صباح الخيرات والليرات .....صباح المسك والعنبر ........تسلم ايدك قلبو بارت حلو مثل كاتبته ......لاخلا ولا عدم ياقلبي مبدعة مثل ماعودتينا دايم

عذوب وسعود

يعني فعلا لها علاقة بسعود وعماها اكيد بسبب الحادث هي كانت معاهم بالسيارة بس ليش سعود يتزوجها بالسر شفيها البنت ماخطبها مثل الناس وتزوجها ليش يحطها في موقف صعب لو حملت منه وهو مات كيف بيكون وضعها حتى لو السبب ابوها مو من جماعتهم او فيه شي البنت مالها ذنب ياخوفي ننصدم بأن لسعود ولد بعد

الحين سالم عرف انو ولد عمه متزوجها بالسر وهي ارملته مع اني ماادري ليش هي وضاري سكتو طول الفترة الي راحت والحين تبغي تعلن زواجه سعود وخلاص راح وهي بحالتها صعب احد يخطبها مع انو لها سنتسن وهي عمية بس ماتعرف تدبر عمرها والله يستر عليها من فوازوه وابوه اذا عرفو


سالم ومناير

مناير عاد كنت متوقعتها اكثر عقلانية وثقل بس تبين لي العكس من يوم موضوع مريموه وبعدين هي عارفة سالم وعصبيته تنتظر يهداء وبعدين تدخل بخصوص اخته وماله داعي كل كلمة يقولها تاخذها بحساسية مريموه اخته وهو حر يتصرف مثل مايبغي اذا امه ماقدرت عليه هي ليش تدخل لقافة حريم بس

الحين عاد بدون لاتعرف السالفة بتسوي فيها زعلانة وبتقوم الدنيا وبتكبر السالفة ومااعتقد سالم بيخبرها بالموضوع وهي مابتعرف انو عذوب عمية الا اذا شافتها صدفة وعرفت عن وضعها وانو نظراتها ماكانت لسالم لانها اصلا ماتشوف


فهد وليليان

ليليان الظاهر ماراح تحس بالندم على انها ماوافقت على اعلان الزواج الا اذا حست فهد بيضيع من ايدها وممكن يتركها ويروح لتغريدوه يعني الى متى الثقة الزايدة الي فيها لو تعرف انو ساميوه مو جود بالكويت وانو ناوي على شي وانو الخطر مازال حولها شبتسوي ساعتها

لو فهد طلقها وانهاها من حياته وبدون ماحد يدري مو بترجع حياتها مهددة مثل قبل من صويلح وساميوه ولا بتدور لها واحد يتزوجها مثل ماطلبت من فهد .........العمر يركض وجدتها مو دايمة لها على الاقل يعلنو الزواج على حياتها على الاقل بتلاقي السند الي بيوقف الكل عند حده بس كذا هي الي بتخسر ومتأكدة انها بتندم هي الي عرضت نفسها عليه واهانت عمرها منتظرة تنزل من كرامتها اكثر وهي تترجاه يعلن زواجهم ومايطلقها تتحمل نتيجة تفكيرها حتى مااخذت فرصة تفكر وتستخير

ومتوقعة فعايلها القديمة فهد بيغفرها لها اذا عرف ياويلها الا بيطلعها من عيونها وتستاهل لانها ماقصرت ظلمته اول واتهمته بشي كبير وظلمته مرة ثانية وهي تطرده من بيت مو بيتها وهي مجرد ضيفة فيه وهو له اكثر من الي لها هي محتاجة لدرس يعلمها ويصحيها من غبائها وثقتها الزايدة

اما فهد الى متى وهو بير اسرار مو عارفين الي يدور بداخله وايش يخفي من حقايق ومواجع متعبته ومخليته بهالحال الغير متوازن فيه اكيد في اشياء ماتخطر ببالنا وبننفجع فيها


ابو تغريدوه

يعني مثل ماتوقعت انو الي جاي ابوها او من طرف ابوها بس لانه كان يراقب فهد وذا هو انقذ بنته وبين انها مريضة بس فهد ماتفاجئ ولا اهتز له جفن وهذا يدل انو على علم بالمرض المزعوم وعارف عواقب الي صار بس لانو في شي ماسكه على تغريد وابوها هم نفسهم مايدرون عنه تصرفاته بهالبرود والثقة تدل على انو متأكد من الي بباله

يمكن تغريدوه وابوها مالهم يد مباشرة بالقتل لكن كانو اداة للقاتل ومنهم عرف اشياء ساعدته والا فهد مابيتهم تغريد بشي وهو الي كان يعشقها ومسلمها حالة وهو مغمض الكره الي بقلبه والقسوة كانت بيوم تعادلها عشق قوي وثقة عمية

فهد ماسك على ابو تغريد اشياء غير الي كان مهدده فيها من قبل واعتقد هو وزوجته بكل غباء بيتصرفو تصرف غبي بيزيد الوضع وتغريدوه بعد كل الي جاها من فهد بتموت ويرجع لها ويحضنها ويقبل فيها مثل قبل ماادري وين اعذارها بالمرض والعمى والعجز الظاهر كلها تبخرت ومتأكدة مليون بالمية اذا عرفت انو فهد تزوج ليليان بيطلع وجهها الحقيقي وبتنسى التعذيب والحرق الي بأيدها في سبيل ترجع فهد لها واعتقد ساميوه بيكون له دور كبير في مخططاتهم هي وابوها وامها


