[قصة مكتملة] ذبحني بردك يالجنوب وين حضنك ابيه يلمني ، للكاتبة : أغلى ناسي .. - الصفحة 5

25-04-12, 01:59 AM

المشاركة رقم: 21

المعلومات
الكاتب:	وعـود
اللقب:

البيانات
التسجيل:	Aug 2010
العضوية:	185301
المشاركات:	1,233
الجنس	أنثى
معدل التقييم:
نقاط التقييم:	208

االدولة

مدونتي

الإتصالات
الحالة:
وسائل الإتصال:

كاتب الموضوع : وعـود المنتدى : القصص المكتمله

***

آلبآرت آلخآمس ..~

***

والله واحشني زمانك يابعد هالكون كله
يابعد هالكون كله والله واحشني زمانك
لا تظن اني ابنسى حبك او حتى امله
كيف ابنسى بس قّلي (( جلستك .. حضنك .. حنانك ))

***

عند ريان وبعد الغداء..~
كان عند جدته يسولف معاها وقال لها انه اخذ اجازه عشان ييروح مع عمه ابها زي ماوعدها من قبل
ام عبدالعزيز:يجعل عيني ماتبكيك قول امين يجعل ربي يريحك زي ماريحتني ياضناي والا على عمك ما منه رجاء
ريان: لا عاد يمه ايش دعوه هو قال بيروح
ام عبدالعزيز:هو قال وشيخوه بتقول وجدها لو قال خلها بخليها ويجي بس اذا انت معاه ارتاح واضمن انها بترجع
ريان: لاتشيلي هم انا قلت اني راح اجيبها وباذن الله اقدر
ام عبدالعزيز: الله يجبر بخاطرك ويريحك يا ولدي ومايحرمني من دخلتك علي قول امين
وبدخلت شيخه وعبد العزيز
شيخه: الله يعطينا نصيب من هالدعاوي ياعمه
ام عبدالعزيز بصوت واطي الله ياخذك ياشيخه قولي امين
ريان نزل وجهه وهو يحاول يخفي ضحكته
عبدالعزيز:نور البيت ياريان كل يوم تعال وتغدى عندنا خل نشوف نور ابتسامة الوالده
ام عبدالعزيز: بينور بس اذا اللي ببالي صار
شيخه بفضول: ويش اللي ببالك؟
ام عبدالعزيز تبي تقهرها:رهف بعد كم يوم بتنور البيت هذا
شيخه وجهها اللي انقلب الوان لفت على ابو سعود:صدق الكلام هذا رد علي وليش ما قلت لي ابي افهم
ام عبدالعزيز:وليش يقولك ياخذ الاذن مثلا
ام سعود بصوت عالي: بيتي وانا حره باللي يدخله تخططي كيفك بس تنفذي لا
ريان بصوت هز المكان : حدك صوتك ما يعلى على امي فاهمه واذا مافي احد وقفك عند حدك عندي استعداد ورهف راح تجي يعني تجي
ابو سعود: خلاص مالي وجود انت وهي تحكمون على كيفكم
ريان: انا قلت صوتها ما يعلى على امي الا اذا يرضيك هذا شي ثاني
ابو سعود: لا مايرضي وانتي اعتذري من امي ذحين
ام عبدالعزيز :كانت عينها على واحد ريان يشابه ابوه في كل شي حتى في دافعه عنها ما كان يرضى ينام وهي بخاطرها شي صدق راشد مامتت وريان ولدك
شيخه: انا
ابو سعود: سمعتيني
شيخه قربت من الجده وحبت راسها وهي بتموت من قهرها
وقبل ما تطلع لفت على ريان :ترى اختك اسماء اولى انك تضفها من الهياته بالاسواق والحدائق والاستراحات والمجمعات اما رهف ترى لقت وهي تشد على الكلام رجال يريبها وطلعت
ريان كان بينفجر منها وبداخله وقحه لف على عمه انا عندي شهر اجازه رتب امورك ونروح لها
ام عبد العزيز: ياولدي لاتاخذ على كلامها ابتسم ريان وبداخله نار تاكله
ركب سيارته وعلى طول على بيت امه
شيخه في غرفتها وهي رايحه جايه طيب ياعجوز النار انتي و ريان تبون تجيبونها ان ماخليتكم تكرهون الساعه اللي جت فيها ما اكون شيخه وانت عبدالعزيز ترفع صوتك علي طيب والله اندمكم كلكم وانا شيخه

