صباح الورد ......صباح النجوم ويلي ويلي وخرو بس وخرو عني النجوم من كل صوب تهل ياقلبي بس ....في اسبوع واحد حصلت نجتين ورى بعض من ام اليزيد والحين من ام يعقوب .......وقبل ثلاث نجوم من ضلوعة لاحد يكلمني ولا يجي جنبي ....فيسي المغرور خخخخخخ

فتوما ياقلبي شهالدرر الي تطلع ......يوه يوه تستاهلي هلال بكبره مو بس نجمة .....ياختي وحشتني ايام الاحزاب والاعتصامات من ايام سهومة الله يذكرها بالخير .........شرايك نسوي ثورة على كريستو اذا مارحمت فهودي ونعتصم على باب روايتها ونمنع الكل من الدخول حتى تتحقق المطالب وبضيف عمور لرابطتنا


ليليان وشيخ الرجاجيل وتغريدوووووووووه

ماادري ليش البعض مستنكر كرهي لتغريدوه ياخواتي موبالعتها مو طايقتها وقسم ماكسرت خاطري ولا تعاطفت معاها واتمنى فراق فهود لها بسرعة ........وبعدين مين قال انها تابت ابغي دليل واحد على تعدلها كلنا شفنا تصرفاتها اول ماظهرت بالاحداث ماتدل لاعلى ندم ولا على تغير هي نفسها تغريدوه الجريئة الي مايهمها احد حتى يوم كانت ببيت سالم كانت حاقدة على مناير وليش سالم متعلق فيها ويحبها هل هالشي بالماضي وقبل سنتين ولا مناير سارقة رجلها يالله الي تقول اني ظالمتها

مو سالم حذر اخته وحتى تغريدوه طول ماهي في بيته ماتطلع مع السايق وتفتر من مكان لمكان هل هالشي كان بالماضي ..........ويوم سمعت انو طلال خطب مريم مو باركت لها وقالت لها انو كلامها ونصيحتها لها جابت فايدة وهذا هي جابت راس طلال بنفس الطريقة الي جابت فيها هي راس فهد بس طبعا هي اعظم واعظم يالله وين التوبة والماضي من هالاحداث كلها

حبايبي في فرق بين توبة وتعدل الوحدة وبين نفسيتها الي تغيرت في وضع الالم والوجع الي تقولون عنها تابت مامر علينا ندمها على حركاتها في الماضي في فرق بين التوبة والندم ورجوعها لربها واستغفارها وبين استنكارها للحال الي وصلت له

اجزم لكم وأأكد انها كانت متوقعة انو فهد بيكون نفسه الي لعبت عليه قبل واغرته وكانت مستعدة تعيد حركاتها وتسوي اعظم منها في حال لقت من فهد تجاوب ........هي كانت جاية وحاطة ببالها انو فهد بيرجع خاتم في اصبعها مثل ماتفاخرت عند مريم بس انفجعت من سالفة علاقته بليليان ومن بروده معاها بدل العشق والشوق الي بعيونه قبل لو فهد تعامل معاها مثل قبل كان شفتوها على حقيقتها بس هو مااعطاها فرصة سويتوها تابت ومسكينة وهي بجهة والتوبة بجهة ثانية

وبتشوفو اذا طلعت من ايدين فهد وطلقها وعرفت انو تزوج ليليان من قبل رجوعها حتى اذا ماطلع الشيطان الي داخلها مو تقولو تدافع عن زوجها وحياتها لانها هي الي تخلت عن هالزوج وفارقته سنتين مو شهر ولا شهرين وكانت مستعدة للطلاق ولو طلقها فهد ورجعت بعد سنتين وشافته على وضعه الحالي حتى لو تزوج غيرها اجزم انها بترجع لحركاتها القديمة وسالفة المرض الي مخليته شماعة مابتجيب طاريه وانتظروها تسترجع قوتها وانفاسها هذيك الساعة قولو انها تابت او لا

ماعرفنا من اوراقها الا مرضها لكن سبب جيتها لفهد قبل زواجه بليلة ورجوعها الحين واصرارها الرجوع لفهد حتى بعد ماعذبها وحرقها ماتبغيه يطلقها ولو يبتسم بوجهها رمت حالها بحظنه .........يعني فهد عارفها وعارف خفاياها بس ينتظر القناع الي حاطته تشيله وتبتدي المواجهة صح الي عرف بمرضها عارف بأشياء اعظم فهد ماتعامل معاها االا من صدمته وفجعته فيها

