كاتب الموضوع :
♫ معزوفة حنين ♫
المنتدى :
القصص المكتمله
البــــــــــــــارات الثالث والعشرون
/
/
/
/
بالمــــــــــــــــــانيا
بمطارها
وصلو ريان ومها
وركبو سياره تاكسي
مها:تعرف المستشفي
ريان:اي سال عن كل شي اطمني
مها:طيب يلا نروح الحين
ريان:انتي تعبانه ولاتنسين انك حامل ارتاحي عقب اوديك
مها:قلت لك الحين نروح
ريان:على راحتك
وقال لسايق التاكسي اسم المستشفي وصلهم
مها نزلت وهي تناظر للمستشفي ودخلت مع ريان وهي من دخلته حست بروده تسري بجسمها وارتعشت وهي ترجع على كتف اخوها
ريان:شفيك
مها:حسيت برد
ريان:سم الله عليك الجو مو بارد
مها:مادري ارتعشت من البرد
ريان:يمكن دخلك برد لاني قلت لك انتي حامل وتعبانه تحتاجي لراحه
مها:ابي اشوف عبدالرحمن وبس
ريان:طيب وشاف اخو عبدالرحمن:مهدي
مهدي لف:ريان
ريان ناظر مها:امشي
وقرب منه وسلم عليه
مهدي:حمدالله على سلامتكم
ريان:الله يسلمك
مهدي:متى وصلتو
ريان:تونا و
مها قاطعته:وين غرفه عبدالرحمن
ريان:مهدي ممكن تودينا لعبدالرحمن مها مافيها تنتظر
مهدي:اكيد تفضلو
مها وريان مشو مع بعض وصلو عند غرفه عبدالرحمن
مهدي:تفضلي
مها فتحت الباب ودخلت وهي تناظر بعبدالرحمن واهله اللي حوله
ورجعت ركزت نظرها عليه
عبدالرحمن ابعد عن صدر امه وهو يناظرها :مها
مها جمدت مكانها ماتحركت ماقدرت تقرب منه
بس واقفه تشوفه وتتاكد هذا عبدالرحمن زوجها اللي قدامها الحين والا واحد ثاني ماتعرفه
ام عبدالرحمن واخوانه وخواته طلعو وتركوهم لحالهم
عبددالرحمن:قربي ليه بعيده
مها قربت منه بخطوات بطيئه ودموعها انهار انهار على خدها
عبدالرحمن توه ينتبه لبطنها ناظر بطنها وبسرعه:انتي حامل
مها حركت راسها ودموعها ماوقفو
عبدالرحمن نزل من السرير بجسمه الهزل
مها مسكته من كتفه:خليك
عبدالرحمن حضنها على طول
بس اللي استغربه ان مها ماحضنته ابعد وهو يناظرها:مها
مها مسكت وجهه بيدينها وهي تشهق بالصياح:ليه سويت فينا كذا ليه
عبدالرحمن جلس قلبه يضرب بكل قوته وهو مايتحمل دموعها:لاتبكين مها تدرين اني ماتحمل دموعك
مها بصياح:كذاب انت كذاب لو ماتحمل دموعي ماتبعدني عنك ماتسوي فيني كذا انا وش سويت لك عشان تسوي فيني كذا وش سويت
عبدالرحمن:مها لاتقولين كذا تكفين ومسك يدها
مها سحبت يدها وهي تبعد عنه ومسكت بطنها وهي تحس بالم قوي :ااااااااااااااااااااااااااااه
عبدالرحمن وقف وهو اصلا تعبان وقرب لها:شفيك مها
مها ناظرته وهي تتالم:بطني وصرخت آآآآآآآآآآآآآآآآآآآآآآآآآآآآآآآآآآه
عبدالرحمن مسكهها وقلبه يدق من الخوف:حبيبتي شفيك
مها ناظرته ودموعها تنزل من الالم ومنه
الكل دخلو
ريان قرب من اخته:مها شفيك حبيبتي
مها ماقدرت ترد وهي تصرخ وماسكه بطنها لان الالم كان قوي حيل عليها
ام عبدالرحمن:شكلها بتولد
عبدالله بخوف:تولد
ام عبدالرحمن:انا اقول يمكن
ريان:ولدتها بدري عليها وماكمل كلامه وطلع على ول ينادي الدكتور
عبدالرحمن ظل ماسك مها وهو يحاول يهديها:لاتخافين حبيبتي انتي راح تصيرين زينه بس خذي نفس
مها وهي متسنده بيد عليه وبيد على بطنها:عبدالرحمن لاتتركني
عبدالرحمن بصدق:ماراح اتركك ياروح عبدالرحمن
دخل الدكتور وريان والممرضات واخذوو مها وريان وعبدالرحمن لحقوهم لين دخلوها بالغرفه وسكرو الباب
