[قصة مكتملة] انكساري ، للكاتبة : أنشودة المطر .. - الصفحة 3

24-12-11, 07:53 PM

المشاركة رقم: 11

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

دخلت الصاله وقلبها يدق بقوه سلمت وجلست ..

فهد:انتي وينك لا تسألين ولا تسيرين علي؟؟

ميساء:ارتاحت شوي وصارت تعدل شعرها..ابد انشغلت بالجامعه..وين ريم(زوجته)

فهد:خلاص وديتها لاهلها لان ولادتها قربت..انتي ما تسألين عنها؟؟

ميساء:لا والله ادري اني مقصره..انشاءالله بادق عليها..امي وين؟؟

فهد:هذا وانتي عايشه معهم ماتدرين؟؟

ميساء:اليوم ماطلعت من غرفتي وهي ماقالتلي شيء..اكيد راحت للجيران..تبي احطلك العشاء..

فهد:بروح اغير ونتعشى..

ميساء:بتسكن عندنا..

فهد:اخاف عندك مانع؟؟

ميساء:لا مانع ولا شيء البيت بيتك..وطلع لغرفته..

ميساء:لا.. حظي شيييء....بحياتي مالتقيت معاه بمكان والصدفه جمعتني معه بالسوق ولا بموقف لا احسد عليه..ويوم ابي سلمى تطلع معزومه..ويجي فهد..الله يستر يااارب حاسه انه فيه شيء بيصير...

-------------

ايطاليا..

دخلت محل هدايا واشترت ميداليه وخلته يكتب عليها

ilove you

دخلتها بشنطتها علشان ماينتبه وجلست على الكراسي تنتظره..

ناصر:عسى ماتأخرت عليك..

ليلى:لا ماتأخرت...قصيت تذاكر..

ناصر:ايه تبين شيء قبل لا ندخل السينما..

ليلى:لا مايحتاج..

ناصر:لا بناخذ بوب كورن وبيبسي ..ومسك ايدها ودخلو للسينما..

-------

مستحيل مستحييييل..انتي متأكده؟؟؟

شيخه:متأكددده...

نوال:شالت الحاف من عليها..قامت من سريرها (لابسه بجامتها وشعرها منتفش..توها قايمه من النوم)وانتي مقومتني من النوم علشان هالخبر؟؟؟

شيخه:جلست على الكرسي اللي بجنب السرير...ليه هالخبر مايستاهل انك تقومين علشانه؟؟

نوال:انتي كذااابه..رجعت شعرها على ورى..تمزحين صح..

شيخه:اقوولك الملكه الشهر الجاي..تقولين امزح..اشتري جاهز لانه مايمديك تفصلين..

نوال:يملك على غيري؟؟؟ماصدق ماصدق...وشلون وانا؟؟

شيخه:انتي؟؟؟ انتي اغبى مخلوق شفته..ضيعتي حياتك على الفاضي..ارجعي لزياد احسن..هذا اذا وافق..

نوال:برررىىىى برررى

شيخه:عن اذنك...وطلعت

نوال:مستحيل يتم هالزواج مستحييل..حسين لي انا وبس...وانهارت على الارض تبكي..

-------

بعد ماخلصو الفيلم رجعو للفندق..

ادخلت الجناح واتفاجات معقوله هذا جناحنا..

ليلى: تبي ترجع للباب علشان تطلع وكان هو واقف عنده..ههههه ناصر شكلنا غلطانين دخلنا جناح غلط..

ناصر:لا غلط ولا شيء..ومشاها للداخل..شرايك بالمفاجأة..كانت الغرفه كلها مغطيه بالورد والشموع وبالطاوله كان فيه تورته ومكتوب عليها

iloveyou loly

ليلى:يجنننننننننن رووووووووعهالتفتت له.. متى سويت هالشيء ؟؟

ناصر:سر ..بروح اخذ شور.. لا تنامين..بنسهر اليوم سهره معتبره

ودخل ياخذ شور..

ليلى: جلست بالكنب اللي بالصاله..وشلون اعطيه الميداليه؟؟؟خليني افكر بطريقه....

--------------

المستشفى

كان عنده شيفت بالليل وكان جالس بالحديقه يفكر ..

مؤيد:السلاااام عليكم..

فيصل:هلااااا ويسلم عليه..من زمان عنك..

مؤيد:ياخوي شسوي تعرف الامتياز مايخلونك تتنفس..شعندك بالحديقه

فيصل:اخذ نفس..زهقان وملان..انت خلص دوامك

مؤيد:لا بقالي ساعتين واطلع..خالد شخباره؟؟

فيصل: بخير..جاه نقل للرياض وترقيه..

مؤيد:انا جوالي انسرق وضاعت كل الارقام..

فيصل:وانا اقول الكل يسأل عنك حتى سليمان...تبي ارقامهم..

مؤيد:ياليت..واخذالارقام...تردد...اقول فيصل..امي ماتعرف اخبارها؟؟

فيصل:وهو مستغرب..انت ماتكلمها؟؟؟

مؤيد:غصبن علي يافيصل...ابو عهود مهددني انه يطلقها اذا درى اني اكلمها او اشوفها وبصراحه خفت على امي .

فيصل:وامك تدري؟؟

مؤيد:لا ماقلتلها شيء..خفت تتهاوش معاه والضحيه تصير عهود...انا ابي عهود تعيش مع امها وابوها مابيها تصير زيي..وانا ادري انه بيحرم عهود من امي..اضحي انا احسن..

فيصل:صار يربت على كتفه..الله يصبرك ويعينك..بس تدري انا عندي فكره..شرايك نعزم امك عندنا وتشوفها ببيتنا..

مؤيد:وابو عهود؟؟

فيصل:شيدريه..انت توكل على الله ..بس انت ليه ماقلتلنا من زمان..

مؤيد:قلتلك ضاع جوالي وانا مو حافظ ارقامكم..وانشغلت بالدراسه بس الحمدالله اني لقيتك..وخفت اروح بيت خالتي واشوف ابو عهود هناك...لا تنسى انه صديق ابو سليمان..رن جواله وطلعه من جيبه..والحين اتركك يدقون علي.. اشوفك بكره

فيصل:على خير..وبعد ماراح مؤيد..الحمدالله على كل حال كلن تهون مصيبته لما يشوف مصايب غيره..

سمع اخر جمله..

زياد:وش هي مصيبتك... وجلس بجنبه..

فيصل:بسم الله انت مارحت للبيت..

زياد:لا مارحت..قولي شفيك انت من يوم رحنا السوق وانت حالك مو عاجبني..الا اذا معتبرني غريب هذا شيء ثاني...

فيصل:اااه يازياد...تدري وش اصعب شيءبهالحياه..انك تظن اللي قدامك ملاك ويطلع شيطان..تظنه ورد ويطلع شوك..تظنه دواء ويطلع سم..تظنه ماء ويطلع سراااااب..

