كاتب الموضوع :
♫ معزوفة حنين ♫
المنتدى :
القصص المكتمله
الباااااارت الاووول
(مبعثره)
ادري انك ماتمنيت الصدف
لكن الحظ الردئ من يمنعه
.....
بــــدايه روايتي من هذا البارات
بدايـــه الالم بطلاتي
بــدايه يوم جديد
احببت ان اوضح لكم
انه لاتوجد بطله معينه بالروايه
وكل مايجول بها قصص نساء
المهم لكل واحده منهم الالم خاص ووجع لايشعر به سواها
بعضهم من خيالي اضفتهم
والبعض الاخرى قضايا نعيشها والالم نراها باعيننا وليس فقط نسمع بها
اتمنى لكم الاستمتاع بكل مايدور بروايتي
ملاحظه(روايتي تحمل فيها الحزن اكثر من الفرح لذالك اتمنى ان تكونو على علم بذالك وان لاينتقد احد الالم الذي فيها لان الالم لنساء بهذه الحياه الذي رائته اكثر بكثير مما ساكتبه )
......
نبداء
..
ببيت اهــل سديم
بغرفه سديم
جالسه تحط روج وتتعطر
اندق باب غرفتها
سديم:وعد ادخلي
وعد دخلت وهي تصفر:لالالا اختي راح تغطي على العروس
سديم وهي تاخذ العطر وتعطر:صدقتك
وعد:والله تهبلين حصني نفسك
سديم:ان شالله خلاص روحي اخرتيني
وعد:كان ودي اروح معاك بس تدرين الدراسه وماتسوي
سديم :مو مشكله حبيبتي اهم شي دروسك
وعد:طيب حمود ينتظرك تحت
سديم خذت عباتها وشنطتها:غريبه متنزل وبيوديني
وعد:اي فاضي قال يوديك بطريقه
سديم ابتسمت وهي تقفل غرفتها وتنزل مع اختها:ذاكري زين نبي نسبه
وعد:طيب وباركي لنوره عني
سديم:يوصل ياقلبي
ناظرت بالساعه ونزلت باست خد امها وهي تبتسم:تامريني بشي يالغاليه
ام محمد:لا يمه بس انتبهي على نفسك
سديم:من عيوني
ام محمد:الله يحفظك
سديم:امين ياررب
حطت غطوتها عليها وطلعت وركبت جنب اخوها
سديم:السلام
محمد:وعليكم السلام
سديم:غريبه بتوديني
محمد:شفت نفسي فاضي قلت اوديك على طريقي
سديم:تسلم
محمد:متى بترجعين
سديم:عقب زفه صاحبتي بطلع لازم ابقي معاها لين عقب الزفه
محمد:طيب كلميني اذا بغيتي ترجعين وان كنتت فاضي مريتك
وان ماكانت فاضي ارسلت لك السواق
سديم:طيب
محمد وقف عند القاعه:يالله انزلي
سديم فتحت الباب ونزلت للقاعه ودخلت
وراحت عند المرايات ورمت عباتها وجلست تناظر نفسها بفستانها التركواز وبشرتها البيضاء تعطرت وهي تبتسم وتشيل شنطتها وتدخل برزه
شافت صاحباتها وهم ياشرون لها
وابتسمت وهي تروح لهم
سديم:تاخرت
ريناد:كان ماجيتي
سديم:ادري تاخرت واجد سورى
ساره:مو مشكله اجلسي
روعه:التركواز عليك يجنن
سديم ببتسامه:تسلمين وانتي طالعه قمر
روعه ابتسمت