مهدي:عبدالرحمن انت تعبان تعال اجلس
عبدالرحمن مارد عليه وهو رايح جاي على الغرفه
ريان ناظر عبدالرحمن وهو شايف شكله وضعه اللي يبين كل شي فيه:عبدالرحمن اجلس مها ان شالله مابيصير لها شي
عبدالرحمن:انا السبب انا سويت فيها كذا انا
رريان:لاتلوم نفسك ماينفع اللوم واللي صار صار
عبدالرحمن جلس وهو حاس بتعب ودوخه بس ماسك نفسه عشان يتطمن على مها
مهدي قرب من عبدالرحمن وهو يحط يده على كتفه:ادري انك تعبان ومتحمل ماتبي تبين
عبدالرحمن ناظر اخوه بتعب:التعب اللي فيني بقلبي ماهو بجسمي
مهدي:هذي هي جتك وعندك وان شالله مابيصير فيها شي
عبدالرحمن بحزن:بس انا راح اموت
مهدي غص الكلام بحلقه وهو يناظر اخوه وجلس جنبه وهو يمسك يده:ياجعل يومي قبل يومك
عبدالرحمن نزل راسه وهو يفكر بمها وبوضع مها والا وضعه ماهو مهم عنده
شويات من الوقت
وطلع الدكتور
ريان وعبدالرحمن وقفو
عبدالرحمن بسرعه:Please, Doctor told me that my wife okay
الدكتور:Do not worry for is okay but will give birth early
عبدالرحمن ناظر بريان وعقب الدكتور:Is there a risk it
الدكتور:There is not any danger
عبدالرحمن:Ok Thanx Dr
الدكتور دخل لغرفه العمليات وجهزو مها للولاده
وريان والكل ينتظرون برا
ريان:بدري كثير على ولدتها كثير
عبدالرحمن:...
ام عبدالرحمن قربت منه:يمه عبدالرحمن فيك شي
عبدالرحمن حرك راسه بلا وهو مايبي يتكلم
ريان حرك راسه وهو يروح ويجي وقلبه عند اخته
وكل شوي يختلس النظر لعبدالرحمن ويشوفه كيف ساكت
وسكوته ماريحه بس ماحب يضايقه وظل بعيد عنه
....................
ببيـــــــــــت ام بـــدر
بغـــرفه بدر وايمان
مسحت دموعها بعد مافرغت اللي بداخلها
وحاولت تعدل بملامح وجهها وهي تطلع من الغرفه
وتنزل لتحت
ايمان بحياء:وينه بدر
ميار:طلع ليه
ايمان:مانزل لي شنطتي ماعندي ملابس
ام بدر:خوذي من ملابس ميار لين يجي
ايمان:لا خالتي انتظره لين يجي عادي
ميار وهي تسحبها:اقول امشي بس خلاص صرنا خوات تاخذي مني واخذ منك
ايمان:بس
ميار سحبها وماعطتها فرصه وطلعو لفوق لغرفه ميار
ميار وهي تفتح خزنتها:وش تبين تلبسين تنوره قصيره والا بنطلون والا بجامه بتنامي
ايمان:لا ابي قميص مالبس بناطيل ولاتنانير
ميار ناظرتها وناظرت للقميص اللي عليها:انسي القمصان دامك تزوجتي
ايمان:انا متعوده عليهم ماقدر
ميار:يب بعطيك قميص قصير
ايمان بسرعه:لا ابيه طويل
ميار:اوف منك ترا ماعاد ف بنات يلبسون الطويل
ايمان:خلاص تسلمين بنتظر بدر
ميار:ايمان لاتجنيني
ايمان:خلاص قلت لك مابي
ميار ماحبت تضغط عليها:طيب براحتك
ايمان:بروح غرفتي
ميار:طيب
ايمان طلعت من الغرفه لغرفتها وهي تسكر الباب من وراها وتجلس على السرير تنتظر بدر
عشان تتروش وتغير
اما ميار نزلت لامه
وهي تقولها كلام ايمان ورفضها لهالملابس
ام بدر:الله يهديها ام راشد:ماخلتها تلبس ولاتعيش زي البنات مخليته بس بقمصان
ميار:لازم اكلم ميار واحنا نجيب لها ملابس على ذوقنا ايمان لام تعيش سنه وتتغير
ام بدر:اي والله هي جميله وجمالها مدفون بهالملابس
ميار:بكلم بيان وراح نغيرها من الى
ام بدر:ايه وانا بسوي عزومه لصاحباتي اعرفهم عليها
ميار وهي تقوم:اوك
.................
