاص خلها علي

تركي:مشكور

الا وين حاتم؟

عامر:شفه يختار جوالات لخواته

تركي:ههههههههه

الا يحاسبون ويطلعون

جلس تركي وحاتم بمقهى وعامر راح يغلف هدايا تركي

الا على أذان المغرب

عامر:الحين حدي اروح أخذ عازة ابوي من عمي بو حاتم

وامشي للديرة

سلمني على خالتي

تركي:يبلغ بس اقعد ماشبعنا منك ولا حق على الديرة

حاتم:وهو صادق

عامر:ودي بس تعرف ابوي حرصني على غرضه الله يعين بس

اسمع ترى الهدية خلصت ومغلفة

وهي ورى

تركي:مشكور

حاتم:لو داري خليتك تغلف هدايا خواتي

عامر:الحمد لله ماعندي اخت ولا زوجة والا كان علوم ههههه

الكل:هههههههه وسلم عليهم

وطلع لبيت ابو حاتم

اما تركي فبيوصله حاتم لبيتهم


؟؟؟؟؟؟؟؟؟؟؟؟؟؟؟؟؟؟؟؟؟؟

عامر:صلى بالجامع وراح لبيت ابو حاتم

ابو حاتم :لام حاتم هاه ترى على وصول

ام حاتم خلاص هي ماتدري ان بالمجلس أحد

بأقولها خذي القهوة وديها للمجلس بيجيك رجال بعد العشاء

وبخليها تروح

ابو حاتم: زين وأنا بأستأذن منه اجيب القهوة وخليها تدخل

خلاص


وصل عامر للفيلا

الا ابو حاتم يستقبلة عند الباب ويسلم

ويقلطه بالمجلس

ابو حاتم:ياحي الله من جاء

عامر:الله يحييك ويبقيك

ابو حاتم:انا أستأذن بروح اجيب القهوة

عامر:لا ياعم مستعجل ودي آخذ العازة وأرجع

ابو حاتم:لا لا وانا ابوك مايصير

وطلع ابو حاتم وعطى أم حاتم رنة

الا تشوف الرنة

ام حاتم:هناء يمه

هنا نعم:كانت لابسة جلابية وشعرها ثانيته على فوق

وبدون مكياج

الام:تعالي خذي القهوة للمجلس ابوك بيجيه رجال

هناء:خلي سارة والا حتوم

الام:انا أمرتك انتي وحاتم موب فيه



جات وخذت القهوة للمجلس وهي تحلطم وهي بالسيب كان عامر يسمعها

هناء ودي

هناء جيبي الاغراض والبيت بينفقع من الخدم

وسويرة مرتاحة لكن هين ياسويرة

وانا اللي مكروفة الله يهديك يمه

ودخلت عليه وماانتبهت ان أحد بالمجلس


اما هو فكان يسمعها واستغرب وضحك على كلامها

الا تدخل عليه

اتفاجأ وارتاع من اللي دخلت عليه توقع انها ماره من السيب بس تدخل هذا اللي ماجا على باله

بس جمالها سلب عقله

كان يناظرها ماوخر عينها منها مبتسم من تحلطمها



اما هي مانتبهت له حطت القهوة على الطاولة

رفعت راسها

الا عامر يناظرها

اتفاجأت وارتاعت شهقت

وطلعت تركض

اما هو:فابتسم على حركتها وعفويتها بس بجد سلبت قلبه

الا يدخل ابو حاتم

وهو مبتسم

عامر:منزل راسه ومبتسم

العم:هاه عساها صلحت لك

عامر:بضحكة مين اللي صلحت لي

ابو حاتم:بنتي(وقاله السالفة)

عامر:يضحك يعني مهنا غرض ولا شي انت وابوي خططتوا لكل شي

ابو حاتم :هاه وانا عمك

عامر:بابتسامة صلحت ياعمي نسبك ماينعاف وبقلبه بنتك ماتنعاف

ابو حاتم:تسلم ياوليدي


هناء راحت لامها يمه مين اللي بالمجلس

الام:عامر

هناء:وليه ماقلتي لي

الام:قالت لهاالسالفة

هناء:نزلت دموعها ليه كذا يمه وش بيقول عني الحين وش بيقول

ردي يمه علي



الام :من كثر ماتردين من الخطاب تعبنا معك كل ماتقدم احد طلعتي فيه عذروب بعدين ماهوب قايل شي ولاهوب عايفك بسم الله عليك جمال واخلاق

