صباح الخيرات .......تسلم ايدك كريستو على البارت الحلو .......بس القفلة تقهر ومابي اتفائل انو في شي يبرد القلب ينتظر تغريدوه وبعدين انصدم

ليليان وفهود وتغريدوه

تصر فها مع الخادمة مو من صالحها ابد وهي الي خلت الخادمة تتمادى معاها يعني هي شايفة اوامرها ضد فهد من قبل عدلة او من حقها كل مبرر تقوله مايعطيها الحق في الي سوته وياليتها حطت ببالها انو هذي حوبات الظلم الي سوته لفهد الا فار دمها وزادت اعدائها .......ميري ماراح تنسى لليليان الي سوته واول ماتجيها الفرصة انها تنتقم مابتقصر واعتقد انها بتكون اداة انتقام في ايد تغريدوه وسامي ........هي همها الفلوس ونادر نلقى شغالة وفية لاهل البيت الي تشتغل فيه وميري بان معدنها وليليان تصرفها غبي مثل تصرفاتها الي قبل كان سايرتها وسكتتها ودبرت لها مصيبة تسفرها خوب ماراح تعجز قبل كانت تخطط تطرد فهد الاولى الحين تسفر هالبقرة بس هي الي جابته لحالها


اما كلامها لفهد لما اعترف لها انها اخذت شي من مشاعره احس بيرجع عليها بالعكس بعدين متفاخرة انها صقارة ومن هالكلام الي مأخوذ خيره وناسية غلطاتها الي بتهورها قاعدة ترتكبها وهي الي بتفتح لها ابواب ماتتوقعها ...بنشوف هالصقارة كيف بتتصرف مع سامي الي مابيتركها بحالها ولا تغريدوه الي مابتتنازل عن فهود او لو هو طلقها ورماها في هالوقت بيكون هدفها الانتقام وتدمير فهد ولليليان

هي مشاعرها تحركت مثل ماتحركت مشاعر فهد بس بتظل تكابر لفترة الين تطيح طيحة بتهلكها موضوع المنقذ الي الجدة حريصة على كتمانه بسبب انها عارفة العواقب الي بتجيها من فهد لو عرف هويتها لانها سبق وكذبت على فهد بالزمن الي تواجدت فيه ولانو الجدة عارفة فهد وردة فعله وعصبيته متخوفة من كشف المستور بس ماعرفت انو بينكشف بشي محتفظة فيه ليليان كفيل انو يفضح السالفة للاثنين وليليان ردة فعلها مابتتهنى فيها لانو فهد مابيرحمها مثل ماطلال كره مريموه بسبب وقاحتها فهد بيكون اعظم لاوهي الي عرضت عليه يتزوجها يعني تفسيرات فهد بتكون ضربة قاسية لليليان واعتقد هالتوقيت بيكون اذا حياتهم اتخذت مسار ثاني

اما الكلام عن عشق فهد لتغريدوه والي كان مثل الخاتم بأيدها مستغربته على شخصية فهد .....مش لانو حب لا لانو كان فاضح مشاعره للجميع ........اما تغريدوه بين معدنها من اول معاناة لفهد تخلت عنه وتركته والحين تلاحقه بكل وساعة وجه بس مااستغرب عليها الي تشجع غيرها على نفس الحركات مااستغرب وحدة بوقاحتها انها هي الي كانت تتعمد تعرض حالها على فهد وتسوي حالها بريئة ومثل ماخلته يحبها ويراكض وراها اعتقد انها بتستخدم نفس الاسلوب معاه الحين لو ماكانت تغريه ماتهور ودخل عليها قبل يوم الزفاف ........واعتقد الحين بتحاول تكرر حركاتها وبنشوف فهد هل هو صادق بمشاعره لليليان اذا هو صادق فعلا بيعاقب تغريدوه ويمكن ينهيها من حياته بس مابرتاح الا لما اشوف اول خطوات فهد بالعقاب لتغريدوه ........الا كريستال سؤال يقرقع بقلبي تغريدوه كم عمرها اذا فهد 34 سنة اعتقد تغريدوه ب28 او 30 سنة اتمنى تجاوبيني

طلال ومريموه

اي مبسوطة وطايرة وماهي مصدقة ومتوقعة انو الي سوته جاب راس طلال منتظرة انكسار فرحتها والدرس الي بيجيها من طلال كريستو حتى لو تم الزواج طالبتك طلال لايحبها ولا يتمم زواجه منها خليه يطلقها دام الموضوع شكله بيمشي الا اذا ماهنا عليك وفرحتينا بشي مايخطر على البال يووووووه ماادري شراح اسوي ساعتها خخخخخ المهم ننتظر هالبقرة تعرف مقدار الوقاحة الي سوتها والضرر الي جاها من تغريدوه


الجدة حمدة

الجدة حمدة ماادري على ايش ناوية من ورى سكنها ببيت اهل فهد اذا هي تبغي تقربهم من بعض كيف بتقدر على هالشي وسط بيت مليان اذا هي ببيتها تحادر من وجود عبدالله ماادري ايش ناوية بس متأكدة انو شي حلو وغير متوقع وبيقهر تغريدوه اهم شي ههههههه

اما ابو سعود كلام نسمع فعل مانشوف يعرف بس يشوه سمعة البنت هل بعد ماعرف الحقيقة اعلنها مثل مانشر اكاذيبه طبعا لا ومسوي فيها عنتر الي بيحمي ليليان طير بس اذا ولدك ماهمك ولا استشرته بأهم خطوة بحياتك وحتى لو فهد الي طلب منه هالشي مايسويه الا بشور طلال لانو الموضوع يخصه هو وفهد ماله خص يروح يرتب حياته اول بعدين يحاتي غيره


