كاتب الموضوع :
الفل للحلوين
المنتدى :
الارشيف
البارت الأول
اليوم مبسوطة فرحانة اليوم ختمت القرآن حفظا
اليوم تلبس ابوها وامها تاج حفظها
اليوم بس حققت حلمهم
افراح تتراقص بقلب (فرح) بطلة روايتنا
عمرها 19 سنة جميلة جدا جدا جمالها أخاذ ما اقدر اوصفها شعرها ناعم حرير الين كتوفها لون بشرتها برونزي فااااااااتح عيونها وساع وانفها طويل وفمها صغير جسمها حلو ومتوسط طولها
انسانة حبوبة وخلوقة من يتعامل معها يحبها
طموحها تكمل جامعة تخصص حاسب الي متفوقة بدراستها تو منتهية من الثانوية بتفوق
حفظت القرآن عن ظهر قلب
حققت امنية ابوها وامها دموع الفرح تسيل على وجهها بعد آخر آية قرتها
ابو فرح :انسان عصامي ربى بنت زوجته على طاعة الله وحفظ القران
يعمل بالمزرعة اللي يدخل منها قوتهم يعني على قد حالهم يحب فرح كنها بنته
تزوج ام فرح بعد ماولدت وطلقها زوجها وسافر ولا يعرفون عنه شي
سوى انها تحمل اسمه واسم جدها
طبعا هو عقيم فربى فرح زي بنته يحبها ويموت فيها لدرجة انه يتكني بها
ام فرح :انسانة طيبة تعمل مستخدمة بالمدرسة جميلة جدا بس الكبر والهم غزاها فرح طالعة عليها تقاعدت هالسنة
فرح تدخل البيت راجعة من الدار فرحانة
لقت ابوها وامها بالصالة يتقهون العصر
فرح: السلام عليكم يا احلا اب واحلا ام
وتحب على روسهم
الاب :ياهلا وغلا ببنيتي الغالية
الام:حياك يمه
فرح:ابشركم اليوم ختمته حافظه
الاب :الحمد لله ويمسح دمعة فرح ملت عيونه
فرح:الا دموعك وراحت وحبت راسه ويده يالغالي
امها: فرحانة عيونها مغرورقة دموع الحمد لله الله يوفقك
التفتت لامها :اليوم لبستكم تاج الحفظ وراحت لمها
ليش الدموع يمه
الام :دموع الفرح يمه
الله يوفقك يمه ويرضى عليك
يالله عن اذنكم ابدل وارجع اتقهوى معكم وراحت لغرفتها
وصلت ركعتين شكر وغيرت وطلعت وهي بطريقها لهم سمعت ابوها يكلم امها
ابو فرح:من زمان مافرحت ياام فرح من توفى اخوي والوضع مايسر والديانة تطالبني ولا عندي
وحتى المزرعة والبيت رهنتها لبو عامر
وين اسدد منه بادخل السجن ومن اتركم له
(ابو فرح هذا تسلف عشان يدخل اخوه مشروع كبير بس للاسف صارت لعبة زي اللي هالايام سرق صاحب المشروع فلوسه وسافر واخوه جاته جلطة توفى على اثرها)
ام فرح:يابو فرح هونها وتهون كلم الامام يكلمهم لين الله ييسر
ابو فرح: تفشلت ماعاد لي وجه من كثر ما أطلب منه يكلمهم
واليوم جاني ابو عامر يطالبني بفلوسه والا بياخذ المزرعة وبيتنا
والا خيرني اني ازوج بنتي لولد أخته المقعد
وقال انه بيسدد كل ديوني وبيسامحني من فلوسه وامهلني لين بكرة
وانا ادخل السجن ولا ازوجها له وادفنها
ام صالح:لاحول ولا قوة الا بالله وحطت يدها على راسها انا لله وانا اليه راجعون بيفرجها ربك بيفرجها
فرح:حطت يدها على فمها تمنع شهقاتها ماتطلع
وراحت لغرفتها
