كاتب الموضوع :
#الكريستال#
المنتدى :
القصص المكتمله من وحي قلم الاعضاء
صباح الخير .......هلا والله بالحامل والمحمول .......هلا بالي غابت عنا بس ذكرها من ورى الكواليس دايم مايغيب ....الله يعينك ياقلبي حاسة بمعانات مع ضياع تعبك صارت لي كثير مرة بجهزي مخزنة اشغال مسويتها اخذت مني وقت مجهد وكله خسرته بسبب خلل بالجهاز ........ومرة بهاردسك خارجي مخزنة فية شغل شهور اخذ جهد نفسي وجسدي وطار والزمني ارجع اعيد شغلي من جديد ....الله المعين ......المهم تسلم ايدك ياقلبي على البارتات لاخلا ولا عدم منك كان بودي ارد من اول ماقريت البارتات بس جد انزحمت وماصار عندي فرصة
تغريدوه وفهود وليليانوه
ببدء بتغريدوه الي ابد عذرها مااقنعني ولا دخل مزاجي لانها متناقضة .......الحين هي مو مسوية فيها المضحية المسكينة البريئة بسبب مرضها والنتايج الي مترتبة عليه .......وهذا هو مرضها ماتغير ومازالت تعاني منه حتى بعد مرور السنتين ومازالت الاعراض المترتبة مثل الماضي اجل ليش جاية تركض تبي ترجع لفهد ..... وين كلامها السابق قمة التناقض ......يعني قبل بتفقد بصرها ويمكن تنشل والحين لا نفس النتيجة .......ولا لانها قبل ماتبغي تكون مشلولة او عمية وفهد بحالته ماراح يفيدها بس يوم عرفت انو قام وبصحته قالت ارجع له وبدون مااخبره عن مرضي وهو بيفكر انو هالمرض صابني وانا عنده واحطه امام الامر الواقع ......
مهما كان لو كلامها صحيح ماهجمت على ليليان وجن جنونها يعني شتبغي من فهد بعد هالسنين مو هي مريضة خليه يشوف حياته شالي حارقها الحين .........تزوج غيرها او حب غيرها خلاص مو هي تحب فهد ومضحية علشانه تكمل جميلها وترجع مكان ماكانت بعيد عنه ولا لانها كبرت تبي من يواسيها ويعطيها لكنها بالمقابل مااعطت فهد وقت ضعفه شي
وبعدين الشخصية بكبرها ماتستحق التعاطف لانو ماضيها مايشرف وحدة كانت تستعرض بنفسها عند واحد علشان يحبها ويتزوجها كيف نحترمها اونتعاطف معاها وحدة تتفاخر انها تتعرى بلبسها وتبرز مفاتنها علشان تضمن تعلق فهد فيها تفكير مريض وان دل دل على انعدام الحياء والاخلاق ولا وحدة تقابل زوج المستقبل قبل زواجها بليلتين او اقل وتغريه وتخليه يتمم زواجه عليها هذي شسميها ماعندها ولا ذرة احترام لنفسها .....تستحق الي فيها والي بيجيها مفكرة الحين اذا فهد عرف بيرجع لها مثل قبل غبية وخصوصا بعد كلمتها الي قالتها مافي وحدة تحب شخص بصدق تجرحه بشي قوي وماينقال .......هي الي سطرت الهموم والنهاية وخلعت نفسها من قلب فهد مثل مادخلته بطرق وقحة ربها زرع الحقد والكراهية بقلبه ولا راح يرجع هالحب لانو هذا عقوبة من ربها على الذنوب الي سوتها لاحيا ولا خجل وبكل فخر تعلم غيرها بطرقها الملتوية ومبسوطة بتطبيقها وهذيك الثانية جاتها العقوبة بدري
اما ليليانوه هذي ماعرفنا لها مرة مسوية فيها البنت المسكينة المظلومة المصدومة المتعقدة الي تخاف من كل الرجال وتكرههم ومرات العاشقة الولهانة لطيف شخص مو من حقها تحبه ولا تعشقه لانو حرام غير كذا هي على ذمة رجال الحين له حقوق عليها والي تسويه خيانة وبيجي اليوم الي بتدفع ثمن بكاها على شخص وهمي عرفت انو تزوج وخير يعني واذا عرفتيه نسيتي اتهامك له بأبشع التهم وهو الي مسوي فيك خير اكيد راح يكرهكك وعادي لو تزوج يعني متوقعة انو بيفكر بوحدة ظالمة مثلك
خليك الحين تعيشي استهبالك لانو الصدمة الي بتجيك بتكون في الصميم لما تعرفي انو زوجك هو المنقذ وتزوجك وصرتي له يمكن الحب الي بقلبك يكبر لفهد بس ردة فعله ماراح ترضيك وبتصحيك من احلامك الغبية والساعة هي الي بتكون دليل الادانة
فهد يستاهل ماجاه من تغريد الي ينساق لوحدة مثلها بدون ذرة حياء كانت تتعمد تلفت انتباهه وماخجلت انها تصرح بمشاعرها لرجال اجنبي عنها يستاهل والله وحدة مثلها ماينوثق فيها لانها مو متربية ........ودامك رضيت فيها وهي تتعمد تتعرى قدامك وانت مثل المسبه تركض ورى رغباتك كان لازم لك من قرصة تصحيك ومااعتقد انك بترجع لها مثل قبل لانك ماحبيتها انت حبيت شكلها واستعراضها عندك وجرأتها ........بس الحب الحقيقي لا وبنشوف كيف بتنتقم لكرامتك وخصوصا عندك البديلة
اما ليليان العكس ماتشوفها الا متحشمة بدون اهتمام لشكلها ولا لشكل ملابسها الي ماتناسب عمرها ......رغم انها تمتلك المقومات الانثوية .......يمكن بدت المشاعر تتجه لها بسبب بعض تصرفاتها المجنونة بس مااعتقد وصل لدرجة الحب والعشق لسى بدري .......بس لو وصل لهالمرحلة بيكون حب قوي اقوى من تعلقه بتغريدوه لانو بيكون بعد صدمات مر فيها وبعد ظروف قاسية ......غيركذا هي مثل الامانة الي ربطته فيها جدته وهو عارف انو لو بيتركها وجدته ماتت بتضيع عكس تغريدوه في حواليها الكثير من الاهل ........
