كاتب الموضوع :
♫ معزوفة حنين ♫
المنتدى :
القصص المكتمله
البـــــــــاراتـ الرابـــــع والعشـــرون
//
//
//
//
ببيت ام بدر
بالغـــرفه
ايمان ابعدت عن بدر وهي بقمه حياها:شكرا
بدر ابتسم على جنب وهو يراقب حركاتها اللي تدل على خجلها وخدودها المحمره
مايقدر ينكر ان ايمان بجمالها الفاتن قدرت تحتل جزء كبير من تفكيره
بخطوات بطيئه قرب منها من غير تردد
ايمان رفعت راسها وهي تشوف يقرب منها ودقات قلبها تزيد اكثر
بدر وقف قدامها وهو يناظرها بتفصيل ومد يده وهو يلمس شعرها:طالعه احلى بالصبغه
ايمان نزلت عيونها وهي متوتره ورجعت لوراء وبصوت واطي:شكرا
بدر رجع قرب منها وهو يناظرها ومنبسط وهو يشوفها تستحى منه اكثر واكثر
حس انه بدا يتخدر وبدت مشاعره ناحيته تنجرف
نسي نفسه نسي كل شي ومافكر بهالشي الا بانه ماهو قادر يقاوم جمال ايمان
ايمان كانت تحس برجفه من الحياء والخوف وعجزها انها تطلع من الغرفه
مسك يدها اللي ترتجف وهو يرفعها ويبوسها
ايمان سحبت يدها وبخوف:بدر ابــ
بدر حط اصبعه على فمها وهو يقرب منها اكثر وينسي الدنيا ويحتويها بحضنه
ايمان كل الحركات اللي كانت تشوفها من بدر تتخيلها من رابح
دفته عنها بكل قوتها وهي تصرخ عليه لاشعوريا:رابـــــــح وخر عنيييييييييييييييييييييييييييييييييييييي
بدر وقف مصدوم انها قالت له رابح
ايمان طاحت على ركبها على الارض وهي تنزل راسها وتصيح
بدر مصدوم ماهو عارف وش يسوي
ذكرته برابح وباللي صار لها وخلته يراجع نفسه الف مره ومره
على طول طع كم الغرفه ونزل من الدرج يركض
ام بدر:بدر يمه
بدر مارد وطلع على طول من البيت
بيان وهي تناظر امها:وش فيه
ام بدر:علمي علمك يمه
ميار:يمكن صار بينه وبين ايمان مشكله
بيان:بطلع اشوفها
ام بدر:اطلعي يمه شوفي وش فيه
ميار:اجي معاك
بيان:لا خليك
ميار:طيب
طلعت بيان لفوق ودخلت الغرفه وهي تشوف ايمان جاالسه وتبكي
قربت منها وهي تبعد شعرها على وجهها:ايمان حبيبتي شفيك
ايمان ناظرت بيان بانكسار وضعف وبكاء:بيان ابي امي
بيان بحنيه:وش صار ايمان
ايمان بكاء:انا مابي اخوك مابيه لايقرب مني قوليله لايقرب مني مابي يحبني مابي احبه قوليله ابعد عن ايمان ابعد
بيان:طيب هدي حالك واللي تبينه بيصير
ايمان وهي تمسح دموعها:مابي اكون معاه بنفس الغرفه
بيان:ليه كل هالخوف ليه ماتبينه ايمان
ايمان بنهيار:مستحيل ينسي اللي صار لي وانا مستحيل انسي وانا عشان هالشي مابيه يحبني ومابي انا احبه مابي الله يخليك
بيان وهي تحضنه:هدي حالك خلاص
ايمان حضنتها وهي تبكي وبغصه:ابي امي ابيها ابي اشكي لها وجعي ابي اشكي لها المي ابي اقولها تركتيني ودمروني
دمروني
بيان نزلت دمعتها من كلام ايمان ومسحتها وهي تحاول تهديها:خلاص ايمان هدي مابيصير الا اللي تبينه
ايمان ظلت تبكي وهي تشاهق من قلب
