اللي يحبك يبغى كلمه اخيرة ، للكاتبة : صمت الرحيل " صدود " ..

السلام عليكم ورحمة الله وبركاته ....

حبيت اشترك معكم ..وانزل روايتي في ها المنتدى ..واتمنى تتقبلوني ...
أنا مشتركة في منتدى ثاني ..وانزل فيه الرواية .. وباسم ثاني بس اوقع با النهاية باسم ...
<<صمت الرحيل <<
في كل منتدى اوقع ..بصمت الرحيل ..


تفضلوا الجزء الأول ..




بسم الله ابداء .....
احكي لكم من خيالي المجنون ... وجنون الحنان
احكي لكم
من مر الزمان ... ومن جبروت الانسان
من عصر الجنون ... ومن قسوة الحنان


يدخل ابو هادي البيت ويلقى منى في صالة الاستقبال
منى \ هلا والله با احلى اب في الدنيا
ابو هادي \ هلا يوبه وين امك
منى \فوق اناديها
ابو هادي \ لا انا راح اطلع فوق بس وين هند ونور واخوك هادي وينه
منى \ هند ونور في الجامعة وهادي مدري وينه وانا موجودة قدامك والخدامة في المطبخ وعمي في الدوام
ابوهادي\ هههههههههههههههه ماصدقتي احد يسالك
منى \ يوبه طفشت ابي اسولف اجلس معي
ابوهادي \ماني رايق مصدع بس ليش انتي مارحتي الجامعة اليوم
منى \لانوو انااااااااا عنديييييييييييييي off
ابوهادي \ونور مو انتي وهي نفس المستوى
منى \ صح بس التخصص غير
ابو هادي من الفلاحة داخلة عربي
منى \اكيد يوبه لغة القران مو لغة الكفار مثل بنتك نور
ابو هادي \يا حبك للاستهبال .. المهم انا با اطلع فوق خليهم يجهزون الغداء
منى \ انشاء الله
ابو هادي\ اذا جاء عمك ناصر علميني
منى \انشاء الله
ابوهادي \ياالله با اطلع
منى\انشاء الله
وطلع ابو هادي وهو يضحك على بنته اللي علقت ع الكلمة


بعد ساعة هند ونور وصلوا البيت وقبل ما يدخلون هند\ ابشرك يا نور اليوم اربعاء
نور ببسمة \ادري وحشني بيتنا
هند \ يااااااااااااااارب تكون منى نايمة
نور\ ليش مستحيل تكون نايمة
هند \ لانها راح تعيد مسرحيت كل اربعاء
نور تضحك \ فديت روحها اكيد بتعيدها
ويدخلون البيت وتجي منى تررررررركض وتضم نور بقووووووووووووووة
منى \ خويت دربي وحشتيييييييييييييني كيفك كيف اليوم من دوني كيف الجامعة من دوني طمنيني
نور \هههههههههههههههههههههه هلا خويت دربي لو سمحتي خليني اتنفس تكفين
منى \ هند انقلعي برا او انقلعي غرفتك خلي خويتي تتنفس
نور \تضحك
هند\ ضحكتي من دون ضروس وانتي يازولة ليش ماتحبيني مثلها هاه
منى \وي وي ياويلي ع الغيرة تعالي لاحضاني ولا يهمك
هند\ وااااع ليش كرهت عمري انا وخري عني
منى\ ماطلبتي غالي ياروحي
هندتمشي عنها وهي معصبة مووووووت وتركض منى وتضمها من ورى
منى \ افسة افسة قصدي اسفة
هند حمقت\ اقولك وخري عني روحي لها مو انتي تحبينها روحي لها
منى\ هههههاااااااااااااي احب الغيرة راح اقولك سر ررررررر
هند\ والله اذا تستهبلين با اكفخك
منى \ افا انا ما استهبل
هند\ تكلمي ايش السر
منى\ لان نور مسكينه عندها نقص حنان عشان كذا انا احاول اعوضها بحضني الدافي
هند\ايه صدقتك اقول انقلعي
منى \ كني عطيتك وجه
هند\ مالت على وجهك
منى\وعلى وجه نور
نور ببراءة\ وانا ايش دخلني
هند بكره دفين انفجرت في نور \ كله بسبتك وتقولين وش دخلك
نور درت ان مزاج هند تغير وارجعت تعاديها
نور ببرووووود قاتل تناظر هند ولا ترد عليها
هند تموت ولا احد يطنشها وخصوصا نور
هند \كم مرة قلتلك لا تناظريني بها النظرات
منى ادركت ان الجو تكهرب بينهم وحاولت تهدي هند ونور
منى بغباء \ اليوم اربعاء ياااااااااهووووووووو
نور بفرحة كذابة \ واااااااااااااااااااو روعة تصدقين نسيت
هند بقهر \ صدق وقحة مو قلتلك قبل منى وطنشتيني
نور تكلم منى وتسفه هند
نور\ منوو وين امي
منى \امي وابوي فوق
نور \ طيب اذا ....
تقاطعها هند \ وبعد طنشتي الله يا خذك يا باردة يا تافهه اكرهك ) بصراخ عالي ( اكرهك
منى بعصبية \ هند خلاص استرينا بس
وتطلع هند معصبة وتلاقي امها ع الدرج
ام هادي \ هلا والله بروحي كيفك يومه
هند بدلع غبي \ بخير اوف
ام هادي\ افا ليش زعلانة
هند\ من العلة بنتك نور اوف تقهرني
ام هادي بقهر \وش سوتلك البزرة
هند \ يومه ما تحترمني ابدا تقهرني
ام هادي بحسرة \ وهذا مو شيء جديد عليها بس اوريك فيها
وتطلع منى ونور الدرج وتلقى امها
نور ببرود \السلام عليكم كيفك يومه
ام هادي\ الحمدلله ... انتي وش فيك على اختك . كم مرة قلتلك احترميها ولا تطولين لسانك عليها
منى بتدخل سريع \ يومه نو..
ام هادي \ انطمي انتي وتكمل بصراخ على نور... انا بس ابي اعرف ليش تحبين المشاكل ليش ما تحبين احد يرتاح منك ومن مشاكلك
نور \ عن اذنك يومه بااروح اصلي
وتمشي نور عنهم وتروح غرفتها بضيقة من امها اللي ما تترك فرصة الا وتجرحها فيها وتذكرها با الماضي

منى تناظر هند بعتاب وهند راحت غرفتها متضايقة من المشكلة اللي سببتها لنور لان نور مو ناقصة كفاية ان علاقتها بامها مو ذاك الزود



تدخل منى عند نور وتنتظرها حتى تخلص صلاة بس نور طولت في صلاتها وما حبت تنهيها
منى حست بحركة نور وتاكدت ان نور تبي تظل بروحها.. وخرجت من غرفتها وراحت لغرفة هند
منى بعصبية \ هند ابي افهم انتي ايش اللي ناوية عليه
هند\ هن ايش تتكلمين
منى \ انتي فاهمة عن شو اتكلم لا تستهبلين
هند ساكته وماردت عليها وتروح منى وتجلس جنبها
منى\ ليش ؟ ماني فاهمة احنا ما صدقنا امي تصلح علاقتها مع نور ويكون كل شيء تمام وانتي تشعلين النار بينهم .. ليش ياهند .. نور ماسوتلك شيء عشان تعاملينها كذا
هند\ انا ما اكره نور والله ما اكرهها
منى \ اجل ليش تسوين كذا ليه ؟
هند بقهر \ نور قاهرتني قاهرتني تفهمين
منى \ ليش وش سوتلك ..
هند\ قاهرتني بقهرها .. ببرودها بتقبلها للجروح مني ومن الناس هي ما تشكيلي ما تكلمني عن حزنها ما تعتبرني اختها .. هي اختي الصغيرة ابي احميها بس هي ماتسمحلي .. نور يامنى ضاعت منا ضاعت
نور صارت كتومة منطوية على نفسها صارت قاسية مررررة ... تذكرين كيف كانت يا منى تذكرين ؟
منى بحسرة \ايه اذكر والله اذكر ..
هند \نور كانت حساسة كانت بكاية اذا احد صرخ بوجها تبكي وتزعل .. بس الحين لا كل شيء عادي عندها وتتعامل مع كل شيء ببرود .. نور ما عادت تبكي ..
منى \ وانتي تظنين انك بتصرفك معها تساعدينها ؟
هند \ ادري اني ما اساعدها .. بس .. ابي اساعدها ابيها تحس اني مقهورة عليها
منى \ تفكيرك غبي يا هند
هند\ماقصدي اجرحها ابيها تحس اني مقهورة عليها
منى\ ياحبي انتي تبينين لنور انك مقهورة منها مو عليها .. انتي تكرهين امي في نور ..
هند \ ليتني اشيل شوي من همومها ليتني ابكي دموعها .. ياااااااااااليتني اقتل عمي ع اللي سوااااه فيها عمي هو السبب في حالة نور .. الله لا يسامحه ) وتبكي هند بقهر (
منى\ هند لا تدعين على عمي هو يحبك وانتي تحبينه
هند \ادري انه يحبني وانا احبه بس اكره اللي سواه في نور
منى \وانا اكره هاالشيء ... قومي نروح لنور ونصالحها مع امي
هند\ يااللله
هند ومنى راحوا غرفت نور بس مالقوها
هند\ وينها مو انتي قلتي انها هنا
منى\ كانت والحين مدري وينها
هند \ يمكنها تحت
ظلت منى تفكر نور لما تتضايق تختفي ولا احد يدري وينها
منى \ تعالي ننزل
ونزلوا هند ومنى بس مالقوا نور واسالو امهم وردت بانها ما تدري ولا يهمها اصلا تدري
هند\ ياربي وينها
منى \ لاتخافين الحين تجي اكيد على وقت الغداء راح تكون موجودة
وحضروا الغداء بس نور ما نزلت ..
ام هادي \يومه هند ليش ماتاكلين ؟
هند\ مالي نفس يومه
ام هادي\ كله من نور ما تخلي احد في حاله
ابو هادي بغضب \ وش فيها نور .
ام هادي \قليلة ادب هذا اللي فيها يبيلها تربية
هند \ يومه تكفين والله مالها ذنب
ام هادي \ ليش مو هي اللي كدرتك
هند\ يومه انا طولت لساني عليها
ام هادي \ حتى ولو انتي اختها الكبيرة ولو تكسرين راسها المفروض ما ترد عليك

هند تقوم مقهورة والدموع بعينها وتمشي تبي تطلع بس تصدم في شخص طويل لابس ثوب ابيض
هند بفزع \ انت ما تشوف ؟
.... \ لا والله انا ولا انتي يا الدوبه
هند \ اسفة عمي اسمحلي
ناصر \ لا يا الغلا مسموحة .. اقول لا يكون تغديتوا ونسيتوني
هند \ لا والله توهم جالسين ع الطاولة الحين
ناصر\ زييييييييييين وانتي وين رايحة
هند \ انا ماابي غداء مالي نفس
ناصر \ قولي والله حتى انا متغدي بس احب اتلقف
هند\ عن اذنك
كانت راح تمشي من جنبه بس ناصر مسكها وطالع بعيونها وسالها
ناصر \ ليش زعلانة
هند بخاطرها لاني حقيرة
هند \ اكره نفسي
ناصر مسك يدها وطلعها معه فوق وقالتله هند كل اللي صار
ظل ناصر يفكر في نور وفي الغموض اللي هي عايشته هو اقرب شخص لها بس حاله حال غيره دائما تخليه بعيد
هند \ياعمي والله مو قصدي اجرحها .. اتمنى افهمها
ناصر \ ما احد يفهمها .. بس ماعليك اتركيها علي
هند \ يعني اعتمد عليك
ويشوفون منى طالعة الدرج وتصرخ بااسم عمها ناصر
ناصر\ وجع بطيتي اذني
منى \جزاتي جاية اقولك بشارة تفرحك
ناصر \ تكفين منى قوولي
منى اليوم اربعاء
ناصر يحسب على يده \ لا اشاعة صدقيني
منى \ لا والله صدق
ناصر \ يا غبية اشاعة صدقيني اليوم الاثنين لانه ثالث يوم اداومه في الاسبوع
منى بحسرة \ ايه من الفلاحة
هند \ ذبحتينا بها الخبر
منى \ فيه خبر غيره .. بس ماراح تصدقون
ناصر \ قولي لا اكفر فيك الحين
منى\ احم احم انا دخلت المطبخ وسويت احلى ابريق شاي
ناصر بفجعة \ لا والله
هند\ رحنا وطي
منى\ والله ما تنعطون وجه مالت عليكم
ناصر بتحدي \ اذا انتي قد كلمتك وقفي مكانك
منى بااستهزاء \ لا والله قالوا لك بايعة عمري بتبن
وتلركض منى في الدرج وناصر وهند وراها وتشوف هادي اخوها وتركض تتخبى وراه
منى \ هادي يا عزوتي في وجهك
هادي \ وخري عني يا المرجوجة
هند \ هادي وخر عنها بسرعة
ناصر \ هادي لا تتحداني
منى من ورى هادي \ مالكم الا هادي
هند \ هادي لا تتدخل بينا احسن لك
ناصر بوعيد \والله يا هادي لاارميك في الشارع وخر عن طريقي
هادي بهدؤ \ ليش كل ها العصبية كان قلتوا مرة وحدة يا هادي وخر عنها وانا اعطيكم اياها
ويمسك منى من شعرها ويرميها على ناصر
ناصر بقهر \ اترك شعرها يا غبي
هادي \ ليش ماتبي تضربها عمي
ناصر \ ايه بس مو بقوة
وفيما هم يتكلمون منى تسحب شماغ ناصر وترميه على هادي وتركض