***

كم شانت وجيهـ الرفاقهـ ولاشنت
خابركـ يا قلبي × تحب الرفايع ×
وفيت معهم واكثر من الوفاء كنت
والغدر بين الناس هالوقت شايع
اسرفت باخلاصكـ وطيبكـ ولاخنت
مع دنيتكـ جربت سبع الشرايع
كن المثل يا قلب راكب عليكـ انت
× سبع الصنايع لكن البخت ضايع × !*

***

عند اسماء اخت ريان كانت مستعده تخرج قابلت امها
ام اسماء: على وين؟
اسماء:عند صديقتي زهور نذاكر
ام اسماء:كل هالزين والكشخه عشان تذاكري عندها اجل لوتسهري ايش بتسوي
اسماء بنفسها ومن قال انها مو سهره: ماااااما انا كذا احب اكون احسن وحده بالشله
ام اسماء : انتي احسن وحده واللي يقول غير كذا اقطع لسانه
اسماء تبوس امها: اوكي باي

((اسماء18 سنه اخت ريان من امه وهي وحيدة امها وابوها عايشه حياتها لا حسيب ولا رقيب تكره ريان وتخاف منه تموت بالطلعات والاسواق والسهرات حلوه وملامحها السمراء معطيتها ملح مزود حلاها))

25-04-12, 02:00 AM

المشاركة رقم: 22

المعلومات
الكاتب:	وعـود
اللقب:

البيانات
التسجيل:	Aug 2010
العضوية:	185301
المشاركات:	1,233
الجنس	أنثى
معدل التقييم:
نقاط التقييم:	208

االدولة

مدونتي

الإتصالات
الحالة:
وسائل الإتصال:

كاتب الموضوع : وعـود المنتدى : القصص المكتمله

***

شااايل موااجع عباد الله على كتفي
كن الخلاايق لهاا من همتّي قسمه

***

دخل البيت وقت ما شافها طالعه تكرر كلام شيخه باذنه رجال مربيها
كانت لابسه عبايه مطرزه ومفتوحه لنص الساق وكانت لابسه قصير وباينه رجولها لان عبايتها مفتوحه وكانت حاطه فل ميك اب ومتلثمه بشيلتها وطالعه هو مجرد ما شافها بالمنظر هذا
صرخ فيها اسمااااااااااءءء
اسماء وهي تشهق: يماااااااا لحقي علي جت بتهرب وشدها من شعرها ودخلها البيت نزلت امها على صياحها
ام اسماء وهي خايفه تقرب منه: ريان فك اختك بتموتها
اسماء: يمه لحقيني بيموتني اااااااااه شعري
ريان بصراخ: ابي افهم هي وين طالعه ويشكل هذا وين؟
امه: تذاكر عند رفيقتها زهور خلاها بتذبح البنت
ريان وهو يلف وجهها ناحيته: المكياج هذا واللبس اللي يشوفها يقول بتصور فيلم وانتي قايله تذاكر غببببببببببببببي انا غبي
اسماء: ااااااااااوف فكني ابوي راضي انت مالك شغل فاهم
ريان: لا فهميني ما فهمت وسحبها لعند الغساله وفك المويه وحط وجهها تحته
وهي تبكي وتشاهق
ريان وهو يرميها على الارض ان شفتك حاطه هالمكياج والا لابسه هاللبس ليكون اخر يوم في عمرك وطلعه مافيه فاهمه مافيييييييي انقلعي على غرفتك
اسماء من بين بكاها: مو شغلك والله اقول لبابا انت مالك شغل فاهم
قرب ريان عندها:عيدي مااسمع عيدي اللي قلتيه من اللي ماله شغل قولي مييييين
اسماء:ماما ابي اطلع صديقاتي ينتظرون خلي هذا يبعد
ريان:اسسسسسسسسسسممممممممممماااااءءء غرفتك تنتظرك اطلعي سحبت نفسها وهي واثقه انها ماراح تتطلع وامها مافي امل تسوي لها حاجه بوجوده

