كاتب الموضوع :
♫ معزوفة حنين ♫
المنتدى :
القصص المكتمله
البــــــــارات الاخير
...
...
...
...
((بعـــــــــــــــــــــــــــــد سنــــــــــــــــــــــــــــــه ))
ببيت ليلي
ايمان وبدر جالسين عند ليلي
ايمان وهي تاكل امها:كولي يايمه كولي ياحبيبتي
ليلي وهي تاكل من يدين بنتها وتهز راسها
ايمان:قولي يمه ايش بتقولي
ليلي:مرت سنه على وفاه اختك
ايمان بحزن:الله يرحمها يايمه
ليلي:انا ظلمتك وربي جازاني بوفاتها
ايمان وهي تحط يدها على شفايف امها:لاتقولين هالكلام يايمه
ليلي نزلت دمعتها وهي تناظر بدر وهي بكرسيها:ابيك تداريها وتسعدها طول عمرك يابدر
بدر وهو يبتسم:صدقيني ايمان بعيوني ياخالتي
ليلي:تسلم لي عيونك ياولدي
ايمان وهي تقوم وتبوس راس امها:احنا لازم نروح الحين يمه وبجيك بكرا
ليلي:طيب حبيبتي
ايمان بصوت عالي:نووووور
نور وهي تدخل الصاله:سمي
ايمان:ابيك تنتبهين لامي مايحتاج اوصيك
نور:لاتوصين مدام
ايمان ابتسمت وهي تناظر بدر:نمشي
بدر وهو يقوم:يلا
ايمان:مع السلامه يمه
ليلي:مع السلامه
طلعو وركبو السياره
وايمان سرحت رجعتت بذكرياتها لوراء
رجعت لليوم اللي جتها ام راشد تطلب السماح منها
تذكرتها وهي تطيح عند رجولها وتطلب منها السماح
ايمان وهي تنزل لها:مسامحتك بس لاتطيحين عند رجولي
ام راشد وهي تبكي:ارجوك سامحيني وحلليني
ايمان ودموعها تنزل:محللك ومسامحتك على كل شي
ام راشد وهي تبوس راس ايمان:الله يسعدك
ايمان ببتسامه وهي تمسح دموعها وتقوم وتقوم ام راشد:امين
دق جوالها وردت عليه وجاها الخبر عن امها واختها
راحت تركض للمستشفي مع بدر
واللي كان بوجهها هو عبدالله اللي كان يبكي كان منهار
صورته لهاليوم مو راضيه تطلع من بالها وهو يبكي كانه طفل
ايمان:اختي وامي صار لهم شي
عبدالله وهو يبكي:خالتي بالعنايه بس قلبي انا ماتت الروح اللي عايش عشانها ماتت راحت وخلتني
ايمان ودموعها تنزل:انت شتقول
عبدالله وهو منهار:رحيق ماتت ياايمان راحت وريحت الكل بس انا تركتني لحالي بهالعالم انا كيف بعيش وهي النبض لقلبي
انا حبيتها كنت بتزوجها انا انا
ايمان بكاء:يكفي ارجوك
عبدالله وهو يمشي:رحيق ماتت ماتت
انهارت على الكرسي وهي تبكي على اختها:اختي ماتت
بدر وهو يجلس جنبها:الله يرحمها هذا يومها واللهما لا اعتراض
ايمان:انا ماعاملتها زين قسيت عليها وهي ماتت قبل ماتسامحني
بدر:انا واثق انها مسامحتك لاتنسين انها اختك
ايمان حطت راسها على كتفه وهي تبكي:مااتت وماسامحتني يابدر ماسامحتني
بدر وهو يشد على يدها:امك عايشه قومي لها خليها تسامحك
ايمان وهي توخر راسها وتقوم:امي
بدر:ايه روحي لها
ايمان وهي تبكي:راح اخليها تسامحني مابي افقدها مثل اختي
بدر وهو يقوم معاها:امشيي