تدخل منى الصالة وهي تصارخ تطلب العون من ابوها وناصر وهند وهادي ركض وراها
منى\ يوبااااااااااااااااااااااااااااااااااااااااااااااا ااااه الحق علي اخوك وولدك وبنتك والزير وكليب كلهم وراي
ابو هادي يضحك على بنته \ هههههههههههه كلهم اجل تعالي وراي انتي بوجهي
منى\ اكيد بوجهك مايبيلها كلام
يدخل ناصر والعصابة اللي معه وهو شايل شماغه بيده ويهدد منى
ناصر \ السلام عليكم
ابو هادي وام هادي ومنى \ وعليكم السلام
هادي\ انتي يا منتفة تعالي
هند \ ايه تعالي اذا كفو تعالي
منى \ لا انا مو كفو
ابو هادي\ يوبه منى روحي شوفي خوانك وش يبون فيك
منى \ احلف بس والللللله مااروح
ناصر \ افا ماتبين تسلمين علي
منى \ وليش اسلم عليك وكل شوي وانت في وجهي .. لا ما ابى با اجلس مع ابي مشتاقة له با الحيل
هند \ معليه مصيرك تطلعين ونوريك يا الدوبه
منى \ هند يا حبيبتي ليش واقفة بصف الرجال وقفي معي انا من جنسك الرجال خونة وانا اختك ما يتئمنون على شيء .. مربوشين
ابو هادي يناظر منى بنظرة مكر ومنى فهمت على طول ان ابوها صار ضدها
منى بسرعة \ الا ابوي فديته احلى رجال في الدنيا .. هو الوحيد بين الرجال اللي يعتمد عليه
ابو هادي \ خلاص منى في وجهي ما احد بيمسها
منى \ حلو ... ليش ما تشربون شاهي .. عمي اشرب حياك حياك
ناصر \ صايم
منى \ من متى ؟
ناصر \ من بعد الغداء
هند \الشاهي يسبب تسوس
ام هادي \غريبة كل يوم تشربون شاهي ليش اليوم معندين
ناصر \انتي اللي سويتيه
ام هادي \ ايه انا
ناصر \ امزح ماني بصايم
هند\ وانا استخدم كرست
منى \ بقهر \ اكرهكم ياااارب تطيحون بحفرة
ابو هادي \ منى وين نور حياتي
منى \ هاذي هي قدامك تصب شاهي
ابو هادي \ههههههههههههههههههه هذي نور الدنيا كلها بس اختك نور وينها
ام هادي \ يمكن نايمة

وتدخل نور على اهلها مبتسمة
نور \ السلام عليكم
الكل \ وعليكم السلام
نور \ هلا نويصر عندنا
ناصر \ هلا نوير ... ووجع زين
نور \ ليش جزاتي ارحب فيك
ناصر \ اسمي ناصر مو نويصر اصغر غرانك انا
نور \ لا افا عليك الا شيخهم وشيخ ابوهم بعد
وتجلس نور جنبه وتزاحمه ع الكرسي
ناصر\ لا اجلسي في حضني احسن
نور بشهقة \ ليش قالوا لك ما عندنا كنب
ناصر \ انا ادري عنك
هادي \ بس ازعجتونا كل ما التقيتوا تناقرتوا
نور \ لا لا لا من قال ها الكلام البذيء
ناصر \ اللي قاله واحد حاسد حاقد يحب ينشر الفتنة بين المسلمين
نور \ مجرم خارج عن القانون
هادي \ الله عليكم كل هذا انا
نور تشهق \ اجل انت يا هادي اللي طلعت ها الكلام
ناصر\ ياويلك من ربي .. الكذب حرام خواتك الكبار ما علموك ياااااااااا حسافة
نور \ لا والله ما تدري ان الكذب حرام اجل متى بتتعلم وانت السنة اللي بعد الجاية ثانوية عامة
ناصر \ قولي والله
نور \والله ليش ما تدري
ناصر \ بلى بس استهبل
نور \ تراني مو متاكدة
هادي \ احلف انت وهي جاعليني مصخرة
ام هادي \ خلك منهم .. دائما يستهبلون
ناصر \ وهذي بعد اشاعة ثانية طالعة علينا
نور \ ياويلكم من ربي
ام هادي \ احنا ولا انتي
نور \ انا جعلني الوجع
ابو هادي\ نور يوبه كيفك
نور \ طيبة
هند \ وانا بعد
وتناظر نور وتبتسم وترد لها نور الابتسامة .. وهذا ذبح هند اكثر يعني بعد كل شيء تبتسم
منى \ اقول خويت دربي تروحين معي اليوم عند عمتي ندى
نور \ ايه والله على بالي اروح
ناصر بحشرية \ وش تبون عندنا لا تجون بيتنا اطلعوا برا انقلعوااااااا
منى\ ما احد كلمك
هند \ بااروح معكم
نور \ اكيد بتروحين مو بكيفك
منى \ تم اجل احنا الثلاثة بنروح بعد صلاة المغرب
هادي \ لا ... نور ما راح تروح
الكل يناظر هادي .. وهادي ارتبك ويقوم ويسحب نور معاه وياخذها برا الصالة والكل مستغرب
نور \ هادي وش فيك
هادي \ ناسية ان اليوم موعدنا مع فارس ولد عمي
نور \ ايه صح والله نسيت .. اجل راح ااجل روحتي لعمتي لبكره
هادي\ هذا الكلام الحلو فديت روحك
نور \ والله مو لي التفدى بس للطلعة
هادي \ والله احبك
نور \وانا بعد
وتدخل نور الصالة وهي تبتسم بمكر
نور \ والله يا ناصر ما اقدر اشرف بيتكم اليوم عذرا
ناصر \ ليش وش فيك
نور \ظرووووووف
منى \ نور هادي وش قالك
نور \ ماقالي شيء بس تذكرت ان عندي موعد عند دكتور الاسنان
ناصر \ بس كذا
نور \ يا اخي كيفي ما ابي اجي بيتكم غصب هو
ناصر \طيب يانورية خليك تجين اقص ارجولك
منى \ اقص قزك
ناصر \ انطمي انتي


هند تسحب نور معها فوق وتدخل غرفتها
هند \ نور وش فيك ليش ماتبين تجين معنا .. نور اسفة على كل شيء سويته . مو قصدي اجرحك او ااذيك صدقيني والله احبك و وانا (وتبكي هند ) انا ندمانة ع اللي صار تصرفاتي معك كلها غلط ...سامحيني
تقوم نور وتجلس في حضن هند وتقول \ هههههههههه الحين سامحتك
هند بفرح \ قومي يا الدوبه انا مو منى حضنك الدافي
نور \ مالك دخل مو انتي بفلوس امي وابوي
هند \ ايه مشتريني من بسطة في الشارع .. قومي اقول تري بنروح لعمتو ندوش
نور\ لا با اروح لطبيبي .. ولما خلصت راح الحقكم



بعد صلاة العشاء منى وهند راحوا لعمتهم ندى ونور راحت مع هادي وفارس .. بس مو لطبيب الاسنان هذي مجرد كذبة بيضاء ...
هادي \ يا الله يا فارس على احسن مجمع في الرياض
فارس من عيوني .. نور كيفك يا روحي
نور \ طيبة ومتشوقة ع المغامرة الجديدة
هادي بعصبية \ كم مرة اقولك لا تقول روحي راحت روحك
فارس \ اوووووووووووووووف نور من اللي قالك تدخلين ها الدب معنا في الشلة
نور \واللله ما دخلته هو فرض نفسه علينا
هادي \ اكرهكم
هادي اصغر من نور بسنتين وفارس اصغر منها بسنة او يمكن شهور بسيطة وهو ونور من لما كانوا صغار مايفترقون ويمثلون ثنائي فظيع بس هادي دخل معهم بس بدون مايحسون انهم صاروا ثلاثي

هادي \ نور لو ماذكرتك باالمشوار كنتي راح تنسين وتروحين لعمتي ندى
نور باحتجاج \ لا اصلا كان ذكرني فارس
فارس \ ترى ما نقدر نطول في المجمع لاني وعدت فهد ارجعلهالسيارة الساعة 9 تمام يعني مالنا الاساعة في المجمع
هادي \ والله بلشة هذا لازم يضايقنا دائما .. اوف منه
وظلوا فارس وهادي يتكلمون .. بس نور راحت باافكارها بعيد وهي تتذكر فهد
وتتذكر كيف كانت اخر مرة التقوا فيها من حوالي سنة ونص .. المعروف عن نور وخواتها مايطلعون على عيال عمهم .. بس في ذاك اليوم التقت نور بفهد با الصدفة ..وتكلم فهد معها بكل احترام وادب وطلب منها تعتبره اخو كبير لها ..هو اكبر منها بثمان سنين .. وهي قالتله انها تعتبره لها اخ قبل ما يتكلم
ووعدها يساعدها اذا احتاجت شيء ( واللي فكرت فيه نور هذاك الوقت ان فهد يشفق عليها بسبب عمها واللي سواه فيها )
ولكن سرعان ما تغير موقف فهد في اول موقف صار لنور مع ام فهد .. في هذاك اليوم راحت نور لبيت عمها عبدالرحمن عشان اوراق ابوها ارسلها من دبي وقال لها تعطيها عمها .. جلست نور مع بنت عمها فوز وصاروا يتكلمون عن ياسر ولد عمها عبد الرحمن
نور \ والله شيء ولد عمي ابى اتمصلح عنده
فوز \ والله اخوي متكبر وشايف نفسه علينا
نور \ طول عمره كذا مدري ليش شايف نفسه
فوز \ ماقلنا سبي
نور\ بس انشاء الله ولده ماياخذ صفاته
فوز \ لااااااااااا عاد اخطيتي على اخوووي مااسمحلك
نور \ من زينك انتي واخوك
ام ياسر بحقد\خير انسة نور وش عندك على ولدي
نور \ هلا عمتي كيفك
ام ياسر \ لا تتصورين .. ليش تسبين ياسر مو مالي عينك
نور \ الامالي عيني ومكثر بعد ليش اشتكى لك
ام ياسر \ نور احترميني احسن لك
نور ببرود \ انا ما سبيتك ولا قلت شيء عن ياسر
ام ياسر \ ايا الكذابة وتكذبين بعد
نور \ ثمني كلامك ولا تسبيني تريني ما احشم
ام ياسر بصراخ \ لا عاد تعالي اضربيني في بيتي يا الخايسة
نور \ الله يكثر خيرك .. فوز وين عمي
ام ياسر \وطنشتي يا خايسة .. تكلمي يا حيوانة
نور \ تريني سكت وكبرت قدرك .. لا من جد الحين اطول لساني صح
ام ياسر \ في بيتي وتهدديني
ويدخل فهد على صراخ امه ونور كانت مو متغشية
فهدبفزع \ خير يومه وش فيك
ام ياسر \ الخايسة تطول لسانها علي وتبي تضربني
فهد يطالع نور بكل عصبية وشوي ويضربها بس نور تناظره ببرود وطنشته وراحت لعمها في مكتبه وبعدها رجعت بيتهم ..
بعد ها الحادثة بيومين نور راحت لعمتها ندى في بيت عمها ناصر
نور \ اقولك نفسي في شربات قومي جيبي لي
ندى \ يا الدوبه انا عمتك قومي انتي
نور \ لا انا ضيفة قومي انتي ضيفيني
ندى \ احنا فقراء ما عندنا اكل او شرب اصلا ما عندنا مطبخ
نور \ مدري من وين جايبة ها البخل
كانت ندى بترد بس قطع صوتها جرس الباب
ندى \ قومي افتحي الباب
نور \ هذا بابكم مو بابنا قومي انتي
ويدق جوال ندى وكان ناصر
ناصر \يا الدوبه افتحي الباب
ندى\ قالت نور هي بتفتح
ناصر \ حلو نور عندك لان فهد معي يبي يكلمها
ندى بفجعة \هاه وشهو من متى ذا العلم عندنا يصير
ناصر \ باافهمك كل شيء بعدين الحين عطيها شيء تحطه على راسها ..افتحي بسرعة
ويدخل ناصر وفهد الصالة ونور ما تدري .. وتقوم تبي تطلع بس يوقفها ناصر
ناصر \ نور فهد يبي يكلمك اجلسي
نور تناظر عمها بدهشة يلاحظها فهد
فهد\ نور اجلسي ابي اكلمك
نور تجلس جنب ندى وبعده جلس فهد وناصر
فهد \ نور امي قالت لي كل اللي صار .. وصراحة انصدمت فيك
نور ساكته وما تتكلم ولا حتى تناظره
فهد \ كنت اشك في اللي يقوله عمي منصور عنك من خبث بس الحين صدقت ..يعني تسبين اخوي ولا تهتمين اذا احد يسمعك او لا ولما تجي امي تقولك لا تسبين ولدها تصارخين في وجها وشوي تضربينها ...


مرت خمس دقايق والكل ساكت وينتظرون من نور تتكلم
فهد \ ليش ما تردين .. ولا لسانك الطويل انقص .. ولا يمكن معترفة بغلطك وتفكرين تعتذرين
وتظل نور ساكته ..... ولا ترد
فهد عصب \ نور دافعي عن نفسك .. لا تظلين كذا ساكته اذا كنت انا غلطان وانتي الصح .. تكلمي . احمي نفسك .. وصدقيني راح اعرف اذا انتي كذابة ...
بس نور توقف وتمشي تبي تخرج من الصالة
فهد يوقف وبصراخ \ نور انا لما اكلمك ما تمشين وتعطيني ظهرك ..
نور تناظره وببرود تقول \ مالك حق تكلمني ..
وتخرج من الصالة وتروح ناحية الباب تبي تطلع من البيت بس ندى تمسكها وتسحبها ع المطبخ ويروح وراهم ناصر
ناصر\ نور ليش ما تتكلمين مع فهد وليش ما تدافعين عن نفسك ؟؟
نور بحقد \انت لا تكلمني
ندى\ نور انتي بسكوتك كانك تثبتين انك غلطانة
نور \ ما يهمني في شو يفكر عقله المريض
ناصر \ نور انا متاكد انك ما غلطتي على امه بس ليش ما رديتي عليه
نور \ بعد شو ارد عليه بعد شو .. بعد ما حاكمني وحكم علي يطلب مني بكل وقاحة اعتذر .. وبعدين هو كان قادر يعرف اللي صار با الضبط بس هو لا يبي يرمي الاتهامات على الناس عشان ما تطلع امه غلطانه في نظره .. وبعدين انت يا ناصر كيف تسمح لنفسك تدخله وانا موجودة لييييييييييييييش ؟
ناصر بدفاع \ طلبني يكلمك وانا ما رديته
نور \ والله رايق باي حق يكلمني هاه باي حق ابوي مو ابوي عمي مو عمي اخوي مو اخوي (بصراخ ) مو اخووووووووووووووي
كان فهد يسمع كل الكلام اللي تقوله نور ولما سمعها تصرخ وتقول مو اخوي تضايق وبسرعة طلع برا البيت وناصر لحقه
ندى \ نور حياتي خلاص كل شيء بيكون مثل ما تبين
نور بالم \ كان بامكاني اكتمه واطلعه ما يسوى بس يا ندى عيب اكلم ولد عمي عيب مو حلوة في حقي .. كنت اظن اني راح اعتبره اخ لي بس هو لا مايستاهل يكون اخوي لان الاخوة عظيمة واسمى من اني اعطيه واحد يعرض قوته علي .. واحد ما يقدر كلامه ولا يثمنه
ندى \ انا ما اوقف معه بس انتي سبيتي امه
نور \ انا ماسبيتها وانتي تدرين اني ما اسويها بعدين انا كان قدرت اقوله روح لفوز واسالها لانها كانت موجودة معنا بس انا ما سويتها تدرين ليش لاني احب فوز ولا احب احطها في موقف محرج مع امها واخوها عشان كذا سكت
ندى \ حتى والامر يسيء لك تفكرين بغيرك
نور ببساطة \ فوز غالية عندي
وبعد هاالموقف بشهر سافر فهد وتوه راجع من عشرين يوم بس ...