هناء:بس بها الطريقة ماينفع يمه

وطلعت لغرفتها تصيح



بالمجلس:

عامر:انا أستأذن أجل ياعمي

ابو حاتم:تعش عندي

عامر:لا ي الغالي ماابي أتأخر

ابو حاتم:اوعدني

عامر:الجايات أكثر

سلم على حاتم وامه

ابو حاتم:يبلغ سلم على الوالد والوالدة واخوانك

يبلغ

فمان الله

بحفظ الله


طلع عامر من البيت باحساس ثاني غير اللي دخل به

صورتها مافارقته

شغل السيارة وهو يضحك ويهز راسه لما تذكر روعتها و شهقتها لماشافته

وطلع كان وده يروح يتكلم مع تركي بس تذكر انه شاري الهدايا ووش كثر مشتاق لفرحه

وضحك لا بالله يا عامر هذا الحب من اول نظره



اتصل ابو حاتم على ابو عامر

ابو حاتم :ابشرك ترى رضا

ابو عامر:الله يبشرك بالخير

ابو حاتم:ترى باقي الامور الحريم بيتفقون عليه

ابو عامر:على بركة الله
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ابو حاتم:وش سوت هناء

امها:تحلطمت وصاحت هاه بشر



الابو: لا عجبته وام عامر بتكلمك تتفقون على الامور الباقية

وانا بطلع أكلمها





هناء بغرفتها تبكي وش بيقول عني ووش بيفكر

عالة عليهم ويبون الفكة مني

اكيد موب راضي

ليه كذا ليه



الا بابها يدق:

الاب:فتح الباب وشافها بفراشها تبكي

بسم الله عليك ياغلا ابوها هناء

وراح لمها

هناء:ليه يبه ليه سويت فيني كذا انا عالة عليكم


الاب:لا يمه مانتي عالة ابد

وانا ماسويت الا اللي فيه مصلحتك

ولو قلت عامر خطبك وبيشوفك مارضيتي ورديتيه صح

هناء :بس وش بيقول عني يبه

ابو حاتم يمسح دموعها ماقال شي حبيبة ابوها

عجبتيه يمه

وهو مايرد رجال اخلاق ومحافظ على الصلاة بوقتها

وبخاف الله فيك وكل الصفات اللي تبينها فيه

هنا :بس حتى ماخذتو رايي

ابو حاتم:هذا انا آخذ رايك فكري على مهلك

(ابو حاتم اب حنون وصديق لبنته مرة)


هناء:خلاص افكر

الاب:يالله قومي غسلي وجهك وتجهزو بعشيكم برا بمناسبة الخطوبة



؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عند حاتم وتركي

وصل حاتم تركي لباب الفلة

وحط الهدايا بجنبه

وقال:يالا ياتروك نشوفك السبت بالشركة

تركي:ان شاء الله

دخل تركي للبيت مشتاق لفرح استقبلته

روان هلا هلا والله بتروك


تركي:هلا وين فرح

روان:ههههههههه مشتاق لها هاه


تركي:وينها

روان:تصلي المغرب فوق

تركي:طيب اممممم ممكن تساعديني وتوصلين معي هالاغراض

روان:ابتسمت أكيد يااغلا اخ بالدنيا

تركي:وصل اياد

روان: اكيد تقريبا له 3بس ادق ومقفل

وصلوا لحد الاصنصير اللي يوصل لداخل الجناح ودخلته



تركي: مشكورة وعلقي الكيسة بيد الكرسي

روان: طيب و العفو ياقلبي

وضغط الاصنصير وطلع



اشتاق لرؤيتها لابتسامتها العذبة

لحيائها


وتورد وجنتيها خجلا منه


كانت فرح تفكر في تركي ومتى يجي


الا يدخل عليها

قامت يوم شافته وابتسمت


تركي:ابتسم لها


فرح:(حركت قلبها هالابتسامة ) هلا قلبي


تركي:وهو مبتسم


(يرمق لتلك الفرحة التي ابت الا ان دخلت قلبه وباتت تسكن فيه

يتراقص قلبه فرحا لمرآها ومرأى ابتسامتها التي تفرحه)


