مساء الورد مساء الحب والشوق


اخباركم آل ليلاس


اولا:مشكورة اختي اضواء الصباح ونجلاء الريم

ان شاء الله اعطي كل شخصية حقها

بعدين ماني عجلة الاحداث بتعرفونها بتسلسل الرواية

هههههههه ياحبي لكم


ثانيا:انا راح اتوقف بفترة العشر الفضيلة اللي بتظلنا الاسبوع الجاي وان شاء الله انزل البارت الجاي بالعيد

اسأل الله انه يرحمنا ويغفر لنا ويجعلنا من العتقاء من النار



البارت الخامس


مشاعر غريبة داهمت قلب تركي وهي بحضنه

احساس غريب ينبض به قلبه

فرح بين أحضانه نائمة يلمس شعرها الناعم


لكن ماهو هذا الشعور هل هو الحب ام احاسيس الرحمة



ابتسم وهو يراها نائمة بأمان كطفلة خائفة وجدت ابيها وراح بسبات عميق


اما فرح نائمة بأمان مستلذة بحضن تركي الدافئ



صحت من النوم على صوت المنبه لصلاة الفجر



فتحت عيونها ببطء وهي تسمع المنبة مع تمازج نبضات قلب

وتنفس رتيب يطاير خصلات شعرها الناعمة ويد دافئة تطوقها


هي نائمة بحضن تركي

الحياء لبسها

حركت راسها بشويش تبي تقوم بدون مايحس





حس فيها وبحركتها وصحا

ابتسم لها

قامت بحيا وجهها ولع

لما شاف حياها ابتسم

تركي:كيفك الحين

فرح وهي تقوم من حضنه:بحيا احسن


فرح وهي تقوم من السرير تقرب كرسيه له:مشكور





تركي: العفو ابتسم وهو يناظرها باحساس غير

راحت تقرب له الكرسي عشان يتوضأ لصلاة الفجر





قربت منه الكرسي وساعدته لين ركب ووصلته لين باب الحمام

وطلعت تتوضا وتصلي

وهي تفكر بحيا كيف نمت بحضنه

وتذكرت ابتسامته وقلبها يخفق حطت يدها على قلبها

لا ياقلبي لا تخفق له



بعد ماخلصت صلاة الفجر

جلست تفكر بالحلم

قلبها مقبوض

الا برجعة تركي من المسجد

شافها جالسة تفكر

قرب منها وعطاها الجوال

رفعت راسها له

تركي:خذي تطمني على ابوك

فرح خذت الجوال منه

واتصلت رن مرة مرتين

الثالثة يجيها صوته محمل بنغمات الالم

الاب:نعم

فرح: يبه

الاب:هلا يمه وشلونك

فرح:بخير وانت طمني عليك يبه صوتك ماهو عاجبني

الاب:وهو يصارع الالام قلبه بخير يمه بس عشاني منسدح

نغمات صوته التعبة لم ترحها

فهي أعلم به من نفسه

فرح:متأكد يبه

الاب:ايه يمه وهو يشد على قلبه من الالم كأنه سيف مغروز بقلبه يشطره نصفين

فرح:يبه يبه بدت دموعها تمطر خوفا عليه

رد علي

الاب:معك يمه وبضحكة جلجل صداها عبر هاتفه رغم الالم



انا يمه بخيرلا تشغلين بالك

فرح:تمسح دمعات الخوف من عينيها الله يطول بعمرك ويخليك لنا

الاب:آمين ويحفظك يالغالية سلمي على تركي

فرح:يبلغ وسلمني على امي

الاب:يبلغ

اغلق سماعة الهاتف

والالم يزداد حدة أخذ الحبة لعل وعسى ان تخففه

عليه فهي لم تعد تنفع وأغمض عينيه عليها

اما فرح


اغلقت الجوال تمسح دموعها والتفتت شافت تركي يرمقها بنظرات لم تعرف تفسيرها

تركي:هاه عسى تطمني

فرح:ايه الحمد لله

يالا بروح اريح وانام ورانا اليوم عزيمة

وانتي فرح قومي ريحي وراك اليوم وقفة ومعازيم

ترى ماتجي عشر الا روان تصحينا اعرفها

فرح:ان شاء الله

تركي:يالا اجل



تركي ماقدر ينام يفكر بعهود ووش بتسوي وبها المسكينة اللي بين يديه

اللي يحس انه ظالمها ومقيد حريتها

وبنفس الوقت مايدري وش الاحساس اللي بقلبه من نامت بين احضانه

لا ياتركي لا تفكر بقلبك حكم عقلك





انا لازم أعطيها حريتها لازم بنت صغيرة لازم تعيش حياتها مع واحد غيري يصونها

مو عاجز


شوي الا تدخل تبي تنام


شافت تركي ماعليه غطا وتوقعته نام


غطته


الله يقدرني على خدمتك








على الساعة 11 الصبح

التليفون حق الغرفة يدق

حوالي 10 مرات

فرح قامت على آخر اتصال

روان:يوووووووووه مايردون

الام:ازعجتيهم خليهم براحتهم

روان:يمه ما اقدر افطر الا وتروك معي

بعدين نسيتي الكوافير جولي بتجي

الظهر

الام:لا بس خليهم على راحتهم

روان :لا بعود أدق

ودقت الا فرح ترد

فرح:نعم

روان:صباح الخير

فرح:هلا والله صباح النور

روان:عسى ما أزعجتكم

فرح:لا بالعكس اشوى صحيتينا

روان:يالله الفطور

فرح:10 دقايق وننزل



لبسوا ونزلوا

صباح الخير

تركي:علامك ياروان ازعجتينا

روان:وش اسوي فيك من 10 وانا انتظرك تنزل

والا نايمين بالعسل