سديم:تعالو نروح عند نوره
البنات:يالله
قامو وراحو لغرفه نوره دقو الباب ودخلو
نوره بفرح:اخيرا جيتو
سديم وهي تفتح يدينها وتقرب لصاحبتها وتحضنها بقوه:الف الف مبروك ياحياتي
نوره:الله يبارك فيك ياقلبي
سديم ابعدت وهي تبتسم لصاحبتها:عسى السعاده طول حياتك تخاويك
نوره وهي تتاثر بكلام سديم:انتي احلى صديقه
ساره:لنا الله
ريناد:اي والله
نوره وهي تبتسم:كلكم احبكم بس سديم غير
روعه وهي تبوسها:ندري مايحتاج ربي يسعدك
نوره:امين يارب تسلمين لي روعه
ريناد وساره سلمو عليها وباركو لها وجلسو
سديم وهي تجلس:كيف شعورك خايفه
نوره:شوي حاسه بخوف
ريناد:اي بتصيرين مره خلاص
ساره:خلاص تصيرين عاقه ماتنفعينا
نوره:انقلعي انا على قلبكم
سديم:احلى شي انك على قلبنا
نوره ابتسمت :لبي انتي
روعه:متى يجي سي سيد زوجك ونشوف هاللي اخذ عقلك وقلبك
نوره حمرت خدودها:شوي بيدخل نصور وبعدين اسمه فصولي
روعه:ياعيني يافصولي
نوره ضحكت والبنات ضحكو معاها
سديم:عاد والله تحمسنا نشوف اللي اخذ قلبك من ملكتو
نوره بتنهيده:اي والله احبه
روعه:الله يديم حبكم
نوره:امين
ريناد:ويرزقنا اللي ياخذ عقولنا
ساره بهيام:وه بس متى
سديم:هههههه لاتستعجلون على رزقكم بيجيكم اللي تحبونه ويحبكم
نوره ناظرت لامها وهي تدخل
ام نوره:يمه بيدخل زوجك
البنات قامو عى طول
سديم:اجل نتركك الحين
نوره:سديم لاتروحين
سديم:برجع لك بس عقب ماتخلصون تصوير
نوره ببتسامه:طيب
طلعو البنات عن نوره
ساره:مالي دخل بظل واشوف زوجها
ريناد:وانا زيك مابفوت علي هالشي
سديم:بنات مايصير بالزفه نشوفه
روعه:ليش عاد ننتظر نشوفه من وراء الباب مانخليهم يحسون
سديم:بكيفكم
البنات فتحو الباب وهم يناظرون
ريناد:دخل دخل
ساره:وخري شوي خلينا نشوف
ريناد:اصبري شوي
ساره:خلصي وجع
ريناد وخرت:شوفي لاتموتين
ساره:مشالله علي وسيم حيل حلو
روعه:جد وخري اشوفه
ساره ابعدت:تعالي شوفي
روعه:مشالله ربي يسعدهم
سديم بشوف وخري
ريناد:ههههه توك تهاوشينا
سديم:شسوي كلامكم خلاني ابي اشوفه
روعه:تعالي شوفيه
سديم قربت وناظرت من الباب
ناظرته وزادت فتحت الباب وهي تناظره ابعدت عن الباب والدموع تمتلي بعيونها
ريناد:وش رايك مو وسيم
ساره:حلو صح
سديم هزت راسها بدون ماتتكلم
روعه حست ان سديم فيها شي تعابير وجهها متغيره:سديم فيك شي
سديم وهي تبتسم:لا يالله تعالو نروح لعند الحريم
البنات:يالله
مشو ودخلو لداخل وجلسو
......
......
