كاتب الموضوع :
#الكريستال#
المنتدى :
القصص المكتمله من وحي قلم الاعضاء
رد: أريد منك أكثر مما أريد
صباح الخيرات ..........بارت ابداع وخطير ........جد جد كل بارت يدخلنا بعالم الحيرة ........للان نجهل الي ممكن يخلينا نتوقع بشكل صح انا عن نفسي احس في اسئلة كثيرة ابغي لها جواب علشان اقدر اتوصل لشي قريب من الصحة في توقعاتي
لافي وليليان
لافي كان بحالة مزرية قبل ماياخذ الحبة وينام مع انو الوحيدة الي لجئ لها هي ليليان .......ولما صحى كان بعالم ثاني ومقرر قرار مصيري ماادري ليش اتخذه الحين بالذات
انا مع هالقرار يعني الي متى وهالزواج مخفي لاهو عيب ولا حرام ولا في شي يمنعه ولا من حق اي احد يعترض هو ماهو مستقر مع تغريدوه ولا ناوي يسوي زواج والناس عارفة انو زوجها .........سواء ظلت على ذمته او طلقها مافي شي يمنعه يتزوج غيرها بعد مشاعره الي تغيرت لكره اتجاهها
وليليان مااقدر اجزم بردة فعلها لانها اصلا مو مستقرة بمشاعرها موجة تاخذها وموجة توديها بس اعلان الزواج من صالحها هي ماتعرف الي صار من جدتها وضحى والحية بنت عمها محتاجة لحماية قوية تبعد الشر والخطر عنها .......
حتى الجدة حمدة الى متى بتنتظر التكتم على هالزواج هي مو ضامنة عمرها هذا هي بحياتها شافت الي جرى على البنت كيف لو راحت منها وفهد رجع لتغريدوه مين الي بيحمي هالبنت من اخوها وساميوه
فهد اذا شايف انو بيكون قد قراره في اعلان هالزواج والعواقب الي بتترتب عليه يعلنه بدون انتظار راي ليليان لانو الي مثلها ماينوخذ رايهم في اشياء ماهي حاسبة حساب لمستقبلها
الافضل لها انها تعلن هالزواج مع انو هالاعلان بيجيب لها مصايب وحروب من جبهات كثيرة بس ولا تنحط بموقف والكل يتهمها بشرفها وانها اغرت فهد وسوت وفعلت بينما الحقيقة غير تماما يكون تعاملها مع فهد بالعلن افضل من يطيح عليهم احد ويفهمهم غلط وبعدين ماتقدر تمنع فهد من حقوقه عليها كزوج لو حب يعيش معاها كزوجة .....
هي قارنت بينها وبين تغريدوه بالنسبة لطلباتها الي كان يلبيها هي بعد الحين دام هو مقرر يعلن الزواج تقدر تطلب منه الي يعتبر من حقها مهر وجهاز ويمشي لها مصروف مثل ماهي ملزومة بحقوقه يلتزم هو بحقوقها بعد
اذا بتفكر بمرض تغريدوه هالموضوع مابيغير بحياتها شي هي تزوجت وماتدري عن هالمرض ومثل ماهذيك فكرت بنفسها وجاية بعد المرض المزعوم تطالب فهد كزوجة يعيش معاها هي بعد مااجبرت فهد يعلن هالزواج وتعيش حياتها بالنور يعني اذا رفضت هالاعلان ليش تقعد على ذمته اصلا خلاص كل واحد يروح بطريقه بدون لااحد يدري ويندفن هالسر
اما الماضي الي جمعها فيه بيكون له تأثير كبير وحتى حركاتها الغبية معاه لما رمت اغراضه لانو بيحس حاله انخدع للمرة الثانية يالزوجة البريئة الصغيرة ويتهمها بالخبث وانها ماتفرق عن تغريدوه بس كل وحدة وطريقتها بالخداع من وجهة نظره ........الا اذا جمع الاشياء الي عرفها عن اخوها وفعايله وعن ساميوه ونواياه وربطهم بالماضي والحاضر ممكن يتوصل لاعذار تخفف من الانفجار الي ممكن يصير
مااقدر اجزم برد ليليان على طلب فهد لاننا ماعرفناها على تفكير وتصرف واحد دايم متقلبه الشخصية وماتحسب حساب لتصرفاتها المتهورة
تغريدوه
يمكن مايكون لها دور مباشر بموت سعود وانا اعتقد هالشي لانو مالها مصلحة وسعود ولد خالتها بس لها يد بطريقة غير مباشرة بمساعدة الي تسببو بقتل سعود ........
دام عندها ابو مثل ابوها يبيعها علشان الفلس وام مثل امها ماهمها الا ملذاتها في الدنيا ......مااستبعد انو هم مشاركين بجريمة قتل سعود وتغريدوه كانت الي تجيب لهم المعلومات الي يبغوها ....
