كاتب الموضوع :
بياض الصبح
المنتدى :
الارشيف
ام عادل بحسرة \ياااويلي ياقلبي ياعبير .. تكفى يامنصور ودني لها
ابوعادل يهديها \وعد اني اوديك لها بكره الصبح .. بس الحين مانقدر
ابوهادي \يا بنت الحلال اذكري ربك ..واحمديه ..ان بنتك عايشة وبخير .. ومايصير الا كل خير انشاء الله
ام هادي \طيب هي تكلمت معكم ..قامت ..
ابوهادي \لا والله هي لسى ماصحت .. بس انشاء الله تقوم وتتحسن حالها ..
هند \عمي وش قال الدكتور عن جروحها ؟؟
ابوعادل \ ما ما سالته بكره اساله ..
قام ابوعادل وطلع الدرج ..مايقدر يتخيل ان بنته عبير تتشوه ..او تتعذب كل ها العذاب .. شاف نور جالسة ع الدرج وتتسمع كلامهم اول ماشافته قامت ووقفت مكانها ..
ابوعادل <<ادري انها تهمك .. وتموتين فيها مثل ماهي تموت فيك .. بس وش اقولك حتى انتي راح اجرح روحي قبل لا اجرحك <<
مشى ابوعادل من عندها ولا قال لها شيء ..بس نور مشت وراه ونادته ..
نور بقوووة \منصووور ؟
ابوعادل وقف مكانه وناظرها <<يعني وش تبين ؟>>
نور تناظره بحقد \ وش صار لعبير .. لايكون قتلتها ..مثل ماقتلته ..او دفنتها حية .. والله لااذبحك ان لمستها با الشر فاهم يا حقيييييير ..
ابوعادل مصدوووم \عبير بنتي يا المجنونة ..
نور بسخرية \ شيء طبيعي متخلف مثلك يقتل بنته مثل ماقتل اخووووووه ..
مشت عنه .. واقف مكانه مصدوم مقهور ..وصرتي تعايريني .. انا اوريك ان ماطلعت روحك بيديني هين ..
مشت نور رايحة لغرفتها ..وهي ضايقة على حال بنت عمها ..وحبيبتها عبير .. شافت امل واقفة في الممر ..وتناظرها بكره
نور بطفش \وش عندك انتي وعيونك ..
امل تبكي \ عبير ماتت
نور بخوف ضمت امل \لا من يقول ها الكلام لا حبيبتي عبير بكره تجي ..هي بس تعبانة ..
امل \نور الكلب اكل عبير ..
نور \يخسي لا الكلب ولا اللي خلفوه ياكلها .. ابواسنان وسخة
امل \ رحنا نجيب ورد من عندهم .. فجانا الكلب
نور تبكي \وانتوا وش لكم بوردهم ليش رحتوا تاخذونه لييييش ؟
امل \عبير راحت تجيب ورد لك انتي ..قالت انك زعلانة ..
نور \................................
ظلت مصدومة ومو مصدقة ايه صح انا كنت زعلانة من عبير ومن الكل بس ..ايه عبير راحت تجيب الورد لي انا .. عشاني عبير في المستشفى الحين ..لاني زعلتها وتضاربت معها ..راحت تجيبلي ورد .. ..جلست مكانها مقهووورة وهي تضم امل ..ويلي منك ياعبير ..والله اني مااستاهل ..اااااااااااااااااه يارب ليش كل ها القهر ..ليته ابوها او انا بس هي لا لا ....
.................
فهد بصراخ \ بسرعة وراي شغل مو بس انتوا ..<<وميت من الضحك عليهم <<
فوز بقلة حيلة \ حرام عليك يا فهد والله تعبنا ..احس اني انكتمت والله تكفى خلاص
مريم برجاء \خلاص فهد يااخوي سامحنا
فهد ينتظر منى تتكلم بس منى مستحييييل تستجدي ...
منى \اسمع اسمع ..هيه انتي وهي كملوا شغلكم با العكس احس بنشاط وانا اشتغل .. وش احلى من انه ننظف اسطبل الخيل ..مافيه شيء اروع من كذا ..