بكــــــــــندا
بالجــــامعه
رحيق جالسه بالساحه وفاتحه ملزمتها وتذاكر
كانت منسجمه بالمذاكر
ماكانت حاسه باللي حولها طبعها انها حالها بحالها
عبدالله جلس جنبها وسحب الملزمه:اشوف شتقرين
رحيق ناظرته وهي تاخذ الملزمه:وش دخلك انت متى بتفكني من شرك
وناظرت بشله عبدالله اللي وقفين حولها
عبدالله بضحك:ماراح احل عنك دامنا بنفس الجامعه والكلاس
رحيق جت تبي تمشي مسكها واحد من الشباب:وين
رحيق دفته بسرعه:فكني لاتمسكني
الكل صار يضحك
وهي تناظرهم وهم يضحكون
عبدالله:شيلي هالحجاب
رحيق :ترضي وحده من خواتك تشيل حجابها
عبدالله:خواتي مو ممكن يجون للخارج وخواتي مو متناقضين زيك
رحيق:الله يسلط عليك احد من خلقه زي ماانت متسلط علي
عبدالله ضحك بصوت عالى:سمعتو وش قالت هالحلوه
رحيق جت بتمشي مسكتها وحده من البنات:شيلي حجابج حبيبتي
رحيق وهي تدفها:انا بنت مثلك خافي ربك توقفين مع الشباب ضدي
عبدالله قرب منها وكان بيسحب حجابها وابعدت عنه:عساك لشلل لو تلمس حجابي عسى يدينك لشلل
عبدالله اهتز من هالدعوه وناظر باصحابه:روحو خلاص
راحو اصحابه وناظرها:تفكريني خفت من دعوتك
رحيق:فكني من شرك ياولد الناس انا ماضريتك
عبدالله:ماضريتيني بس انا مابخليك ترتاحين لين تشيلين هالحجاب
رحيق:لو على جثتني ماشلت حجابي
عبدالله:نشوف يارحيق
رحيق شالت شنطتها بسرعه وناظرته قبل تمشي:راح يصير شي قريب وانت اول انسان بيعتذر مني
عبدالله:وش قصدك
رحيق بنظره غامضه:ثلاث شهور وتعرف وبنشوف ساعاتها قوتك اللي تسويها علي ولاتفكر اني لحالي ان لي رب مايرضي بالظلم والدنيا بتدور
عبدالله بلع ريقه:كلامك مايخوفني
رحيق:نشوف الوعد قدام
مشت بسرعه للقاعه ودخلت لها وحطت راسها على الطاوله وهي لحالها بالقاعه لان وقت المحاظره للان مابتداء
وبدت تبكي وحيده متغربه يتيمه كل هالاشياء ماثره عليها بس تحاول تكون قويه كثر ماتقدر بس ماهي عارفه اذا تقدر تظل بهالقوه فتره طويل
رفعت راسها وهي تمسح دموعها وتطلع مرايتها وتناظر لعيونها محمرات وتحاول انها ماتوضح لاحد انها بكت
مسكت جوالها واتصلت بفاتن
رحيق:فاتن وينك ...بالكافتريا..طيب بجيك
سكرت جوالها وطلعت من القاعه للكافتريا
وشافت فاتن وهي جالسه وراحت لها
وجلست
فاتن:وش فيك
رحيق:مافيني شي
فاتن:عيونك حمر
رحيق:لا مافيني شي بس ف شي دخل بعيني وجلست احكها وحمرت
فاتن بعدم تصديق:متاكده
رحيق:ايه
فاتن:طيب
رحيق:فاتن ابي اطلبك طلب
فاتن:امري ياقلبي
رحيق وهي تمسك يدين فاتن:ابي اسمع صوت امي
فاتن:نععم
رحيق بترجي:الله يخليك ابي اسمع صوتها 16سنه ماسمعت صوتها الله يخليك
فاتن:رحيق انا مابيدي شي اسويه
رحيق بترجي:فاتن انتي تقدرين تجيبين رقم اهلي من فايز الله يخليك تكفين حطي نفسك مكاني
فاتن:وانا زيك مافي فرق بيننا ماعندي اهلي
رحيق:انتي اهلك ماتو بس اناا عايشين انا سمعت فايز وهو يكلم حمد سمعتهم
فاتن:رحيق لاتورطيني
رحيق دموع:فاتن تكفين ساعديني مالي غيرك
فاتن بحنيه:رحيق ودي بس انا اخاف من فايز
رحيق:ماراح يعرف صدقيني
فاتن قامت وهي تاخذ شنطتها:اسفه رحيق ماقدر اساعدك سامحيني
رحيق:فاتن
فاتن مشت وتركتها
حست بقهر وتحطيم لان فاتن رفضت تساعدها
احبطت وحست بياأس
ناظرت لساعه وشافت ان وقت المحاظره بدت
قامت وشالت ملزمتها وشنطتها واتجهت للقاعه
.....
.....