اذا كان صحيح هالشي الافضل لها الطلاق لانو مستحيل فهد بيوثق فيها زوجة مرة ثانية وهي تروح تنقل اسراره الي امنها عليها لاهلها الزوجة الي ماتحفظ الي يدور ببيتها ماتستحق انها تكون زوجة وشريكة لاي شخص هي ماكانت طفلة ولا مراهقة قبل سنتين كانت بنت ناضجة لو كانت بعمر عبير او ليليان ماعليها عتب
الي دخل عليها اعتقد انو ابوها لانو الباب كان مفتوح والعبدات مالهم اثر لوهو غير ابوها بيكون الباب مقفول والعبدات موجودات للحراسة علشان ينتبهو لتغريد ويبلغو فهد كل المستجدات ....... بس دام الباب مفتوح ومافي احد معاها فهد بلغ ابوها قبل ماينام بالمكان علشان يروح ياخذها ومااعتقد الضربة بتقتل الي دخل عليها مهما كان ضربتها مابتكون هذيك القوة وحدة مريضة وايدها محروقة وماتاكل زين قوتها بتكون بسيطة
بعد رجوعها واعلان فهد لزواجه من ليليان ماراح تسكت ولا ترضى على كل الي سواه فيها وانها كانت تبغي الخلاص ومعرفتها انو مو طبيعي يحمل بداخله الكثير من الحقد عليها بس مابيتسكت لانها مابترضى يكون لفهد بديلة غيرها وخصوصا ليليان وعاد امها مابتقصر والكلام الي وصل لخدامتها مابيكون شي عابر وبتستغل الخدامة ميري في خططها والله يعين ليليان على هالحروب الي ماادري بتكون واعية لها وبتقدر تتصدى لها او لا
ثاني شي تغريدوه للان تجهل سبب اتهام فهد لها بمقتل سعود او معرفتها بالقاتل وتجهل اذا فهد عرف انها مريضة بيتغير من ناحيتها اولا او بتكون صدمة لها رده ومايخفيه عنها
سويرة وعمر
ارجع اقول لو هي ذكيه وعاقلة فكرة بعد رجوعها وطلاقها وزواجها من الكويتي الي واثقة انو بيجيها من مين بيخطبها هالكويتي ومين الي بيزوجها .........ابوها الي هو نفسه باعها وماهمه لمين باعها واثقة انو المرة الجاية مابيزوجها لواحد مابيرحمها وبدون شورها طالما هو ابوها وله سلطة عليها مابتقدر تمشي على كيفها وهواها
وامها الي طلبت من عمر يتزوجها هل بتستقبلها ببيتها وهي هذا قرارها .......اتوقع لو عمر يحط عمته امام الصورة والي تسويه بنتها بتقدر تفتح مخها المسكر للي معمي عيونها
عمر ماله ذنب بالي صار كافي كسرت خاطره ومااهتمت لمشاعره همها بس تاخذ الي تبغيه بدون ماتفكر ترد الدين الي برقبتها لعمر لو عمر ذكي يشرط عليها دامها تبغي حريتها تعوضه عن الي دفعه ويذكرها انو لو هو مااشتراها من ابوها في قبله شايب كان بيشتريها وهذاك ماكانت بتقدر تسوي فيه الي قاعدة تسويه الحين ولا تتفرعن عليه
تقهر بصراحة انانية جدا بتفكيرها .........لو امها ماتت مابيكون لها صفة تعيش بالكويت وزوج امها مو ملزوم يعيشها معاه وابوها موجود وهي تعتبر اجنبية عن البلد واخوانها صغار ......يعني رجوعها للكويت مابيكون الا لزيارة وكضيفة بس .......لكن وين الي يفكر ويفهم
اما عجوز قريح ام سيقان الخبيثة مفكرة عمر بيسكت لها ولتحكمها هذا هو لاعت كبده منها ولو يسويها ويسفرها بيحرق قلبها وبيفهمها حدودها تروح تلتهي بعمرها بس ومايخصها بحياة ولدها هو رجال مو بزر او مراهق الي يشوفها يقول من زود المحبة اصلا لو ابو عمر يقدم شكوى عليها بسهولة يقدر يدبسها بتهمة هي ببلده مو في بلدها اتمنى هالشي يدبرو لها مصيبة تسفرها وتمنعها دخول البلد بشكل نهائي .........خليها ترجع لبلدها وتخلفها .......عمر اذا بغى يروح لاهله مابتقدر تمنعه وهو بيده سلطة اكبر منها دامه ببلده الحقيقي
ضاري وعذوب
عذوب شخصية جديدة ومتأكدة تعرف الكثير من الاسرار وعماها ماجاء من فراغ ولا لابوها دخل ....الي فهمته انو ابوها اقشر ومانع امها تشوفها .......يعني هي كانت متزوجة ابو فواز وجابت منه عيال وطلقها وتزوجت ابو عذوب وتطلقت ورجعت لابو فواز ........وبنتها ماقدرت تعيش معاها الا بعد موت الابو ........طيب كيف ضاري قدر يتواصل معاها ويمكن حتى انو مزوجها لسعود ....... مع اني استبعد ليش سعود بيتزوجها بالسر دامها مو بنت ابو فواز عدوهم ..... في سر وحكاية مخفية ننتظر ظهورها ويمكن تكون صدمات قوية للكل
فوازوه
له يد بالبلاغ الي صار عن الاستراحة والا ليش بيطلبو سيف ورحيم وهم ماانمسكو بالاستراحة .....ومع ذلك طلبوهم اعتقد فرحة فوازوه مابتكتمل وحتى المقال علي بعد مايخلصو من سالفة سيف ورحيم ويعرفو الي ورى هالسالفة بيخبر فهد عن نواياه الثانية وللمرة المليون فهد بيخرب مخططات فوازوه وان شاء الله هالمرة ينفذ تهديده له ويعلمه مين هو فهد
في انتظارك ياعسل
|
18-11-12, 09:13 PM
جديد مواضيع قسم القصص المكتمله من وحي قلم الاعضاء
العرض العادي