راحو للعنايه وشافت امها والاجهزه عليها
ايمان بكاء:ماما
بدر وهو يضغط على كتفها:ادخلي لها
ايمان كلمت الممرضه ولبستها اللبس المخصص للعنايه ودخلت لامها
قربت من امها وهي تمسك ايدها وهي تبكي:ماما سامحيني انا اخطيت بحقك انتي امي ولازم اسامحك انتي جنتي
انتي كل شي لي بهالحياه سامحيني ياماما تكفين لاتتركيني انا مالي غيرك مالي غيرك
نزلت على الارض وهي تبوس يدين امها وهي تبكي على اختها اللي ماتت وعلى امها اللي بالعنايه
تبكي على كل لحظه ضاعت وهي بينهم وماعاشتها معاهم
دخل بدر بعد مالبس مثلها وقرب منها وهو يرفعها:قومي حبيبتي
ايمان وهي تبكي:خليها تقوم وترد علي تقولي اي شي بس ترد علي
بدر:بترد حبيبتي بس هي تعبانه الحين
ايمان:من عمل فيهم كذا مين
بدر:راح نعرف بس امشي
ايمان وهي تمشي معاه:ابي اعرف وضع ماما
بدر:الحين نروح لدكتور
ايمان هزت راسها ودموعها ماجفت
وراحو لغرفه الدكتور
بدر:السلام عليكم
الدكتور:وعليكم السلام تفضلو
بدر:وهو ماسك يد ايمان ويدخلون:دكتور حبينا نعرف وش المريضه اللي بالعنايه ليلي
الدكتور:اللي جت من شويه ومصابه برصاص
بدر:ايه
الدكتور:وضعاها مش حيبان دلوقتي بس احتمال كبير ماتقدرش تمشي تاني لان الرصاص جت على مكان حساس بالعمود الفقري
واحنا متوقعين ماتقدرش تمشي
ايمان ناظرت بدر بسرعه:يعني امي بتنشل
بدر بسرعه:قال ممكن ماقال اكيد
الدكتور:ماحتقدر نعرف حاجه ئبل ماتصحي
بدر:طيب دكتور يعطيك العافيه
قطع تفكيره صوت بدر
بدر:ايمان
ايمان وهي تلف ودمعتها من وراء غطاها تنزل:هاه
بدر:وصلنا وين سرحتي
ايمان:تذكرت اللي صار بحياتي قبل سنه وفاه اختي وشلل امي وانكسار ام راشد قدامي وقوفك بجنبي
بدر:انا على طول بجنبك بس يلا انزلي وخلي عنك هالافكار
ايمان وهي تفتح الباب:طيب
نزلو ودخلو البيت
ميار:اهلن اهلن بالغايبين
ايمان وهي تسلم عليها:هلا فيك حبيبتي
ميار:كيفكم
بدر وايمان:بخير
ايمان:وين خالتي
ميار:ترتاح بغرفتها وانا بروح غرفتي
بدر:طشي فضي لنا الجو
ميار:هههههه طيب وراحت غرفتها
ايمان وهي تمشي:حدي تعبانه ابي ارتاح
بدر:اي جلسنا يومين عند امك ومانمتي زين
ايمان وهي تطلع فوق:اي والله
دخلت الغرفه وهي ترمي عباتها وتعلقها
بدر قرب منها وهو يحضنها:مشتاق لك
ايمان وهي تسكر عيونها وقلبها يدق له:وانا اكثر
بدر وهو يلفها ويبوس عيونها:انتي سعادتي
ايمان:ابي اسالك سوال
بدر:اسئلي
ايمان:ماقدر حسيت انك زهقان او مال مني ومن معاناتي ومشاكلي
بدر وهو ينزل يدينه لخصرها:ولا ثانيه ماعمري حسيت بهالاحساس ابد يااايمان كل اللي كنت احسه بالرغم من كثرت المشاكل
اني ابيك اكثر واتعلق بك اكثر
ايمان وهي تلمس وجهه:احبكك
بدر وهو يمسك يدها ويبوسها ويناظر لعيونها:اموووت فيك
......................