بالـــرياض
ببيت ام نـــادر
خلود طلعت من المطبخ ودخلت لصاله وماسلمت على اخوها والمره اللي ربتها
جلست ومسكت الريموت
تركي:انتي ماتعرفين تسلمين
خلود:لا مااعرف
تركي:اقول انتي تكلمي زين انتي يبيلك تكسير راس
خلود ناظرته ورفعت حاجبها:ومن بيكسره لي انت يالبزر
تركي قام بسرعه وهو معصب:الحين اعلمك مين البزر
ام نادر وقفت على طول ومسكت تركي:تركي يمه اتركها
خلود بتريقه:بصراحه خفت هيه انت فوق على نفسك انا اختك الكبيره ماني الصغيره
تركي:لو كنتي تبيني احترمك زي ماتقولين كان تحترمين امي اللي اكبر منك واللي ربتك
خلود:ربتني او ماربتني هي تظل مرت ابوي مو امي
تركي:اجل انقلعي لامك بالسجون
خلود بعصبيه:تركي والله لو تجيب طاري امي مره ثانيه وتغلط والله لساني مايطق لسانك ماحييت
تركي:يكون احسن ماتكلم معاك ويكون احسن لو ماشوف وجهك بالبيت كله
ام نادر:تركي وش هالكلام
خلود:لاتسوين نفسك طيبه انت اللي تحشينه علي بتمسكنك
تركي عصب وكان بيمد يده ومسكتها امه
ام نادر:دامي هنا ماتمد يدك عليها
خلود بصراخ:انتي ماااااالك دخل انتي اساس المشاكل مشاكلنا كلها بسببك
ام نادر:الله يسامحك
تركي:خلود روحي غرفتك قبل يصير شي مايسرك
خلود ناظرته بعصبيه :ان شالله يرجع ابوي ويريحني منك ومنها
وراحت غرفتها
تركي مسك شعره وهو معصب:يمه ليه ساكته لها لمتى يمه لمتى
ام نادر جلست:اتركها يمه هي يتيمه
تركي بقهر:يمه كافيك سلبيه كافي خليتي مالك شخصيه عند ابوي خليتيه مايقدرك وراح وماهتم لك وعمتي خليتيها تتسلط علينا وتحط راسها براسنا ومافي احد حاطه له حد
ام نادر:الدنيا تدور يايمه وربك ياخذ جزاي منهم
تركي بتنهيده:اااااااه بس انا ماقدر اشوف خلود تتكلم عليك واسكت
ام نادر:خليها براحتها وهي بتعرف انها غلطانه
تركي:ماتوقع يمه
ام نادر:اجلس وقلي كلمت اخوك
تركي:لا
ام نادر:ليه يمه كلمه وطمني
تركي:لايمه ماني مكلمه متى ماروق وحب يكلمنا بيكلمنا
ام نادر:بس هذا اخوك
تركي:لانه اخوي بخليه براحته
ام نادر:طيب يمه اللي تشوفه
تركي باس يدها وهو يبتسم لها وبداخله قهر ماينوصف
.....
.....
بفـــــــله كبيـــــره
مسكت كوب ماي وهي تفتح مضاد حيوي وتحطه بالماي وتخلطهم
وتطلع من المطبخ لصاله وصوت الاغاني عالي
مدت الكوب وهي تبتسم:تفضل حبيبي
اخذ الكوب وهو ياشر لها:اجلسي شجون
جلست جنبه
حضنها وهو يشرب الماي ويبوس خدها:حبيبتي اليوم يومنا
شجون:بروح اجيب السفن اب لك
:بعدين الحين قومي ارقصي لي
شجون:طيب حبيبي
قامت وهي تربط على خصرها شيله وتهز له وهو يصفق لها
وصارت تمشي وهي تهز له وسحبت كاس وهي تصب السفن اب فيه وتقرب منه وهي تشربه:اشرب حبيبي اليوم ذكرى زواجنا اشرب
شرب منه وهو يمسك خدها ويبوسها وهي تلف وتفتح علبه معاها وتحط بودره بالسفن ابد وتشربه وتجلس ترقص له
صار يحس بضيق بالتنفس ومسك قلبه وهو يطيح على الارض
كانت تناظره وهي تكمل رقص ودموعها تنزل وتبتسم
ناظرها وهو متالم:انتي وش شربتيني
قربت منه وهي تنزل راسها له:اليوم هو يومك ياعبدالعزيز يومك
عبدالعزيز:شجـ..... وسكت وعيونه مفتوحه
حطت يدها على فمها وهي تجلس على ركبها ودموعها تنزل وهي ترتجف:انا قتلتك قتلتك وصرخت بصوت يهز الفله قتتتتتتتتتتتتتتتتتتتتتتتتتتتتتتتتتلتك
قامت بسرعه وهي تركض لفوق وهي ترتجف وتاخذ عباتها وتلبسها وهي تبكي وتنزل من الدرج وتطيح وتقوم
اخذت الكاس اللي شربته فيه وطلعت تركض من الفله كلها
طلعت تركض لمكان بعيد بعيد عن الفله
لمكان ماحد يلاقيها فيه
دخلت باحد الخرابات وهي تضم نفسها وتصيح وكلها ترتجف وتقول"انا قتلته وارتحت انتقمت منه انا قتلته قتلته"
.........