نرجع للواقع ... فارس وهادي ونور كانوا في المجمع ... هادي انفصل عنهم .. وفارس ونور يشترون ملابس لنور .. وكانوا اذا اعجبتهم بلوزة او بنطلون وكان سعره غالي يشيلون التسعيرة الغالية ويجيبون تسعيرة رخيصة ويحطونها ع اللبس اللي عجبهم ...
والسالفة ترى مو سالفة فقر ولا الخير كثير .. بس هذؤلا الثلاثي يحسون ان الشيء المسروق له طعم خااااااص وجميل >>> عجيبين


نور\ فارس انتبه لا احد يشوفك
فارس\ ماعليك خبره ما احد يمسكني
نور \كفو يا متشرد
فارس \ تربيتك ماواي
علاقة نور بفارس كبيرة وقوية مايتخلون عن بعضهم ابدا ومن كثر ما فارس ينام في بيت ابو هادي وياكل ويشرب معهم صارت نور تسميه المتشرد وهو يسميها ماوااااي .. وترى نور ولدت قبل وقتها بشهرين ويمكن عشان كذا ناصر دائما يسميها بدري من عمره ..
هادي يجي ركض عند نور وفارس
هادي بخوف \ ياويلنا رحنا وطي
فارس برعب \ وش فيك وش فيك ؟
هادي \ عمي ناصر وفهد اخوك وعادل ولد عمي منصور كلهم هنا في المجمع
نور بشهقة \ شاااافوك ؟؟؟
هادي \ لا هربت قبل يشوفوني .. بس اكيد بيجون ويمسكونا بسرعه خلونا نهرب
فارس \ ياالله نروح السيارة بسرررررعة
نور بخوف \ واذا شافونا وش نسوي
فارس \ اذا شافونا ونادوا علينا امشي انتي ولا كانك منا وروحي للسيارة وهذا المفتاح خليه معك
ويخرجون من المحل اللي هم فيه وبسرعة يبون ينزلون ومثل ما اتفقوا نور مشت بعيد عنهم وفعلا مشوا من عندهم ولا شافوهم وارتاحوا الشلة بسسسسسسسسسسسسسسسسسس طلع لهم في الطريق (ماجد ) اخو فارس الاكبر من فهد والاصغر من ياسر عمره 32 سنه غامض وله قصة طويلة معنا
المهم ... يمسك هادي وفارس ويبداء التحقيق ويحس وراهم شيء ومو طبيعيين ويبون يتهربون منه بس هو خذاهم معه للشباب
فهد \ هلا والله هلا .. وش جايبكم هنا
ماجد \ المفروض ماتعطيه سيارتك الا بعد ما تدري وين بيروح
ناصر \ وش فيكم بلوط وعلقم ساكتين مو من عادتكم
هادي \ هاه لا ..لا يلا اودعناكم فارس مشينا ..
فهد \ لحظة وش فيكم وش السالفة فارس وين مفتاح سيارتي ؟
فارس ساكت ومرتبك
عادل\ فارس هادي وش فيكم ؟
هادي يهمس لفارس \ انا با امثل عليهم اني مكتوم وانت اهرب وروح مع نور
ناصر \وبعدين تكلموا
هادي بدا يمثل عليهم انه مكتوم ولا يقدر يتنفس ويحاول يقطع ثوبه وطبعا الشباب تجمعوا عليه والتهو فيه .. وفارس حط رجله وهرب السيارة ونور جالسة فيها بس وش صار ما تدري ..
نور \ فارس وين هادي ؟
فارس \ بيجي مع ناصر الله يستر هربت منهم بنروح الحين البيت بس لا تعلمين احد وين رحنا كلهم شكوا فينا الله يستر
نور بضحكة خوف \ يعني بنموت اليوم ؟
فارس \ لا هم ما يدرون انك معنا

نرجع لهادي ... بعد ما تطمن ان فارس ونور هربوا تنهد وانتبه عليه ناصر والشباب صاروا يعاتبون هادي لانه خوفهم وتلفتوا يدورون على فارس بس مالقوه واتصلو على جواله بس هو كان مقفله .. وتاكدت شكوكهم
ماجد \ هادي قول وش صاير وفارس وين ذلف
ناصر \ اكيد مسوين شيء قول
فهد بعصبية \ هادي قووووول وش فيكم
هادي \ مااااااشيء
عادل \ ياهادي تكلم نقدر نساعدكم
هادي في خاطره يقول الا بتذبحونا ..ياويلي راح فكرهم بعيد
هادي \ مدري النذل ليه هرب مدري ... عمي مم ممكن جوالك شوي جوالي مافيه شحن بااكلم امي
ناصر \ ما اعطيك اياه حتى تتكلم
ماجد وفكر فيها \ خذ جوالي وكلم امك
هادي اخذ الجوال ودق على جوال امه اللي كان مع نور (لانها ما عندها جوال عادها صغيرة خخخخخخ)
بس نور ماردت ع الرقم الغريب ويرسل لها رسالة (ردي انا هادي ) وردت نور وقال لها اللي صار با المختصر وحذرها لا احد يدري انها كانت في المجمع وهو بيتصرف ..
هادي مشكور ماجد ترى حذفت الرقم
ماجد\ ليش عادي هذا رقم عمتي
هادي \ ايه صح عمتك
ويروحون الشباب لسياراتهم هادي ركب مع عادل وفهد اخذ سيارة ماجد وماجد مع ناصر وفي سيارة ناصر
ماجد \ ناصر كم رقم جوال عمتي هناء (ام هادي )
ناصر\ سجله من جوالي
وياخذ ماجد الرقم ويتصل على جوال ام هادي اللي هو مع نور
نور تقول لفارس ان هذا الرقم اللي اتصل منه هادي .. اخذ فارس الجوال ورد على ماجد.. واول ما رد
فارس \ هادي خلاص يا ابن الحلال هربنا الحين والله طار عقل البنت من الخوف ..الحين بنوصل البيت .. بس انتبه لا احد يدري
ماجد بجمود \ فارس منهي اللي معك
فارس مصدوم هذا ماجد ولا احد يقدر يهرب منه وش يسوي
ماجد \ فارس تكلم وين رحت هذا جوال عمتي هناء ويش يسوي معك .. ومن البنت اللي معك ؟
فارس ............ مااحد معي
ماجد بوعيد \ ماعليه نلتقي في البيت .. وسكر بوجهه
نور \ فارس وش فيه هادي
فارس \ مافيه شيء لا تشيلين هم
كان يتمنى يعلم نور بااللي صار بس هو يدري كيف نور تخاف من ماجد من لما كانت صغيرة وهي تخااااااف منه وكانت دائما تهرب اذا عرفت انه موجود وخوفها منه مو طبيعي وتسمي ماجد (هتلر ) ..........

ويوصلون فارس ونور البيت ..فارس يجلس با الصالة ونور جري على فوق تخبي الاغراض اللي اشترتها
ام هادي \ هلا والله فارس كيفك يومه
فارس \هاه بخير وفي هذي اللحظة يدخل ماجد وناصر بشكل موووووورعب ويسلمون ويجلسون
ام هادي \ هلا والله بماجد ماكان ودك تجي طولت ..
ماجد \اعذريني والله اتصلت على جوالك عشان اعلمك اني باازورك بس مارديتي علي
ام هادي \ جوالي والله مع بنتي نور كانت عند دكتور الاسنان وتوها راجعة هي وفارس اكيد شافت رقم غريب وما ردت
فارس بخاطره قتلتي نور يا عمة
وهنا ماجد وناصر فهموا كل السالفة ..ماجد بخاطره نور كانت با المجمع مع ها المبزرة وانا ما نعهم ما يودون البنات المجمعات لان ما عليهم عمدة ويطالع فارس بنظرات تهديد

نور لما وصلت غرفتها وخبت الاغراض تذكرت انها ما اخذت الجوال من فارس وركضضضضضضضضضضض تنزل عشان تاخذ الجوال وتدخل الصالة بصراااااخ \ فارس هات جوال امييييييييييييي لا.........
انقطع صوتها لما شافت ناصر ومعه واحد غريب وحطي رجلها هاربة لبيت عمها ناصر
بس وهي طالعة تركض اصدمت في شخص طوووووويل وطاح عقاله عليها ولما رفعت نظرها وشافت عادل تذكرت ابووووه منصور وتبعد عنه بسرعه وترمي عقاله على هادي وتمشي من عنده بسررررعة وبقرف منه .. عادل كان يدري ان نور تكرهه بسبت ابوه هو كان يبي يعدل صورته في نظرها لانها تعني له الشيء الكبير ويقول بخاطره ..محظوظ عقالي يوم طاح على راسك يانور دربي >>>> ايوه يحبهاااااااااا <<< الدب

انتهى الجزء الاول ................



وش رايكم ..
أتمنى تعلقون ع البارت ..

<<صمت الرحيل ...<<

الجزء الثاني ..........
يوم الخميس الساعة 9 الصباح نور تروح غرفة هادي وتصحيه
نور \ هاااااااادي قوووم روح شوف فارس ابي اعرف وش صار بموضوعنا بسررررعة
هادي\ نور فارس نايم وراك ع الكنبة روحي صحيه واساليه
نور تروح لفارس \ فاااارس متشرد قوم بسرعة قلي وش صار
فارس\ اصلا انا ماني نايم بس جالس افكر مارحت البيت ولا كلمت احد منهم
نور \ فارس الله يخليك روح شوف ايش بيسووون فينا
فارس\ انتي مالك دخل .. السالفة ومافيها اني وديتك لدكتور الاسنان بس الدكتور الغاه وانا وهادي اجبرناك تروحين معنا المجمع وانتي كنتي رافضة تروحين معنا وانتهى الموضوع .
نور \ لا ياشيخ احلف والله ماتسوونها المجمع كان فكرتي ولاني مخليتكم تتعاقبون بسبتي
فارس بصراخ\ نور انطمي (يهدي صوته ) انا وهادي فكرنا في الموضوع وحنا متاكدين انهم راح يخاصمونك واللي ماله دخل باالموضوع راح يتدخل لانك نور وانا ماارضى انك تنسبين
نور \والله ماتسويها
هادي \فارس قوم والله عطيناها وجه
ويروح فارس وهادي لبيت عمهم ناصر وهناك كان ماجد وفهد ويقولون كل السالفة لهم ماجد وناصر كانوا يدروون ان نور كانت با المجمع بس فهد توه يدري ويقوم فهد يصارخ ويبي يضارب فارس وهادي بس ناصر يمسكه ويهديه
فهد بصراخ \ياغبي انت وهو مو احنا قلنا انكم ماتتحملون مسؤؤلية البنات في الاسواق .. لا وبعد غاصبينها تروح معكم
ناصر \اهدا يافهد فارس عمك سالم يدري
فارس \ لا مااحد يدري غيركم
ماجد \ اجل هذا الكلام ماراح يخرج من هنا انتوا ماراح تتضررون بس نور .... انتوا تدرون ايش راح يصير

وفعلا قرروا يسكتون عن الموضوع بس طبعا ماجد عاقب فارس وهادي وقال ماراح يعطي احد منهم السيارة ولا عاد يحلمون فيها ...........

باقي اسبوع على الامتحانات النهائية والكل يحاول يجهز نفسه ..هند اخر سنة ومنى ونور اول سنة لهم في الجامعة فارس ثانوية عامة وهادي ثاني ثنوي ..
منى ونور في غرفتهم هم لكل وحدة غرفة بس الثنتين مايحبون يفترقون عن بعض عشان كذا اجتمعوا في غرفة وحدة وهي غرفة منى ... تدخل هند عليهم وهي متوترة
هند \ عندي لكم خبر مدري وش لونه
منى \ قولي اللي عندك واطلعي برا ابي اذاكر
هند \ من اللي عطاك وجه انتي نور اسمعي الخبر يمكن يضايقك شوي مدري
نور \ قولي اسمعك
هند \ ابوي يقول بعد الامتحانات في الصيفية في بدايتها بنسافر
نور \ طيب ليش اتضايق
هند \ بنروح لعمي منصور في جده .. وبنجلس معه في بيته
نور توقف وبصرااااخ \ مستحييييييييييييل والله ما اروح لو يموت الكلب ما ادخل بيته الحقير
منى \بس يانور ابوي قال كذا
نور \ مايهمني من اللي يقول انا اقول ماراح اروووح لبيته
هند \ نور ابوي ماراح يتركك لوحدك
نور بحقد \اروح لقبري وما اروح لبيته وبعدين انا راح اظل مع عمي ناصر
هند \ بس عمي راح يسافر تعرفينه دائما يسافر مع الشباب
نور \ بعدين من اللي قالك ان احنا راح نرووح لبيته .. هو اصلا عايش في القاعدة الجوية يعني ماراح يدخلونا
منى \ نور عادي تري يدخلون اقرباء اللي يعيشون في القاعدة
نور \ بروح لابوي واقوله اني مستحيل اروح معه لو يذبحني مااروح ما اروح
وتنزل نور راكضة ع الدرج وتدخل عند ابوها وامها
نور \ يوبه صدق بنروح بيت اخوك منصور
ام هادي \ نور بلى قلة ادب سلمي بعدين هذا عمك
نور \ لا هو اخو ابوي وبس
ابوهادي \ ايه راح نروح بيت اخوي منصور وبيت بنت عمك عبير
نور في هااللحظة تذكرت عبير بنت عمها هي في عمرها وكانوا صحبة ويموتون ببعض بس عمها حاول يفرق بينهم وهو الحين يمنع عبير من انها تكلم نور باالتلفون
نور \ يوبه حبيبي انت انا مااابي اروح بيت منصور الله يخليك يوبه لا تجبرني ...يوبه اذارحت بيته بيطردني بيذبحني يوبه هو مايحبني ما يحبني اتركني براحتي يوبه تكفى
ابوهادي يكذب الواقع \ عن الكلام الفاضي حتى لو كان عمك يجرحك مستحيل يئذيك في بيته وانتي ضيفة عنده
نور \ هو دائما يهيني في بيتنا في بيت عمي عبدالرحمن في المزرعة في كل مكان وماراح يفوتها وانا في بيته
ام هادي \ نور احنا بنروح بيت عمك وانتهى الموضوع
نور بصوت عالي \ لا ما انتهى الموضوع يومه تكفين ماعمري طلبتك اطلبك هاالمرة تكفين لا تخلونا نروح بيته
ام هادي \ انتي ماتفهمين خلاص الموضوع منتهي
نور \ اول مرة اطلبك ورديتيني .. بس لو كنت حبيبتك هند او دلوعتك منى كان لبيتيني
ابوهادي \ نور انقلعي غرفتك
نور \يوبه ما بنروح يعني مابنروح
ام هادي \ تبين تفرقين ابوك وعمك يا اللي ماتستحين
نور \ ليش تحرفين كلامي ليش ماني رايحة يعني ماني رايحة
ابو هادي بحزم \ بتروحين وانتي حماااارة

