ودعني يا قلبي وخل العذاب اقصر ، للكاتبة : كتلة جروح .. - الصفحة 6

26-12-11, 07:40 AM

المشاركة رقم: 26

المعلومات
الكاتب:	اسطورة !
اللقب:	ليلاس متالق

البيانات
التسجيل:	May 2011
العضوية:	224710
المشاركات:	3,261
الجنس	أنثى
معدل التقييم:
نقاط التقييم:	1223

االدولة

مدونتي

الإتصالات
الحالة:
وسائل الإتصال:

كاتب الموضوع : اسطورة ! المنتدى : القصص المهجورة والغير مكتملة

ـــــــــــــــــــ

اليوم: السبت ..

المكان: مستشفى من مستشفيات الرياض ..

الوقت: العاشرة والـنصف صباحا ..

ـــــــــــــــــــ

(شـذى)

شهقت شهقة مُفاجِأة وكتمتها بسرعة .. وأنا امشي في ممرات المستشفىالبايخة .. اللي تـعـور القلب ..

نمشي ويتقدمنا خـالي أحمد .. وهو مسـوي قوي .. هـو أوب قوي .. بس مااحتك في أبـوي كــثرنا ...

وصلنا لـ غرفة .. من برا .. تحسسك بألم أووب طبيعي ... حسيت أني ابياستفرغ ..

دخـل أولا خالي أحمد .. وأنا واقفة برا متسندة على الجدار .. وابكي .. ماقدرتأمسك نفسي ...

مسكتني أمـي حصة من يديني الثنتين ..

أمي حصة : شـذى يابنيتي .. اذكـري الله .. كـلـنا لهالمصير .. اذكريربك .. وتعالي سلمـي عليه .. يالله .. يالله خليك أنتي القوية من بين اخوانك ... صدقينيبترتاحين ...

مسكتني ومشتني للـغرفة .. ودخلتني ..

كنت أمشي وأنا ما أحس بشيء .. الا بس بقلبي اللي دق بقووة فضيعة ...

وقفتني .. لما وقفتني حسيت أني وصلت عند .. أبوووووووووي ...

نزلت عيوني الدامعة وطالعت في الجمووود ... تحركت يديني المرتجفة .. وحطيتهاعلى جبهت أبووي .. وهو مايتحررك ..

رغم رجفتني الاّ إني حسيت ببرودة جـسمه ...

نزلت راسي وحبيته .. وأنا أصيييح ... وأصييييح ... وما أحس بأي شيءحوولي ...

حبيته على خشمه وجبهته ..

وصلبت طـولي .. ومسكت يـده ... بيديني الثنتين ... رفعتها وأنا احبهاحـبه ختامية ..

تـركت يده بسرعة ..

والتفت .. ومافيه أحـد عندي ..

رجعت وطالعت أبــوي .. نظرة أخيرة ..

ماقدرت اتمالك نفسي ... وصحت بقووة أكثر ... وأنا انحني واحبه علىجبهته من جديد .. وامسكه من كتوفـه ...

كنت اهــز .. وهو يهتزّ مـعي ...

ماوقفني الا لما حسيت بيدين تمسكني .. وتطلعني وهي تضمني ...

ويوافيني عـنـد الباب خالي ومعه عبير داخلين ..

طلعت وانا منهاااره .. ومو قادرة أمسك نفسي ابدن ..

أمي حصة : لاحول ولا قـوة الا بالله ... انا لله وانا اليه راجعون .. انالله وانا اليه راجعون .. انا لله وانا اليه راجعون ..

ماقدرت استمر واقفة ..

جـلـسـت .. وأنا أحس أن روحي بـتطـلع من ضيقة الصدر ...

نزلت راسي وأنا أكمل صياح ...

هذاا بس أول يـوم .... آآه ...

كملت صياح الى أن وقفتني امــي حصة .. وقالت : يلاا مشينااا ...

التفت للغرفة ....

ومن دون أدنى شعور .. رجعت أدخلها مرة ثانية ...

لما وصلت عند أبـوي .. ندمت بقووة أني جيت .. كانت المررة الأولى تكفي ....

رجعت وحبيته على راسه ...... وأنا ادعيله ... ربي يغفرلـه .. ويرحمه ..ويجمعنا بـه بواسع جنان الخلد ....

صلبت طولي .. وبسرعة قبل لا اسوي اي شيء ثاني .. تحركت ابطلع ...

عند الباب وقبل لا اطلع .. التفت بـ نظرة أخيره ...

فمــان الله يايبه .. فمااان الله ..... فماااان الــلـــه .. فمانالله يايبه و صدقني بندعيلك ...

.... طلعت بسرعة وكن أحد دفني ... وطحت بـحضن أمي حصة .. أصيييح ... وافرغكـل اللي بقلبي ...

آآآآآه يايبه ... الله يغفر لـك ويرحمك ..

*

*

*

ـــــــــــــــــــ

اليوم: السبت ..

المكان: جامع الحي ..

الوقت: الثانية عشر ظهرا ..

ـــــــــــــــــــ

(عبدالعـزيز)

عقب ماكنا نقول عن أبووي الله يحفظه لنا .. والله ييرعاه .. صرنا نقولالله يرحمه .. والله يغفرله ..

الناس اذا سمعتنا نسولف عن أبوي ... قالوا الله يخليه لكم .. وألحين ..الله يتجاوز عنه .. الله يجمعكم به في الجنه ...!

اييه هذي الدنيا ...

كــبَّـر الأمام التكبيرة الأولى ... وكبرنا ...

قريت الفاتحـة مثل ماعلّـمـنـي سعود .. وماقدرت أمسك نفسي .. وبكيت ...من ضيقة الـصـدر ..

بـعـد التكبيرة الثانية .. شهقة صغيرة ثـم كملت :[ اللهم صلِّ على محمدوعلى آل محمد كما صليت على إبراهيم وعلى آل إبراهيم إنك حميد مجيد ، اللهم باركعلى محمد وعلى آل محمد كما باركت على إبراهيم وعلى آل إبراهيم إنك حميد مجيد ]

بـعـد التكبيرة الثالثة .. ماكـفـت الشهقة .. بـدى جسمي يـهـتز وأناأدعي من قلبي .. :[ اللهم اغفر له وارحمه ، وعافه واعف عنه ، اللهم اغفر له وارحمه، وعافه واعف عنه ، اللهم اغفر له وارحمه ، وعافه واعف عنه ، اللهم اغفر له وارحمه، وعافه واعف عنه ، ونقه من الخطايا كما ينقى الثوب الأبيض من الدَنَس ، وأبدلهداراً خيراً من داره ، وأهلا خيراً من أهله ، وزوجاً خيراً من زوجه ، وأدخله الجنة، وأعذه من عذاب القبر ومن عذاب النار, وأعذه من عذاب القبر ومن عذاب النار, وأعذهمن عذاب القبر ومن عذاب النار, وأعذه من عذاب القبر ومن عذاب النار .. ] ... اللهأكـبـر ..

