تفتح الرواية ~_~ ..

................................. |[•• الــورقــة السادسة عـشـر ..! ]|
------------------------------[ .. كل شي ٍ في غيابك ضايق ٍ ودّه يضمّك ... ~



ٺڪَفـى وش آسبآب آلغيْآب آلمفآجئ
آلليْ ذبحِنيْ دون غلطه وزلــــــہ



******
******************
************


*
*
*
ـــــــــــــــــــ
اليوم: السبت ..
التاريخ: 24 / 6 / 1426 هـ ..
المكان: صالتي ..
الوقت: بعد صلاة المغرب ..
ـــــــــــــــــــ
(عبدالعزيز )
توني جاي من المسجد ... تعبت وانا اقوّم ابراهيم من نومه ولاقام .. عاد رحت وخليته ..
دفيت باب الغرفة اللي قبال غرفتي .. تعتبر الصالة حقتي ..
توقعت بلقى ابراهيم مازال على الكنب نايم .. بس تفاجأت وانا اشوفه يصلي ..! ياحليله قام ..
رحت لغرفتي .. آخذت جوالي .. وفصخت شماغي والطاقية ..
رجعت له .. كان في التشهد الآخير ..
سلم عن يمينه بس ماسلم عن يساره زين .. كان يلتفت بكل جسمه تقريبا ... ويوم خلـص ..
خذ السجادة طواها ورماها على الكنب .. وحط يديه على رقبتـه وصرخ : آآآآآآآآآآآه ..
غصب عني ضحكت : وش فيك !!
ابراهيم : آي آي آي آي ..آآآآي ... رقبتي يآخي .. كنبك بايخ ..!
مسكت ضحكتي بقوة .. هههههه .. محد قالك ترقد عليها ..
ابراهيم يطالعني بنص عين : اضحك اضحك لاتخلْيَه في خاطرك ..
ماقدرت عاد امسك نفسي عقبها : هههههههههههههههههههههههههه .. والله محد قالك ارقد على الكنب !!
ابراهيم ويده على رقبته ويميل راسه لتحت يمين ولـ تحت يسار ..: ان شاء الله شوي وتهجد .. بس ماعاد بي حيل التفت .. ياليت احد يخليني التفت غصب كود تطق !!
عرضت عليه خدمة : وش رايك اطق بها لك !!
ابراهيم مكشر : تخيل أنت بس !!
رفعت كتوفي : آز يو لايك !!
ابراهيم منقرف : يوووووووه .. ذكرتن عمي ناصر .. اذا جا يتفلسف !!
عبدالعزيز : ههههه ..
ابراهيم : الا على طاري عمي ناصر .. وين شقتُه بُه .. نروح نهبله !!
عبدالعزيز : ان كان فيك حيل طلعة .. بنروح عند عبدالله .. متصل العصر وقلتله انك نايم .. قال خلاص اذا قام تعالوا ..!
ابرهيم يمشي طالع من الغرفة : يله .. نروح يتطنزون بي .. مع رقبتي الجميلة !!
طلعنا للحوش ..ابراهيم يووم شاف سيارته تذكر شيء .. : يووووه ..
سكت ما سألته .. اتوقع معه وصاة من اهله لأحد .. أو من أحد لأخته .. تقدمت لسيارتي ... وتسندت عليها انتظره يخلص ..
اما هو راح لسيارته .. فتح الباب حق المرتبة الثانية ..وبدى يفضي سيارته ويجمع الاغراض اللي فيها .. وهو يسألني : وش احسن ورشة عندكم بالرياض !!
سألته وانا متكتف : ورشة سيارات يعني !!
ابراهيم عقب ماكان منحني لداخل السيارة .. طلع وصلب طوله وطالعني : لأ .. ورشة بشر !!
استغربت مافهمت له : بنشر !!
ابراهيم احس انه يصبر نفسه : صديق .. ورشة .. ورشة ميكانيكا ..! ركز معي الله يخليك ... [ وبدا يستهبل وهو يطلع كيسه من المرتبة الثانية ].. وولااا نخسر بعض ..!
غصب عني ضحكت : ههههههههههههه .. والله ياعليك طلعات ..! اجل اذا ماركزت بخسرك !! ههههههههه !!
ابراهيم يتكلم بجد : لا والله صدق ياعبدالعزيز .. اذا دردع موترك وين توديه له ..!
حكيت راسي .. : في ورشة هناك .. بآخر الشارع مناك .. قدام صراف الراجحي ..
ابراهيم : ماعلي وينهي به .. زينة ولا لا !!
جاوبته : الا زينه شغلهم نظيف ..
ابرهيم يطلع كل اغراضه : طيب خلاص ..
راح دخل اغراضه للملحق لأنه الاقرب .. وجا : اسمع انت امش قدامي الى ان توصلني الورشة .. اذا حطيت موتري بالورشة بجي معك هاه ..
هزيت راسي .. ورحت اركب سيارتي ..
طلعت بسيارتي للشارع ووراي ابراهيم ..
وصلته للورشة .. وحولت معه .. تفاهمنا مع صاحب الورشة ..
وركبنا سيارتي .. مشينا لـ بيت امه سارة .. على قولة يعني ...