تخرج نور من الصالة وتطلع برات البيت كانت مقهورة اكثر شيء لانها رفعت صوتها على امها وابوها بسبب عمها الحقيييييييييييييييييييييير تفو عليه ااااااااااااه منك اااااه

( هذي قصة نور مع عمها )
سهام تكون اغلى صديقة عند نور ... لما سهام تسال نور متى بدت معاملة عمك لك بهاالقسوة نور تقول ما ادري ومااذكر بس اللي اذكره انه مالي اي ذكرى حسنة معه يعني من اول ماوعيت وهو يعاملني كذا

كان ابوعادل يحب يجرح نور ويكسر خاطرها وكان دائما يصيب اهدافه وياذيها لدرجة انه في يوم قدر يفرق نور عن ابوها لمدة سنة كاااااااااملة
كانت نور في ذيك الفترة طالعة ثاني ثنوي ... هادي ينادي نور ويقول ان ابوه يناديها باالمكتب وتروحله نور وتلاقيه يكلم عمها منصور في الجوال وبذيك الفترة نور كانت تبكي كثير وخاصة اذا صار بينها هي وعمها موقف يجرح
ابوهادي وهو يكلم \ هذي هي نور دخلت المكتب كلمها يااخوي وقل اللي بخاطرك
نور مااخذت الجوال وظلت تناظر ابوها بخوف وابوها فهمها ان عمها متصل عشان يعتذر منها على كل اللي صار ويسامحها .. نور ماصدقت كانت بتطير من الفرحة واخذت الجوال وكلمت عمها
نور \ هلا عمي حبيبي .
بس عمها ما رد عليها وردت عليها ها الكلمات
ياطيبة ياصابرة اسف على ماجرى
انتي الوحيدة معي لما زماني خان
اصحابي اتفرقوا لا ناس ولا خلان
..............................................
وصارت نور تبكي مبسوطة اخيرا عمها يصالحها
مور \ عمي كلمني وينك
منصور \ نور ابوك عندك
نور \ ايه عندي
منصور \ نور اسمعي انا مالي نية اصالحك بس ابوك احرجني وطلبني عشان كذا بيني له انك طبيعية وكانحنا تصالحنا ...
نور بقرف \ ليش ؟؟؟
منصور بااستفزاز \ لانه بصراحة انا مااحب ارد اخوي وهو طلبني يقول البنت مسكينة وتحبك ومثل كذا ولا انا اتمنى ادفنك اليوم قبل يومك
نور ما ترد عليه ومستغربة من كل هاالكره اللي بقلبه
منصور \ ليش ماتردين يا حيوانة ولا انا مو قد المقام يا تافهه
نور ماعاد قدرت تتحمل يضحك على ابوها ويلعب فيها
نور بكره \ الله *****
وطررررررررررررااااااااااااااااخ كف يجي على وجه نور من يد ابوها العاشق لاخوه
وياخذ الجوال ويكلم اخوه
ابو هادي \ ماعليك منها يااخوي ... ماعليك ولا عاد تشيل همها .........ز لا لا هي اصلا ما تستاهل شيء ماعليك منها بااربيها ولا يهمك ..
بعد ها الموقف رفض ابو هادي انه يكلم نور او حتى يطالعها وكان يسافر ويرجع ولا يسال او يسلم عليها
وهي كانت تموت من القهر على ابوها ومرت الاشهر ويجي شهر رمضان ويظل ابوها على قسوته ويجي العيد والعيد اللي بعده والحال ماتغير بس في عيد الاضحى كان فيه عزيمة عند عمها عبدالرحمن وهناك جلسوا بنات العم سوالف وضحك ولسى نور ماشافت ابوها من الصبح والحين هم المساء وتفكيرها كله في ابوها
فوز \ بنات بااروح اسلم على عمااامي مين يروح معي
نور \ انا باقي ماسلمت بااروح معك
سمر في عمر هند \ نور وش فيك شكلك تعبانة
نور \ ولا شيء بس طفشاااانة
مها اخت فوز الكبيرة وهي شريييييييييييييره متزوجة وعندها ولدين وبنت
مها \ مادمتي طفشانة ليش جالسة معنا
نور ولا تحشم \ انطممممممممممممي مااحد كلمك وبعدين هذا بيت عمي اجلس فيه براحتي مو شغلك فاهمة
مها \ والله ما تستحين
نور بقرف \ خليت السحى لك يا السحاوية
سمر تسحب نور \ نور قومي معي
ولما راحت تسلم على ابوها بعد عنها ولا سلم والتافه منصور يقرب منها يبي يسلم بس نور تطالعه ببرود وتروح تجلس عند عمها ناصر وعمها كان يدري باالسالفة ..حط يده على كتفها ويضمها له ونور غمضت عيونها ولا عاد فتحتها ..
ناصر \ نور فيك شيء
نور ______________
ناصر \ نور وش فيك
وبعد ماترد عليه ويجلس ناصر ويسحب نور من حضنه ويكلمها بس ماترد عليه هزها شوي بس بعد مافيه رد ولما طالع بوجها شاف وجها مرررررررررررة اصفر ومبهدل ولما شافها ابوها قام لها يحاول يكلمها
ابو هادي \يوبه نور وش فيك
ناصر يصرخ بعبير \ جيبي عبايتها بسرعة
ولما راحوا المستشفى طلع عندها اهمال للاكل والشرب وكان من الممكن يصير عندها جفاف بس الله ستر وبذاك اليوم تصالحت مع ابوها بس العلاقة بينهم دائما( هشة ) <<<مدري من وين جبت الكلمة >>>

نرجع للواقع ....
منى \ نووووووووووووووور نوووووور سهام ع التلفون
دخلت نور وكلمت سهام
نور \ سهاااام عندي قرار انا قررت ارسب بكل الامتحانات
سهام \ وانا قررت انجح
نور \سهام انا ما امزح هذا هو الحل عشان ما اسافر
سهام \ ماتبين تسافرين لا تسافرين بس مستقبلك ليش تحطمينه
نور فهمت سهااام السالفة
سهام \ يعني بتروحين بيت شرشبيل
نور \ لا لا لا باارسب عشان كذا مابروح
سهام \ نور اذا كان شرشبيل ناوي يحطم علاقتك مع اهلك فلا تسمحين له يحطم مستقبلك
نور \ سهااام لازم ارسب واجلس في البيت اذاكر وبكذا ماراح اسافر
.....\ احم احم
نور تناظر الرجال اللي واقف باالصالة وترتبك
نور \ خلاص بعدين اكلمك باي
نور باارتباك \ هلا ناصر كيفك
ناصر ببرود \ تمام ...
نور تمشي تبي تطلع من الصالة بس ناصر يمسكها
ناصر \وين
نور \ بااروح اذاكر
ناصر \وش الفايدة
نور \هاه
ناصر \مو ناوية ترسبين ليش تذاكرين
نور \ لا تتدخل في هاالموضوع هذا مستقبلي
ناصر \ مستقبلك بس ليش ناوية تحطمينه بنفسك
نور \ لاني ما ابي اروح عند اخوك منصور ماابي
ناصر \وراح يكون منصور هو السبب في رسوبك
نور \ يمكن
ناصر \ اجل مبروك الرسوب ..انا اول من يبارك لك
نور \اتركني على راحتي
ناصر بعصبية \ مااحد راح يتضرر غيرك رسوبك لك ونجاحك لك
نور \ مااحب النصح
ناصر \ ادري بس هذي مو نصيحة هذي فكرة تقبليها
نور \باافكر
ناصر \ ياالله نسولف
نور \روح سولف مع اخوك وزوجته
ناصر \ امك وابوك
نور\ايه مثل ماقلت
ناصر \وش هاالكلام
وقالت نور السالفة لناصر
ناصر \ليش زعلانة من امك ..وبعدين وش هاالكلام لو كنتي هند او منى راح توقف معك
نور \ لانها تحب هند ومنى ومستحيل ترفض لهم طلب اما انا غاسلة يدي منها
ناصر بعتاب \ علاقة امك بهند حب واحترام وعلاقة امك بمنى علاقة رحمة بس انتي علاقتك بامك علاقة عنااااااااااد وحب سيطرة
نور \ كذاب
ناصر \اقطعي وجع
نور \ناصر انا ما اعاند امي .. امي هي اللي تعاندني
ناصر يغير الموضوع \ انتي متى بتقولين لي ياعم ناصر هاه متى
نور بسخرية هههههههههه باالمشمش ..........
ناصر\ متىىىىىىىىىى

نور راح اناديك عمي في اليوم اللي راح اعتبرك فيه عمي اخو ابوي وبس يعني لما ماتكون لا صديق ولا عزيز علاقتنا راح تكون بنت وشخص هو اخو ابوها .... بس انشاء الله مايجي ذاك اليوم لاني راح اموت من دونك يا ناصر
ناصر بثقة \ عني انا ماراح اسمحلك تقولين لي يا عمي وعد
نور \ماتدري عن الدنيا


وبعد الامتحانات باسبوع.........الكل جاهز للسفر
ابو هادي \ياالله لا تفوتنا الطيارة مشوا
هند ومنى جاهزين ولابسين العبايات
ام هادي \ وين نور >> تصوروا فقدتها <<
منى \ نور تنتظرنا برا
ويركبون كلهم السيارة وكان المفروض فارس وهادي يوصلونهم المطار بس اللي كان في السيارة هو فهد
الكل سلم ماعدا نور ومنى <<< يكرهونه << نور كانت زعلانة من فارس وهادي لانهم ما ودعوها ومتضايقة من وجود فهد
ابو هادي\فهد يوبه وين فارس يكفيك ويودينا
فهد \والله فارس معاقبينه مانعطيه السيارة بس انشاء الله يكبر ويعقل ونعطيه السيارة
نور بخاطرها .. تعاقبه من زينك والله لو تمسه احرق وجهك تفو عليك دب
هند \ نور امي تكلمك
نور \ هلا يومه << بهمس
ام هادي \ جوالي معك
نور <<بهمس \ايوه معي
وبعد عشر دقايق وصلت رسالة على جوال ام هادي وكانت من فارس المسجل باسم (المتشرد)
( ماواي اسف ماقدرت اودعك انا وهادي بسبت اللصقة الانجليزية فارضة علينا عقوبات )
وترد نور على فارس برسالة
(والله اذ ماشفتكم بااسافر وانا زعلانة )
المتشرد (والله مانقدر نجي المطار لاتزعلين مأواي )
نور (مالي دخل ابي اشوفكم تصرفوا )
متشرد (ابشري )
فهد لاحظ الرسايل الكثيرة اللي وصلت لجوال نور ويتمنى لو يعرف منهي تراسل
وبعد خمس دقايق توصل رسالة مصورة لجوال نور << قصدي جوال ام هادي << كانت من رقم غريب
الصورة كانت لفارس وهادي وهم يحضنون بعض وياشرون لها بعلامة النصر ..
وترسل رسالة على نفس الرقم
( ماهو بكيفي ها السفر .. بس انا مجبورة
ماهو بيدي القرار بس انا معذوره
ادري برد بعد السفر وانا حالتي منكوبة
برجع انا مقهورة وشوكتي مكسورة
بس لكم مني وعد ارجع وانا مهمومة
تعالوالي تروني بوجودكم مهيوبة
اهلي جبروني ولادروا بروحي المجروحة
يامن قريتوا موجعي نور في امس الحاجة
بحضوركم جرحي اندمل وانا لكم مشتاقة
بصبر على بعدكم وروحي انا موعودة )
فارس هادي والله خايفة من منصور ادري انه بيذبحني نخيتك تعال )
وارسلت الرسالة ولا انتبهت انها ارسلت الرسالة على الرقم الغريب اللي فكرت فيه ان الجوال مع فارس وبيشوف الرسالة ..........
وطارت الطيارة لجدة ...
هند تضحك \هههههههههههههه قسم باالله انك شيء يااختي انتي عجيبة
منى \وجع لا تضحكين والله احس اني بمووووت من الخوف يومه خوفني الدب اكرهه
نور وهند \هههههههههههههههههههههههههههه
منى هههههههههههههههههههههههه يومه هههههههههههههههه
نور \يااختي ليش ماحذفتيه بنعالك
منى \ عشان يذبحني والله يضربني ولا يحفل باابوي يومه خايفة
تبون تدرون وش صار في المطار .......... اللي صار ان فهد ومنى تهااااااااادو قدام الناس
فهد \امشي بسرعة هلك سبقوك وانتي تتمطعين
منى تمشي ببطء عشان تفحره
فهد بسخرية \ شوي شوي لا ينكسر نعالك ويطيح وجهك
منى \اوف متخلف
فهد وماكانه صدق انها تتكلم \ انطمي لا اكفخك الحين يادلع
منى بشهقة \ من زينك تكفخني من زينك دوووووب
وتروح منى وتشتري لها كوفي وهذا زاد من عصبية فهد اللي راح ناحيتها ومسكها بقوووة من ذراعها وسحبها معه بس هي بدون تفكير كبت الكوفي على كم يده وسحبت يدها وركض لعند نور وهند اللي كانوا يتابعون ومستعدين يفزعون لاختهم ضد ولد عمهم << انا واخي على ولد عمي <<
فهد مشى ناحيتهم بسرعة بس هم راحوا ناحيت ابوهم ومنى تمسكت بيد ابوها واندست وراه
فهد بحقد \ ياالله ياعم فمان الله وراي شغل
وينسحب بدون اي كلمة زيادة