.....

السلام عليكم ورحمة الله ..

بـعد السلام تحركـوا المسلمين .. اللي يبي يشيل ,, واللي بيعزي ,,

كثير ناس عزووني قبل الصلاة أنا وعبدالرحمن وعماني ..!

وبـعـد بقى ناس ..

كان فيه زحمة حول أبـوي .. شالوه وطلـعووه ... انسليت من بين الناس .. الليبيعزوون .. طـلـعـت ..

بـرى ... كانوا يركبونه .. مشـهد مؤلـم .. حاولت أمسك نفسي .. خلاااااص.. كفااية اللي بكيته ..

سندت عكازتي على الجدار .. ثم دنقت ألبس نعالي .. مابي أشوف شيء .. أصلاماراح أقدر أشوف شيء من الدمـوع المتجعة في عيوني ..

بهـدوء .. طـاحت .. وكنها بلورات .. ماكأنها دموع ..

رفعت يـدي .. وعصـرت عيوني .. وكل دمعة منها نزلت .. تـجر وراهادموووووع ...

نزلت يدي وانا اسمح لـدموعي انها تنزل بهدووء وعلى راحتها ...

حسيت بـ شيء غامق واقف جمبي .. رفعت راسي وطالعت ..

ابتسمت بألم وأنا اشوف ثامــر مبتسم لي بعد .. وقفت .. وسلـمنا علىبــعض ..

حـضني وأنا كنت مستغرب .. بس بـكـيـت من دون أدنى شـعوور ..

عزّاني ..

ثـامـر : الله يصبركم .. وأحسن الله عزاكم وعظّـم الله أجركم .. واللهأنــه طـيِّـب وبيفقدونه كــل المدرسة .. [ ويبعد عني .. يطالع في عيوني ... ومسحتدموعي بسرعة ] موب أنا وأنت وبس ...

عـورني قلبي من كلماته .. اللي كانت صادقه .....

انـا بنبرة مرتجـفة : أجرنا وأجركم ...

رفـعـت راسي اتلهى عشان ما أصيح من جديد ..

همـسـت تعليقا على الجـو ..: غـيوم اليوم ..!!

ثـامـر بابتسامته : يمكن السماء تبكي عليه بـعـد ..,

نزلت راسي وأنا اخفي دموعي : لا والله تستبشـر .. رقى لـهـا ..

ثامر ويده على كتفي : والله لـو الدموع تقدر ترجعه .. لـ ابـكي لـهحياتي كلها ...

بلـعت ريقي .. وأنا اتذكر كلام سـعـود .. اللي بس اتذكـره .. يـقوىقلبي ..

رفعت راسي : يارجـــآآل .. لـو الدموع ترجع المـيِّـت .. كان الصحابة ..رجعـوا الرسول صلى الله عليه وسلم ... جزاك الله عني كـل خير ياثامـر ..

وأنا أرجع يدي وآخذ العكازة اللي كنت مسندها على الجدار ... كنت اسمعثامـر : والله أنك اقوى مني ماشاء الله عليــك ..

ثـامر انصدم وهو يشوف اللي أنا آخــذ .. شـهق شهقته المتقطعة .. : هــــــ ـــئ ..

ونزل راسه يشوف .. طالع رجلي مذهوول .. رفع ثوبي عشان يشووف أكــثر .. ويتأكـد..

رفـع راسه منصدم .. وبتسائل همس : عبدالعزيز ..!!

ابتسمت بهدووء , ابتسامة حسستني بـدموعي اللي جـفت من الهواء البارد ..وشكلت طبقة بسيييطة جافة .. : أمــر الله ...

وسأل وهو منصدم أكـثـر : كنت .. كنت مــع .. آآ .. أبـوك ؟؟!!

بسرعة جاوبت وأنا انفي : لا لا .. هههههه .. حادث ثاني ..

ثـامـر بارتيااح .. :أشوىى .. على بالي .. المهم الحمدلله علىالسلااامة .. في الحديد إن شاء الله ..

وأنا أفكـر في الحديد اللي تـدمّـر : لا والله .. فيني أوب في الحديد ...الحديد ماجاه شيء أبدن ...

ثـامـر : يارجال .. زين أنك سـالـم .. لـو ماجا الا سلامتك .. أخـوكيحتريك هنااك ... [ ويأشر .. على ورى ..

وأنا أمشي : مـع السلامة ثامـر ..

من وراي اسمعه : مع السلامة ..

رحت وركبت بـ سيارة عبدالرحمن ..

عبدالرحمن : كان جلست أكـثر ..

بلعت ريقي .. ليه نفسيانتا كذا .. ومالنا خـلـق بـعض ..

عبدالرحمن يكـمل : حنا خـلقة متأخرين ... بالله بتووقع يمدينا أنانـوصل قبل الصلاة .. نسلم على عماني وعمتي أسماء وأمـي لطيفة ...

يفرّغ فيني الأخ .. ناقص نـكد أنا ..

نزلت راسي وجلسـت أطالع في العكـازة وألعب فيها .. وأحركها ..

عـبدالرحمن : داري أنك ودك تسولف مع ثامر .. بس حنا متأخريييييييين .. عمانيوسـعود مـشـوا ... ورانا خـط ..

ساكت .. شقـول ...زودن على الحرة اللي في قلبي على أبـوي .. جاي الأخيزوود ...

مازلت منزل راسي .. ومنقهر .. وأحس الكـون على وسعه .. ضايقن بي ...

رفعت راسي بـ فضول لما وقفت السيارة ... ونزل منها عبدالرحمن بـسرعة ..

بعدين اكتشفت ان حنا واقفين عند بيت خوالي .. اتوقع عشان نآخـذ خواتي ...

شوي وجا عبدالرحمن وركـب بـعد ماناداهن .. وعقبه شـذى وعبير ..

ركـبن .. ومشينا ..

لأول مـرة في حياتي كـلها .. نروح للـقـصـيـم من دون أبوي .. للأسـف ...

اللــه يرحمك يابوي ..

*

*

*

26-12-11, 07:41 AM

المشاركة رقم: 27

المعلومات
الكاتب:	اسطورة !
اللقب:	ليلاس متالق

البيانات
التسجيل:	May 2011
العضوية:	224710
المشاركات:	3,261
الجنس	أنثى
معدل التقييم:
نقاط التقييم:	1223

االدولة

مدونتي

الإتصالات
الحالة:
وسائل الإتصال:

كاتب الموضوع : اسطورة ! المنتدى : القصص المهجورة والغير مكتملة

ـــــــــــــــــــ

اليوم: السبت ..