الحين الخبلة ليليانوه عشمته في اشياء وهي ماتدري عن الي بيترتب عليها ...كيف بتنقد حالها وهي الي رايحة عنده بدون لاتحتاط وقاعدة تبدل ملابسها صدق موقف قمة الغباء لو داخلة الحمام اهون من دخولها الديوانية لا وحتى ماكلفت نفسها تناظر فيها احد او لا .........اعتقد انو فهد بيضل على ماهو بالنسبة لتغريدوه مابيطلقها ......وبيتمم زواجه من ليليانوه واعتقد بالعلن بعد كعقاب وانتقام لتغريدوه بس لما يكتشف الماضي وليليانوه تكون حبته بيعذبها بقرب تغريدوه حتى لو غصب عنها بس علشان يحرق قلب الثنتين .........والثنتين يستاهلو لانهم يتصرفو بكيفهم بدون مايكرو بعقولهم بالضرر الناتج لغيرهم
مريموه وطلول
مريموه غبية وتفكيرها اغبى يعني ماخذة تغريدوه قدوة ماتشوف حياتها الي عايشتها شايفة فهد جايب خبرها تزوجها صح حبها ممكن لكن هل شافت السعادة او هل دامت والاهم من كل هذا وين خوفها من ربها ........على اي اساس رايحة تتغزل برجال اجنبي لاخجل ولا حيا ......ولو مافيها جمال تروح ترمي حالها دامها عارفة قدرها كان انكتمت ......موتسمع كلام وحدة صايعة دايرة على حل شعرها ماعندها من يربيها
اعتقد انها ماراح تتزوج طلال ووقت الملكة بتعلن رفضها للعلن ساعتها لاامها ولا اخوها بيجبروها اعتقد الغلط من اخوها ولا واحد ماصدق يخطبو اخته بدون مايسألها مرة ثانية ويتأكد يروح يرد بالموافقة لامن حقه ولا من حق الام الزواج ماهو مجاملة لو ماتوفقت ماحد بينلام غيركم ....وبعدين مريم جالسة تقارن حالها بغيرها ماعرفت انو ممكن طلال يلاقي فيها شي يعجبه ماهو مو جود بغيرها لو ظلت على خجلها وحياها شفايدة الجمال مع انعدام الاخلاق
ولا العلة ابو سعود انا غاسلة ايدي يوم خطب وخلص جاي يفكر الحين لكن جزاة تصرفه هو وفهد بيجيهم ضربة قوية لاني ضد الي سواه فهد هو ياخذ ويعشق الي يبيها وغيره ممنوع وحرام ليش ان شاء الله مو من حقهم يحددو مصير غيرهم
علي والجوهرة
اعتقد بيجي اليوم وعلي بتلوع كبده من الجوهرة وبيطلقها وحدة غبية ماعندها مبررات منطقية ولا ردود عاقلة جزاء الي سوته بعيالها راح تجنيه ......
وعلي لايلوم نفسه ولا شي تغريدوه هي الي جابت الشي لنفسها ومو من حقها تتهجم على ليليان هي زوجة فهد حلاله ولها الي لتغريدوه رضت او انرضت
ابو تغريدوه
شكل فهد يعطيه المقسوم علشان يسد حلقه ولا هو عارف انو بنته دامها مريضة ماراح تتزوج ....وماحط بباله انو ممكن فهد يطلقها ويخسر الفلوس او انو بنته تموت وماعاد في مدخول من وراها
الجدة
الجدة تحاول تعلم ليليان على الاشياء الي تقربها من فهد لانها عرفت ايش الي جذب فهد لتغريدوه .......ماعرفت انو جمال البنت هو الي يزيدها جمال بعين الرجال ...اكيد اللبس والعناية بالشكل مهم بس الاخلاق الداخلية اهم وبنشوف لوين بتوصل مع الاثنين في الاخير
في نقطة محيرتني الحين مو الكل يقول انو ليليان نسخة من تغريدوه حتى الناس الغرب لاحظو هالشي ......اجل كيف الكل يقول عن تغريدوه جميلة وفتنة وعن ليليان انها عادية واحلى مافيها شعرها ........حتى فهد المفروض انها دام تشبه تغريدوه يعني جميلة واجمل من تغريدوه بسبب شعرها ....مريموه لما قارنت حالها ذكرت الجوهرة وعبيروه وتغريدوه من ناحية الجمال وليليان من ناحية الشعر اجل وين الشبه راح
سارة وعمر
صعب اخمن الي وين راح يوصل هالاثنين او هل بيكون بينهم مستقبل او لا ....سارة موقفها صعب زوج امها مايبيها عنده بالبيت يعني مجبورة تترك البيت بس امها راح تنهار مابتعيش مرتاحة ......ولحد الحن ماعرفنا شيبغي ابوها منها الحين بالذات .....وعمر عارف كل شي من ناحية عمته وسمع الي ناوية عليه سارة فكيف بيتصرف ....ننتظر ونشوف
في انتظارك ياعسل
|
31-08-12, 12:32 AM
جديد مواضيع قسم القصص المكتمله من وحي قلم الاعضاء
العرض العادي