زياد:وهذا اللي غاثك؟؟ طيب هذا حال الدنيا..قولي شصاير؟؟

فيصل:بفصخ خطوبتي..

زياد:ايييييييش!!!!!

---------------

ايطاليا

لبست فستان تركواز قصير ماسك عند الصدر بعدين يتوسع وفلت شعرها الطويل ولبست صندل فضي ناعم وحطت مكياج ناعم مع روج فوشي فاقع حطت عطرها المفضل وقبل لاتطلع للصاله اخذت الميداليه..

ليلى:هذا انسب وقت..ابتسمت لنفسها وطلعت..

كان جالس على الكنب والتورته قدامه على الطاوله..انتبه لها..

ناصر:...شخصت عيونه..وهمس..لا اله الا الله مشاء الله

ليلى:شفيييك؟؟

ناصر:وتسألين بعد..وابتسم تعالي تعالي اجلسي جنبي..

ليلى:اجلست بجنبه وقبل لا تقول اي كلمه

ناصر:غمضي عيونك..

ليلى:ليش؟؟

ناصر:حبيبتي بسس ثواني ..اصلا انا مااصبر عن عيونك الحلوه..بس مضطر اخليك تغمضين..

ليلى:وهذا انا غمضت..

ناصر:طلع شيء من وراه فتح العلبه المخمليه وطلع عقد الماس فخم ولبسها ..ليلى عطيني ايدك..مدتله ايدها ولبسها الاسواره والخاتم...قومي معاي بس لاتفتحين عيونك..

ليلى:انشاء الله بس انتبه لا اصقع لي شيء..

ناصر:لا تخافين...ووصلها لعند المرايه...فتحيييي.

ليلى:ماصدقت عيونها..صارت تطالع المرايه وتطالع ناصر..بعدين دمعت عيونها..

ناصر:مسك ايدها..حبيبتي شفيك؟؟ماعجبك؟؟

ليلى:الا عجبني..بسس

ناصر:بس ايش؟؟قولي ترى من جد خفت..

ليلى:مدت الميداليه له..

ناصر:اخذها وقرى الكلام اللي فيها..وطار عقله..

ليلى:ادري انها تفشل وتستاهل اكثر من كذا..قطع كلامها ناصر..

ناصر:تدرين عاد انها احلى واغلى هديه عندي..يكفي انها منك..حب راسها.ومسح دمعه نزلت من عينها.مابي دموع نبي نستانس..والا شرايك..؟

ليلى: ابتسمت...رايي من رايك...

-------------

24-12-11, 07:54 PM

المشاركة رقم: 12

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

الصباح في الجامعه..

شافتها من بعيد وصارت تناديها بصوت عالي..

عهوووووووووود عهوووووووووود لحضه وقدرت توصل لها..

عبير:صباح الخير..انتي وينك؟؟ادق عليك وماتردين خوفتيني عليك؟؟

عهود:مافيني شيء..عندي محاضره..

عبير:انتي زعلانه مني؟؟سويتلك شيء؟؟ردي قولي

عهود:لا ماسويتي ..ممكن اروح..وراحت بدون ماتعطي وجه لعبير..

عبير:غرييييييبه!!!شفيها علي؟؟الحين انا بسألها عن ساره تطلع زعلانه علي بعد!!اليوم لازم اعرف السالفه..

غدير:كيفك عبير؟؟

عبير:كانت سرحانه تفكر بعهود..

غدير:عبوووره

عبير:هاه..اسفه مانتبهت..وابتسمت كيفك

غدير:بخير..بس حبيت اسلم عليك..كيف ليلى؟؟

عبير:بخير..وين ميساء بالعاده مع بعض؟؟

غدير:غابت اليوم شوي تعبانه..انا باروح يالله يمديني محاضرتي باربعه..

عبير:الله يعينك على المشوره...

غدير:سلام...وكل وحده راحت لمحاضرتها..

------------

الشركه..

ابو فيصل:باين على وجهك انك متكدر..صاير شيء ياخوي؟؟

ابو سليمان:اااه ياخوي...انت دريت ان ابو محمد جاي للرياض..

ابو فيصل:متى جاء الحمدالله على سلامته هو ساكن عندك؟؟

ابو سليمان:لا رجع للشرقيه..

ابو فيصل:شعنده جاء يوم ورجع؟؟كان باين عليه الخوف..

ابو سليمان:جاء يخطب عبير لمحمد..

ابو فيصل:ابركها من ساعه..بس اهم شيء راي عبير..

ابو سليمان:وهنا المشكله..عبير رافضه وهو متأمل انها توافق...ياخوي انا خايف من المشاكل..يقول عبير ماتاخذ الا محمد ..ادري انه مافي شيء بالغصب بس انت تعرف طبعه زين ينكد عليك عيشتك..وبصراحه كاسر خاطري محمد انت داري انه جاء يخطب ليلى وانصدم يوم درى ان ناصر خطبها..اخاف يزعل ويحسبون انا مانبيهم..

ابو فيصل: الامور هذي قسمه ونصيب ياخوي هونها وتهون...وشرايك اكلمه..

ابو سليمان:لا لا..انت تدري انه مايواطنك..سامحني بس هذا الواقع..

ابو فيصل:ادري ادري..بس يمكن تغير..

ابو سليمان:لا تغير ولا شيء..هذا هو من يوم حنا صغار وهو مايحبك..يعتبرك ولد الغريب..المشكله ان كلكم اخواني..ويسمع دق الباب..ويدخل السكرتير

السكرتير:طال عمرك بدا الاجتماع..

ابو سليمان:طيب انا جاي..

------------

تلبس عبايتها مستعجله السواق عند الباب وبوابة 2 زحمه يعني مافي مجال انها ترد على اي احد..ركبت سيارتهاوتوجهت للبيت..وقبل لاتوصل البيت بدقايق تذكرت جوالها..فتحت شنطتها تبي جوالها شافت 3 مكالامات لم يرد عليها ومسج افتحتها لقتها كلها من مؤيد..

ساره:يووووه شفيه هذا مستعجل..خليني ادق عليه لا يكسر راسي....وبعد اول رنه رد..

مؤيد:انتي وينك؟؟

ساره:بسم الله الرحمن الرحيم..شفيييك؟؟

مؤيد:مافيني شيء..انتي وين؟؟

ساره:انا عند الباب..

مؤيد:اي باب؟؟

ساره:باب الحاره..يعني اي باب ؟؟باب البيت..شفيك؟؟

مؤيد:خلاص انا عندي بريك..احاول اجي اذا ماقدرت انتظريني الليله لا تنامين مفهوم..وسكر بوجهها

ساره:الله يشفيك..ونزلت لبيتها..

---------

اليوم محاضرتها لعشره..راحت للبيت ونامت وقامت على الثنتين...