المكان: مـجلس أمي لطيفة ..

الوقت: الواحدة والنصف ظهرا ..

ـــــــــــــــــــ

( ابراهيم )

جالسين في المجلس ... ونحاول نحلل شخصية اللي مختار فرشة المجلس ...

كـلنـا .. جالسين .. مانتكلم ... وش نقووووول !!!

وكل واحد عينه بالأرض ...

فـي جـو هادئ كئيب .. هادئ ممل ,, وصمت قاتل ..

لـكن فيه حبتين ازعاج بـرى .. يكسر حدة الصمت هذا ...

دخل عمي عثمان ووراه عـلي ولـده ..

قمنا نسلم عليه ..

ولأن خالد اخوي عزاه .. بـ عزيه ..

مديت يدي .. وأحب راسه : عـظم الله أجرك ...

عمـي : أجرنا وأجرك ..

سلمت على علي .. وعزيته بما أنه أكبر مني .. دخلوا وجلسوا ..

أما أنا طـلعت وأنا أدور فيصل .. غريبة يعني .. وينه ...؟

لقيته في المغاسل يغسِّل وجهه .. وقفت انتظره .. يوم خلص سحب مناديل ..ومسح وجهه وبان حزنه , من عيونه الحمرا .. ومن خشمه المزكم ..

ضغط برجله على جزء من الزبالة مخصص لهالشيء .. انفتحت الزبالة ورمى بُهالمناديل ...

تنحنح يـعدل صوته عقب الصياح اتوقع ...

في هاللحظة .. أقبلت عمتي أسماء ... سـلم عليه فيصل .. حبّه على راسُه ..وعزاه ..

وعقبها على طول أنا سلمت .. ونفس الشيء .. حبيتُه على راسه .. وعزيتهأنا بعد ..

كانت هي بعد مزكمه من الصياح ..

ثم سألت بُـه أحد زوود بالمجلس ولا لا ؟؟

قلنا لـه لا ...

وهي عاد راحت للمجلس ..

التفت لفيصل .. سلمت عليه ..

وبهدووء : أحسن الله عزاك ..

ماقـدر يتمالك نفسه .. نزل راسه وبكـى ...

ابراهيم : يااارجااال .. اذكر الله بـس ..

فيصل يحااول يمسك نفسه ..: والله يا ابراهيم .. ما اقدر ولا اتخيل .. متخيلأنت ...

سكت .. وأنا انزل راسي

ما اعرف الجواب ...

انا تخيلت ولا .. ما فـكرت .. هـم صدموني بالخبر .. ومافكـرت حتى ...

عـمـــي محمد !!!! أبـو عبدالعزيييز وعبدالرحمن .. والبااقيين ..

رفعت راسي : تتوقع .. وش أخبار عيال عـمي ..؟؟

فيصل : هم اللي صـدق بيقطعون قلوبنا ...

سـكت وأنا اتذكـر أمس .. لما كنا بالمجلس ...

ولما ضحكوا علي من سالفة جا وسحبك ...

أكثر من ضحك وقتها كان ..

عبدالعزيز وعبدالرحمن ....

ايييييه .. يالدنيا .. يوم لـك ويوم عليك ...

رفعت راسي لـ فيصل : وش آخـر موقف تتذكره مع عيال عمي ..؟

فيصـل يدخل شفايفه وسط فـمه .. يمسك نفسه ..

فيصل : وقـت الحادث .. عبدالعزيز كانت رجـلـه توجعه .. وعبدالرحمن , ..كان.. كان خايف عليه ..

سكت فيصل يفكـر , وأنا بعد كنت أفكـر ,, لـيه مانختار الوقت اللي نموتفيه .. اتوقع عمي ما يرضى لـ عياله أنهم ينحاسوون كـل هالحووسة من عقبه .. اللهيرحمممه ..

فيصل : اللي صار أمس كأنه اختبار لـ عيال عمي .. أنهم يتصرفون من دونأبوهم .. كاختبار يعني ..

قبل لا افكـر في كلامه ... قاطعني صـوت عمتي أسماء ..

عمتي : تعالوا شيلوا الغدا معي ..

التفت له مستغرب : عمتي وش غدااه .. من لـه نفس يأكــل ..

عمتي : الصحابة كملوا فتوحاتهم عقب موت الرسول صلى الله عليه وسلم .. وانتمتعجزوون تغدّوون ...

همسنا بهدوء وحنا نصلي على الرسول عليه الصلاة والسلام .. ولحقناهاناخذ منها الغداء .. اللي بنلمسه تلميس .. لـ مجرد أن حنا أكلنا ...

والله يـكـون في الـعون ...

*

*

*

ــــــــــــــــ

اليوم : السبت ..

المكان : مجلس بيت امي لطيفة ..

الزمان : الثالثة وخمس وثلاثون دقيقة عصرا ..

ــــــــــــــــــــــ

( سـعـود )

تعلقت عيوني في ابتسامـة عبدالعزيز الباهته .. يـقدر هو وخشته يبتسمبـعد .. يا ان عليه قوات قلب .. الله يثبته إن شاء الله ..

قمـت وطلعت .. عشاني ابي اتوضـى .. تـوضيت ..

وعقبها طلعت .. ومشيت للجامع .. اللي بنصلي فيه على عـمي .. الــلــهيـغـفر لـه ويرحمه ...

في طـريقي للجامع .. أذن ...

تابعت المؤذن والصوت بـكل خطوة وخطوة يقرب ..

وصلت للجامع .. دخلت ..

صليت ركعتين ..

ثـم جا وسلّم علي الأمام ..

وعزاني ..

بعدها قالي أنـه بيخليني اصلي بـهم أنا ..

في البداية قلت لا .. بعدين قالي عشانـه عمك ...

المهم اني اقتنعت اني اصلي بهم ..

على شـوي شـوي .. بدوا المصلين يجوون ..

وبدا الجامع يمتلي ..

وشـوي وأشووف عماني جو وعيال عمي ...

أُقيمـت الصلاة ..

ووقفت في مكان الإمام ...

التفت وأنا أقـول : سـووا صفوفكم ..

كنت بقول جملة ثانية .. بـس كثرتهم أفجعتني ...

كثيرين كثيرين كثيرين ....

التفت ناحية القبلة ..

مابي اشوف جمووع المصلين المهيبة ...

قـويت نفسي .. وكـبّرت ..

: (الـلـه أكـبـر ) ...

.................................................. ...

: ( الـسـلامـ عـلـيـكـمـ ورحـمـة الـلـه .. الـسـلاااااامـ عـلـيـكـمـورحـمـة الــلـــه ) ...

كنت بلتفت .. وابدا اقرى اذكـار الصلاة .. بـس انتبهت لـ عـمـي لمّـاشالوه وجابـوه قدّامـي ..