فهد مصدوم \يعني انتي الحين مبسوطة انك تنظفين ..وتشتغلين شغل العمال وتحت امري بعد ؟؟
منى بلقافة \مع انه مالي نفس اكلمك او ارد عليك بس ماعليه رحمتك ..اسمع يا فهيدااان والله لو اني مو راحمة فوز ومريم ..ولاني ادري انهم تننننك وبيسوون اللي انت تبيه فانا اساعدهم ..لاني انا اللي خططت لفساد كفراتك ..والمهمة تمت بامري ..عشان كذا اساعدهم ..ولا اتخلى عنهم ..فهمت <<كانت تتكلم وكانها تشرح لطفل عسيير الفهم <<
فهد حمق \تدرين انك قليلة ادب ؟؟ وتبين لك تربية ؟
منى وتتخصر \لا تكفى عدال يا ابو التربية ..اقول لاترمي الناس باافعالك ..تراك مكشوووف ..
فهد يقرب منها وناوي يذبحها بس فوز تمسكه ومريم تسحب منى تبي تطلعها من الاسطبل ..
منى بسخرية \لاااا باقي ماخلصت تنظيف .. ولا اقول فهيداان استلم الشغل من بعدي يا مؤدب .. انا طالعة مشوواااار ..
مريم \انطمي وامشي معي ..
فهد يدف فوز ويلحق منى \ تعالي انتي يا غبية ..
منى تكلم مريم \ترى فهد يناديك ..
طقتها مريم على راسها \مالت عليك
فهد وقف قدامها \اسمعي يا حمارة انا مو اصغر عيالك كل ماقلتي قلتي فهيدان سامعة ..انا تاج راسك
منى \كيفي اسميك اللي ابيه ..مو انت تقولي غبية وحمارة ومدري وشهو عاد انا احترمك شوي واقولك فهيدان .. وثانيا انت تاج راسي ..هههههه مبببببببطي..
فهد \ اناديك بااللي ابي سامعة وتاج راسك من الحين ..وش رايك ؟
منى تمر من جنبه وتحقره \ رايي انك اسخف من عرفت ..
فهد بجدية \منى والله لااخليك تندمين ..زين لا تنسين ؟
منى كملت طريقها ولا ردت عليه <<كم مرة رددت ها الكلام يا متخلف ..وانا والله لا ادوس ببطنك ..بس هين الجايات اكثر <<
فهد \فوز مريم يا الله امشوا السيارة ..
فوز بخوف \فهد ومنى ..
فهد معصب \في حريقة تحرقها ..
مريم ورى فوز \ كيف تبي تخليها هنا لحالها ..
فهد \اذا تبين اجلسي معها ..
فوز \فهد ماعليك منها منى تقط كلام مو فاهمته ..الله يخليك خلنا ناخذها معنا .. انت الكبير واحسن منها ..
مريم \ايه صح فهد انت الكبير ..وبعدين مستحيل تسمح لنفسك تترك بنت عمك هنا لحالها مع الهنود .. حرام
فهد يناظر الثنتين بقهر \الله ياخذكم انتوا وهي زين ؟ روحوا جيبوها بسرعة
راحوا فوز ومريم ونادوا منى تجي معهم ..بس هي عندت وقالت والله ماتركب معه ..فهد فتن وحلف انها يا تركب بنفسها يا انه بيحطها في دبة السيارة غصب عنها ..ركبت منى وهي تتشفى في فهد ومبسوطة انها قهرته .. ركبت فوز قدام ..
فهد بفتنة \خير وش عندك رزيتي وجهك عندي .. انقلعي ورى عند باقي البعارين ..
فوز نزلت وهي متفشلة وركبت جنب منى ومريم وطبعا ضايقوا بعض ويحسون بزحمة ...
منى بهمس \ فوز وش رايك افقع عينه با المسكره حقتي
فوز \وش رايك تنطمين لا اكفخك ..
فهد \انطمي انتي وهي ولا اسمع لوحدة منكم نفس سامعين ..
وقهرا لهم قفل فهد الطاقات ..وماشغل المكيف الخلفي ..ولا شغل سي دي .. يعني عذببببهم .. لحتى وصلوا البيت وهم يسبونه بسرهم .....
عرفت مريم با اللي صار لاختها ..وبدت تصارخ وتبكي ليش ماخبروها ..
مريم وهي تبكي \ يعني لو تموت اختي مادريت ..حرام عليكم ليش كذا ليش ؟؟
منى تضمها وتبكي معها \ يا قلبي يا عبير ..والله ماتستاهل والله
هند \خلاص انتي وهي ماصدقنا عمتي تهداء شوي لا تسوون كذا ..وبعدين عبير بخير وعادل وخالد عندها الحين ..
مريم \الله ياخذه الكلب وكل كلب ..مالقى غير اختي الخسيس
هند \مسكينة والله رحمة الله انقذتها منه ..