لف على امه ابي افهم عادي تطلع باي وقت وباي شكل عادي
امه وهي تجلس: الله يهداك ياريان عادي كل البنات كذا وبعدين ابوها راضي وانا واثقه فيها
ريان: كلام هالمسلسلات ما يهمني اللي يهمني انها بنت وطلعتها وتصرفتها وبالعمر هذا غلط فاهمه ولا تخليني اتصرف بطريقه متعجبك لاانتي ولا هي
امه: طيب على ماعشت مع عمك متاثرت شوفه مخلي بنته بمدينه وهو بمدينه ومو داري عنها والا تلاقيها استغفرالله مااحطها بذمتي
ريان:امي خليك في بنتك وماعليك بالناس
يلا تبين شي انا طالع
امه: سلامتك
ريان: امي انتبهي على اسماء ما اوصيك لاتخربينها بدلعك
امه: زين روح انت لشغلك ولاتخاف انا دايره بالي عليها
ريان ياخوفي بس من انا دايره بالي: الاسبوع هذا احتمال اسافر مع عمي ابها تامرين شي قبل سفري
امه: لاسلامتك بس ليش رايح
ريان: بس يبي يجيب رهف وانا راح اروح معه
امه وبخبث:شفت اكيد مسويه شي والا ليش رايح يجيبها الله يستر علينا بس
ريان: وين المشكله واحد ويبي بنته
امه: ماقلنا شي بس توه
ريان طنش نغزات امه:يلا مع السلامه

***

25-04-12, 02:01 AM

المشاركة رقم: 23

المعلومات
الكاتب:	وعـود
اللقب:

البيانات
التسجيل:	Aug 2010
العضوية:	185301
المشاركات:	1,233
الجنس	أنثى
معدل التقييم:
نقاط التقييم:	208

االدولة

مدونتي

الإتصالات
الحالة:
وسائل الإتصال:

كاتب الموضوع : وعـود المنتدى : القصص المكتمله

***

قبل امس مثل امس واليومه مثل بكره !!
وعدّاد الايام ماشي والعمـر ماشـي
امشي بالاقدار لا راضـي ولا مُكـره
واللي تشوفه عيوني يمسكه جاشـي
والوقت مافادنـي ذمـه ولا شكـره
بغيت اضمّد جروحه وانتهى شاشـي
علّقني بشـي لا يُعشـق ولا يُكـره
خلا دموع المخـده تحـرق فراشـي !!

***

عند غداف على المغرب..~
امها كانت جالسه جنبها وتتاملها وتلعب مره في شعرها ومره تبوسها
ام غداف: اشتقت لغدو دلوعتي اشتقت تضميني وتحكيلي عن احلامك وعن يومك اشتقت اسمع كلمة ماما منك والله اشتقت
غداف: اممممممممممم
ام غداف بعدت شوي لانها بدات تصحى وما عندها استعداد لنفورها منها فقررت تبعد احسن ودقت الجرس على الممرضه اللي جت ركض:خير مدام
ام غداف بغرور: ابي طاقم طبي كامل عشان اتطمن على غداف لانها بدات تصحى زي ماانتي شايفه
الممرضه جت تقرب من غداف
ام غداف: انا ايش قلت روحي نادي لي الدكتور تحركي
الممرضه طلعت متجه لغرفة باسل اللي جالس عنده ياسر
ودخلت وهي زعلانه وفاتحه الباب بقوه
باسل: الله ياخذك مجنونه
ياسر:هههههههه
الممرضه لسه زعلانه ورافعه حاجب علامة الغضب: دكتور هدا مريضه في غرقة 106 اصحى وفي امها في ابغى كله فريق حق المستشفى
ياسر: غداف صحت
باسل: بس مناك تقولك خالتك طالبه الفريق حق المستشفى عشان جروح سطحيه تقولي صحت
الممرضه: انا في اجي اشوف مريضه هي صيح علي وقول يلا برا
باسل: والله من الوجه اكيد شافتك خافت على بنتها وزعلانه كمان
الممرضه: انا صح في زعلان بس خلاص عشان انت انا في انسى
ياسر:هههههههههههههههههه
باسل: اقول روحي شوفي شغلك
قام باسل وهو معصب
ياسر:وين
باسل:وين يعني عند العله اللي تبي فريق المستشفى
ياسر:روق تخوف ذحين غداف فديتها ترى اعرفها ماتتحمل
باسل: لا والله ترى بتكون من ضمن الفريق والا نسيت
ياسر: لاما نسيت بس انت قدها وقدود بتسكتها
باسل: اوكي يلا باي
ياسر:تكفى انتبه عليها والا اقول لاتكشف عليها اخاف تعورها انا راح اجي
باسل ابتسم
ياسر: ايش فيك؟
باسل: هالكثر تحبها ياسر ولاتخاف انت وكل احبابك بعيوني
وطلع وترك ياسر بشوقه وفرحته