عدلت بجامتها وراحت تتوضا..صلت الظهر ودعت ربها انه يغفرلها لانها ماصلت بوقتها ..نزلت للصاله شافت امها تتغدى لحالها..

عهود:جووعانه..وخذت الملعقه وصارت تاكل..يمه شفيك ساكته؟؟

ام مؤيد:مافيني شيء..اذا خلصتي اكل قولي للخدم يشيلونه..

عهود:يمه يعني ماتبين تتغدين انتي اكلك مادري شلون صاير..يمه مو زين لصحتك..

ام مؤيد:لا تخافين علي..انتي كولي وكأني انا اللي اكلت..وطلعت لغرفتها..

عهود:نزلت الملعقه..اففففف شهالعيشه ياربي...سيتي ياسيييييتي تعالي شيلي الاكل..راحت عند التلفزيون وصارت تفرفر بالقنوات ..

ابوعهود:الحلوه جالسه لحالها..

عهود:هلا هلا يبه..احطلك غدى..

ابو عهود:لا مو مشتهي..امك وينهي؟؟

عهود:راحت تقيل ..بغيت شيء؟؟

ابو عهود:لا ولا شيء..وطلع..

عهود:ياربي شهالطفش...افففف ..كله كوم وامي كوم..انا ماادري شلون تفكر بواحد مايستاهل حقيير بس لو امسكه اقطعه تقطيع..هو سبب كل شيء حنا فيه..سمعت اذان العصر رددت مع المؤذن وراحت تصلي ...

-----------

بالطريق وهو بالسياره كان يكلم..

سليمان:مادري والله..خلني افكر..

ابو فواز:اي تفكير وانا اخوك..انت وافق والليله يتم كل شيء..

سليمان:الليله؟؟

ابو فواز:ايه الليله...شقلت عندك شيء؟؟

سليمان:لا ماعندي..بس

ابو فواز :لا بس ولا شيء..انتظرك الليله..صار

سليمان:صار..سكر من هنا ودخل لبيته وهو يفكر..صار يسمع اصوات بعدين انتبه..

سليمان:نعم؟؟

سلمى:الله ينعم عليك ..الحلو سرحان بمييين؟؟

سليمان:انا!!!سرحان من قال؟؟

سلمى:ماحد قال..عطني ايدك..

سليمان:لييييييش؟؟

سلمى:باكلها..لا انت اليوم مو طبيعي..

سليمان:مين؟؟

سلمى:شكلك دايخ ...حطت ايديها على كتوفه وصارت تمشيه لين الغرفه علشان يرتاح.

-------------------

يتفرج على التلفزيون زهقان ..تو سكر من زوجته وهي بخير بس مشتاق لها مره ومتشوق اكثر للبيبي..كان يتخيل شكله وقطع احلامه صوت التلفون ..اففف من هالغثيث اللي داق..

فهد:الو..

غدير:السلام عليكم..

فهد:وعليكم السلام..

غدير:لو سمحت ممكن اكلم ميساء..

فهد:لحضه خليك على الخط الحين احولك لها..وسكرالسماعه..الله ياخذها قطعت على شكل ولدي..

ميساء:الوو

غدير:تصدقين حسبتك ميته..ياملا اللي مو قايله وييينتس عن جوالتس؟؟

ميساء:مالي خلق الصراحه...

غدير:شفيه صاير شيء؟؟

ميساء:وترفع خصله من شعرها عن وجهها...لا مو صاير بس انا تعبت ..الى الان ماقال لاحد..ماادري شيقصد؟؟

غدير:طيب هذا خبر زين..

ميساء:زييين؟؟

غدير:ايه..يمكن قلبها بعقله ولقى انك مو راعية هالحركات..

ميساء:فرحت..تهقين؟؟

غدير:اتوقع...المهم بتداومين بكره؟؟

ميساء:بكره اف..

غدير:تصدقين نسيت..خلاص تعالي افطري عندي بكره..

ميساء:بحاول..

غدير:طيب سلام ..بصراحه تضيقين الخلق..

ميساء:شكرا على الاطراء كله من ذوقك..

غدير:زعلتي؟؟

ميساء:لاااااااااا..خلاص سكري..

غدير:لا صدق زعلتي؟؟

ميساء:افففففف وسكرت بوجهها..

غدير:ههههههههه ياحليلي رفعت الضغط عندها شووووووي..

-------------------

في الحديقه كانو مجتمعين ومافي احسن من جمعتهم خصوصا ان خالد رجع لهم..

ام فيصل:حبيبي يكفي سباحه تعال اشرب عصير ..

خالد:الله يخلف علينا ..الحين هالقرد صار حبييييب؟؟

محمد:لف المنشفه عليه وجلس جنب امه..مووووت حره..

خالد:صدق انك بزر..قوم فارق خلني اجلس انا جنب امي..

محمد:رووووح بس انت وهالوجه انت من يتحمل قربك ؟؟ناوي على امي انت؟

خالد:حرام عليك صار لي اربع سنين محروم من حنانها مستكثر علي هالدقيقه..ويسوي نفسه يبكي..

محمد:تصدق حسبتها دقيقه ماكأنها اربع سنين ..ويهز راسه صدق ان الاوقات الحلوه تروح بلمح البصر بسرعه..الله يعينا على الجايات..

ام فيصل:انتبهت لفيصل ...يمه شفيك ساكت؟؟

فيصل:مافي شيء..مادقت ليلى اليوم؟؟

خالد:لا مادقت..

فيصل:انت من سألك يالملقوف..

محمد:ههههاي حلوووووه روح لقط وجهك شوف خشمك تحت الصحن..

فيصل:التفت لمحمدوهو معصب...محمد..روقنا....

خالد:ههههههههههههههه حلووووووووه بس المشكله ياحميدان ان كلك خشم يعني اذا طاح مصيبه..

سلمى:السلللللللللللللام وحبت راس امها وجلست جنب فيصل..ازايكو عاملين ايه؟؟

خالد:طيبين...وين عيالك؟؟

سلمى:خليتهم عند عبير..

خالد:خوش ام..صدق ام المستقبل..الحين عبير امهم والا انتي؟؟

سلمى:عمتهم حسبة امهم..وثانيا لا تتدخل يالعانس..

خالد:عانس وشباب احسن من عجوز متزوجه..

سلمى:ترى صجيتني بالعجوز ترى مابينا فرق كلها ثلاث سنين..

خالد:اهم شيء اني اصغر منك.

سلمى:ومستانس؟؟

خالد:لا مس لبانون..

محمد:هههه

سلمى:اقولك شيء بس ماتقوله لاحد..

خالد:قولي..

سلمى:تراك ثقييييل دم بالحيييل..

خالد:شكرا ..بس ممكن اقول للسبت او الاثنين.