منى تمسح دموعها \طيب فهد كان يدري انها في المستشفى ؟؟
هند \والله ماادري اعتقد انه يدري ..لانه كان راح يرجع معنا بس سيارته كانت خربانة ..
مريم بكره \الحقير كان يدري ان اختي في المستشفى وظل يلعب فينا ويعذبنا التافه ..
منى \والله اوريه شغله هين يا فهيدان اوريك ..
طلعوا منى ومريم يدورون على ابوعادل يسالونه عن عبير .. قال لهم انها بخير واللي فيها خدوش بسيطة ..بس ماراح يقدرون يزورونها ...
...........................
ام عادل \الله يسامحك يا ابو عادل خمس ايام وانت تقولي انها بخير ومنعتني من زيارتها .. متى بتوديني لها تكفى ماعاد اقدر اصبر ..
ابوعادل بقلة حيلة \يا بنت الحلال صلي على النبي واسمعيني ..
بنتك الله لطف فيها وانقذها من الموت .. وساعدها ولد حلال وطيب .. بس عبير ماهي با الخير مثل ماقلت لكم ..
طلعت شهقة من كل الموجودين واولهم ام عادل ..
ابوعادل يكمل \ عبير تعبانة مرة ..والكلب سببلها جروح قوية ولاراح تتعافى جروحها الا بعد علاج وعمليات ..
ام عادل بصرخة \اااااااااااااااااااااااه يا ويلي عليك يا عبير ياويلي عليك يوممممه
والكل بدوا يبكون ويصرخون من الحزن على عبير ..
ابوهادي \لا اله الا الله يا مسلمين اذكروا ربكم ..البنت عايشة والحمدلله ..والطب تطور وعلاجها لو هو في الصين والله لا اجيبه لها ..بس ياام عادل صلي على النبي وانتوا يا بنات هند مريم منى عيب خلاص ..ام هادي الله يعافيك قوليلك كلمة ..
بس ماكان احد يسمعه كلهم ضايقين ويبكون ..ولا قدروا يردون عليه ....
..............................
ماجد بحزن \لا والله ..وش ذا العلم يافهد ..
فهد \ والله يااخوي هذا اللي صار ..وهي الى الحين با المستشفى ماطلعت بس قالي عادل انهم بكره بيسوون لها عملية ...
ماجد بحسره \لا والله ماتستاهل .. لا اله الا الله قوم خلنا نروح لهم المستشفى قوم نروح نزورها ونشوف حال عمي ..
فهد \انت توك جاي من السفر .. ارتاح وبكره روح
ماجد\ لا لا الحين خلنا نروح مو تقول صار لها سبعة ايام
فهد \ على قولك ..مشينا .. الا ماقلتلي وش صار في شغلك ..عطوك اللي تبيه ..؟؟
ماجد وتذكر نور واللي سواه عشانها ..فابتسم\ الحمدلله ضمنته .
وراحوا للمستشفى العسكري ..يزورون عبير ..
.............................
هادي وهو في الاصنصير \ نور ..اذا شافك عادل بيعصب خلينا نرجع .. وبعدين نجي ..
نور ببرود \ ماهمني يزعل هو واللي خلفوه ..الى متى يكذبون علي ويقولون ان عبير بخير ..<<تغير صوتها <<انا حاسة ان فيها شيء كبير ..والله خايفة عليها ..
هادي \هذا احنا وصلنا ..تعالي ..
نور تناظر هادي \هادي خلاص انت انزل وانا بااروح لها اعرف رقم الغرفة .. ماابي احد يدري اني جيت معك عشان مايمشكلونك ..
هادي \ بيذبحونك لو قلتيلهم انك جيتي مع السواق لحالك ..
نور بعدم صبر \ خلاااص قلتلك روح ..انا ادبر عمري روح
نزل هادي وترك نور تروح لعبير لحالها ... مشت في الممرات ومشت لحتى حست ان ارجولها بتتكسر .. وحست انها ضاعت وماتدري وين تروح ... شافت ممرضة واسالتها عن غرفة عبير ..ودلتها عليها ... واول ماوصلت ودخلت الممر لقت عادل وخالد ومعهم واحد غريب واقفين عند باب الغرفة ..مع الدكتور ..
اول ماشافها عادل عرفها وراح لها طيران ..
عادل معصب \وش جابك هنا ..مع مين جاية ؟؟
نور خافت بس مابينت \ماجيت اشوفك جيت ابي عبير ..وبادخل عندها اشوفها ابعد ..