عنـــــد ريــــــان
يفر بسيارته بشوارع الرياض
ومره من عند مقبره وقف سيارته وهو يناظرها وتسقط دمعته على خده وهو يقول:الله يرحمك يااختي الله يرحمك ويسكنك
فسيح جناته
رجع راسه على وراء وهو يتذكرها
مها بصياح:كذاااااااابين ولدي مامات هم يكذبون علي مامات
ريان وهو يمسكها:مهاااا ولدك مات ماحد يكذب عليك ولدك ماتت
مها وهي تدفه:وخرررر عني انا اكرهكم كلكم كذابين ولدي مامات مامات
دخلت الممرضه على صراخها وماقدرو يهدونها الا بابره
بعد اسبوع بغرفه الدكتور
ريان:دكتور ايش تقصد
الدكتور:اختك ماعاد تحتاج تبقي بالمستشفي اختك تحتاج لدكتور نفسي عشان تطلع من الحاله اللي هي فيها
ريان:يعني اختي فيها حاله نفسيه
الدكتور:اختك تحتاج دكتور او دكتوره يطلعونها من هالحاله
ريان وهو يقوم:يعطيك العافيه دكتور يعني اقدر اطلعها اليوم
الدكتور:اكيد انا كتبت لها خروج اليوم
ريان:شكرا دكتور
الدكتور:واجبي
ريان هز راسه وطلع من المكتب وهو يروح لغرفه مها
ام ريان:وش صار ياريان
ريان:الدكتور كتب خروج لمها وبنطلعها الحين
ام ريان :بس
ريان:اللي بمها نفسي وتحتاج دكتور نفسي ماتحتاج تبقي هنا اكثر
ام ريان وهي تناظر مها اللي جالسه وتهز :الله يرجع لبنيتي عقلها وترجع مثل اول واحسن
ريان:جهزي اغراضها يمه يالله
ام ريان وهي تقوم:ان شاءالله
قامت وجهزت اغراض بنتها وجلست تلبسها عباتها وريان شال شنطتها
ام ريان:امشي حبيبتي امشي
مها تمشي مع امها جسد من غير روح
طلعو من المستشفي وريان ياشر لامه:السياره هناك يمه الحقوني
ام ريان وهي ماسكه مها:يالله
مشي ريان وهم وراه
مها رفعت راسها وهي تشوف ولد بعربيه امه تدفه
مها وهي تناظرها:ولدي
ام ريان:هاه
مها وهي تفك يدها وتركض:ولددددي
ريان رمي الشنطه وهو يلحق مها
وكانت السياره المسرعه اقرب وصدمتها
صرخت ام ريان:بنتتتتتتتتتتتتتتتتتتتتتتتتتي
ريان ركض لها وهي على الرصيف وغطاها منكشف
ريان وهو يرفعها:مهااا
مها وهي تنازع وهي نزعاتها الاخيره:ولددددي وبعدها ودعت هالحياه كلها
صرخ وهو يشدها :مهااااااااااااااااااااااااااااااااااااااااااااااا ااااااااااااااااااااااااااا
صحى من هالذكريات على صوت زمور سياره وراه
ريان مسح دموعه وهو يحرك ويرجع البيت
نزل ودخل البيت وهو يسمع صوت القران اللي شغال بكل البيت
ريان وهو يطلع غرفه امه ويشوفها تناظر صوره مها ويقرب ويجلس جنبها ويتنهد:الله يرحمها
ام ريان وهي تمسح دمعتها:هالشي كاتبه ربي ومالنا عليه اعتراض والله يجعل مسكن بنتي بالفردوس الاعلى
ريان وهو يبوس يدينها :امين ياررب
...................