وقـفـت وأنا احاول أقـوي قلبي ...

بـصلـي بهـم على عـمـي الله يغفر لـه ويرحمه ...

تنحنحت أعـدل صـوتي ..

رفعت يديني .. وأنا مازلت أقوي قـلـبـي ...

: ( الـلـه أكـبـر ) ...

:

( بِسْمِ اللَّهِ الرَّحْمَنِ الرَّحِيمِ (1) الْحَمْدُ لِلَّهِ رَبِّالْعَالَمِينَ (2) الرَّحْمَنِ الرَّحِيمِ (3) مَالِكِ يَوْمِ الدِّينِ (4) إِيَّاكَنَعْبُدُ وَإِيَّاكَ نَسْتَعِينُ (5) اهْدِنَا الصِّرَاطَ الْمُسْتَقِيمَ (6) صِرَاطَالَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَاالضَّالِّينَ (7) )

: ( الـلـه أكـبـر ) ...

أحــم ..

اللهم صلِّ على محمد وعلى آل محمد كما صليت على إبراهيم وعلى آلإبراهيم إنك حميد مجيد ، اللهم بارك على محمد وعلى آل محمد كما باركت على إبراهيموعلى آل إبراهيم إنك حميد مجيد ..

...

: ( الـلـه أكـبـر ) ...

: "اللهم أرحمه وأسكنه فسيح جناتك , اللهم باعد بينه وبين خطاياهكما باعدت بين المشرق والمغرب , اللهم نقًه من الخطايا والذنوب كما ينقى الثوبالأبيض من الدنس , اللهم اغسله بالثلج والماء والبرد , اللهم أبدله دارا خيرا منداره وأهلا خيرا من أهله , اللهم اجمعنا وإياه في مستقر رحمتك , اللهم انا نسألكبأسمك الأعظم أن توسع مدخله , اللهم ثبته عند السؤال , اللهم اجعل قبره روضة منرياض الجنة ولا تجعله حفرة من حفر النار , اللهم إن كان محسن فزد في إحسانه ، وإنكان مسيئ فتجاوز عنه سيئاته , اللهم أسكنه في فسيح جناتك , اللهم أسكنه في فسيحجناتك , اللهم أسكنه في فسيح جناتك وأغفر له ذنوبه ما تقدم منها وما تأخر .

الـلـهـم ابدله دارا خيرا من داره وأهلا خيرا من أهله .. وادخله الجنةواعذه من عذاب القبر ومن عذاب النّار .. اللهم عامله بما أنت أهله ولا تعامله بماهـو أهله .. اللهم أجزه عن الاحسان احسانا وعن الاساءة عفوا وغفرانا ...

الـلهم اغفرله وارحمه .. اللهم اغفرله وارحمه .. اللهم اغفر لـه وارحمه.."

: ( الـلـه أكـبـر ) ...

..... ( الـسـلامـ عـلـيـكـمـ ورحـمـة الـلـه .. )

تـقـدمت للجنازة .. اللي حـولها ناس يبون الاجـر .. ورفعناها ..

وطلعناها برى ...

ركبنّاها في سيّارة أبـوي ..

سيارة أبوي صالون .. ومسدّحين المراتب ..

جايبين عمي من الرياض بهالسيّارة ..

الله يرحـمك يا عمي ..

في حوسة الناس .. سكرنا السيارة ..

طلعلي عمي ناصر مدري من وين .. وعطاني مفتاح السيارة ...

كـ إشارة أني اسـوق ..

سـلـمت أمري لله .. وركبت .. في اللحظة اللي فتح عمي ناصر فيها البابوركب ..

تحركت مجموعة من السيارة .. وتحـرّكـنا ..

تحـركنا للمقبرة ...

الله يغفر لك ياعمي الله يغفرلك ويرحمك .. الله يغفر لك ويرحمك .. اللهيثبتك عند السؤااال ..

آآآخ الله يعين على هالدنياا وبس ...

الله يغفر لك ياعمي ...

*

*

*

26-12-11, 07:42 AM

المشاركة رقم: 28

المعلومات
الكاتب:	اسطورة !
اللقب:	ليلاس متالق

البيانات
التسجيل:	May 2011
العضوية:	224710
المشاركات:	3,261
الجنس	أنثى
معدل التقييم:
نقاط التقييم:	1223

االدولة

مدونتي

الإتصالات
الحالة:
وسائل الإتصال:

كاتب الموضوع : اسطورة ! المنتدى : القصص المهجورة والغير مكتملة

ــــــــــــــــ

اليوم : السبت ..

المكان : الـمقبرة ..

الزمان : الثالثة وخمس وخمسون دقيقة عصرا ..

ــــــــــــــــــــــ

( عبدالرحمن )

وقفت سيارتي قريب من عند المقبرة .. بسبب الزحمة .. مكاني على الرغم منانه بعيد .. الا انه اقرب شيء .. بسبب ان الزحمة أساسا كلها عند الباب فـما أقدرأقرب مـرة ..

كان ودي أقرب مرررة عند الباب بعد .. عشان عبدالعزيز اللي أحـس أنهتعّب رجله اليووم مررة .. الله يعييييين ..

لا اله الا الله .. لا اله الا الله محمد رسوول الله ... يا إن فينيضيقة صـدر أوب فـ أحد .. تنفست بعمق .. من هالضيقة .. فتحت باب السيارة ونزلت ... وعبدالعزيزبراحته ينزل ولا يريّـح بالسيارة .. اللي يبي .. ماعلي منه .. مسحت دموعي الليكانت بتجف من الهواء .. كنت امشي بهدووء .. وانا اطالع في الارض .. افكـر .. وشبنسوي من دونه ..؟؟ حسافة أنت يايبه .. حساافة .. مدري لـيش أنا بالذات ما أبيكترووح .. الله يرحمه .. الله يرحمه .. كيف بنعيش من دونه .. معقووووله خلااص ماعادفـيه يابوي ترانا جينا ويابوي ترانا رحنا ويابوي ترانا سوينا .. معقولة ماعاد فيهاحد يتفقدنا .. مااعاد فيه أحد يقول لنا وين رحتوا وين جيتوا وش سويتوا ..

نروووح لا أمٌ تحترينا .. ولا أبـوٌ يدري عنا ..!!

رفعت راسي وأنا احاول أسحب هواء لـ صدري .. كـوده يتووسع .. حسيت أنياختنقت .. انتبهت للتجمع حول سيارة عمي سليمان .. تقـدمت لـهم .. وأنا كنت اسمعمنهم توجيهات متفرقة .. " انتبه .. ارفق ارفق .. ارفع شوي .. انتبه .. "وغيره ..

فجأة تراجعوا للخلف .. تراجعـوا وكان من بينهم أبوي .. ودخـلوا للمقبرة..

