كاتب الموضوع :
#الكريستال#
المنتدى :
القصص المكتمله من وحي قلم الاعضاء
رد: أريد منك أكثر مما أريد
صباح الخيرات .....حياالله كريستو ونجومها وحدة تتميلح يمكن تحصل شي من كيس النجوم المليان ......بارت رائع جدا ومازال الغموض مسيطر على بعض الاحداث ....ومصير مجهول للبعض
سويرة وعمر
عمر كاسر خاطري مسكين شذنبه علشان سويرة ثقيلة الدم تعامله هالمعاملة وتجرحه لهالدرجة الانانية فيها الرجال يحمل لها مشاعر وموجوع من كلامها لها والحاحها على الطلاق منه وهي نايمة ومكبرة المخدة مسكين هالعمر يلاقيها من مين ولا مين متى بيلقى له صدر يحن عليه ويسمع مواجعه ....
متى بيحس انو انسان مثل غيره يقدر يعيش له لحظات خاصة تسعده هو لو طلق سويرة بيلقى غيرها الف تتمناه وماترمي عليه مثل الي رمته عديمة الاحساس بس هي لو طلقها عمر بتلاقي واحد عاشقها نفسه بتلاقي واحد عنده استعداد يعوضها عن الي مرت فيه ضامنة بتاخذ واحد اخلاق ودين وشباب وثقافة
هي حتى شكله الي رب العباد خلقه عليها ومافي ايده شي عيبت عليه ونست انها بيوم تعرضت لشي شبيه وعقدها للان وهذا سرها الي خافيته كشفه عمر وانذهل منه واعتقد اعجبه وماراح يسمح لها تخفيه من هالنقطة اعتقد بتصحى شوي من غبائها وبتعرف مين عمر الشي الي لها سنين خايفة ينكشف بيكون نقطة اعجاب وانجذاب من قبل عمر يمكن هو الي يطلعها من عقدتها ومنها بتعطي لنفسها مجال تعرف مين هو عمر .......اتمنى قبل يفوت الفوت وتندم بعدين مثل خويتها الي ماقصرت على فهد وبيجيها يوم بتندم على الغباء الي فيها
تغريدوه وليليان ولافي
خخخخ والله هالوسمية بقرة واعتقد الي سوته مابيمر عند زوجها مرور الكرام حتى ماأنتظرت تعرف احوال بنتها كل همها تلصق بنتها عند فهد ولا تخسر الخير الي يجيها من وراه وهي عمرها ماشافت الي شافته ماهمها الثمن ولا همها مصير بنتها همها تنفش ريشها عند حمدة وغيرها اجل بعدين اذا رجعت بنتها معطوبة لاتروح تخطط وتنتقم من احد ثاني وتنسى انها ماقصرت برمي بنتها للهلاك
الحين بس عرفت ليش تغريدوه كانت جريئة وليش جات لحد بيت فهد قبل زواجها بيوم وخلته يدخل عليها هذي اوامر من امها وتشجيعها ....
انا كنت انتظر من تغريدوه تطلب من ابوها يحررها من فهد بأي طريقة بس ابد ماشكل الي جاها مخليها تفكر بالبعد يعني على كل الي جاها وبيجيها اتحداها لو يجيها بكلمة غزل حتى لو كذب مارضت عنه ورضخت لكل طلباته فرق شاسع بينها وبين ليليانو هذيك ميتة عليه بس متمنعة عنه الين تضمن انو بيكون لها هي بس وبيعطيها قلبه وحواسه ماحد يشاركها فيها اما تغريدوه تبغي بس يعطيها علامة انو بيكمل حياته معاها حتى لو بينهم حواجز وحتى بعد الي جاها منه ........لو فعلا كرهته وهمها نفسها كان ماسكتت من طلبها للطلاق او الخلع وعلشان تضمن هالشي تروح اقرب مستشفى وتطلع تقارير عن العذاب الي جاها منه بس هي ابد ماعندها ذرة كرامة
معتقدة انو مرضها بيكون سبب كبير عند فهد يعذرها عليه واعتقد ومصرة انها مسوية شي كبير وعليه دليل ماسكه فهد يمكن عرفه وهو بفرنسا ومراقب تغريدوه ومن خلال المعلومات الي وصلته هل ممكن تكون حملت بولد فهد وهي راحت نزلته واخفت الامر علشان عذر المرض .......لما فهد يتفرغ للمواجهة الكلامية راح يصدمنا بأسبابه متأكدة تغريدوه وراها بلوة غير متوقعة دامها بنت وسميوه
اما ليليان واذا راحت بيت امها معتقدة انها بترتاح هناك اصلا هي مابتقدر تفارق جدتها الي سنتين ماقصرت معاها بتجي الحين بتتخلى عنها وبتتركها هي معتقدة انو بعدها راحة لها لكنها مابتتحمل فراق فهد وبترجع خصوصا انها هناك معرضة لهجوم وسمية واتهاماتها وجدتها مابتكون موجودة بجميع الاوقات
انا اشوف ثقتها وافكارها اغلبها ماتستند على اي شي قوي وموثوق منه ........وراح تدخل نفسها بمتاهات تندم عليها بعدين مثل خويتها سويرة مابتنفعها دموعها بعدين اذا انصدمت انها اتخذت افكار مو من صالحها
فهد على ايش ناوي مع تغريد بيرجع ياخذها خليها تولي او يتواجه معاها ويحط النقاط على الحروف الى متى وهو ماعنده الا العنف ترى هالطريقة لابتفيده ولا بتطفي ناره ماغير يوجع قلبه اكثر سعود مات وترك وراه اسرار بتصدمه هو واهله ومااعتقد بس زواجه الي مخفي في اشياء ثانية