بتخليني هنا


فرح:ابتسمت له وانزلت رأسها خجلا منه لنسيانها ذلك

فابتسامته لها كفيلة ان تنسيها كل شيء


تركي:كان يناظرها الين وصلت له ودفته

فرح جيبي الكيسة اللي ورى

فرح:جابتها

وقال :هذي هدية مني لك

فرح:اتفاجأت لي

تركي:ايه افتحيها

فرح:طلعت الهديتين وفتحت الصغيرة وكان جوال

رفعت راسها له: مشكور قلبي

كان يرمقها بنظره غير غير عن كل مرة نزلت راسها حياء من نظراته

تلك التي تنم عن مكانتها بقلبه

وآآآآآآآآه لقد أحبك تركي فرح

أصابتها نظراته بصميم قلبها


تركي:العفو امممم افتحي الثانية كان يتلذذ بمتابعتها في فتح هداياه وكيف هي الفرحة في عينيها

فرح:فتحت الهدية الثانية

لاب توب بلونها الوردي المفضل


ابتسمت


رفعت راسها له لتراه يرمقها بابتسامة عذبة جعلت قلبها المرهف ينبض بعنف كاد يسمعه :مشكور تركي

تركي:ابتسم لها العفو عجبتك

فرح بحيا :ايه

تركي: فرح

فرح :رفعت راسها نعم وتلاقت عييناها بعينيه

فعيناه مليئة بمشاعر الشوق والحب التي فسرها عامر له بعد ان اختلطت عليه

وهي كانت تتراقص فرحا لتلك الابتسامة التي ستساعدها برد جميله


هي هنا ردا لجميل فقط


تركي بجبروته وقسوته خضع لك


لم تضعي بحسبانك فرح ان تركي سيسكنك قلبه


هزتها نظراته وابعدت عينيها من عينيه هربا من مشاعر وأحاسيس اختزنتها بقلبها واقفلت عليها





هاتي الجوال


وعطته الجوال


وطلع شريحة وركبها فيه وخزن رقمه

وقال:رقمي مخزن

تفضلي جوالك وخزني الارقام اللي تبين

بس رقم عهود لا

فرح: خذته مشكور

ثم قال:اما اللاب توب بكرة ان شاء الله اذ رجعت من الدوام نشوف وش ناقصة من برامج واحملها لك

تركي:فرح

فرح:نعم

تركي:يريد ان يصارحها بالمشاعر التي يمتلئ بها

لكن ماذا سيقول لتلك المرهفة

تركي رجل والرجل يصعب عليه البوح بمكنون الحب بقلبه


ــــــــــــــــــــــــــــــــــــــــــــــــــــــــــــ ــــــــت
نرجس واياد

نرجس:اياد ماودك تريح

اياد:أكيد

نرجس:الغرفة جاهزة

اياد:قام يبي ينام

يووووووووه نسيت أفتح الجوال

نرجس:بابتسامة اها اشتقت لروان

اياد:اكيد

نرجس:الله يخليكم لبعض


راح اياد للغرفة مرهق تعبان غلبه النوم ونسى يفتح جواله


روان :تدق مقفل

ياربي المفروض واصل من 4 ساعات

وتدق كم مرة


أكيد فيه شي


ابدق على نرجس

مقفل

ياربي استر المفروض يدق يطمني

بكت

وطلعت لفرح وتركي


؟؟؟؟؟؟؟؟؟؟؟؟؟

تركي:انا

الا الباب يضرب

راحت نعم

روان :انا

فرح فتحت لها الباب

روان خشمها أحمر

فرح:وش فيك ادخلي

روان : أدق على اياد ومقفل عسى مافيه شي

فرح:هدي بالك يمكن انشغل والا جا وتعبان ونام الغايب عذرة معه

روان:لا مو بالعادة بالعادة يدق علي يطمني

الحين واصل له 4 ساعات وزيادة

الا تركي يجي

وشاف روان تبكي

تركي:عسى ماشر ليه تصيحين كالعادة مادق

روان:اياد مقفل جواله المفروض وصل وفاتحه

تركي:حبيبتي أكيد وصل تعبان ونام

روان ببكى:أول مره يسويها بالعادة يدق

تركي:دقيتي على نرجس

روان:ايه ومقفل

تركي:طيب رقم الشقة

روان:ماعندها ثابت خايفة عليه وزاد بكاها

تركي:هدي أكيد انه تعبان ونام مواصل من أمس

ولما يقوم بيكلمك

فرح:هدي حبيبتي وتفضلي ارتاحي

روان: لا بروح أكلم خالي

تركي:طمنينا

روان:ان شاء الله


ونزلت روان

’’’’’’’’’’’’’’’’’’’’’’’’’’’’’’’’’’’