عادل مسك يدها يبي ينزلها تحت بس هي عندت وسحبت يدها بقوة وراحت ناحية الغرفة .. خالد ارتبك من الوضع وراح لها ..
خالد \نور انتي صاحية ..عبير نايمة الحين ماتقدرين تدخلين عندها
نور بقهر \ابعد عن طريقي باادخل غصب عنكم ..
بس خالد ظل واقف عند الباب وماسمح لها تدخل ..
نور ناظرت الدكتور وترجته يخليها تدخل ..
نور \دكتور تكفى الله يخليك ابي اشوفها تكفى اسمحلي ادخل ..<<بدت تبكي << والله ماازعجها ماراح اصحيها بس تكفى اسمحلي ادخل ..خلني اشوفها تكفى تكفى ..
الدكتور يناظر عادل وخالد ..ويناظر رائد اللي حسه قلبه على نور بس هو ماله دخل ولا يقدر يتدخل ..
عادل \نور خلاص والله لما تتحسن اخليك تجين واجيبك بنفسي ..وعد ..اوعدك بس الحين ماتقدرين ..
نور \يا كذاب ..انا متاكدة ان عبير مو طيبة وفيها شيء ..والحين لساتك تكذب وتقول انك راح تجيبني عندها ..ماابي ..انا راح ادخل غصب عنكم كلكم ..ابعد <<تناظر خالد <<خالد طلبتك خلني ادخل عندها تكفى ..
خالد بعد عن طريقها وفتح لها الباب .. ووصاها ماتزعج عبير ..<<بس اللي خوف نور قبل لا تدخل هي كلمت خالد لها لما قال ..نور لا تنصدمين با اللي راح تشوفينه ..<<
.............................,,
قربت من السرير اللي كانت الاجهزة محيطة به من كل جهه .. وناظرت عبير ..او ناظرت الوجه اللي ملفوف نصه تقريبا وكل رقبتها ..وحتى كتوفها كيف الشاش الابيض مغطيها ..قربت وحطت يدها على راس عبير وصارت تمسح شعرها اللي طول شوي عن قصته الاخيرة ...
نور وهي تبكي \كنت ادري والله كنت ادري انهم يكذبون علي يقولون مافيك شيء بس انا قلبي حسسني انك تعبانة مرررة .. عبورة حبيبي الف سلامة عليك ياقلبي ..والله ليت ها الجروح فيني مو فيك .. سامحيني يا الغلا انا السبب رحتي تجيبين لي ......... ورد والله مااستاهل منك كل هذا ... <<تشهق << عبير فديتك ياعبير اااااااااااااااااااااه قومي عبورة عشاني طمنيني فتحي عينك وردي علي << وتبوس عبير على راسها وخدها وتبوس عيونها<<
محتاجتك تكفين اصحي سامحيني.<<حطت راسها على رقبت عبير وكملت بكيها <<
........ كان عادل وخالد واقفين عند الباب واسمعوا بكاء نور وترجيها لعبيرانها تصحى ... خالد يناظر عادل يعني وش نسوي .. وعادل يناظره بقلة حيلة .. اما رائد فحس باحساس غريب اتجاه ها البنتين ....
وصل ماجد وفهدوشافوا حال عيال عمهم تحمدوا لهم با السلامة ..وقفلوا الباب على نور وعبير ...
ماجد \ والله توني جاي من المطار وعرفت باللي صار ..خطاكم السؤ ..والحمدلله على سلامتها
عادل \ الله يسلمك من الشر .. ماتقصر ياولد عمي ..
فهد\ اشلونك يارائد ؟؟عساك طيب ؟؟
رائد\ الحمدلله مابه خلاف ...
عرفوا ماجد على رائد ... بس الكل لاحظوا ضيق خالد منه ..بس رائد ماعطا خالد وجه ...
..............................
حست بوجود احد جنبها ونادت بتعب ...
عبير بالم \ يومه ااه يومه
نور تبوس خدها \ لبيه عبير .. انا نور تسمعيني
عبير تفتح عيونها وتناظر نور بتعب \ نور ااه تعبانة اااه
نور بغصة\ سلامتك ليته فيني ولا فيك سلامتك ياروحي
عبير \ اب ابي ماي
نور تناظرها بخوف \الحين اروح اجيبلك مويه الحين استني
عبير بهمس \لا لا تروحين .. لا تخليني لحالي نور ابى امي <<بدت تبكي<< اميييي ااه يومه
نور \الحين ارجع ..