بيان وهي تبعد عنه:قومي عشان تغسلين وجهك ويكفي بكاء
ايمان وهي تمسك راسها:راسي يالمني
بيان:من الصياح قومي
ايمان قامت مع بيان وخدودها كلها دموع
بيان وهي تلفها على المرايا:شوفي وجهك شوفي عيونك
ايمان نزلت راسها وهي ماتدري شترد على بيان فيه
بيان سحبتها من يدها وهي تدخلها الحمام:غسلي يالله
ايمان فتحت المغسله وهي تغسل وجهها وتمسح بالفوطه وتطلع مع بيان
بيان:بخليك ترتاحين بعدين نتكلم بوقت غير هالوقت
ايمان:طيب
بيان:يلا نامي
ايمان:مابي انام هنا ابي غرفه ثانيه
بيان:نامي هنا وبخليهم يجهزون لك غرفه بدر طلع لاتخافين
ايمان:طيب وانسدحت على السرير بملابسها وهي تحضن نفسها
بيان غطتها وهي تبوس خدها:نامي ولاتفكرين بشي طيب
ايمان وهي تهز راسها:طيب
بيان طفت نور الغرفه وطلعت وسكرت الباب وارسلت رساله لبدر ونزلت لتحت
ام بدر:ها يمه شصاير
بيان وهي تجلس:ايمان تعبانه يمه
ميار:شفيها
بيان قالت لهم كل الكلام اللي قالته ايمان
والحاله اللي كانت فيها
ام بدر:كله من ام راشد ولدها اللي يسامحهم
ميار:خلو البنت تحس نفسها ناقصه ولاهي زي غيرها
بيان:ايمان بتتعب لين تعدي هالمرحله
ام بدر:ان شالله حنا جنبها وبتعديها
بيان:ان شالله
ميار:بكرا بيجون صاحبتك يمه صح
ام بدر:ايه ان شالله
بيان:ان شالله مع الناس تدخل وتندمج وتبدا تنسي
ام بدر:ان شالله
.................
عنـــــــد عبــــدالله وقف قدام الشقه اللي نزلو لها حمد ورحيق
حس بفرح برد قلبه
حرك وهو مستانس عرف مكانها لقاها
جواله ماوقف اتصالات من اصحابه بس مارد على اي اتصال
حرك سيارته لبيت خالته
ونزل وطلع مفتاحه ودخل للبيت وهو يناديها:خــــالتي
ليلي طلعت من المطبخ:انا هنا ياعيون خالتك
عبدالله وهو يقرب منها ويحضنها:فديتهم عيونك
ليلي:وش سر هالفرح
عبدالله:راح اقولك بس تعالي اجلسي
ليلي وهي تمشي معاه:خير ان شالله
عبدالله:اكيد خير ان شالله
ليلي جلست وعبدالله جلس قدامها
ليلي:يلا تكلم
...............
بشـــقه شجون وسالم
رجعو من بيت اهل سالم وشجون وضعها مو عاجب سالم
سالم وهو يقرب منها:شجون
شجون وهي تبعد:سالم اتركني
سالم:وش فيك من حنا بيت اهلي اقلب حالك وماعجبني وضعك
شجون:مافيني شي
سالم:لافيك
شجون:قلت لك مافيني شي
سالم:اللي يشوفك ويشوف طريقه كلامك بيقول نفس كلامي وان فيك شي
شجون بملل:تعبانه ابي ارتاح اوف
سالم وهو يرفع حاجبه:شجون
شجون طنشته ودخلت الغرفه وهي ترمي اغراضها
وتنسدح على السرير
سالم دخل وهو يناظرها:انا ملاحظ كل ماجبنا طاري اخوي ينقلب حالك انا ماني غبي انتي وش سالفتك
شجون جلست وبنرفزه:انا وش علي من اخوك هاه
سالم:مادري عنك
شجون:اجل لاتتكلم من الهواء
سالم:اتمني اني اكون اتكلم من الهواء ومايكون احساسي بمحله
شجون بسرعه:وش قصدك
سالم وهو يطلع من الغرفه:ولاشي
انقهرت منه وانسدحت وهي تححاول تنام
................