تركي:الحيا ياروانوه

فرح:نزلت راسها حيا

الام:عيب عليك استحي

تركي:الجرأة علينا لو عند اياد تقطعت حيا

روان:اشششش لا تفضحني

فرح:بابتسامة الله يخليكم لبعض

افطروا وسوالف وضحك

روان :شوفي فروحه ترى مكياجك ولبسك عندي بالغرفة بعد اذنك تروك

تركي:اكيد ماعاد لي كلمة وروين قررت

روان:احم احم روان لوسمحت

فرح:تضحك على مناوشاتهم

جات وخذت فرح من يدها يالله تعالي معي لغرفتي

امي خلي مزون عندك لين اخلص

وراحت بها لغرفتها

تركي والام يبتسمون

الام:ههههه لا ياتركي ماعادك شايف فرح

تركي:هههههه اكيد وبنفسه

قريب يمه ارجعها وأعطيها حريتها


بغرفة روان


روان:طلعت فستانها ورته فرح وش رايك

فرح:واااو ماشاء الله يهبل

روان:اختيار حبيب قلبي اياد

فرح:ماشاء الله ذوقه حلو


روان:ههههههه واذوق منه تركي

وراح تشوفين




روان:تدرين يافرح اخوي تركي احس تغير من دخلتي حياته

ماكان يمزح معي ويضحك من بعد ماصار له الحادث

واليوم احس رجع تروك الاول

فرح كانت كلماتها مفرحة لها

فرح:وش قصة الحادث

روان:كان راجع من الديرة كان معزوم عازمة ناصر وطلعت عليه سيارة عاكسة

وضربت فيه والضربة جات بظهره واثرت عليه

وتصدقين توفى ابوي لما درى بالحادث على طول بجلطة ولما درى تركي

عن اللي صار وعن حالته جاه انهيار عصبي

وصحى وهو محطم بس صلته بربه وقتها خففت عنه الكثير

وانت بعد خففتي عنه وكسرتي وحدته


فرح:بنفسها يعني باليوم اللي انقذني من ناصر ومنى

روان :فرووووحه وين رحتي والا الحبيب ماكل قلبك

فرح:لا بس حالة تركي مالها علاج

روان:امممممم يمكن ويمكن لا

فرح:كيف ماحاولتو

روان: الا كلنا بس تركي رافض يسوي العملية

فرح:معقولة وليه

روان:يقول ماراح تنجح ابد

فرح:اها (ياااااه تركي لها الدرجة قاطع الامل )

روان:يالله على يديك أقنعيه يسويها

فرح:ان شاء الله


طيب قومي يالله تروشي لان الكوافير على وصول

مو بجناحكم
هاه هنا عندي

وعندك هنا مناشف جديده واعملي حسابك

ماراح يشوفك تركي الا بالليل



عند الخالة ام اياد

وبالفندق

يالله عهود لا نتأخر على المشغل

جات عهود تركض يالله يمه

ياااااه مشتاقة لشوفتك تركي

وتذكرت زوجته وتبدلت معالم الشوق لغضب


وطلعوا مع اياد للمشغل





عند نرجس:

تلملم أغراضها وأغراض بنتها

الالم بقلبها كبير مجروووووحة ومتألمة ومكسورة

نزلت دموعها لما تذكرته يوم قال :احبها واعشقها

آآآآآآآآآآه


تذكرت يوم خيرها ابوها بين حاتم وجاسم

وتذكرت لما قالت لها روان بعد ماوصل لها تركي

ان حاتم يحبها ويبيها

بس

هي اختارت جاسم خوف من تلاشي حب حاتم لها بعد الزواج وخوف من البعد عن اهلها



يوم جات الملكة ودخل عليها جاسم يلبسها الشبكة كيف كانت خجلانةمنه وكيف دخل قلبها وحبته

بس ماكان مثل اي واحد فرحان حتى ما خذ رقم جوالها ولا كلمها ابد حتى ما زارها

ولما كانوا اهلي يسألوني يكلمك اقول ايه وهولا

وتبكي

ويوم كانوا يقولوا بيزورك اقول انا اللي ارفض مع اني اتمنى زيارة منه

وادور له عذر يمكن مشغول مايبي


بس والله حبيته من جد




وبالزواج

وبالليلة الاولى تركني وطلع

عروس بفرحتها

قلت بتعدل


اهئ اهئ

وكان حارمني من الانجاب ولما حنوا علينا بالعيال حملت ببنتي

ولا حتى لما اسأله تحبني ماكن يجاوبني

كنت أشحذ منه كلام الحب

ولما جبت بنتي جنا تغير شوي ماأدري ليه

(كان يحس بالذنب لانه نقلنا لبرا وتزوجها علي

فمن احساسه بالذنب كان يسمعني كل كلام حلو

عيشني بحب قلت تغير

بس لا مجرد رحمة لي

آآآآآآآآآه ياربي فرج علي


كان يبات برا بحكم عمله وهو يروح عندها تعبت

انا كنت اعيش كذبة بطلها هو

وبنتي الحين عمرها 3 سنوات


يعني بتعيش بعيدة عن ابوها اللي تخلى عنها لي

مايبيها

واللي أخذها كويتيه مثلي امها مصرية ولا هي حلوة

واللي عرفته منه انها كانت تشتغل معاه بنفس الشركة وكانوا يحبون بعض

بس لما جا بيخطبها رفض ابوه لعدم تكافؤ النسب بنظرهم

وزوجوه لي غصب

بس نقلت شغلها ولحقها نقل عمله هناك وتزوجها

وعنده ولد وحامل وكان حارمني من الحمل

آآآآآآآآآه
ماعاد لي حياة هنا كرهته وكرهت الرجاجيل


وتمسح دموعها






تركي:

صعد فوق ومالقاها بالغرفة

تعود بهاليومين يلقاها وتجيه تبتسم له

ياشينك ياروان

هييييييييين اوريك الليلة مع اياد

رجع راسه على ورى وتذكر وهو حاضنها وكيف نامت وهي بحضنه وابتسم

وتذكر حياها يوم قامت من حضنه


نفسه يشوفها قدامه الحين




عند روان وفرح والكوافير

روان :ايه من هنا عدلي الخصل ولماتحطين لها مكياج خليه ناعم

يعكس جمالها

مو تخربينها

الكوافير:ييييه عليكي شو هالكلام الزايد

يعني انا بعمل مكياج ماهو حلو انت اكتر وحدة بتعرفني

لك هايدي ما شاء الله جمالها غير

روان:ماشاء الله وهي تبتسم بعدين جولي وربي امزح(جولي خبيرة تجميل ومكياج وتسريحات صديقة لروان وشريكة معها بمركز للتجميل بالكويت
وجايبتها من الكويت عشان تزينهم)

جولي:لك انتي هيك عم تضيئيني بكلامك

روان:يالله عاد خلصينا

وبدت تزين فرح

ويوم خلصت منها

جولي:يي بسم الله ماشاء الله قمر لك ملكة جمال

روان :واااااو ماشاء الله فروحة ماشاء الله

قومي شوفي

وقامت وشافت نفسها

تغيرت 180 درجة

روان : وربي بينهبل تركي

فرح:انحرجت وقشعريرة سرت بجسمها ماتدري ليه

يالا ياجوجو دوري

وحطت روان المكياج

الا تدخل الخالة

تشوف فرح ماشاء الله تبارك الله يمه ماشاء الله الله يحفظك من العين

قمر

فرح:تسلمين خالتي


وتزينت ام تركي



عند عهود وامها

الام :يمه مكياجج ثقيل وايد

عهود:يمه يعني مو حلو

الام:الا بس البنية تكون نعومة بعدين احنا رايحين عزيمة ماهو زواج

عهود:مابي انا ابيه جذي يمه ولو

وبنفسها(ابيك تشوفني ياتركي وكيف انا حلوة )

يالا يمه تأخرنا

وطلعوا للفندق


بالقصر

حركة كبيرة وريحة العود بكل مكان

تركي:لقى فرح مجهزة له كل شي

لبس وتكشخ ونزل



اما فرح لبست فستانها وطلعت حورية كان فستانها راقي وفخم

وروان

لبست وتكشخت

ولبست مازن

والتفتت لها انتي ماراح تنزلين الحين

لما يكتملوا اجي واناديك
فرح :خلاص

انا بنزل الحين نستقبل المعازيم

ونزلت روان

الا بدخلت خالتها ام عامر

روان وهي تنزل من الدرج ياحي الله من جانا حيا الله خالتي ام عامر

ام عامر:حياك الله

وسلمت عليها

تفضلي خالتي

(نسيت اخبركم ام عامر ماعندها الا اولاد 4

عامر:قد تركي

وحسام:24 سنة يدرس برا طب

وفادي:20 سنة يدرس جامعة

عمر:16 سنة بالمتوسط

رجاجيل ماشاء الله مربين على طاعة الله ورسولة محافظين على الصلاة ماشاء الله لسان وذرابة )




دخلت جلست بالصالة الا ام تركي جايبة معها المدخن

هلا والله وغلا بام عامر

وتسلم عليها وشلونكم

وشلون عيالك

ام عامر:ماعليهم بخير

وتركي وش علومه

ام تركي:لا ابشرك أحسن من أول ونفسيته زينه

ام عامر:الحمد لله وفرح

ام تركي:بسم الله عليها والله مااعتبرها الا مثل روان

الحمد لله يارب


عند الرجال بالمجلس

ابو عامر :وش لونك ياولدي هاه عساك مبسوط


تركي:الحمد لله بخير (تذكر فرح)مبسوط

ابو عامر:الحمد لله ياوليدي الا خالك موب جاي

تركي:لا أعتذر

ابو عامر:حالة ذا اليومين موب عاجبني كنه تعيبان
ماش ماهو ابو فرح اللي اعرفه حتى اليوم ماصلى معنا الظهر

