كاتب الموضوع :
#الكريستال#
المنتدى :
القصص المكتمله من وحي قلم الاعضاء
رد: أريد منك أكثر مما أريد
صباح الخيرات .....تسلم ايدك ياقلبي على البارتات الي قلبيت الاحداث فوق تحت ودخلتنا بمتاهات ماادري كيف بنحلها او نفهمها بس الي متوقعته انو جرعات المصايب راح تزيد والابطال بيدخلون في مواجع الله يعينهم عليها
تغريدوه وفهود وليليان
تغريدوه رغم اني مااحب الاسلوب الي تعامل فهد فيه معاها وضده ......الا اني ماني قادرة اتقبل الي سوته على اساس تضحية والا لو هي مثل ماقالت لانها مضحية اجل ليش مقهورة من انو فهد يحب ليليان او يتزوجها مو هي صارت مريضة وانسانة عاجزة واحتمال تكون عمية ومابتكون مناسبة لفهد .......ولانها تحبه ماتبغي تظلمه ...اجل وين هالكلام والتضحية ...المرض نفسه فيها ماتغير ولا بيتغير ...ولو فهد حبها لانو مافيها عيب وبعد مرضها تغيرت نظرته لها وفضل انو يتزوج وحدة سليمة علشان تليق بمقامه خصوصا الحين بعد شهرته ........هل بتقدر تمنعه والشرع معاه وحتى اهل ها دامهم ياخذون ثمن سكوتهم بيباركو له
هي الي المفروض تكون اقرب شخص لفهد بمحنته وهي الي تصبره لو وقفت معاه في مصايبه موت اخوه المقرب بسببه انهياره تعب نفسيته وشلله .......كل هالامور لو هي تصبرت وفكرت بعقلها وراعت فهد .....كانت بتلاقي منه نفس المعاملة حتى لو هي سوت نفس الي سوته وهو بعز حاجته لها ....يعني لو تركته وهو بخير لنفس السبب الي تركته فيه من قبل بتفرق كثير وفهد ماراح يكرهها بالعكس بيسعى لقربها وفهمها اكثر ....
واذا عرف مرضها بيوقف معاها مثل ماوقفت معاه ......الحين حتى لو عرف بمرضها مااعتقد بيتغير اي شي هي مااهتمت فيه بمرضه ولا صبرت عليه وهو نفس الشي مابيهمه ويمكن العكس اذا عرف وانعمت يتخلى عنها ويحررها ....
الرجال موعاطفي مثل الحرمة دايم عقله هو الي يسيره ومشاعره فيها قسوة عكس الحرمة ......هي جنت على حالها قبل بتفكيرها ولا لها حق تطالب فهد يرضى فيها كزوجة وهي الي كانت طالبة الطلاق
اما فهد انتقامه كله غلط هو مجرد زواجه من ليليان وطلاقه لها كانت بتكون اكبر صفعة لها وخصوصا لما تشوف الدلع والاهتمام الي المفروض يكون لها راح لليليان ......هذا الشي لحاله تعذيب نفسي وعقاب كبير من غير استخدام العنف .........مازالت ترسبات الماضي موجودة فيه هو مازاد حقده عليها الا لما بكل جماقة ذكرته بالحادث وموت اخوه فلا تتوقع انو بسهولة بينسى ......
بس برايي موتها ارحم بكثير من عيشتها عمية وعاجزة وماتشوف الي حولها حتى لو فهد خلاها على ذمته ماعادت مشاعره مثل قبل ولا بترجع صعب جدا ...خصوصا لو كمل حياته مع ليليان وهي محتفظ فيها شفقة وبسبب تأنيب ضمير ...يمكن لما فعلا تنعمي وتوضح اثار مرضها بيصدق فهد انها مريضة
بس فترة غيابها امها ماراح تقصر بتتصرف بحماقة وهي ماتدري انها بتزيد عذاب بنتها اعتقد الخدامة بتخبرها بكلام ميري وهي مابتصدق على الله بتخر الي سمعته ويمكن ازود بعد ......والله يستر منها بس لابد بتندم بيوم هي وزوجها
اما لليليان الي صدمها هو انو الي حبته في الماضي طلع نفسه زوجها فهد الي هي بيوم خططت لطرده وابعاده عنها ......والي زاد تعبها انو هالشخص له قصة عشق قديمة وله زوجة غيرها تشاركها فيه وهي اقرب لقلبه منها من خلال الي سمعته من عبيروه وغيرها