ببيت سعــــود وخــــلود
حاطه صحن فروله بحضنها بعد ماجابهم لها سعود
وجالسه تاكل
سعود:مايكفي بتخلصينه بيوم واحد
خلود وهي تاكل:ماحس اني شبعت منه
سعود:بالعافيه حبيبتي بس لاتكثرين
خلود وهي تنزل الصحن:ان شالله
سعود ابتسم وهو يناظرها
خلود وهي تشوفه يناظرها وتحس بخجل:ليه تناظرني كذا
سعود وهو يمسك يدها:ف شي كان ودي اقوله لك من زمان
خلود:ايش هو
سعود رفع يدها وباسها ورجع ناظرها:احبك
خلود تفاجات وبنفس الوقت تحركت مشاعرها لهالكلمه وشتت نظرها عنه وهو يناظرها
سعود قرب منها وهو يحضنها:ادري ماتحبيني مايمديك تحبيني بسرعه بس تاكدي اني انا احبك
خلود حضنته وهي تكتفي بانها تحضنه وبس
................
ببيــــت ليلي
ليلي:من جدك
عبدالله:اي والله ياخالتي
ليلي:وليه توك تقولي عن سالفه هالبنت
عبدالله:لاني ضيعتها من يدي بس الحين لقيتها ياخالتي لقيتها
ليلي:وش تنتظر بلغ عنها
عبدالله:لا انا اللي بمسكها بيدي
ليلي:ليش هالشي ماهو شغلك
عبدالله:لاشغلي راح امسكها واوريها منهو عبدالله الحقيره المجرمه
ليلي:وش هالشرار اللي اشوفه بعيونك
عبدالله:اخ ياخالتي اخ لو شفتي الامهات واللي ماتو واللي سببت لهم اهات هالمجرمه الارهابيه
ليلي:بس ياعبدالله
عبدالله:خالتي انا ماعلمت غيرك وياليت ماتعلمين احد
ليلي:بس هاللي بتسويه مو شغلتك
عبدالله وهو يقوم:المهم خالتي خليها بيننا وانا بهالموضوع بتصرف
ليلي:طيب
عبدالله طلع على طول وهو ينهي الموضوع بهالطريقه ومايبي يكمل نقاشه مع خالته
....................
بالـــليـــل
ببيت ام بدر
دخل البيت بدر وهو طفشان وزهقان وكاره البيت كله
طلع لفوق وهو يدخل الغرفه ويشوف ايمان نايمه وبنفس ملابسها
سحب له شرشف ومخده وطلع من الغرفه وهو ينسدح بالغرفه الثانيه
وهو يفكر بكلامها وبكائها
حس انه تسرع حس انه نسي نفسه
كل اللي يجول بنفسه اللي صار بين ايمان ورابح
حس بصداع قوي من كثر التفكير
ظل يتقلب ويتقلب
لين نام وهو يفكر
................
ببـــيتت ام راشــد
بغرفه رابــح
يفكر بايمان وانها تزوجت بدر راحت من بين يدينه
ضاعت منه صار يتخيل ان اللي سواه بايمان
الحين يصير بينها وهي وبدر
كانت افكاره خبيثه ودنيئه ومايفكر الا بهالشي
ظل كل اللي يفكر كيف يرجع ايمان وكيف مايخلي بدر يتهني فيها
....................
يــــــــــــــــــــــــــوم جــــــــــــــديـــــــــــــد
بالمـــــــــــانيا
بالمســـــــــــــتشفـــي
مها واقفه برا
والدكاتره طالععين داخلين عند عبدالرحمن
وهي ميته من خوفها عليه
لانه امس كان زين وش اللي قلب حاله
طلع الدكتور وهي وقفت على طول
مهدى قرب من الدكتوروهي يتكلم معاه:Is everything okayDr "هل كل شي على مايرام دكتور"
الدكتور:I do not know what to say to you but is in his final days and his condition is very bad
"لا اعلم ماذا اقول لك لكن هو في ايامه الاخيره وحالته جدا سيئه"
مهدي:What do you mean "ماذا تقصد"
الدكتورExpect everything in the coming days "توقع كل شي في الايام القادمه"
وربت على كتف مهدي وراح
مهدي ناظر بمها اللي تبكي ودموعها مغرقه وجهها
دخلت عند عبدالرحمن وهي تشوف الاكسجين على وجهه
قربت منه وهي تشوف نايم
قربت ومسكت يده وهي تبكي وتنزل راسه على كفه وهي تبكي:لاتتركني عبدالرحمن تكفي
فتح عيونه عبدالرحمن وهو يناظرها وهو تعبان مد يده وهو بيرفع الاكسجين عنه
مها رجعته وهي تبكي:خليه لاتشيله
عبدالرحمن ابعد يدها وهو يشيل الاكسجين وبتعب:مها ماوصيك بولدنا
مها شهقت وهي تحط يدها على فمه:لاتقول زي كذا تكفي انت ماراح تموت ماراح تتركنا ماراح تتركني
عبدالرحمن جاء بيتكلم بس مها صارت بحاله هستيريه وهي تبكي وتتكلم:ماراح تتركنا عبدالرحمن صح ماراح تتركنا
عبدالرحمن عشان تهداء ابتسم بتعب وهو يقولها:ايه صح
مها حطت راسها على كتفها وهي تبكي وهي عارفه ان هالكلام مو صحيح بس تبيه يقوله وبس
.................