محمد:ههههههاي والله رهيب..

ام فيصل:خلاص يكفي هذره..اقول فيصل ماتبي نملك لك على ميساء..

فيصل:تفاجأ..ماتوقع امه تسأله بهالوقت..وشوووووووو؟؟؟

سلمى:وشو اللي وشو؟؟تملك على ميساء..

فيصل:ارتبك...ومن قال اني ابي اتزوج؟؟

ام فيصل:انت اللي قايل..

فيصل:قام وهو معصب..قلت زواج مافيه ...ودخل للبيت..

ام فيصل:شفيه؟؟

خالد:بروح اشوفه...

سلمى:يمه تلقينه معصب بالشغل ومايدري شيقول..

في مكتبه كان جالس وقاعد يضغط على راسه بايديه..

دخل عليه..

خالد:شفيك معصب؟؟

فيصل:خالد مالي خلقك اطلع وسكر الباب..

خالد:طيب بس بعد ماتهدى نتفاهم..سكر الباب..

فيصل:انا لازم انهي هالزواج...

----------------

ببيت عمته كانو جالسين بغرفة ساره..

ساره:ياخي قلنا اسفين..خلاص.

مؤيد:طيب دقي عليها الحين..

ساره:طيب طيب..مسكت جوالها وطلعت الرقم ودقت..

عبير:الوو

ساره:هلا عبير..كيفك

عبير:زينه..وانتي

ساره:نحمدالله..اقول شفتي عهود؟؟

عبير:ايه بس ماقدرت اكلمها لان عندها محاضره..

ساره:طيب دقي عليها..

عبير:ادق ولا ترد..

ساره:طيب خالتي بخير؟؟

عبير:ايه بخير توني مسكره السماعه منها..

ساره:طيب اذا صار شيء كلميني..اسفه طولت عليك..

عبير:خذي راحتك..

ساره:مع السلامه...

مؤيد:شتقول؟؟

ساره:مافي جديدوامك بخيير..رمت الجوال.. والحين قوم خلنا نتعشى لان مصاريني قامت تصفر...

-----------------------

24-12-11, 07:59 PM

المشاركة رقم: 13

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

الشرقيه..

ام محمد:خليني اخطبله بنت الحلال ولا انتي شرايك يافضه؟

فضه:الشور شور اخوي واللي يامر فيه هو اللي يمشي..بس الله يهدي اخوك المفروض مايرفض لان البنت لولد عمها..

ام محمد:انا اخذت ابو محمد وهو مو ولد عمي..يافضه البنات واجد ولاتزيدين النار حطب..

فضه:وش تقصدين يام محمد؟؟

ابو محمد:خلاص اسكتو..محمد ماياخذ الا بنت عمه حتى لو بالغصب...وانا اعرف اتصرف مع هالاشكال..

ام محمد:مافي زواج بالغصب..انتم تدورون المشاكل..

فضه:وشلون حنا اللي ندور المشاكل انتي ماتنتبهين لكلامك..

ام محمد:انا ابي افرح بمرت ولدي وتفرح بي..مابي وحده مغصوبه..

ابو محمد:بتفرحين لا تخافين..بس اصبري علي..

محمد:السلام عليكم..

الكل وعليكم السلام..

محمد:عمتي زوجك عند الباب..

فضه:انشاء الله الحين اطلع..ولبست عبايتها وطلعت

ام محمد:محمد ماتبيني اخطبلك؟؟

ابو محمد:انتي ماتخلين هالطبع..قلتلك بيتزوج بنت عمه..

محمد:يمه انا مابي الا هي...طبعا بالوقت الحالي بس علشان اضمن ان فيصلوه التعبان ماياخذها وصدقيني اتزوج عليها اربع وهي اطلقها وخليه ياخذ فضلتي...اجل انا يردوني..

ابو محمد:صدقني ياولدي بنردها لهم بس اصبر علي..

ام محمد:اروح اصلي ركعتين احسن من جلسه معكم...

----------------------

اففففففففففف كل هالوقت مر وانا على هالحال..مابقى شيء على الفجر..راح توضى وصلى التهجد ودعا ربه..(يارب يارب يارب اللهم افرج كربتي وهمي لا اله الا انت سبحانك اني كنت من الظالمين..) سمع اذان الفجر..غير بجامته ولبس ثوبه وتوجه للمسجد.. صلى الفجر وبطريقهم للبيت راجعين من المسجد..

خالد:عيونك حمراء..مانمت؟؟

فيصل:لا ماجاني..

خالد:تعبان؟؟

فيصل:لا..

خالد:ماعندك دوام اليوم؟؟

فيصل:علي دوام..

خالد:طيب زياد شخباره؟؟

فيصل:طيب...

خالد:اف ....ماودك تقولي شيء؟؟

فيصل:مثل؟؟؟

خالد:الزواج مثلا..

فيصل:ماافكر فيه.. دخلو للبيت

خالد:دخل يدينه بجيوب بنطلونه الجنز..ماتفكر ولا ماتبي ميساء؟؟

فيصل:تقدر تقول الاثنين وعن اذنك فيني نوم وطلع لغرفته وترك خالد مصدوم..

---------------------

على كف القدر نمشي ولا ندري عن المقسوم

ولا ندري مع الايام وش اللي دايم مقدر..

نخاف البعض يتركنا ..يهاجر ويختفي في يوم..

يزيد النبض في بعده وينزف دمعه الاحمر..(منقول)

تمضي الايام..وابطالنا منهم الحزين ومنهم السعيد..مر شهر ونصف..وكأنها سنين على البعض..

وأيام على البعض الاخر...

اخر ايام الاختبارات ..

كللللللللللللللللوش كلللللللووووووووووش

ميساء:كل هذا فرحه..

غدير:تخرجنا وماتبيني افرح ابي افارق هالجامعه الكئيبه وماتبيني افرح..

ميساء:جلست على الدرج..

غدير:جلست جنبها وش يجلسك ..امشي امشي عازمتك اليوم على احلى مطعم..

ميساء:مابي مالي نفس..واخذت الشباصه ولفت شعرها..

غدير:لحووووول ..شفيك؟؟صاير شيء..

ميساء:هذا اللي قاهرني انه مو صاير شيء ..انا ماادري شناوي عليه..تصدقين غدير كنت اتمنى هذا اليوم تدرين ليه لاني بعدها على طول بتزوج فيصل..انا الغبيه لو اني وافقت على زواجي من زمان ولا اجلته ماكان صار اللي صار..

غدير:هذا اللي صار..يمكن خيره وانتي ماتدرين..بس تصدقين ماكنت احسبك تحبينه كل هالحب..

ميساء:انا اموت فيه مو متخيله انه يتركني او حتى يزعل علي..غدير احس دموعي بدت تنزل..

غدير:امسكيها لا تفضحينا امشي نطلع برى..

