كاتب الموضوع :
الفل للحلوين
المنتدى :
الارشيف
صباحكم الخير
والشوق
البارت الثاني
وتو تركي بيطلع الا امه تمد له بطاقة صراف
وش ذي
الام :هذا مهر فرح ماأمداني أعطيها اياه عطها وخلها تطلع تتسوق
وتقضي أغراضها
والا خلها تتسوق عن طريق النت
تركي اللي حس بالذنب من كلامه لها وكيف ماردت وقالت ماعطيتوني مهر لانها عيبة بحقه
تركي:يمه عطيها انتي البطاقه
بطلع لعامر تبين شي؟
الام:سلامتك يمه بحفظ الله
طلع تركي للملحق وفتحه ولقاه بسابع نومه
الا :عوييييييييمر
عامر نومه خفيف: فز بسرعة
تركي:ههههههههههه بسم الله عليك قوم
عامر على حالته: الله يروع بليسك روعتني وقام يحك راسه ويتمغط
وناظر تركي:وغمز اخبارك ياعريس امس ليلة حمراء والا سوداء
تركي: زفر بالم لا سوداء ماقدرت أتقبلها عامر أحس اني عاجز لما أشوفها مع انها ودها تخدمني ودها بس انا ما قدرت أتقبلها
انا أكرهها
عامر:اللي رأف بحالته
تروك حبيبي وش هالكلام
توكم ماقمتو 24 ساعة من خذتها
والحب يجي بالعشرة
وبعدين وهو يأشر على قلبه افتحه ياتركي
وبتشوف
عامر:مافيه فطور
تركي:ابتسم
ماهمك الا بطنك
عامر:جعل هاالضحكة دوم
وترى أنا ماشي بعد الصلاة
تركي:اقعد عندنا شوي
عامر:لا لا تروك ماأقدر وحبيبة القلب اللي فوق أخاف تدعي علي
لاني ما خذك منها
وبعدين كلها كم يوم وتلقاني مقابل وجهك
تركي:يوووووووووووه ذكرتني
بكلم العم أبو اياد أعزمه
عامر راح للحمام
وتركي دق على ابو اياد
تركي: هلا عمي
ابو اياد:هلا وغلا وشلونك
تركي:بخير
وخالتي والعيال
ابو اياد:بخير كلهم
تركي:ابشرك البارح ملكت ودخلت
ابو اياد :متفاجئ ماشاء الله من متى
تركي:بظرف اسبوع وتراك معزوم انت والخالة والعيال يوم الخميس الجاي بالرياض
ابو اياد: تم يابوك مبارك ياوليدي منك المال ومنها العيال
تركي:سلم على الكل
ابو اياد يبلغ
وقفل وجلس مع عامر وافطر ثم رجع للديرة
نرجع لام تركي
جوالها يدق
ام تركي:هلا ببنيتي حبيبتي
روان:هلا والله كيفك يمه ان شاء الله بخير
الام:انا بخير وانت وزوجك وولدك بخير
روان:الحمد لله بخير
الام:ابشرك تركي تزوج البارح
روان:وانا آخر من يعلم يمه هذا أخوي ومن حقي افرح بعرسه
الام:ياروان كل شيء جا مستعجل وقالت لها السالفة
روان:وهي حلوة يمه
الام:ماشاء الله الله لا يضرها
روان :حمستيني اشوفها
الام:قريب الاسبوع الجاي الخميس مسوية عزيمة بمناسبة زواجه وبعزم الاهل يشوفونها ويباركون لها
روان:وهو مبسوط يمه
الام:تعرفين تركي مايبان عليه
روان:تامرين على شي
الام:سلامتك نشوفك على خير
الام :فمان الله
وقفلت من أمها
بالكويت:
بقصر كبير من أثرى عائلات دولة الكويت
بأحدى الاجنحة قفلت روان من أمها
الا بدخلت زوجها
روان:هلا وغلا بحبيب قلبي
اياد:هلا والله بحبيبة قلب وروح اياد جاء وحضنها من ورا
اخبارج
روان:بخير اشتقت لك
اياد:وأنا أكثر
روان:الوالدة تسلم عليك
اياد:عليج وعليها السلام
رواني قلبي ماودج تغديني والا اتغدى عليج
روان:ههههه لا الغدا جاهز تحت
وبالاصنصير
روان:الا ترى تروك تزوج
اياد:من صدقج تزوج
وانفتح باب الاصنصير
وطلعوا
روان:ايه وكل شي صار بسرعة
اياد:اها