ببيت يااااسر وسديييم
ياسر وهو يمشي سديم:حبه حبه ياقلبي
سديم:ياسر يعني حملت وتبي تخليني كذا امشي حبه حبه
ياسر:ايه اكيد اخاف عليك
سديم وهي تفك يده:خليني امشي براحتي
ياسر وهو يسحبها:لاتعانديني
سديم:يسوري خليني براحتي ماحب احس اني محصوره
ياسر:الا انا اخاف عليك واداريك
سديم:ادري فديتك بس انا حامل مو مريضه
ياسر وهو يبوس خدها:بسم الله عليك من المرض حبيبتي
سديم وهي تبتسم:احبك ياسر
ياسر وهو يناظ ر لعيونها ويلمس شعرها وخدها:وانا احبك واموت فيك بنكمل سنه وانا مايمر يوم الا اعيشه بسعاده معاك
سديم وهي تمسك دقنه:لانك سعادتي لازم اسعدك
ياسر:فديتك والله
سديم بحب:عساك تدوم لي
ياسر بصراخ:اميييييييييييييييييييييييييين
سديم وهي تحط يدها على فمه وتضحك:مجنون
ياسر وهو يبوس يدها:مجنوني وينك تعال بحضني يامجنوني
سديم وهي تحضنه:هاه جيت
ياسر:ههههه يالبي
.....................
ببيت ام تركي
خلود وهي تركض وراء ولدها:تعااااال
نادر وهو يضحك ويركض ويفتح الباب
خلود وهي ترفع راسها:ناااد وسكتت وهي تشوف هاني
هاني وهو يشيل نادر:ليه معذب ماما يالشيطون ويسحب خشمه
خلود وهي تلف تبي تمشي
هاني:خلود
خلود وقفت بدون ماتلف:نعم
هاني وهو ينزل نادر ويقرب منها ويوقف وراسها:ليه تبعدين عني من ملكنا وانا احس انك ماتبيني
خلود وهي تحس بانفاسه وتبعد شوي:مافيه شي انا مابعد عنك بس قريب بنتزوج خلاص
هاني:بس انا زوجك وانتي ماتعامليني على اني زوجك
خلود:ارجوك هاني
هاني وهو يلفها:انا اللي ارجوك انا تزوجتك لانك اخت اعز اصحابي اللي يرحمه وابيك تحتويني وانا بحتويك
خلود وهي تناظر يدينه اللي ماسكات يدينها:اتركني
هاني وهو يفك يدينه:اسف تعديت حدودي نسيت انك ماتعتبريني زوجك
ولف وهو يبي يطلع
خلود:هاني
هاني وهو يلف:نعم
خلود:ماتبي تدخل تشرب شي
هاني وهو متضايق:لا شكرا
خلود:على راحتك
هاني بعصبيه:قاليلي عشانك اقل شي حسسيني اني اهمك لو شوي
خلود بسرعه:وانت فعلا تهمني
هاني وهو يناظرها:اهمك
خلود وهي تلف:يلا تدخل
هاني وهو يبتسم:اكيد بدخل
خلود وهي تمشي:يلا تعال
دخلت الصاله وهي تشوف نادر بحضن تركي
تركي:حيالله النسيب
هاني:الله يحيك وسلم على ام تركي:كيفك يمه
ام تركي:بخير يايمه دامكم بخير
هاني ابتسم وهو يجلس جنب خلود:فديت اللي اهمها
خلود وهي تقوم:تشربون عصير
تركي:ياليت
خلود:وانت هاني
هاني:ابي مثلك
خلود وهي ترجع شعرها لوراء بحياء:اوك وتراك بتوديني لامي
هاني:من عيوني
خلود ابتسمت وطلعت تسوي عصير وهاني وتركي وام تركي يسولفووون
...........................