بالمســــــــتشفي
بمكتب بدر
مالك:يعني البنت عجبتك
بدر:البنت جميله ومافيها عيب ماقدر اعيبها بس البنت مهزوزه وهالشي يحسسني ان حياتنا راح تكون عسره من البدايه
مالك:اللي صار معاها ماهو شوي يابدر البنت بعد
بدر:انا عارف بس ماف ببيدي شي
مالك:شوي شوي البنت بتتعود وتنسي
بدر:ان شالله وخواتي متاكد مابيقصرون معاها خصوصا بيان لانها تحبها
مالك:من يصدق انك تتزوج بهالطريقه
بدر:ماحد ولا انا نفسي اصدق بس من يدري عن الغيب
مالك:اي والله صدقت
بدر ابتسم وهو يقلب بالاوراق:المريض اللي بغرفه 8بالدور الارضي وش صار عليه
مالك:والله وضعه زي ماهو
بدر:اوك قوم نشوفه
مالك:يالله
...............
بالليــــــــــــــــــل
بـــــــشقه حمد ورحيق
دخل البيت وشاف رحيق ماهي موجوده بالصاله
دخل الغرفه وشافها نايمه ضحك على جنب وهو يقول بنفسه"انا جالس احترق عشانها وهي نايمه ومرتاحه
ولا على بالها"
قرب من الدولاب وفتحه وطلع له بجامه وهو يدخل الحمام>>تكرمون
ويتروش ويطلع قرب من السرير وهو يرفع الغطاء بينسدح
رحيق فتحت عيونها:حمد
حمد:نعم
رحيق وهي تناظر الساعه:شفيك تاخرت
حمد:ماتوقع انه يهمك لانه لو يهمك تاخري كان اتصلتي فيني بس انتي قضيتيها نوم ولا فكرتي فيني
رحيق بصوت ناعس:انا مابغيت اضايقك بس كنت اقوم اناظر الساعه
حمد:لا واضح
رحيق وهي تشوفه وهو ينسدح:بتنام هنا
حمد:اكيد طبعا والا اروح للغرفه الثانيه
رحيق:ايه
حمد جلس وناظرها:لما كنت انام فيها ماكنت زوجك بس الحين زوجك ونومتي تصير عندك
رحيق:بس
حمد:لاتخافين اللي ماتبينه ماراح يصير
رحيق برتياح:طيب
حمد وهو ينسدح:تصبحين على خير
رحيق:وانت من اهله
...................
ببيت ام راشد
رابح بقهر:وانتي كيف سمحتي لهم يزوجونها بدر يمه
ام راشد:ماني ناقصتك روح عني لو انا سامحه لهم ماتشوفني بهالقهر
رابح:مو على كيفه يطلقها يعني يطلقها
ام راشد:ايه هين والله مايطلقها لو وش ماسوينا
رابح:انتي السبب يمه انتي
وطلع وتركها
ام راشد مافهمته بس رابح طلع من البيت
مقهور وحاس بالقهر والنار تغلي جواته
لان ايمان راحت من يده
.................