في الطيارة ..
منى \ههههههههههههههههه يومه يومه
نور \ماني مصدقة اللي سويتيه
منى \يستاهل انا مانسيت ابها وش سوى فيني هناك الدووووووووووووب
هند \انتي سويتي اكثر تذكرين
منى \مالي دخل هو اللي بدا
نور \صح هو اللي بدا <<< دائما مع اختها هي الصح <<
وصلت الطيارة مطار جدة وكان في الاستقبال عادل وخالد عيال منصور << شرشبيل <<
عادل \ هلا والله وارحبوا ياحي الله من جاء تو ما نورت جدة
ابو هادي \ الله يحييك منوره بهلها
خالد \وارحبوا
ابو هادي \الله يحييك
وسلااام وكلااام وتجي امل بنت منصور وعمرها 9 سنين وتسلم عليهم
عادل \كيف حالكم يا بنات ؟
نور بخاطرها مالك دخل
هند ومنى \ الحمدلله
وبعدين مشوا للسيارة وقبل مايمشون تذكرت نور انها نست شيء مهممممممممممممممممم في الطيارة
نور \يوبه وقف شوي
عادل اول ماسمع صوتها حس انه انشرح صدره وادرك انها ماتكلمت من اول ما جاؤ
ابوهادي \ خير وش فيك
نور \يوبه نسيت غرض لي باالطيارة بااروح اجيبه
ام هادي وشهو الغرض
نور \ يومه والله مهم بااروح اجيبه
عادل \نور قوليلي وشهو وانا اجيبه والحقكم القاعدة
نور \ماله داعي انا بااروح
ام هادي \ لا ماانتي رايحة
نور \يومه مااقدر اخليه يخصني يومه
ابو هادي \نور خلاص
تفتح نور الباب وتطلع من السيارة \ماراح اتاخر واذا ماراح تنتظروني روحوا وانا باارجع الرياض
وتدخل صالة المطار .... وينزل عادل من السيارة ويقول لخالد يوديهم القاعدة وانه بيجيب نور معه
ويدخل يدور على نور ويشوفها واقفة محتارة وين تروح ..........
راحوا ابو هادي وهله للقاعدة اللي اول ماشافهم منصور كان بيطير من الفرح وخصوصا ان نور مو معهم ... بس عبير لما ماشافت نور بدت تبكي وتسب لحتى ما قالت لها منى انها بتجي مع عادل ... ومنصور ما اكتملت فرحته لان نور راح ترجع مع عادل ....
في المطارلما شافها ضايقة وحايرة وين تروح حن قلبه عليها وراح لها
عادل \ نور تعالي معي
نور \ ماني رايحة لين اجيب غرضي
عادل \راح تاخذين غرضك بعدين تروحين معي
نور \وين اروح
عادل \للقاعدة
وراحت نور وراء عادل واسالوا في مكتب عن المفقودات ولما اسالوا نور عن الغرض نور ارتبكت ولا قدرت تتكلم قدام عادل .. بس عادل فهم عليها وخرج .. ولما قالت لهم عن المفقود كان فيه نظرت سخرية بعيون الموظف .. ودخل عادل والموظف طلع الغرض اللي كان في نظره تافه << وقح هذا الموظف<<
وعطاه لنور .... لاحظت نور نظرة عادل لها وفسرتها انه يعتبر غرضها تافه ماتدري ان هذي نظرة حب وحنان لها ...
عادل استاجر سيارة ومشى للقاعدة وكان الهدؤ مسيطر ع الجو وبعد ربع ساعة يدق جوال عادل
عادل \ هلا عمي .. لا ماله داعي تجي حن باالطريق .... ايه لقيته ... لا مافيه مشاكل كل شيء تمام ............ لا انا بخير .... الله كريم
عادل يكلم نور \ هذا عمي سالم يسال عنك
نور بخاطرها كذاااااب ماسال عني الا يتحلف فيني
نور \زين تذكر ............... وسكتت
عادل ماصدق انها تتكلم \ليش تقولين كذا
بس ظلت نور ساكته .... عادل بخاطره لا تكفين تكلمي تكفيييييييييييييييييييين ماصدقت على الله القاك
عادل بشوق \ نور .......... مافقدتي شيء غير الدفتر
نور تطالع المرايه وتلتقي عينها بعينه نور بعد صمت \ عادل هاالدفتر مهم لي مااقدر اضيعه اعذرني اذا ازعجتك معي ... ولا تعتبر هاالدفتر شيء تافه
هو يدري ان نور كارهة جدة واللي فيها ويدري ان ابوه يخطط لشيء عظيم يتمنى ياخذها بعييييد بعيد هو وهي وبس ........
عادل بهدؤ \ مستحيل اي شيء يتعلق فيك اعتبره تافه ..... مستحيل
نور طنشت تدرون ليه لانه في نظرها الولد سر ابيه
ولان عادل يكوووووووووووووووووووووووووون الشخص اللي تحبه هند اختها .........

الجزء الثالث ............
وصلووووووووووووووو القاعدة الجوية ..
فتح خالد الباب
خالد \هلا والله تفضلوا
تدخل نور وبعدها عادل وتمشي على طوووول داخل مع انها ماتعرف الطريق بس خمنت ودخلت
واول ماشافتها عبير ظلوا الثنتين واقفين مو مستوعبين انهم صدق قدام بعض >> هذي اللحظات لما تصير معي اسميها لحظة غبية << عبير تقدمت ناحية نور بخوف وبشوق نور واقفة مكانها تتمنى يكون لها اي ردت فعل بس ماتقدر تخفي الشوق وتضم عبير بقووووووووووة وتبكي عبير ويظلون الثنتين ضامين بعض لحتى ما جات ام عادل وفرقتهم وضمت نور ورحبت فيها وتسلم على مريم اخت عبير ويسئلون عنها وعن حالها ....
عبير بصدق \والللللللللللللله وحشتيني
نور \ اشتقتلك يا عبير ......... وجع لا عاد تبكين
مريم \نورت القاعدة يانور
نور \ اكيد ما انا جيت ههههههههههههه
منى \شوفو الخسيسة مو اول ماجينا قلتيلي تو مانورت القاعدة كذوووووب
مريم \ مسكينة لا تصدقين عمرك ههههههههههه
هند\ ههههههههههههه فشلوها
منى \ اكرهكم >> هذي الكلمة راح تسمعونها من منى كثير لانها ماتعرف معنى هاالكلمة >بس يمكن بيوم تندم عليها <<
في مجلس الرجال
عادل \ ياعمي فديت روحك والله لا تعب ولا شيء ..... وحلفت عليك واذا كان لي خاطر عندك انك ما تخاصمها ولا تزعلها ع اللي صار ..
ابو هادي \ والله ياولدي اني ناوي عليها باالشينة بس مادامك حلفت فاالله يرضيك
خالد \ياعم مايسوى الزعل والله وبعدين انتوا جايين تغيرون جو مو تتهاوشون
منصور \ مايحتاج تزعل يا اخوي ريح بالك وعادل مثل اخوها ولا صار الا الخير << من ورى قلبه
خالد بهمس لعادل \ لما فتحت لكم الباب كان شكلكم روووعة كانكم جايين من شهر العسل خخخخخ
عادل ابتسم وانبسط من كلام اخوه اللي ضحك على ردت فعله ...........
ام هادي \ نور تعالي عندي
عبير كانت تدري ان ام هادي بتلعن خير نور ع اللي سوته
عبير \انا بااجي عندك يا عمة
ام هادي لنور \لي كلام معك بعدين
نور بطفش \لا بعدين ولا قبلين انا يا يومه نسيت غرضي باالطيارة ورجعت اخذه لاني مااستغني عنه وهاالغرض مهم لي ولاهان علي اخسره ...عشان كذا سويت اللي سويته وهذي السالفة يومه
ام هادي \ ممكن اعرف شو هاالغرض بعد اذنك طبعا
نور \ بعد اذني لا يومه ما تقدرين تعرفين شو الغرض
وتقوم نور وتبوس امها ع راسها وتروح غرفة البنات مع عبير
عبير \نور تكفين لاتزعلين زين ولا تتضايقين
نور \ انا ماني زعلانة ولا متضايقة بس تعبانة شوي من السفر وبارتاح شوي
عبير\ نور بااقولك شيء
نور\ قولي عبوره اسمعك
عبير \ انا كلمت ابوي ووعدني ماراح يضايقك ....بس امانة اذا قالك شيء يضايقك قولي لي وانا بااتصرف
نور عبير هذي اول مرة اجيكم في بيتكم وانشاء الله ماتكون الاخيرة بس انا ما اقدر اوعدك اني اسكت لابوك راح احاول ابعد عنه قد مااقدر
عبير \ انشاء الله مايصير شيء وبعدين انتي في بيته ماراح يسويلك شيء ..والحين ارتاحي
وتخرج عبير وتترك نور تفكر بكلامها انا في بيته وماراح يسويلي شيء لا والله الا بيسوي اعرفه اكثر من نفسه .....يارب ساعدني ماابى اجلس عنده احس بضيقة ياليت ناصر فيه او فارس او هادي اوف ماابى اجلس هنا ........

وبعد العشاء وعلى الساعة 12ونص عادل ووليد راحوا شقتهم اللي برات القاعدة لان بنات عمهم موجودين ويبونهم ياخذون راحتهم .. واجتمعت العائلتين كلها في المجلس نور كانت محتارة اذا دخلت تسلم على عمها او لا بس لما دخلت عمها ماقام ولا عطاها وجه وهي انبسطت بها الوضع
ابوهادي \نور لقيتي غرضك
نور \ايه يوبه
منصور قصدي >>شرشبيل << بدا الهجوم \ممكن نعرف ايش هاالغرض اللي وهقتي عادل معك عشانه
نور \ماوهقت احد معي ولا ماهو ممكن تعرف الغرض
ابو عادل \ يعني انتي ما ..........
مريم تقاطع ابوها \ يوبه الغرض خاص فيها ..وبعدين ياالله قول وين بنروح بكره
ابو عادل \بكره ماراح يطلع من القاعدة غير انا وعمك وانتوا تعرفون اهل عمك ع القاعدة والحدايق اللي فيها
منى \لا انا بااخرج الحين
ام عادل \ايه اخرجي ولا تجين الا الفجر
منى\ حلو من يروح معي
هند \صدقتي انتي ووجهك
منى \وليه لا مو القاعدة كلها حراس وامن وعساكر صح عمي
ابوعادل\صح بس حتى ولو لازم تكونين منتبهه على نفسك وماتخرجين لوحدك
منى حتى وانا في وكر الحراس والضباط فيه خوف
مريم \ حبيبتي منى حاميها حراميها
نور تضحك بصوت عالي لان مريم وجهت لابوها اهانة من دون ماتنتبه
ابو عادل فاهم هي ليش تضحك \ ليش تضحكين
نور بدلع \ كيفي اضحك بكيفي مالك خص
ابوهادي \ نور وجع هذا عمك
نور \وانا ايش قلت قال ليش تضحكين وانا قلت كيفي
ام هادي \بس هذي قلة ادب عيب عليك
نور تستهبل \ ليش عيب مو انتي ربيتيني وقلتي اذا احد اسالك لا تطنشينه وردي عليه وهوسالني وانا جاوبت على سواله
ابوهادي\ نور كانك تدورين المشاكل روحي نامي وبكذا تريحينا
نور بعناد \ماابى
ام هادي \ايه روحي نامي اصرف لك
نور تناظر عمها ونظرته تقول امك وابوك معي
نور \تصبحون على خير ... يااللي فيكم خير بس
وتخرج من المجلس وتروح الغرفة عبير كانت راح تلحقها بس عمها طلبها تجلس تسمر معه وجلست
........... نور كانت جالسة في الغرفة واخذت دفترها وضمته .كان في خاطرها تبكي تحس بخوف وتوتر شديد
بس هي لها مدة طويلة مابكت يمكن تجي با السنين وهذا الشيء يتعبها وهي تظن ان هذي قوة كرامة عزة ماتدري ان هاالدموع اللي حابستها بجواتها راح يجيها يوم وتنفجر ويمكن في وقت ومكان غلط ومع الشخص الغلط ...........راح تنهار ... البكاء نعمة ..والنسيان نعمة ... والكبر نقمة
فتحت دفترها وبدات تكتب
في قاعدة العدو...
اشعر وكانك تخونيني ..فمابالك ياقوتي .. وماذا اصابك ياعيوني ..
مابدانا حربنا وقد بداتي تضعفي ..
يادموعي اقبعي تحت جفوني واحتمي ..
يادموعي لستي في حربي سلاحي ..
ولستي السبيل لغايتي ..
العدو اجبرني على الدخول لموطنه ..
وفي حفل استقبالي بدأ هجومه ..
الاب والام وكل البر في صفه ..
فلا تخونيني يادموعي واصبري ..
انزفي بقلبي مثلما تبتغي ..
ولكن خدي اليوم لا تقربي ..
اني خائفة ولكن الله عندي ..
وربي اقرب لي من ابي وامي ...

نور تذكرت انها ماكلمت سهام ولا بلغتها بوصولها لجدة ..اخذت جوال منى واتصلت على جوال سهام بس سهام ماردت .. فااتصلت على البيت ورد عليها شاب
.....\الوو
نور ماردت وقفلت الخط اكيد هذا جابر اخوها يوووومه
وتتصل على جوال ام سهام
ام سهام \ هلا والله نوار
نور بفرح \ هلا خالتي كيفك
ام سهام \ تمام انتي كيفك وكيف جدة معك
نور \انا بخير ..بس جدة واااع مااحبها
ام سهام \ليش لها الدرجة اذا ماتحبينها ليش رحتي لها
نور \مدري ليه رحت لها
ام سهام \ مااحد جبرك تروحين تعالي وعيشي معنا
نور \وليش اعيش معكم
ام سهام \بصفتنا اهل زوجك جابر
نور \ لاااااااااا انا ماابى جابر ابى ابووووووووووه
ام سهام \عطيتك وجه ياالدوبه
نور\ لا تخافين وعدت نفسي مااتزوج
ام سهام اذكرك بكلامك يوم زواجك
نور \ مين قال انك راح تحضرين زواجي انا راح اشرط على ابو جابر يطلعك من البيت انتي وسهام وعيالك واعيش انا لحالي
ام سهام بشهقة \ ياويلي منك تخططين على زوجي
نور \لازم اضمن مستقبلي
ام سهام \ضفي وجهك لاعاد تكلميني ولاعاد تصادقين بنتي
نور \ههههههههههههههههههههههههههه لا ماعليك انا مااخون
ام سهام \ اتركي زوجي بحاله ياالدبه
نور بزعل \ انتي الدوبه
ام سهام \وحشتيني بس الحين سهام نايمة يعني باااااااااااااااااااي
نور \ابوك ياالتصريفة .. زوجي عندك الحين صح ابوجابر وحشني
ام سهام تقفل الجوال في وجه نور اللي فطست من الضحك.........