خرجت نور من الغرفة وردت الباب وراها ... ناظرت حولها تبي عادل ... عادل شافها وراح لها
نور \ عبير قامت قالت تبي ماي وتبي ام..............<<ماكملت كلام لانهم اسمعوا صراخ عبير في الغرفة << دخل عادل بسرعة وخالد راح ينادي الدكتور << اما ماجد وفهد ورائد كانوا يسمعون صراخ عبير وبكاها ..
عبير وهي تبكي \ ابعده عنييييي ..عادل عادل تكفى ابعده عنييي اااه يومه ااه ابعدووووووه
عادل بالم \عبير حبيبي خلاص راح والله راح بسم الله عليك عبير خلاص وقفي صراخ عشاني .. حبيبتي اهدي ..
..بس عبير كانت تعيش خوفها ورعبها من جديد لان الالم يذكرها ويحسسها ان الكلب لساته يهاجمها ..
<< كملت صراخ وبكي لحتى وصل الدكتور وخرج عادل وخالد من عندها << واعطاها مهدء اللي خلاها ترجع مرة ثانية في الظلام ..
...... لما طلع الدكتور وطمنهم على عبير وقالهم واكد عليهم ضرورة العملية قبل لا تحس بانها مشوهه ..
عادل ضرب الجدار بيده بقوة وصار يصارخ \ اه بس ليته فيني ليته فيني يا عبير ..
ماجد معصب \ وش بلاك انت اذكر ربك يا المجنون الله بيهونها .. لا يشوفك ابوك على ها الحال لازم تكون قوي ..
خالد يكلم فهد \وين نور ؟؟
فهد \وش نور ؟؟
خالد \نور بنت عمي سالم وينها كانت هنا ..
فهد \ مدري والله ماانتبهت لها ..
ماجد اشتغل عقله ..هذي اللي كانت هنا نور .. ايه نور الحق عليها يا المجنون ..
ماجد بسرعة \بااروح اشوفها وين راحت ...
ومشى قبل لا احد يرد عليه ..
......... كانت جالسة با الاصنصير وتبكي بقوة على حال عبير ..تتذكر لما خرجت من عندها كيف صارت تصارخ وتنادي ..
وتتخيل عبير الدلوعة واللي كل شيء يخوفها كيف اجرم فيها الكلب بها القسوة .. << يارب يارب ساعدها << اول ماوقف المصعد وقفت وصارت تعدل عبايتها .. وخرجت منه ومشت على نفس الطريق اللي دخلته مع هادي << اوف لا كيف صار كذا لااكون ضيعت مره ثانية << ناظرت حولها بس نفس الممرات وين الطريق .. وصلت الرسبشن ودلت طريقها للباب وهي تحمد الله انها قدرت تخرج ... بس مشكلة ثانية الحين وين السواق وين طس با السيارة ... اتصلت عليه من جوال منى اللي خذته معها .. وقالت له يجي عند الباب .. كانت تنتظر وتناظر حولها .. ناظرت مدخل المستشفى وشافته خارج ... طار عقلها حست ان ارجولها مغروسة با الارض .. ياويلي وش هذا يسوي هنا ..لا يشوفني .. وين اتخبى منه .. وين اروح وتتلفت حولها تبي تتخبى منه ..صبر ياغبية لا تتهورين حتى لو شافك ماراح يعرفك .. انتي لابسة عباية ولا راح يعرفك .. ..الله ياخذك يا كومار وينك يا المجرم .. شافت السواق اللي جاب السيارة عند المدخل ..وانتظرها تجي تركب ..
...............
كان يدور بعيونه بكل مكان ..هذي وين راحت قلبت المستشفى مالقيتها .. طيب مع من راحت .. وشوي الا وشاف سيارة عمه وفيها السواق مرت من عنده ووقفت ..سال السواق من اللي جاء معه ..وعلمه ان نور وهادي كانوا معه ..
......
يارب وش السواه الحين ليش واقف كومار هناك ..اتصلت عليه
نور \كومار تعال انا عند مقاعد اصفر عند حديقة مستشفى بسرعة
كومار \زين انا يجي ..
مشى با السيارة ووقف عند نور وهي ركبت بسرعة وقالتله يرجع البيت ولا عاد يوقف ... وكل هذا قدام عيون ماجد <<كانت متخبية هناك .. بس لحظة وين هادي مااشوفه معها .. لا تكون تبي تروح لحالها مع السواق ..<< اشر للسواق يوقف ..بس نور قالتله لا يوقف بس كومار خايف من ماجد اكثر من نور ..عشان كذا وقف وهو يتجاهل ترجي نور له ..