ببيت ام راشد
بيان وهي تنزل ولدها:يالله يماما امشي لاتتعبني
ام راشد وهي تستقبله وتشيله:هاتيه حبيب جدته
بيان:مدلع حيل يقدر يمشي بس يبي الشيل
ام راشد:اكيد هذا ولدي يحق له يتدلع
راشد وهو ينزل:لاتخربين ولدنا علينا يمه
ام راشد وهي تاخذه:روحو بس ماعليكم منه
بيان وهي تناظر راشد وتضحك:خلاص خرب خرب
راشد:هههه اي خلاص مانقدر نقول له الثلث ثلثين
بيان:ههههههه اي والله
ولحقو خالتهم لصاله
.....................
بالــــــــــسجن
دخل وهو طالعه له لحيه طويله وشكله محزن
مشي وهو يناظر المساجين والضابط معاه وقف عند سجينين وابتسم وهو يناظرهم:دم حبيبتي ماراح هدر
قف وهو يصرخ عليه:رحيق زوجتي انا مو حبيبتك تسمع
ابتسم وهو يناظره:رحيق تحبني انا وماتت وهي تحبني وهي حبيبتي سواء كانت عايشه او ميته اما انت ياحمد
ف مكانك هنا بين جدران هالسجن ان مصيرك الموت انت وهالحقير اللي يمشيك زي الحمار وراه
حمد وهو يصرخ وماسك قضبان السجن:بقتلك ياعبدالله بقتلك
عبدالله بتريقه:ان قدرت توصل لي اقتلني
ومشي وهو يصرخ صراخ حمد
طلع من السجن وهو مبتسم
ركب سيارته وهو يطلع الدفتر الاحمر ويتذكر رحيق باخر لحظه وهي تلتقط انفاسها وهي تقوله :خذ دفتري الاحمر
فتحه وهو يكتب بصفحه من صفحاتك:وصلت لهم ياقلبي واللي قتلوك الحين بالسجن حقك ماضاع ياكيف اعيش وارتاح
وحقك يضيع هالشي مستحيل انتي اخطيتي كثير وظلمتي ناس بس انتي انظلمتي
ماكان بيدك شي
سكر عيونه وهو يتذكرها بمره من المراات بلقائهم
عبدالله:من ايش تخافين
رحيق:اخاف من يوم القيامه من الناس اللي قتلتهم من عقاب الاخره
عبدالله:اطلبي السماح من الله والله غفورا رحيم
رحيق ودموعها تنزل:كل يوم اقوم الليل وادعي الله يغفر لي ويرحمني
عبدالله:ادري انك كنتي ضحيه فايز وجماعته
رحيق وهي تحضنه:عبدالله ارجوك احتويتي
عبدالله وهو يحضنها بكل قوته:انا كلي لك ياقلبي كلي
تنهد وهو يسكر الدفتر وهو يقول:ببقي انتظر اليوم اللي نجتمع فيه بالاخره دامنا ماجتمعنا بالدنيا
حرك سيارته وهو يفكر فيها
وصل البيت ونزل ودخل البيت وهو يشوف امه واخوه وابوه ويدخل بدون مايكلمهم ويطلع لغرفته
جلس على سريره وهو يسكر عيونه ويتخيل رحيق
تذكرها وهي تموت تذكرها وهي مغطيه بالشرشف وميته
حس بيد تنحط على كتفه
فتح عيونه بسرعه وهو يقول:رحيق وعدل جلسته:بشار
بشار وهو يبتسم:مرت سنه ومافيه يوم يمر بدون ماتقول اسمها
عبدالله:ماراح اقدر انساها او اعيش حياتي مثل قبل انا ماقدر ارجع عبدالله القديم انا من دونها ماني انا
بشار:بس هي ماتت
عبدالله:وانا جسد بدون روح يعني ميت
بشار:بعد عمر طويل ياعبدالله شهالكلا م
عبدالله:تكفي خليني بهمي لحالي
بشار:بس انا اخوك وافهمك وامي تبيك ترجع ولدها الاول وابوي كمان
عبدالله وهو يستند على السرير:قولهم عبدالله القديم مات مع رحيق مات
بشار:ليش تقول هالكلام انت عايش و
عبدالله:عايش بدون روحي
بشار وهو يربت على كتفه:ماخبرت ايمانك ضعيف
عبدالله:هالشي ماله علاقه بالايمان انا ماعترض ولا اتمني الموت بس ماعاد ارغب بشي نفس قبل
بشار:يعني
عبدالله:يعني بعد اذنك بنام
بشار وهو يتنهد:زي ماتبي وقام:نوم العوافي
عبدالله:الله يعافيك
طلع من عند عبدالله
وانسدح عبدالله وهو يردد نفس كل يوم:رحيق احببك
............................