وقفنا عند بيتهم .. ودخلنا مع بابهم المفتوح .. وكان في الحوش عبدالله يكلم واحد من البزران كان جايزله ..
يوم دخلنا وقف لنا يسلم ...

*
*
*




*
*
ـــــــــــــــــــ
اليوم: السبت ..
التاريخ: 24 / 6 / 1426 هـ ..
المكان: الملحق ..
الوقت: 6:35..
ـــــــــــــــــــ
(عبدالله )
بعد ماسلمت عليهم ..
وسلم عليهم عبدالملك وباقي الموجودين في الملحق ..!
ابتسمت وانا اشوف ابراهيم : صح النوووم ..!
ابراهيم وهو يجلس جمب محمد : الله يسلمك .. آآآخ ..
غصب ضحكت : هههههه .. أقوله صح النوم يقول الله يسلمك ..!
عبدالعزيز بابتسامه : لا تشره .. من عقب صكة القايلة .. ماعاد نلومه لاقال شيء ..!
محمد مستغرب : اي قايله ..!
قعدت جمب ابراهيم وانا اسمع عبدالعزيز وهو فيه الضحكة : طنقققر من القعدة في بيتهم .. هههههههه .. ويوم كلم سعود قاله هههههههههه .. رح للرياض .. ماااصدق .. ههههههه .. في حزتها مسك خط !! والله لو يدري عنك ..!
ابراهيم يبرر : سعود لو يقولي وشو .. طعته ..!
عبدالله : انا اهقى انه يستهبل .. يعني ما اعتقد انه جاد يقولك رح للرياض .. ومالك الا سنة مآخذ السيارة وبروووحك .. لو معك احد يمكن ..!
ابراهيم يبرر جيته أكثر ووهو يطالع قدام : أصلا حتى لو قال لي انه يستهبل .. بجي ولو .. لأن الفكرة جازت لي عن جهدي .. وأساسا قعدتي ببيتنا .. خطر علي وعلى امي وابوي ..
عبدالعزيز كنه عارف السالفة : ههههههههههههه !
ابراهيم يشكي : تخيلوا قسم بالله .. الوضع مزري .. الخميس الفجر بعد الصلاة مشى سعود لمكة .. أنا نمت على طول .. الظهر امي تقومن للصلاة .. على طول قمت .. مستنكر هههه .. حرمة تقومن .. متعود سعوود اللي يقومن !! المهم الخميس

قعدت كله اوسع صدري والعب سوني .. اليمن ثنتين بالليل .. ونمت .. يقومنن للفجر .. لاحياة لمن تنادي .. ماقومن الا سعود يوم دق .. فووق الست !!
عاد بالعصر امي تقولي ابراهيم نم .. قيّل .. وانا العب سوني : ابشري الحين .. دقيقة بس .. المهم انه عقب المغرب قالت لي قم جب من البقالة مدري وشو .. ويوم جبته له .. قالت متى تنوم .. اووب الفجر عااد تشيب روسنا ماقمتَ تصلي .. قلت
عقب الصلاة ..! وانا حاط ببالي بلعب كم شوط بالسوني .. بس قبل اوصل الغرفة اسمع المذن يتنحنح .. قسم الدعوة بطرف لساني من القهر ..! عاد رحت طفيته غصب ورحت اصلي ونمت .. والجمعة مقومن ابوي من 9 .. يوووووخ .. يبه .. حرام
عليك عطلة حنا .. والله وو مايردن عن النوم الا خط الرياض ..! ههههههههه !!
عبدالملك مستنكر : وبس .. جاي للرياض تنوم ..!
طالعت ابراهيم وتلكمت اقصد بكلامي عبدالملك : ناقد عليك ترا ..!
ابراهيم : هههههه والله وياليتني مانمت ..
عبدالعزيز : هههههههههههههه !!
حسيت ان فيه شيء ..
سألت : ليه !!؟
ابراهيم : عبدالعزيز لاتعلم ..!
عبدالعزيز وهو منزل راسه وهو وده يضحك : ابشر !!
ابراهيم يصرف : يوووه عاد بيتنا .. ماينطاق من دون سعود .. وذا البايخ متى ناوي يرجع ..! مطووول !!
قربت زمزمية القهوة وبديت اصب .. الفنجال الاول للي على يمناي ..
مديته لابراهيم اللي يسولف وأوووب يمي : سم ..!
ابراهيم يسولف وهو يطالع خالد وعبدالملك اللي قدامه : عاااد الله لايوريك .. الضغوط مرتفعة بذاك .. لا انا انفع معهم ولاهم ينفعون معي !! لازم حلقة الوصل تكون موجودة !! كننا جارات .. والرجل عاد رااح ههههههه ..
يشرله خالد براسه لـي .. يعني خذ الفنجال ..
وانا كنت ساكت وصابر الى ان ينهي سالفته ..نزل راسه وهو يديره ناحيتي على خفيف .. حط يده اليسار على رقبته من ناحية اليمين .. وهو يمد يمناه يآخذ الفنجال .. تألم بما فيه الكفاية .. آخذ الفنجال وهو يتألم : آآآآخ .. ياخي وراك على يسراي ..!