........
ببيت عبدالرحمن ومها
جالسين بالصاله
ومها منسدحه على رجوله:حبيبي متى بنسافر
عبدالرحمن:ان شالله حبيبتي كلها اسبوعين ثلاثه وبنسافر
مها:لوين
عبدالرحمن:مفاجاه
مها:ابي اعرف بليز
عبدالرحمن:لا مفاجاه مايصير
مها بدلع:بس انا ماقدر اصبر
عبدالرحمن وهو يسحب خشمها:تعلمي تصبري
مها وهي تحك خشمها:عورتني
عبدالرحمن ابتسم
مها:طيب شخبار اهلك
عبدالرحمن:بخير حمدالله
مها:لازم نروح لهم قبل نسافر
عبدالرحمن:اكيد حبيبتي بنروح لهم
مها ابتسمت:واهلي بعد
عبدالرحمن:وانا اقدر انسي اهل قلبي
مها بحياء:الله لايحرمني منك
عبدالرحمن:ولامنك ياحياتي
........
........
بـــشقه نادر
جالس على التلفزيون وهو يشرب بكاس
دق جواله سحبه ورد:الو ..هلا هاني ..اي بالشقه تعال..طيب
نزل جواله وقام وفتح الباب وهو يضحك:ادخل حياك حياك
هاني سكر الباب:انت وينك لي ساعه ادق الجرس وبعدين وش هالسم اللي تشربه
نادر وهو يرفع الكاس:هذا يخليك فوق فوق تبي منه
هاني:استغفر الله انت مجنون شي
نادر:اوه هاني لاتعكر لي مزاجي
هاني:انت بتضيع من وراء هالسموم
نادر:ماني محتاج نصايحك وش تبي جاي
هاني:ابيك ترجع بيت اهلك
نادر:مستحيل
هاني:امك مالها غيرك حرام اللي تسويه فيها المسكينه الا الوالدين يانادر
نادر:هاني مو ناقصك اذا ماعندك الا هالكلام يفضل تروح
هاني ناظره بشفقه:انا شفقان عليك انت مسكين
نادر ضحك وهو يشرب:شفقان علي
هاني:الله يهديك ويصلحك
نادر مارد وهو يشرب
وهاني جلس وهو مابيده شي ولابيترك صاحبه بهالحال
........
........
نــــرجع لزواج
البنات جالسين وسديم ساكته مانطقت بحرف
سمعو الطقاقه وهي تقول للحريم يتغطون لان المعرس بيدخل
تغطو البنات وسديم تلثمت
ودخل فيصل قبل نوره وانتظرها فوق المنصه
عيون سديم ماراحت عنه
روعه:رزه من جد زوجها
ساره:اي مشالله
ريناد:سكسوته شي
سديم ناظرت بنوره وهي تدخل على انغام وموسيقي لاغنيه خذني لك
وصلت للمنصه ومدت يدها لفيصل وابتدت كلمه اغنيه اصاله
خذني لك
((خذني لك خذني اقرب
خذني لاحلامك وفرحكـ
خذني لخوفك و جرحكـ
انا ابغا العيشه معكـ
خذني لدموعك .. لاسرارك .. لزعلك و لرضاكـ
ابغى تكون انت داري وانا داركـ
واوعدك ما اخذلكـ
انت بس جرب حبيبي .. وخذني لكـ
باقضي ايامي معكـ
بنسى نفسي .. واذكركـ
واتنفس من هواكـ
باتوسد طهر قلبكـ
واتفيا بظل حبكـ
واوعدك ما اخذلكـ
انت بس جرب حبيبي ..خذني لكـ
خذني للعطر بيدينكـ..