***

ضايق والليل لامنـه دنــا
قمت اغني مع عبادي ( ياظلوم )
ماانتبهت الا على صوتك وانا
احسبك عندي واثاريها حلوم !!

***

غداف كانت تطالع بامها اللي واقفه بعيد عنها
غداف: من متى وانا هنا
امها: من كم ساعه تحسي بشي يعورك شي
غداف:لا
ام غداف: والله اندمها وتشوف
غداف بتعب:مين؟
ام غداف: مين يعني اللي سوت فيك كذا انا الجوهره بنتي يصير فيها كذا انا هذا كله بسبب تهورك ومدارس الفقر اللي انتي تبينها لو انك زي سهاد
غداف: كان ايش كان ماسمعتيني هالمحاظره كان حسستيني انك امي
ام غداف: انا ذحين تاركه شغلي وسفري وبالنهايه تقولي انا مو ام انتي ايش يرضيك ابي افهم ايش
غداف: منك ولا شي منك ماابي شي خليني بروحي مو مجبره تعطيني شي لانك مهما اعطيتي مايرضيني
ام غداف: انتي قلتيها يعني انا مهما سويت ماراح يبان بعينك
غداف وببكاء: تعرفي ليش؟ لانك حرمتيني من اخوي خليتيه ميت بعيون الناس وهو حي احتاجه كل يوم وانت ولا فكرتي حرمتيني من اهلي
ام غداف تقاطعها:ااااااااااااش انتي ماهمك ماجد همك ياسر تبينه صح بس لو تنطبق السماء على الارض مااخليه يوصل لشعره منك فاهمه واللي بنيته بسنين ماراح اخليك تهدمينه فاهمه
باسل كان يسمع كلامهم ووده يكفخها وكان يسمع بكاء غداف كل شوي يزيد دق الباب ودخل
:السلام عليكم مساء الخير لفت غداف للجهه الثانيه
ام غداف: هلا انا طلبت طاقم طبي ليش ماجاء لحد ذحين ابي اتطمن
باسل: مايحتاج كل هذا المريضه بخير ان شاء الله وانا دكتورها لوتبين شي قولي لي
ام غداف: انا قلت ابي كل اللي في المستشفى وبعدين اذا مافيها شي ليش تنويم
باسل عسى ربي ياخذك:قلتلك عنده فقر دم ومحتاجه فتامينات ومغذيات بس
ام غداف: بس
غداف: لفت عليها: مايحتاج انا عارفه نفسي ماله داعي كل هالحوسه ولو جبتيهم راح اطردتهم برا
ام غداف: بس
غداف: ابي شموخ دقي عليها وانتي روحي خلصي شغلك
ام غداف راح تموت من القهر كل شي قالته كسرته واخر شي تطردها قربت منها:سوي اللي تسوينه ياسر اللي انتي قالبه الدنيا عليه ماراح يوصلك((لوتعرفي ان اللي بينهم خطوات))وباستها على جبينها وقبل ماتطلع انا راح اسافر اليوم وراح ارسل الخدامه تجلس عندك لان سهاد عندها امتحانات وبعد صديقاتك يعني مافي احد فاضي لك ورفعت نظرها لباسل اللي شوي ويذبحها:ياليت تنتبه لها انا راح اخلي رقمي عندك عشان لو
باسل: ماله داعي واجبي راح اقوم به على اكمل وجه وتطمني راح اكون حريص عليها لان هذا واجبي
ام غداف لفت على غداف اللي صدت بوجهها على طول وطلعت من غير ولا كلمه
اما غداف تركت الحريه لدموعها انا مافي احد فاضي لي صعبان عليها تترك سفرها وانا عادي تتركني وتهدد بعد

***

25-04-12, 02:02 AM

المشاركة رقم: 24

المعلومات
الكاتب:	وعـود
اللقب:

البيانات
التسجيل:	Aug 2010
العضوية:	185301
المشاركات:	1,233
الجنس	أنثى
معدل التقييم:
نقاط التقييم:	208

االدولة

مدونتي

الإتصالات
الحالة:
وسائل الإتصال:

كاتب الموضوع : وعـود المنتدى : القصص المكتمله

***

لا تفارقني !!
لا تروح بعيد عني ??
الجرح ارحم من فراقك دقيقه ..~

***

باسل والله لو شافك ياسر كان حرقها وتذكر كلمته لاتكشف عليها لانك راح تعورها قرب منها:مساء الخير
غداف لارد
باسل:ماكان وجهي طاح ولاشي
ابتسمت من بين دموعها وببحه زادها بكاها:انا ابي اطلع
باسل:وين تتطلعي؟انا راح انادي الدكتور الخاص بيك وهو يقرر هذا الشي
غداف وببراه:وانت مين؟
باسل:تقدري تعتبريني مناوب
غداف:آآآه فهمت واستاذن باسل وطيران عند ياسر اللي كان عنده عمليه انتظره باسل تقريبا ساعه وتوه يطلع ياسر وسحبه باسل لعنده
ياسر بخوف: فيها شي ايش فيك
باسل:كان مافي المستشفى الا هي تعال وحكى له كل شي صار من امها لدموعها كل اللي سمعه وشافه حكاه له وقال له انه ما كشف عليها وانه يقدر يستلم حالتها لان امها سافرت
ياسر اللي مقهور منها بس مبسوط لانه بيشوف غداف على راحه ترك باسل واتجه لعندها
غداف ملت وهي تنتظر الدكتور يجي قررت تاخذ اغراضها وتتطلع وماراح تنتظر لانها ملت وتكره المستشفيات
دخل ياسر عليها وشافها وهي تحاول تفك المغذي وكيس الدم:لالالالالالالالا
رفعت عيونها له وهو جاء لحدها بسرعه وبعد ايدها بس عيونهم مانزلت عن بعض ...

***

تدري أش كثر أحبـك ... بـس بالمختصـر
كثـر حـب اليتـامـا لإلتفـاتـة عـطـوف !!
واكثـر شـوي مـن كـره الفقيـر الفـقـر ..~
والحزن في أغنيه من حنجرة ( جورج وسوف )

***

غداف:انت؟
ياسر بابتسامه تذوب :شفتي يا غداف انا؟
سحبت ايدها منه وتاكدت من حجابها ابتسم بداخله فديتك تتاكدي من حجابك والله اشتقت لك
غداف:ابي اطلعي
ياسر:نعم
غداف:اللي سمعته ابي اطلع عشان كذا شيل هالاسلاك من يدي ومدت ايدها قدامه
ياسر فديتك:اسف وذحين خليك بنت شطوره ابي اكشف واشوف الجرح بعد العمليه ودق الجرس على الممرضه عشان تساعده
غداف بخوف:ماابي وماله داعي وانا ابي اطلع ذحين بعد
ياسر بحنان ماغاب عن غداف:خايفه
غداف وهي تحاول ماتبكي هزت راسها بمعنى لا