حاولت استوعب : ليـه ..
انتبهت لـ خالد كاتم ضحكته .. بديت استوعب ان رقبته توجعه مايقوى يلتفت ..!
ابراهيم يحط يده على رقبته : آآخ والله يعور ..
ابراهيم يكمل سواليف : عاد احس اني صاير دلوع بزوود .. بس ماعمري الحمدلله صخنتني أو جاني شيء الحمدلله ..!
عبدالملك : وشكلك بعد ماعمرك سكت !!
ابراهيم فهمها على كيفه مع انها تجي سبة بس خلاها شكل ثاني : ايه هههههههه .. ملاحظ أنت .. ههههه .. هذا اللي قلته ترا المفروض اقوله بالتقسيط .. بس سعود راح لمكة .. وسكت مالقيت احد اتكلم معُه .. احمدوا ربكم .. [ويأشر على
عبدالعزيز] .. هذا مسيكين ماقدر ينوم من سواليفي !!
محمد مبتسم : سبحان الله .. ماتنفع بدون سعود ..
ابراهيم يأيده ونظرته مازالت لـ قدام : آآآبد .. هههههههه والله انه هالبايخ نفع من دوني .. هذا اللي قاهرني ترا ..!
سألته : وش عنده سعود رايح لمكة ..
كان سؤالي مفاجئ لدرجة انه ماقدر يصرف .. ولا قدر يجاوب يمكن لأن الملحق تقريبا مليان ..!
آخيرا جاوب بمطة شفايف علامة انه مايدري ..!
دخل بدر : اووه مـاشاء الله زدتوا ..
سلم علينا ووقف له ابراهيم .. سلموا على بعض وجلسوا ..
بدر : فاتك يا ابراهيم تو كنا مشغلين الفيديو ..!
ابراهيم يطالعه من آخر عينه .. وهو منزل راسه شوي : مافات الا الشر .. وش شفتوا طيب !!
بدر مستغرب : ابراهيم طالعني عدل !!
ابراهيم طالع قدام : ليش أنا اطالعك ظلم ..!
بدر يجاريه في هباله : ايه .. تظلمني بهالنظرات ...!
ابراهيم : أووف ههههههه .. احمد ربك انك تقوى تطالع اللي حولك عدل ..
بدر استوعب .. شهق : هيييييييي ... رقبتك توجعك هههههههههههههه !! على بالي بس البزران توجعهم ارقابهم ..!
ابراهيم يصررف يمكن : اسمعني .. ترا بكرة نبيك تشغل لنا الفيديو .. اشتهيت اشوف شيء بصراحة ..!
بدر : ايه انا بكرة ان شاء الله بجيب معي مسرحية .. عاد تعالوا أوب ندق عليكم !!
ابراهيم : لا خلاص ماعليك ..!
وكملنا سواليف وخرابيط مالها سنع !!
*
*
*

*
*
*
ـــــــــــــــــــ
اليوم: الأحد ..
التاريخ: 25 / 6 / 1426 هـ ..
المكان: غرفتي ..
الوقت: بعد صلاة المغرب ..
ـــــــــــــــــــ
(عبدالعزيز )
ارتفع ضغطي الا شوي من هالجهاز .. وذا الابراهيم ماعرف له شكله ..!
ضغطت موافق وانا خلاص يأست وانا اقرا الكلام المكتوب في هالنوافذ اللي تطلعلي مع كل اجراء اسويه !!
متعب نفسي اقرا ومافيه الا خيار موافق .. مع ان الكلام المكتوب انقليزي بس تضغط زر مكتوب عليه موافق بالعربي يعني !!.. حلوها أنتم !!!
امس ابراهيم رقد في بيت امه سارة على قولته .. بس تغدى معي انا وعبدالرحمن اخوي ..!
انفتح باب غرفتي ودخل .. مبتسم ..
كنت اطالعه بس ناداني : عبدالعزيز ..!
مستغرب منه .. وش السالفة !! .. : نعم ..!
بنفس ابتسامته التفت يمين ويسار باريحية ..
ماكان فيني خرشة عشان اسوي حركة له ابين اني فرحان .. هههههههههه ضحكت اقل شيء سويته .. ضحكت فرحان والله ..
تحمدت له بالسلامه ..
وجاوب : الله يسلمك ..
جا وآخذ جهازي .. وهو يسأل : وش عندك ..!
اشرت له على ايقونة برنامج : شف هالبرنامج رافع ضغطي ..!
ابراهيم وهو يطالع الأيقونه : ياامخك ياولد عمي ..! ذا اغبى الاغبياء مايحمله ..!
استغربت : هذا برنامج حماية ..!
ابراهيم منصدم ووو مستغرب وكنه متورط : مستححححححيل هذا برنامج اسمه حاميهااا حراميهااا !! على قولتكم !!
طالعته ابي افهم : وش يعني ..!
ابراهيم كنه هدا شوي وراح يحذف البرنامج ومدري ايش : احمل لك الحين اقوى برنامج حماية ..! [ خذ نفس وبدى يشرح لي ] هذا البرنامج اكتب اسمه في قوقل .. بتلقى الناس تشكي منه .. انت ما لاحظت انك من حملته وأنت منحاس ماعاد يفتح لك ولاشيء ..!