الا وصلوا لصالة الطعام:
لقوا الكل مجتمع على السفرة
ابو اياد:
عمره 70 من أكبر تجار الكويت كويتي الجنسية سعودي الاصل
متزوج من أخت ام تركي
ام اياد: صفاتها مثل صفات أم تركي بالضبط
اياد:عمره 28 سنه جميل ماخذ روان بنت خالته
عنده ولد منها اسمه مازن
عهود:عمرها26 سنه جميلة جدا بس ماتجي ربع جمال
فرح متكبرة شوي درست برا
بنفس جامعة تركي
العلاقة مابينهم صداقة فقط لاغير والسبب وصاة خالته وزوجها بحفظها فكان أنسب حل الصداقة لكن هي تعدت على الخط الاحمر لاعجاب ثم حب
تركي لما اعترفت له حاول يبتعد عنها وفعلا قدر واجل تقديم الكورس حق الماجستير لحد ماتخلص
نرجس: عمرها 24 متزوجة من خارج العايلة عنده بنوته حلوة عمرها 3 سنوات اكيد تستغربون تزوجت الصغيرة قبل الكبيرة
ههههههههههههههههه
لان عهود شايلة فكرت الزواج من راسها ياتركي يا لا
و نرجس هي لها حكاية خاصة
روان واياد:السلام عليكم
الكل وعليكم السلام
جلسوا ياكلون
الا ابو اياد:على البركة زواج تركي من شوي داق علي يبشرني ويعزمني العشاء الخميس الجاي
عهود:اللي انصدمت تركي تزوج مستحيل
انا أحبه تركي لي ماعاد قدرت تكمل أكل
قامت:الحمد لله
الام:ماكلتي يمه
عهود:لا بس شبعت الحمد لله
وطلعت تركض لغرفتها تداري دموعها دخلت غرفتها
وصكت الباب
جلست على سريرها تبكي
نرجع تحت بصالة
الام:بس مادرينا
روان:توي ادري الحين
امي تقول كل شي جا بسرعة ماصدقت وافق عجل بكل شي
تخاف يرفض
الام:الحمد لله انه تزوج وكمل نصف دينه بحاجه لمرة تراعيه وتاخذ بالها منه
اياد:جهزوا حالكم ترا الاربعاء بالرياض
وجلسوا ياكلون وكملوا سوالف
نرجع لعهود عيونها محمرة ومليانة دموع وتشاهق
تمسح خشمها
وراحت لم الدرج وطلعت صورته وجلست تبكي ليه ياتركي ليه
انا أحبك والله احبك ليه فرطت بحبي لك
وتذكرت آخر مرة شافت تركي
كان جالس على الكراسي الخشبية بحديقة الجامعة
جات وسلمت عليه
عهود:السلام عليكم
تركي:وعليكم السلام
عهود:اخبارك
تركي:تمام وانت اخبارك
عهود:مدامك بخير أنا بخير وتفرك يديها ببعض
ناظرها تركي عرف ان عندها سالفة
تركي بابتسامة وش عندك
عهود :تركي ودي أصارحك بشي
تركي:وأنا عندي لك شي
عهود لمعت عيونها كانت تتوقع انه يقول لها انه يحبها
عهود:قول انت اول
تركي:امممممممم وش رايك بعامر
عهود :هزت راسها يعني ماني فاهمة
تركي : كزوج
عهود تبدلت معالمها من ابتسامة لصدمة كأن أحد صفعها على خدها
عهود:رجال و نعم فيه كل بنت تتمناه
اجل اقوله انك موافقه
امممممم لا ماعمري فكرت فيه
تركي:طيب ليه عهود
لاني بصراحة أحبك انت تركي قلبي ينبض بحبك
انا ابيك انت مابي عامر
تركي:انصدم من كلامها وجرأتها وقال لها بنبرة غضب
عهود اللي بيني وبينك علاقة قرابة وأخوة لا أكثر أعتبرك مثل روان
ولا عمري فكرت باللي جا على بالك
هذا شعوري تجاهك
عهود: بس ياتركي افهمني
تركي :انتي تعديتي خط الصداقة والاخوة ياعهود
وقام عنها
هي تناظره يبعد وببعدة غيم الحزن بقلبها وامطرت دموعها وبكل خطوه يخطيها يدعس على قلبها
وش ذنبي حبيتك تركي
ومن عقبها أجل كورس الماجستير وصار له اللي صار
اهئ اهائ