بالــــــرياض
بالجــــــامعه
سديم جالسه مع صاحبتها وغدير معاهم
ساره:عاش من سافك
غدير:عاشت ايامك
ريناد:زين جيتي مره ثانيه
غدير:لا على قلوبكم لاتخافون
سديم:نشبت لي الصبح نشب لين جبتها
روعه:جيبيها ياختي وش عليك انتي حنا نبيها
سديم:خلي همها هم دراستها احسن لها
غدير وهي تقوم:رايحه الحمام وراجعه لكم وماعليكم من سديم بجيكم بين فتره وفتره
سديم وهي تضربها على فخذها:طسي بس
غدير ضحكت وهي رايحه الحمام شافت نوره وماهتمتت ودخلت للحمام وهي تفتح المغسله وتغسل يدينها وتفتح شنطتها وهي تضبط كحلها وروجها
وترطب شعرها وجت بتطلع ونوره داخله
غدير جت بتمر من جنبها وتطلع
نوره مسكت يدها
غدير ناظرتها بنص عين وهي ترفع يدها:عفوآ
نوره:ممكن نتكلم شوي
غدير:اسفه مو ممكن وسحبت يدها
نوره:تكفين بس شوي
غدير لفت عليه وهي تناظرها:وش تبين
نوره:تعالي هناك
غدير:نتكلم هنا خلصيني
نوره:تبينا نتكلم بالحمامات
غدير وهي تبعد عن الحمام شوي:يالله تكلمي اسمعك
نوره وهي تقرب منها:ابي اعرف ليه سديم وفيصل انفصلو
غدير:انا وش دخلني تساليني روحي اسالي زوجك
نوره:مستحيل يقولي تكفين قوليلي انتي وش تقصدي بابو الخدامات
غدير:اقول انا مالي دخل روحي وزوجي اللي تكلمتي على اختي عشانه خليه يعلمك
نوره:انا اترجاك
غدير ناظرته برفعه حاجب وهي تتخصر لها:مصره تعرفين
نوره:اي تكفين ابي اعرف
غدير:اوك اجل اسمعي زوجك هذا انسان وصخ وحقير وراعي خدامات لما قرب زواجه هو وسديم ويجهزون البيت سديم راحت للبيت وهناك شغاله لوحده من صاحبات اختي
دخلت للبيت وسمعت اصواتهم ولما دخلت الغرفه ودخلت للحمام لقته هو والخدامه يتحممون سوا واختي عشان هالشي تركته لانه وسخ
وحقير وحاول يرجعها ورفضت كل محاولاته وماعرفت ان فيصل زوجك الا يوم العرس وانتي جيتي تتهمينها وهي مو ممكن ترجع لواحد زي كذ ا
نوره ماقدرت تتكلم وهي تسمعها وساكته
غدير:ها ليه سكتي والا الحين انبلع لسانك
نوره مشت وتركتها بدون ماتتكلم
غدير وهي تناظرها:حمدالله والشكر بس
ورجعت لاختها والبنات
......................