كنت اتمنى ساعتها من بين هالناس الكثيره .. من بين هالأمـة .. يـطلعلـي أبـوي .. ينفي كـل شي .. يقولي ليش صدقتهم ياعبدالرحمن .. وليش وليش وليش .. أو.....

فجأة انتبهت لأحد يمسكني من يدي .. التفت لـه وأنا متفاجأ ... كانعبدالعزيز ..

غمضت عيوني وأنا احاول ابعد التخيلات البايخة عن بالي ... وش أحس بـه ..؟

تحركنا ودخلنا ...

في الأجواء .. القاتلة .. وصلني صوت عبدالعززيز : أمـس أبوي جايبني هنا...... أأأ .. أزوور أمـي ...

وسكت ..... وش يقول .. ومن عقب اليوم بصير اجي ازور اثنين .. أمي وابوي..

أنا عندي خبر بأنه هو وأبوي أمس جايين للمقبرة .. كان ابوي قايلي أنااروح بـه .. بس تحججت بحجج مدري وش تبي .. بس اللي اذكـره اني انا ما ابي ارووحالمقبرة .. مابي صدري يضيق كـل ما اتذكـر اليوم اللي ماتت فيه أمـي .. لـكن ما كنتاتوقع ولا اتخيل ساعتها .. انـه من بكرة بيكون عندي يومين ما ابي اتذكرهم ... اللهيرحمك يا ابوي ..

كنا نمشي الى أن دخلنا وسط التجمع ... ومن دون قـصد .. طاحت عيني علىالنعش ..

انقبض قلبي وأنا اشوفه فاضي .. التفت للقبر .. اللي واقف فيه عـميسليمان وسعود .. وكانوا ينزلون أبويي .. طالعت الجنازة .. وكآخر مااشوف منه .. البياض.. وشكل جسمه .. بـــس ...

دخلـوه في القبر وفي اللحد مرة وحـدة ... خلاااص .. ماعاد لـه شوفه ولاله حس .. بأحلامي ..

دخلت شفايفي بـوسط فمي اكتم صيحتي ... وأنا ارفع يدي المرتجفة وأحطهاعلى عيوني امسح دموعي ..

الله يرحمك يا ابوي ..الله يرحمك .. الله يرحمك .. الله يرحمك ..

رفعت يدي عن عيوني .. ورفعت راسي أداري دموعي المنهمرة ... وسـط الجموعاللي جت عشان أبوي .. على كـثر الناس .. وعمااني وعياال عمي .. ما عاد لنا عزووة ...نزلت راسي .. كان سعوود يفك الاربطة اللي كانت على كفن أبوي .. ثـم بدى يحطاللبنات على اللحد ...

من الحسرة اللي في قلبي .. طاحت دمعتين من زحمة الدموع اللي في عيوني ..عيوني اللي ماعاد لهن فايدة .. دام ماعاد فيه أحد يسواهن أقدر اشوفه بـهن ..

طـلع سعود من القبر ..

والله كلما دخلت في بالي فكرة أن أبوي مات .. وأن حنا ماعاد نقدر نشوفهولا نكلمه .. أحس الكون على وسعه .. أضوق علي من فتحة الابرة ... وأحس أنه رغمضيقة صدري .. يضيق زوود وزووود وزوووووود ..

وأحس كـل شيء حولي يدخل هالفكرة في بالي .. هذا التجمهر لييه .. وحناهناا لييه .. حناا ضايقة صدورنا وكئيبين .. لييه ..؟؟

الله يرحمك يا ابوي ..

اللكل قام يشارك في دفن أبوي .. كـلـنا .. حتى عبدالعزيز أخوي ...

انحنيت وأنا اخذ تراب وأحفه على القبر ... وآخذ ثانية .. لمسة الترابغريبة .. حفيته ... لكن كنت أحس ان التراب مازال بين ايديني ...

وصلت همسة لمسامعي كانت من سعود .. لـ عبدالعزيز ..

سعود : السنة ثلاث ياعبدالعزيز ...

خذيت ترااب مررة ثانية وحفييته ..

ومن دون ما انتبه .. ومدري كيف .. القبر خلاااص .. امتلى ترااااب ...

يعنييي خلاااص .. وقفت .. ودمووعي كانت تحجب الرؤية .. غطيت وجهي .. وأنااحاول اكتم اللي في قلبي ...

علي : عبدالرحمن .. قل لا اله الا الله .. كلنا لهالمصير يااخووك .. دعواتكان الله يثبته عند السؤال ...

مدري كيف كانت كلماته .. أو كلامه الموجّه لـي .. يزيد دموعي ..

غصبت نفسي اتماسك وانا اسمع جملته : خلاص أنت الحين اللي بقيت لأخوانك ...

مسحت دموعي وأنا ادّعـي أني قـوي .. طالعت في القبر .. اللي حطوالبنتين على طرفيه .. وعلى القبر كله .. حـصى صغاااار .. وبدا واحد مدري منهو اتوقعهذا شغله .. يكب مووية على القبر .. اتوقع عشان يتماسك الحصى بالطين ..!!!

بـدوا الناس يقلوون .. وبدت تفضي المقبرة شوي شوي ...

بدينا نمشي حنا بعد .. أنا اطالع في التراب ....

وبين خطوتين وخطوة .. اشهق بـ ألم ...

مدري .. حنا اللي تركنا أبوي .. ولا ابوي هو اللي تركنا .....!!!

*

*

*

ــــــــــــــــ

اليوم : السبت ..

المكان : الـمقبرة ..

الزمان : الثالثة وخمس وخمسون دقيقة عصرا ..

ــــــــــــــــــــــ

( عبدالعزيز )

فتحت باب السيارة .. وانحنيت ودخلت فيها ... وسكرت الباب بسرعة .. قبللا يجي أحـد يعزيني ... آآآآخ .. ضميت نفسي لـنفسي وأنا اتكتف من البرد .. سندتراسي على الدرج .... وعلى طـول انسكب الشيء المالح المؤلم .. من عيوني ...

الله يرحمك يا ابوي .. الله يرحمك يا ابوي .. الله يرحمك يا ابوي ..

آآخ أحس اني فاقد أشياء وااجد ... أبوي واحد والواحد الله .. بس كـني ..تركت الديرة وسافرت ... على كـثر أهلي اللي حـولي .. الا انـي احس بالوحدة ..!!

آآآخ بـس يابوي .....

انفتح باب السيارة اللي وراي ... على طول فزيت وجلست .. ومسحت دموعي ...

ثـم التفت ...

ابتسمت بهدووء وأنا اشوف ابتسامة سـعود ...

التفت وانا افتح الباب لـجل انزل ويجي هـو قدام ..