ببيــــــــــــــت خلـــــــــــود وسعــــــــــود
خلود جالسه على السرير بالغرفه
ويدها على بطنها وهي تفكر بحالها
وبهالحمل وبحياتها كيف بتصير
قطع تفكيرها سعود لما دخل عليها الغرفه
سعود ناظرها وهو مقهور منها ومن كلامها
رمى مفتاحه وجوااله على الطاوله بقوه وهو يفتح الخزانه ويسحب بجامته ويصفق الخزنه
خلود فز جسمها من الصفقه وهي تناظره:سعود
سعود جلس يبلس وهو مايرد عليها
خلود:انا اسفه
سعود لف عليها وهو متفاجاء خلود تتاسف
خلود:انت معاك حق مفروض افرح لاني بصير ام حلم اي بنت بهالحياه تكون ام وانا بنت زيي زي اي بنت
انت قدري المكتوب لي ولازم ارضي فيه لاني راح اصير ام لطفل منك
سعود ابتسم للاشعوريا وهو يقرب منها ويجلس جنبها على السرير:اللي تقول هالكلام خلود والا وحده غيرها
خلود مسحت دمعتها اللي نزلت وهي ترفع نظرها وتناظره:لا خلود مو غيرها
سعود حضنها لانه حس انها محتاجه لحظنه
وخلود فعلا كانت محتاجه لحظنه لانه بمجرد انه حضنه رجعت تبكي من جديد
سعود وهو يمسح على ظهرها وهو حاضنها:ابكي ابكي طلعي كل اللي بداخلك
خلود حضنه وهي تجلس تبكي لين ماتعبت وداخت من البكاء ونعست على كتفه
سعود حركها وهو يناظرها:بتنامي
خلود وهي تحرك راسها:دخت
سعود ببتسامه:طيب انسدحي
خلود انسدحت وسعود يمسح دموعها ويمسح على شعرها لين نامت
انحنى عليها وباس راسها وقام طفى النور وطلع ينام برا
..................
ببيـــــــــــت ناريــن وكســـار
نارين:العشاء جاهز
كسار:اوك
قام للعشاء وجلس ونارين جلست قدامه
وجلس ياكل ونارين تناظره
بس هو مايناظرها هو عينه على اكله وبس
نارين:تبي عصير
كسار:لا
نارين:طيب سكتت وهي مقهوره ممن اجاباته المختصره
كسار من خلص اكل قام وهو يقوم:الحمدالله
نارين:صحه وهناء
كسار طلع من المطبخ وهو يطلع لغرفته فوق
وهو يحاول يرخي نفسه
بس ماهو قادر
انسدح وهو يردد:احبك نارين احبك
................
بالمـــــــــــــــانيـــــــــــا
عبدالرحمن جالس بغرفه مها وماسك يدها ويبوسها
ريان:عبدالرحمن من الصبح جالس عندها مها بخير ولدكم خير وبالحضانه روح غرفتك ارتاح حرام عليك نفسك
عبدالرحمن:لا انا ابيها تفتح عيونها وتشوفني عندها
ريان:راح اقولها انك كنت عندها من الصبح
عبدالرحمن:قلت لا لا انا جالس عندها ماني رايح عنها
مهدي:ريان مها ماراح تصحى
عبدالرحمن:انتم وش دخلكم روحو وخلوني عندها
ام عبدالرحمن:يمه عبدالرحمن انت تعبان
عبدالرحمن:انا مو تعبان انا كذا بخير وانا عندها
وناظر مها اللي بدت تفتح عيونها
عبدالرحمن بفرح:هاه قامت
مها ناظرته وناظرت بريان واهل عبدالرحمن اللي حولها ورجعت ناظرت عبدالرحمن وبصوت خافت:عبدالرحمن
عبدالرحمن بسرعه:قلب عبدالرحمن
ريان ضحك وهو ياشر لاهل عبدالرحمن والكل طلعو وخلوهم لحالهم
مها سكرت عيونها ورجعت فتحتهم وهي تناظره:وش صار على ولدي
عبدالرحمن وهو ماسك يدها:لاتخافين ولدنا بخير وبالحضانه
مها ابتسمت على خفيف وهي حاسه بتعب
عبدالرحمن قام وهو يبوس عيونها
مها فتحت عيونها وهي تناظره وترفع يدها اللي فيها المغذي وهي تلمس وجهه ودموعها تنزل
عبدالرحمن يمسح دموعها اللي تنزل وهو يحط اصبعه على فمها:اشش لاتبكين
مها غصت بعبرتها:احبك
عبدالرحمن باس خدها وهو يقرب كرسيه منها وينسدح على صدرها:وانا احبك احبك واموت فيك
مها حضنته لصدره وهي حاسه بالراحه وهو بحضنه وناسيه كل التعب وكل شي
..................
