مليووووووووون مبروووووووووووك يا عبد الله
التوقيع والرمزية حلوين كتييييييييييييييييييييير
وتستاهل بجد انت تلميذ نجيب جداااا
.
.
بانتظار اللهجة الغامضة يا هايونة

طيب طيب يا وزوووووووووووووز يعني لهجتي ما عجبتك !! <<<فيس مبووووز
بس بدك اللهجة الثالثة !!!!!

على العموم اللهجة الثالثة على وصوووووووووووووووووووول

شو تتوقعو تكووووووووووووون !!!!!

انا اخترتها خصوصي لشئ نااااس مطنشة الموضوع
لعل و عسا يحنو علينا و ينورونا ^^ <<<فيسي الطيب

بسم الله وعلى بركة الله ..
صبحكم الله بالخيير ياااخيااتي صبحكم ربي بالرضى والعاافيه ..

..

يااابعد قليبي ياااهيوونه على العزيمه وان شاءالله اكوون قد المسؤليه واقدم شي يفيد << ماظنتي

أول شي تفضلوا على الميسور وقل الكلافه ..




...
يالله تفضلوا معاااي ..
الحين اقدر اسوولف عليكم لااشربت القهووه امخمخ علييكم وارووق ..
ماتحلاا السواليف وتزيين الا مع القهوه العربيه وبالأخص القصيميه تطلع الهوايل (الشيء الهايل) على قولة امي جعله بالجنه ..
اكثر شي احبه واستانس علييه سوالف منول <<
وسهرات منوول يااااليل السهر بس يااامنول يوم الناس نااس والنفوس نفووس ..
إيه يووم نسهر بالسطح مع عمي واخواني وامي وتبدأ السباحين(القصص القديمه) اللي تهوووووس شي يووحش(يخوف) وشي يضحك أو ماتحلا سواليف الجن بسم الله الاا بالسطح بالليل حتى حنااا سطحناا كان مافيه الا لمبه(الإضاءه) وحده صفرا بعد يعني ظلااام
لااا ويرسلووني تحت اجييب الأكل بلحاااالي ام 12 سنه بس اتفقد الجدران واراكض واتخييل احد وراي طلعوو فيني الصمرقع(دوخ بالراس)...
والأكل وششوو بعد حمضيات مع بقلاااوه << أكله فخمه عندنااا يوم الأرياف توه فاتح وطااافييين(بشد الفاءفرحانين بالشي)
ولاا فشار نسمه مع شطه مع حليييب لونا وشااهي <<
ولاا بيض احمر << صلصه << مع ميرندا
كلهمم مر(حموضه وغثيان) مدري شلووون مايجينااا شي وننام بسهوووله .. اللحين واناا بس اتذكر يجيين حموضه وغثياان
وجرثوومه وكل ابوو شي <<
والسوالف يااازينهااا لا قصتهااا امي علييينا فدييته مااتجييب الا اللي به حكم وعببر مهوب مثل اخوواني يحبوون الرعب يوم يتكلموون عن الجن بسم الله انااا لاتكلموو بالجن ارجعت على اخووي الحنوون وظمييته يقاالي(كأني) جان النوم << من جنبه
دايم نجييب سوالف منوول ونتذكر برائتنااا وعفويتناا وسهولة عيشتناا ...
بقولكم سالفه فيهاا العبره على قولة امي الله يسعده << حكيييمه
ذاك اليوم كنااا سهرانين على الكيرم والظومنه والأونو(العاب قديمه) فووق بالسطح طبعاا مع الحمضيات والبقلاوه يوم خلص اللعب بعد هوواش(مضارب)
ولجه وصجه(أزعاج وضجيج) بين عمي واخواني وامي ومرة عمي يضحكون عليهم ويضفوون الألعاب .. كزوون(أرسلون) أنزل تحت ويااابِعد التحتي( الدور الارضي) بهاليل قسسم مايرحممووون صدق جآآآني الصمرقع
رحت اجييب الشاهي والفصفص واناا اركض مليون واتلفت ورااي ماصدقت على ربي(ماصدقت فرج ربي) وصلت لهم ولقييت امي بااديه(بدأت بالفعل الماضي) بسالفه ...