شخص سنتين وهي تتمنى شوفته وراسمة له شي ببالها ........ومشاعر دفينة حاولت تمحيها لما قالو انو تزوج وعايش مع غيرها مع انو الحقيقة فعلا انو متزوج غيرها ........ومرض تغريد الي عرفته وعرفت انو ممكن يقرب فهد من تغريد ويسامحها وبتكون هي الدخيلة الي مابتعرف كيف تخلص عمرها وهي الي فارضة نفسها عليه
خوفها من فقده وهي الي كانت تتمناه وتنتظره سنتين ماتعرف فيهم الا ريحة السجاير والساعة الذكرى عندها لا وتطلع لحبيبته شي موجع لبنت بعمرها مازالت بسن المراهقة .......متاهة دخلت نفسها فيها والله العالم وين بترميها وخصوصا انو في الكثيرات يتربصون لها الشر ام تغريد من جهة وساميوه وجدتها وضحى وخزنوه الله يعينها
فهد اتضح لي في هالبارتات انو مشاعره لليليان حقيقية والدليل انو بوسط حقده وقهره وقسوته على ليليان بمجرد طيحتها قدامه تغير كل شي وتحول لخوف ولهفة .......بينما تغريد الحبيبة يشوف دموعها ويسمع صراخها وابد مااهتز فيه الا مشاعر الكره ورغبة الانتقام ........حتى لما سمع انها مريضة ماصدق ولا فكر حتى يتأكد ...بينما ليليان كان بيجن وحواسه كلها متوجهة صوبها وبس
المشكلة انو فهد على كثر حبه لشخص معين اذا كرهه يكون بنفس عمق العشق له .... لذلك اعتقد ليليان ماراح تسلم من فهد بيكون انتقامه منها مختلف عن تغريد بس ليليان شخصيتها مغايرة يمكن هي الي تهزمه وماتستسلم لعقابه وبترد عليه بأسلوبها من خلال الي اكتسبته في سنينها الصغيرة
جية جدتها ووضحى اكيد لمصيبة مثلهم بس الجدة حمدة مابتسكت وبتكشف الكثير من الاوراق للجدة وضحى عن خزنوه وولدها صويلح .......اما البنت هي البندري جاية بكل وقاحة علشان تشوف لها حيلة جديدة تحتاله على الثور ساميوه وعلشان تحاول تحيك مخطط خبيث غير الي هي ماشية عليه اتمنى جيتها تكون لنهايتها وفضيحتها علشان ليليان تقطع علاقتها فيها على طول ......حسابات قديمة وجديدة بتنفتح .......ويمكن فهد يكون له كلمة حاسمة في موضوعهم ويقطع عليهم جميع الطرق .......لانو البنت على ذمة رجال مالا احد كلمة عليها غيره
اعتقد وضحى بتسير على بيت ام تغريد وبتلتقي فيها وهذيك بتبث سمومها ......وبتسبب زوبعة كبيرة جدا ..لانها ماتدري عن الحقيقة مجرد كلام سمعته من بنتها ... بس لكل بداية نهاية ولازم تنحط النقاط على الحروف
مريموه وطلال
مريموه وقحة ومااستغرب منها اي شي الي تروح لرجال مو محرم لها بكل وقاحة وجرئة وتجرد من الخجل والحياء تعترف بحبها له ليش نستغرب شروطها الوقحة عند عمها وفهد .......هذي الي اجبرو طلال عليها مع انو ماصار مجبور وخليه عساه مايتهنى معاها موهي الي ملاحقته وتبغيه جاية الحين تتعزز وتتشرط ........هذا وهي جمالها محدود وماعندها ثقة اجل لو كانت ملكة جمال شسوت ....
اما طلال دامه سكت ورضى كفوه مالت عليه يوم انه حقق مبتغاها وامنيتها ......ليش يلومها ويسوي فيها الرجال الشرقي وبالاخير يتمم الموضوع ولا مااعترض ولا على شرط ........ويعني شرطها مايتزوج عليها او يطلقها خير ماحد بيخسر غيرها لاتنسى انها هي الي ميتة عليه مو هو .......يعني بشرطها هذا اعطته الحل للخلاص منها يتزوج بحجة بعد مدة زواجه منها وماحد له حق يلومه وهي يطلقها مثل ماشرطت .........والله لو تصير بيكون كسر راسها واعطاها درس ماتنساه
سويرة وعمر
سويرة مثلها مثل خويتها ماتنتقم من الي يضرها تحط حرتها في شخص مو هو السبب الرئيسي في مصيبتها تاركة ابوها يبيع ويشتري وهي منطرمة وماشفنا منها اعتراض ........ولما طلعت منه سوت فيها الانسانة الي لها كرامة وراي ........