-------

عبير:شسويتي؟؟

عهود:زين ..وانتي؟؟

عبير:انا بعد..خلصتي امتحانات؟؟

عهود:ايه..وانتي

عبير:بكره اخر شيء..اسمعي بكره ياتجيني تنامين عندي وهذا المفضل او اجيك اسهر عندك لاني من زمان عنك..

عهود:اسفه عبير كنت متضايقه الفتره الماضيه ...بس ولا يهمك بكره ادق عليك ونتفق..مع السلامه..

عبير:بتروحين؟؟

عهود:جاء السواق تبيني اوصلك؟؟

عبير:لا الحين ابي انتظر صديقاتي وبعدين بطلع..سلمي على خالتي..

عهود:يوصل ...وطلعت.

--------------

ايطاليا

في احد الاسواق الشهيره..

ليلى:شرايك بهذي؟؟تلبق لعبير صح..

ناصر:اشتري اللي تبينه ولا تسأليني عن اي احد الا انتي..

ليلى:وش معنى انا؟؟

ناصر:لانك انتي اللي تهميني..

ليلى:ماتبي تقولي رايك؟؟طيب ساعدني شوي..

ناصر:ذوقك مثلك يهبل..

ليلى:طيب باخذ اربع تيشرتات وبنروح نشتري شنط.. وهدايا لابوي وعمي واخواني

ناصر:تامريييييييييين من عيوني.

طلعو من المحل..

ليلى:خلينا ندخل هالمحل نشتري لنصور وسدوم..(كان محل اطفال)

كانت منشغله تدور فستان لسديم..

ناصر:شرااايك..حلو

ليلى:خذت الفستان من ايده..يهببببببببل يالبى قلبه..بس هذا لمواليد ..

جيب مقاس اكبر لسديم..

ناصر:ومن قال انه لسديم..

ليلى:اجل لمن؟؟

ناصر:لبنتي حبيبتي..

ليلى:ابتسمت..الله كريم..خلاص خلينا ناخذه

ناصر:اكيد..

ليلى:وشرايك بهالجزمه لابقه على ثوب بنتي صح..

ناصر:مرره ..لقيتي شيء لسديم ونصور

ليلى:ناصر لقيتله بس سديم لا..لحضه شوف هذاك الفستان رووعه..

وبعد ماخلصو من السوق راحو للفندق يتريحون شوي بعدين يطلعون..

-------------

لحوووووول شفيه هذا مايسكت اففففففف وتشوف الرقم..

ميساء:خيييييييير؟؟

لما:الووو

ميساء:قلنا خيييييييييييييييييييير..ماتسمعين صقها

لما:ميساء شفيك؟؟

ميساء:شكلك راعية طويله وانا مو فاضيتلك..

لما:اسفه اذا ازعجتك خلاص ادق مره ثانيه

ميساء:هيييي انتي اي ثانيه؟؟انا مو فاضيتلك الحين ولا بعدين يعني الواحد لازم يفشلك علشان تفهمين..

لما:ميساء انا اسفه صدقيني ماادري عن شيء ومالي ذنب..يعني اذا اي احد يعاكس لازم يصير من طرفي..

ميساء:اييييييييييه لازم تدرين ليش لانك مستنقع للوصاخه وهالاشكال ماتتجمع الا على الوصخين مثلك وشرواك..واذا انتي مبتليه لاتبلَين على غيرك يالحقيره ولا تدقين على هالرقم مره ثانيه فاهمه..

لما:هين ياميساء اذا ماخليتك تندمين ..

ميساء:اعلى مابخيلك اركبي وصدقيني يالزفته هالمره خليتها تعدي على خير بس اذا سويتي معي حركه ثانيه صدقيني لاامرمطك عند اللي يسوى واللي مايسوى واخليك عظه وعبره لغيرك وانتي عارفه انا مين وبنت مين ..وسكرت السماعه..

ودقت على غدير..

غدير:الووووو

ميساء:وش هالازعاج اللي عندك..

غدير:شيء طبيعي امي وغاده ونوره يتهاوشون..

ميساء:دقت علي الزفته..

غدير:اي وحده؟؟كثار الزفتات

ميساء: ازفت وحده..لما..

غدير:وش تبي؟؟لا يكون بتطلعين معها انتي ماتوبين..

ميساء:حتى انتي صرتي ماتثقين فيني..

غدير:مااقصد..بس وش تبي؟؟

ميساء:ماادري..يمكن تعتذر او تبي تسحبني معها تحسبني غبيه بس هزئتها

غدير:ليتك من زمان كذا..اخاف تسويلك شيء؟؟

ميساء: ماتقدر..صدقيني غدير اني ندمانه قد شعر راسي بس وش يفيد الندم ..وصارت تبكي

غدير:سكري الحين واذاارتحتي دقي علي

وسكرت منها وراحت بنوبة بكاء.........

-------------------

24-12-11, 08:00 PM

المشاركة رقم: 14

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

الجزء الخامس..

(موطني عشت فخر المسلمين...)
الطياره..
على الدرجه الاولى...كانت جالسه جنب الشباك وهو بجنبها..
جت المضيفه تقدم لهم عصاير بعد الوجبه..

ناصر:قلبي تفضلي ..
ليلى:شدراك اني ابي عصير تفاح؟؟
ناصر:كل شيء يخصك ادري فيه..مستانسه..
ليلى:مرررررره ..مشتاقه لهم ماادري متى نوصل..
ناصر:باقي تقريبا خمس ساعات...انا باروح اتمشى شوي
ليلى:ليش؟؟
ناصر:علشان رجليني ماتتنفخ..اذا رجعت تتمشين اوكيه
ليلى:لا مايحتاج اسوي تمارين يكفي..وصارت تكمل قرايتها لكتاب صلاح الراشد عن البرمجه..
وبعد خمس دقايق رجع ناصر..
ناصر:تصدقين شفت احد اخوياي هنا..يقول ان شركتنا داخله صفقه ضخمه..تدرين اتمنى اننا نربحها.. انشاء الله من بكره بداوم حمستني الصفقه..
ليلى:سكرت الكتاب بقوه..وصارت تطالع بايدها اللي تفركهم ببعض...حمستك ولا مليت مني؟؟
ناصر:انبسط من حركتها ...فيه احد يمل منك الود ودي اني ماافارقك ثانيه..بس الشغل ضروري وبصراحه اخاف تملين مني وتقولين وش هالغثيث؟؟
ليلى:التفتت عليه..لا تخاف اذا مليت بقولك..
ناصر:شد نقابها لتحت..غالي والطلب رخيص..
---------------

