صباح الخيرات .....صباح الفل والياسمين .....تسلم ايدك كريتو على البارت .....وجد فرحت بالبارتات الثلاث الي بتنزليهم جعلنا ماننحرم من كرمك على الاقل ناخذ لنا جرعة كبيرة من ابداعك قبل ماتوقفيها برمضان ......بلغنا الله واياك صيامه وقيامه بخير وعافية وكل من نحب يالله ياكريم

كل مااقراء كلامك قبل البارتات احتار وخصوصا تلميحاتك عن فهد الي مازلنا نجهل الكثير عنه وعن باقي الشخصيات للان لا شخصية نجزم اننا نعرفها بس بعض الاشخاص من تصرفات بسيطة نقدر نرسم لهم بعض المواصفات


فهد وتغريدوه وليليان

الي نعرفه حاليا انو فهد جته ازمة كبيرة وحالة نفسية بعد الحادث الي صار له مع اخوه وهو صدمه ونقله للمستشفى ومايعرف هويته وتلقى صدمة عمره هناك بصراحة هالشي لحاله جدا صعب على اي شخص مهما بلغت قوته وتأثره ان دل دل على مدى شخصيته الحساسة ذيك الفترة والا لما كان يحمل كل هذاك العشق لشينة الحلايا وبوسط حالته وشلله النفسي ......تلقى طعنة ثانية من ثاني شخصية قريبة له بعد اخوه سعود وهي معشوقته الي عرف معدنها في هذا الوقت هذا من خلال الكلام الي وصله وهي للاسف مابادرت تغير هالموقف

اما تغريدوه حتى لو ماكانت تبغي تتركه وصدمتها فيه خلتها ماتقرب له بس وين عشقها الي تقول عنه ابوها الي وصل لفهد كلام يناقض موقفه برفضه للطلاق ليش وايش غرضه من الي قاله
تغريدوه اهلها فالتينها على كيفها مابتقدر تخالفهم وتجي لفهد تبين له الحقيقة الي تقول عنها يعني وحدة جريئة مايهمها احد لدرجة انها سمحت لفهد يدخل عليها قبل الزواج هل بتعجز توصل له رايها لو عن طريق اهله بالتلفون دامها ماغيرت رقمها لليوم
اعتقد ابوها اول ماصار الي صار جاء لفهد وكذب عليه بس هي خبرته انو فهد دخل عليها ولو تطلقت هذيك الفترة ماحد بيرحمها فأبوها غير رايه ورفض الطلاق بعدين بس شكل الناس عرفت والا شي مثل هذا حتى ام سامي الي ببلد ثاني تدري وتعرف هالموضوع

وشكل تغريدوه تعاني من حالة نفسية او جاها انهيار وهذا سبب الحبوب الي بشنطتها بس الي تحب ومظلومة ومقهورة على فراق زوجها لها خلق تتلبس وتتشخلع وتعيش حياتها بالطول والعرض وحتى افكارها لاتناسب لاالدين ولا العادات والتقاليد فهد صرح انو هالشي الي هو اللبس صار بعد فراقهم بس انا اعتقد انها هي من الاساس بهالحال بس من عشقه لها كان اعمى ومايشوف زين .........ومافي وحدة مهما كان زعلها من زوجها تجرحه بشي كان سبب تغيره وانهياره وهي بكلمتها انهت كل الي بينهم ومابيبقى الا الانتقام الي بيجرعها اياه فهد وبيذلها وبيقهرها وبتكون ليليان الاداة لذلك قال الي قاله لها علشان يعرف هل بدى يسيطر على مشاعرها او لا

بس سكنها ببيت اهله هل علشان يوصل لتغريدوه شي ورسايل مبهمة بس الجدة اكثر وحدة عارفة فهد لذلك عارفة الي داخله من ناحية تغريدوه وتدري انو حبها تارك شي كبير بقلبه لذلك تبغي لليان تتربع بقلب فهد منها ترتاح على ليليان وتريح فهد .....

فهد مستهين بليليان البزر والي شهاداتها على قدها ومفكر انو بيشكلها مثل مايبي لصالحه بس مثل ماهو متناقض وذكي ليليان ماهي اقل منه ولسى ماعرفها وصعب يعرف كل الي داخلها ومثل ماهو يبغي يتلاعب فيها لصالحه ليليان اعتقد بيكون لها وجهة نظر ثانية وغير متوقعة للكل

شوفي كريستو من ناحية اننا نكره فهد بالاحداث الجاية اذا كان على تغريدوه مااعتقد اننا بنتعاطف مع وحدة وقحة مثلها يكفي نصايحها الي مثل وجهها لمريموه وهذا يبين اصلها وتربيتها وكرهها وانتقادها لزوجة سالم الي تسواها وتسوى طوايفها وقهرها انو سالم يحبها هذا وهي متزوجة واعتقد من غيرتها من استقرار حياتها وحتى نصيحتها لمريموه علشان تخرب سمعتها وماتوقعت انو طلال يخطبها