دخلت الممرضه وهي معصبه:نام دكتور ايش ابغى
ياسر اشر لها على جهة الشاش والمعقمات عشان تجيبها وقرب اكثر من غداف وابتسم لها بعد اذنك بس هالكشف لازم عشان الجرح مايتلوث غداف بخوف: راح تعورني
ياسر ياناس اضمها اطير بيها ايش اسوي فيها يارب صبرني يارب:ماراح يعور ان شاء الله بس انتي خليك هاديه شوي
غداف مسكت ايده من غير ماتحس وهو ماعارض ابدا
وخل الممرضه تفك الشاش كان الجرح بيدها اليسار وكان عميق وعلى طول ذراعها بداخله الله ياخذها نعم اللي سوت فيك الممرضه بعصبيه:ايش سوي كمان
ياسر بنفاذ صبر:تعقمين ايش يعني كملت شغلها وهي معصبه وكانت خيوط العمليه واضحه وكانت غداف تشد على ايده وتبكي بصمت وهو كان يتعذب من شكلها قبل كان يفهم ليش محروم منها واللحين مو عارف ليش او حتى لمتى كان يتاملها وسرحان فيها ومو مستوعب أي شي لحد ذحين مو مصدق فجاه تكون معاه بعد مامرت سنين عليهم ونسته؟
ومع عجلت الممرضه اللي كانت معصبه وتشتغل بسرعه فجاه غداف:آآآآآآآآآآآآآآآآآه
ياسر التفت لها وشاف الدم اللي على ملابسه والممرضه اللي وقفت بعيد من الخوف ومو فاهم ايش قاعد تقول بس اللي فاهمه ان غداف بحضنه وتبكي من الالم لان الممرضه بالغلط سحبت خيط العمليه اللي بسببها انفتح نص الجرح
ياسر: جنيتي انتي ؟الممرضه:انا
ياسر:انتي برا ونادي الدكتور باسل تحرررررررككككككككي
الممرضه طلعت برا وسوت كل اللي قال عليه التفت لغداف خلاص تحملي شوي ماله داعي الدموع
غداف كانت زي الطفله ماسكه فيه انت قلت ماراح تعور شوف عورتني شوف الدم وضمته بقوه وبكت والله يعور وظلت تبكي
باسل دخل بسرعه وشافهم : ايش صار
ياسر:الغبيه بس شغلها عندي
باسل شاف يد غداف اللي تنزف وهي متمسكه بياسر:ايش فيك البنت راح دمها ايش فيك جامد كذا
بس ياسر ماتحرك باسل:تحرك مو وقتك عرف انه مافي فايده عقم الجرح وبدا يخيط ولفه وخلص ولسه ياسر على وضعه بس اللي فرق دموعه وغداف اللي بدات تنام بحضنه لان باسل اعطاها مهدئ
باسل: تبكي ايش اللي صار
ياسر كان ضامها بقوه لحضنه :دموعي مو خساره فيها ليته فيني هالالم ولا فيها ليتها تعرف ان كل آآآآآآه طلعت منها كانت من قلبي قبل وكل دموعها انا بكيتها قبلها
باسل يبي يغير الجو:طيب بس قوم من يوم جات غداف والهيئه عند المستشفى ماراحوا قوم حسبي عليك وخلها ترتاح
ياسر يبتسم:جد رايق باسل :قوم ابي افهم نهاية الفلم وانا ابي اطلع ادور الممرضه الغبيه هذي وطلع وتركهم
نزلها ياسر وجلس يتاملها باس ايدها وهمس باذنها :وعد اكون بجنبك واعوضك عن كل اللي راح بس انتي ناسيتني معقوله نسيتي ملامحي وانا اللي من اول ماسمعت صوتك طريتي على بالي اقولك مين اكون والا اسكت وانتظر ماجد بس اخاف تضيعي مني غداف بقربك ضايع اكثر من بعدك يارب صبرني يارب قويني واعطيني شوية صبر بس على بعدها من بعد ماقابلتها وطبع بوسه على جبينها ودخلت الممرضه اللي ارسلها باسل عشان تكون معاها

***

تدري " آذآ َضآق صدري منك .. }
شـ سوي !
آطفي النوؤور !!! ( وّ آسمع :
كآظم آلسآهر ..
[ آنآ و ليلى ] ... وّ جوي " مآهو
بـ بجوي
مهمآ آخبي آلحزن ,‘ في غيبتك " ظآهر ..