ساميوه

صدق غبي الحين فرحان بلي عرفته وخير ياطير هالمعلومات الكل يعرفها واهم المعلومات ماعرفتها ولاتدري عنها يعني الحطط بتقلب عليه بس اعتقد انو بيعرف شي مو صحيح الي هو الكلام الي بتقوله تغريدوه لاهلها عن علاقة فهد بليليان وهالشي بيحرق قلبه وخصوصا انو ماعرف انها صارت متزوجة ياهو بيحترق ساعتها هو وتغريدوه الي اعتقد نهاية حياتها مع فهد قربت بس هي بتشتغل بالانتقام ولو تغريدوه قريبة من عمر ساميوه بقول في النهاية ياخذها تناسبه وقحة وقليلة ادب والشكل تشبه ليليان بس اتوقع انها اكبر منه واعتقد الشغالة بتكون الاداة في انتقامهم

اما فهد جبهات الخطر والاعداء كثرت عليه ميشيل من جهة وتغريدوه وساميوه من جهة ثانية الله يعينه

سارة لسى ماعرفنا الي ينتظرها والسبب الحقيقي لطلب ابوها لها في هالوقت بعد هالسنين .....


في انتظارك ياعسل

السلام عليكم ورحمة الله وبركاته
صباح الخير....صباح المحبه....صباح الرضاا...صباح الرياحين
كريستو تسلم يدينك على هاالبارت الرووووعه الي فعلاا استمتعت وانا اقراه
بس الله يهديك ماتخلين حركاتك الا تقفلينها بشيء يقهر ويحوسني حووس

لافي وليليان
اكبر غلطه سوتها ليليان انها استخدمت الخدامه في تطفيشها لفهد وهذا الخدامه بدت تستبزها وتستغلها
عشان تدفع لها الي تبي .....لان هالنوعيه دااائما يكون الوفا عندهم نادر ومصلحتهم وحبهم للفلوس هي المسيطره
عليها ووين ماصارت الفلوس موجوده يكونون فيه يعني الي يدفع لهم يخدمونه ويمكن يستغلونه بعدين على حسب مصلحتهم....وليليان فتحت عليها باب شر صعب انه ينسك وخاصة عقب اصطدامها مع الشغاله الي اكييييد انها حقدت عليها وتنتظر الفرصه المناسبه عشان تنتقم منها وياخوفي تكون اداه في يد غديروه

فهد وليليان اثنينهم تحركت مشاعرهم تجاه بعض وبدا فهد يظهر لليليان بعض من هالمشاعر الي طريتها فوق وشافت
نفسها صقاره واقدرت انها تصيد فريستها وشكل تمدحهاا بروحها وانها قدرت على فهد بينقلب عليها لانها ام للسان ومستحيل تسكت اذا احد استفزها وبتقول لهم ان فهد يحبها وبتفتح على روحها ابواب مغلقه
بس هي ماراح تعترف لفهد انه يعني لها شيء وبتظل تكابر على روحهاااا الى ان تستسلم له وبيعيشون حبهم
بس ياخوفي من ان يجي حد ويعفسهم فووووق تحت وخاصه ثلاثي الشر
الخدامه و تغريدوه وساميوو

وانا مع زيزفونه مستغربه من شخصية فهد السابقه وانه مثل الخاتم باصبع تغريد وتحركه على هواها معقوله
يكون فهد من النوع الي اذا حب ضيع مذهبه وسلم الخيط والمخيط للي يحبها غريبه فعلاااااا

الجده
مارغريت وما ادراك ما مارغريت هالجده ذي عجيبه تعجبني من كثر موش ايله هم ليليان واخوهااا جالس تفكر
وتخطط كيف تامن على مستقبلهم بعد عينها ولاا قدامها الا لافي بس لافي يبي له شوية شغل عشان تامنه عدل عليهم
ومن ظمن استرتجيتهاااا قبولهااا السكن بيت بو فهد عشان يتعرفون اكثر على ليليان ويفمونها عدل وتزيل الحواجز بينهم
ويحبونها ثم يتقبلونها كزوجه لولدهم
بس ليييييه الجده راافضه ان ليليان وفهد يعرفون انهم تقابلوا بالبر يمكن لانها خايفه من غضب فهد او انه ياخذ فكره شينه
عنها وخاصة وانها تبلت عليه من قبل واللحين هي الي عرضت عليه الزواج وهو بيغير تعامله معها اذا عرف ويمكن انه
يتخلى عنها او يعذببها
طلال ومريم
احس مريم ماتقل حقاره عن غدير اثنينهم سوااا واللحين انتي فرحانه ومستنانسه ان طلال خطبك ماتدرين انه
انجبر عليك والا الود وده ماطل بوجهك
ويبين لها حجمهاااا ومقدارها عنده ويخليه تندم على كل شيء سوته..

سامي وغدير
وانا اقوووول لييييييه الحقاره والنذاله بدمهم اثرهم يقربون لبعض سبحان الله اثنينهم قدر ولقى غطااااه
وياريت لافي يطلق غدير وياخذهااااا خايب الرجااااا
بس شكل اجتماعهم مع بعض قريب والي يقربهم اكثر انهم اثنينهم ودهم ينتقمون من فهد وليليان ويخربون
حياتهم وبيكون هدفهم انهم يفرقونهم

كريستواااااابانتظااارك عشان نعرف ليه فهد طل يشوف غدير وياارب يكون عشان يرمي عليها اليمين