انصدمت من الحوسة اللي في جهازي : بس هو يطلع نوافذ يقول فيه فيروسات .!
ابراهيم : يعللم على روحه ..!
عبدالعزيز : طيب وش بنسوي الحين !!
ابراهيم يشتغل على الجهاز وهو يسولف : تصدق ذكرت سالفة قديمة .. ان واحد بلجيكي له اكثر من عشرين سنة يروح لألمانيا عبر الحدود بدراجته الهوائية ومعه شنطة .. به رمل .. وكل يوم يفتشونه حاسين انه يهرب شيء .. بس مايلقون الا رمل .. بعد
العشرين سنة يقول [ تكلم بلهجة فصحى ] كانت حتى زوجتي لم تعلم اني بنيت ثروتي من تهريب الدراجات الى المانيا .. [ ويوجه خطابه اكثر شيء لي ] شفت وشلون التمويه .. ماخذ رمل عشان يموه لهم .. يعني تحس نفس الشيء قالوا لك برنامج
حماية وهو برنامج فيروسات ..
سكت منقهر من نفسي ..
كمل ابراهيم وهو يتكلم بقهر : يعني الحين محمل برنامج .. طيب وشو ! زين !!؟ شين !!؟ ولا وش يسوي ومايسوي ..!
كمل وهو يعطيني تحذير : شـف أنت ماراح تتعلم الا لما تنقرص .. زين انه جت على تسذا .. الحين برنامج ولا تأكدت من صحته وشف وش سوى .. وهو حيا الله برنامج .. طيب تخيل انه معلومة .. كلمة أو قصة لصحابي .. حديث عن الرسول صلى الله
عليه وسلم .. وش بتسوي وانت بحسن نية تنشر حديث او قصة مألفه يهودي أو مدري مين .. تخيل انك تساهم في نشر فساد .. عبدالعزيز .... متخيل أنت ان العالم هذا كله مشارك في خلطة النت .. يعني فيه الصالح والطالح بس انت لازم تتأكد قبل
تستخدم اي شيء .. واحمد ربك انه جت على كذاا ..!
هزيت رأسي وانا احاول استوعب : الحمدلله ..!
ابراهيم يعيد تشغيل الجهاز : الحين انا حذفته .. وفيه اشياء اتوقع انحذفت ..! بس اسمعني بحمل لك الحين برنامج حماية فيما أنت ياا [ بابتسامه ] قلبي تروح تشوف سيارتي .. اتوقع خلصت .. تراي متعطل بأقوى ما أقوى !!
قمت : خلاص .. انا امر الورشة ..
طلعت من الغرفة .. وانا افكر في كلامه .. صادق ياما ناس تنشر في ذا النت ..! وانا ياغبائي بعد على طول احمل وبس ..! على قولته الحمدلله انها جت على كذا !!
رحت للورشة .. كلمت صاحبها عن السيارة .. يقول تعال بكرة الصبح تلقاها خالصة .. يالله مايخالف ..
رجعت للبيت .. وانا أحس مابقى على الاذان الا نص ساعة بس ..!
وقفت سيارتي برا .. دخلت البيت .. دخلت قسمي وانا اسمع ابراهيم يتكلم .. وقفت خفت اخته عنده مثلا ..
ابراهيم : .. مفاجأة !! ............. لا تستهبل تكفى ..! [ وباستغراب ] امي بتقولي ..!!! أنا اصلا في الرياض .............[ رفع نبرة صوته شوي مقهور] سعود تكفى لاتخليني اعصصب ..!
أووخ اشوى يكلم سعود يعني بجواله ..
دخلت وجلست جمبه اشوف وش سوا بالجهاز ..
ابراهيم يتكلم بقهر : لا ازعل عليك تكفى ... .. سعود لاتقهرني ....... [ قال بلهجة حازمة ماتحتمل نقاش ] اسمعني اذا زهمتَ ومارديت لا تستغرب .. ولاتستغرب اذا انا مازهمت عليك من الاساس .. لأني خلااص مااععاااااااااد فيني ..! والسلاام
عليكم .. [وسكر السماعة ...!
رمى الجوال وحط يدينه على رأسه ..!وهو منقهر : أوفففففففففففففففففف ..!
استغربت وخفت في نفس الوقت .. : وش فيه !!
ابراهيم يعطيني الجهاز : يرففع الضغط قسم بالله يقههههههههههر .. يستهبل في امور ماينلعب به ..
ابراهيم وكنه يشكي : عبدالعزيز .. تذكر يوم اقولك اني ادري ان فيه شيء ..! رحت سألته وحجرت له اليمن آخر شيء قالي .. فقر دم .. أنا سكت وبلعت التسذبة .. اتحراله يجي يقولي يوم من الايام الحقيقة باي تصريفه منه .. بس للحين ماقالي تخيل
..!
قرب مني اكثر وهو مقهوووور : تدري ليش هو رايح لمكة ..! راح لأنه مصخخن ويبي يطيب ..! راح يشرب موية زمزم ...[ قال بقهر اكثر ] راح .. راح ما ادري وش تفكيره بالضبط ..