تبكي
ابوي عليه ديون وبيدخل السجن وانا بيدي انقذه بزواجي من ولد اخت ابو عامر بس هذا مقعد ياربي وش السواة
يارب
توضت وصلت
استخارة
ودعت الله
وخلصت صلاة وطلعت برا
للصالة وشافت امها جالسة والحزن غزا وجهها وقالت :يمه وين ابوي
الام:بالمجلس
راحت فرح له وضربت الباب
الاب:ادخلي فرح
فرح :دخلت ودموعها ترفرف بعيونها ماتبي تبكي وبابتسامة كيف عرفت انه انا يالغالي
قال:قلبي وانا ابوك
فرح:الله يطول بعمرك يارب
جلست قدامه وقالت:انا موافقه على ولد اخت ابو عامر سمعتك وانا طالعة بتقهوى معكم
الاب:حالة صمت اعترته هزت قلبه كلماتها لا يمه لا انت تعرفين وش معنى مقعد
فرح:ايه يايبه اعرف موب عيب اتزوج مقعد يالغالي
ابوها:لا يايمه لا لاتدفنين نفسك يالغالية انا بتحمل كل شي
فرح:لا يايبه ماتتحمل روحك بهاالمزرعة وليه ادفن نفسي بالعكس يابوي حياتي بتمشي مثل مابي ودراستي بكملهاوالحمد لله
فرح:تعطي ابوها التليفون كلمه وقله موافقين
ابوها:الدموع ملت عيونه حزن عليها بنته الصغيرة اللي ماتهنت بعمرها واللي فرحها يفرحهم تاخذ مقعد
لا يابنتي لا
فرح: الله يخليك ياغالي اذا تحبني دق
الاب:يدق الرقم
ابو عامر:هلا بابو فرح هاه وش قلت
ابو فرح:موافقين
ابو عامر:زين الله يبشرك بالخير
انتظر منا اتصال
قفل والتفت لها يبي يكلمها
مالقاها
فرح:من كلم ابوها ماعاد قدرت تداري دموعها من انها تفيض من عيونها وطلعت لغرفتها
وبكت وبكت وتذكرت الموقف اللي حصل لها من سنة تقريبا والشاب اللي انقذها وحماها من ناصر وأخته الين نامت ماحست بنفسها
نروح لبيت تركي:
تركي جالس على المقعد ويضرب يديه بالمقعد وهو يتذكر كلام امه
:انت لازم تتزوج ياتركي لازم ابي أشوف عيالك قبل ماموت شفت عيال
روان ولا اشوف عيالك اذا ماتزوجت انا غضبانة ليوم الدين غضبانة عليك
نعرفكم:
تركي:شاب وسيم جميل جدا الكل يحسده جمال وغنى وتعليم درس برا حاسب الي وكان يكمل ماجستير مابقى له شي ويقدم الرسالة ولما جا زيارة لامه صار له الحادث
عمره 27
حصل له حادث وصار مقعد والامل ضعيف انه يمشي
ابو تركي:كون نفسه بنفسه وكون هالثروة من اغنى العوائل
بالرياض
صاحب شركات وابراج ماشي يهزه الا اللي صار لتركي هزه وسبب له جلطة وتوفى على اثرها
والاملاك مايديرها الا عمه ابو حاتم
وتركي رفض يمسكها بعد اللي صار له
ام تركي:انسانة متواضعة وخلوقه حريصة على عيالها وموت ابوهم واللي صار لتركي هزها
روان:متزوجة من ولد خالتها وساكنة بالكويت وعندها ولد
نرجع لتركي:
ليه يايمه انا مقعد معاق يمه ليه تصرين علي ليه
وتذكر يوم انقذ ذيك البنت
ورجع راسه ورى الكرسي وتذكر لما كان ناصر عازمة باستراحة
وهو يدور الاستراحة واقف ضربت وحدة على قزاز السيارة خاف بس لما شاف الدموع بعيونها وشاف سترها
نعم اختي