الشركه..
سليمان:خله يتفضل..
السكرتير:حاضر طال عمرك..
ابو فواز:السلام عليكم
سليمان:هلا هلا تو مانور المكتب..حياك تفضل..
ابو فواز:منور باصحابه..انا مو مطول بس بغيت اخذ حاجتي لاني مستعجل..
سليمان:تستاهل تستاهل..ويفتح الدرج ويطلع دفتر الشيكات ..تفضل
ابو فواز:الله يكثر خيرك..اي شيء تبيه حنا بالخدمه..مع السلامه.
سليمان:الله يسلمك الله يسلمك ..ويمسك جواله ويدق وهو مبتسم..
-------------

ابو فيصل:انا اقول نزيد من الانتاج..على العموم سولي دراسه وبعدها نقرر..
الموظف:طال عمرك لو نقدم الاجتماع احسن..
ابو فيصل:بكره الساعه تسعه نعقد الاجتماع..
الموظف:عن اذنك..
ابو فيصل:لحظه ..بس حبيت اقولك انك ربح للشركه عقليتك نظيفه وحنا محظوظين فيك..اتوقع لك مستقبل زاهر
الموظف:مبتسم..مشكور على الاطراء ..وطلع
السكرتير:تامر شيء طال عمرك..
ابو فيصل:بلغ الموظفين بالاجتماع..واطلبلي ابو سليمان..
السكرتير:طلب ابو سليمان بس مالقاه وجواله مقفل..فطلب سليمان..
كان يكلم بالجوال ورايق وفجأه دق تلفون المكتب..سكر جواله ورد..
سليمان:هلا
ابو فيصل:هلا بك ..عسى منت مشغول .
سليمان:ابد طال عمرك امر..
ابو فيصل:لا بس ابوك وينه شفيه ماداوم؟؟
سليمان:لا داوم بس راح ياخذ جوله ميدانيه ويبي يمر على شركة--- علشان يتفق معهم يدخلون معنا بالصفقه.
ابو فيصل:زين ..طيب انا برجع للبيت اريح شوي تدري ناصر وليلى يجون اليوم
سليمان:خذ راحتك ياعمي..
ابو فيصل:الله يعينك ..مع السلامه
سليمان بعد ماسكر......ارجع اكلم احسن لي.
---------------------------

في البيت كانو كلهم نايمين بعد ماتغدو....والهدوء يعم المكان فجأه..طلع ذيب اسودوعيونه تلمع ويلحقها صارت تركض تركض بس وين تروح حاولت تفتح السياره بس مقفله شافت ليلى من بعيد وهي تضحك راحت لهاوبعدين شافت الذيب ياكل ليلى وهي ساكته ماتصرخ صارت هي تصرخ ليييييييييلى ليللللللللللللى بعدين اختفى الذيب وليلى تنزف راحت تنادي فيصل ويوم رجعت لليلى لقتها تضحك ومافيها اي شيء بعدين طلع الذيب مره ثانيه وصار يلحقها قدر يجرحها جرح بسيط وبعدين اختفى..يمممممممممممممممممممممممممه
سلمى:بسم الله بسم الله اعوذ بالله من الشيطان الرجيم بسم الله بسم الله..وش هالحلم اللهم اجعله خير...قامت من فراشها وراحت تشوف اولادها لقتهم نايمين رجعت لغرفتها وصارت تفكر بالحلم...سمعت صوت الاذان..غريبه سليمان ماجاء؟؟بعد مااصلي ادق عليه واشوف وينه..
وبعد الصلاة دق باب البيت وفتحت الشغاله..
خالد:دخل على طول..وين مدام العجوز..
سلمى:نازله مع الدرج..عجوز بعينك..حيالله من جانا.وسلمت عليه.تفضل تفضل..واجلسو بالصاله..واول ماجلست.. ايه كذا حسسني انك نقلت للرياض..
خالد:ولا يهمك كل يوم اجيك واغثك وين بزارينك؟؟
سلمى:ايه اكشف عن نواياك جاي للبزارين ؟؟
خالد:عصفورين بحجر..حط رجل على رجل...سلموه شفيك ماضيفتيني ماني خابرك زطيه؟؟
سلمى:ياحليلك خبرك عتييق..من يوم مانقلت لجده وانا اكبر زطيه..اللي يسير علي يجيب قهوته وعشاه معه..
خالد:وصل التلميح..حتى انا صرت ماجيب اي شيء معي اذا سيرت على احد..طالع بخيل على اختي ..
سلمى:يمممممه منك لسانك حشى مو لسان اقول كلمه ترد بعشر الله يعين اللي بتاخذك..
خالد:تبطيييييين..مرتي للحين ماجابتها امها..
سلمى:اصلا انت من تقبل فيك يالمغرور..اروح اجيبلك عصير وفطاير افضل من نقاش عقيم معك...

وهي بالمطبخ سمعت صوت ضحك وازعاج...راحت للصاله..
سلمى:زين قومتهم..
خالد:افا عليك حاضرين متى ماتبين تقومينهم دقي علي,,الله وش هالعصير التحفه..ويشرب ..يمي يمي
سلمى:اعجبك..خلاص زورني كل يوم واشربك احسن العصاير..
سديم:ماما ابي لاوه
سلمى:تعالي وتحطها بحضنها وتوكلها..
خالد:يكفي يكفي شوفي البنت وش صارت كنها بالونه انا صرت اخاف اجلس عندها اخاف تنفجر باي وقت واروح فيها..
سلمى:بنتي ومالك دخل ..كولي حبيبتي..
خالد:ايه وكليها وبعدين اذا كبرت ابلشي بالرجيم...نصور شفيك معصب؟؟
ناصر:ليش ماجبت هديه؟؟
خالد:الحين اجيبلك احسن هديه روح البس خلني اتمشى معاك وبالمره تشتري هديه.
ناصر راح يلبس على طول..
سديم:وانا بلوح معاك
خالد:بس سيارتي ماتتحمل واخاف تنفجرين يحسبونه عمل ارهابي واروح فيها
سلمى:خاااااااالد لا تقول كذا لها ترى تفهم وبعدين تزعل حرام عليك
خالد:طيب طيب روحي لبسيها الشكوى لله..
سلمى:احمد ربك ان سديم بنت سليمان تركب معك..وخذت بنتها تلبسها..
خالد:القرد بعين امه غزال..ويدق جواله..
خالد:هلا طال عمرك
ابو فيصل:وينك فيه؟؟
خالد:عند سلمى..بغيت شيء؟؟
ابو فيصل:مو رايح تجيب اختك؟؟
خالد:ههه ياحليلك يبه..باقيلهم ساعتين شفيك مستعجل؟؟
ابو فيصل:طيب لا تنسى..وسكر بوجهه..
وبعد خمس دقايق..
سلمى:من كنت تكلم؟؟ سمعت صوت الجوال..
خالد:ابوي يالمحقق كونان..خلصو لبس
سلمى:تفضل وطول بالك عليهم وانتبه لهم مفهوم..
خالد:المفروض هم ينتبهون لي مو انا..ومسك ايديهم سلمي على سلوم..
سلمى:الله يسلمك...
---------------