تركتني وحيدة تركي بالغربة برا انت السبب بالي صار لي ويصير
والله ياتركي ماأخليك تتهنى ابد
انت لي انا ايه وبرجعك لي ولو على موتها
نرجع لم السعودية:
بالمزرعة
ابو فرح ضايق صدره البيت فضا عقبها
راحت شمعة البيت يتخيلها بكل زاوية
وامها ضايق صدرها
ابي اتطمن عليها ما أدري وش بلاها
حتى رقم ماعندي أكلمها
مالي الا أم عامر:
وراحت تدق عليها وردت
ام فرح:السلام عليكم
ام عامر:حي الله هالصوت
كيفكم
ام فرح:بخير
انتم وشلونكم عساكم بخير
الحمد لله بخير
ام فرح :ودي اتطمن على بنيتي
ام عامر:تراها بخير توني مقفلة من أختي
وان شاء الله بتكلمكم
ام فرح:من بين دموعها هي بخير
ايه ومبسوطه
الله يبشرك بالخير
وقفلت منها
والتفتت له وقالت تراها بخير ومبسوطة
ابو فرح:ايه الحمد لله
وبنفسة
لا بالله من شفت وجهه وانا داري انه مغصوب وبنيتي بتتعذب معه
والسبب انا وقام قبل لا تشوف
زوجته دمعة تحمل هموم وندم والم وراح من غير شعور يم غرفتها
وتذكر لما كان قبل مايدخل عليها تفتح له الباب وتبتسم له
وتذكر لما تفطر معه وتمزح
حس بخنقه بصدره وتعب والم مثل الم اللي يغرس سكين حاد بالقلب
وطلع برا البيت ياخذ نفس تذكر لما يشوفها تجي لمه تركض وتحضنه هنا عند الباب
انهار على الجدار يبكي وده يغمض ويفتح ويلقاها قدامة
الوردة اللي رباها وكبرها نزعها بقوة وغرسها بارض فيصل القاحلة
يارب رجيتك ارحمها وسخره لها يارب
نرجع:
لفرح
بالرياض:
طلع تركي للغرفة
طلع لها فوق لقاها ترتب غرفتهم
تركي :كان ناديتي الشغالة ترتبها
التفتت وبابتسامة ممزوجة بخجل من اليوم ورايح انا ارتبها وانا المسؤولة عن كل شي
التفتت وشافت شهاداته معلقة
وقالت:هذي شهادتك
تركي:وش عليك انت وش هااللقافة
فرح:نزلت راسها لا لا تضعفين ورفعته اممممم بابتسامة مو لقافة بس يمكن تقول حب استطلاع بس حبيت اعرف تخصصك
ووش دارس لانه ماشاء الله عليك بين انه تخصص دقيق جدا وصعب
تركي باستغراب ممزوج بدهشة:قال كيف عرفتي
فرح بابتسامة ممزوجه بخجل:طريقة كلامك وتنظيمك لكل شي وشكل الغرفة
تركي: تخصص حاسب الي
فرح:ماشاء الله طيب اي تخصص
تركي:هندسة برمجيات
فرح :ماشاء الله انا أحب الحاسب وطموحي أكمل وادرس حاسب بس بصراحة المسار حقك صعب انا ابي اسهل شي
تركي:متى متخرجة
فرح: تو هالسنة
تركي:كم عمرك
فرح:19
تركي:بزر يمه مزوجتني بزر وبنت فقر
ودك تكملين جامعة هنا
فرح:بفرح ايه وتخصص حاسب الي بعد
تركي:بضحكة استهزاء
اجل تبين تضربين عصفورين بحجر يالفقيرة قلتي اخذ ولد العز وأكمل دراستي بفلوسه وتعالي ومن وين تعرفين انتي اصلا الحاسب هههههه ابوك ماعنده يوكلكم ويلبسكم ويخليك تكملين تعليمك هههههه
تكلمي قولي شي والا هذي الحقيقة
فرح :تناظره بابتسامة ولما سمعها كلامه اختفت الابتسامة ومنزلة راسها كل كلمة تطلع منه توجعها
اهانها عايرها
رفعت راسها له وقالت: طبعا بعد رضاك
تركي:تكملة دراسة مافيه انت تسمعين
فرح:ماحبت تناقشه وبابتسامة اهم شي رضاك حبيبي
تركي:سكته كلمة حبيبي اللي طلعت منها
وابتسامتها تسحره
فرح:قلبي ممكن اوديك ترتاح شوي
تركي:لأ انا ماني عاجز كم مرة اعيد واكرر