***

عند شموخ اللي ازعجها الجوال سحبته بتافف :الو خييييييييير نعم
...... :احلى الوووووووو ونعم والخير انتي انا مااتحمل الصوت التعبان بعدها حبيبتي نايمه يلا اصحي ترى وراك مذاكره
هنا شموخ اختفى صوتها وما قدرت ترد بكلمه وحده قفلت الخط ورمت الجوال وشوي وتبكي
رجع دق اكثر من مره وقررت تسبح وتصلي بعدين تشوف مين بعد ماخلصت صلاه سحبت الجوال وشافت الاتصال ومسج منه((عييب تقفلي في وجهي ترى ازعل ترضي حبك يزعل))
هي:اووووووووووووف من هذا حب وعشق مين ؟؟
دقت جوال غداف مقفل وامها نفس الشي وسهاد لارد هي اووف ابي اتطمن عليها يالله طلعت دورت اهلها مالقتهم دقت على راما ماردت ورهف مقفل تذكرت سلطان يالله لو تعرف ايش كثر مشتاقه لك سلطاني
رجع جوالها يدق وبعصبيه سحبته بس لانت ملامح وجهها يوم شافته رقم هند اختها
شموخ:هلا باللي ناسيتنا وناسيه الدنيا مع عزوزها
هند:ههههههههههه فديتك ياشموخه بكره نشوفك وليش بكره من ذحين
شموخ باحراج:هنننننننننننند خلاص
هند:اوكي خليك منه كيف الاهل وامتحاناتك
شموخ:تمام كل حاجه تمام بس قولي انك راح تجي الصيف هذا
هند:طبعا لا
شموخ:ليييييييييييييييش والله اشتقت لك الله يخليك تعالي ولو اسبوع
هند:وعزوزي اتركه
شموخ:اقول مالت انا اختك
هند:وهو حياتي ودنيتي والله احبه
شموخ: توي اعرف وبعدين انتي مامليتي من حياتك فقر ولا ونيس وهو دوم مشغول على الفاضي ملل والله وعشان ايش كل هذا
هند:عشان احبه عشان انا مااحس بنفسي الا معاه وبعدين الفلوس مو كل شي بالدنيا شوفي غدو عندها ماااااال واملاك وهي ماتبيهم ولا فادتها بشي
شموخ:غداف شي وانتي شي والله ماتسوى عليك ويعني ايش تحبيه
هند:يعني لو سلطان صار وضعه زي عزوز انتي ايش تسوي
شموخ:مدري اللي اعرفه ان الفلوس تكمل كل شي بالحياه حتى الحب وبعدين انتي كم سنه وتدخلي الثلاثين لا ولد ولاتلد
هند:ومن قال انا حامل ياشموخ ودقيت عشان افرح معاك بس كلامك صدمني انا اكبر منك وشفت اكثر منك بالحياه مو كل شي الفلوس تجيبه صدقيني يمكن تضيع كل شي منك لانها زي الوهم مره نعيشه ومره نصحى منه
شموخ:انا اسفه لوضايقتك بس انا ابيك سعيده والف مبروووك من قلبي والله فرحت لك
هند بضيقه: لاعادي انا اكلمك بعدين يلا مع السلامه
شموخ حست بتانيب الضمير بس مااهتمت لانه فرحت انها بتكون خاله وراحت تنط وتلعب وحاولت اكثر من مره تكلم غداف بس مافي امل ...

***

25-04-12, 02:04 AM

المشاركة رقم: 25

المعلومات
الكاتب:	وعـود
اللقب:

البيانات
التسجيل:	Aug 2010
العضوية:	185301
المشاركات:	1,233
الجنس	أنثى
معدل التقييم:
نقاط التقييم:	208

االدولة

مدونتي

الإتصالات
الحالة:
وسائل الإتصال:

كاتب الموضوع : وعـود المنتدى : القصص المكتمله

***

أسهر ,
وأنا واللي خلقني مالي خلقٍ للسهر ,
...................... عيوني تعاندني ولا أقدر { .. أغمضها !
تبي تغفى على صوتك |
..................... ولا لي حيله غير إني أنتظركَ !