سعود اللي فهمني .. تكـلم بسرعة : لا لا لا اقعد اقعد بـس .. يارجاالانا اللي جاي متأخـر .. ماعليك اقعد بس .. صـك الباب بس ..

سكرت الباب وانا اهز راسي ..

سـعود : .. عبدالعزيز ..

التفت لـه ..

سعود : احم .. حنا درسنا قـواعد الايمان بالقضاء والقدر .. اتوقعبتدرسونها في الثنوي ...

من ضمن القواعد ..أن الله لا يقدر أمرا فيه شر محضا .. بمعنى أنه مافيهخـيـر أبـد .. حتى لو كنا نشوف انه شر كـله .. فيه خير من ورى هالقدر مايعلمه الاالله .. وإذا كان ربي قـدره وفـيه شر .. فالسبب منا .. أو من دنوبنا .. مستحيليكون من دون سبب .. في دعاء الرسول صلى الله عليه وسلم .. ( والشر ليس اليك ) ..

تمتمت بهدوء بـ : عليه الصلاة والسلام ...

سـعـود : يعني مافيه شيء يصير لنا .. الا لمصلحة نعلمها وقد لانعلمها ..مافيه شيء يصير الا ومن ورااه خير مايعلمه الا الله ..

سكت ثم كمل بنبرة أخفض ... وصوته تحشرج شـوي : هذا تقدير الرؤووفالرحيم .. الرحمن ... من رحمته أن يبتليك ...

البلاء نـعمة تدري .. في حديث أن رسول الله صلى الله عليه وسلم قال:"إذا أحب الله قوما ابتلاهم ".. الحكمة من ذلك أنه عندما يصبر العبد ويحتسب أنالله لم يجعل له ثواباً دون الجنة ..

بحيث أن الله يبتليه .. فيصبر .. فيرتفع .. بالأجـر .. أجر الصبر .. فـيدخلالجنة ..

وفي سورة البقرة ( ولنبلونكم بشيء من الخوف والجوع ونقص من الأموالوالأنفس والثمرات وبشر الصابرين * الذين إذا أصابتهم مصيبة قالوا إن لله وإنا إليهراجعون * أولئك عليهم صلوات من ربهم ورحمة وأولئك هم المهتدون)

وفي حديث أم سلمة رضي الله عنها .. عن رسول الله صلى الله عليه وسلميقول : ( ما من مسلم تصيبه مصيبة فيقول ما أمره الله عز وجل إنا لله وإنا إليهراجعون اللهم أجرني في مصيبتي وأخلف لي خيرا منها إلا أخلف الله له خيرا منها ) .

أم سلمة لما مات أبوسلمـة .. فيما معنى الحديث ما اتذكره ... تقول أنهاقالت: ومَن خيرٌ من أبي سلمة؟

من خير من أبو سلمة ....؟؟

الرسوول صلى الله عليه وسلم ...

وسـط كلام سعوود اللي دخلني جـو ثاني ... كنت أتمتم بالصلاة على الرسولصلى الله عليه وسلم كلما ذكـر حديث عنه صلى الله عليه وسلم ..

كنت منسجم .. الى أن وصلني عند سؤاله .. من خـير من أبو سلمة ... الرسوولصلى الله عليه وسلم ...

نزلت راسي وصحت .. هالمرة متأثر من كلام سـعـود ....

زلزلني كلامـه .. على الجررررح ...

آآآخ ... سبحااان الله ... سبحاااااااان الله ...

الــلــه اكــبــر ....

مـدري شقووول .....

فتح عبدالرحمن باب السيارة .. ودخل فيها .. وشغلها .. في اللحظة الليقرّب مني سعود أكثر .. وحط يده على راسي ... ووصلني صوته القريب مني مرررة ...

سـعـود : الله أرحم بعباده من أمهاتهم .. لـو كان ابوك يختار اليوماللي يموت فيه .. كان بيأخره قد مايقدر .. وكأقل تقدير الى أن تكبروون يعني ولوشوي .. من رحمته بكم ... صح ولا لا .. لـكن ربي أرحم بـكم من أبوكم .. فلازم تدريأنه يموت في هالوقت .. أرحم من أي وقت ثاني ....

مع أن لـو تفتح عمل الشيطان بـس كنت ابي اشرح لـك ...

اذكر الله ياعبدالعزيز اذكر الله .. ربي ارحم بعباده ...

بهدووء رفعت راسي وأنا احاول امسك نفسي تمتمت بـ : الحمدلله .. الحمدللهعلى كـل حال ...

ابتسم لي سعود رغم ألمه : ما يموت اللي ترك خلفه رجّــال ... [ نزلراسه وبهدووء ] .. الله يرحمك ياعمي ...

الله يرحمك يا ابوي ..

الله يرحمك يا ابوي .. ويرحمنا برحمته ....

يارب ارحمنا برحمتك يا أرحم الراحمين ...

تنهد عبدالرحمن ثم تمتم : الحمد لله الذي لا يحمد على مكرووه سوااه ...

تنحنح سـعـود .. وقال بابتسامة : عبدالرحمن .. ماورد عن الرسوول صلىالله عليه وسلم .. هذا اللفظ .. حتى تحس أنـه اوب حمدلله .. بالعكس تحس فيه احتجاجعلى القدر أكثر من الرضاء بقضاء الله وقدره ...

والرسول عليه الصلاة والسلام كان اذا اصابه ما لا يحب يقول : " الحمدللهعلى كل حال " .... [ ثم ختم كلامه بابتسامة عريضة ..]

ابتسم عبدالرحمن برحابة .. وقف سيارته عن بيت أمـي لطيفة ..: الحمدللهعلى كـل حال ... دحدر بـس ...

سـعـوود : ههههه .. إن شاء الله .. [ ونزل ..

وأنا كذلك فتحت الباب .. ثـم نزلت .....

يااربي لك الحمد ياربي لك الحمد .. يااااااربي لك الحمد ...

*

*

*

26-12-11, 07:43 AM

المشاركة رقم: 29

المعلومات
الكاتب:	اسطورة !
اللقب:	ليلاس متالق

البيانات
التسجيل:	May 2011
العضوية:	224710
المشاركات:	3,261
الجنس	أنثى
معدل التقييم:
نقاط التقييم:	1223

االدولة

مدونتي

الإتصالات
الحالة:
وسائل الإتصال:

كاتب الموضوع : اسطورة ! المنتدى : القصص المهجورة والغير مكتملة

ـــــــــــــــــــ

اليوم: السبت ..

المكان: صالة بيت امـي لطيفة ..

الوقت: الرابعة مساءً ..