نور بقهر \كومااار امشي لا توقف امششششش
ماجد \ كومار وين هادي ؟؟ <<وقف عند الطاقة .. ونور قفلت الباب بسرعة تخاف لا يفتحه عليها <<
كومار \هادي يقول فيه روح مدري وين ..
ماجد عصب \ وليش ماتكلمه يجي يروح معكم ؟؟ هاه ؟؟
كومار طاح قلبه \انا مافيه معلوم ..نور فيه قول هادي مافيه يجي ..
<<نور بخاطرها الله ياخذك الله ياخذك ..ليه يوم تنكبني .. وش اسوي بعمري انا <<
ماجد يناظر نور \ نور وين هادي ؟؟
نور << ياويلي بيذبحني بيضربني مثل ماضربني با المزرعة .. الله يفكني منك يا ماجد وش سلطك علي
فهم من سكوتها انه لو يظل واقف طول الليل ماراح ترد عليه .. فدق على جوال هادي ..وهادي قاله انه مو في المستشفى .. وطبعا ماجد شرشحه وقفل بوجهه وهو يتحلف فيه ..
ماجد ركب قدام جنب السواق وقاله يمشي ..<<هنا نور انتهت ..انا من وين القاها ..وش ركبك انت ووجهك .. الله ياخذك يا كومار ليش وقفت ..ليش ..يارب استرها معي ..يارب انصرني عليه <<
طول الطريق وماجد ياكل في نفسه من الغيض ..يعني هذي ماتتعلم ..الساعة تسعة وتركب مع السواق لحالها .. ماكفاها الدرس اللي عطيتها اياه في المزرعة .. بس من يفكك مني يا نور من ..؟<<
اما كومار فكان السواق المثالي قدام ماجد ..السرعة 60 ..والاشارة يوقف لين تصير حمراء ثم خضراء ثم يمشي .. ويتميلح حاول يسولف بس عطاه ماجد نظره خلته يتشهد على نفسه ...<<
...................
فهد \ انا مدري وين طس ولد عمك هذا ..
خالد \اتصل عليه لا يكون ضيع طريق الغرفة ..
فهد \لا ياشيخ ..صح المستشفى كبير ويضيع بس مو يضيع فيه ماجد ..
اتصل فهد على ماجد ..
فهد \يااخوي وينك تعال نبي نرجع البيت ..
ماجد \خلاص ارجع انا عندي مشوار وبعدها ارجع البيت ..
فهد \انت وين انت با المستشفى ؟؟
ماجد \لا مو في المستشفى ..فمان الله ..
قفل ماجد وهو وده يضرب نور با الجوال ويبرد قلبه ..
وصلوا البيت والسواق وقف عند بيت العم عبدالرحمن ..وكانه يقول انقلع ياماجد ..هنا ماجد فطس ماعاد قدر يصبر
ماجد بعصبية \ حرك السيارة لبيت بابا سالم لا اكفخك ..ياالله
كومار طار عقله ومشى بسرعة ووصل البيت ... نزل السواق وراح غرفته يركض خايف لا يتوطاه ماجد با العقال ..اما نور بعد فتنة ماجد على كومار وهي تبكي بدون صوت وتحس انها مخنوقة ..تبي تتنفس .. نزلت ومشت بسرعة تبي تدخل البيت ..بس ماجد ماسمح لها وقف بوجها
ماجد بعصبية \انتي ماتفهمين هاه ..بايعة نفسك واثقة با الهندي بنص الليل .. ؟؟
نور لا رد الا رجفة ومنكمشة على نفسها خايفة لا يضربها
ماجد دفها وهي صارت محصورة بينه وبين السيارة ..
ماجد \انا حلفت ولا راح اخليك تبطلين يميني .. وانه ركوبك مع السواق اليوم لحالك .. لا اخليك تدفعين ثمنها.. مخاوية السواق بذا الليل ..
نور دفته عنها ومشت تبي تدخل البيت ..بعد ما صدمها بكلامه
وهي تقول \ مااشره على خسيس مثلك ..
ماجد سحبها بقوة وضربها على وجها كف وفي نفس اللحظة مسكه ناصر ودفه بعيد عنها وضربه بقوة على بطنه وصار يضربه بكل مايقدر عليه .. <<هو كان يشوفهم ومستغرب من ماجد كيف مقرب من نور ..ومع ذلك ظل ينتظر ويشوف ماجد وش يبي فيها <<
ناصر \وصلت معك تمد يدك عليها .. والله اطلع روحك والله .. قلتلك ابعد عنها يا النذل
ماجد يحاول يرفع ناصر من عليه بس ناصر مو راضي كان يضرب ماجد بقوة وقهر ..