بالشــــــرقيه
ببيت كسار ونارين
كسار:اخلي يابنت
نارين وهي تدخل وهي تضحك:شفيك
كسار:جننتني بس تحرك اخوها بحضني وهي متشبصه فيني
نارين:هههههه وخر طلال وخليها هي الصغيره الحين يلا طلال قوم
طلال حرك راسها بلا وهو يناظر ابوه:بابا انا بجلس بحضنك
كسار وهو يبوسه:اجلس يابابا
نارين وهي تشيل بنتها:انها بنت ماتبيها حرام عليك
كسار:بنتك لك وولدي لي
نارين:هههههههههه اوريك انت وولدك وطلعت
كسار ضحك وهو يشيل ولدهم ويلحقها
........................
بجـــــــــــــــــــــده
على رممااال البحر
تتمشي اريج وهي شايله ولدها
وتاشر له على الناس وتلعبه وتضحكه
وجلست عقبها على الرمال وهي تجلسه بحضنها وتناظر للبحر وهو ماسك اصابعها ويلعب فيهم
حست باحد واقف وراها
لفت وهي تتفاجاء:فهد
فهد وهو يبتسم ويجلس جنبها:ايه فهد
اريج وهو مو مصدقه:بس
فهد:طلعت امس وجيتك على طول
اريج:مو حكمو عليك مؤبد
فهد:ايه بس الضابط طلع ولد ناس وقف معاي وساعد بان ملف القضيه ينفتح مره ثانيه ولان قضيتي قضيه شرف
طلعت امس
اريج وهي تبتسم:حمدالله على سلامتك
فهد وهو يناظر ولدهم:الله يسلمك
اريج وهي تمده له:تقدر تشيله عادي
فهد ابتسم بفرح وهو يشيله ويشم ريحته ويبوسه ويحضنه وهو يردد كل ماباسه:بابا انا بابا
اريج كانت تراقبه وهي تبتسم بعدها قامت بتمشي وانت خذ راحتك مع ولدك
فهد وهو يقوم:عادي نتمشي معاك
اريج:فهد
فهد:لايروح تفكيرك لبعيد ماني متامل انك ترجعين واللي بيننا ولدنا وبس
اريج:اوك
فهد:نمشي الحين
اريج وهي تمشي:الحقوني
فهد ضحك وهو يلحقها وجلسو يتمشون ولدهم معاهم
.......................
ببيت ام محــــــــــــــمد
غدير وهي تنزل من فوق:ولد اختك يايمه بيجلطني
ام محمد:ليه بعد ياليتنا ماملكنا لكم على بعض كل يوم متهاوشين
غدير:اوف يمه غثيث يبي يمشييني على كيفه لاتروحي كذا واي مكان تطلعي لي عطيني خبر
ام محمد:طيب زوجك ومن حقه
غدير بقهر:لا يمه مو من حقه انا عند اهلي الحين ماله اي حق يتحكم فيني بس اصير عنده يتحكم على كيفه
ام محمد:والله انتي عوباء ماتنقوين
غدير:يايعدل اسلوبه معاي ياننفصل
ام محمد:تقدري تنفصلي عنه
غدير وهي تبرطم:صراحه لا
ام محمد:اجل اقلبي وجهتس ولاتفردين عظلاتك عندنا
وتركتها وراحت
غدير وهي تشد شعرها:اوووف يضرب الحب شو بيزل
وطلعت لفووق
...................