اما من ناحية ليليان انا عن نفسي لحد الان ماشفت شي بشخصيتها يخليني احبها وهي ماهي خالية لامن العيوب ولا الحقد الي بقلبها ولا العقد الي بسببها ادت فهد وفهد له حق عندها لانها ماقصرت معاه والي شافه بحياته غيره صح ممكن الي بيسويه فوق الضرر الي جاه منها بس هو تغير وصار شرس السن والظروف كلها زرعت القسوة بقلبه

واعتقد دام ردة فعله بتغريدوه من كلمتها بهالعنف فيبشر بها ساميوه وان شاء الله هالمرة نهايته على ايد فهد

بس كريستو ورى فهد بخيل بس كف لتغريدوه الحين عنده هالمزهريات كلها بدل مايكسرهم على الارض كان دب وحدة براس شينة الحلايا يمكن تترك لها اثر بوجهه يخليها ماتقابل احد ونرتاح من خشتها الودرة


اما سالفة فهد مع ميشيل كيف بيحلها وكيف بيتصرف مو معقولة بعد مانال الرضى من اهله ورجع لهم بيرضى يتنازل عنهم علشان فلوس ووسخ دنيا لازم فهد يشوف له تصريفه تحميه من ميشيل وعصابته والدولة مالها دخل لو الواحد غير جنسيته لانو كثير يغيرو جنسياتهم حتى الاجانب عادي عندهم بس هو غرضه شي ثاني دام انه مسيحي وله بالكنيسة نشاط كبير فهو اكيد يحتقر المسلمين ويبغي يستغل فهد لصالحه عند الكنيسة .........بس ياخوفي من نهايتك الغير متوقعة تكون موت فهد ساعتها ليليان هي الي بتضيع


طلال ومريموه
وقسم احلى موقف هو القفلة والكلام الي قاله طلال لمريموه قليلة الحيا واعتقد وحدة مثلها ماصدقت تنخطب الا رسايل تعبر عن فرحتها ومسمية حالها حبيبة طلول خير هذا وهو ماعطاها ريق حلو ولا تملكت عليه ماخذة مقلب بعمرها وزين قبل لايظلمها طلال هي الي اكدت قلة حياها للمرة المليون لو طلال رجع للرسايل الي وصلت اخته برد قلبي فيها خليها على الاقل تنكسر وتعرف مصيرها لو كبرت راسها ورضت تتزوجه وتظلمه معاها لو تزوجها ماراح يمنعه انو يتزوج غيرها واعتقد بتطيح براس ليليان المسكينة الي اعتقد سؤال طلال ماراح يكون خفي عن مريموه بسبب الغثيثة عبيروه


اما عبيروه تستاهل كره ليليان عن نفسي مااطيقها ابد دلوعة لصقة وغبية ومنافقة بعد ماعرفت برأت ليليان مازالت تتكلم عليها كره ليليان لها بسبب الجوهرة الي رامية عيالها وتراكض ورى عيال الناس تعطيهم شي حارمة عيالها منه وغير كذا بكل لقافة من راسها بتوصل سالفة لتغريدوه ومريموه والله يستر بس دواها عند فهد وابوها جعلهم يزوجوها لاقرب واحد يجيها ونرتاح من دلعها


علي وعديمة الاحساس

والله هالعلي كثير على الجوهرة واعتقد اصلا العيب منها مو من زوجها الاولي في طلاقها ........لو هي مظلومة ماتركت عيالها وحتى وهم بديرتها بس والله علي كان من زمان لازم يقول الي قاله مفكرة انها ترمي الكلام وبيسكت لها والله الي مثلها حرام عليهم نعمة العيال بس الضحية كان عبود بس والله ماقصر علي رجع عن غلطه بنفس اللحظة لو تركها الين يهدى عبود الي ماراح ينسى والطفل من برأته بالكلمة الحلوة ينسى والله علي وفهد هم الي بياخذو ثواب هالطفل اليتيم اذا كبر في مين رباه على اشياء حلوة والا امه همها كشختها والناس والمدرسات الي تبغيهم يمدحوها بس مالت عليها خلي الناس تنفعها في كبرتها


عمر وسارة

ننتظر سفرتهم لمصر هذا في حال عمر قدر يرجع الكويت ويسافر فعلا لمصر وايش الي بيصير هناك واعتقد دام امه تعرف ميشال في مصايب تنتظره هو بعد من امه المتخلفة جعلها الموت

وسارة والي ينتظرها في هالسفرة والسبب وهل بترجع من جديد للكويت ماادري ليه جاني احساس انو ممكن طلال في المستقبل هو الي يتزوجها


في انتظارك ياعسل

ههههههههههههه خليتوني اندم اني قلت رأي بالأحداث خخخ
يمممممممه كلهم علي محد معايا
خلاص فهد ماراح يطلق البزر ليليان ارتحتو

عموما قلت رأي او لأ ماراح يتغير شي
لأن الرواية لــ كريستو وهي حرره تكتب الأحداث اللي تبغاها

خلاص بسكت وبتابع بصمت ويصير اللي يصير خخخخخ
بكررررا الأحد اخييرا راح تنزل الـ3 البارتات