تركي:تراها كل ماسافر كذا تقلبها مناحة وشوي وبيكلمها

فرح ما ودك تشوفين أهلك

فرح:بشوق ممزوج بفرح الا ودي

تركي:يوم الاحد بالليل بنروح لهم

فرح:يعني بعد بكرة

تركي:ايه

فرح:مشكووور

تركي:مشتاقة لهم

فرح:بالحيل

تركي:بابتسامة وانا ما اشتقتي لي

فرح:فاجأها السؤال وأطرقت رأسها خجلا

نعم هي اشتاقت له ولكن لن تبوح به

فلقد أقفلت بوابة قلبها

تركي:بس أنا اشتقت لك

فرح:اهتزت أبواب قلبها الموصدة

لقد ابااااااح تركي بشوقه


تشربت وجنتيها بحمرة الخجل

التي ابتسم لها تركي


ليرفع رأسها بيده


ويرمق عينها الجميلتين بنظرة حب



كادت تفتح بوابة قلبها

تركي وعينه بعينها:يريد ان يقرأ شوقها له فيها

لكن اطرقت راسها خجلا وبالاحرى هربا

تركي:: بطلع أصلي العشاء وبرجع أتكلم معك بموضوع عهود


فرح:أغضبها ذكر اسم تلك الانسانة على لسانة ولكنها تداركت غضبها

وبابتسامة هوت بقلبه انتظرك بالحديقة



ــــــــــــــــــــــــــــــــــــــ

عامر:وصل للديرة

ولقى أمه وأبوه جالسين برا

ينتظرونه


دخل بسيارته

ولقاهم جالسين وابتسم عرف وش يبون

نزل

ووصلهم

وسلم عليهم

وجلس عندهم

ابو عامر وامه يتفحصون وجهه

ابو عامر:هاه صلحت لك

عامر:ايه

ام عامر:الحمد لله والله اني كنت اتمناها لك

عامر:بس ليه سويتوا بنا كذا

ام عامر:بلاك ذبحتنا من كثر ماتأجل

عامر:ههههههه ذبحتكم مرة وحدة

عن أذنكم بروح أبدل وأصلي وارجع اتقهوى معكم



الاب :الله يرضى عليك

عامر:آمين


ــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــ

الى هنا ترسو سفينتي على شواطئ ليلاس

ويقف قلمي قليلا عن اكمالها لظروف قاهرة خارجة عن ارادتي تجبرني على التوقف والابتعاد الى ان يشاء الله


فأريد منك أختي اضواء الصباح ان تقفليها حتى تنقشع سحابة تلك الظروف من سمائي

لأعود ابحر بروايتي

السلام عليكم و رحمة الله و بركاته

تغلق بطلب من الكاتبة

ربي يسهل عليج فله و تنورينا من جديد


...........

مساء ااخير و.المغفره

تفتح بطلب من الكاتبه

حياج ربي يا فله تنورين المتصفح من جديد

موفقه يارب



........

مساء الخير ... مساء كثر مااشتقت لكم فيه آل ليلاس


رجعت لكم بعد غيبة


وابارك لكم بعشر ذي الحجة



تفضلوا البارت:



البارت السابع



عامر :

صورتها لم تفارق خياله

جمالها ...وعفويتها .. وتصرفها عندما تفاجأت بوجوده

كفيلة بأن تسلب قلبه...

عامر وهو يصعد للدرج يبي يبدل وينزل لتحت

نفسي اكلم تركي

أحس ابي أفضفض هاللي بقلبي

الحين حسيت بشعورك ياتركي الحين


....................