قام واقف : والله العظيم انه للحين قاهرني ..!
بلل شفايفه وهو يبلع ريقه : تدري امي وابوي يدرون .. أسأل امي تقول .. سعود ماقالك ..اقوله لو سعود قايلي ماجيت اسألتس .. تقول رح اسأله أووب هو صديقك !! طيب مدام انه صديقي على قولتكم علموني وش فيه .. قسم بالله وقوع البلاء اهون
من انتظاره ..
وطلع من الغرفة .. وانا اطالعه منصدم كل ذا في قلبك ..!
سكرت الجهاز .. وقمت .. ما ادري وش اسوي ..! رن جواله اللي كان على السرير ..!
رفعته وكان مكتوب : عبدالله . خ
استغربت .. من هذا .. بس حلو ان جواله رن عشان القاها حجة اني ادوره .. طلعت من الغرفة والجوال معي .. بس سمعت صوت الموية في الحمام ..
رجعت للغرفة .. وتركت الجوال ..! ما ادري وش اسوي ..
طلع من الحمام وهو متوضي .. دخل الغرفة و سألني : من االلي زاهم !!
رفعت كتوفي دلاله على ما ادري .. سألني مرة ثانية : وينه !؟
آخذته من على الطاولة ومديته له .. خذه مني وهو يحوس فيه ..
*
*
*


*
*
ـــــــــــــــــــ
اليوم: الأحد ..
التاريخ: 25 / 6 / 1426 هـ ..
المكان: غرفتي ..
الوقت: 7:33 مساءً..
ـــــــــــــــــــ
( ابراهيم )
ضغطت الزر الاخضر عند الاسم ( عبدالله . خ ) اللي كان موجود عنده رسمة سماعة عنده سهم منلوي احمر ( يعني مكالمة لم يرد عليها ) ..
حطيت الجوال عند اذني .. وانا طالع من الغرفة للحوش للشارع .. للمسجد .. في طريقي رد عبدالله ..
عبدالله : هلااا ..
وانا مالي خلق : السلااام عليكم ..!
رد : وعليكم السلام ..!
سألته وانا نفسي بخشمي : وش عندك متصل !؟
جاوب : آآ .. كنت بقولك وينكم يعني ...! متواعدين امس نجتمع ...!
ابتسمت : ايه بنجي ان شاء الله عقب الصلاة ..!
عبدالله : مسوين فيها معزومين .. تعالوا من بدري عادي يعني ..!
استهبلت عليه : لو هي علي كان جيتكم من العصر بس مامعي سيارة انا وانتظر خويك البارد !!
عبدالله صدّق هبالي : امرك اجل ..!
ابراهيم : هههه .. لا لا استهبل عليك .. احترونا عقب الصلاة ..!
عبدالله : طيب .. خلاص اجل .. مع السلامة ..!
ابراهيم : مع السلامة ..
ونزلت الجوال وسكرت الخط .. حطيته على الصامت .. وحطيته بجيبي ..!
دخلت المسجد اول واحد بعد المذن اللي توه فتحه ..
صليت ركعتين تحية المسجد وهو يأذن ..!
وانا احاول اوسع صدري شوي .. رفع ضغطي سعود مررة .. الله يسامحه ...
وبعد عبدالعزيز .. يوم يعطيني جهازه .. يقول شغل لي البرنامج .. يووه ذاك البرنامج ما ادري كيف الناس يكون عندهم قدرة في مجال معين .. يسوون شيء يضر ما لا يفيد !!
وين ضميرهم !! بس كان البرنامج كله انقليزي .. يعني اللي مسويه أووب عربي ..
مع انه مدري وش دخل هالسالفة .. بس الحمدلله ...
مشى الوقت اقرى قرآن .. ان كنتوا ماتدرون اقولكم .. سعود مستلمني .. يبيني احفظ القرآن .. آمم الحين وصلت سورة الزخرف .. حفظ الحمدلله ..
أقاموا الصلاة .. صلينا ..!
بعد الصلاة .. طلعت من المسجد ..
احوس ادور نعالي .. يوم لقيتهن مشوتتات .. رحت لبستهن .. يعني لازم اجي آخر واحد واطلع اول واحد عشان ماينلمسن نعالي ..
طلعت برا .. كنت ناوي ارجع البيت مشي .. بس طلعلي من ما أدري وين عبدالعزيز ..
عبدالعزيز بسيارته : هاه .. تركب نروح لـ عبدالله .. يحترينا تراه !!
طالعت السيارات اللي رايحة وجاية ..: والله اروح مشي اصرف لي من زحمات الرياض .. اوصل ابكر ..!
عبدالعزيز : تحدّى ..
ابتسمت لـه متحدي : اتحدى .. اللي يوصل قبل وش له من الثاني !!؟
عبدالعزيز : يعشيهم !!
حسيت بالغباااء يالله .. طالعته بخمول : طيب والثاني وش يستفيد ..
ضحك عبدالعزيز : هههههههههه ..
رفعت يديني : الحمدلله .. يضحك على نفسه ..!!
عبدالعزيز : خلااص يعشيهم على ان العشاء من الثاني ..!