بالـــــــــــريااااض
ببيت ام بدر
بدر دخل البيت والكل نايمين
طلع لفوق ودخل لغرفته وشاف ايمان نايمه وهي جالسه وضامه رجوله وراسه على يدينها
وشعرها ضحك على خفيف وهو يقرب منها وكان يبي يصحيها بس حب انه يدقق ملامحها وهي نايمه اكثر
جلس قدامها على خفيف وهو ينااظرها
يناظر برسمه وجهها وخشمها وحواجبها وشفايفها
وناظر بشعرها الناعم المساب بس هي مو مخليه جمال شعرها يبين لانها رابطته
سحب ربطه شعرها وايمان صحت على طول
ايمان فزت وهي تناظره وشافت شعرها منفك لمته بيدها وهي تدور حولها
بدر وهو يمد الربطه:تدورينها
ايمان وهي تاخذها من يده:اي شكرا وربطت شعرها ونزلت من السرير
بدر:وين
ايمان:بنام على الارض
بدر:ليه والسرير
ايمان:انت نام عليه انا بنام بالارض
بدر بستغراب:ليه مضايقك انا
ايمان:لا بس ارتاح باالارض اكثر
بدر:طيب
ايمان:نزلت لي شنطتي
بدر:اي شنطه
ايمان:شنطتي اللي فيها ملابسي
بدر:اوه نسيتها تبينها ضروري والا انزلها بكرا
ايمان :خلاص خليها بكرا عادي
بدر:طيب
ايمان اخذت شرشف من الخزنه وانسدحت على الارض فيها
بدر:نامي على الكنب
ايمان:مرتاحه كذا
بدر:طيب
ايمان:تصبح على خير
بدر:تلاقي الخير
انسدح وهو يفكر بحركاتها ونفورها منه لدرجه فضلت تنام بالارض
ولاتشترك معاه بسرير واحد
ماعرف يفسر تصرفها هذا واكتفي انه ينام ويحاول يشيل كل الافكار من راسه
....................
بعـــــــــــــــــــد اسبــــــــــــــــــــــــــــــــوع
بالمــــــــــــــــــانيـــــا
بغرفه عبدالرحمن
مها وقفه عنده وهي للان تعبانه
مالها اسبوع مسويه عمليه وهي نفاس
بس عبدالرحمن عندها اهم من نفسها
عبدالرحمن:مهاتي
مها:لبيه روحها
عبدالرحمن:منك عساني ماخلى
مها:امين يارب وانا منك عساني مانحرم
اندق الباب ودخل ريان:السلام
مها وعبدالرحمن:وعليكم السلام
ريان:انا رايح مها جيت اودعك
مها:بتسافر اليوم
ريان:ايه راح اسافر رحلتي بعد ساعه ويالله يمديني تطمنت عليك وانتي صرتي زينه والحمدالله
مها وقفت وهي تقرب منه وتحضنه
ريان:بشويش عشان عمليتك
مها بكا:قول لامي تسامحني اذا زعلتها انا ماقصد ازعلها بس
ريان وهو يقاطعها:لاتخافين حنا مقدرين وضعك ووامي ماهي زعلانه عليك
مها وهي تبعد وتمسح دموعها:طيب
ريان:يلا يالنسيت انتبه على نفسك وفمان الله
عبدالرحمن ومها:فمان الكريم
طلع ومها رجعت جلست عند عبدالرحمن:تجي نروح نشوف ولدنا
عبدالرحمن:يالله
قام من السرير والمغذي بيده وماسك بيد مها وراحو الحضانه
مها وهي تاشر له:تشوفه
عبدالرحمن وهو يحس بشوفه ولده ترد له الروح:ايه شكله يشبهك
مها:لايشبهك انت
عبدالرحمن:يشبهنا كلنا
مها وهي تبتسم:ايه
عبدالرحمن حضنها وهو يحط راسه على كتفها:حبيبتي
مها:لبيه
عبدالرحمن:احبك
مها وهي تلمس وجهه:اموت فيك
.............