تركي:مكلمينه اليوم يقول طيب

ابو عامر :يابوك انا اعرفه لو فيه اللي فيه مايحكي

تركي:لا زم يشوف دكتور احرص عليه ياعم

ابوعامر:وانا اذا رجعنا بوديه للمستشفى بنفسي

تركي:واذا احتاج اي شي قول لي

ابو عامر:ماتقصر يابوك

عامر:ايييييييييه لنا الله

تركي:عمور وش بلاك

عامر:تزوجت ونسيتنا ايه

تركي بضحكة:لا عاد انسى الكل ولا انساك

عامر بضحكة:ايه سكتني بها الكلمتين

تركي:لا من جد عمور

عامر:تدري تروك ما شاء الله الضحكة شاقة الوجه ومسفهل والا هذي يبيلها جلسة قصدي سمرة بالليل

تركي:ان شاء الله ابد بأسمـــ(وتذكر فرح)ـر نشوف

عامر:اها تذكرتها ترى ماعلي منك اذا ماسمرت معي ماعاد لي كلمة معك ولا عاد اجيك ولاعاد

تركي:خلاص خلاص باسمر معك

عامر:ايه اشوى

الا شوي

يدخل ابو حاتم وحاتم بهيبته :السلام عليكم

الكل وعليكم السلام

وسلموا على بعض


وعامر وفادي وعمر طردوا الهنود اللي يصبون القهاوي

وقاموا يصبون


ابو حاتم:ماشاء الله انا اشهد رجاجييل الله يحفظكم

فادي وعمر:تسلم

ابو حاتم يساسر ابو عامر:ماشاء الله الله يخليهم لك يارب

رجاجيل

وانا ابي واحد من عيالك لبنتي المثل يقول (اخطب لبنتك ولا تخطب لولدك) وعيالك ما شاء الله رجاجيل الله يخليهم لك

ابو عامر:الله يجزاك خير وطلبك مايرد ههههههه

الشباب:


حاتم:ماشاء الله تروك العرس زين


مبسوط والوجه مسفهل

هههههههه

تركي:الحمد لله ولا ترى بداوم من السبت بالشركة

حاتم فرح وانبسط وبصوت عالي من جدك

الكل صمت والتفتوا عليه


ابو حاتم :وش عندك مبسوط عسى بتزوج

حاتم:تركي بيداوم السبت

الاب:ابتسامة فرح علت محياه كان يتمنى هاللحظة

لك البشارة حاتم


عامر:لا لا تروك تغيرت (الحمد لله يارب)


عند الحريم:

تدخل ام حاتم وبناتها السلام عليكم

الكل هلا وعليكم السلام

ام تركي:حيا الله من جا

ام حاتم :الله يحييك ويبقيك على البركة زواج تركي

ام تركي :الله يبارك فيك

وسلموا البنات عليهم وجلسوا يسولفون


الا بدخلت ام اياد وعهود


السلام عليكم

ام تركي:هلا والله بالغالية ويسلمون على بعض

ام اياد:على البركة الله يوفقه

ام تركي :الله يبارك فيك

الا وين عهود ماشفتها

ام اياد:عند المرايا

وسلمت على الباقين وجلسوا

الا شوي تدخل عهود بالفستان العاري القصير والمكياج الصارخ

السلام عليكم

الكل يناظرها مستغرب

وعليكم السلام

وسلمت على الكل

ام حاتم:(جمال بس وش هاللبس العاري والقصير يالله استرنا بس)

ام عامر:ياوخيتي وش ذا اللبس حق عهود وهالمكياج عيب

ام اياد: والله ماقدرت عليها راسها يابس

ام عامر:لا ياوخيتي انتي اللي شيختيها بدلعك والا المفروض الحين ببيت زوجها

ام اياد:الله يرزقها ابن الحلال

ام تركي:الا نرجس وش علومها

ام اياد:ماعليها طيبة وبيسافر لها اياد يجيبها




الا وين زوجة تركي

ام تركي:روان روحي نادي فرح

عهود:تضايقت من سمعت طاريها


الا تروح لها روان

دخلت عليها

يالله انزلي

ونزلت وهي تنزل العيون تراقبها عيون متحمسة تشوفها وعيون تبي تشوف من خطفت تركي منها


يوم اقبلت نازلة

الكل

ما شاء الله تبارك الله

عهود :انقهرت من جمالها ونعومتها

تفضلي يمه على الكرسي ويجون يسلمون عليك

لا ياخالة باسلم على الحريم الكبار مو حلوة يجون يسلمون علي

ام تركي:الله يرضى عليك يمه



سلمت على ام حاتم عند الطرف والله ان تجلسين وتحب راسها

الله يرفع مقدارك

ماشاء الله تبارك الله

وشلونك ياخالة عساك بخير

ام حاتم:بخير

وعلى ام عامر وام اياد اللي انهبلت عليها

والبنات لما جلست جو يسلمون



وجلسوها على الكرسي وجلست روان بجنبها تعلمها منهم


بنات عمي هناء وسارة


وصلوا لعهود اللي استنكرت فرح لبسها

وقالت هذي عهود كانت تدرس مع تركي برا بنفس كليته وكانوا موصينه عليها بس ماأدري اخر ترم اجل وصار له الحادث

فرح:كأن احد صافقها

شافتها كيف جميلة يعني درست معه وشافها كذا

روان:ههههههههه بدت الغيرة ههههه

اسألي تركي عنها

عهود

كانت تناظر فرح
وفرح مارتاحت ابد


بمجلس الرجال:

ياحيا الله من جانا(الشيبان مجتمعين ) وينك يابو اياد مقاطع اللهم يكافي

ابو اياد:ههههههه ادري مقصر بس مشاغل الدنيا

وجلسوا يسولفون


الشباب:

مع بعض

اياد:تروك وش هالحلاة اليوم الكل قام يصفر

تركي:لا اكيد وراك شي

اياد:ودي اشوف روان

تركي:لا ابحرمها زي ما حرمتني

عامر وحاتم:اها وحدة بوحدة وانا نقول وش فيه اياد يتميدح

اياد :لا عاد تروك وش ذنبي انا مسافر بعد شوي
وودي اشوفها

تركي والشباب:ههههههههههههههههههههههه


عامر وحاتم لا لا كذا راح نتزوج اذا العرس يسوي كذا

راح فكر حاتم لبعيد لحوريته اللي يحبها

الا يعشقها وتزوجت وسافرت

وحلف مايتزوج بعدها احد

كان يحبها من لمحها بمطبخهم يومهم جاينهم بالمزرعة

اييييييييه يالدنيا

نرجس اللي خذت قلبي وعقلي وتزوجت






الا جوال تركي يرن
تركي:هلا روان

اياد نط عند تركي يتسمع والشباب يضحكون

طيب الحين جاي واياد وهو يناظره

اياد يستعطفه

معي بيجي

انفرجت اسارير اياد


وراحوا يدخلون

عامر:وين رحت حتوم

حاتم:يزفر للي خذت قلبي ياعامر

عامر:نرجس

حاتم:ياشر براسه ايه

عامر:انساها هي شافت حياتها وانت شوف حياتك



حاتم:واللي خلقني ما اتزوج ابد راحت وراح قلبي معها الله يحفظها


عامر:امين




عند الحريم

تغطوا يابنات تركي بيدخل

الكل تغطى الا عهود

ام حاتم:وراها بنتس ماتغطت يام اياد

ام اياد:انحرجت
عهود يمه وينها عباتك

روان:عهود هاك عباتك تغطي تركي بيدخل

عهود:بصوت عالي تسمعه فرح تركي عارفني وانا عارفته ماعليه غطا

روان:رمت عليها العباية وقالت وعدك عند اياد

عهود:ماله علي كلمة وابوي موجود

فرح:حست بضيقه من هالعهود وكيف ماتغطت

الا يدخل تركي:

السلام عليكم

الخالات وام حاتم وعليكم السلام

سلموا الخالات وباركو

وام حاتم سلمت من بعيد وباركت


ودفته روان لين عند فرح اللي من رفع عينه وشافها انبهر فيها ملكة جمال وعليها فستان ياخذ العقل
ماعاد قدر ينزل عيونه منها

تركي:ترى اياد برا يبي يشوفك

روان:هاه وابتسمت

طلعت الا هو برا ينتظرها

روان:حبيبي

اياد:التفت لها وانبهر ماشاء الله قلبي

روان:حلو

اياد:الا يجنن حبيبتي

جنني تركي متى خلاني اشوفج

روان:اشتقت لك

اياد:وانا اكثر

روان: مسافر الحين

اياد:ايه

روان ترجع بالسلامة

اياد:الله يسلمج

يالله انا بتأخر عن الرحلة

روان :بحفظ الله

ورجعت تدخل

ماقالت عن عهود ماتبي تكدر عليه ووراه سفر

روان :هين عهود وعدك بعدين

تركي بصوت واطي:مساء الخير فرح

فرح منزلة راسها:مساء النور

تركي: فرح

فرح بحيا نعم

تركي:ارفعي راسك بشوفك

رفعت راسها له وانبهر فيها وبجمالها

ابتسم لها ابتسامة زادت نبضات قلبها



(عهود كانت تناظرهم منقهرة وقلبها يغلي وكيف تركي يناظرها بنظرات ماقد ناظرها بها ابد ودها تنهي المهزلة هاذي بنظرها هي قامت واتجهت لهم بكل قلت ادب وحيا )

الكل استغرب

ام عامر :بنتك علامها قايمة عند تركي

ام اياد:ياقلبي تبارك لهم ماتعد تركي الا اخوها بعدين انتي ناسية انهم درسوا مع بعض

ام عامر:ماقلنا شي بس زودتها

ام تركي:هوه وشفيك ام عامر تراه مثل أخوها

ام عامر :بس عيب وش بتقول ام حاتم

ام حاتم:بنفسها لا حول لاقوة يالله استر علينا فاصخة وقليلة ادب

مالقت من يربيها

نرجع وصلت لتركي

تركي: .. الا تقطع عليهم كلامهم بمياعة

عهود:تروك قلبي

تضايق تركي ونزل راسه وصد

تركي: نعم

عهود:الف مبروك تروك

فرح:مستغربة الجرأة وقلت الادب حست بضيقة ماتدري ليه

تركي:الله يبارك فيك

عهود:تروك وش بلاك صاد عني وبمياعة زايدة تروكي قلبي تدري اني زعلانة منك لانك ماخبرتني عن زواجك ورفعت عيونها تناظر فرح باستحقار

تركي:عهود وش أخبرك عنه انتي ماتفهمين انتي ماتعنين لي الابنت خالة وبس واسمعي تستري انا ماحل لك تفهمين