هنا تمسح دموعها


وتتذكر الموقف وكيف كان يناظرهابابتسامة

ابتسمت بحيا




عند اياد



صحا من النوم وهو قايم يحك راسه الا تذكر ان جواله مقفل

يووووووووووه تذكر اهله وروان

مادقيت اطمنهم

وفتح الجوال الا اتصال يوصله من ابوه

اياد:هلا باابوي الغالي

ابو اياد:هلا وينك يبه اقلقتنى عليك




اياد:ماعلي بخير وصلت حدي تعبان ونمت


الاب :نوم العوافي نرجس كيفها


اياد:سكت شوي وبنبره مخلوطة بضيقه وهم ماعليها وبنجي بعد يومين

قدموا روحتكم للعمرة والا أجلوها


الاب حس بشي بس ماحب يصر عليه لانه يعرف ولده

ماراح يتكلم وهو متضايق

اياد:تامرني بشي

الاب:لا وقفل منه وهو قلبه قابضه على بنته

بس ماعمرها شكت وتكلمت هي من النوع الكتوم

بس كانت نظراتها حزينة




عند عهود وامها وأبوها

الاب: ترى رحلتنا لمكة الليلة الساعة ثنتين ونص

الام:وليه مو تونا

ابو اياد: ادري بس اياد كلمني ويقول بيوصل هو ونرجس الثلاثاء للكويت

ام اياد: مو كذا خططنا

عهود:حست بفرحة

امممم أجل بكلم خالتي عشان السواق يوصلني لبيتهم

ابو اياد:لا يمه انا اوصلج روحي تجهزي

عهود بفرحة:ان شاء الله 5 دقايق

قامت لغرفتها تركض

الام والاب :يناظرونها ويبتسمون لها


الام :مو غريبة ترجع بدري

الاب :الا وقلبي قارصني لان نبرة اياد ماريحتني

الام: لا ان شاء الله خير



الا جواله يدق

ابو اياد:هلا بروان

روان:هلا عمي شلونك

بخير ياعساج بخير

عمي اتصل على اياد وجواله مقفل

ابو اياد:تو اتصل علي وبخير ويقول راحت علي نومة وماعليه طيب وبيوصل الثلاثاء للكويت ويقول انه بيدق عليج

روان:الله يطمن قلبك عمي

توصي على شي عمي

سلامتج وسلمي على امج وتركي

روان :يبلغ وسلم على خالتي وكشرت عهود

ابو اياد:يوصل


وقفلت وهي شايلة بخاطرها عليه لا كلمها ولا طمنها

مو عادتك يااياد تنساني مو عادتك ونزلت دموعها



ــــــــــــــــــــــــــــــــــــــــــــــ

عند عهود وهي تقفل الشناط

مشتاقة لك تركي والله لاخليك ترجع لي وتكره هالفرح

راح أمحيها من حياتك انت لي وبس

وطلعت بشنطتها




ام اياد تتصل على أم تركي

ام اياد:السلام عليكم

ام تركي: وعليكم السلام هلا وغلا

ام اياد: وشلونكم

ام تركي:بخير جعلك بخير وانم وشلونكم

ام اياد:ماعلينا الليلة سفرتنا

وعهود بتجي لج الحين ما اوصيج عليها

ام تركي:لا توصين حريص هي مثل روان
تروحون وترجعون بالسلامة

ام اياد :الله يسلمج حبيبتي

ـــــــــــــــــــــــــــــــــــــــــــــــــــــــ

عهود واقفة لابسة عبايتها وبالشنطة

عهود:ماما وين بابا

الام:طلع ينتظرك بالسيارة

جات عهود وحبت راس امها اشوفك على خير

ام اياد :الله يرضى عليج يمه

وطلعت من الفندق وهي مبسوطة

ــــــــــــــــــــــــــــــــــــــــــــــــــــ

تركي بالحديقة ينتظر فرح


فرح بالمطبخ تجهزله القهوة والشاي


خذت الصينية وطلعت





عهود نزلها ابوها

لا وصيج يمه الله الله بخالتج


عهود:لا توصي حريص


ونزلت



الا الخادمة تنتظرها تاخذ شناطها


لمحت تركي جالس بالحديقة لحالها


عهود بفرحة تركي في الحديقه

التفتت على العاملة:

دخلي الأغراض بتمشى بالحديقة شوي


راحت

الا تقرب منه تركي


تركي:سمع صوتها رفع عيونه نعم

عهود:اخبارك

تركي:بخير

عهود :مابتساالني عن أخباري


تركي:عهود انا وش قلت لك


عهود :بس اخباري من بعدك ماتسر تركي

تركي ان نااا أ ااا ح احبك


تركي:عهود روحي ادخلي


فرح طالعة بالصينية

الا تشوفها واقفة تكلمه

فرح تضايقت

عهود:تركي انا احبك


ليه تركتني وتخليت عني


تركي :عهود انا قلت لك ان اللي بينا مجرد صداقة وقرابة وانتي تعديتي حدودك


عهود:نزلت دموعها افهمني تركي

تركي:وش اللي تبيني أفهمه انسيني ياعهود

فرح هي كل شي بالنسبة لي

عهود:بس انا ياتركي

تركي: حرك عربيته وراح وخلاها

عاد نفس حركته معها تركها

عهود:تناظر تركي بصدمة ودموعها تنزل



فرح كانت تناظرهم من بعيد

حست بضيقة وقهر بس

بقلبها

وتضايقت لما علا صوت تركي

ولما حرك عربيته



عهود مسحت دموعها

واتجهت للفلة ودخلت

محطمة ومكسورة



فرح :طلعت تبي تشوف تركي

وتجلس معه

حطت الصينية

على الطاولة

وأخذت جوالها ودقت عليه

تركي :متضايق ومنقهر من هالعهود اللي ماراح تخليه بحاله أبد

الا جواله يدق ابتسم لما شاف (فرح قلبي)