خذني للشعر بكلامكـ..
أرتوي من صآفي نبعي
خذني للنور بعيونكـ .. خذني ماقدر بدونكـ
وأوعدكـ ما اخــذلكـ
انت بس جرب حبيبي .. وخذني لكـ
مسك يدها وصعدها للمنصه وهم يمشون مع بعض والابتسامه مافارقته
وصلو للكوشه والمصوره تصورهم والكل يسلم عليهم ويبارك لهم
ساره:يالله امشو نسلم عليها قبل لايطلعون
روعه:يالله وناظرت بسديم اللي مصنمه:امشي بنسلم
سديم:هاه اي يالله امشو
ومشو كلهم للمنصه وقربو من نوره
روعه وهي تسلم عليها:مبروك حبيبتي
نوره:الله يبارك فيك روعه
ريناد وساره:مبروك نوره الله يسعدك
نوره:الله يبارك فيكم
سديم قربت وهي تمد يدها لنوره:مبروك نوره
نوره:الله يبارك فيك سديم عقبالك
سديم بغصه:تسلمين
فيصل رفع راسه وناظر لسديم بعد ماكان منزل راسه عشان الحريم ناظرها بتركيز على عيونها
سديم ناظرته بطرف عينها ومشت بسرعه مع صاحباتها
وهم راحو لطاوله
وهي راحت لدوره المياه على طول
دخلت وفكت لثمتها وهي تناظر نفسها بالمرايا وتتنفس بسرعه وهي مخنوقه
ودموعها نزلت بدون ماتقدر تمسكهم
كانت تمسح كل دمعه تنزل بس دموعها ماكانت توقف
فتحت الماي وغسلت وجهها ومكياجها المرتب انحاس
حاولت تمسك نفسها وهي تمسح المكياج وتحاول تعدله شوي
وطلعت جوالها من الشنطه واتصلت باخوها
سديم بخنقه:حمود تقدر تجيني
محمد:ليه انزفت صاحبتك خلاص
سديم:ايه خلاص برجع البيت
محمد:طيب برسلك السواق
سديم:طيب باي
سكرت من اخوها
وهي تحط روج من جديد وتكحل عيونها
وتطلع لصاحباتها دخلت الصاله وكانت نوره منزفه
راحت لصاحباتها وجلست
روعه:وين رحتي
سديم:بدوره المياه واتصلت بحمود وبيجيني السواق
ساره:ليه تو الناس
ريناد:بدري
سديم:مصدعه وابي اروح للبيت ارتاح
روعه:يالله كنا بنرقص ونستانس
سديم ببتسامه:سامحوني بس حيل مصدعه وماقدر اجلس
ساره:خساره
ريناد:سلامتك سدو
سديم:الله يسلمك حياتي
روعه:سديم ليه احس فيك شي
سديم:قلت لك مافيني شي اطمني روعه
روعه:طيب
دق جوالها بعد شويات من صمتهم وشافت السواق يدق
قامت وناظرت البنات:بروح جاء السواق
روعه وهي تبوس خدها:الله معاك
ريناد وساره قامو باسو خدها
وطلعت لحوش القاعه ولبست عباتها وطلعت لسياره
ركبت مع السواق وهي راجعه البيت ودموعها على خدها من تحت نقابها ماوقفو
.......
.......