في غرفة نوم البنات هند ومنى ومريم قرروا ينامون على الارض .. وعبير عرضت على نور تنام معها على السرير بس نور رفضت بشدة .......
نور \ ياقليلت الادب ماتستحين تفوه عليك
هند ومنى \هههههههههههههههههههههههههههههههه
عبير \وجع وش سويتلك انا ياالدوبه
نور \مو انا الدوبه الدوبه اختك مريم
مريم \ على تبن والله اني مسوية رجيييييييم
منى \جب جب يا الكذوب وشهو رجيمه وانتي كليتي العشاء كله كانك انتي الضيفة مو احنا
مريم بققت عيونها \ والللللللللللللله مااكلت الا اجاص يا الكذوووووب
عبير \ نور ليش ماتنامين معي
نور \ عيب خخخخخخخ قصدي مو متعودة انا واحد جنبي صح منووووو >> منو دلع منى
منى \بدون تفكير اذا صح او لا المهم هذي نور دائما صح
مريم\ وش بتسوين بكره لما تنامين مع زوجك ؟
منى بشهقة \صدق نور وش بتسوين
نور \بااشرط عليه تكون لي غرفتي الخااااصة وهو له غرفة
عبير \ لا والله احلفي
نور \ بعدين انا مستحيل انام جنب جوووووووووووزي <<زوجي << تدرون ليش
الكل بملل \ليش
نور \ لاني ماراح اتزوج
عبير \ واذا تزوجتي
نور \بسيطة انام ع الكنبة
هند \واذا يبي ينام ع الكنبة
نور \انام ع السرير
مريم \واذا نام ع السرير ورمى الكنبة
نور\ باانام عند الجيران
منى \واذا طردوك الجيران
نور بسخرية \ اخلعه
الكل ضحك على نور ووعدوها يذكرونها بهالكلام لما تجيهم بعد الزواج وهي حامل .........
الساعة خمسة العصر البنات كانوا في الحديقة اللي مخصصة للنساء في القاعدة يعني مايدخلها رجال ابدا <<يمكن هذا احلى مافي القاعدة
كانوا البنات مبسوطين باالجمعة الحلوة ..بس نور كانت ميته من الخوف والتوتر تبي تطلع من القاعدة بااسرع وقت وبدون مشاكل ........وتتذكر فارس وهادي وتتمنى يجون

.... في نفس الوقت حطت طائرة على مطار جدة ونزل منها شخص ....... كان اخر شخص تتوقع نور انه راح يساعدها عشان تطلع من القاعدة من يكون ..........>> هتلر << ماجد
هذا الانسان اللي تخاااااااااااف منه نور موووووووت وتكرهه ولا احد يقدر يفسر خوفها منه لانه متاصل فيها من لما كان عمرها عشر سنين ...
... تذكرون الرسالة الاخيرة اللي ارسلتها نور لفارس هي ارسلتها على رقم الجوال اللي جات منه الصورة وهذا الجوال جوال ماجد ....... وماجد لما قراء الرسالة .. كان يدري انها موجهه لفارس
بس هو نسبها له وحن قلبه على هاالمسكينة وقال بخاطره هي نختني ..........

عبير تدخل على نور وبصراخ \ نوووووووووووووووووور ماراح تصدقين من اللي توه وصل بيتنا
نور كانت فالة شعرها اللي يوصل لاسفل ظهرها وتمشطه ولا فكرت ترد على عبير لانها راح تقول باالحالتين
عبير \ سنفورة ليش ما تعطيني وجه هاه .... بس ماعليه بعدين احاسبك بس الحين بااعلمك من اللي جاء
نور\ _________ لا رد
عبير اوف منك .. عمي ناااااصر جاء
وبسرعة تنط نور من على الكرسي وتركض تبي تروح المجلس .. بس عبير تمسكها من شعرها وتوقفها
نور بصراخ \ دوبه فكيني
عبير بهدؤ \ عمي ناصر ماجاء لحاله .. جاء معه شخص ثاني
نور بقرف \ فهد صح
عبير \لا .. احزري
نور بقلق \قوووولي
عبير \بااقولك بس ماله داعي تخافين او تنهارين ... ماجد .
نور __________ سكوت صمت خوف رعب ( وتبداء ترتجف وتهتز من الخوف ماجد هنا معي بنفس البيت ياويلي ياويلي ويسيطر عليها الخوف .. بس عبير تمسكها وتجلسها ع السرير وتقراء عليها بس نور ابعد ماتكون عن الهدؤ ..
نور \مممم م ما ما هنا
عبير \ايوه هنا بس لاتخافين مابيشوفك ولا راح تشوفينه
نور \ عبير خبيني خبيني
عبير \ حياتي ماجد مو وحش صلي على النبي
نور بخاطرها \الا اقسى من الوحوش
نور \ابى اروح بيتنا
عبير \هدي عمرك راح تكونين بخير
نور تناجي ربي .. ياربي ياحبيبي انا مو ناقصة خوف يجي ماجد ويكمل علي ..ياربي


الساعة 10 عبير ونور جالسين باالصالة وامل الصغيرة معهم والرجال كانوا باالمجلس .. كانت نور تتضارب مع عبير عشان شعرها
عبير \ اصلا هذي الموضة يامتخلفة << قاصة بوي
نور \ايه اذا قالوا لك الموضة تنطين من فوق الجبل نطي ركض
عبير \وجع وش قالوا لك دوبه مثلك
نور \انتي اللي بديتي
عبير \ خلاص ارحميني التوية
نور \ جيبي لي بيبسي
عبير توقف \ من عيوني بس انطمي زين ..
نور \زين وانتي كلي تبن زين
عبير \زين
راحت عبير ونور اخذت ريموت التلفزيون وغيرت المحطة من على سبيس تون ..وتقوم امل بصراااخ رجعي ياحيوانة
نور \انا حيوانة يابزرة
امل بعناد\ ايه حيوانة رجعي
نور بعناد \ماراح ارجع اعتذري اول
امل \ ليش انتي حيوانة صدق بابا يقول كذا
نور \ماالحيوان غيرك وابوك يا غبية
امل \يا _________ << كلمة جدا قوييييييية
نور ارتعبت من الكلمة وكيف لطفلة مثل منى تعرفها ......... وبدون تفكير نور تضرب امل على فمها بكف
نور \من وين جايبة هاالكلمة يا تافهه
امل بصراااااااااااااااااااااااااااخ يخوف \يوماااااااااااااااااااااااااااااااااااااااااااه
الكل سمعوا صوت امل وكلهم يركضون يبون يدرون وش صار لها
.. دخل ابو عادل ويمسك امل بخوف
ابوعادل \امل وش فيك بابا ليش تبكين
امل \ نور ضربتني
ابوعادل وماصدق جاته من الله \ ياالخايسة تضربين بنتي
ناصر لماسمع صراخ اخوه خرج من باب المجلس الرئيسي ودخل الصالة وماجد لحقه وكانوا ورى نور بس ابو عادل وابو هادي وعادل وخالد جاؤ من باب البلكونة وهم واقفين قدام نور << وش اسوي هذي بيوت القاعدة متاااااهة مرة ضعت في البيت ومالقيت باب الخروج <<خخخخ
عادل اول مرة يشوف نور من اربع سنين ونور كانت فالة شعرها وكانت مثل مايحبها ..جنااااااان..
وهاالمرة استجن عليها وخاف عليها من ابوه ..
.. ماجد كان يطالع نور من ورى ولا شد نظره غير شعرها الطويل بلونه البرغندي العذااااااب وماقدر يرفع نظره عنها وتمنى لو تلتفت وخاف عليها من عمه الشراني .. خصوصا ان عمه ينتظر نور ع الغلطة ..
نور مااهتمت لوجود ابوها وعادل وخالد \ بنتك لسانها قذر
ابو عادل\ماالقذر غيرك ياحيوانة
نور بجرائة \ماالومها طالعة على ابوها
وتعطيه نور ظهرها وتبي تمشي تروح الغرفة بس صدمة لما شافت ناصر وماجد قدامها .. ماعاد تحركت ولا قدرت اصلا تفكر انها تمشي ......
وطراااااااااااااااااااااااااااااااااااااااااخ ماعاد حست الا بضربة العقال بظهرها من عمها منصور ......... فقدت توازنها وكانت راح تطيح ع الارض بس ناصر مسكها وضمها بقوة وهي تصرخ من الالم ....
عادل وخالد يمسكون ابوهم ويحاولون يهدونه .. وابوهادي لما شاف ابوه كيف معصب يقرب من نور ويبي يكمل عليها بس ماجد وقف بوجهه وبعده عنها وعن ناصر ..
ابوعادل \اتركوني ..والله لااذبحها اليوم
ناصر بصراخ اعلى \والله العظيم ماتلمسها لا انت ولا غيرك
عادل \يوبه صل ع النبي هذي بنت اخوك مثل بنتك
ابوعادل\تخسي ماهي بنتي ولا تشرفني
ام عادل \ يا ابوعادل البنت ضيفة عندنا ..حرااام عليك
ابو عادل بكره وحقد دفين \حرم الله عليها الجنة .. جزاتي مسكنها ببيتي
......... نور تناظر عمها منصور وكيف عياله يحاولون يهدونه وتناظر ابوها كيف يناظرها بكره وماجد يحاول يفهمه ان اللي يسويه غلط وتناظر امها تشوف نظرات تهديد ... وتحبس دموعها وترفع راسها وترد على عمها
نور \الله **** ..و**** بيتك .. و**** اذا في يوم رجعت بيتك .. الله لا يسامحني اذا في يوم سامحتك .. الله حسيبك .. هذي رجولتك تضربني في بيتك .. ضربتني قدام امي وابوي قدام عيالك واخوانك الله لا يسامحني اذا سامحتك الله لا يسامحني ..
وياخذها ناصر لغرفة البنات وشوي وتنهار .. ويجلس جنبها ويحط يده على كتفها ويضمها لصدره
ناصر \ الضربة تعورك .. تحسين بالم
نور \_____________
وبعد وقت طال فيه الصمت بينهم
نور \باروح معك .. اذا جلست دقيقة في هاالبيت راح اجن
ناصر \راح اخذك معي انا كنت جاي اخذك
نور ماردت عليه اهم شيء تطلع من هاالبيت
... تدخل عبير عليهم ومعها هند ومنى وام هادي
ام هادي \انتي ماتستحين تردين على عمك
ناصر \ خلاص ياام هادي انتهى الموضوع
ام هادي \هذا السبب انك دائما تدافع عنها وتسكت عن خطاها وهي بهاالدلع تتشجع علينا وعلى عمها .. وابوها وانا ماقصرنا دلعناها بزيادة
نور بخاطرها انتي وابوي دلعتوني ياكبرها عند ربي
هند\ يومه خلاص .. اللي فيها يكفيها
ام هادي \تستاهل وليت عمك يزيد عليها
ناصر \ليش واقفة .. روحي ناديه يجي يكمل عليها .. جاية تهزئينها بدال ما تاخذين اللي بخاطرها
منى تسحب امها معها برات الغرفة ... عبير تجلس ع الارض على ركبها عند رجل نور
عبير \ نور .. حبيبتي روحي مع عمي ناصر
هند بصدمة \ عبير جنيتي كفاية ابوك
تقوم نور وتلبس عبايتها وتاخذ شنطتها الصغيرة وتناظر عمها ناصر ويمسك يدها وياخذها معه
هند\ نور خذي جوالي وراح اكلمك من جوال منى
ناصر\ مشينا نور
هند \عمي وين بتروحون
ناصر \بنروح شقة
.. ناصر بتفكير انا كنت عايش مع الشباب الحين وين اخذ نور .. لازم ادور شقة او اروح لفندق ..
عبير \نور كلميني
نور \ مع السلامة عبير
ويمرون الصالة وتشوفهم منى ...
منى \وين رايحة . . بااروح معك انتظريني
ابوهادي \منى ماراح تروحين مكان
منى \ليش يوبه ابى اروح مع خويت دربي
ام هادي \ منى قلنا لا
نور تهمس لمنى \منو حياتي .. اسمعي كلام اهلك
ناصر \عن اذنكم
دخل ناصر المجلس وعلم اخوه انه راح ياخذ نور معه .. وابوعادل انبسط
ناصر \ياالله ماجد مشينا
خالد \لاماجد راح يتعشاء معنا
ناصر \انا مامعي سيارة انا جيت مع ماجد ومحتاجة يوصلني
ماجد\جاي معك اصلا ماعادلي نفس باالعشاء
خرجت نور مع ناصر ونزلوا تحت عند مواقف السيارات ووقفوا عند السيارة .. نور ماكانت تدري ليش وقفوا ولا جاء بخاطرها تسال ناصر ..
ماجد \ااااااااسف والله اسف تاخرت عليكم .. بس اخوانك وش اسوي فيهم
ناصر \علومك طيبة .. اوريك كيف تتاخر علي ياالله افتح السيارة
وفتح ماجد الباب ودخل ولما كان ناصر بيدخل السيارة انتبه على نور لساتها واقفة مكانها ولا تحركت .. وراح لها
ناصر \نور قلبي وش فيك ؟
نور \لي ليش يروح معنا
ناصر \نور لاتخافين من ماجد انا معك
نور بتاتئة \ ما ما ماابى اروح معه
ناصر \ انا معك لا تخافين والله ماجد طيب
ويسحبها معه للسيارة ويركبها وراه ويجلس ناصر جنب ماجد
.. ويحرك ماجد السيارة ويطلعون من القاعدة .. اللي كانت سجن باالنسبة لنور ....
ناصر \ خذنا على احسن فندق
ماجد\ في اي فندق انت حاجز
ناصر \ولا فندق بس بااجرب حظي ..
ماجد \ من زين حظك عاد
ناصر \لا تغلط .. كنت ابي نروح شقة بس ادري اني ماراح القى
ماجد\وش رايكم تشرفون على شقتي
ناصر \من وين لك شقة وانت توك واصل اليوم
ماجد\ انا عندي شقة ملك .. وبااخذكم لها
ناصر \ عندك شقة وماتعلمني .. وفهد ماقالي
ماجد\لاني ماابيك تدري لا انت ولا فهد
ناصر \قل والله وليه
ماجد\تبيني اعلمكم عشان تعسكرون فيها .. لا يا حبيبي انسى
ناصر بقهر \ والله انك نذل وانا لما اجيء اتضارب انا والشباب في الشقة من اللي ينظف ومن اللي يطبخ ومن اللي يدفع .. والله نذل
ماجد\ قالوالك اصرف عليك انا ولا متبنيك
ناصر \ والله لا اعلم عادل وفهد وخالد واعزم الشباب في شقتك
ماجد \ وبكل برود بااقفل الباب في وجيهكم
ناصر \يارجال استح على وجهك انا عمك
ماجد \وانا متبري منك
......... شعور نور الحين ......... الموت ثم الموت ولاااااااااااااااا تروح شقة ماجد .. مستحيل اعيش في شقة ماجد .. لا لازم اكلم عمي واقوله ما ابى اروح مع ماجد بس كيف ماجد موجود
........... بعد وقت ماجد وقف السيارة عند مطعم ايطالي وبعد اشارات بينه وبين ناصر نزل يجيب لهم عشاء
نور \ ناصر وين بنروح
ناصر \ شقة ماجد
نور \ ماني رايحة لشقته سمعت
ناصر \ نور وين تبين نروح اجل مافيه مكان ثاني .. انا كنت عايش مع الشباب في شقة
نور \ ناصر تكفى شقة ماجد لا يعني لا
ناصر \ مافيه غير ها الحل
نور \ الشارع ولا شقة ماجد
ناصر \ انتي ليش تخافين منه ليش
نور __________
رجع ماجد السيارة قبل ما ترد نور على ناصر ويروحون على شقة ماجد .................



