كاتب الموضوع :
#الكريستال#
المنتدى :
القصص المكتمله من وحي قلم الاعضاء
رد: أريد منك أكثر مما أريد
صباح الخيرات .....صباح المسك والعنبر ياقلبي .....اشوف الكل شاذ الهمة على فهود وطايحين فيه متناسيين انو الغلط الاكبر على الوقحة تغريدوه هذا جزات تفاخرها بقلة حياها عند مريموه وغيرها تستاهل الحين بتسوي لي فيها ضحية مالت عليها حتى مالت هذي قدرسها فوازوه وساميوه ويخبو عليها .......كريستو من الحين اقول لك لاتعفسينا وتضيعينا وتقولي عطيتكم طرف الخيط .......بصراحة تلميحاتك تخليني اكتأب من النهاية الي ناوية تنهين فيها الرواية ...... بس انا واثقة من فهد وقراره
فهود وليليان وتغريدوه
تغريدوه هي الي جابته لحالها لانها متناقضة لو هي تحب فهد مثل ماتدعي ماطاوعها قلبها تتخلى عنه بأول محطة وهي خلاص كانت زوجته قول وفعل وغابت عنه سنتين وصبرت على فراقه .......ويوم سمعت انه رجع الكويت جت تركض ونست المرض الي على قولتها سبب تركها له .........وحاطة ببالها تكمل حياتها معاه والا تهدد بالطلاق ولانها حاطة ببالها انو خاتم بصبعها والدليل عماه عن قلة حياها وحركاتها الي تدل على انعدام الحيا منها بمجرد سمعت انو ناظر غير جن جنونها وبكل وقاحة راحت تضرب البنت اجل لو قهرها وقال لها انها زوجته كان انتحرت
وبعدين الي بتضحي لانها مريضة ومابتقدر تربي عيالها وبتكون عالة على حبيبها بتموت علشان ترجع له وين الخوف اجل من كونها زوجة عمية عاجزة وام ....وماصدقت انو ابوها قالها فهد يبغيها ست هالعجز والتضحية لانها عارفة انو كلامها مايدل على حب مهما ادعت ......
بالنسبة لعقاب فهد انا ضده مجرد طلاقه له الحين واعلانه لزوجة اصغر منها واصح منها صفعة تكسر غرورها ....ماكان له داعي لا الضرب ولا الحبس ولا الحرق ........واعتقد انو سبب كره فهد لها انو في مين وصل له انو سعود انقتل وبهالطريقة بسببها لانو الي تسبب في هالموتة فوازوه وابوه واحد علشان تغريدوه الي هي رمت حالها على فهد والثاني علشان الشيخة كأنه ضامن انو بيعمر فيها ......
يمكن الي ماحسبو حسابه وجود ضاري مع سعود .........وهم الي هدمو مستقبل ولدهم علشان ملذات الدنيا ووسخها
ومازال فوازوه يختار اقدر الطرق بس مابيفلح .........وتغريدوه بسبب تهاونها بالستر الظاهر ماضل احد مافتنته وهالشي اكيد كان يرضيها ويرضي غريزتها المريضة
انتي قلتي انو تغريدوه مابتنسحب من حياة فهد لانها حب الطفولة والشباب وفهد تعدى مرحلة الطفولة والشباب والحب القديم ماراح يرجع حتى لو انعرف مرضها بيكون مجرد شفقة هل تغريدوه بيرضيها انها تظلم واحد تقول انها تحبه فيها وهي عمية ومريضة وهو بكامل صحته ليش شالي ينقصه علشان يضحي ويكمل معاها شعندها لباقي عمره الي يشوف عذاب انسانة كانت حبيبته ودموعها ويزيد في العذاب ويتمتع بالصراخ والوجع مااعتقد انو في القلب شي من هالحب المزعوم الحبيب مايرضى على حبيبه وجع الشوكة فكيف بالضرب والحرق والتعذيب النفسي
فهد ماتشافى لامن الجروح القديمة ولا من الحالة النفسية الي عانى منها وكلام تغريدوه الي تستهال من يقطع لسانها عليه هل هذا كلام الحبيب العاشق المضحي ولا هي اول مرة دام هالحواجز بينهم ليش تبغيه يرجعها ويقبل فيها
برايي الاثنين ماينفعون لبعض ومن الاول الاختيار غلط وحدة امها وسمية وابوها عبد للمال شنتوقع بتكون تربيتها امها وابوها همهم الدنيا ومافيها مافكرو لا بااخرة ولا اهتمو بمصير بنتهم الوحيدة لو ربي حرمهم نعمة الانجاب مااعتقد بيتأثرو
فهد محتاج لوحدة تنسيه الماضي بمراره وتنسيه حتى الانثى الي بيوم كانت مشاعره لها ...تغريد ماغذت حب فهد وعمقته وليليان تواجدت في اوقات تحطم شخصية فهد ...... تغريدوه مو بس تركته وهو بعز حزنه وصدمته على سعود كانت هي السبب والدافع الي خلت فهد يكره بلده ويتخلى عن هويته ويهج لو زوجته الي عاشقها كانت معاه وواسته وماتركته ودايم بقربه هل بيكون طعم سهل لمشيلوه الحقير وامثاله .....طبعا لا ...يعني حسابه لها لكل الي مر فيه بالماضي .......ليليان ظهرت له بعد ماصار قلبه مليان جروح على رغم فارق السن والمستوى التعليمي والذوق والافكار بس بسترها وحشمتها وبدون حركات الاغراء وابراز المفاتن والكلام المعسول الي غذته واهرته فيه تغريدوه الا انها اخذت حيز من قلبه وهو بعز وجعه مالقى راحته الا بقربها