بـــالفنــــدق
العروسين
نوره&فيصل
دخلو للغرفه
وفيصل جلس بالصاله وهو يفك ازارير ثوبه وحاس بخنقه
نوره وهي تجلس جنبه:فيصل فيك شي
فيصل:لا حبيبتي
نوره:الا انت طول الطريق ساكت ومعتفس
فيصل ببتسامه باهته:نوره روحي غيري فستانك وانا بطلب عشاء
نوره:طيب
قامت للغرفه
وهو صار يتذكر العيون اللي شافهم
قام بسرعه وهو يطلع من الغرفه وينزل لتحت لسيارته ويركبها ويفتح الكبوت حق السياره
ويحوس بالاوراق وتطح صوره من بين هالاوراق
اخذها بسرعه وهو يناظرها
سكر عيونه وهو يقول"هي هي سديم الله ياسديم ماشفتك الا يوم زواجي وانتي صاحبه زوجتي ليه اليوم شفتك ليه اليوم بالذات ماتمنيت بحياتي كلها اشوفك قلبتي حياتي فوق تحت
قلبتيها ياسديم"
جلس فتره بالسياره بعدها رجع الصوره ونزل ورجع للغرفه
ونوره بوجهه
نوره بخوف:فيصل وين رحت
فيصل وهو ضايق:رحت اطلب اكل
نوره حضنته:خفت عليك
فيصل حضنها وهو ضايق:نوره انا تعبان بدخل ارتاح مابي اتعشي
نوره:وانا ماني مشتهيه
فيصل ابعدها وهو يمشي:امشي ننام
نوره مستغربه هالضيقه اللي فيه وهم وقت التصوير كان مبسوط وماعمره عاملها بهالجفاف
دخلت معاه الغرفه وهو لبس بجامه وانسدح وقال:تصبحين على خير
نوره وهي تشوفه يعطيها ظهره:وانت من اهله
.......
.......
ببــــيت اهل سديم
وصلت ودخلت وهي تبين نفسها طبيعيه
ام محمد:تعالي يمه
سديم:يمه وعد وينها
ام محمد:نامت
سديم:طيب يمه انا تعبانه بطلع ارتاح
ام محمد:ليه يمه وش فيك
سديم:مافيني شي يمه بس تعبت بزواج صاحبتي ومصدعه وابي اريح
ام محمد:طيب حبيبتي روحي ارتاحي
ابتسمت وطلعت لغرفتها
دخلت للغرفه وسكرت الباب
وهي ترمي عباتها وشيلها على السرير
وتجلس بفستانها على سريرها
صارت تتذكره وهو حاضن نوره ويضحك ومبسوط وقت التصوير
قامت وفتحت درجها وهي تطلع مذكراتها
وتفتحه وتطلع صورته من الدفتر وتناظره ودموعها بدت تنزل مسكت قلمها وكتبت
ليت دروب الصدف .. قبل لاتجمعنا مستخيره
نزلت قلمها وهي ماقدرت تمسك حالها وصاحت من قلب
وتقول"ليه صديقتي يافيصل ليه "
......
......
ببيـــــت فهد
بالغرفه
اريج تشيل اغراضها بالشنطه
دخل فهد الغرفه وبستغراب:ليه تضبين اغراضك
اريج:ماعاد لي جلسه معاك وبكلم اخوي يجي ياخذني
فهد:مستحيل اخليك تروحين
اريج ناظرته:قلت لك مستحيل ارضي تكون علي ضره
فهد:اريج خلينا نتفاهم
اريج:مافي بيننا تفاهم كل شي انتهي بعمري مابسامحك ولا انسي
فهد:اريج
اريج سكرت شنطتها
وراحت سحبت جوالها من الطاوله وهي تتصل باخوها
فهد قرب لها وسحب الجوال من يدها ورماه بالجدار:ماراح تطلعين من البيت
اريج بعصبيه:فهد انت انجنيت
فهد:قلت ماراح تطلعين وطلاق مابطلق
اريج بصراخ:راح تطلقني غصب عنك انا ماراح اظل عندك ماراح اظل ومشت
فهد سحبها من يدها ودفاها على السرير وبعصبيه:ماراح تروحين لاي مكان سمعتي لااي مكان
وراح اخذ المفتاح من على الباب وطلع وقفله
اريج راحت تدق الباب:فهد افتح الباب وبصراخ:فههههههههههد لاتحبسني فهددددددددددد
وجلست على الارض وهي تبكي وتقول:فهد افتح الباب فهددد
......
|
15-06-12, 10:35 AM
أنين نساء ، للكاتبة : مطنوخة حدي ..
جديد مواضيع قسم القصص المكتمله
العرض العادي