ابتسمت .. أليمة تصير .. : خلااص ..!
عبدالعزيز : يلااا .. ولّم البوك ..!
هزيت راسي له : ان شاء الله ..!
مشى بسيارته ..
وانا مشيت .. يعني نحس بأن السيارة من جد تبي تصليح .. على طاري السيارة .. وش صار عليه !!
والله من المخ اللي بي وبك ياولد عمي ..!
مشيت ومشيت ومشيت .. الى ان وصلت ماقبل الحارة .. وبواري السيارات مازالت في اذني ..!
احس احيانا بغباء عبدالعزيز .. يعني مايدري ان الحين وقت الزحمات .. يعني اللي ماطلع طول اليوم بيطلع الحين !!
بس ما أحس انه غباء كثر ما احس انه على نياته .. او على قولتهم على وجهه ..
طلعت جوالي وكان فيه 2 مكالمات .. كلهن من سعود .. ورسالة ..!
فتحته كانت منه ..
: ( [ تعلن الخطوط السعودية الجوية عن أنطلاق رحلتها رقم 817 إلى مكة المكرمة في تمام الساعة التاسعة مساء بتوقيت الرياض !]
رحلتك هذي .. بسرعة الحق عليه .. )
سكرت الرسالة وانا اضحك .. مشكلة اللي مايعرف يكذب .. يعني من متى ومكة بـه مطار !! ابي افهم !!
وصلت بيت امي سارة .. تحمدت ربي ان السيارة الفورد السودا حقت عبدالعزيز أووب فيه ..!
دخلت وانا اطق الباب بالمفتاح .. صوت من الملحق عبدالله .. يعني ادخل .. دخلت الملحق ..
بدر : يلاا ابراهيم بنشغل المسرحية الحين !! ترااي أووب عايدها !!
هزيت راسي وانا اسلم : السلام عليكم ..
ردوا السلاام .. تقدمت ..
سألني عبدالله : وين عبدالعزيز ؟!!
اشرت على خفيف لورى : ورآآي .. بيجي الحين !
دورت لي انسب مكان .. قعدت به اطالع وانتظر وش بيعرضون ...!
*
*
*



*
*
*
ـــــــــــــــــــ
اليوم: الأحد ..
التاريخ: 25 / 6 / 1426 هـ ..
المكان: الملحق ..
الوقت: 8:45 مساءً..
ـــــــــــــــــــ
( عبدالله )
تراصينا كلنا قدام التلفزيون .. وبعضنا قدام بعض .. متحمسين للمسرحية .. شغلها بدر ...
: ×× فتح ابوهلال الباب .. دخل مكتبه .. وبدت تحية الجمهور ..
جلس على مكتبه : فلوسنا دحين كُلّها في السوق نبغى نْلُم الكاش دحيين .. بسم الله ... [ يدور في الاسماء ] ابو محمد .. ابومحمد .. [ يضغط ازرار التلفون ] اربعة سبعة .... [ ولا كمل .. الجمهور يصيحون عليه : كمل الرقم .. ××
ابراهيم : هذا هم الشعب السعودي ...
×× ابوهلال : ألو ...... ألو يابوي عطيني ابو محمد لو سمحت ........ ابوو محمد يااااا مسستدلخ ...... ايش ....... مافي عربي !! ... اي طيب طيب .... كيف ..!! ××
فجأة .. حسينا الشاشة صفت اكثر وطلع لنا محمد المقرن مذيع المجد ..
فهينا منصدمين ..
×× المذيع : بسم الله الرحمن الرحيم
الحمدلله رب العالمين والصلاة والسلام على اشرف الانبياء والمرسلين نبينا محمد وعلى اله وصحابته اجمعين ..
ايها الاخوة المشاهدون والمشاهدات ..
السلام عليكم ورحمة الله وبركاته ..
ومرحبا بكم في ....××
وقفه بدر منصدم ...
حاولنا نستوعب وش الوضع بالضبط ..
بدر مازال منصدم : لأ ....
أنا يوم استوعبت ان الفيديو مسجل عليه برنامج الجواب الكافي ماقدرت امسك نفسي : كــآآآآ هههههههههههههههههههههههههههههههههههههههه .. [ وانسدحت وانا اضحك ...
بدر مازال منصدم .. يوقف الفيديو : وش هذا ... مستحيييل ..!
ابراهيم يقوم واقف : ويعززم وترراي أأووب عايده ..! [ باستهبال ] تكفى تكفى عده عشاني .. ماشفته من أوله ..!
اما بدر منقهر ويهز رجله وهو متربع ..! وصاير كنه حارس مرمى جابوا فيه قووول في الدقايق الاخيرة !! والله غبينة ..!
على دخلة عبدالعزيز جاي من برا مبتسم بقووة .. مما نبهني ان حنا خونه وما انتظرناه : وش السالفة ..
ابراهيم يستهبل على بدر : تكفى تكفى عشان ولد عمي عده .. تكفى تكفى ..
بدر قافلة معه من القهر : ابراهيم مارقت لك ..!
وانا أأوب قادر اوقف ضحك : المسرحية على الطبيعة ..! ههههههههههههههههههههههاااا ..