البنت:داخلة على الله ثم عليك وهي يالله تتنفس من الخوف استر علي ستر الله عرضك
يلحقوني خبني الله يخليك شوف نور السيارة تكفى
تركي:اركبي السيارة وتخبي تحت بين الكراسي
الا ناصر جاي بسيارته ومعه وحدة كاشفه عن وجهها
تركي:تلطم عشان مايعرفه
ناصر :يالاخو ماشفت بنية عليها قل صح تركض
تركي: وحاول يغير صوته لا ماشفت احد
ناصر:بين عليك غريب
تركي:ايه يالاخو تعرف وين طريق العام
ناصر :امش سيده ولف يمين ثم يسار
تركي:جزاك الله خير
وحرك سيارته وابعد وانتظر لين راح ناصر
وقال :يا الاخت عليك الامان وش جابك هنا
البنت: بكل خوف ومشاهق حسبي الله على من كان السبب حسبي الله عليهم لعبت علي وقالت حفل للدار وجيت وما كنت ادري انهم شبااااب وجلست تبكي
تركي :هدي انت بأمان
البنت: ممكن توصلني الين ذيك الانوار
وحرك تركي الين وصلها
نزلت وقبل ماتصك الباب الله يستر عرضك مثل ماسترت علي والله يحميك مثل ماحميتني
وقفلت
واليوم الثاني :
مسكو ناصر بقضية اداب
وانا نجيت بفضل الله ثم دعاء ذيك البنت ايه
حسبي الله عليك ياناصر حسبي الله عليك
وتذكر لما صار له الحادث بنفس اليوم وهو راجع للرياض وتقلبت به السيارة وصحى ولقى نفسه مقعد اللهم لا اعتراض
حرك مقعده وراح لم الاصنصير ونزل لقى امه جالسة بالصالة
وصل لها وقال:السلام عليكم
الام:وعليكم السلام
تركي:يمه انا موافق
الام :بفرحة الله يرضى عليك يمه
وان شاء الله اسبوع وهي عندك ياوليدي
تركي:وش هالسرعة يمه
الام:خير البر عاجلة
(وبنفسها ايه ياوليدي كل بنات العوايل المعروفة رفضوك الا ذي اللي مسكناها بدين ابوها
الله يوفقكم ياوليدي وتناظره وهو بيطلع لغرفته
عزلتك وبعدك عن الناس من بعد الحادث لازم اكسرها بزوجة
تحبك وتحن عليك
سامحني ادري مغصوب)
خذت جوالها ودقت على أختها ام عامر:
رن الا ام عامر:هلا بام تركي
ام تركي:هلا بك يالغالية وشلونك
ام عامر:بخير وانتي وشلونك وووشلون العيال
ام تركي:بخير هاه وش صار على الموضوع
ام عامر:لا وافقوا هم يلقون مثلكم ويرفضون
ام تركي:الله يبشرك بالخير
وديون ابوها بسددها لها
ام عامر:بتجين تشوفينها
ام تركي:ايه ان شاء الله بكرة بس لا تقولين اني ام زوجها
ام عامر:وهي تضحك ههههه ان شاء الله
قفلت ام عامر منها وهي تفكر بحال هالبنت مع ولد اختها اللي اكيد انه مغصوب عليها
تركي:الباب يضرب الا ادخل ياعامر
عامر:ههه كيف عرفتني تروك
تركي :ههههههههه قلبي
يالله تجهز ياعريس بتروح معي لبيتنا بالديرة
تركي:وليه
عامر:هو هو هههههههههه زواجك يامال العافية هههههههه
تركي:ايه هي من ديرتكم
عامر:ايه
يالله عاد وين اغراضك ابجمعها لك
وخذ عامر الشنطة وجهز اغراضه ويحط بدل وترنجات وياخذ ثياب وعطور
تركي كان يناظره:وهو يرتب له اغراضه وكيف هو فرحان له ايه خوي عمره
تركي:يوه وش ذا كله