رد:هلا

فرح:(خبت انها شافته هو وعهود) امممم وينك طلعت

ومالقيتك


تركي:قريب شوي وجاي

فرح:انتظرك

وقفلت منه


الا جاي لها ويناظرها ويبتسم

فرح ابتسمت له

وقامت توصله للطاولة


وصبت له قهوة وناولته

تركي ياخذ منها وعيونها تتأملها


وتتأمل جمالها


فرح:احرجتها نظراته

ونزلت رأسها


تركي:فرح

فرح:عيونها

تركي:شفتي عهود

فرح:لا

تركي :تو جات ولقتني هنا

وقالها السالفة كلها (بس ماقالها اني قلت فرح هي كل شي بالنسبة لي
)
وسالفة عهود


فرح:كانت تسمع باهتمام

تركي:بس ماتعني لي شي فرح ضايقتني بكلامها

ماتفهم ابد




فرح:مصيرها تركي تفهم لا تضيق خاطرك

وبكلامك لها قطعت عليها

كل حبل تقدر تتعلق به وتوصلك


تركي:ماراح تخليك بحالك فرح

عشان كذا لازم تروحين لأهلك لين تروح

ماأبيها تضايقك

هذي مجنونة والله يعيني تسوي اي شي تبي توصل له

فرح :الله يستر منها


تركي:سها شوي
يفكر ببكرة


فرح حست فيه :تركي شايل هم بكرة

تركي:
بكرة اول يوم اداوم بعد الحادث

أحس متردد وخايف من مواجهة الموظفين

ماأبي اشوف نظرة الرحمة


فرح: تركي يفضفض لها مايضايقه افرحها ذلك أصبحت قريبة منه جدا

لم يكن بحسبانها انه غرق بهواها

هي تفكر كيف تعيده كما كان ولم تفكر انه أحبها






فرح(بجرأة مسكت يده وابتسمت له)


(مسكتها ليده حسسته باحساس ثاني هزته)