>>>>

السلام عليكم ...
الجزء الرابع .........

......... مو مصدق اللي صار جالس ع البحر ويشتم نفسه ويسب حظه ماقدر يسوي شيء ماقدر يحميها حبيبة قلبه انضربت قدام عيونه وفي بيته ولا قدر يسوي شيء >> عادل << ابوك ياقهر << واللي زاد غضبه ان نور الحين مع ماجد صح ناصر معهم بس هو كان بيموت لان اخوه خالد وماجد شافو نور وهي له .. كان راح يموت من الغيرة يبي يدري هم وين بيروحون ... ورجع يتذكر شكل نور وكيف كانت شعرها اللي يسحره وجها الصافي اللي دائما خايف ويكابر ولا عيونها اااااااااااااااااااااااااااااااه ياعيونها ..يارب تكون من نصيبي ...

... في الرياض << باقي الشلة << فارس وهادي جالسين في غرفة فارس ويحسوون بملل فظيع من فراق نور ومن عقاب فهد لهم ..
هادي \ تدري لو كان فهد اخ لي كان بعته في البسطة باارخص الاثمان
فارس \ انا وش اقول وايش اخلي
هادي\لو رحنا مع ابوي كان الحين مستانسين وكان هربنا في نص الليل من القاعدة واخذنا نور معنا
فارس \والله اشتقت لروحي .. خلنا نتصل عليها
هادي معصب \ كم مرة قلت لا تقول روحي هاه ليش ماتحشم
فارس \ اقول تلايط لا اكفخك
ويتصلون على نور على جوال ام هادي وترد عليهم هند وتقول لهم يتصلون على جوالها لانه مع نور .. وفعلا اتصلوا على جوال هند بس ماردت عليهم وهذا ضايقهم .. وعند هند بعد ماقفلت من هادي بدقايق سمعت صوت جوالها يرن وكان مرمي تحت المخدة يعني نور ما اخذته معها ولما طالعت الرقم شافت رقم هادي بس ماردت .. وبكت على حال اختها .. والله اختي ما تستاهل ..


.... وصلوا شقة هتلر وكانت عبارة عن شقة بمنتهى الرووووووعة وفي الطابق الثالث كانت سيراميك اسود وعنابي ويغلب على ديكورها الستايل الملكي فخااااااااامة الكنب موزع باحتراف وكانت الغرف مفتوحة على بعض والمطبخ مفتوح ع الصالة ... كانت ردت فعل ناصر التصفير والتصفيق وكان يبارك لنفسه على هذا الاكتشاف العظيم وماجد يحذره من الاحتلال ..
نور .. وش اقول لكم عن نور .. كانت تحس نفسها بدوامة لما كانت في السيارة قالت اكيد اذا دخلت شقته باصرخ واحط رجلي بس لما شافت الشقة اخذت عقلها بديكورها وباالوانها الرائعة وبخاطرها الله يستر
مشت بدون مايحسون عليها ووقفت عند نافذة << طاقة كذا نسميها << وكانت هذي النافذة تطل على منظر راائع على حديقة عامة كبييييرة وسرحت نولر في المنظر وحست انها راح تبكي خايفة موت خايفة بس ماجد وناصر موجودين مستحيل تبكي وتسمح لهم يشوفونها .. انتبه لها ماجد واشر بيده لناصر انه يروح لها ويدلها على غرفة النوم .. وصل ناصر عندها وحط يده على ظهرها وهي شهقة من الالم (اااااااااه <<
كانت ضربة عمها توجعهااااااا بقوة .. ماجد وناصر عرفوا هاالشيء من صرختها .. ماجد حقد على عمه وناصر بخوف يبعد يده
ناصر \نور .. تتالمين اوديك الطبيب
نور بهمس \لا مافيني شيء بس باانام
ناصر \هذيك غرفة النوم .. بس لازم تتعشين وبعدين نامي
نور بعبرة \ماابى
ناصر \نور ترى هند قالت لي انك مااكلتي شيء من اول امس
نور \ماابى
خلاص احساس نور انها راح تنهار سيطر عليها انسحبت من الصالة واتجهت لغرفة النوم قبل ما تنهار قدام ناصر .. كانت الغلرفة بمنتهى الفخااامة والاناقة بس هذا الشيء ماخفف من اللي بقلب نور ..
وبعد ربع ساعة دخل ناصر عند نوروشافها جالسة سرحانة مو في الدنيا ومو حاسة بشيء .. ناصر يبتسم لها وهو جايب معه عشاء لنور في صينية حاط فيها هو وماجد العشاء وحاطيم كوب فيه وردة من الورق وكوب عصير << يستهبلون <<
ناصر \احلى عشاء لاحلى نور في جدة
نور \ مالي نفس ابى انام
ناصر \بتاكلين وانتي شاطرة .. الا جبتي معك ملابس
نور \لا مو شاطرة ..ولا ماجبت معي ملابس
ناصر يمد عليها ببجامة \خذي هذي
نور مامدت يدها وناصر حطها ع السرير .. نور ماهمها تسال من وين جاب البجامة اللي يهمها انها تبي تظل لوحدها ..
نور \شكرا .. تصبح على خير
ناصر \لا والله تطردين انتي ووجهك .. كلي ياالله
نور \قلت ما ابي غصب هو ماابي
ناصر \ اذا ما اكلتي باالطيب راح تاكلين با الغصب .. وش تبيني اقول لهلك بنتكم ماتت من الجوع ..
نور \لا تخاف ماراح يكلفون انفسهم ويسالون عن سبب موتي
ناصر حس بجرحها \ لا تغيرين الموضوع .. كلي
نور \ماابي اكل ولا تقدر تجبرني حتى لو ضربتني
ناصر بعصبية \انا اضربك انتي انهبلتي ... لا اكيد الضربة اثرت على دماغك .. مستحيل اضربك يانور مستحيل اضرك بشيء ..
نور بقهر \انت سمحت لاخوك منصور يضربني بوجودك
ناصر يبرر \منصور ضربك على غفلة مني والله
.. كانت نور واقفة ترتجف والعبرة خانقتها وتتذكر الموقف ويزيد خوفها ..لو كان ناصر وعيال عمها مو موجودين اكيد كان راح يذبحني وابوي راح يساعده ..
... ناصر ينتبه على ارتجافها وعلى دموعها اللي رافضة تنزل وتريحها
ناصر بترجي \نور ابكي تكفين ابكي يانور
نور ببرود \انت ما تحبني ؟.
ناصر \جنيتي يانور انا ما احبك والله احبك اكثر من روحي واكثر من ندى اختي انتي احب بنات اخواني عندي والله ..
نور \اذا كنت تحبني مثل ما تقول ليش تبيني ابكي ليش تبي تشوف دموعي ليش ؟ تظن ان الرجال بس مايبكي لا حتى انا ماابكي .. لاني لو بكيت راح اضعف وانا موضعيفة ..
ناصر \من اللي قالك اني ماابكي هاه من اللي قال .. انا ابكي واشكي اجلس على سجادتي وابكي لربي واشكي له .. الدوع مو ضعف والكتمان مو قوة
نور \شفت حتى انت ماتبكي قدام الناس انت تبكي لربي لربييييييييييييييييييييي وانا مثلك اشكي لربي لان الشكوى لغير الله مذلة ..مذلة يا ع<<كانت راح تقول ياعمي << ياناصر مذلة
مر وقت والاثنين واقفين ويطالعون ببعض بصمت وماجد كان جالس باالصالة ويسمع كل شيء لان الباب كان فاتح وصوتهم كان عالي .. لف ناصر كان يبي يطلع من الغرفة
نور تتكلم \ لما قالتللي عبير انك جيت ..حسيت اني راح اموت من الفرح وقلت جاء علشاني بس لما قالتلي ان ماجد معك موت من الخوف يعني مافيه شيء يزبط معي .. ادركت اني محظوظة لان ربي ارسلك لي قلت بخاطري الحين احس بامان .. تخيل يا ناصر مع وجود امي وابوي الا اني ماحسيت باالامان معهم .. قلت ماراح يقدر منصور ياذيني وانت هنا مستحيل لانك ماراح تسمحله ... بس بس <<وتخنقها العبرة .. بس حسيت اني لوحدي وانا اواجهه ..كان واقف قدامي هو وابوي وعياله كلهم بصفه وجنبه بس انا من اللي بصفي من مااحد .زماكنت ادري انك وراي انت وماجد ..اصلا لو كنت ادري ان ماجد موجود وواقف وراي يمكن كان هربت اتخبى ورى عمي منصور .. تخيل خوفي ورهبتي لما شفته ..بس انا ماكنت ادري ماكنت ادري .. ولما ضربني عمي منصور ولا احد منكم منعه حسيت وتاكدت فعلا ان مافيه احد معي .. مااخبي عليك مر في بالي احساس انه ممكن ماجد جاي عشاني مدري ليش مر في بالي كذا بس ماادري قلت يمكن مصدر الخوف لي هو اللي بيحميني .. احساس غبي وفكرة غبية ادري بس كذا كان احساسي .. بس حتى هو ماقدر يمنع منصور من ضربي .. تخيل هلي ماقدروا يساعدوني ومصدر خوفي ماقدر يساعدني .. << بصراخ وبكى << انا وحيدة ياناصر وحيييييييييييييييييدة ...
رجع ناصر لها وضمها بقوووووووووووووووووووة مع انها تالمت وصرخت من الالم بس ناصر ماخفف من ضمه لها .. ونور بدت تبكي بكل الم .. بكت ظلم عمها ..بكت خذلان امها لها ..بكت قسوة ابوها .. بكت حنان ناصر ...بكت خوف ماجد .. بكت شوق هادي وفارس ...... بكت واعظم مابكت عليه هو الحرمان من الاماااااااااااان ..


خرج ناصر من عند نور بعد مانيمها ع السرير قالتله ان ظهرها ياالمها وراح تنام على بطنها وهو حاول فيها تروح الطبيب بس هي رفضت لانها تبي تنااااام .. ونامت وهي تبكي
توجه ناصر لعند ماجد في الصالة ووقف عنده وماجد وقفله اول ماشافه جاي ناحيته ..ناصر كانت ذابحته العبرة وضم ماجد بقوووة وبكى <<ايه بكى ناصر على حال نور ..
ناصر \كانت تنتخيني ياماجد ..كانت تتامل فيني اساعدها ..كانت واثقة اني بااحميها ..بس انا تركته يضربها وانا اتفرج ماقدرت اوقفه ماقدرت ..... نور بكت بكت ياماجد ..اذبحتني نور بكلامها ..الحين فقدت ثقتها فيني ماعاد تثق فيني ابد ..والله اخاف من نفسي عليها اخاف عليها مني .. ياويلي اذا قالتلي بيوم يا عمي بااذبحها واموت بعدها والله ..