ماجد وناصر يصارخون وطلع صوتهم العالي .. ونور واقفة مكانها مو مصدقة وش صار وحاطة يدها على خدها وتحس بطعم الدم في فمها وتناظرهم يتضاربون قدامها ... شافت ماجد يقوم ويبعد ناصر عنه بقوة ..ويصرخ فيه ..
ماجد \انت لو تدري وش كانت مسوية كان ذبحتها ..
نور ماعاد قدرت توقف اكثر خافت لا يمسكها ماجد ويكمل عليها ..راحت تركض ودخلت البيت ..وهي تسمع صراخ الاثنين بس ماتدري وش يقولون ... شافت ابوها وعمها با الصالة وطلعت فوق ركض ولما شافوها واسمعوا الصراخ برا خرجوا يجرون ..
فكوا ناصر من ماجد وسحبوهم المجلس الخارجي وهم يصارخون عليهم ...
ابوعادل \ الله لا يبارك فيكم وش بلاكم وش صاير لكم ؟؟
ماجد وناصر \ لااااااااااااااااا رد بس نظرات حقد وغيض
ابوهادي \تكلم انت واياه وش عندكم ..تبون تفضحونا انتوا ..وش جاكم .. وش يقولون عنا الناس اذا دروا وش يقولون ..
ناصر بكره \مابيقولون شيء عادي دايم نتضارب انا واياه ..مابه جديد ..
ماجد \ ايه عادي مو اول مرة نتضارب ..
ابوعادل بصراخ \ الا وجع انت واياه ..ماعاد تستحون الشيب براسك انت وهو واصواتكم طالعة لاخر الدنيا ..
ناصر \ عن اذنكم .. مالي مقعد مع ذا الخاين ..
خرج ناصر ..ولا كان يدري ان الكلمة اللي قالها ذبحت ماجد
<< خاين .. انا خاين .. ايوه خاين وستين خاين بعد ..ولا واحد مثلك رجال ولد رجال ..وولد حمايل ويسوي سواتك ..تخون شوفتك وبنت عمك ..واللي تسميها بقلبك حبك .. وتتلفظ عليها بكلام ..وتضربها ..توه يستوعب انه ضرب نور .. انا ضربتها ..وصار يناظر يدينه مصدوم ..ضربتها .. قالت خسيس وهي صادقة خسيس ..ولا كيف اقول انها مصاحبة السواق ..الله ياخذني انا وش سويت ..؟ وش سويت يا ماجد .. ياويلك وش انت سويت ..<<
خرج ماجد من المجلس ولا رد على عمامه وهم ينادونه ... كيف اصلحها الحين كيف ..لازم الحق على ناصر واتفاهم معه ..لازم افهمه .. بس وش اقوله ؟؟
.......
قفلت غرفتها مرتين ... وتخبت تحت السرير .. من كثر مابكت وصارخت تحس انها بتموت ..مسحت الدم من حد فمها ..وهي تسب ماجد بقلبها ..وتدعي عليه ..<< ياويلك يا نور ياويلك ..من وين تلقينها الحين من ماجد ولا ناصر ولا منصور ..ولا هلك يا قلبي بس اااه ااااااااااااه الله ياخذني وارتاح منهم .. انا مخاوية السواق يا ماجد انا يا القاتل يا الحقير ..بس وش بلقى منك ماانت مثلهم ولدهم ياويلي لا يقلب علي ناصر .. ليتني مكانك يا عبير ليتني هناك ولا هنا ..<<
ابوعادل يدق الباب بقوة \ نور افتحي الباب ..افتحي .. ترى بااكسره فوق راسك افتحي ..
ابوهادي \نور يوبه بس نبي نفهم منك وش صار بينهم افتحي ؟؟
.. نور انا جنيت افتحلكم ..والله ماافتح لو تموتون عند بابي .. ياربي وشهو قالهم الحين .. قال بنتكم مخاوية السواق ..عادي يصدقونه ..ماعندهم مشكلة ..لو احد يقولهم اني كافرة يصدقون ..عاد هذا ماجد حبيبهم .. اااخ ضربني ضربني ..ماجد ضربني .. وش الغريب يا نور ماهو كل من هب ودب ضربك يعني وقفت على ماجد ..بس ماجد غير .. وش اللي غير مافيه شيء يميزه عن غيره ..بلى ضربه لي ليه ضربني ليه يكرهني هو ماجد ..لا ياشيخة ماجد خافي منه وتوقعي كل شيء منه .... وخصوصا ماجد اللي غرس السكين بظهرك تذكرين ..وش اللي يمنعه مايضربك ويشرب دمك .. ظلت تحت السرير لحتى نامت تحته ..ولا فتحت لابوها وعمها ..ولا ردت على خواتها وهم يترجونها تفتح لهم ..