ابراهيم يكلمني : هي أأووب من تمثيلك .. من تمثيل ذا اللي مسجل على المسرحية ..
عبدالملك يطق بدر على ظهره يحثه على القومة : قم .. قم .. خل نتوسع شوي ..!
بدر يقوم معصب ومقهور : أفف ...
ابراهيم يستهبل : أف ولا جي ...
بدر وهو يفصل الفيديو : غلطان اللي ناوي يوسع صدوركم ..!
أقوم واقف وانا احاول امسك نفسي من الضحك ..!
وامسكه : والله والله وسعت صدورنا ..!
بدر مقهور يطالعني : والله !!
نزلت راسي وانا اضحك : ههههههههه .. بدر بدر والله انك .. ههههههه ..
بدر : تحفه هاه .. اذا احد اسألك وش اطرف موقف مر عليك قل هالموقف ..!
ابراهيم يزووده : والله اذا احد سألني اقوى طيحة وجه ..! بقول هالموقف ..
بدر يفصل الفيديو من التلفزيون ويقوم يآخذه من على الطاولة ويفصله من الفيش ..
امسكه قبل يطلع : طيب اقعد تكفى عشاني ... أنت حاط في بالك أنك بتقعد هنا طول يومك .. سو اللي مفكر فيه ..
بدر ماكان ملتفت لي وطلع .. لحقته وانا امسكه غصب : تكفى عشاني يابدر .. عشاني أنا ولد خالك .. صدقني اذا طلعت ترا بتزعل صدق وبتكبر السالفة .. اسمعني اسمعني بقولك .. لو تطلع وترجع مرة ثانية على طول بنتذكر الموقف .. بس لو قعدت
الحين والله اهون لك .. وبعدين عادي كسبت موقف ..!
بدر طالعني وهو متردد .. سحبته : تعال تعال .. خل نلعب ونتقهوى .. ونوسع صدورنا ..
اول ما دخل استقعد له ابراهيم : أوووووووو ... ناظر وجهك للحين عند المركى ..!
بدر : خله في مكانه عشان مايصير لي عيون واشوفك ..!
خالد حسيت انه واقف ضد ابراهيم : أووووووو !!
ابراهيم ساكت .. كمل بدر : حااسب على وجهك .. لا يوطاه احد ..!
غصب عني ضحكت ..
ابراهيم : حاسب ولا كمبيوتر ..!
بدر يقعد وهو حاط الفيديو جمبه : حسافة ماشفت المسرحية ولا كان تعرف تضحكنا ..!
ابراهيم فيه ضحكة : هههه اي والله حسافة .. بس تصدق احسن .. ضحَّكت عبدالله .. اليمن بغى يصير شيء من تحت !!
عبدالعزيز يطق ابراهيم : هـــاي .. [ تكلم وهو عاظ على سنونه وكان مبتسم في نفس الوقت ] ,,,,,,
قال شيء بس ماسمعته !!
ابراهيم : هههه قايلك أنا من عقب صكة القايلة وأنا غاسل يدي مني ..!
رحت جلست في المكان الفاضي بين محمد ولد عمي وعبدالعزيز .. وخذت زمزمية القهوة اصب للي يبي ..!
بدر مقهور من الموقف البايخ اللي صار : والله محتري المقاطع والكركرة على المسرحية !!
ابراهيم : محمد المقرن ترا من ضمن الممثلين !! بس ما انتبهت ..! لدرجة انه قطع مصران عبدالله ..!
دخل عمي عبدالرحمن .. ويوم شاف ابراهيم : ماشاء الله ... جايين كلكم ..
ابراهيم : لا بس أنا ..
سلم علينا .. ويوم سلم علي عطاني اللي بيده .. وكانت كيسة فيها بويبينات للمبات !!
عقب ماسلم طلع ..
على طاري البويبينات .. في الملحق اللي حنا فيه الحين لمبتين مايشتغلن .. وحدة غيرنا اللمبة كلها والثانية البويبينه هي اللي خربانه !!
سألني ابراهيم : وش ذا !؟
مديت له الكيسة وخذها وفتحها ...!
طلع وحدة .. وسألني : من أفلق ..!
طالعتهم واحد واحد وانا اسوي اني افكر : آمممم .. افلق اللي أووب مركبها !!
ابراهيم يحرك البويبينه يمين وشمال وهي تقرقع شوي : من مايبي نفلقه !!
عبدالعزيز بلامبالاة : بويبينه ماتضر ..!
ابراهيم يقوم : قـم اجل ركبه باللمبة ..
عبدالعزيز يقوم : طيب هاتها .. آي لمبة بس ..
قمت : لا لا .. اقعدوا ..!
حلف عبدالعزيز : والله اركبها ..!
ابراهيم يلتفت لـي : جااك طبع العجز ..
انتبهت انه يلتفت باريحية قلت بتفاعل : رقبتك ..!
فز هو مستغرب .. ويحط يده على رقبته : وش بـه !!؟
سألته بابتسامة عريضة : وشلون زانت ؟!!
سألني مستنكر وهو ينزل يده من على رقبته : زانت !! وديتها للمصلح !!
تكلمت بجد : لا لا جد والله ..