اما ليليان هي الي بتندم وبتتحسر على الي سوته الحين لاتقولو ماتبغيه وهو بوضعه الحالي يعني واذا ماطلق تغريدوه هل بترضى هي بالطلاق ......طبعا لا وحركاتها مالها داعي مقهورة من فهد لانو مالبى لها طلباتها ولا جاب لها هداية بينما هي ماقدمت اي تنازل لما هو طلب منها طلب واحد وكان لصالحها هو الدراسة والشهادة ولما قال لها بيشتري لها ملابس عدلة مثل الخلايق مارضت وعاندت واشياء كثيرة كانت مابتضرها ولا بتنزل من كرامتها الي يبغي شي يعطي وبعدين ليش فهد يصرف عليها بصفة ايش بتقول زوجته يعني ماتدري انها زوجته الا في رغباتها هي اما اذا هو طلب شي حتى لو عادي نست انها زوجته شهالتناقض

خليها تروح عند امها هذا وجهي اذا لقت الراحة المنشودة .......لا ومريموه مستحلية القعدة هناك ومو راضية تنقلع بيتهم يعني بتقعد طول عمرها ببيوت الناس ....

ليليان تصرفاتها الحين الي فرحانة فيها هي الي بتضيع عليها الفرص الي قدمها لها فهد ومااقتنعت فيها بتتمنى لو الزمن رجع لورى لانو المصايب والمشاكل بتهل عليها والاتهامات وبنشوف ساعتها كيف بتتصرف ام راس يابس

وبعدين هي الي خطبت فهد وطلبت منه يتزوجها يعني مو بأختياره هو علشان تقول انو هذا هي مو ملزومة تتغير علشانه لو هو مافكر بوحدة اقل منه بالشهادة وبالذوق وبالتصرف وحتى العمر ........انا اشوف انو ماراح تتربى الا اذا جاها نصيبها من جفا فهد خصوصا بعد كشف الماضي الي يجهله فهد

اما فهود الكل يبغي ياخذ منه بس بدون مايعطيه مثل قبل مافزع وهرب من بلده واهله الا لانو الكل همه مصلحته الحين ابوه كم مرة ظلمه وماتنازل يسمع الحقيقة منه ومع ذلك ماتعلم .........مافي الا حل واحد بيجبر الكل غصب عنه يراكض ورى رضاه يحقر الكل لو من ماكان واتصل عليه يغيب له كم اسبوع وحتى لو يسمع انهم بمشكلة يتركهم خلينا نشوف فلاح كيف بيتصرف ........وهذا هو لو ماكان موجود كان من زمان سيف ورحيم ضاع مستقبلهم ظلم بالسجون .......

الحين بعد لما يعرف سالفة هالعذوب وزواجها السري انا اقول لو ايش ماجاها هي الغلطانة ليش تنزل من قدرها وتتزوج واحد بدون علم اهله ....... حتى لو اخوها اقنعها والسبب تعامل ابوها معاها بس ماتتمم زواجها منه وهي بالسر لانو لو زواجها على ورق ليش بتشهره الحين وايش راح تستفيد ....الرجال ومات بس لانها مو بنت وفي حال اضطرت تتزوج لازم يشاع انها ارملة مع انو الناس ماراح ترحمها من اشاعاتها .........وهذي مصيبة جديدة بيبتلي فيها فهد وياليت يبين بعيون اهله

بالنسبة لرجوعه لتغريدوه لاني اعتقد انو هو الي موجود مااعتقد ابوها .........اتمنى يغير اسلوب انتقامه ويترك العنف الي مابيقدم ولا يأخر يكشف اوراقه ويتعامل بالمواجهة .......ويكفيها بعد هالعذاب الطلاق واعلان زواجه من غيرها بتحترق وبتموت من غيظها هي وامها


طلال ومريموه

دامه كمل الموضوع وتمم الملكة ماراح يفيده كلامه لامه ولا هذا موضوع حساس وبيظل طول العمر ليش يتممه هذا وجهي اذا بعد مايتمم زواجه ماضعف ونخ وصار يطلب رضاها ........ولا دامه مو بالعها ليش يعجل الزواج هو صح بيكسر راس مريموه انو مااهتم لشروطها وبيقدم لها حجة للطلاق بس مابتتجرء ترجع لاخوها بعد كل الي سوته
تدري اتمنى بعدين يتزوج ارملة سعود البنت صغيرة وخصوصا لو فاجأتنا بولد من سعود ماراح يرضو انو يتربى بعيد عنهم وفهد مابيتزوجها وعنده ثنتين


مناير وسالم

الحين هالمناير بدل ماتألف لها اوهام تتأكد من الموضوع وتكتمه بالوقت الحالي مو على اقل تصرف قامت تتبكبك ماراح تستفيد الا وجع القلب والمشاكل وبعدين اذا انعرفت الحقيقة مابتقدر تحط عينها بعين زوجه لذلك تتمهل الين ربي يفرجها

اما سويلم كان من الاول سمع الشور هو وامه على موضوع الزواج مو كل مرة طالعين لنا بسالفة ماصارت اذا هذي اولها اجل يتوقعو نتايج هالزواج