........................
اليوم موعد خروج عبير من المستشفى .. بعد مرور خمسة اسابيع على دخولها .. ماقدرت امها او خواتها يزورونها الا با الويل .. كلهم راحوا لها بس نور رفضت وقالت تنتظرها لما تجي وتسلم عليها ماكانوا يدرون انها زارتها وانتهى الموضوع ..
كانوا يرافقون عندها مرة ام عادل ومرات ام هادي .. بس عبير ماكانت تدري باصابتها القوية .. وليش كثرة العمليات ..ولما درت استجنت ..
عبير وهي تبكي \ ليش ليش ماقلتوا لي اني كذا .
.كانت تناظر نفسها با المرايه وعادل ماسكها ويحاول يهديها
عادل \ خلاص عبورة وش فيك معليه كلشي بيتصلح انتي بس اهدي .. وراح نسافر برا ونسويلك احسن العمليات .وترجعين قمر
عبير تبعده عنها بقوة \لا ماابي ..ابعد عني .. تكذب علي انت ..شوفني شوف كيف وجهي ..مشوهه مشوهه يا عادل ..
ام هادي \ عبير يا حياتي ..وش ذا الكلام لا مشوهه ولا شيء ..عادي اللي صارلك يمكن يصير لغيرك .. ويسوون عمليات ..ولا كانه شيء صار ..
ام عادل وهي تبكي \ يا يومه .. استغفري ربك واحمديه على النعمة
عبير بصراخ \يعني انا الحين مو مشوهه مو بشعة هاه ..تكذبون علي انتوا تكذبون تراني اشوووف اشوف ..
خالد بقهر \عبير اهدي .. والله باذن الله ترجعين مثل ماكنتي قمر ولا عليك خلاف ..بس انتي هدي شوي لا تسوين بنفسك كذا
عادل يكلم خالد \والله رائد كان صادق لما قالي لا تخلونها تشوف نفسها الا بعد العمليات بس وش اقول ..
خالد \لا تجيب طاريه تراه هو السبب ..لو ماوقع على اوراق العملية الاولى كان صار خير ..
عبير سمعت كلامهم .. وصارت تصارخ فيهم ..
عبير \اخرجوا من عندي اخرجوووو ماابي احد خلوني لحالي ..
عادل كان يبي يظل معها ..بس ام هادي قالتله يخرج ويتركها لحالها عشان ترتاح ..
خرجوا وهي ظلت لحالها ..تناظر نفسها ومو مصدقة ..<< من هذي .. موميا مو انسان .. مشوهه يا عبير مشوهه .. ماابشعك .. << وقفت عند الطاقة تناظر حديقة البيت .. وتشوف الورد .. اول ماشافت الورد صدت عنه .. وغمضت عينها بقوة << انت السبب.
.................
ادري اني تاخرت ..وارجو منكم العذر .. بس مو بايدي ...
التوقعات ..
..نور وردت فعلها من ندى وسمر ..والكل ..وبرودها الغريب عليهم ..؟ جرائتها وصراخها بوجه عمها منصور ؟؟
..عبير والحادث اللي صار معها .. وكيف راح تعيش بذكرى الالم .. وهل راح تتقبل صورتها ..كرهت الورد ..بس مين راح تكره مع الورد ؟؟
رائد ........ انتهى دوره ..او ....... وش رايكم ؟؟
ماجد << وضربه لنور وكلامه الجارح ..ومضاربته مع ناصر ؟؟ كيف راح يصلح الوضع ..ويكسب ناصر ..وكيف يراضي نور ؟؟ اللي كان ضربه لها زاد كرهها له وحقدها عليه ؟؟
فوز منى مريم .. .. ومقلبهم في فهد وعقاب فهد لهم ..
تهديد فهد لمنى .. وحقران منى له ...؟؟
مرة ثانية اعتذر منكم ... السموحة .
صمت الرحيل .
|
19-04-12, 08:34 PM
جديد مواضيع قسم الارشيف
العرض العادي
