كاتب الموضوع :
#الكريستال#
المنتدى :
القصص المكتمله من وحي قلم الاعضاء
صباح الخير ......ياصباح البارتات الحلوة ......تسلم ايدك يالغلا بارت مشبع وحلو رغم انو كل احداثه تركت جروح ومواجع لشخصياته ....
قبل اعقب على البارت حبيت بس اكتب شي من ناحية تغريدوه ....ترى كرهنا لشخصيتها مو لانها زوجة لفهد ولا لانها عدوة لليليان ولا لانها تركت فهد وجرحته ......بالعكس يمكن كنت بتعاطف معاها جدا وبساندها لانها زوجة ويهمها زوجها الي تحبه وتبغي ترجع له .......
بس كرهي للشخصية وللفكرة الي ترسخت ببالنا وحدة فرحانة بجمالها وجرأتها الي تفتخر فيها وتحرض غيرها على انهم يمشو على نفس خطاها انتي قلتي انو لما تزوجت عمرها 24سنة يعني تعدت سن المراهقة مع انها حتى لو مراهقة مالها عذر تتخطى الدين والعادات والتقاليد الي تربينا عليها .........تفتخر انها تتعمد تفتن فهد قبل الزواج وتسوي حالها جات صدفة وماكفاها تروح بكل وقاحة وحقارة تعترف بحبها .......والي تسوي حركاتها مااستغربت انها بعد الملكة كانت تتعمد تظهر مفاتنها وتغري فهد علشان يتمسك فيها .........ومااعتقد تواجدها بعش الزوجية مع فهد لحالها قبل الزواج بيومين الا اكبر دليل على حقارة تفكيرها وبسهولة سلمت نفسها له ...........كل هالنقاط كفيلة اننا نكرهها ونحتقرها ومانتعاطف معاها لانها حتى بعد عقاب ربها لها ماصحت من الي هي فيه ماتابت رايحة تحرض غيرها بكل فخر .........تفكيرها وسخ وماينم عن شخصية بنت متربية وعمرها الحالي 26سنة ........لذلك اتمنى منك جدا اتخاذ شيء قاسي وصارم كدرس يوعظ اي بنت انو الي سوته تغريد ومريم وغيرهم حتى لو كان بسيط ماراح يجلب لهم السعادة ولا بينجح معاهم لو حاولو
تدري انا قبل ماكنت ادقق بهالنقطة بس لما شفت قريبة لي بسن مراهقة بالمتوسط بدت هي وصديقاتها تحاول تقلد افعال شخصية برواية للاسف لكاتبة مشهورة ........وعاجبها الي صار للبطلة بعد كل الانحطاط الي سوته انها تعيش بسعادة مع الرجال الي حبته واصرار هالبنت وصديقاتها على تقليدها بكل حرفية مااقدر اقولك شقد انصدمت وبقوة لانو هالبنت يتيمة فقدت امها وماعندها خوات كلهم شباب اخوانها موفرين لها النت والجوال كتعويض بس مافي رقابة .......حاولت اقنع البنت بطرق عادية غير فرض النصايح واعطيتها اسم روايات راقية بس بما انو صاحباتها دايم معاها وانا مااشوفها دايم البنت ابتدت تتغير ........