ببيـــــــــــت ام بــــــــــــــدر
ايمان صحت وهي تحس بصداع
قامت وهي تناظر نفسها بالجنز والبلوزه
دخلت الحمام وغسلت وتوضت وطلعت وهي تناظر وجهها بالمرايا
راحت للخزانتها وطلعت لها بنطلون بروده وبلوزه
ولبست وجلست على السرير
وهي تقراء قرآن ساعه كامله بغرفتها تقراء قرآن وتدعي ربها انه يهدي سرها
وييسر لها اموره سكرت المصحف وهي تحطه بالدرج وتقوم للمرايا وتربط شعرها بدون اهتمام ببعثره
وتطلع من الغرفه وتنزل لتحت
دخلت الصاله وهي تشوف الكل جالسين
ايمان:السلام
الكل:وعليكم السلام
ام بدر:صح النوم حبيبتي
ايمان وهي تجلس جنبها:صح بدنك خالتي
ميار:ماتبين تفطرين
ايمان:مو جوعانه
ميار:كل امس مقضيتها نوم اكيد مابتحسين بجوع
ايمان وهي تتحاشي تناظر بدر اللي جالس:بس احس بالجوع باكل
ام بدر:قوم كولي حبيبتي
ايمان:شوي خالتي الحين والله مو مشتهيه
ام بدر:طيب على راحتك
ايمان ابتسمت وهي تتنهد وتناظر التلفزيون
بدر ناظر لغمزاتها اللي يحب يشوفهم لبتسمت وقام:انا راح لدوام يمه
ام بدر:طيب يمه بحفظ الله
بدر وهو يناظر ميار:تعالي ابيك
ميار:طيب وقامت معاه
بدر:اسمعي راح اجيب جوال وشريحه وعطيهم ايمان وقوليلها انهم منك
ميار:طيب
بدر:انا مابيها تحس بالنقص و
ميار وهي تمسك يده:فاهمه عليك انت جيبه وانا بتصرف
بدر:طيب تسلمين
ميار:الله يسلمك
طلع من البيت وهو يفكر فيها
ركب سيارته وحرك لدوام
دخل مكتبه وهو يسلم على مالك:صباحه
مالك:صباحه شفيك
بدر:والله مالي خلق لدوام ولا لشي
مالك:ليه شصاير
بدر وهو يرمي جواله ومفتاحه:انا وايمان مو ممكن نجتمع ولاننسي الشي اللي صار لها
مالك:ليه
بدر:البنت اراح تنسي هي ماتبي اقرب منها وانا مانسي ناسي انها وسكت
مالك:مغتصبه
بدر:ايه وان نسيت هي تذكرني صدقني مو ممكن نتفاهم
مالك:بس انتم بالبدايه لاتتسرع بالحكم
بدر:الكتاب باين من عنوانه وانا اخوك مايحتاج انا راح ابعد عنها من اليوم وماراح ننام بغرفه وحده افضل لنا
مالك:اذا تبيها تحبك تقرب منها
بدر:لا مابيها تحبني ولابعلقها فيني البنت قالتها لي قالت بدر لاتعشمني بشي هي لشافتني كانها شايفه جني تبي تهج من المكان
مالك:هههههه حالتك صعبه
بدر:خليها على ربك وانا اخوك
مالك:الله كريم
بدر :ونعم بالله
مالك جلس يكمل شغله وبدر طلع يشوف المرضي اللي هو مشرف عليهم
......................
ببيــــت سعــود وخـــلود
خلود صحت وهي تشوف سعود نام
قامت وطلعت من الغرفه وهي تدخل المطبخ وتجهز الفطور
وتطلع لفوق وتشوف سعود للان نايم
ناظرت لجواله وهي تحن لاخوانها ولام تركي
مدت يدها للجوال تبي تاخذه بس تراجعت عشان لايزعل سعود وتصير لها مشكله
وصحته:سعود ...سعووود يالله قوم
سعود قام وهو يناظرها ويبتسم:صباح الخيير
خلود:صباح النور يلا انا جهزت الفطور
سعود:طيب
قام وغسل وطلع معاها ونزلو لتحت وجلسو على الطاوله
خلود تفكر باهلها وقد ايش اشتاقت لهم
سعود ياكل وهو حاس بالراحه لان خلود متغيره معاه هاليومين
...........