فرح:بس ودي أخدمك
تركي:راحتي لما تفارقين عن وجهي وترجعين لاهلك قولي كم تبين واطلقك
قولي
فرح :لا رد
قلبها بدأ ينزف من كلماته
تركي:ردي والا العرض مغري وألجمك
ههههههههه فكري وردي لك من الهللة للمليون
ودخل الغرفة وصك الباب
فرح:
واقفة تناظر بفراغ دموعها تنزل بغزاره
حياة صعبة ببدايتها مع انسان صعب وقاسي اهانها عايرها ساومهاو
واحتقرها
كل دمعة تنزل من عينيها تحمل آهات الالم
والشوق للارتماء في حضن ابيها او امها
كم تتمنى حضن احدهما ليواسيها
في محنتها
ويمسح على رأسها
آآآآآآآآآآآآآه طلعت من قلبها
بس تحملي يافرح تحملي
جميله برقبتي
ابرده له ثم انسحب من حياته بهدوء زي مادخلت
مايهم ان رحت لو جاني كلام
المهم ابدعت في رد الجميل
ماالوم القلب وان صابه ملام
ارتجي المعبود ولْجَرحي كفيل
طعنة بالظهر جتني في الظلام
من اعز الناس واعطيكم دليل
المحب احيان يجرح باحترام
لايزيد الطعن او يشفي الغليل
لايسل السيف لو زاد الخصام
او يجيه الفكر ينوي بالرحيل
يكتم الاهاات وان شح الغرام
يذرف الدمعات يوفي للخليل
يحشم المحبوب ويصد السهام
يوفي بحبه ولو كان الـقـتـيـل
انعكس هالحال والله ياحرام
صرت بعيونه مزّيف مو اصيل
من يلوم اللي رقى حد الغمام
كود شخص ٍ عشت في حبه ذليل
تمسح دموعها
لا تتوقعون ان صمتي ضعف أو خوف من تركي لا والله والدموع هي الشي الوحيد اللي يخفف عني
وانا بامكاني أرد وأسكته بس أخلاقي وتربيتي ماتسمح ارد لاي أحد السوء بالسوء فما بالكم بزوجي اللي ارضاه يدخل الجنة
وأنا ابي اتقرب منه أكثر وماتتصورون وش كثر فرحت لما كلمني عن تخصصه
تركي من جواه انسان محطم واليأس سكن قلبه والاحساس بالضعف غلفه
انا لازم أكون جريئه معه شوي لازم
(هههههههه لا يروح فكركم بعيد أقصد ان اتجرأ معه بالكلام
وبعض الافعال الله يعيني بس الحيا يذبحني ادعولي ربي يعيني)
طريقا وعرة أمامك لتصلي لمبتغاك فرح الطريق لتركي مليء بالاشواك
التي يجب عليك اقتلاعها وازالتها والتي لابد ان تخدشك بعض الشي
وتزرعي مكانها الورود
شوي الا التلفون حق الغرفة يرن
فرح:نعم
ام تركي:انزلي يمه ابيك
فرح:ان شاء الله عدلت مكياجها عشان مايبين انها تبكي و
نزلت فرح لخالتها
وجلست
مدت لها بطاقة الصراف
فرح:خالتي وش له البطاقة
ام تركي:مهرك
فرح :خيركم سابق وتركي مايقصر ومهري اني فزت بخالة مثلك وزوج مثل تركي
الله يطول بأعماركم
ام تركي اللي كلماتها اسعدتها
مهرك وحقك يمه
وانت أكيد لازمك اشياء او محتاجه شي
فرح:خيركم سابق
عطيها تركي خالتي
الخالة:هههههه كل واحد يقول عطيها الثاني
المهم شوفي الصناديق والشناط فيها كل اللي تحتاجينه هذي جبتها لك طلبيه من برا هدية زواجك
شافتها فرح ونزلت راسها حزن
ام تركي تمسح على كتفها:يمه فرح لا يروح فكرك بعيد تراك مثل بنتي
وربي غلاتك مثل روان
فرح:تسلمين خالتي وانا أعدك مثل امي
فرح:تذكرت أبوها وأمها وكيف هي اشتاقت لهم
ام تركي: بابتسامة حنان مدت لها جوالها وقالت :خذي يمه كلميهم
فرح:بابتسامة خذت الجوال
ودقت عليهم
رن طوط طوووووط الا يجيها صوت وش كثر اشتاقت له
فرح:يبه
الاب:ماصدق دمعت عينه ياعيون ابوك وروحه