عامر:هههههههه لزوم القعدة انا ماصدقت انك بتجي وافلتك لا ياخوك
ويغمز له والله وبتصير معرس هههههههه لا تنسانا عاد ثم انتحر
تركي:كان يبتسم ثم لما جاب طاري العرس اختفت الابتسامة من وجهه ونزل راسه وقال :
لا تذكرني انا وين والعرس وين ياعامر لوما امي غضبت على وارضاها فيه ماوافقت
عامر:بس اللي سمعته انها ماشاء الله عليها بنت ناس وستيرة وحافظة للقرآن
وبارة بوالديها وش تبي بعد
تركي:بتنظلم معي عامر انا نص انسان ياعامر عاجز ويضرب يده بقوة على الكرسي نزلت دمعة قهر
الا عامر يجلس قدامه
عامر: الله يهديك وش هالتفكير الاسود تركي تذكر(ان الله اذا أحب عبد ابتلاه)
وانت كاره هالزواج والله يقول(وعسى ان تكرهوا شيئا وهو خير لكم)
يالله بس مشينا بكرة لما تشوفها بتنسى كل شي
نزلوا وركبو السيارة ومشى بهم للديرة
وهم بالطريق:
سوالف وضحك
وجود عامر بحياة تركي يخفف عنه كثير
طبعا تبعد ساعة عن الرياض
وصلوا ودخل عامر السيارة بفلتهم ونزلت الخالة وساعد تركي بالنزول ويركبه الكرسي
الا ابو عامر وام عامر يهلون ويرحبون فيهم
وتعشوا عندهم وطبعا عامر وتركي تعشوا وسوالف وضحك
اليوم الثاني:
ابو فرح :الهم والحزن بادي عليه جالس تحت ظل النخلة ومركي راسه عليها ويفكر بحال بنته
فرح طلعت لابوها بالمزرعة معها القهوة والفطور
وابتسمت لما شافته جالس تحت ظل النخل
فرح بابتسامة :صبحك الله بالخير يالغالي
ابوها :صباحك النور والسرور
فرح:تناظر الهم والحزن بعيونه ضاق صدرها
يووووه يالغالي وش بلاك
الاب:آآآآآآآه بس يابنيتي انت يابنيتي انت
فرح:نزلت راسها تبي تداري دموعها وتخفي حزنها اللي احتوى قلبها
الاب:تضحين عشاني تبيعين سعادتك وراحتك
فرح:وهذا مايستحق التضحية يابوي لو موتي فيه حياة لك اقدمها وهذا أقل شي اقدمه انت ربيتني وحضنتني من انا صغيرة بعد ماتخلى عني ابوي ونزلت دموعها تمسحها بيديها انت دنيتي يابوي
فرح بابتسامة تخالط دموعها:يبه يالله عاد لا تضيق صدري صيحتني انا استخرت ومرتاحة ولا تدري الله مايكتب لابن ادم الا اللي فيه خيرة له
انت علمتنا الرضا بالقضاء وانا راضية رضاك علي يالغالي رضاك
يابوي الله يخليك شل هالحزن والضيقة صحتك يايبه صحتك
الاب:الله يرضى عليك يمه
وصبت له فنجان القهوة وبابتسامة تفضل
وحاولت انها تطلع ابوها من حزنه وهمه
بعد العصر جات ام عامر وام تركي لهم:
ام تركي لما دخلوا للمزرعة وشافت بيتهم دور ارضي وشعبي
حزنت على حال ولدها وانه بتزوجه بنت حالتهم كذا
أم عامر :يالله انزلي
ومشوا لين وصلوا للباب
ام عامر تطق الباب الا فرح :مين
انا خالتك ام عامر ومعي ضيفة
فرح:فتحت الباب وهي تهلي وترحب حيا الله من جاء حيا الله خالتي ام عامر وضيفتها وتسلم عليها و على الضيفة اللي معها
ام تركي:فتحت لنا الباب بنت مثل القمر اعجز اوصف جمالها وترحب وتهلي بنا