مشيلوه

وجع ياخذه عسى ربي يبلاه بمرض ماله دواء يشغله عن كل الي يسويه ولا ينفعه لافلوس الي على قلبه مثل الجبل ولا شي متأكدة انو عاقبته كبيرة ليت فه بعقله يفكر بمصيبه يدبسها لمشيلوه يكون ثمن الخلاص منها رجوع جنسية فهد له ...........كريستو شوفي لك اي دبرة ولا ينال هالحقير مبتغاه جاي يبغي يقاسم فهد بكل تعب يسويه بدون مقابل حتى لو انا من فهد يستغل الجنسية ويدبسه بتهمة ابتزاز وتهديد واعتقد انو فهد عند الفرنسيين اثمن من مشيلوه الي مايعرف الا التهديد والابتزاز جد مقهورة انو هو والصايعة ام عمر بسهولة يدخلون بلادينا ويسرحون فيها على كيفها ويتجرؤن يهددو امان شعب في وسط ديرتهم

وين ذكاء فهد الي ابرهر فيه الغرب مستحيل مايقدر يشوف له منفذ مهما كان لازم فهد يتفوق على مشيلوه لانو هو متفوق عليه بالدين الاسلامي عنده رب العباد الي لو لجئ له بكل خشوع مابيخيبه وعنده ذكائه


رحيم وسيف

بيروحو الشرطة بس مافي شي يثبت تورطهم بأي جريمة وبكذا فهد بينتصر على فوازوه النذل وان شاء الله الضربة الثانية بعد مايخبره علي بالي قاله ضاري


في انتظارك يالغلا

اهلا كريستو ............. بارت رائئئئئئئئئئع بما تعنيه الكلمه من معنى ...... وش هالنفسيه عند شيخ الذبان الشايب العايب مره يطلبها تزوجه ومره يهاوشها ويسوي فيها رجال عليها والله اني مدخلته مستشفى شهار مدخلته الله لا يعوقني بشر اجل هذي سوات واحدن عاقل وتقولين حانت لحظة الانفجار عساه ينفجر ولا يقوم منها سليم المريض ...ولا هو بس مريض الا مجنووووووووووون والله ياهو رافعن ضغطي وانا الظاهر الي ابي انفجر فيه ......... ((تغريد )) الضعيفه حتى وهي مع ابوها خايفه ومرعوبه منه الله حسيبه عذبها نفسيا وجسديا قامت تهلوس فيه حتى وهو ماهو موجود ......... ((ليليان)) والله انها بنت رجال هي الي تعرفله وموقفته عند حده ومشيته على كيفها يوم بغت تغير الموضوع غيرته مو تغريد علي وعليها يضرب فيها ويحرق فيها وتقوله تعال كمل لاتروح ............. ((سالم )) والله الي مابلعته من بداية الروايه الا بيسوي نفسه رجال على اخته قهرها وقهر امه بعدين سمع الي سمعه من عذوب وش هوله يروح يوقف قبالها يتاملها ((رجال هالعايله كلهم متخلفين من ابو سعود لشايب العايب للمعقد طلال واخيرا سالم ماطلع منهم الا سيف ورحيم والله يهذولا الثنين انهم ونيسين وفلاويه )) ........... ((ابو تغريد )) تو طلعة مرجلتك وينها من الاول يوم تسريها لشيخ الذبان في توالي الليل بدس والخش اللحين ذكرت ان عندك بنت بعد ماسوى فيها الي سواه ............ ((مناير )) عن جد انقهرت عليها النذل قهرها مفروض يفرح ان زوجنه متصافيه مع اهله وذا الرخمه يقولها مالك دخل ((عذرا كريستو ردي اليوم كله متذمر بس من جد البارت يقهر اعذريني ياغلا ننتظرك بفارغ الصبر ))

صباحكم طيبه وجــُوري


أرمله فواز / توقعت هالشي بس تأخرت بالرد ^^

سالم & مناير / حلوين وحياة الأزواج الواقعيه تتمثل فيهم ..

ساره & عمرو / !!!

تغريد / رجع فيسي الشرير < أن شاء الله تسافر وتضيع هي وأبوها وتلحقها أمها ..

لافي / كثير كثير كثير قسيتي عليه كــريس < قوم لافي
أنا من مناصرينه من اللحين للنهايه ورجعت السفن لموانيها بالسلامه
المهم تخلصنا من تغريد وشعور الشفقه وتعذيب الضمير اللي كان واقف بينا وبين لافي ^^


ليووونه / تقصد بكلامها أنها تعرف الفرق ..
أنه عرفت الريحه اللي في ملابسه لتغريد .... مجرد توقع
من البارت الجاي تبدا معاناتنا صح < فيس يجهز المناديل...

فتـــووو " فتامين سين " داااائما مبعه وتعجبني ردوودك ماننحرم..

نجووول / هههههههههههههههههههه الله يسعدك على هالكلام كأنه عجيز معنا..
أختلف معك بكثييير منها أنه تغريد ماجات للافي قبل زواجها من فراغ كام وراها شي كبيييير
وللحين ماصدقت دموع التماسيح وبرائتها ...



..


كريـــــسووول يعطيك العافيه وقت تغيبين أكون مرتزه بالروايه
ووقت أنشغل تتواجدين ؟؟

للأسف اليوم جالسه أفر بالردود لقيت متوقعين أبو تغريد وماأعرف وش
ولقيته خذاها قلت وش فيه الناس من وين عرفوا أنه تغريد بتروح مع أبووها
ورجعت سويت مراجعه لقيت باااااارت منخش فيه هالكلام..

تسلمين على هالأبداع أختي والله لايحرمنا من جمال حضوورك..

يعطيك العافيه كريستوا لافي بيعرف ان تغريدمريضه من ليليان بس انشالله لما.تقوله مايطلقهاويرجع لتغريدوانشالله انه مايجمع بينهم ههههه
دومك مبدعه لاتطولين علينا