..... شعور ماجد .. كان ماجد يفكر في كلام نور خصوصا كلامها عنه وخوفها منه ..تسال بينه ونفسه ليش نور تخاف مني ليش .. الا اكثر شخص تخاف منه هو انا .. انا مصدر خوفها ياويلي وش سويت فيها انا .. مالي الا ناصر هو بيعلمني ..
بعد وقت وبعد ماهداء ناصر ورجع لطبيعته قرر ماجد يساله ..
ماجد \ ناصر ... نور تخاف مني ؟
ناصر \ كلمة خوف ماتكفي نور ترتعب منك
ماجد \ من متى وليش .. وانا وش سويت لها .؟
ناصر \ من متى فهو من مدة طوووووويلة من يوم عرفتها وانت مصدر خوف لها .. بس ليش وانت وش سويت فاسال نفسك هاالسؤال
ماجد بااستغراب \ والله ماسويت لها شيء .. واصلا انا من سنين طويلة ماشفت نور ومااذكرها
ناصر \اجل ماادري انا محتار من زمان .. كان ودي اعرف ليش تخاف منك بس هي تقول بدون سبب
ماجد \مافيه شيء من دون سبب
ناصر \قلت لها نفس كلامك وردت علي رد سكتنيييييييييييييي
ماجد بقلة صبر \تكلم قول وش قالت ؟
ناصر \ قالت فيه اشياء كثيرة بدون سبب واولها كره منصور لها
ماجد \ طيب انت ماتدري ليش عمي منصور يعذبها
ناصر \انا ماادري ونور ماتدري ولا عمرها سالت ليش يعاملني كذا .. مرة سالتها اذا تبي تدري ..بس قالت انها ماتبي تدري ليش يعاملها كذا ..لانها متاكدة انها مااذته في شيء ... وقالت اخاف ادري وبعدين انهار لانه عذبني طول هالسنين بدون سبب او ظلم .. فهمت ماابي اعيش مظلومة .. اتمنى اكون اذيته عشان ابررله بس مااذكر بشو اخطيت ...
ماجد \طيب فيه احد غيرك يدري انها تخاف مني ؟
ناصر \الكللللللللللللللللللل يدري حتى خواتك يدرون .... ههههههههههههههههه بااقولك شيء بس لا تتوطى في بطني ...
ماجد\ مااوعدك قوول
ناصر \ هي تسميك <<هتلر <<
ماجد بفجعة \ احللللللللللللللللف
ناصر \والله العظيم ...ههههههههههههههههههههه .. تدري لما اطلبها تسوي شيء وترفض على طووووول اقول لها بااوديك عند هتلر ..ههههههههههههه والمجنونة تصدق وتسوي اللي ابيه ههههههههههههههااااي والله انها تحفة بخوفها .. بس تراني ارحمها كثير بس هادي وفارس ابد..
ماجد بضيقة \وش فيهم ؟
ناصر \مايقصرون فيها ..مرة كنا نشوف فلم هندي وهي متحمسة عاد قال لها فارس قومي جيبيلي بيبسي .. نور عندت ..فقال لها ترى هتلر في الديرة توه جاي من السفر اكلمه الحين واقوله تعال ..وبسرعة تنط نور وركضضضضض ع المطبخ وتجيب البيبسي ولما جات تبي تجلس يقول لها هادي جيبيلي بيبسي وقالت احلم فقال عطوني جوالي ماجد يبيني وبسرعةتنط تبي تروح المطبخ وتسالني اذا ابي بيبسي وقلت لها لا و تمسك خط المطبخ وتجيب بيبسي ... ههههههههههههههههههههههه وشوي تبي تجلس عاد انا اصرخ فيها وين بيبسيي قالت انت قلت ماتبي ..فقلت لها الحين اكلم ماجد واعلمه والله ياماجد انها ركض ع المطبخ وجابت البيبسي ههههههههههه ولا عاد كملت الفلم معنا من الخوف منك ......... هههههههههههههههههه
دخلناها المطبخ ثلاث مرات واستغليناك .... وش رايك فينا ؟ هع هع هع هع
ماجد وهو يقوم عليه \وتقول لا اضربك والله انتقم منكم ع اللي سويتوه فيها
ويتضاربون الاثنين ويضحكون ...ونور تبكي من الالم داخل الغرفة ....
.... بعد فترة دخل ناصر الغرفة واخذ فراش ومخاد له هو وماجد .. وراحوا ينامون في الصالة ....


...بدايت يوم جديد ... صحيت نور من النوم << او شبه النوم<< الساعة 7 ونص واحساسها باالالم في ظهرها لساته يزيد تحس ان ظهرها يحترق .. تتسال انا وين وش صاب عقلي ووافقة اني اجي شقة ماجد وشوي بدات تستوعب انها مو في شقة ماجد وبس الا انها نايمة في غرفته وعلى فراشه وتنط بسرعة من على السرير <<وااااااع وع وع واااع وع << لا مستحيل نمت في فراشه لاااااااااااا مااصدق الحيوان نصور يسوي مقالب بايخة التافه مو رايقة لمقالبه السخيف تفوووه عليه هذا مو عم هذا عدو بلى بشكله الدب .. والدب هذا كيف يسمح لنفسه يجيبني شقته صدق قليل شيمة << لا تعلقون تروها معصبة << ترتجف من الخوف اعوذباالله منه ياويلي وش اسوي وين اتخبى ابي اناااام فيني نوم .. اااه من هلي ليش يكرهوني .. ليش هم مو عزوتي .. هادي فارس يا عضيدي وينك وينكم محتاجتكم والله .. ابي انام بانام على الكنبة وااااع نمت على سريره وع وع ... وفعلا بعد هذي المحادثة بين نور ونفسها قررت تنام ع الكنبة ..

..الساعة 10 في بيت ابو عادل...
ابو هادي\ ياالله لازم نطلع اليوم ونغير جو
هند \لازم نطلع اليوم ؟
ابوعادل \ وليش لا .. الجو حلو والنفس طيبة خلونا نطلع
ام هادي \ ايه خلونا نخرج ونغير جو ملينا من البيت
الكل وافق الا عبير \انا ماني طالعة اعذروني
ابوهادي \ان ماطلعت عبير انا مااطلع
عبير \عمي لاتربط نفسك فيني والله مالي نفس
ابوهادي بتصميم \وانا مالي نفس اطلع
عبير بااستسلام \خلاص عمي بااطلع معك عشان خاطرك بس
منى في خاطرها ..ابوي يحب عبير موووت ويداري مشاعرها ويخاف عليها بس العكس مع نور مع انها بنته .. وعمي منصور يعامل نور بكل قسوة ومع ذلك طب مع بنته ويموووت عليها .. ياالله فرق بين السماء والارض ..
وفعلا طلعت العائلتين من القاعدة .. وكانوا واعدين خالد وعادل يلقونهم برات القاعدة .. عادل كان يظن ان ابوه راح يتصل بناصر وماجد ويعزمهم ع الطلعة بس منصور ماسواها .. وعادل راح لامه يستفسر منها
عادل \يومه ناصر وماجد ماراح يجون
ام عادل \لا .. قلت لابوك يكلمهم بس مارضى
عادل \ليش مو ناصر اخوه وماجد ولد اخوه ليش مايبيهم
ام عادل \انت تدري المشكلة ماهي في ناصر وماجد ..المشكلة بنور لان ناصر وماجد اذا جاؤ راح يجيبونها معهم وابوك مايبيها وهم مستحيل يخلونها ويجون ..
عادل بقلة صبر \ يومه ليش ابوي يكره نور .. ليش يبي يذبحني
ام عادل بتوتر \ماادري ولا عاد تسالني هاالسؤال
عادل \ليته يكرهني يضربني بس لايقرب صوبها
ام عادل \انت تحبها ياعادل ؟
عادل \ انتي تدرين يومه اني مو بس احبها الا اجن عليها واموت فيها ..ااااااه يومه والله العظيم احبها
ام عادل \ بس ياعادل انت كبير عليها وهي توها صغيرة ليش ماتاخذ هند ؟
عادل \ اااه يومه نور صغيرة طفلة ولعبت فيني .. ليتك تحسين فيني يايومه .. والله اموت عليها وعلى لقافتها وصغر سنها ..وشعرها ووجها ..و....
ام عادل تقاطعه \ بس ياعادل استر البنت .. عيب عليك نور مو ملك يمينك ..
عادل \قوووولي اااامين يومه انها تكون لي والله لاسعدها طول عمرها والله
ام عادل \ الله يقدم اللي فيه الخير
تمو كلامهم ولاكانوا يدرون بااللي يسمعهم ... كانت هند واقفة وتسمع كلام عادل وامه ومن دون احساس دموعها صارت نهر على وجها .. عادل يحب نور ..عادل يبي يتزوج نور .. ليش ياربي نور ليش مو هند .. ليش ياعادل وانا اللي حبيتك من صغري .. ليش تخذلني انا اللي احبك مو نور .. نور ماتحب احد ...لا انا ايش قاعدة اقول نورحبيبتي وانا احبها وتحبني .. بس هي راح تكون السبب في تحطيم قلبي .. ليش يانور لازم تكونين دائما مشكلة .. بس لا يانور انا ماراح اسمحلك تحطمين حياتي وحبي ..يانور ماذقناه من مشاكلك يكفينا
.. وانتي تدرين اني احب عادل وتبين تفرقينا ... ليش يانور ليش ؟


............. هادي \فارس بسرعة قبل مايطلع .
فارس \اركض للسيارة وانا وراك
وخرج هادي وفارس وخذوا سيارة فهد من دون مايدري رايحين .. للمطار .. هاربين واكتبوا لفهد رسالة <<حن رايحين جدة .. اذا تبي سيارتك بتلقاها في المطااااار وراسمين علامة النصر ..<<
فارس \ههههههههههههههههاااااااااااااااااااااااااي والله بيذبحنا
هادي \ هههههههههههههههههههههههههههه رحنا وطي
فارس \اتمنى اشوفه وهو يقراء الرسالة ابي اضحك عليه
هادي \لازم نحتمي بااحد قوي في جدة ..تراه بيلحقنا
فارس \ازهلها يارجال مالك الا نور بتتوطى في بطنه هههههههههههههههههه
هادي \كفو اختي كفو
ويدق جوال فارس
فارس \ هذا فهد
هادي \وخير ياطير ..احقره ماعليك منه من قال نبي نكلمه هذا لصقه انجليزي على قولت نور والله مااحد يعرف له الا نور ههههههههههههههههه
فارس \هذي امي متصلة غريبة وش تبي هي تدري اني مسافر
ويرد فارس ع الجوال
فارس \هلا يومه
فهد \فاااااارس خمس دقايق ان مارجعت الحين والله انك لتندم والله اذبحكم ارجع انت وهو الحين
فارس \احلف بس ..انا وهادي رايحين جدة ..تبينا الحقنا ..بس يااخوي خل عندك شوي كرامة احنا مانبيك استح على وجهك لا عاد تتلصق
فهد بعصبية \ فارس والله .......
يقاطعه فارس \ياالله توصي على شيء الحين بنركب الطيارة ..سلم على هلي ولا تقصر عليهم بشيء في غيابي ..وانا لما رجعت باالسلامة انشاء الله بااسئلهم اذا كنت قصرت عليهم بشيء .. وياويلك اذ سهرت برات البيت الى الساعة 9 قصيت ارجولك .. والحين ضف وجهك ..
ويقفل الجوال في وجه فهد ..خخخخخخ << احسن << ويتمنون لو نور معهم كانت راح تجن من الفرحة والشماته على فهد ..
فهد مفلللللللللللللللللللل << معصب << يا عيال اللذين والله اوريكم اصلا كنت رايح جدة بعد يومين وحاجز لكم معي بس معليه والله انكم ماتستاهلون ..


....ناصر دخل غرفة نور << غرفة هتلر << ولا لقاها نايمة ع السرير والتفت وشافها نايمة عالكنبة على بطنها وكان شكلها يقطع القلب .. قرب منها وحاول انه يشيلها ويحطها ع السرير بس هي تضايقت وطلعت صوت انين وهو تركها على راحتها .. وقام يكلمها ..
ناصر \ نور حبيبتي اصحي
نور ..... همممممممممممممم
ناصر \نور انا وماجد نبي نطلع ..تطلعين معنا
نور \_________ من انت ؟
ناصر \ انا ناصر .. نويصر
نور \انقلع
ناصر \ افا ................ شكلك نايمة احسن نامي لين ارجع
غطاها ناصر باالحاف اللي ع السرير وخرج عند ماجد وعلمه ان نور تعبانة ولا راح تطلع معهم ..
ماجد خايف عليها \روح جيبها بنوديها المستشفى
ناصر \لا مو الحين اذا صحيت وكانت مو بخير راح نوديها غصب عنها بعد
ماجد \على قولك ..مو بكيفها
ناصر \ياالله استعجل ودني المجمع ابي ارجع قبل ما تصحى
ماجد\ وش عندك باالمجمع ؟
ناصر \ابي اشتري لنور ملابس واغرض لان شنطتها في بيت منصور مااخذت معها شيء
ماجد \كيف تبيها تفكر انها تاخذ معها شيء وهي طلعت من البيت وهي بحالة ماتسر احد .. الله يسامحك يا عمي والله حرام اللي يسويه فيها ..
ناصر \ومن يسمعك ياماجد ..الكل يقول هاالكلام ولاشيء يتغير ..
ماجد \بااروح معك السوق .. وعلى طاري التغيير ..اوعدك ان عمي ماراح يطول في معاملته لنور بهذي الطريقة .. انا راح ارسمله حدوده ........


ام هادي \ يومه هند وش فيك متضايقة
هند \يومه الف مرة سالتيني وقلتلك مافيني شيء
وتقوم هند من عند امها وتروح تمشيء لوحدها وهي متضايقة باالحييييل
ام هادي تسال منى \ منى وش في اختك ليش زعلانة ؟
منى \ماادري
ام هادي \والله موعاجبتني ..اخاف لا احد يكون مضايقها
منى تنفجر في امها بوجود ام عادل وعبير ومريم \ يومه هند بخير ومافيها شيء واذا كانت متضايقة فهذا شيء عادي الكل تجيه ضيقة بدون سبب .. وانتي المفروض تخافين على نور ..نور بنتك مثل منى وهند ..ليش ماتخافين عليها ليش تحقرينها وماتسالين عنها .. من اول ماطلعت مع عمي وانتي مااهتميتي لغيابها ..مافكرتي اذا نور متضايقة او لا نور محتاجة خوفك اكثر مني ومن هند الدلوعة .. يومه نور اصغرنا محتاجتك يومه وانتي مع قربك الا انك ابعد بعيدة ... (وتبكي منى بقهر )
ام هادي بصدمة \ يعني بنظرك انا مااحب نور
منى \ يومه كلنا نظن انك ماتحبين نور بس نور الوحيدة اللي متاكدة انك ماتحبينها ..وهي تدري انك تفضليني انا وهند وهادي عليها ..
وتقوم نور وتترك امها تتاثر بهاالكلام وعبير ومريم خجلانين من ابوهم لانه السبب في اللي صار ..



انتهى الجزء الرابع .........
اتمنى انه يعجبكم واتمنى القى ردودكم وتعليقاتكم ...
هادي وفارس شو موقفهم من منصور بعد مايدرون بااللي صار مع نور ؟
ماجد والوعد اللي قطعه على ناصر بانه راح يوضح لعمه منصور حدوده مع نور ..وش يقصد ..؟
ام هادي شو راح يكون ردت فعلها بعد كلام منى ..هل ستتغير .. ام انها مثل ابو هادي ..دائما بصف ابو عادل .. ؟
ونور .. شو تتوقعون يصير معها ..؟
هند <<<<<<<<<<<< موقفها صح او غلط ؟
مع حبي

<<صمت الرحيل <<