***

دق جوالها وكان سلطان ( قلبي )
ابتسمت وردت بسرعه
هلا حبيبي واحشني
سلطان بزعل :وينك؟
شموخ:بالبيت
سلطان:ليش ماجيتي مع خالتي كلها ساعه اعتبريها راحه لك من المذاكره
شموخ:ماما عندك والله ماعندي خبر ولا قالت لي ومن شوي بس صاحيه
سلطان:وامتحانك ويومك مو كل يوم انا عايش معاك ليش اليوم نسيتي
شموخ تذكرت اللي صار ليالي غداف باسل المسجات والاتصالات راما كل شي مر عليها بلحظه وبضيق:يومي مايسوى عمري مااحتجتك
سلطان بخوف:شموخي ويش فيك
شموخ:متضايقه حيييييييييل مخنوقه وانت اليوم حسيتك بعيد حسيتك مو لي احتاجتك بس كيف اوصلك
سلطان:انا لو الدنيا تتوه عن طريقي انتي لا انا لو انشغل عن الدنيا انتي لا انتي شموخي ليه تقولي كذا شموخ في احد ضايقك انتي خايفه من شي
شموخ ماتحملت تمنت شي واحد انه قدامها وتحضنه وتحكي عن خوفها من انها تخسر غداف من انسان داخل حياتها بغموض يخوف وبكت:انا تعبت اليوم حسيت هالدنيا ماتسوى يوم شفت غداف طايحه كنت ابي اموت وبس ورجعت تبكي
سلطان :مافهمت غداف ايش فيها شموخ حكت له كل اللي صار معاهم
سلطان:حبيبي انتي اهدي هي اكيد بخير انتي قلتي الجروح اللي بظهرها سطحيه والعمليه بيدها يعني مافي خطوره حبي لاتذبحيني الا دموعك الا انتي لاتتالمي لاتخافي لاتشيلي هم كل شي يخوفك قوليه لي انا احميك انا اعطيك ايامي وسنيني ولا اشوف في عينك لمحة حزن انا احبببببببببببك احبك ياانا ياكلي ياروحي
شموخ:لاتبعد مهما صار خلك معي انا من دون حبك مااكون ولا ابي اكون
سلطان:وين ابعد ترى انا ضايع فيك تراك جننتيني مااقدر انهي يومي وابداه الا معاك عسى بس ماتطول ليالي بعدك وعسى هالزمن يمشي ويوصل عند اللحظه اللي اشيل فيها الطرحه عن
وجه القمر واقول لكل الناس هذي شمووووووووووووخ سلطان
شموخ:احبك والله احبك
سلطان غني لي
سلطان بصوت تعشقه بصوت يهزها يحركها يخليها بعالم له هو بس:

خير شفيه صوتك خير حبيبي قول وعلمني
والله لاقلب الدنيا علشانك وازلزها

احس بنبرتك شي غير شي يوجع وذابحني
والله يا حبيب الروح حياتي فدوه لك خذها

اذا خايف من الفرقه خذها يالغلا مني
انا والله من دونك دروب الحب ما دلها

واذا خايف من الدنيا تعال بجنبي و احضني
و خلي بكره لبكره و اكيد الله يسهلها

طلبتك مني لا تخجل سؤالك ياما خجلني
و ياما شانت الدنيا بعيني وانت تزينها

و عينك خلها بعيني ولا تخبي ابد عني
و لو مد الحزن يده بإذن الله ابقطعها

ابتسمت وهي تحاول تخبي دموعها ماتبيها تفضحها وبباحه:احبك ياغلاي وغناتي عسى ماانحرم منك
ابتسم عشقها بقلبه شي ثاني مالكته من قلب بكل همس منها تسحره:ولامنك ياقلبي يلا شموخي انا مانسيتك ترى ارسلت لك اكل مع خالتي وابيك تاكلين زين ومن بعدها تذاكري وتروقي وغداف بكره تشوفيها ولو خالي انشغل والله برموشي اخدمك لوتبين يادنيتي انتي
شموخ:سلطان ناوي علي ترى مااقوى هالحب صدقني خف شوي علي
ضحك من قلب:الا حبي لك يزيد خارج حدود سيطرتي
سمعت صوت الباب:اوكي حبيبي يلا شكل ماما وصلت وقبل ماانسى بوسي لي سمو وقال هنوده حامل وترى مااتنازل عن بشارتي اوكي
سلطان بزعل:لا مو فاهم زين ومو اوكي كمان
شموخ اللي صار بالنسبه لها كتاب:هههههههههههههه سلطاني وهذي احلى بوسه لحبي اموااااااااااااااح زين الحلو راضي
سلطان يتنهد:والله حرام ماتكوني معاي والله حرام اعيش من دونك والله
شموخ:يلا سلطاني هانت مو تقول مابقى شي لنا
سلطان:الله يصبرني بس
شموخ:يلا مع السلامه سلطاني
سلطان:مع السلامه الله يحفظك من كل سوء ومايحرمني منك

***

لهون وخلص آلبآرت آلخآمس ..~
آعذب آلتحآيآ

LinkBacks (?) LinkBack to this Thread: https://www.liilas.com/vb3/t175364.html
أرسلت بواسطة	For	Type	التاريخ
Untitled document	This thread	Refback	05-08-14 11:24 PM
Untitled document	This thread	Refback	20-07-14 10:36 PM