ابوي محمد الله يرحمه ويسكنه الفردوس << جدي ابو امي
كان رايح يطلب الرزق بديرته(بلده) الكويت يرووح دووم يغووص ويستخرج اللولو من البحر ويبيع ويجي للقصيم هالمره راح لديرته وابطى(تأخر) فيهاا جلس عشر سنين عاد مافي بينهم تلفونات ولا جوالات مايدروون عنه هوو حي ولاا ميت جدتي ام امي تقول شكله اعرس هنااك ونسسانا << مظلووم يمال الجنه
المهم وهو راجع بالطريق عن طريق البر ماشي مامعه الا ناقته ( الجمل مؤنث) << السياره حقته
يوم ضوى عليه الليل <<امي لغه عربيه فصحى غير عناا ترا (للاعلام بالشيء)
صلى المغرب والعشاء يوم تلفت إلى ناقته رايحه وتايهه ..فل فراشه(جهز لحافه) وتوسد ايديآته وحط راسه ونااام <<
يوم نام جووه(أتوه) اثنين من الحنشل <<
قوموه(بشد الواو يعني صحّوه) واندروه مع رجله قالو هات(عطنا) اللي معك قال مامعي شي وهو صادز(صادق) مامعه ولاااشي يمال الجنه متغرب ومااستفاد شي ومامعه الا تمر وماء وهو توه عن السعوديه قالهم هذا اللي معي وعطاهم إياه قال الحنشل لرفيقه ابك طعّه(أرميه بالبارود) هع ..
ومير يحزم عيونه بشماغه ويتتشهد ...
قال الحنشل اوقف هذا حضري مايسوى فشقه(مايستاهل ضربه) <<
وراحوا وخلوه(تركوه) !!

وقعد طووول الليل لااا هو باللي نام , ولا هو باللي مشى :"(

يوم صاار الفجر / طبعا هو كان يمشي على النجووم ..

يوم طلعت الشمس , صلى صلااة الاشراق , ومير وهو يصلي ساجد ..

اثره تحن(لقاها>الناقه تنادي بصوتها) عنده ... ومير يمسكه , ويجي ل السعوديه ..

ولااا رجع عقبه(بعده) ..

...
....
.......
............

نجي لمعآآآآآني الكلمات والمصطلحات القصيميه <<

...

وشبتس << تنطق للأنثى وتعني وش فيك
منول << من أول أو من قديم
وراه << لماذا
تسذا << هكذا
صادز << صادق
ومير << تقال عند الحماس لأكمال الحكايه
انثبر << اسكت
اندزلع - فاردز << انقلع << بمعنى أذهب
حنشل << حرامي
خلوه << دعوه وا تركوه
أولاه << تقال عند الترجي
وشوو << ماهذا
أقعد << اجلس
رح << أذهب
إيت وللـ أنثى إيتي << تعال , تعالي
دوتس << أمسكي
اقنيزه << قليل << هذي احسن شي
......

...........

..............
وصلـى الله وبارك
إن أخطيت فمن نفسي و الشيطان وان أصبت فمن الله << داخله جوو
<< اهم شي توقيع ليلاس للي بيسرق ولاشي لازم ياخذ التوقيع <<< لبى الثقه اللي فيني ..

ويالله مع السلاامه




ملاحظه قبل ما أروح ...
الكلمات التراثيه هذي اندثرت وياللأسف صار قليل نسمعها يعني من الكبارين بس
تغييرت الكلمات وتداخلت اللغات مثلي اناا دووم احب اتكلم قطري
وملاحظه اخرى ..
أعتذر هيوونه تراني ماكتبت الموضوع على ماتبوونه لاني مافهمت السالفه زين فكتبتها باسلوووبي
ان شاءالله يناال اعجابك ويحوز على رضى آل ليلاس

وفمان الله مرة أخرى


واللي بيسأل ويستفسر هلااافيه كلي ايدييين تكتب لعيوونكم