وفرح:تناظرهم بعيونها وتساءلات بقلبها

عهود:اللي كلامه ضايقها بالحيل

ورفعت عيونها لفرح وهي تحمل الشر والكره


رجعت روان وتضايقت بالحيل لما شافتها قريبة بالحيل من تركي شوي وتحضنه

روان:عهود

عهود:تقلب عيونها خير

روان:خالتي تبيك

وزفرت من الغضب وراحت



نرجع

التفت تركي لفرح:وشافها ساهية تفكر

تركي:فرح

فرح:ياقلبها

تركي:اتمنى ماتتضايقين وبخبرك سالفتها بعدين

فرح:بابتسامة اكيد قلبي

تركي:يالله انا بأستأذن برجع للرجاجيل ابي اودع اياد

مسافر

فرح:بحفظ الله

روان :دفت تركي الين الباب وخلته بيجي عامر يرجعه الا تلحقه عهود

من الباب الخلفي

وبجية عامر اللي سمع وشاف كل شي


عهود:تركي

تركي:خير عهود

عهود:ليه ياتركي انا احبك

تركي يزفر:عهود وش قلنا اللي بيني وبينك صلة قرابة وانا ما اشوفك الا اختي افهمي وفرح هذي زوجتي اتركيها بحالها

عهود:تحبها تركي

تركي:السؤال فاجأه احبها والا ما حبها انت وش يهمك

عهود:تحبها

جاوبني تروك والا مغصوب عليها

تركي:عهود ادخلي داخل ولا لك دخل بحياتي انتي فاهمة

دخلت عهود داخل والكره لفرح يزيد

الا عامر:
تركي

تركي :تعال عامر

خنا نروح للمجلس

عامر:عهود ضايقتك

تركي:هالبنت ما ادري متى ينصلح حالها

عامر:سمعت كل شي

ولا راح تخليك


تروك اجل الموضوع بعدين وابتسم ترى وصلنا

تركي دخل لقى اياد يسلم وجا وسلم على تركي

فمان الله تروك

تركي :توصل بالسلامة

اياد:الله يسلمك ولا اوصيك على قلبي وولدي

تركي:هههههههه لا توصي حريص



وطلع

تركي تفضلوا حياكم الله العشاء


نرجع للحريم:عهود تمسح دموعها وتعدل مكياجها عند المرايات

والله لارد اعتباري واخليك تجي لين عندي تقول تزوجيني



روان:وين هالنشبة عهود

ولا تقول امي بتقعد عندنا الا الله يصبر بس بتعفس حياتهم

والتفتت تشوف فرح جنبها

روان:فروحه

فرح:نعم

روان:لا تهتمين لها العهود وهي داخلة تمشي وراحت بجنب امها

فرح:ابد ماهتميت وبداخلها متضايقة


ام تركي:تفضلوا حبايبي على العشاء حياكم الله


وقاموا

مسكت ام اياد عهود

انت وش سويتي

عهود:ماما ماسويت شي بس رحت ابارك له

الام:الكل ينقد

عهود:ماما ماعلي منهم ماسويت غلط

الام:الله يهداك يمه

وقاموا يتعشون

فرح اخذت لها من البوفيه

وراحت تبي تجلس الا هناء والبنات يأشرون

وراحت جلست بجنبهم

الا عهود تلتفت وراحت عندهم

هناء يوم شافتها مقبلة

لاحول وش جاب هالنشبة بعد

عهود:هاي ممكن اجلس معكم

الكل ساكت

هناء: تفضلي

فرح ما ارتاحت


والتفتت تناظر فرح

فروحة يااه انا اعرف تركي تدرين كنا ندرس برا

بنفس الجامعة

ولا بعد ساكنين جنب بعض وبينا باب

البنات طيروا عيونهم

وبعد ياقلبي تدرين اني اعرف عنه كل شي وهو يعرف عني كل شي


وكنا نحب بعض بعد

بس الظروف فرقتنا

فرح هنا تضايقت وماقدرت ترد

ولما صار له الحادث

قلت اني احبك وابيك لو حالتك كذا

بس رفض وقال اني احبك وعشان احبك مابي اكون عالة عليك

بس اللي ابفهمه كيف تزوجك

وكيف رضيتي به

اللي سمعته انكم فقراء

هنا فرح ماعاد قدرت تكمل


هناء:انتي وش دخلك جاية تقولين قصة حياتك

بعدين انا اعرف بولد عمي اشكالك ماتناسبه ابد

قال ايش قال يحبني

الحمد لله والشكر

ولو يبيك ويحبك ماضحى فيك ههههههه


الكل ههههههههه

فرح كانت تداري دموعها بس كلام هنا برد قلبها

وعهود قامت وخذت صحنها اكيد ماتقدر ترد


هناء:فروحه ماعليك منها اكلي

فرح:ابتسمت لهناء



يالا عاد لا تسمعين لها ولد عمي واعرفه



روان:جات وعهود قايمة من الطاولة

فروحة:فرح نعم

روان:وش قاعدة تسوي الغثة

الكل ههههههههههه

ابد تقطط كلام

روان:فروحه لا تسمعين لها ابد

فرح:ماعاد قادرة كلامها زرع الشك بقلبها




عهود:

اففففف هناء هذي الله ياخذها

سوسة بس وبابتسامة شر زرعت بقلبها الشك


بالطاولة عند البنات

هناء:فرح انتي من هنا

فرح:لا انا من ديرة اللي ساكن بها ابو عامر

روان:وش عندك ترى وحيدة اهلها

هناء:قلت يمكن عندك اخو واخطبه قصدي تخطبيني له

البنات ههههههههههههههه

فرح:ياليت ماشاء الله عليك جميلة

هناء:تقلب عيونها

روان" دارين انك حلوة ترى

ههههههههه

فرح انبسطت مع البنات بالحيل


كانت عهود ترمقها بنظرات من بعيد

وكيف تضحك ومستانسة اكرهها


عند الرجاجيل


ابو حاتم:يساسر ابو عامر وهو راكب بالسيارة بكرة خل عامر يمرني المغرب

عشان يشوف بنتي الشوفة الشرعية


بس لا تقوله شي والبنت ترى مانيب معلمها


ابو عامر: خلاص اجل

اتعبونا من كثر مايأجلون


ويرفضون


الاثنين هههههههههههههه



ابو عامر ينادي عامر


عامر كان واقف مع حاتم


عامر: نعم

ابو عامر بكرة المغرب تمر عمك ابو حاتم تاخذ منه غرض لي

قبل ماتجي للديرة


عامر ان شاء الله يبه

يالله اجل فمان الله


العم ابو حاتم


ابو حاتم:

يالا وانا ابوك ماطلعوا اهلك



عند الحريم

ام حاتم :يالله فمان الله ام تركي

ام تركي :فمان الله

وينكم يابنات

هناء:يالا لاحقينك

والتفتت لفرح وروان

اجل تقولين هالغثة بتقعد عندكم

روان:ايه الله يعين

اجل اسمعوا تراي عازمتكم الاثنين وش رايكم

والله بنشوف اياد وتركي

هناء :خلاص


ركب حاتم وابو حاتم وام حاتم

يمه وينها هناء

ام حاتم:مع البنات

الا عامر عند دريشة حاتم

الله بالخير يام حاتم

وشلونك عساك بخير

ام حاتم:هلا بوليدي بخير

انت وش لونك

عامر:بخير جعلك بخير

حاتم نزل :ترى وعدنا بكرة الغدا انت وتروك بالمطعم

عامر:خلاص ان شاء الله

الا تطلع هناء ولا انتبهت لعامر يكلم تركي

جات تبي تركب وانتبهت لعامر اول مرة تشوفه من هم صغار



حاتم وهو راكب ويشغل السيارة :وراك تأخرتي

هناء:ابد اكلم البنات

وطلعوا والتفتت تشوف عامر

وبنفسها ما شاء الله تبارك الله



توجه عامر لتركي بالملحق

وجلسوا مع بعض

وكلم تركي روان

هلا تروك

تركي هلا
قريبة عندك فرح

روان ايه:


تركي عطيني أكلمها

روان فروحة خذي تركي يبي يكلمك

فرح:هلا تركي

تركي:هلا فروح اممم يمكن اأتأخر اجلس مع عامر

فرح:(تعرف وش يعني عامرله)خلاص حبيبي براحتك

روان تأشر لها عطيني اكلمه


فرح :روان تبي تكلمك

تركي:عطيني اياها

روان:هلا تروك طبعا عويمر فيه وبتسمر اكيد ويمكن تنام عارفتكم

تركي:ايه وش عندك

اجل اسمع ترى فروحة بتسمر معي وبتنام

تركي:ما عندي مانع

روان:يلا باي

وقفلت

فروحه يالله قومي غيري وتعالي نسمر سوا

ونامي عندي


تراي استأذنت لك من تركي

ومدام فيه عامر ماراح تشوفينه الا بكرة


فرح:خلاص

اجل ابدل واجيك



عند تركي وعامر

عامر:تستأذن من حبيبة القلب

تركي:لا بس اعطيها خبر

عامر:تروك تحبها

تركي:ما ادري عامر لما افكر بقلبي احس لها شي بقلبي ما قدرت افسره ماادري وشو

ولما افكر بعقلي احس اني ظالمها معي بنت صغيرة وحلوة مقيدة مع عاجز مثلي

افكر اني اردها لاهلها واعطيها حريتها
ما ادري احس محتار

واليوم عهود تسألني

تحبها والا مغصوب عليها

ماقدرت اجاوبها ابد

عامر


عامر:لا ياتركي معك بنت ذهبة ماتقدر بثمن

الكل بالديرة يبيها لولده

جاها خطاطيب واجد آخرهم ناصر

تركي:ناصر ماغير

عامر:ايه بس هي رفضت وغيرها واجد من عيال الهوامير

تركي:تخيلها ماخذه ناصر وكيف بتتعذب معه

لا ما اصدق طيب ليه وافقت علي

عامر:النصيب تركي

الله كاتبها من نصيبك لا تفرط فيها

شوف ما شاء الله نفسيتك احسن من اول

تركي:بس ياعامر مابي اظلمها

عامر:وليه تظلمها ليه اسمع ابقولك السالفة كلها مااقدر اخبي عليك اكثر من كذا بس اوعدني اول ماتزعل على أحد ابد وبعدين ابيك تحكم تركي


تركي :اوعدك ابد ما ازعل
وقاله السالفة كلها

تركي: لا ماني مصدق عامر وليه حرام

عامر:ولو ماتبيك كان رفضتك من اول يوم سددتوا دين ابوها ولا صبرت عليك وعلى قساوتك ايه وقاله تركي وش قالها من الكلام

