السلام عليكم ورحمة الله وبركاته
انوثة ماشاء الله عليج مبدعة كل بارت يزيد ابداعج ويزيد حلاج
الله لايحرمنا من هالطلة يارب

زينة مليت ياربي وربي اني مليت الله يعين المدرسات على الطالبات الغبيات
يازينة انا ماقلت من قبل كرري وراي زينة غبية زينة غبية
يعني البنت الشاطرة تحس على دمها وتتلحلح وتبطل غباء
بس بحالتج اقترح تكررين هالجملة مية مرة يمكن تحسين يمكن
المسكين مشمش مسوي جو ورومانسية ابعد ما يكون عن ابو صرروال وفانيلة
وعيشيني بجوه وحسيت الانوار بدت تخفت شوي شوي وبالاخير تجيبين سيرة العلة
الله يبلاج بعلة عليتيني وجلطتيني صج غبية عارفة وشايفة وخابرة عصبية مشاري والا تكدره وتخرب جوه
زين يالخبلة خلي الليلة تعدي على خير الا تقلبينها ليلة حمرة مشتعلة بنيران الغضب
هااا استلمي عاد الرجال عصب وطبخ طبختيه يالرفلة بروحج اكليه


مشمش انا عاذرة عصبيتك وحاسة فيك وربي لواني جمبك خنقتها الخبلة بس شتسوي يمك
سفيه وغبية طول بالك عليها الله يشفيها الغباء وراثة بالعايلة تراه




سماح يازين الفضول لا اشتغل عند الحريم تبين تعرفين هالخبل وشهو بالنسبة لجاسم
الا جاسم هذا هو الدغ ويخنخن والا الدغ وعنده لحمية تراني ماتخيلته الا يخنخن
يازينه اللي مثله لو عندي صار اخرس وبطل يتكلم من كثر ما احن عليه يقول انا جاصم اتتلم تتويتي(انا جاسم اتكلم كويتي)


سلمان كنت اكرهك صرت اكرهك موت يعني هالقرف الشهري هو اللي جابك للدنيا ابلع العافية الحين تاكدت انك تستاهل سويرة عساك من هالحال واردى يالغبي كل شي تسون والله يبلاكم بامراض ام القرف ولا وحدة منا اشتكت وانت على طول بطيتها عند امك قطع رجال ما في احساس


هبة الله يصلح الحال وبطلي عاد اخوج بيموت عالبنت وانتي جنج قطاع الارزاق
اقول اهجدي تراها مهي شايفته ولو انه يستاهل كل خير بس ماتدرين يمكن مال يارا بالطيب نصيب



ااااااااااااااااه يابدور انا قلت انج حمالة اسية يعني فوق الطلاق فوق العقم فوق مسؤولية عيال اخوج
تطيحين بهالوهقة ويضيع بدير وتبلل نور نفسها وتقعد تبجي
بصراحة اقل شي سويتية انج انهرتي واشتغلتي دعاوي على هالديما اللئيمة
وانا من صوبي بامن على كل دعواتج واقول عسى تصيب عسى



انوثة بالنسبة لفيس الثقة خل يبلع العافية وان ردتله فبيكون عمات عين منها الغبية وبتصف جمب زوينة وتردد نفس الجملة
وعني اقول لو ردت ببساطة بتكون اغبى من زينة
واثق الاخ وتسرع المسكين يبلاك بسكين يالغبي ياخو الغبية


انوثة فديتج كالعادة مبدعة ومتالقة ناطرين الجزء القادم
وياعساج الجنة فديتج...........نموره

صباح الخيرات ..........تسلم ايدك انوثة بارت رائع جدا ........بس لسى حال الابطال كما هو ماتغيرت موجة الاحداث الي اكيد راح تتغير مع الاحداث الجاية وتظهر شخصيات جديدة

زينة ومشاري

ابد ماعندها سالفة تختار الاوقات الي يكون مشاري منسجمع معاها فيها بكل حواسه وتخرب كل شي بتفاهاتها ومشاري بيعرف كذبها لانها غبية وفاضحة عمرها ولا وحدة فاقدة الذاكرة مرة تطري بندروه ومرة ديموه ........وبعدين الكذب الي تقوله مشاري بعيونه ديموه الخاينة الي رمته وفرطت فيه وراحت مع بندروه الي لها علاقة فيه وهي على ذمته ليه مفكرته نفسها تفكر بالي خانها وتزوج اختها
وخير كان زوج ديموه هذيك اخذت زوجك ولا اهتمت وجابت ولد بعد .........ويوم ملت تبغي ترجع لمشاري ترتمي من حضن لحضن ..........يعني اذا رجعت لبندر وماضيها بتشوف حالها بعيونه وهو تزوج ديموه وعاش معاها

صدق تقهر وتفكيرها ماله داعي ومابيعلمها تنسى الخاين الا مشاري بطريقته ..........وجايتها حروب من كل صوب مشاري اذا عرف شفائها ويارا الي غيرانة منها وديموه الي بتموت انك اخذتي مشاري وماعاد يبيها