انا اشوف انها ماتناسب عمر يطلقها هي الخسرانة والكويتي الي تبغيه من وين بتجيبه ومن وين يخطبها يروح مصر لابوها ولا كيف .....هي تربت في الكويت بس ماهي كويتية ومولازم تلاقي كويتي يتزوجها ......مو علشان امها تزوجت كويتي بيقبل فيها واحد كويتي .........حتى الكويتي يهمه خوال عياله وجدهم وجدتهم ...تفكيرها غبي جدا جدا ... لو جاها الكويتي ضامنة بيكون شخص محترم مو سكير ولا داشر .......ضامنة مابيستغل انها اجنبية عن بلده ويهينها ويذلها ... يعني ماادري كيف تفكر ...ولا تعلمت من الي صار لها خليها تمشي ورى مخها المصدي وفي الاخير هي الخسرانة
اما عمر اعتقد انو سنه كبير يقدر يبعد امه عنه لانها ماتقدر تجبره على اي شي خصوصا انها الحين ببلد غير بلدها وابو ولدها موجود وهو اقوى منها ببلده ........مجرد شكوى او اي خطة كفيلة تبعدها عن مصر طول عمرها تمنع من الدخول بس يبغي لها عقل مدبر وبعدين هي عايشة حياتها بكيفها ماتدخل بولدها الاجانب من يوصلون عيالها لعمر معين خلاص يرفعون ايدهم عنهم بنات او اولاد ...فكيف عمر للان يخاف من امه وتاركها تتحكم فيه لازم يحط لها حد وخلي حقدها لنفسها ماحد قالها تغير ديانتها .......بجهنم فيها رخليها على فجورها وظلالها ...
ماراح تكون هينة بتحكمها وبتأدي ولدها بسبب تخلفها بس في النهاية الحق بينتصر عمر اسلم وعرف ربه ودينه وطريقه الصحيح وربه مابيخذله خصوصا اذا اخلص باللجوء له والتقرب بكل حواسه
علي وجواهروه
جواهروه مانفع معاها اي اسلوب بس دام خزنة بالكويت وبتقابلها يمكن هي الي تعطيها الصفعة الي تصحيها من كل الي قاعدة تسويه بعيالها .........عندها عاطفة لعيال غيرها مثل عبيروه الي عندها اهل واخوان مدلعينها مو محتاجة دلع من احد وهي مو مقصرة معاها .......من حق ليليان تحتقره وتنفر منها وحدة بهالعمر مكبرين راسها على قل سنع مااعجبني تعامل اخوانها وخصوصا فهد معاها المفروض مو كل الي تطلبه يتلبى لها لانها بالمستقبل وراها بيت وحياة ثانية مو مجبور ولد الناس يساير دلعها ويلبي لها كل الي تبغاه بدون حدود ولا ملزومين حمولتها يتحملوها
علي ربي يجزاه كل خير على كل الي يسويه مع هالايتام ربي يعوضه ويعطيه من حرمة غير الجوهرة لانها للاسف جميلة من الخارج بس من الداخل انسانة فارغة وتافهة وماتستاهل الامومة ........ماتستحق لقب ام وهي بعيدة جدا عن هالصفة انتظر صفعه قوية تهزها من الاعماق
سيف ورحيم
هالاثنين من تصرفاتهم الطايشة مااستبعد عليهم سلوك طريق غير سوي او اجرامي ....هم يهمهم الفلوس وبسهولة ممكن يبيعو اهلهم علشانها ........ويمكن مشيلوه له يد بالي قاعد يصير لهم علشان يضمن انو يضغط على فهد ويبتزه في سبيل تحقيق كل الي يبغيه منه .......انا ماادري ايش المخرج له بس فعلا كريستال اتمنى منك دام اخترتي هالقضية تنهيها لصالح العرب وتنصريهم في النهاية ........مانبغيه هالي ماعنده دين ولا اخلاق يحقق اكثر من الي حققه في النهاية اكيد امثاله لهم اعداء مثل النمل من دمهم ومن نفس بلدهم سلطي عليه اي واحد يصفيه ويريح الخلايق منه ...واتركي لفهد وامثاله من الي حدتهم الظروف التحرر والخلاص ........حرام الخير والمجهود الي يبذلوه امثال فهد يشاركهم فيه ناس طماعة امثال الحقير مشيلوه .......وفهد لازم يقلل من ابتكاراته ومجهوداته ماتكون مثل قبل .. واذا ابتزه مشيلوه يوضح له ببساطة انو التعب النفسي له دور كبير في تشتيت التركيز والابتكار وهذاك مو مقصر من هالناحية ........المهم في النهاية ينصر الدين والعرب الي بنظرهم متخلفين وماعندنا اي شي يسوى وهم عند اول فرصة يستغلو فيها هالمتخلفين لصالحهم ولزيادة ارصدتهم في البنوك ........لكل شخص مفتاح ونقطة ضعف ومااعتقد هالمشيل مستثنى من القاعدة
في انتظارك يالغلا على احر من الجمر
|
30-10-12, 02:32 AM
جديد مواضيع قسم القصص المكتمله من وحي قلم الاعضاء
العرض العادي