جاوب : اممم كنت جالس احوس بجوالي اليوم وما كانت رقبتي توجعن حزته .. المهم كلمتن اختي فجأة .. على طول التفت له مما طق به !! الحمدلله !! كانت تبي تدهن رقبتي هههه بس الحمدلله !!
ضحكت متفاعل معه : هههههه الحمدلله ..!
ابراهيم : صح أوجعتن لحظته بشككل بس الحمدلله ..!
عبدالعزيز يطالع اللمبة الطافية : شلون بطولها .. [ التفت يطالعني ] عندكم سَلْم ..!
قام عبدالملك يآخذ الطاولة اللي كنا حاطين عليها الفيديو : لا مايحتاج سلْم .. أووخ .. [ حطها قبل يتحرك بها ] ثقيلة !!
تقدمت اشيلها معه ...! ونحطها تحت اللمبة اللي ماتشتغل ..


*
*
*

*
ـــــــــــــــــــ
اليوم: الأحد ..
التاريخ: 25 / 6 / 1426 هـ ..
المكان: الملحق ..
الوقت: 9:15 مساءً..
ـــــــــــــــــــ
( عبدالعزيز )
آخذت البويبينة من ابراهيم .. ووقفت على الطاولة ... بس ماكنت اطول اللمبة لأنها جاية على جنب شوي ..!
عبدالله : خلاااص نرفعها شوي على المشب ..!
المشب هذا من سمِيت .. رفعوا الطاولة هو وابراهيم ..
ابراهيم : أووف ثقيلة الصراحة أوب على شكله ..!
حاول عبدالله يحركها بس ماتحركت دلاله على ان مكانها حلوو .. عجيبه مساحة المشب كانت كبيرة شوي .. يعني .. كنهم مكبرين المساحة عشان تآخذ الاغراض اذا حطوها عليها ...
رقيت على الطاولة .. وبالتمطط .. وصلت اللمبة .. فكيت البويبينة اللي فيها ... وركبت اللي معي ..
نزلت ..
غمز لي ابراهيم .. ابتسمت له .. على بالي الغمزة عشان اني ركبت البويبينه .. بس تأكدت اني غلطان لما قال ..
ابراهيم يعمم بصوت عالي : يااشباب اليوم عشاكم علي .. [ وطالعني ] حتى أنت يااولد عمي ...!
بدر يستهبل : ماله داعي ياابراهيم ..!
ابراهيم : ماسوينا شيء .. اللهم عزمتكم .. مافيه كلافة ابد ..! قسم يعني .. انا انتظر هاللحظة من زمان ..!
آآخ قهر انه غلبني ..!
آكرهك يازحمة الرياض ..! ودي اعطيه باقوى ما اقوى على قولته .. قسم بالله .. تحسوون يقهر ..
آههه ههههههههه !!
عفطت الكيسة الفاضية اللي كانت معي .. المفروض يكون فيها البويبينات .. بس خذهن عبدالله .. والكيسة معي .. طلع عبدالله .. يقول بيركب اللمبات الباقية ...!
رميت الكيسة .. وأوول مرة في حياتي اصير قذر ...
رجعنا نجلس نتقهوى ... ونسولف .. وابراهيم يسألهم وش تبون عشى ..
كان ابراهيم جمبي .. ورن جواله ..طلعه ..
ضغط صامته ..ورفع يده يحك خده : هاه ماقلتوا .. وش تآمرون فيه ..
انا كان تركيزي مع المتصل اللي سواله صامت ابراهيم ...! كان مكتوب ( أخوووي )
اتوقع سعود ...!
انقطع الخط من غير لا يرد ..
أووف .. وش فيه عليه ...
رن جواله مرة ثانية .. طالعه وكان نفس المتصل ..
قام بيرد عليه برى : اسمعوا برووح اكلم .. اجي تكونون مقررين .. اللي بخاطركم لاتستحوون .. والله مايغلى عليكم شيء ...
ومشى .. بس علقت رجله في سلك الفيديو .. على طول تزحلق .. قبل يوصل الارض .. وقبل توصل ولو يدينه للأرض .. ضرب خشمه في الطاولة اللي مازالت على المشب !!! كان مؤؤلم صوت الارتطام مع الخشب !!!
لما وصلت يدينه للأرض تزحلقت من الكيسة اللي انا راميها .. انا ماقدرت آتحرك او اسوي شيء وأنا اسمع ابراهيم يتألم ..
من أول ما قال : أوووع .. لحظة طيحته اول شيء !! وانا احس اني أووب قادر اسوي شيء .. طاح على الارض ابراهيم .. وعلى طول من غير مايستوعب وقف .. مسكه بدر .. اللي وقف أول ماطاح .. والجوال على الارض يرن ..
كنت بصيح من الوضع ..! شيء أووب في خيالي .. ابراهيم وقف قدامه عبدالله .. وهو يحاول يبعد يد ابراهيم عن فمه او وجهه بشكل عام يبي يشوف وش جاه ..
أنا انتبهت للدم اللي يتسرب من بين اصابع ابراهيم .. خلاص .. حسيت قلبي عووورني ...
نزلت راسي وانا أووب قادر استحمل الوضع اللي صاير ...!

*
*
*