عجبتني وعرفت انها فرح اللي بتتزوج ولدي
الحمد لله يارب
الا فرح:تفضلوا حياكم ودخلتهم مقلط الحريم الارضي
خذوا راحتكم بنادي الوالدة
طلعت تنادي امها وتزين القهوة
أم:عامر:هاه وش رايك فيها
ام تركي:ماشاء الله تبارك الله اخلاق ولسان ماشاء الله
ام عامر:انتظري لما تقعدين وتسولفين معها بعد
الا ام فرح:
حيا الله من جاء وقامو وسلمو عليها وبعد السلام والكيف الحال
وين الغيبات ياام عامر؟
ام عامر:ههههه تعرفين تو الاختبارات منتهية وانشغلت مع العيال الله يصلحهم نلا حقهم ملاحق عشان يذاكرون
يوووووه نسيت اعرفك:هذي اختي ام تركي
حيا الله ام تركي
ام تركي:الله يحييك ويبقيك
الا شوي جابت فرح القهوة والشاهي وصبت لهم
ام عامر:هاه يافرح وش بتسوين بعد ماتخرجتي
فرح:ان شاء الله ادخل الجامعة
ام تركي:وش تخصصك
فرح:بابتسامة مشرقة دخلت قلب ام تركي
حاسب الي
ام عامر:بس مافي الكلية شي
فرح: سمعت بيفتحونه السنة ذي
ام تركي:طلعت النتايج
فرح :ايه الحمد لله
ام فرح:ومتفوقه ماشاء الله
وام تركي:واذا مافتحوه
فرح:بابتسامة عاد ساعتها اقرر
وجلسوا سوالف الين اذن المغرب
واستأذنوا وطلعوا
ام عامر بالسيارة مع تركي وعامر
بصوت واطي: هاه عجبتك
ام تركي:ماشاء الله تبارك الله دخلت قلبي
عامر قاط اذنه: عجبتك ياخالة اللي بيتزوجها تركي
ههههههههههههه
ام عامر:حركات اللقافة ماتتركها
تركي:بصمت وبنفسة يااااه هذا قدري عندكم بعد فقيرة يمه وما ادري والا انا من يرضى فيني الا بنت فقر تغريها الفلوس
(صعب ان تظلم دون ان تعايش )
اليوم الثاني:جو الرجال وخطبوا فرح ابو عامر وتركي وعامر
واليوم الثاني سووا التحليل
وطلعوه بسرعة
طبعا مراسبوع ام عامر وام تركي جو زيارة ثانية عشان يحددون العرس الخميس ام تركي حبت فرح وحست انها هي اللي بتطلع تركي من عزلته اليوم يوم الخميس الملكة حتى جهاز ما عطوها
ببيت ابو فرح ما أقدر اوصف شعور ابوها بنته حبيبته
بتبيع نفسها بها الزواج والمقابل حريته
شرت حريته وراحته وقيدت نفسها بحياة مجهولة
يلتفت يشوف تركي كان جالس والحزن مغطيه ماشاف الفرحة بعيونه
ابد
يوقع تركي وياخذ ابوها لها توقع
جاء لقاها جالسة مع امها (الملكة جد مختصرة وام تركي رجعت الرياض تجهز لفرح بعض الاشياء حتى العم ماعلموه وأخته بعد)
والدفتر معه
يابنيتي فكري قبل توقعين فكري
لا تبعين سعادتك يمه
رفعت راسها لابوها وابتسامتها اللي تخبي وراها براكين الحزن
بالعكس سعادتي يالغالي هي لما ترجع لك الارض والبيت وتتخلص من قيود الدين
وخذت الدفتر ويدها تتنافض ووقعت لمصير وحياة مجهولة عليها وشخص ماتعرف عنه الا بس اسمه
الاب:بحزن مبروك يمه الله يوفقك
طلعه ابوه للمملك وتفضلوا الرجاجيل على العشاء بالمجلس وتركي مادخل طلب يطلع مع عروسته
لما طلع ابوها التفتت على امها اللي تبكي