بالـــــــــــريــــــــــاض
بـــــــــــــالســــــــــــوق
ايمان:مستحيل انا البس كذا
ميار:لا مو مستحيل وبتلبسين غصب
بيان:ملابسك القديمه والقمصان انسيها
ايمان:ماعرف حرام عليكم ماعرف البس كذا
ميار:ماعليه نعلمك حنا ونخليك تصيرين احلى من الحلى
ايمان:ماعرف البس كعب والله لااطيح فيه
بيان:نعلمك للكعب والملابس والمكياج وكل شي بس انتي لاتقولين لنا لا
ايمان:طيب
وظلو يتسوقون ومافي لبس الا اشتروه لايمان وعطورات ومكياج وكل شي شنط وكل شي ينقصها وكل شي ماهو عندها
بعدها راحو لمشغل
ايمان:ليه جينا المشغل
بيان:بنقص شعرك بنطلع له شكل
ايمان بسرعه:شعري لا مستحيل
ميار:بنقصه مدرجات على طوله لاتخافين
ايمان:لاتضحكون علي لا شعري لا
بيان:والله على طوله القصه لاتخافين
ايمان:لا تكفون لا
ميار وهي تسحبها:امشييي
وجلسوها عند المصففه
ايمان:لاتقصره بليز
بيان:مو مقصرته لاتخافي
ميار وهي تكلم المصففه:نبيك تقصين لها مدرجات على طوله بس من فوق قصير وتسوين لها قصه من قدام
المصففه:اوك
ايمان:لاتقصره
بيان وميار ناظرو بعض وهو يضحكون
والمصففه جلست تقصقص شعر ايمان ومن بعدها استشورته لها
ميار:بيان شرايك تصبغه خصل شقراء
بيان وهي تناظر ايمان:والله فكره وبيطلع حلو عليها
ايمان:استنو بشوف نفسي بالقصه
ميار وبيان:ههههههه طيب
ايمان قامت وناظرت نفسها بالمرايا وهي تشوف نفسها بشكل ثاني
ناظرته وهي تضحك وتستهبل:هذي انا
ميار:ههههه لا وحده ثانيه
بيان:تعالي اجلسي خليها تصبغك
ايمان:اوكي
جلست وبدو بصبغون لها
..................
ببيــــــــــــــــــت ام تركــــي
تركي جالس ياكل امه وويغير بقنوات التلفزيون
تركي:تبين هالقناه يمه
ام تركي تحرك راسها بلا
تركي:تدرين يمه
ام تركي:...
تركي:هاني بلغ عن الجماعه اللي كان اخوي يشتغل معاهم
ام تركي:...
تركي:ومسكوهم بس للحين جاري التحقيق ماصار شي بس هاني واقف عليهم وقفه ويبي ياخذ حق نادر
ام تركي نزلت دمعتها وهي ترجع تتذكر الصوره الاخيره لنادر
تركي مسح دمعتها وهو يحضنها:لاتبكين يمه ابيك تفرحين لان حق اخوي ماراح يضيع
ام تركي حركت راسها وهي ودها تتكلم بس مو قادره
تركي باس راسها وهو يكمل تغير بالقنوات:بحط لك على الكويت تحبين هالقناه انتي
ام تركي ابتسمت ابتسامه يدوب تبين
وتركي حط الكويت وجلس يتابع مع امه
................
ببيـــــــــــــــت خلـــــــود وسعــــــود
سعود:تبين فرواله
خلود:ايه مشتهيتها
سعود:شكل وحامك جا عليها
خلود:هههه اي يالله روح جيب لي
سعود:خليها شوي
خلود:لا ابيها الحين الحين
سعود وهو يقوم:على امرك
خلود ابتسمت وهي تلمس بطنها:جيب لي كثير
سعود:بجيب لك كل اللي بالسوق
خلود:اي ولدك مشفوح جيب له كثير
سعود:هههههه حطيها بولدي هاه
خلود:هههههه وانا صادقه
سعود:طيب حبيبتي بجيب لك احسن نوع
خلود:يعطيك العافيه
سعود:الله يعافيك
طلع وخلود جلست تغير بالقنوات وهي تنتظره
...............