بشـــــــــقه شجون وســـالم
شجون مستغربه من سالم من امس مانام عندها
طلعت من الغرفه مالقته
وهالشي ماريحها
اخذت جوالها وهي تدق عليه ومارد عليه
رجعت تدق اكثر من مره الين قفل سالم جواله
رمت جوالها بقوه وهي مقهوره"احسن لاترد لاترد"
رجعت الغرفه وهي تحاول تتمالك اعصابه وهي بقمه الغضب
لانه قفل جواله
............
ببيت ام ريان
ريان:حمدالله يمه هي عند رجلها الحين وجابت ولد زي القمر
ام ريان:كان ودي اشوف ولد بنتي بس مانكتب
ريان:ماشفته الحين تشوفينه لارجعو ان شالله
ام ريان:اهم شي هي مبسوطه
ريان:تحاول تكون مبسوطه تحاول انها ماتنهار بس شكل عبدالرحمن منتهي يمه ومبين ان وضعه متدهور
ام ريان:بنتي ماراح تتحمل يصير له شي
ريان:ادري يمه ادري هالشي مشغل تفكيري
ام ريان:الله يقويها ويصبر قلبها بالليوم اللي يصير له شي
ريان:ان شالله يارب
................
ببيت راشد وبيان
راشد:يعني رايحه بيت اهلك
بيان:اي فيه عزومه عشان ايمان ولازم اروح
راشد:عاد لازم تروحين من الحين
بيان:عشان اساعد اهلي واشوف ايمان تعرف امس نفسيتها مو كويسه
راشد:طيب لاتاخرين بالليل
بيان وهي تبوس خده:من عيوني
راشد ابتسم وهو يمسك يدها:بروح لامي وان شالله ترضي علي
بيان:ان شالله انت ماغلطت
راشد:طيب
بيان:يلا حبيبي باي
راشد:باي
طلعت مع السايق وصلها لبيت اهلها
.................
بالــــــــــــليــــــــل
ببـــيت فيصل
دخل البيت وهو يشوف شنطه كبيره عند الباب
استغرب وطلع لفوق وهو يشوف نوره تسحب شنطه ثانيه
فيصل:نوره
نوره وهي تسحب الشنطه:بس مابي اسمع اسمي بصوتك
فيصل:وش فيك
نوره سحبت الشنطه وهي تطلع
فيصل سحبها:نوره
نوره دفته بقوه وهي تبكي :خسرت صديقتي بسببك خسرتها بسببك وهي تالمت وتعذبت بسببك انت واحد حقير اناني ونجس
فيصل قرب منها وهو يحاول يمسك اعصابه:انتي شجالسه تخربطين
نوره وهي تمسح دموعها بس ينزلون:مايحتاج تكذب انا عرفت كل شي عرفت انك خنت سديم مع خدامه وانك للحين تحبها انا عرفت كل شي لاتمثل علي خلاص
كافي كذب حياتي معاك من اولها كذب بكذب
فيصل:انا
نوره:طلقني لاني ماراح ارجع لك ماراح ارجع لاني كذاب
فيصل:انا الحين صرت كذاب
نوره وهي ترفع يدها بوجهه:يكفي تمثيل كشافك انكشف خلاص كافيك
وسحبت شنطتها بقوه
فيصل:ماراح اطلقك نوره
نوره:لو السماء تنطبق على الارض ماراح ارجع لك وبتطلقني غصبن عنك وطلقت وهي تخلي السايق يطلع شنطتها وتركب السياره وفيصل واقع وهي تبكي
وتمسح دموعها اللي تنزل ندم وحسره على خساره سديم
...............