فرح :تركي شل هالاحساس من عقلك وقلبك


انت الحمد لله مافيك شي واللي صار لك قضاء من ربك

تركي:بس يافرح انا عاجز

فرح:ضغطت على يديه وبابتسامة

من قال انك عاجز ياتركي


بنظري وبنظر الكل ماانت عاجز


تركي لو تخلي هالاحساس قدامك دايم ماراح تمشي أمورك

وراح تتعب



بكرة لما تداوم وتشوف الكل بتقول فرح قالت

تركي: كلامها مشابه لما قاله عامر و بابتسامة لتلك الانسانة

التي باتت تصل لشغاف قلبه

وبات كلامها بلسما يشفيه

احاول انساه احاول



عند عهود

دخلت عند خالتها وعيونها حمراء من البكا

وقلبها ينبض ألم من هالتركي الجامد


خالتها :هلا والله بسم الله عليك

عهود:سلمت عليها و حضنت خالتها وبكت وبكت

الخالة كانت تتوقع انه من سفر أهلها


وهو من تركي


بكت بحضن خالتها

خالتها:يمه هي يومين بيروحون ويردون وش له البكا

زاد بكاها لأن موهذا السبب السبب اكبر بكثير الجرح اللي بقلبها من تركي كبير


؟؟؟؟؟؟؟؟؟؟؟؟؟؟؟؟؟؟؟؟؟؟

عائلة ابو حاتم بالمطعم

الاب والام والبنات

حاتم :يدخل عليهم بعد ماكلمه ابوه

السلام عليكم

وش هالمناسبة الحلوة

ابو حاتم:خطوبة هنا

حاتم:ماشاء الله مبروووووووووووك هنو

هنا :استحت الله يبارك فيك

حاتم:ومن سعيد الحظ

ابو حاتم:عامر

حاتم:بفرح والله الف مبروك

هنا خلاص منزلة راسها من الحيا

بس كيف

علمه ابوه السالفة


حاتم:هههههههههههههههههههه زين سويتوا

الأم:يالله ورنا شطارتك

حاتم:خلينا نفرح بهنو اول

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عند ام فرح وابيها

جابت له العشا

أبو فرح:قوم العشا

ابوفرح:مالي به

شيليه

الام :لازم تاكل يالغالي

ماتشوف حالتك

حالته مترديه مرة

ماعاد تتحمل تشوفه يضيع منها

قامت وهي معزمة تتصل على ام عامر


لازم


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

روان : بكل الم وقهر قفلت جوالها ماتبي تكلمه

مادامه قفل جواله بعد ماكلمه أبوه

يعني مايبي يكلمها

ونامت



؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تركي:بروح أصلي وبرجع وابي أتعشا معاك

بغرفتنا

فرح
: ان شاء الله

دخلت فرح ولقت عهود وخالتها

بكثر ماهي شايلة بقلبها على هالعهود


قد ماهي راحمتها لانها تحس بضياع ونقص بالحنان


عهود اول ماشافتها ودها تذبحها تكرهها كره

هي خطفت قلب تركي منها


ووووآآآآآآآآآآآآآآآآه تذكرت لما قال تركي فرح هي كل شي بالنسبة لي

مالها مكان بقلبه


فرح:حيا الله عهود

عهود (ودها تذبحها تمحيها من صفحة تركي ) الله يحييك وصافحتها


نظراتها نظرات حقد وكره


اما فرح فنظراتها لها شفقة ورحمة


اخبارك خالتي

الخالة:بخير يمه


فرح :عن اذنكم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

فرح:طلعت فوق وصلت العشاء


وجهزت أغراض تركي حقت العمل


وجلست تنتظره


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


تركي

دخل يبي يطلع


يبي يهرب من عهود


الا لقها بالصالة مع أمه


ومازن


كان بحضنها


تركي :السلام عليكم

الكل وعليكم السلام


عهود الألم يعتصر قلبها من صده لها:اخبارك تركي

تركي:بخير

يناظر أمه:الا وين روان

الأم:بغرفتها ماأدري وش بلاها نايمة


تركي:عن أذنكم يمه خلي العاملات يطلعون لنا العشا فوق

الأم:ان شاء الله

عهود:نزلت راسها نزلت دموعها ياااااااه لها الدرجة ماتطيقني بقدر ماهي حزنت بقدر ما مساحة الكره و الحقد لفرح تزيد