ببيــــــــــــــت اهل سالـــم
سالم:اشوفكم استحليتو زوجتي ندمت اني عرفتكم عليها
ام عبدالعزيز:خليهم ينبسطون سوا والا كنت بتظل مخبي زواجك كل العمر
سالم وهو يضحك:بس زوجتي اشتاق لها لجيكم خذوها بناتك بعيد هي حامل اخاف عليها
ام عبدالعزيز:خلي عنك البكش
شجون وهي تدخل وتجلس جنب سالم وبهمس:اشتقت لك
سالم وهو يمسك يدها:وانا كمان
شجون ابتسمت وهي تناظر ام عبدالعزيز
ام عبدالعزيز:وش صار على قضيه اخوك ياسالم
سالم:للحين يمه للحين يحققون
شجون دق قلبها بخوف من الطاري
ام عبدالعزيز:ان شالله يعرفون هالمجرمه والله ماتنازل عنها الا بقصاص
شجون ارتجف قلبها من الخوف
سالم وهو يحضنها ويناظر امه:ولا انا بتنازل يمه اكيد
ام عبدالعزيز:ان شالله اسمع انهم مسكوها قريب
سالم:ان شالله يمه ان شالله
................
بيــــــــــــــــت فيــــصل ونوره
فيصل وهو متنرفز:ترا بدت تقفل معاي منك
نوره:انا قفلت وخلصت منك
فيصل:وش اللي تبين توصلين له
نوره:سديم قالت لي انك كذاب ومانفصلتو لانكم ماتفاهمتو
فيصل:لو هي صادقه كان قالت لك السبب هي تبي توتر علاقتنا وبس
نوره:مو صحيح هالكلام انا شكلي غلطت بحق سديم حيل
فيصل:يعني
نوره:يعني خسرت صديقتي بسبب خوفي اني اخسرك
فيصل:انا عادي تخسريني
نوره:لو اعرف السبب ويكون سببب قوي واكون ظلمت صديقتي راح اتركك فيصل ماراح ابقي على ذمتك
فيصل ماتوقع هالكلام منها:نوره
نوره ماحبت تكمل نقاش معاه وتركته وطلعت الغرفه
وفيصل ظل يفكر بكلامها ويبي يستوعبه
...............
ببيــــــــــــت كســــــــار ونـــــــــارين
نارين:طيب بتطولون
كسار:لا بس بلعبه بالحديقه شوي واجي
نارين:طيب لو بكى حطيت له رضاعه بالشنطه
كسار:طيب نارين فهمت
نارين:طيب
كسار فتح الباب وطلع
ونارين كان ودها تروح معاه بس كسار قال بيودي ولدهم وبس وماطلب منها انها تروح معاه
طلعت فوق وجلست ترتب الغرفه
سمعت صوت وراها ولفت على طول:كسار
كسار:تبين تروحين معانا
نارين فرحت لانه رجع عشانها :اي ابي اروح معاكم
كسار:يلا البسي عباتك استناك تحت
نارين بسرعه:طيب
كسار طلع ونارين لبست عباتها وهي فرحانه
ونزلت بسرعه
وركبت قدام وهي تحط ولدها بحضنها
وكسار حرك للحديقه
....................
ببيـــــــــــــــت ام محـــــــــــــــمد
غدير:اجل محترقه من التفكير
سديم:اي رحمتها بس بعد هي لازم تحس باللي حسيته
غدير:تخليها تحترق زي ماتهمتك
سديم:اي والله
غدير:ماعلينا بكرا بروح معاك الجامعه
سديم:اقول اقلبي وجهك بس
غدير:تكفين تكفين بس بكرا
سديم:بفكر
غدير:يلا سديم حبيبتي تكفين
سديم:هههههه طيب
غدير وهي تبوسها:فديتك ياحلى اخت
سديم وهي تضحك:مصلحجيه
غدير:ههههههههههه
....................