سلمان وسويرة

والله بنت بليس تسويها تروح مع امها للمستشفى يشوفو لهم شي يغطي فضيحتهم بس متى سلمان بيبتدي يمل منها اعتقد انو النزيف بيطول كثير وبكذا بيعرفو انو مو مثل ماقالت وامه هي الي بتشك لانها حرمة واخبر بهالسوالف وبنشوف سلمان وردة فعله وصدمته

بس سلمان ايش سبب كرهه للدم وطاريه وقرفه اكيد سبب قوي

بدور وباسلوه

اعتقد الولد عند باسل اخذه يلعبه او يشتري له شي لانو شاف الكل لاهي عنه بس بدور بعد ماعندها سالفة طفلة مثل نور محصورة تبيها تمسك حالها الين ترجع البيت ماخافت البنت تضرر والمثانة تنفجر اجل شفايدة الخدامة الي معاها ويوم الشي فلت عن سيطرة الطفلة انقهرت وبشوف اذا اتصلت لاخوها وعنزته يجون لعيالهم هي ماهي مسؤلة عنهم بس الخوف يهددوها يطردوها لو مو عاجبها الوضع ومااستبعد هالشي ابد عليهم


هبيهب

وقسم موطايقتها تكفين انوثة ابيك تبردي قلبي فيها وعزام يتزوج غيرها الاجمل والاعقل ويخليها معلقة فترة على ايش شايفة عمرها .......يعني من سناعتها علشان تلح على يزيد يتزوج على اختيارها لاومختاره له وحدة كبيرة عليه بسنين شيبغي فيها مفكرته بندروه على غفلة .......تدعي على الرجال الي صبر على عوابتها مالت عليها بس

سماحوه والمجنون

ياترى مين الي تفكره مجنون هو مساعد الابو ولا عزوز على قولة جاسم .........ومين هو عزوز بالنسبة للعيال وشكل الولد يحب ابوه يعني اذا كان هو الي يضربهم اكيد السبب لصالحهم واذا كان عزوز الي ضربهم فمين يكون لهم متشوقة اعرف

في انتظارك ياعسل


ا

مسائك دعوات محققه بإذن الله

يعطيك العافيه انوثه بس كان كملتي شوي*
كنت مندمجة ثم انقطع الاندماج:(

زينه ومشاري
انت بطريقتك هذه راح تجنين على نفسك
اذا كنت تذكرين بندر وديما فبيجي يوما ويعرف انك ذكراتك رجعت لك
هو شايف فيك شئ غير ديما البرأه والطهر عكس أختك بس انت الى الان موب متقبله حياتك الجديده وهذا شى طبيعي بالنسبه لك صعبه عليك انت متزوجه واحد كان زوج أختك*
وهي متزوجه واحد كان زوجك*
مشاري تزوجك على اساس انك فاقده للذاكره*
عشان يعيش معك حياة جديده هو الاول فيها
لو كان عارف ان تذكرين كل شئ ابد ما فكر يتزوجك
الحين هو فكر انك تعادينه الله يعينك على غضبه

سماح
هالبنت بلقافتها بتجيب لنفسها بلوى
وش دخلك تسألين عن ابوه
بس هو جاركم معقوله ما تعرفين عنه اي شئ

سلمان*
الحين امك دخلت في السالفه بينكم وبتسألها
وهي اللي بتعرف كل شئ وبتقولك عن شكوكه
وانت عاد بتأكد من كلامها بطريقتك
وبعدها الله يعين ساره على اللي بيجيها
بس وش سبب كره سلمان للدم موقف معين صار معه والا ايش

هبه
تدرين بديت اكرهك ليش تدعين عليه وهو في طريق ما خفتي ان يصير له شى وبعدين تندمين اللي صار بينكم ما يستأهل الدعاء
ولا بعد الزواج غضب يعني الا تزوجينه اللي انت تبين خليه في حاله*
هو عاجبته حياتها وحبه ماتدرين يمكن يجي يوم ويتزوجها

بدور
والله هي المسكينه في هالعائله حتى وقت ترفيه انقلب لمصيبه
اذا فرضنا ان الولد فعلا ضاع وش ردة فعل امه وأبوه الهايتين
يمكن يرجعون لعقلهم ويتركون عنهم الخطط والمؤامرات اللي ما اختفوا الا جالسين يديرون شئ
بس اعتقد ان باسم معهم في الملاهي وهو اللي بيلاقي فهد*
معي اني ابي امه تتعذب شوي
بس ماراح يأكلها الا هالضعيفه

انوثه يعطيك العافيه في انتظار المزيد

السلام عليكم

اخباركم ريااحين قلبي .......
السموحه ع القصور
بس محتاجه لوقت اكثر حتى ارتب بعض احداث الروايه لتكون مقبوله واقرب للواقع ومع وجود متابعين بها الروعه اخشى تراجع مستوىكتابتي لشيء لايرقى لذوقكم الرفيع

وحتى نلتقي لكم ودي وتقديري

ناطرينج انوثة ولا تخافين القلم المبدع ما يعرف غير الابداع
وابد ما منج قصور دام طلعتيلنا شخصية بروعة سماح وبتضحية بدور وحلاوة شادو وبراءة جاصم
تاكدي انج ابد منتي مصرة فديتج ياعصل نحل والله
وكيد ناطرينج تنورينا ببارت بروعة اناملج .........نموره