ـــــــــــــــــــ

(شـذى)

نزلت نظرتي المنكسرة للأرض ... عشاني ما أبي أشوف عبير .. الموهومة .. الليللحين أووب مصدقة ... على أن الأجواء حولها ... ووضعية الكـل .. والدمووع .. والغبنفي وجيهنا .. وكل شيء كل شيء يثبت لها ... أن أبـوي الغالي رحـل ... أبـوي .. الليعنده عبير بالدنيا .. رااح .. الله يرحمه برحمته ... والله يغفر لـه .. الله يسكنهفي عليين ..

آآخ الله يعينها وبس ...

رفعت عيوني لأمي لطيفة لما سمعتها تناديني ..

تقدّمت لها ومسكتها ..

مشينا الى ان دخلنا بالصالة ..

أمي لطيفة ..: يـمة شذى ليه تركتي الحريم وجيتي هنا ... جايين لـتسيعزونتس ... وأنتي تاركتهم ...

نزلت راسي .. وأنا اقدر ارفعه عقب أبـوي ..

بهدووء : جيت أشوف عبير ...

امـي لطيفة : وعبير وينها .؟؟

شذى : هذي هي هنا .. عبير تعالي سلمي على أمـي لطيفة ...

تحركت عبير ببلادة .. بـ عكس أمس وقبل أمس والأيام اللي راحت .. لماكانت تتحرك بنشاط .. وكنها نحلة ...

سـلمت عبير على امي لطيفة وحبتها على راسها بهدوووء ...

أمـي لطيفة : لا هذي أووب عبير .. هذي وحدة ثانية .. تلعبين علي !...

التفت لـ عبير .. طالعتها وكني أقول .. اثبتيلها ياعبير انتس عبير ....

عبير تجمعت الدمووع في عيونها .. نزلت راسها ... ومازالت يدها في يـدأمي لطيفة ...

وبصـوت متهدّج : الا يايمة .. أنا عبير ..

أمي لطيفة : أنتي عبير .. بس .. أووب عبير محمد .. عبير محمد غيير ...

سحبتها أمي لطيفة لحضنها ...

وأخيرا .. طلعت اللي في قلبها وصاحت ....

التفت عنهم وأنا ما أبي أشوف المشهد المؤلم هذا .... عبير تصيح .. وأمـيلطيفة على وشك ...

من صوتها ماقدرت امسك نفسي .. وصحت .. لأول مرررة .. من عقب صيااحي فيالمستشفى .. لأني عقب ماشفت أبووي .. وصحت .. خلااص كني طلعت اللي في قلبي ...

وماصحت الا ألحين ..

حتى عماتي يوم عزّنـي .. ماصحت ... كنت قـوية .. الى أن ابكتني أختيالصغيرة ...

ما أحد يتصور .. كثر الألم اللي كنت أحسه لما أشوفها .. موهومه ومهمومه... وأحس اني حزنت لها أكثر من حزني علي ....

كنت ودي افهمها .. وودي تستوعب .. خلاص يكفي دقايق تعيشها ضايعة .. بينالصدق .. وخيالها ....

بـزر .. وألمها أكبر منها .... الله يعينها ..... لا أمـ .... ولا أبـويداريها .... ياارب ارحمها برحمتك هالبنت ...

يارب ارحمها .. يامن رحمتك وسعت كـل شيء ...

الله يعينك على هالدنيا ياعبير ....

حاولت اكفكف دموعي ....

بعد ما غاب اللي شوفته بس .. تفرج أساريرنا ..... صرنا حنا اللي نكفكفدموع بعض ...

التفت وجلست عند امي لطيفة ... اللي بحضنها عبير .... اللي غرقتبدموعها ... وصوت صياحها طالع ...

يرحم زمان أوول ..

ماكان أبـوي يحب يسمع صوتها زعلانه .. وشلوون عااد وهي تبكي علييه ... فاقدتهأكـيـد .. وفاقدة حنانه .. ودلـعه .. وحبه لها .. حتى لـو يكون أبونا قاسي علينا ..بنفقده ...

سمعت صوت عمي ينادي ...

قمت لـه ..

عند الباب عمي ناصر معه صينية فيها كاسات مويه الجاهزة .. فاضية .... بعضهامراكبينه فوق بعض .. وبعضها مفكوك نصف القصدير وبعضها القصدير مكّور ومرمي في نصالكاس .. وبعضها في نصه مويه ... آخذت الصينية منه ..

عمي ناصر ..: وش أخبارتس يا بنت أخوي ..

ابتسمت اطمنه : الحمدلله ...

عمي ناصر بذات الاهتمام : وش أخبار عبير ..؟؟

طالعته بألم : مثل ماتسمع ...

عمي ناصر منصدم : هذاا صووت عبيير ..!!!!

هزيت راسي بألم .. وكمل أسألته .. : اقدر ادخل ولا فيه أحد ...

وانا التفت ماشيه لما خلص اسأله : لا مافيه الا امي لطيفة ..

عمي ناصر : أحس أنتس ارجهنيتي يوم سلمتي على أبوتس ..

ابتسمت تأكيدا على كلمته ..

وقبل لآرووح للمطبخ .. سمعت أمـر منه : حطي كيسان جديده همااه ..

شـذى : ان شاء الله ...

رميت الكيسان المستخدمة في الزبالة بعد ماكبيت الموية اللي فيها ... وفتحتالكرتون الموجود على الطاولة .. وبديت اصف الكاسات فيها ...

في الشتا .. والناس تشرب ماء بهالكـثر ...

ماشاء الله وبـس ...

طلعت بالصينية بـعد مامليتها .. وحطيتها على طاولة الصالة .. اذا خلصعمي مسلم على أمي لطيفة يآخذهن ...

عمي ناصر يرفع نفسه .. ويأخذ كاس .. فتحه .. ومـدّه لـ عبير ...

عمي ناصر : عبير خذي اشربي .. ولايضيق صدرتس ... حنا كلنا عندتس ماراحنخليتس ... تبين شيء .. كل عمانتس تحت أمرتس .. وخوالتس أووب مقصرين عليتس أنتيوأخوانتس بـشيء أبـد .. ماعليتس لاتشيلين هم شيء ... عندتس أختس شذى .. اللي تبينهقوليله ولا تستحين .. حنا أهلتس ياعبير .... ترا كلنا ضايقتن صدورنا على أبوتس .. بسوش نسوي ... ماسوينا مثلتس ترانا .. وما نقول الا الحمدلله على كل حال .. وإنا للهوإنا إليه راجعون ...

أمي لطيفة رفعت بصرها المعدووم للسماء .. وهي تحاول تصبِّر نفسها علىشيء مدري وشو ...

أمي : ناصر .. مايبوون مووية الرججال ؟؟

ناصر يقووم ..: الا قمت اروح بـه ...

آخذ الماء وطلع ... التفت لـ عبير اللي كانت متسندة على أمي لطيفة .. وخااوية.. وهيئتها تقول أنها بتنووم ...