وحضنتها وبكت بكت بكت
امهامن بين دموعها:هدي الله يهديك
فرح:لما سمعت صوت ابوها سكتت ومسحت دموعها
يالله يمه زوجك بالسيارة
لبستها أمها عبايتها وحبت راس أمها وضمتها
وحبت راس ابوها
طلعت مع ابوها لقته راكب السيارة قدام مع عامر
فتح لها ابوها الباب وركبت ورا تتنافض من الخوف
رجال غريب اللي هو زوجها ماشافت منه شي ابد
منزلة راسها والافكار توديها وتجيبها
وتركي:مثلها بعد
طبعا عامر وتركي دقوها سوالف مع بعض
وهي من شدة تفكيرها وخوفها ماسمعت شي
نرجع للأب:
عطاه ابو عامر اوراق الدين والملكية
دخل على امها لقاها تبكي
انهار يبكي راحت يام صالح راحت فرحي مظلومة بها الزواج ياليتني دخلت السجن ولا ظلمتها ولا ظلمتها
كنت اتمنى ازفها بيديني راحت نور بيتنا راحت فرح قلبي
وراح يجر رجوله وتوضا وصلى ودعا الله انه يسخره لها
وصلوا للرياض
وقدام أفخم القصور وقفوا
نزل عامر ونزل الكرسي وركب تركي
اما هي فما عرفت وش تسوي وكيف
فتحت لها وحدة من الخدم الباب
ونزلت لقى امه تنتظرهم وترحب وتهلي
الف الف مبروك ياوليدي
تركي:الله يبارك فيك
وتسلم على فرح:مبروك يمه
فرح:الله يبارك فيك
وطلعوا العروس فوق لغرفتها
اما تركي فجلس مع امه وعامر
ثم قال عامر:الا يابو الشباب ماودك تطلع لعروسك ويغمز له
ام تركي: لا بالله الرجال مطول قم العروس تنتظرك
تركي:طرده هي
عامر:ايه اعتبرها طرده قوم ياشيخ
تركي:هين عويمر اوريك بكرة
عامر والام هههههههههههههه
طلع تركي بالاصنصير
نرجع لفرح
لما وصلتها الخادمة للغرفة (بالفترة اللي جلس تركي معهم بالصالة)
كبيرة وروعة انبهرت فيها غرفة جلوس بتلفزيون وغرفة للتبديل وغرفة للنوم)وحمامين
فصخت عبايتها وكانت لا بسة جلابية فخمة
وشعرها فاكته وحاطة مكياج خفيف (لا تلمونها مهر مادفع لها امها باعت لها اخر قطعة ذهب وشرت لها كم جلابية وشوي مكياج وعطور)
لقت صور له معلقه على الجدار دفعها الفضول انها تشوفه
قربت لم الصورة و شهقت وحطت يدها على فمها
هو هو اللي انقذني هو اللي انقذ شرفي
يااااه قد ايش الدنيا صغيرة
كنت ادعي الله اني يرزقني واحد مثلة وقبل ربي دعائي وتزوجته اهو بس وش صار له ياربي
وش اللي خلاه مقعد
نذرن علي ارد جميلك اللي برقبتي ورجعك مثل أول وأحسن
الا يدخل وماانتبهت له شافها واقفة تتأمل الصور وتتذكر
الا قال:وش تناظرين يابنت الفقر ؟
ارتاعت والتفتت بسرعة له
الا يسكته جمالها غض نظره عنها وبلع ريقه
ونزلت راسها حيا منه
ردي وش قاعدة تشوفين
لارد من الحيا والخوف والحزن لما عايرها كن نت قااعدددة اشوف الصووور
تركي :الكلام يطلع بالقطارة بدينا اسلوب اللقافة حقكم يالفقرا
تفاجأ يوم شافها مقبلة عليه تبي تدفه بالعربية
توها بتدفه
الا صرخ بوجهها : وش قاعدة تسوين؟
فرح :ابساعدك وين تبي تروح