ببيت ام بــدر
بيان وميار عند ايمان بالغرفه ويضبطونها ويكشخونها
ايمان ناظرت لنفسها بالمرايا بعد ماكشخت وكانت ف قمه الجمال
ابتسمت باعجاب بنفسها
بيان:عسى دوم هالابتسامه
ايمان:تسلمين وكلكم تسلمون على الاشياء اللي تسونها لي و
ميار قاطعتها:حنا خوات ومابيننا هالاشياء
بيان:الحريم تحت امشو
ايمان:طيب تعطرت وطلعو مع بعض وبدر طالع من غرفته
ميار:انت هنا
بدر:اي داخل من باب المطبخ وناظر لايمان
ايمان كان تلعب باصابعها ومنزله راسها
بيان:تدري ف حريم شجابك
بدر:جاي ابي ميار
ميار وهي تغمز لبيان:طيب روحو وبلحقكم
بيان وهي تمسك يد ايمان:امشي
ايمان مشت مع بيان ومرت من جنب بدر اللي كان وده يشوف وجهها اللي ماشافه زين تنهد وهو يشم ريحه عطرها
ميار:جبته
بدر:بغرفتي خذيه
ميار:اوك يعطيك العافيه
بدر:الله يعافيك
خذت الجوال لغرفتها ونزلت تحت
لبيان وايمان اللي لسه مادخلو
ميار:وش تستنون
ايمان:حاسه باحراج ماقدر ادخل
بيان:شوفي لك صرفه فيها
ميار وهي تسحبها وتدخلها وايمان تعدل نفسها
ودخلت بيان وايمان جلست تسلم على الحريم
ام بدر:هذي مرت ولدي اللي قلت لكم عنها
الكل جلسو يسمون عليها وعلى جمالها
ايمان جلست جنب خالتها وهي مستحيه
ام بدر:هذذي ايمان اللي قلت لك عنها بالجوال ياليلي
ليلي ناظرتها وهي حاسه باحساس غريب تناظرها وتحس بملامحها شي يجذبها
ميار:شفيها تناظرها كذا
بيان:اكيد اعجبتها
ليلي:مشالله الله يحميها
ايمان ناظرت ليلي وهي تبتسم
ليلي ماقدرت تشيل نظرها اللي الكل حس فيه عن ايمان
وايمان مارتاحت لنظراتها لها
...............
بشـــقه حمد ورحيق
رحيق:راح تطول
حمد:لا ياقلبي كلها ربع ساعه وراجع
رحيق:طيب حبيبي
حمد:يلا مع السلامه
رحيق:مع السلامه
طلع وهي جلست بالصاله وطلعت من جيبها
صورتها هي واختها
وجلست تناظرها وهي تتالم لانها للان مالقتهم
اما حمد ركب سيارته وحرك
ونزل من سيارته عبدالله وعلى وجهه احلى ابتسامه
ودخل لشقق وهو عارف شقتهم لانه من امس يراقبهم
ماهدا له بال لين طلع حمد
وقف قدام شقتهم ودق الجرس
وهو متكتف
وبكل سهوله رحيق فتحت الباب وهي متوقعته حمد لانه مامداه راح
فتحت الباب وشهقت وهي تشوف عبدالله
جت بترد الباب ودفه عبدالله عليها وهي تطيح بالارض
عبدالله سكر الباب وهو يقولها:طحتي بيديني ماحد بيفكك مني
رحيق قامت تبي تدخل الغرفه مسكها عبدالله وضربها كف على وجهها كان حامي ومن قلب:جالسه مع رجال غريب عنك ياحقيره ياارهابيه واكيد خليتيه يلممسك وتفل عليها
رحيق وهي تمسك خدها ودموعها تنزل من الخوف ودمها ينزل من فمها:انا
عبدالله:انتي وسخه نجسه عار
رحيق بصراخ:انا ماني عار انا ماسويت شي ماسويت شي
عبدالله:جلستك مع هاللي طلع قبل شوي وش تفسرينها فيه
رحيق:هذا
عبدالله سحبها من شعرها:ماجيت عشان اعرف مين هالشخص جيت اخذك يامجرمه على بالك بتفلتين بعملك
رحيق صرخت من الالم:اتركني عبدالله تكفي
عبدالله سحبها بقوه وهي سحبت نفسها وطاحت الصوره من يدها
عبدالله ناظر لصوره وهو ماسك شعرها ونزل لها واخذها
رحيق سحبتها منه:هات هالصوره
عبدالله شد شعرها وهو ماد يده:هاتي الصوره
رحييق وهي صاكه فمها:ماراح اعطيك اياها
عبدالله دفاها على الجدار بعنف وضرب راسها بالجدار وانخدش من جبهتها ونزل دمها داخت وهي تنزل بالارض والصوره تطيح من يدها
عبدالله اخذ الصوره وشافها وتوسعت عيونه على كبره من الصوره اللي كانت :......
|
15-06-12, 01:15 PM
جديد مواضيع قسم القصص المكتمله
العرض العادي