لذلك دايم احنا كقراء ننصح ونتابع هالاشياء في الروايات ونحتج على اي تصرف حتى لو كان بسيط بس معروف انو غلط بسبب الفئات العمرية الي تدخل وتقراء وتتابع وبعض الكاتبات الله يهديهم مايراعو ...انو المفروض رواياتهم تحمل رسائل سامية من ورى سطورهم لانها ممكن توعي الكثير وتكسب اجر وحسنات من ورى روايتها
طولت عليك هههه بس جد وربي من كثر ماانصدمت من هالشي يعني اذا خفنا عليهم من المسلسلات والافلام الهابطة صارت الروايات بعد تأثر .....الله يحمي بناتنا يارب ....نجي للبارت
فهود وميشيلوه
ميشيلوه اتمنى نهايته مأساوية وموجعة جدا جدا مايشبع هو اصلا ماهمه بلده ولا ارتقاء بلده همه الفلوس الي بيحصلها من ورى العقول الي يضحك عليها ويدمر حياتها يعني الاخ ماعرف انو الانسان طاقة وانو كثر الكبت يولد الانفجار من وين هالمبدع بيكمل مسيرته اذا نفسيته تدمرت يعني مفكر انو اذا ضل كاتم على فهد ومحاصر بيقدر مخه يشتغل بدون اخطاء معروفة انو غلظة الشاطر بألف ومثل مافهد رفع قدر ميشيلوه بمخترعاته بغلطة وحدة ممكن تدمر كل الي وصل له ويكون هو الملام الاكبر لانو هو الي جاب هالشخص
فهد اذا بيضل مسلم رقبته لمشيل واعوانه بيضل عبد لهم طول عمره وماراح يعيش حياته بسلام مثل ماهو يملك عقل للمخترعات اكيد يملك عقل ينافس مشيلوه ولابد يلقى له ثغرة تخلصه من قبضة هالحقير ........لايستسلم له او يقهره ومايكمل مشروعه خليه معلق مايقدر يجبره انو يبدع في مجاله وهو سبب احباط نفسيته وتدني مستواه الى متى هو يتعب ويشقى علشان غيره هو الي يستفيد بدون مجهود .........هالنقطة لازم لها حل لانو ميشيلوه قاعد يستهين بعقول العرب ويحقرهم وارصدته البنكية من وراهم .......لازم فهد يدبر له مصيبة اذا مو بالكويت بفرنسا او اي دولة المهم يخطط بهدوء ومااعتقد انو مخترع مثله بيكون ميشيلوه اذكى منه
ليليان وفهد والجدة
الجدة حطت فهد وليليان امام الامر اواقع بخطوتها الي سوتها ........ليليان سحبتها بدون ماتخبرها انها بتسكن خلاص ببيت اهل فهد ومو في اي مكان لا بمكان فيه ذكريات خاصة لفهد وتغريدوه .........هي عملت حساب لمداواة قلب فهد بس جرحت وحطمت قلب ليليان الي عرفت اشياء ماتدري عنها ........حطمت حلم كان يادوب ابتدى هي واثقة ومتفاخرة عند فهد انها صقارة بس ثقتها بدت تهتز لما شافت المكان وعرفت انو زوجها شاف زوجته الاولى واجتمع معاها بمكان عشقهم القديم ........وكلام الغبية عبيروه الي ماتدري عن الدنيا قلب موازين افكارها وصدمها وهز قوتها
الجدة حمدة الي معتقد انو فهد مازال مبتعد عن تغريدوه انصدمت انو التقى فيها وقابلها بالمكان الي دايم يحمل الكثير من الاسرار لفهد بس اعتقد انها بعد الي عرفته بتصر وبتعدل بمخططها وماراح تترك هالمكان بذكرياته القديمة بتحاول تزرع ذكريات لفهد وليليان .........راح تجبر فهد يدخل المكان واعتقد انها بتغير الكثير منه ......بس هل بتوصل لمبتغاها والبيت في من يسكنه غيرها كيف بتقرب ليليان من فهد وماحد يعرف العلاقة الحقيقية للاثنين هل بتخلي فهد يتمم زواجه من ليليان وهي مو ضامنة مايكون مصيرها نفس تغريدوه
ام تغريدوه والشر الي جايبته معاها وخططها الملتوية هل بتكون حمدة مستعدة لها ومتحضرة بكل اسلحتها .....هل كلمتها عند فهد ورضاها اهم من رغبات فهد حتى لو اضطرت تجبره وتخيره بتضمن انها قادرة على الي تبغيه
طيب والسر الي ماتبغيه يطلع ووسمية عرفته بشكل مغلوط وعلى حسب تفكيرها واكيد بتستغله وغير ظهور ساميوه كيف بتقدر تحمي ليليان .......