تركي:وش شايفتني عاجز انا اقوم بشغل نفسي ولا لك دخل فيني انت زوجة بالاسم بس فاهمة والكرسي هذا ماتلمسينه
نزلت راسها دموعها بتنزل لا صيري قوية فرح هذا جميله برقبتك ماينسى
وهو بزمرة الغضب
فرح :انا اا سفة انا غلطانة المفروض ماادفك ادري انك تقوم بشغل نفسك
صمت وهدأ غضبه
تركي :ممكن تنقلعين برا الحين مابي اشوف وجهك اللي يجيب الاشمئزاز
طلعت تجر رجولها والدموع نزلت غصب عنها
كلامه قاسي عليها يقطع قلبها من حدته
بس انا مو لازم أضعف مو لازم
لازم أكون أقوى من كذا لازم
الا الباب يضرب قطع عليها حديثها لنفسها
فرح:نعم
الشغالة"العشاء ماما
فتحت لها وأخذته منها ورتبته على الطاولة
وجات بتروح تناديه وخافت يزفها
بس تشجعت وراحت وضربت الباب
مارد
مرة ثانية لا رد
خافت يصير له شي فتحت الباب الا مقفول
عرفت انه مايبي يشوفها ولايكلمها
انسدحت على الكنبه وما اشتهت تاكل وتذكرت ابوها وامها ونزلت دموعها وبكت بكت حضن ابوها ودفا حضن امها بكت ايام حريتها بكت هالحياة الجديدة القاسية عليها
بكت لين غفت ونامت
اما تركي فكان يسمعها تضرب الباب ولا رد عليها فعرف انها ايست
جلس يفكر كيف يطفشها ويكرها فيه مايبيها يكرها
وراح بسابع نومه
صحت متأخرة وتوضت وصلت وراحت تبي تصحيه للصلاة وتراجعت
طبعا متعودة تصحا بدري
تروشت ولبست لها جلابية
وعدلت شعرها وحطت مكياج خفيف
وجلست تنتظر تركي يصحا والا امه ابدا ماحد صحا
جات الساعة 11 توها بتنزل الا تركي يفتح الباب ويطلع بالعربية
لابس بجامة
يوم فتح الباب فزت قايمة منزلة راسها
قالت:صباح الخير
تركي:من غير نفس صباح النور
بننزل نفطر مع الوالدة تحت
حطت الملفع على راسها
خير خير وين طالعة يابنت الفقر ؟ههههههههه حتى لبسك لبس الفقر
بتفشليني عند امي
وين مهرك اللي دفعناه
طمعتوه انتي وابوك
وقلتي لقطة وبيشتري لي كل شي
نزلت راسها لارد المهر ماشافت منه شي
التفت عليها
لو قالت الوالدة سفر والا شي قولي ماراح نروح فاهمة
فرح:ان شاء الله
وخلي الامر طبيعي بيني وبينك قدامهم
نزلوا تحت فرح بابتسامة تحب على راس ام تركي صباح الخير خالتي
ام تركي:تناظرها صباح النور
وجلسوا يفطرون تركي مقابلها
ولا رفع عيونه لها من ليلة امس
(جمالها سحره)
التفتت خالتها وقالت :وين ودك تسافرين
تركي :رفع عيونه لها وقعد يناظرها ابهره جمالها وينتظر ردها
التفتت لخالتها
وبابتسامة دوخت تركي :ما ودنا نسافر ودنا شهر العسل نقضيه عندك يالغالية
ام تركي:التفتت على تركي
تركي:بابتسامة حركت قلب فرح الشور شورها
خلصوا فطور واستأذنت فرح وطلعت ترتب الغرفة
وتو تركي بيطلع الا امه تمد له بطاقة صراف
وش ذي
هذا مهر فرح
ياترى وش بيصير تابعوني بالبارت الثاني
|
12-07-12, 07:06 PM
المشاركة رقم: 1
أ مات الحب عشقا و حبك أنت أحياني
جديد مواضيع قسم الارشيف
العرض العادي