بأيش نفعته المثقفة صاحبة الذوق والدلع .....ولا شي مااعطته شي هي مو مستفيدة من وراه ......المقارنة صعبة بالرغم الكثير من تصرفات وافكار ليليان مااعجبتني لكنها على الاقل ماهي خبيثة ووقحة مثل تغريدوه
ليليان تربت على الحرمان من كل شي وتغريدوه تربت انو كل الي تبغيه تحصله ...ليليان حتى انوثتها انسلبت بسبب ابوها الي قام ياخذها اماكن ماتناسب انثى بينما تغريدوه امها ماقصرت بتعليمها اساليب الخبث وكيف تلفت انتباه فهد اذا تبغيه يكون لها وعادي روح وتقول له مافيها شي
الحين كريستو تقولي لمين بيكون الاختيار انا اقو لك مين يستحق السعادة وحدة انحرمت من الطفولة من العيشة الي غيرها عايشها بجو اسري وحنان وعاطفة .......وحدة حتى اللبس الي مثل غيرها من البنات انحرمت منه وانجبرت على نمط معين وحدة بدل ابوها ماياخذها للحلال والخرفان المفروض يحرص على كونها بنته الوحيدة ليليان انظلمت حتى من ابوها وخرب حياتها
اما تغريدوه لو ما مرضها والي صاب فهد مليون بالمية كانت الحين ساحبته مثل الخروف ...... ولا في رادع يردعها يكفي انو ليليان الصغيرة اذا طلعت الشارع ماحد يلمح ظفرها بس تغريدوه للان هي بجهة والحشمة بجهة
لو جينا للعدل والعقل مين الي يستاهل فهد يكمل حياته معاها ويجدد حياته وينسى كل مواجعه الي كل ماصار شي اتهمته بمقتل اخوه والا الي ماتبغي تخدعه عن ماضي لو كشفته يمكن يضيعها هالمرة عدت بس مليون بالمية فهد بيعرف والهفوات الي تمنعها عنها الجدة هي ماحطتها ببالها .......بس مهما كان ماراح يتجرء فهد يعاقبها نفس تغريدوه لانو جرمها ماجاء الا وقت هو انتهى خلاص
لهنا واوقف بدون لاااجزم اللغلبة لمين بس رجوع فهد وتغريدوه مثل قبل مستحيل لانهم ماعادو نفس الي قبل مافي قلوبهم هالمرارة ومستحيل ينسو الي مرو فيه ........يعني واضحة الحياة الفاشلة الي تنتظرهم وخصوصا مع انعدام العلاج لتغريدوه الي بتكون عاجزة وماتنفع لواحد مثل فهد فبيكون وجودها شفقة وليليان هي كل الحياة ....وتغريدوه مخيرة ترضى بهالواقع والا امها وابوها على راسها
مريمو وطلال
عجبني الي سواه طلال فيها يعني هي الي مقصرة رايحة عنده تتشرط ناسية انها طايحة من عينه تروح تكملها ...خليها تعرف قدرها زين والي مايصون نفسه الناس تدوسه .......هي مااتعظت من تغريدوه وحياتها الفاشلة احسن اخذت الدرس من الاول ويمكن حتى لو طلال تمم زواجه منها مابيكمل معاها بياخذ شرطها خلاص له يتزوج وهي تطلق ......انا يعجبني الرجال الي يكون غيور في هالمواقف لانو لو بادرها بحبها بتتمادى اكثر بعد ماتكون حلاله ولا في شي بيمنعها ........كان بيدها ترفض بينها وبين عمها لاتقول ماعندها رقمه بس هي اصرت وتممت الموضوع خلاص تعرف قدرها والحياة الي تنتظرها ......
سيف ورحيم
اعتقد الي بلغ على الاستراحة هو الي ذكر اساميهم وفهد سبق ودبر الموضوع .......وبيحله ان شاء الله بس عسى علي هالمرة يوصل رسالة ضاري لانها امانة برقبته خلي فهد يكمل عليهم الضربات ويعلمها المشيخة كيف تكون وان شاء الله تكون ضربة قاضية لفوازوه وابوه ...وطبعا مانستبعد مشيلوه بس دام الغرض فيها تشويه سمعة مشيلوه مابيستفيد مثل فوازوه وابوه
ابو سعود
ابو سعود ماراح يكشفهم لانه قبل يجي متصل بالجدة حمدة وعلى مشواره امدى الجدة تشوفه هو وين وخصوصا انها متعودة انو يتقهوى معاها الفجر فااذا شافته نايم مع ليليان ......بتتصرف ومابينفضح السر الحين
في انتظارك ياعسل
|
10-11-12, 05:36 AM
جديد مواضيع قسم القصص المكتمله من وحي قلم الاعضاء
العرض العادي