ليليان ومشاعرها الجديدة وتعلقها بفهد هل بيزيدها قوة او بيضعفها والعناد الي براسها بتتركه ولا واثقة انها بتنتصر على فهد .......اذا ضلت مصرة على غبائها لادراسة ولا تحسين بالمظهر وبالجهة المقابلة غريمتها الي بترجع لوقاحتها واستعراضها بمفاتنها بمباركة امها ومساعدتها ....هل بتقدر تنتصر عليها وهي متمسكة بعقليتها مهما كان الدراسة تكبر عقل الانسان والا ماكان العلم نور وهي تمسكها بعدم الدراسة مالها مبرر فيه خصوصا اذا كان في اتلي بيوفره لها وبيكون معاها .......اذا هي تبغي قرب فهد لابد تطاوعه في الاشياء الي ماراح تضرها ...لانها محتاجة كل قوتها في الحروب الي بتحاصرها والله يعينها
علي والجوهرة
وقسم هالجوهرة كل بارت احتقرها اكثر وماالوم علي لو طلقها ومل منها لانها سخيفة وتفكيرها اسخف ....لايلين لها علي ولا يضعف لازم يربيها ويعيد تأهيلها ....
اما من ناحية ضميره هو ماينلام تغريد الي غلطت وفكرت وقررت بدون مشورة خلاص دامها اختارت تتحمل نتيجة قرارها وتستمر فيه ....... وبدل لايتعاطف معاها يرحم ليليان الي بتواجه خطر اخته الطماعة الي ماهمها بنتها كل همها المنبع الي يجيها منه الفلوس لاينقطع ولو تضمن انو في من بيتزوج بنتها واغنى من فهد كانت اول من خطط لطلاق بنتها
مريموه وطلال
مازلت اتمنى انو الزواج مايتم ولا تاخذ طلال لانها ماتستحقه .......ليش مااتكلت على ربها واحتفظت بمشاعرها لنفسها وتركت الموضوع على ربها والنصيب ايش فايدة انها تعترف ولو طلال طلع رخمة مثل فهد وتزوجها تتوقع بتلاقي السعادة وهي الي ارخصت عمرها ........مين قال انو البنت ماتلقى السعادة الا اذا هي حطت عيونها على شخص وحطته براسها وهو الي بيسعدها وغيره لا ليش هي عايشة معاه وضامنه انو بترضيه كزوجة ....لو كان تفكيرها صحيح ماوحدة فينا ضلت ببيت زوجها وجابت عيال
سارة وعمر
مسكين عمر هو راحم سارة وخايف على مشاعرها وضايق صره من ضرب عمته لها وفعايل ابوها وكان مأمل نفسه يعوضها ويعوض حاله بعيشة حلوة لكن للاسف سويرة وتفكيرها الغبي الظاهر محتاجة انها تجرب القرار الي كان ابوها بينفذه فيها وتشوف الشخص الي بيتزوجها
اجل تعيب على خلقة ربها ......ليه هي تملك انها تخلق الي احسن منه الي قالته حرام مايجوز تعيب على خلقة ربها هذا هي مخلوقة بتشوه بعيونها هل تقدر تغيره ليش تخجل تطلع بطبيعتها بدون عدسات ليش تتحسس ولا هي من حقها تزعل من ضحك الغير وماتراعي مشاعر غيرها .........تدري كريستو خلي عمر يتخلى عنها خليها تاخذ الشايب واذا شبع منها رماها خليها تعرف ليش عمر كان بيدفع لابوها الطماع هو ماعرض عليه الفلوس الا لانو ابوها بيزوجها علشان يقبض من وراها بيبيعها لاي واحد يدفع اكثر ليش تلوم عمر وتتناسى حقارة ابوها
عمر بعد هالجرح مابيسامحها وخليها تتحمل سلاطة لسانها وبعدين هي مو كويتية علشان تقدر تعيش طول عمرها في الكويت وامها مودايمة لها لو ماتت امها بتعيش مع مين .........ليش ماتفكر بعقلها طال الزمن او قصر ماراح تعيش دايم بالكويت ولا هي ضامنة زواجها من كويتي ......ننتظر ردة فعل عمر وماراح نلومه .......ومصايب امه الي توصلها تحركاته من الحقير مشيلوه جعله مايوصل لفرنسا والطيارة طايحة فيه او يقتله واحد مقهور منه لانو امثاله اعدائهم كثير
في انتظارك ياعسل
|
14-09-12, 04:00 PM
جديد مواضيع قسم القصص المكتمله من وحي قلم الاعضاء
العرض العادي