ببيت فيصل ونوووره
نوره وهي تنزل بتنوره قصيره وبلوزه حمراء وتتخصر لفيصل:طولت عليا
فيصل وهو يقوم لها وهو فاتح فمه:اسامه نام
نوره وهي تبتسم وتقرب له وتسكر فمه:ايه
فيصل وهو يحضنها:يالبي يالبي يالبي
نوره وهي تبعده:لا وخر انت تاخرت علي
فيصل:ااسف حبيبتي ماتتكرر
نوره:مابي انت كذاب انت دب وتمشي
فيصل سحبها وهو يقربها:قلت لك ماتكرر
نوره بدلع:دايم تقولي كذا وتتاخر
فيصل:غصب عني حبيبتي
نوره:طيب
فيصل وهو يسحبها:يلا تعالي
نوره:مابي
فيصل:يلا
نوره بخجل:طيب
...............
بالســـــــــــــــجن
نزلت من سياره هاني وهي شايله ولدها
وناظرته:مابطول
هاني:عادي انتظرك
خلود:اوك
دخلت لسجن وهي معاها اذن لزياره
وجلست تنتظر امها بالغرفه شويه ودخلت امها
خلود قامت وهي تسلم على امها وتحضنها:وحشتيني
ام خلود وهي تبتسم:وانتي اكثر وهي تشيل نادر
خلود:اشتاق لك ولدي وجاك
ام خلود وههي تجلس:فديته حبيب جدته
خلود:ماما انتي مرتاحه هنا
ام خلود:مافي احد يرتاح بالسجن بس انا مغلوبه على امري
خلودوهي تبوس راسها:الشكوى لله يايمه ابوي اختفي عن وجه الارض ماندري وينه
ام خلود:عادي يمه انا تعودت خليها على ربك
خلود وهي بتغير الموضوع:هالدب والفصعون يمه مجنني بس يخليني اركض وراه بالبيت
ام خلود وهي تلعبه:على امه اللي جننتني قبل
خلود:ههههههه لا انا ماجننتك
ام خلود:لاحشا من يقوله
وضحكت وخلود ضحكت معاهااااا
.....................
بنيووووزلاندااا
جالسه تتسوق وتشتري من اغلى الملابس
وعايشه حياتها مبسوطه من بعد ماحصلت على كل هالفلوس
خلصت من التسوق وركبت تاكسي وهي تتوجه للحي اللي هي ساكنه فيه
وصلت ونزلت ودفعت الفلوس لتاكسي وهي تبتسم وتقوله:الباقي لك بخشيش
وراحت لشقتها فتحت الباب وهي مبتسمه ودخلت وهي تسكر الباب وتدخل بالاكياس للغرفه وترميهم على السرير وتلف وتتوسع عيونها
وهي تناظر بطنها والسكين اللي انغرست بطنها
دفاها على الاكياس على سريرها وهو يشيل القناع عن وجهه:يقولك فايز يافاتن مو بسهوله تفلتين من يده وهو يقدر يلاقيك ويوصل لك
حتى لو كان بالسجن وسحب السجين من بطنها وهي تصرخ
وطلع وتركها
حطت يدها على بطنها وهي تشاهق وتنزف
سكرت عيونها ودموعها تنزل وهي تتذكر الشرطه لما مسكوهم وهي اخذت الفلوس وهربت
وعاشت حياتها وتوقعت انه من بعد ماينمسك
مستحيل يلاقيها بس هذاهو لقاها وكان مصيرها مثل مصير رحيق
شدت على الشرشف بقوه وهي تلتقط اخر انفاسها بالحياه
وفارقت الحياه وهي بين اكياسها اللي حملتهم معاهم من الاسواق
واللي فرحت فيهم
.........................
النهــــــــــــــــــــــــــــــــــــــــــ الودااع ــــــــــــــــــــــــــــــــــــــــــــــــــ ــــــــايه
|
15-06-12, 01:19 PM
..
جديد مواضيع قسم القصص المكتمله
العرض العادي
