السلام عليكم ورحمة الله وبركاته ..

أخباركم يالغاليات .. عساكم بألف صحة وعافيه ..

ترددت كثير أكتب هالكلام .. وممكن لأني كتبت هالحلم معكم وكانت خطوتي
فيه الصراحة .. مافيه أي ظرف كان يمر علي ولايكون في المقام الأول واصل لكم ..
وتعرفونه زين ..


للأمانه .. قلت أني بحط للروايه ترتيب في جدول مشاغلي لأني لو وقفتها بظروفي
ممكن يكون هالشي نهائي .. لكن الأسبوع الأول كتبت .. الثاني تأخرت وكتبت ..
بعده ماقدرت أبد .. لقيت نفسي أهدر تفكيري الروائي وقت ماكون مشغوله
في التدريس وبأشغال متراكمة حولي ..


تعبت نفسيا وعقلي تعب أكثر .. كل أفكاري للروايه وأحداثها أهدرتها ..
تداهمني في كل لحظة أكون مشغوله فيها بتحضير درس ولا بعزومة ولا
بوقت أبي النوم فيه من التعب وأخرتها يصيبني الأرق
لاأنا ألي قدرت أكتب ولا أنا ألي حافظت على الأحداث لا تضيع ..


الوظيفه سرقت مني شي أدمنه وهي الروايه .. قبل كان ممكن أقعد عليها فوق العشر ساعات
أكتب لأني أكون مخلصه أشغال البيت ..
هالحين ثلاث ساعات ويالله تكفيني .. في كل يوم وممكن ساعه ..

ولأني كنت أعطي لخيالي وعالم الروايه بداخلي شي كبير من وقتي ..
وفجأه صار لهالخيال فيني وقت جدا ضيق ..
في أي وقت أصير أسرح بالأحداث ووالله أني أعيشها كامله لحالي بأحداثها ..
أشوفها صورة كامله تتحرك مستمرة فيني ..
في الوقت ألي مايكون لي قدره أكتب ..
وبعد ماتنتهي تضيع ..!!
وأذا لقيت الوقت ألي أكتبه فيه .. خلاص الأحداث فيني بحماسها وصورتها الكامله
أنتهت .. يجي دور أقعد أسترجع وأتذكر ألي سرحت فيه ..
ضياع وملل وتعب .. ماأصير أكتبها بذروة حماسها .. أصير أكتبها وأنا أتذكر
وش سرحت فيه .. ولا وش صار مثلا بلافي وكيف واجه عمر ..!
كيف الغيد تقبلت حياه جديده بعيد عن أهلها
وقت مالكل يعتقد أنها مع لافي ..
ماأعيش الحدث .. أتذكره ..!
وتغريد كيف تتقبل مرحلة أصتدام بتعيد فيها كل شي من جديد ..



متخيلين كميه التعب .. لا أنا ألي تركت لعقلي كامل نشاطه أشرح وأجهز درس
لأنه يفكر بالروايه ..
ولا أنا ألي عطيت عقلي وخيالي كامل وقته حتى يعطي الروايه حقها
لأني ضايعه بين تحاضير ووقت يالله يكفيني أتجهز ليوم جديد ..!!
تصدقون بالله .. ووالله أني أقولها صادقه
أسبوع تفكير بالروايه ختمتها في عقلي .. بغض النظر أنها عندي
بدفتر مكتوبه ومنتهيه لأن الدفتر أستغنيت عنه
كون الأحداث تغيرت شوي والأسلوب بعد وحافظتها أنا .. وخلاص تقريبا
قطعنا شووط للنهايه ... لكن من زود الحماس المشتعل فيني أنتهت
وعلى شوفتكم .. حنا وين واقفين ..!!
لو عند أي أحد حل للمتاهه ألي عايشه فيها أنا لايبخل علي ..
أنا مثل المتكتفه .. قاعده أهدر تفكيري بالروايه من جهه ومن جهه ثانيه .. قاعده أهدر
شغلي بالتدريس ..