طلع تركي فوق


دخل للجناح يبحث عنها

لقاها جالسة تنتظره


قال:السلام عليكم

فرح:وعليكم السلام

تركي:شفتي عهود

فرح:ايه وسلمت عليها

ضايقتك بشي

فرح هزت راسها بلا


ودفته ووصلته للغرفة

وعطته بجامته

تركي:فرح

فرح:عيونها


تركي:ممكن تروحين لروان مانزلت أبد

فرح:غريبة

تركي :يمكن عشان اياد

فرح:انا راح أطلع أشوفها

وطلعت


من جناحهم لجناح روان

ضربت الباب

لارد


رجعت فرح لجناحهم لقت تركي جالس


تركي:هاه شفتيها

فرح :نايمة


تركي:
هي كذا لما تتضايق تهرب من واقعها للنوم

فرح:هذا يتعبها أكثر


تركي: الله يهديها


العاملة تضرب الباب

فتحت لها فرح وجهزت العشا


تعشت هي وتركي


جلس تركي عند التلفزيون


وفرح دخلت وخذت لها دش دافي ولبست لها بجامة ناعمة


وتعطرت وطلعت


تركي عند التلفزيون
فرح:تركي

تركي:التفت لها وجلس يناظرها انسحر من نعومتها


ابتسم


فرح:ماودك تريح بكرة دوام والا نسيت


تركي:يوووووووووه تصدقين نسيت


فرح:بابتسامة لا لا من اليوم ورايح تنام بدري


وقربت منه

دوخته ريحة عطرها


قربته لم السرير


وساعدته


وراحت طفت الانوار واستلقت بجنبه بس كانت بعيدة


فرح:الخجل ذابحني وانا مستلقية بجنبه

بس احس فرحانة لانه بيرجع يداوم

وهذي بداية للي خططت له

واحس صرت قريبة منه حيل فضفض لي اللي بقلبه

الحمد لله






تركي

هالانسانة بأيام قليلة دخلت قلبي

وغيرت لي حياتي


التفتت وشافها بنور الابجورة


كانت معطيته وجهها ومغمضة عيونها


وشعرها الناعم منسدل على وجهها

ومعطيها منظر روعة


كان نفسه يقرب منها ويحضنها


كان وده يقول لها انا أحبك

يقبلها بجبينها ماهو قادر

مد يديه لها يبي يلمسها يبي يسحبها لحضنه يبي ويبي بس ماقدر المسافة كبيرة بينهم


قبض يديه بقوة

تذكر انه عاجز ومستحيل يقدر


غمض عيونه بقوه وانسلت منه دمعة حارة


فرح :باللحظة كانت حاسة فيه فتحت عيونها وشافت دموعه اللي نزلت من عيونه


كان يبي يقرب منها ويحضنها بس فجأة قبض يدينه وضرب رجوله

عرفت وش فيه

دموعه هزتها

تركي يبكي لا لا لا ياتركي




غلبت حياها

نادته تركي

تركي: لا رد

ماسمعها أبد الألم من عجزه قوي

ماحس الا بأناملها الناعمة تمسح دموعه



قربت منه ومسحت دموعه


وحضنته

تفاجأ تركي بحضنها له


كان محتاج له من زمان

حضنها وبكى

رجل يبكي بين يديك فرح ما أصعب بكاء الرجل

احاسيس الضعف والعجز والانكسار تغطيه


حاولت تداري دموعها من الهطول لتحسسه بقوتها فهو الان يستمد منها القوة


فرح بصوت هامس:تركي

كانت تمسح على ظهرة وشعره


تركي:انا عاجز فرح مااا ماا قدرت أقرب منك

ماقدرت كنت ابي احضنك ابيك تنامين بحضني

المسافة بببعيدة أنا ما أقدر


فرح:(بنفسها انا اللي ماقربت منه انا )


تركي لا مانت عاجز مانت عاجز


وربي كنت ابي احضنك واقرب منك وانام بحضنك

بس كنت خجلانة منك


تركي واللي يخليك اذا لي خاطر عندك


اهدأ وشيل ها الاحساس

تركي:ماأقدر يافرح ماأقدر


فرح:تقدر تركي تقدر اذا لي خاطر عندك


تركي :وشلون مايكون لك خاطر عندي وأنا أحبك يافرح أحبك

حبيتك من شفتك

والحين ماعاد أقدر أكتم حبي لك

أوعدك اني أحاول





فرح نزل كلامه عليها كصاعقة ضربت قلبها لم يكن بحسبانها أنه سيحبها


وآآآآآآآآآآآآآآآآآآآآآآآه



لم تعد تستطيع اكمال حديثها فمصارحته لها كفيلة بان تسكتها


اما هو فارتاح قليلا عندما صارحها


نظر اليها فوجدها قد انزلت رأسها حياء


رفع راسها ليرمق عينيها وقد اغرورقت بالدموع


فمصارحته
كفيلة بأت تتصدع لها جدران قلبها وتحدث صدعا يتسلل منه نور حب تركي لداخل قلبها


فهي هنا لرد جميل والان أصبح الحمل عليها كبيرا جدا


فهي لم يكن بحسبانها ان تركي سيحبها


لقد اصبح الان الامر أصعب


كانت تريد رد جميله والانسحاب من حياته بسهوله

كما دخلت بسهولة والان صعب صعب صعب

ستحمل هم تركها تركي وقد احبها

تشتت تفكيرها عندما طبع قبلة دافئة على جبينها


جعلت قلبها ينبض بقوة بقوة


كان يبتسم لها


مسحت دموعها بيديها



واحمرت وجنتيها فقد فاجأها


بقبلته الدافئة المباغته




فرح وهي راسها على صدر تركي :تركي


تركي:ياقلبه وعيونه وروحه


فرح:
ياقلبه وعيونه وروحه
وقعها مؤلم على قلبها

مؤلم مؤلم


هي الان أمام رجل عاشق محب لها

وهي هي لاتريد ذلك بل تريدة

مشاعر مترددة متضادة بقلبها

عندما غط في سبات عميق

متلذذا

بوجودها بقربه


تسحبت قليلا

لتتوضأ وتناجي ربها

بأن يلهمها للصواب


انتهى البارت

يالله كرهت اسم عهود كل ماقرأت روايه فيها عهود شريرهـ ولا من هالنوع .............ألخ
غصب يعني يحبها شي والله

متى البارت الجاي ؟؟