عمر وسويرة

عساها ماتلقى ولا عدسة كريستو من الحين اقولك عدسات امنعيها منعا باتا عن سويرة بنشوف كذبتها على عمر قاهرتني وباطة كبدي عديمة احساس احس عمر مثل فهد الكل يحط اوامره ويبغيهم يلبوها بدون مااحد يعرف متطلباتهم ومشاعرهم ليش الكل يطالبهم بمراعاة مشاعرهم .......وتلبية احتياجاتهم حتى لو على حسابهم وهم حرام يعبرو عن دواخلهم .........مااقول الا عسى كريستو تنصرهم في الاخير وتجبر بخاطرهم

اما سويرة مابتعرف قدر عمر الا اذا فقدته خليها الحين تتكبر وتتجبر وبيجيها يوم بتحتاج وجوده وماتلاقيه مثلها مثل خويتها الي الحين تتصرف بثقة ماهي مكانها بس بيجيها يوم مابيكون خلاصها وراحتها الا عنده


ساميوه والبندري

ماراح يتم الزواج ولو تم بيطلقها وبسرعة بعد لانها ظالمة وحقودة تتهم البنت في شرفها وهي الي وثقت فيها وحدة ام وجهين اتمنى من قلبي ساميوه يكشفها ويكشف تلاعبها فيه قبل ملكتها او زواجها منه وينتقم منها بطلاقه لها خليها تعرف انو هي الي ركضت ورى شخص ماهمه الا نفسه كيف تقبلها على حالها تتزوج واحد شايفة وقارية رسايل الحب والغرام لغيرها واثقة انها بتجيب راسه بس عقابها من ربها شديد انتظر هاللحظة بفارغ الصبر العقاب للاثنين


في انتظارك ياقلبي

بنات عرفت ليش فهود حاقد على تغريدوه لانها كانت حامل ونزلت ولده الي هو سعود الصغير بسبب تفكيرها الغبي انها بتنعمي وابوه عاجز يعني مثل ماقالت ضحت بسبب مرضها بس ضحت بولد فهد .القاتلة المجرمة يعني فهود يقصد سعود ولده ......يالله كريستو جيبي النجوم بس

اهلا كريستو ........ عذرا عن التاخير في الرد كانت نهاية اسبوع زحمه ناس رايحه وناس راده بيتنا عن جد كان ازعاج محد يقدر يكتب كلمتين على بعض وانتي روايتك لازم الوحده ترد عليها وهي مروووووووقه ( ياكثر هرجك يا ابوي ماله شبيه عطيني الزبده بلاها قصة حياتك..ابشري ابله كريستو )....... البارت رووووووعه ...(فهيدان) بلا في شكله مسوي فيها زعلان يوم ابوه قال لهالحين ماشفيت من مرضك, هو صادق لهالحين انت مرييييييض عساك ماتشافى منه مره ,مسوي زعلان طق راسك بالجدار ياشيخ ؛والله انه يرفع الضغط يوم يعطي الهديه الشغاله والله انها كفوك الشغالات والا ليليان الشيخه بنت الشيوخ ماتستاهلها ...(ليليان ) ....... وراك ياختي زعلانه على الشايب العايب عساه مايرضى عساه ايش مايرررررررضى لاتزعلين نفسك غليه وهو الي قهرك ونزل دموعك بامكانه يقول ابي اروح انا وانتي مشوار وش هوله يقول لا بدون سبب . لاتصيرين مطفوقه عليه خليك قويه زي مانتي اخذي حق تغريد الضعيفه,, وانا لهالحين مصره انها بتقابل مع تغريد في بيت علي بس كيف مادري الظاهر هو الي دخل على تغريد ويمكن ابوها يعلم علي ويروح علي ياخذها منه بدون ما يدري ويوديها بيته وهناك يتقابلون .... (عمر وساره) كلهم يكسرون الخاطر وهو يبي يعدل الوضع بينهم بس مايدري كيف وهي مجروحه من طريقة الزواج وثنينهم يعتقدون ان الثاني مايبيه وانه عاله على الثاني بس اعتقد ان اخته تكون سبب في تحسين العلاقه بينهم ...(الجده ) والله انهابنت لافي يوم مارضت على ليليان على انها كانت زعلانه منها ياحليلها حمده قلبها كبير ...... (الجوهره وعلي) مكأنه رد عليها بهدوء واحترام دائما يرد بجلافه يعني بداية تحسن العلاقه بينهم اتمنى ذلك لان الجوهره تحزني.... (تغريد)...... الي عندها ام مثل امك الله يعوضها الجنه اصبري ياختي واحتسبيها عند الله ,, الشايب العايب جالس ينتظرها تقوم بيكمل عليها الي ماسواه في الجاخور يعل امها بجره على راسهايقسمه قسمين عجوز النار .... واخيرا ننتظرك يالغلا