غير هذا وذاك .. كل هالضغط ألي أحس فيه .. للأمانه ماعدت أتقبل
كلام طالع نازل .. يقلب مزاجي اليوم كله .. تكتبه قارئه وتنساه
ويظل في قلبي يجرحني ..!
الروايه طولت .. انتي مدري وش فيك .. أنتي .. وأنتي .. وأنتي ..


الكريستال هي مشروع أكتمل فيكم .. وأن كان فيني بذرة أبداع أو حلم
ترا والله ماكتمل ألا بفضل الله وبفضلكم ..
من عاد للكريستال ووجهها في روايتها الأولى غير نقدكم
والتحدي ألي عاش فيني منكم ..؟!
كيف تغيرت للأفضل وراح أرتقي أكثر وأكثر


تحسبون أنه سهل علي أكون قاطعه كل هالمده في روايه ولا ختمتها .. !!
أكون قادره وعارفه لو ضغطت ع نفسي راح أختمها
بس ماألقى الوقت ..!
أني ماعدت أقدر ألتزم بأي موعد أحطه في بالي نفس قبل ..!
أني أحط في بالي موعد وأشوف النهايه قريبه ولا أقدر عليها ..
أن كان البعض يحط الكريستال في ميزان بعض الكاتبات
ألي تطول روايتها وفجأه تترك الكل بدون سبب ثم ترجع وتكمل
فهذا في حد ذاته ظلم لي أنا ..
وأنا ألي أحارب الظروف وعارفه أن الروايه طالت لكن مابيدي شي ..
وأن كان البعض يعتقد أن الكريستال هي قادره تتنازل عن كميه هالمتابعين لمجرد ظرف
هذا بعد ظلم ..
مليونين مشاهده في منتدى وبندخل بالثلاث ملايين ..
وفي منتدى مليون
أقسم بالله يزيد الهم في قلبي أضعاف ..
لأنها مسؤليه ..
وأمانه
ومشاهدات تضم مراهقات وأمهات ..
لهم سنة يتابعون الكريستال ودخلنا بالثانيه ..

أقولها بكل صدق لكم .. وربي يعلم أن كل كلمة أقولها صادقه

ترفقوا فيني .. لأني ماعدت أقدر أحارب وأكتب ..
الضغوط لا جات من كل جهه تدفعني أتنازل عن شي مقابل شي


دمتم بخير ..

يامرحبا بكرستالتنا الجميله

معذور ياختي معذووره والله العظيم اهم شيء صحتك وراحتك الروايه من يحبها صدق راح ينتظرها
لاتتعبين عمرك يااختي متى ماحسيتي انك قادره تعطين من كل قلبك ارجعي وحنا بانتظارك


بحفظ الله يبعدي واعرفي مهما طولتي تراك معذوره 😘❤

السلام عليكم ورحمة الله وبركاته مرحبا اختي الكريستال كان الله في عونك انا موظفه مثلك بس مش في سلك التريس واعاني الامرين وقت زحمه العمل فما بالك بالتدريس التحضير وضغط الحصص والحياه الاجتماعيه الكل متفهم وضعك واهم ما في الامر راحتك النفسيه ولا تضغطي على نفس ولما يكون ذهنك رايق ونفسيتك مرتاحه راح تتولد افكارك وراح تبدعي الله يوفقك في حياتك ان شاء وراح ننتظرك استودعتك الله

السلام عليكم ورحمة الله وبركاته أختي الكرستاله اهم ماعليكي صحتك وضيفتك لانها هي مستقبلك والروايه لاحقه علي كتابتها في العطل والإجازات واهتمي بيتك لان ارضاء الناس غايه لاتدرك واللي يحبك راح يتحمل وينتظر ودمتي أختك ام متعب

السلام عليكم
.... كرستاله كنتي مبدعه ومازلتي مبدعه
معذوره ياقلبي واحنا بنظل بانتظارك متى ماقدرتي. تكملي ولك حرية الاختيار
عندي ملاحظه صغيره لايجوز تقولين بفضل الله وفضلكم ... الأصح بفضل الله ثم فضلكم
وجزاك الله خير والله يسعد وييسر امورك ♥