فرح:نزلت دموعها وشلونك ووشلون امي
الاب :بخير انت وشلونك
فرح تذكرت كل شي:بخير ونعمة ومبسوطة يبه الحمد لله
وتركي ماقصر معي
الاب:حس براحة بس مغلفة بشك الله يوفقك ويسخره لك
فرح:جزاك الله خير
الا يبه امي وينها
الاب:نايمة يمه
فرح:اجل أكلمها بوقت ثاني سلم عليها
الاب :سلمي على تركي
فرح:يبلغ
وقفلت الا خالتها كيفهم
فرح تمسح دموع الشوق الحمد لله بخير
ام تركي:ارتحتي
فرح:الحمد لله الله يخليك لنا ويطول بعمرك
الا وين تركي
فرح: نايم
اجل لا تصحينه ابرسل غداه له
قومي يمه الغدا
وقاموا يتغدون
الا على فكرة:الاسبوع الجاي فيه عزيمة كبيرة عشانكم
والكل بيحضر
وشوفي وش ناقصك حبيبتي
المصممة بتجي اليوم المغرب
تصمم لي ولك
فساتين
فرح:ان شاء الله
خلصت واستأذنت وقلت:ابصعد فوق لتركي
اصحيه واعطيه غداه
الا الخادمة رقت لها هدايا خالتها
ورقت فوق
فرح:حطي الاغراض بالزاوية هناك
وراحت للطاولة وجهزت غداه وراحت لغرفته وضربت الباب
وفتحته الا هواء التكيف البارد يصقع بوجهي والغرفة ظلام
قربت لم السرير
وبصوت واطي:تركي تركي
تركي:همممممممممم
فرح:قوم تغدا
تركي:فتح عيونه الا يشوفها
فرح:يالله قلبي تبي تساعده يقوم
الا يدفها وخري عني كم مرة قلت لك انا أقوم بشغل نفسي وبصراخ انقلعي برا
فرح:اتفاجأت بردت فعله عليها
وقفت بعيد شوي
تطالعه كيف يقوم
تركي:اطلعي برا وش موقفك
فرح:تقرب له الكرسي
وبلا رد
تركي:هاتيه هنا وقال برا صمخا ماتسمعين
فرح :قربت له الكرسي وطلعت
بس بنفسها سوت انجاز
لما حست به رايح للحمام الله يكرمكم دخلت وطلعت له داخليات وحطيت الثوب على السرير والشماغ قريب منه
وطلعت بسرعة قبل مايطلع ويزفني
وجلست بالصالة انتظره عشان يتغدى
تركي :طلعت من الحمام الله يكرمكم لقيت اشيائي مجهزة فوق السرير
ولا شفتها
وعلى طول لبستها وطلعت لقيتها جالسة بالصالة
سمعت الباب ينفتح:
الا يطلع بالكرسي المتحرك
ويشوف الغدا مجهز
على الطاولة
كم الساعة
فرح:ثلاث العصر
وليه خليتيني نايم
ماحبيت أقومك وجبت الغدا معي
تركي:هيييييييييهه وش شايفة نفسك انتي
هاه تتصرفين من كيفك
المفروض تصحيني اتغدا مع امي يابنت الفقر
والا تبين تستفردين بكل شي هههههههه
ترا مالك كلمة هنا انتي والجدار واحد
شيليه انسدت نفسي من شوفتك
وراح يبي ينزل
لحقته فرح:عيوني أنا اسفة ماكنت اعرف ان يهمك تصحى وتتغدى مع الوالدة وربي ماكنت ادري
تركي:انقلعي عني توها بترجع الا تعالي وش قررتي باللي قلت لك
فرح بنفسها لازم تتجرأين : تركي أناابيك و لو حطوك بكفه وفلوس الدنيا بكفه أختارك انت
وطلعت وخلته
تركي صمت لفه ماتوقع هالرد يطلع منها
ايه ماتوقعتها ترد كذا كنت أتوقع انها تساومني بتوصل للمليون
بس الغريب انها أختارتني انا واختارت الحياة معي رغم عجزي
غريب أمرها غريب
(لقد أزالت تلك الشوكة التي اقفلت باب حدائق قلبك أحسنت
فرح )
فرح :ماأدري وش هالجرأة اللي جاتني وخلتني اقول هالكلام
وصمته بعد ردي عليه ؟؟بدا يلين تركي بدا
الحمد لله لك يارب يارب يسر علي خدمته ورد جميله
|
14-07-12, 02:08 PM
جديد مواضيع قسم الارشيف
العرض العادي