بببـــــــــيت ام بـــــــــدر
دخلـــــو ايمان وميار وبيان البيت
ميار:استنو هنا عشان نسوي مفاجاه لامي
بيان:اي بسرعه
ميار دخلت الصاله وهي تناظر امها:سكري عيونك يمه
ام بدر:هاه سكرتهم
ميار بصوت عالي:ادخلو
بيان وايمان دخلو سوا
ميار:يالله افتحي عيونك يمه
ام بدر فتحت عيونها وهي تناظر ايمان:مشالله مشالله وش هالزين كله وش سويتو بالبنت
بيان:هي حلوه يمه بس طلعنا حلاها زين
ايمان استحت من كلامهم
ميار:استحت يمه كيف لشافها بدر وقام يتغزل فيها
بيان:هههههه حرام عليك البنت وجهها حمر صارت بندوره
ام بدر وهي تمسكها:الله يحميك يايمه
ايمان:تسلمين خالتي
ميار:يلا امشي نخليك تجربين الملابس
بيان:اي يالله امشي
وخذوها فوق
وجلست تلبس بناطيل وتنانير قصيره وفساتين قصيره وتمشي بالكعب وتطيح
ايمان:تعبت من كثر ماطيح بهالكعب
بيان:بهالبلوزه والبنطلون البسي الكعب الاسود
ايمان لبسته وهي تمشي بشويش فيه
ميار:امشي فيه لبرا الغرفه
ايمان:طيب
مشت فيه للباب وناظرت بدر اللي كان طلع من الدرج ومن شافها وقف يناظرها
انبهر فيها انبهار واضح
ايمان بسرعه دخلت الغرفه وجهها احمر وقلبها يدق من الحياء
بيان:شفيك
ميار:وش صار وناظرت برا وشافت بدر واقف وغمزت لبيان
بيان طلعت مع ميار وهي تهمس لها:تعالي نتركهم
ميار:يالله
بدر من نزلو خواته
قرب من الغرفه ودخل الغرفه
ايمان من دخل زاد توترها وعلى طول قامت تلم الاكياس بطريقه عشوائيه:الحين ارتب الغرفه لك
وتنزل بالارض تشيل الملابس والاكياس ويطيحون منها لانها متوتره وترجع تشيلهم
بدر كان يراقب كل حركاتها وهي تنزل وشعرها ينزل معاها كان يناظر لون شعرها الاشقر والمدرجات وقصتها
ايمان فتحت الخزانه وهي تحط الاكياس فيها
وتمشي بسرعه عشان تطلع من الغرفه وتعثرت وهي تبي تطيح
بدر مسكها بسرعه وجت عينه بعينها وهو يقولها:بسم الله عليك
.................
عــــــــــــــــــند حمــــــــــــد ورحـــــــــــــيق
يتمشون بالممشي وهم ساكتين
رحيق:ابي ذره
حمد:طيب وراح يجيب لها ذره
ورحيق جلست على الكرسي
وهي تناظر الرايحين والجايين بالممشي
شافت عبدالله يتمشي هو وشباب معاه
ناظرته وقلبه بدا يدق من الخوف ونزلت عيونها لما شافته حس بنظراتها
وناظرها
حمد قرب منها وهو يمد لها الذره
رحيق اخذت الذره ويدها ترتجف
حمد:شفيك
رحيق بخوف:عبدالله
حمد:شفيه
رحيق وهي تاشر باصبعها:عبدالله وراك
عبدالله انتبه له وهي تاشر
رحيق نزلت اصبعها وهي تقوم بسرعه:حمد خلينا نروح
حمد:قومي بسرعه
رحيق قامت وهي تنزل الذره على الكرسي وتمشي مع حمد
عبدالله جلس يناظرهم وهو يحاول يتذكر
وتذكر حمد لما جا واخذ رحيق وفاتن وعلى طول ركض وراهم وهو يبي يلحق عليهم
عرف ان اللي اشرت عليه هي رحيق شاف سيارتهم وهي تحرك
وركض زي المجنون لسيارته وهو يركب ويحرك وهو يضرب على الدركسون:لقيتك يارحيق ماراح اضيعك من يدي ماراح اضيعك
|
15-06-12, 01:12 PM
جديد مواضيع قسم القصص المكتمله
العرض العادي