بخرت البيت كله وزينت جناحهم وخلته كله ورود ووصت الطباخ يسوي عشاء محترم
كانت تدور بالمبخره في الصاله..دخل عليها ابوها..
ابو سليمان:شعند حلوتنا اليوم ؟؟
عبير:ابد ابخر للمعاريس..
ابو سليمان:مسك ايدها تعالي قوليلي كل شيء صار من امس لليوم..
عبير:نزلت المبخره على الطاوله وجلست جنب ابوها..ابد مافي شيء..بعد ماخلصت اختباري امس قلت لعهود تجي عندي علشان اشتري بعض الاغراض للمعاريس قالت ماتقدر ورحت لحالي شريت كل شيء ومارجعت الا وانا دايخه حطيت راسي ونمت وقمت اليوم متأخر ورتبت كل شيء..
ابو سليمان:تدرين علشاني ماشفتك امس مارتحت بنومي..
عبير:الحين عطلت وبتمل مني....الا يبه وين نسافر السنه هذي؟؟
ابو سليمان:المكان اللي تبينه بس انا وياك...شرايك
عبير:وناااااااسه واخيرابروح معاك لوحدنا..خلاص بنروح مكان للاسترخاء والاستجمام..بس حدد متى؟؟
ابو سليمان:بعد مااخلص الشغل..خالد مادق عليك
عبير:لا
ابو سليمان:من زمان عنه دقي عليه خليه يسير علينا..
عبير:انشاء الله..
ابو سليمان:كملي شغلك انا بريح شوي..
----------------------------

المستشفى
جالسين بالكافتيريا ويسولفون..
مؤيد:يوصل بالسلامه انشاء الله..شبك يدينه ببعض ..اقول ماسويت شيء بموضوعي؟
فيصل:يوووووه شلون نسيت ..خلاص بكلم الوالده الليله
مؤيد:ازعجتك
فيصل:حنا اخوان..لا تقول هالكلام..بس ليش ماتكلم عبير؟؟
مؤيدعصب)ماتقدر..
فيصل:صح شلون نسيت..
مؤيد:انا عندي شغل وقام من الطاوله وراح..
فيصل:شفيه معصب؟؟وكمل شرب الكوفي..
كان يمشي وباين انه ضايق خلقه..
زياد:افففففف ويسحب الكرسي ويجلس
فيصل:شفيك انت بعد؟؟
زياد:خالتي دقت تبيني ارجع المحروسه..
فيصل:وصل الموضوع لخالتك؟؟
زياد:خالتي صديقة ام المحروسه..
فيصل:وش قلتلها؟؟
زياد:قلت نفسي طااااااااابت...
فيصل:خلاص شفيك زعلان؟؟
زياد:ازعجتني تصور تدق علي يوميا تبيني ارجعها..
فيصل:لا ترد عليها..هي موتقول بتتزوج؟؟
زياد:وهذا اللي خايف منه..اللي بتتزوجه يبي يتزوج...وهي ماصارت ترسل رسايل لي وكأنه الوضع عاجبها..
فيصل:وش رسايله؟؟
زياد:احيانا ترسللي تهديدات اذا رجعتها ..
فيصل:مافي شيء بالغصب..
زياد:المشكله فيني...تدري هو زوجني غصب وخايف يضغط علي علشان ارجعها...وانت تدري اني ماخالف ابوي..
فيصل:لا ماتوقع..هو داري انها هي اللي طلبت الطلاق...وبعدين الى متى بتبقى على هالحال ..زياد ابوك المفروض مايتدخل بحياتك...شاف ساعته..يووه عن اذنك
زياد:بتطلع..ليش خلص دوامك وانا ماادري؟؟
فيصل:طبعا نسيت ان اختي جايه اليوم وبروح للبيت استقبلها..سلم على المحروسه
زياد:ههه الا شرايك تتزوجها وتفكني من شرها..
فيصل:الله لا يقوله..
------------------------

اعزائي الركاب هاقد وصلنا لمطار الرياض الدولي..نتمنى لكم قضاء اسعد الاوقات تقبلو تحياتي ومن طاقم الطياره وشكرا..
ناصر:لولي قومي حياتي وصلنا..
ليلى:وهي تتمغط..الحمدالله على السلامه
ناصر:الله يسلمك..خلي الركاب ينزلون بعدين احنا..
نزلو من الطياره واخذو شنطهم وعند الاستقبال..خالد كان يأشر بأيده
ليلى:ناصروسدييييييم..وبسرعه راحت لهم وضمتهم..
خالد:الحمدالله على السلامه ..ويسلم على ناصر..
ناصر:الله يسلمك..كيف حالك والاهل انشاء الله بخير..
خالد:كلنا بخير وينتظرونكم...ويلتفت لليلى اللي الى الان ضامه ناصر وسديم...انتي يالدبا المفروض والواجب تسلمين علي انا بالاول مو هالبزران بس الشرهه علي انا اللي جبتهم..خلاص يكفي قطعتيهم..
ليلى:مشتااااااااااقه لهم مره وش اسوي وتتركهم وتسلم على خالد..
خالد:يالله مشينا..وراحو للسياره وطول الطريق هم سوالف وضحك..
وبالسياره..
خالد:ليلوه اليوم السهره صباحي...اتفقنا(كان بيقهر ناصر)
ليلى:اكييييد..بس شوف انت اليوم تباشر علي بالمطعم..كانت سديم بحضنها وناصر الصغير بجنبها...
خالد:ابد ازهليه وتدرين شلون نبي نقول لسلمى تنام عندنا بعد..نبي نرجع ايامنا ..
ناصر:ليلى انتي بتنامين عند اهلك؟؟
ليلى:اكييد مايبيلها كلام..
ناصر:لا والله..ويلتفت لها ورى...وانا ؟؟
ليلى:انت عند اهلك بعد..
خالد:ايه اليوم كل واحد يروح لبيت اهله..ويبتسم بخبث
ناصر:انت رجاء لا تخفف دم..مافي نوم عند اهلك..ويرجع يشوف قدامه..
ليلى:تمززززح..مستحييييل..ناصر من جدك؟؟
ناصر:لا من عمي..
ليلى:ههههههه انا قلت انك تمزح..
ناصر:ومن قال اني امزح..انا جاد نومه برى بيتك مااااااافيه..
خالدحب يستهبل)هي انت لاتسويلي فيها زوج..قلتلك ليلى تنام عندنا وبلا سخافه لا اعطيك مخمس يلف وجهك لف..
ناصر:وانت لا تسويلي فيها فزعه وبعدين لا تتدخل..
خالد:غير نبرة صوته الى الحزينه..انتم كلكم اخواني وانا اللي يحقلي اتدخل واقرر عنكم بعد..
ليلى:خااالد مو وقت مزحك انت الثاني..
خالد:ههه ومنهو الاوووول؟؟؟ويطالع ناصر
ناصر:شوف الطريق احسن لك....بعدين نتفاهم ليلى اذا صرنا بعيد عن العذال..
خالد:صاير نمر على غفله..الله يرحم الحال..ووصلو البيت ونزلو..
طبعا بهالوقت الاستقبال الحار و الدموع مالها حاجه...
-----------------