عذوب وسعود
حتى لو عذوب مو من نفس القبيلة ليش رضت على عمرها تتزوج بالظلام ليش ترضى تنزل من قدرها حتى لو هي بنت من احسن البنات بقبولها لهالزواجة راح تحط لنفسها اتهامات من قبل اهل سعود مابترضيها بصراحة عذرهم ابد مو قوي للقبول بهالنوع من الزواج وكأنو فيها عيوب ثانية غير الي قالته وهذا هي الحين الي تدفع الثمن تزوجت بالظلام وترملت وماحد درى عنها واذا انعرف سرها بتجيها مصايب ومشاكل واعتقد بتنطر من بيت ابو فواز واهل سعود مو ملزومين فيها لانها ارملة ولدهم خلاص مالها صفة يفتحون لها بيتهم حتى لو عندها عيال منه ..وهي الي جابت هالشي لنفسها والي صار درس لها ولاخوها الي اكيد شجعها على هالشي وتناسو انو ممكن بأي لحظة واحد منهم يموت .... الحين تبغي تنشر موضوع زواجها صح بينفعها لو بتتزوج مرة ثانية اما شي ثاني لا طبعا ويمكن فلاح من صدمته حتى ضاري مايسامحه لانو الموضوع مو بسيط ابد
طلال ومريموه
مصدقة حالها انو طلال الي كارهها بيجيب خبر شروطها ومين بيوقف ضده لو حدد الزواج خصوصا انها مانعته يتزوج غيرها يعني في كلا الحالتين لو رفضت طلال بيطلقها وماحد بيعاتبه يعني شالي بيتغير بعد ثلاث سنين اذا الرجال كارهها من زمان ولا قادر ينسى غلطتها
اما طلال يقدر يتملص من الزواج ولا انو يتممه ويجرم في مريموه ويكرر غلطة فهد بس بطريقة ثانية دامهم على البر خلاص يقول ماتفاهمنا وكل واحد بطريق لو تمم الزواج ونفسه مازالت مو متقبلتها مابيقدر يحرمه حاله من الزواج والعيال وهي محرمة هالشي ولو صار الثمن طلاقها لذلك يطلقها وينهي السالفة ولا ينطم ولا يسوي فيها حركاته الي قاعد يسويها وبمجرد يتزوجها شهر شهرين ويقول عشقها وحبها ونسى الي صار لانو المفروض مايتمم الموضوع الا مسكر اوراقه القديمه ويفتح صفحة جديدة هذا زواج مو لعبة
مناير وسويلم
الحين سالم عقله انشغل من الصدمة الي عرفها ومابيكون فاضي لمناير ولا دلعها الي تعودت منه كل مابكت جاها يمسح عليها خليها بأفكارها وياليت ماتكبر السالفة لانو بيجيها يوم بتنكشف وبتعرف السالفة مايحتاج تبني حواجز الحرمة العاقلة تحاول تخفي وجعها وتتصبر خصوصا انها عارفة انو سالم ماشافها ولا درى عن وقفتها ومااعتقد بتطول سالفة عذوب ويمكن سالم يخبرها قبل الغير يطلب شورها
اما من ناحية موضوع مريمه والله المفروض يعاتب حاله لانو يوم انها رفضت قوم الدنيا هو وامه وكأنه ماصدق انها تنخطب ويتخلص منها لذلك يتحمل الي صار لانه مسؤل عنه ولا هي قالت انها مو موافقة والزواج مو مجاملة لاي احد وحضر الزواج او ماحضره مابيوقف العرس ولا بيأثر فيه مو كل الي يبغيه لازم يتنفد على هواه وكيفه
عبدالله
حسبي الله على مشيلوه الحقير شيبغي من عبدالله يراقبه بعد هذا طفل مايقدر يشتريه ولا ياخذه بدون شور اهله لانو يعتبر جريمة خطف حتى لو خطفه يبتز فيه فهد بعد جريمه وهو اجنبي وجاي بدون اي صفة للكويت بس للابتزاز والخطف اتمنى من قلبي مايرجع فرنسا ولا يشم ريحتها ولو فهد يخفيه بمكان ماحد يدري عنه ويطلع كل الي سواه من عيونه مو معقولة فهد ببلده مايقدر يتصرف ومشيلوه الغريب يسرح ويمرح لازم يطلع الي سواه من عيونه وينه الشيخ لافي لاثار مارحم احد لازم يكون له دور مع ميشيلوه علشان يعرف هو تجرء على مين
علي
ماله حق يتدخل بحياة فهد مهما كانت نيته وحتى سر مرض تغريدوه ماله دخل يقوله لليليان بدل فهد يعني شقصدة يبغيها تطلق من فهد مو هو الي يقرر اصحاب الموضوع بس الي يقررو وخصوصا فهد مو مجبور يكمل مع تغريدوه ولا يرجع يحبها دام ربي كتب لهم الفرقة خلاص هذا نصيبهم وليش ماحط بباله انو ماصار الي صار الا لانو تغريدوه انتهى نصيبها وليليان هي نصيب فهد ........لحكمة من رب العالمين تدري كريستو موتي تغريدوه وريحيها دام المرض مابيفارقها طول عمرها ومابتعيش حياتها مثل غيرها ولا تقدر تحمل لانها تاخذ ادوية لو تركتها بتأثر عليها يعني موتها ارحم لها ......ترتاح وتريح الخلايق منها
في انتظارك
|
26-11-12, 07:50 AM
:
رد: أريد منك أكثر مما أريد
آشْتِي آضمّش وآخبّيش دآخل ضلوعي بعييد عن دنيآ هآلبشر المجرمين 
آيييش تبغو يصير فينآ آكثر من كذآ !! 
جديد مواضيع قسم القصص المكتمله من وحي قلم الاعضاء
العرض العادي