عامر:ماني مصدق لا لا تروك تسوي كذا

نعنبوا شيطانك ضاربها بكتاب الماجستير

هي متمسكة فيك


لا تفرط فيها

تركي:ليه امي وخالتي سوو كذا ليه حرام عليهم

عامر:تراك وعدتني ماتزعل

فكر ياتركي فيها البنت متمسكة فيك

تركي يفكر معقولة يافرح ياااااه وربي ليه هنتك واحتقرتك وانت ضحيتي بنفسك عشان

ابوك وتحملتي قسوتي وتخدميني بعد بكل حب


بس ليه يافرح ليه



عند فرح وروان

فرح تفكر بكلام عهود


روان:فروحة

فرح:نعم

روان
:اللي ماخذ عقلك


فرح:ههههه ابد ولا شي بس افكر بعهود

روان:

اها شوفي حبيبتي سالفتها خذيها من تركي لاني ما اعرفها بالضبط اللي اعرفه ان تركي يعتبرها اخته



لا يروح فكرك بعيد تروك مابقلبه الا انتي

فرح:رمت المخدة على روان يوووووووه عاد روانوه

ههههههههههههههههه

وجلسوا سمروا مع بعض


نرجع تركي وعامر

الكلام اللي قاله عامر عن فرح كبر مساحتها بقلبه كيف هي تضحي بنفسها عشان من رباها

واختارته هو رغم كل اللي سواه فيها




وضحت بحلمها عشانه

بس وش بيصير بالايام الجاية



انتهى البارت

السلام عليكم و رحمة الله و بركاته

صباح الخير و المغفره يا فله .. ربي يعطيج الف عافيه على البارت


تركي و فرح .. متذبذبين حيل و مشاعرهم هشه لانه ما في
مصارحه بينهم .. تركي يظن انها ترحمه و هي خايفه تحبه اكثر
من انها تقضي دينها له .. اتمنى تركي ما يستعجل في قراره
انه يطلقها و اتوقع هالشيء يصير لما ابوها يصير فيه شيء
و هي مالها الا امها و هي مراه كبيره فراح يستمر معاها ...



دخول عهود في حياتهم ممكن يكون خير اذا صارت مصارحه
بينهم و فرح سمعت الكلام من تركي نفسه عشان ترتاح اكثر
مهما كان هو زوجها و تغار عليه ...


بس الدعله قليله الحيا عهود ما راح ترضى بالهزيمه بسرعه
و لا تستلم راح تحاول تخرب حياتهم بطرق شيطانيه كله عشان
تنتقم من تركي لانها تركها بروحها و ضاعت من بعده فتحمله
ذنب صياعتها ...


عامر .. حبيب هالانسان و ربي يسعده مع هناء اتوقع بس ياليته
ما يغصب من طريقه الخطبه او يعرف انه ابوها هو خطبه لبنته
لانه ممكن يفكر انه هناء فيها شيء شين و ابوها يبي يفتك
من حملها ...


حاتم جميل هالوفاء لنرجس اتوقع راح يفرح لطلاقها و يصر
يتزوجها دامها رجعت حرة نفسها بس السؤال هل بيكون راضي
عنها و لا مجرد رد كرامه لانها فضلت غيره عليه .. وهل امه و
.ابوه بيرضون انه ولدهم ياخذ مطلقه و معاها ضنى ...¿


استمري يا فله و بالتوقيق

..........

السلام عليكم ورحمة الله وبركاته

ياصباح ومساء الخير على الفل والكادي

الله يعطيك العافيه فله وتمتعينا اكثر واكثر

فرح وتركي سبحان الله فيه ناس يدورون الشقا والغثاا لانفسهم

تركي ؟؟؟اذا كانت فرح مبسوطه معك ومظهره عواطفها وهي راضيه لبش المثاليه الزايده
وانت واثق انك اذا تركتها بيجيها احد كفو ولا يمكن تبقى بلا زواج انت فيك مواصفات حلوه طالع الجانب الايجابي
لك شاب مقتدر متعلم لطيف عائله مثاليه اكيد الجانب الثاني بيغض الطرف وفرح ما رضت بس الا مبسوطه وراغبه
لا تضيع نفسك وتضيعها خاصه انه بتجي تدخلات خارجيه ...الله بستر من عهود جيتها شر عليهم
خاصه ان زواجهم ماهو ثابت الله يعين فرح.....
نرجس ما دري ليه فله مالها حظ عندك تمرين عليها بسرعه عطيها حقها ما تعودناك بخيله مع ابطالك


ننتظرك

مساء الورد آل ليلاس

العشر مباركة عليكم

أسأل الله ان يوفقنا لقيامها


اللهم انك عفو تحب العفو فاعفو عنا


خيتو أضواء الصباح


خيتو نجلاء الريم


أسعدتوني بردودكم وتعليقاتكم وتوقعاتكم


تركي وفرح

يمكن تتغير حياتهم بعد ما عرف بتضحيتها


عهود الجايات أعظم


نرجس راح تتعرفوا عليها أكثر بالبارتات


حاتم العاشق المتيم بنرجس سيعطيه طلاقها املا بالفوز بها ولكن للفوز بها لابد ان يكون طريقا طويلا شائكا


عامر وهناء حكاية من نكهة خاصة نتعرف عليها قريبا


تقبلوا ودي

أسأل الله لكم

المغفرة والرحمة والعتق من النار