من قلبي .. اتمنى لها الراحـة .. الله يعينها بس .. قـمت ورحت للمجلس ..اللي كان فيه حريم ...

تقدمت وجلست جمب عمتي أسماء .. وأنا منزلة راسي وماكنت منتبهه للزودالموجودين ... الى أن فاجأتني وهي واقفة قدامي تسلم .. بسرعة صلبت طولي .. عـزتني ..وراحت ...

المفاجأة اللي سوتها لـي ذكرتني لما كنا بالمسجد .. فاجأوني حرمتين ...أصير أهوجس .. وهي فجأة من دون ما انتبه تنط تسلم .. على كـل حال .. الله يجزاهنخير ...

*

*

*

ـــــــــــــــــــ

اليوم: السبت ..

المكان: مجلس بيتنا ..

الوقت: الرابعة والـنصف مساءً ..

ـــــــــــــــــــ

( ناصـر )

وقفت لأجل أسلم على الثلاثة اللي جايين لتأدية واجب العزاء... كان أبوسعد .. وعياله .. عبدالله وسعد ... عبدالله اللي اعرس الاربعااء ...

امتلى المجلس بصوتهم وهم يدعوون ويعزووون ...

ابـو سـعد يسلم علي : لله ما اعطى ولله ما اخذ وانا لله وانا اليهراجعون ...اصبر واحتسب الأجر عندالله ..

جاوبت وأنا منكس راسي : جزاك الله خير ..

أبـو سعد : الله يغفرله ويرحمه .. ويجمعنا به في الفردووس الأعلىآآميين .. اللهم اجعل قبره روضة من رياض الجنة ...

كان يدعي وأنا اردد : آميييين ... آميييين .... آآميييييين ...

سـعد يسلـم : عظـم الله اجركم .. الله يغفر لـه ويرحمه .. ويسكنه فيعلييين .. اللهم ثبته عند السؤال ...

ناصر : آمييين .. آميييين .. آمييييييييين ... الله يجزاك خير ..

عبدالله : عظم الله أجرك وجبر ربي عزاك .. الله يغفر له ويرحمه ..

ناصر : الله يجزاك خيير .. آمييين .. آميييين ...

دخلوا وجلسوا .....

وبدوا يتكلمون في أخوي محمد .. كـ موال حفظناه .. أنـه رجال طيب .. ويرجالهكل خير .... والله يغفر لـه ..

آآمين ... جزاكم الله خير ...

هذا النموذج البسيط ... يدخل كـل ثلالث دقايق .. واحد .. بنفس الطريقة ...

أبو سعد وعياله .. مجرد مثال .. وبيقضي العصر على هالحال ...

الله يرحمك وبس يا أخـوي ...

... التفت لـ عبدالعزيز اللي كان جالس وحاط يده على خده ومنزل راسه ...وما استبعد أنه نايم ...

أنا وهو أنا فيني نـوم ... اتوقع حتى هو بعد فيه نـوم ...

قمت ورحت جلست جمبه ....

سألته : فيك نوم ..؟؟

رفع راسه وحاول يركـز : همممه ...

عدت كلامـي : فييييك نوووم ؟؟؟ ولاا عاادي ...

عبدالعزيز : فيني نـوم بس .. عااادي ... بعد العشاء نحااول ننوم ....

هزيت راسي : ان شاء الله ...

طاحت عيني على رجله اللي مادها شووي ..

سألته وأنا ارفع ثوبه عن باقي الجبس : شخبارها رجلك ...؟؟

عبدالعزيز : الحمدلله ...

لفت انتباهي شخابيط زرقاء .. على الجبس الأبيض ... اوووب شخاابيط .. مطووية.. محاضرة كاملة .... مدري منهو ذا اللي ما صـدّق يمسك القلم ....

رفعت نفسي بشوفها .. وأنا اسأل بفضول : من اللي مشخبط ؟؟

سحب عبدالعزيز رجله .. وابتسم ابتسامة مغصوبة ... : شخابيط قديمة ...

التفت لـه وانا أستغبي جوابـه .. : أمسسسسس صاير الحادث متى أمداه ذااللي مشخبط يشخبط .. ومتى امدا الشخابيط تصير قديمة ..؟؟

تحولت ابتسامته لـ ابتسامة متألمة .. : الحادث صار قديم .. لأن فيه شيءأجدد منه ....!!

سبحان الله ... سحبت نفس .. لعلَّ صدري اللي ضاق يـتوسع ...

حاولت أكمل سواليف وأحاول أخلي الوضع ايزي ...

ناصر : طيب بس قلي منهو ...!!

ابتسم وكن ابتسامته تهمس ( يا لقفك ..!! )

جاوب عشان مايتعرض لـ حنة واحد ملقوف .. بهمسة متألم : أبــوي ...

كانت نبرته هادية ... وكنه يقوول في نفس الوقت ... ارتحت يووم عرفت ....!!

ماكنت متوقع ولا واحد بالمية آنـه يكون أخوي محمد ......

سـكت ... حسيت أنه ماكان لـي داعي يووم اسأل ....

بس تملكني فضوول عجيب أني ادري وش مكتووب ..!!

لـكني احترمت نفسي ... وقمت عنه .. أصرف لـي .... و لـه ...

26-12-11, 07:45 AM

المشاركة رقم: 30

المعلومات
الكاتب:	اسطورة !
اللقب:	ليلاس متالق

البيانات
التسجيل:	May 2011
العضوية:	224710
المشاركات:	3,261
الجنس	أنثى
معدل التقييم:
نقاط التقييم:	1223

االدولة

مدونتي

الإتصالات
الحالة:
وسائل الإتصال:

كاتب الموضوع : اسطورة ! المنتدى : القصص المهجورة والغير مكتملة

*
*
*

******
******************
************

..................¦[ تقرأون في الورقة الرابعـة ..
-----------------¦[ .. ويـمضْ ـي الـ عُ مر ~

•• فيصـل يمشي ويجي قدامي : حنا كلنا ترانا ضايقتن صدورنا ... لا تضيق صدورنا عليك بعد ..

•• رد عليه وهو ينحني يجمع كتبه : حمار فـ عيني ... وغزال فـ عين أمك .. وثور في عين أبوكك .. في النهاية .. لازم تدري ... أنك حديقة حيوانات متنقله ...

•• بـقدر ألـم المشهد اللي شافته عبير .. كان ألم المشهد اللي شـفت فيه عبير أكـبر ....

..... - انتظـرونـي ..- .........]¦
*
*
*

**
*
ألقاكم ... مع الورقة الرابعة بـ أحداث دراسية بإذن الله ..!!
.......
.................................................إ ِمضاءْ ...
.............................................[كُتلَـةْ جُــرُووح || ...

*
*
*