24-12-11, 08:01 PM

المشاركة رقم: 15

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

طلعت من المطبخ وهي تاكل سندويشه وشعرها حايس وشكلها سرحانه..
فهد:ميسااااااااااااااااااااء
ميساء:بسم الله فجرت طبلة اذني..
فهد:سرحانه فيني طبعا..
ميساء:ايه مره وتروح تشغل التلفزيون وتجلس على الارض
فهد:راح جلس جنبها..هذا الحاله اللي تمرين فيها تسمى حالة مابعد التخرج..هز راسه ..هي صعبه بس لا تخافين لها علاج..
ميساء:التفتت له..ممكن تسكت علشان اسمع..
فهد:هههههههههههههههه
ميساء:الظاهر ماقلت شيء يضحك؟؟؟
فهد:وشلون تسمعين وانتي مقصرته..
ميساء:انتبهت وطولته..
فهد:اخذ الريموت وسكر التلفزين...ميساء اذا خلصتي اكل تعالي بالقبو ابي اتكلم معك..ونزل للقبو
ميساء ماقدرت تكمل سندويشتها..
ميساء:ياويلي لا يكون فيصل قاله شيء؟؟الله يستر..انزل ولا اروح لغرفتي..لا احسن شيء انزل واقوله عن كل شيء اكيد هو فاهم غلط بعد..تشجعت ونزلت..
كان منزل راسه ومغطس رجلينه بالمسبح ..طلعت صوت علشان ينتبه..رفع راسه..
فهد:ابتسم..تبين تجلسين جنبي ولا نجلس على الكراسي؟؟
ميساء:على الكراسي احسن...
طلع رجلينه من المويه وجلس على الكرسي..
فهد:تكلمي..
ميساء:عن ايش؟؟
فهد:ميساء انتي عندك شيء وانا متأكد...انتي من متى تخبين عني؟؟مو كل اسراري عندك واسرارك عندي؟؟قوليلي شفيك؟؟
ميساء:ترددت بس لما شافت نظراته تشجعت...فهدبصراحه..شقول ياربي..
فهد:اذا ما ودك مو لازم..
ميساء:لا انا محتاجه اقولك..وصارت تفرك يدينها..بصراحه مره رحت السوق مع وحده من البنات وكان فيه واحد يلاحقنا وحنا مانتبهنا ونادتني باسمي وسمعه وصار يزعجني هزئته..رجعت خصله طاحت على وجهها ورى اذنها...وطلعت من السوق وهو كان يلاحقني وبنفس الوقت كان فيه فيصل ولد خالتي وهذاك لما شافني ماعطيته وجه ناداني باسمي وسمعه فيصل وعرفني..وفيصل يحسبني اكلمه او لي علاقه معاه..وانت عارفني زين..
فهد:وهذا اللي مضايقك...شوفي المواقف هذي تصير..بس غريبه فيصل ماسوالك شيء مع انه حمقي ويتصرف قبل لا يفكر؟؟بس ولا يهمك انا بقوله عن اللي صار
ميساء:صددق..طيب متى؟؟
فهد:بكره العصر بمره في المستشفى..
ميساء:قامت حبت راسه..مشكووووووووووور يااحلى اخو بهالدنيا..
فهد:وعفوا يااحلى قرده
ميساء:طارت لغرفتها ومانتبهت لكلمته..
-------------------

جالسين بعد ماتعشو بجلسه بالحديقه وضحك ووناسه..
ابو فيصل وام فيصل نامو..وسليمان وسلمى والعيال رجعو لبيتهم..
عبير:الحين الساعه 12 لازم نرجع تأخرنا على ابوي..
خالد:لا نامي عندنا الليله ..خلي القرد اللي بجنبك يروح للبيت..
ناصر:عدال يالغوريلا..انت شفيك اليوم؟؟كان يكلم فيصل
محمد:هذا هو صارله حول الشهر ...شكله عاشق ولهان والحبيبه مو معطيته وجه..
ليلى:وانت شدراك بحال العاشقين؟؟؟
خالد:هههه تقول شدراك...حبيبتي هذا مدرسه الا جامعه تدرين وشلون هذا فوزيه الدريع بكبرها..
فيصل:تصبحون على خير...
ناصر:تو الناس بدري..
فيصل:من عمرك ..بس انا جيت من الدوام ولا نمت..الجايات اكثر..وتركهم.
عبير:وهي تفك غطاها..ترى صدق تأخرنا على ابوي
محمد:هي هي انتي شايفتني بزر قدامك يوم تكشفين؟؟
عبير:لا شايفتك سيد البزارين..حمودي شوف لو يصير عمرك ميه مارح اتغطى عنك مفهوم..
خالد:لا عبير احترمي نفسك ...ترى محمد توه رضيع..وين طيرتيه وخليتيه بزر..
محمد:مالت عليكم ويقوم وهو منقهر...
ناصر:دام كلهم قامو خلونا نروح للبيت
ليلى:ناصر..ممكن ابيك شوي..
ناصر:قام معهاوراحو يتمشون بالحديقه..
خالد:وهو يطالعهم..اخس ياوضحى..
عبير:اسمع يالعانس ابوي يقول زورنا انت من زمان ماجيتنا..
خالد:بكره اجيكم..الا انتي نجحتي؟؟
عبير:افففف ياشين الاحراج..بعدين تو النتايج..

يوم صارو بعيدين..
ناصر:وش بغيتي؟؟ويجلس على الثيل
ليلى:جلست جنبه..شقلت؟؟
ناصر:عن ايش؟؟
ليلى:نااااااااصر مو وقت استهبال..انا اتكلم جد
ناصر:خلاص مارح استهبل..ممنوووووووووع
ليلى:وشو اللي ممنوع؟؟
ناصر:الحين من اللي يستهبل؟؟؟؟
ليلى:طيب ليش؟؟؟
ناصر:سؤال وجيه ..لاني بكل بساطه ماتخيل ثانيه بدونك فكيف بيوم..
ليلى:لا صدق؟؟ليش؟؟
ناصر:مسك ايدها..ورب البيت هذا السبب..اذا انتي ماتبين تروحين معي بكيفك بس ترى مااقدر انام لين اشوفك..وعاد انتي وضميرك..وراح لخالد وعبير..
اما ليلى فقعدت فتره مو مستوعبه كلامه ..معقوله.
----------------