[قصة مكتملة] انكساري ، للكاتبة : أنشودة المطر .. - الصفحة 28

25-12-11, 08:37 PM

المشاركة رقم: 136

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

فتحت الباب واول ماشافته نزلت عيونها..خجل واحساس بالذنب..

وقالت وهي ترجع خصله لورى اذنها

نوال:اسفه على اللي صار..انا كنت اكذب على نفسي..

كان يفرك يدينه ببعض..ويقول وهو يلتفت على باب جناحه..

زياد:ابيك تحلين هالمشكله..انتي كلمي ابوي..مابي ليلى تدري بالموضوع..اللي فيني مكفيني مو ناااقص

وتركها..

سكرت الباب وسندت ظهرها عليه..

اللي فيك مكفيك..بس انا احبك..والله احبك يازياد..

ورفعت ايدها وطالعت بالساعه..تونا الساعه 11 اكيد عمي مانام..طلعت من غرفتها وراحت لغرفة عمها وطقت الباب ودخلت لما سمعته يأذنلها..

دخلت يدينها بجيوب بلوزة بجامتها..وقالت بعد مابتسمت على جنب

نوال:مساء الخير..

نزل النظاره عن عيونه وسكر الكتاب اللي يقراه..

ابوفراس:هلا نوال تعالي جنبي

جلست جنبه على الكنبه الطويله..

نوال:اسفه شكلي ازعجتك

ابوفراس:نوال قوليلي شتبين على طول انا مااحب اللف والدوران

نوال:بصراحه..انا مابي زياد..

ابوفراس:قالك شيء؟؟؟

نوال:لا وش يقول...عمي انا مابي اتزوج وقلت هالكلام علشان افتك من اللي خاطبني..

ابوفراس:يابنتي شيء ماتبينه محد بيغصبك عليه

ابتسمت بوجهه وهي رافعه حواجبها..محد بيغصبني؟؟..وين هالكلام يوم خذت زياد..وينه ياعمي المحترم يوم اترجاك واقولك ماابيه..الحين يوم بغيته تقولون محد بيغصبك...

ابوفراس:نوال شفيك ساكته

نوال:ها..لا ولا شيء..تصبح على خير

ابوفراس:وانتي من اهله...وزفر اول ماطلعت..الحمد الله افتكيت من هالسالفه..جت منها..ولا كان دخلنا بمشاكل مع عايلة ابو فيصل...

***********************

الاربعــــاء...

الصبـــــــاح..

الساعه التاسعه...

مسك راسه بقوه وضغط عليه..وقال بألم

تعبت والله العظييم تعبت..حاس اني بنجن..النوم ماصرت اتهنى فيه..حياتي جحيييم جحيييم

جلال:زياد قلتلك انت طبيعي 100% ..مافيك ولا مرض نفسي بس انت اللي مو راضي تقتنع

رفع راسه

زياد:اقتنع بأيش؟؟؟

جلال:اللي فيك قوى خفيه..اللي فيك عمل شيطاني

زياد:اوووه ياجلال اي عمل شيطاني انت الثاني..انا مافيني شيء

جلال:اجل ليش تكرهها وودك تخنقها وتطلع من حياتك اذا شفتها واول ماتروح تشتاقلها ..ووشو اللي يخليك تتصرف معاها بأشياء غصب عنك وانت تدري تماما انها غصب عنك..قوللي عطني تفسير

زياد:جلال خايف تكرهني..كل يوم العن من اليوم اللي قبله..كل يوم اكره نفسي اكثر واكثر..جلال انا حاس انها بدت تكرهني.

جلال:وعلشان ماتكرهك تعال معي للشيخ..يمكن اللي فيك يكون حسد..

زياد:مابي ارووح

جلال:زياد لمصلحتك انا اقول تروح..انت بتمرض اذا ضليت على هالحاله انت قاعد تضغط على نفسك..انت حتى وهي بعيده عنك تتصنع البرود معها وماني شايف لهالشيء مبرر

زياد:تبيني اخليها تعيش تناقضاتي..مستحيل..انا اتعذب بهالتناقض ..

جلال:بالعكس على الاقل تحسسها بحبك لو من بعيد لبعيد

زياد:مستحيل اخليها تعيش بحيره..جلال خلاص بروح للشيخ معاك

جلال:عقب الدوام بنروح في شيخ موثوق فيه واعرفه بنروح له وبتشوف كلامي..طيب ليش ماتقول لفيصل؟؟؟

زياد:لا مابي علاقتي فيه تهتز..ان شاء الله احل هالمشكله..انت ماتعرف فيصل يحرق الدنيا لو احد سوى شيء لاخته وحتى لو هي الغلطانه..

دامها ساكته وصابره ليه افضح عمري..

جلال:خلاص اللي تشوفه...

تنهد ووقف..

زياد:اشوفك عقب الدوام...وطلع..

جلال:الله يعينك يازياد..

دخل مكتبه وهو مكتئب..سكر الباب بقوه..وجلس على الكرسي

مرر يدينه بشعره الاسود بتوتر..ضايق صدره..

اليوم حفلة تخرجها..اااه يابعد هالدنيا..ودي اطير فيييك لدنيا مافيها الا انا وانتي..

سامحيني سامحيني..

********************

حست بشيء ناعم يلعب بوجهها..وهاالشيء متعوده عليه زمان وتعرفه..ابتسمت قبل لاتفتح عيونها..

شاف ابتسامتها استانس وقال

فيصل:قوومي يكفي نووم..

فتحت عيونها وابتسمت على جنب..اخذ الياسمين ومرره على خشمها يلاعبها..

فيصل:صباحك ياسمين يا ياسمينة روحي..

مسكت الياسمين وقالت بحب

عبير:صباحك عبير ياروح عبير..ورفعت نفسها واستنشقت الياسمين..وقالت وهي تلتفت عليه..

عبير:ليش تأخرت بعد صلاة الفجر..انتظرتك وماجيت..

مسك ايدها اللي ماسكه الياسمين وباسها..

فيصل:كنت مع محمد..مادريت ان ناصر طلع..الحمد الله على سلامته..

عبير:الله يسلمك..انا حسبتك داري..

فيصل:لا انا رجعت للرياض قبل لاادري وجوالي مقفل ومادريت..والتفت على وراه واخذ المخدات وزينهم وارخى راسه عليهم

عبير:بتنام؟؟؟

فيصل:لا بس بستريح شوي...

قامت من السرير وهي تضحك..

عبير:يعني قسطا من الراحه بعد النوم..

وراحت للحمام..

غسلت وجهها بالمويه البارده علشان تنعشها..طالعت شكلها بالمرايه وضحكت..لابسه بجامة فيصل..طويله وعريضه..

طلعت لغرفة الملابس وفتحت الادراج كلها..

عبير:غبيه ليتني مخليه شيء هنا..مادري شلون كنت افكر..

راحت للتسريحه ولا لقت حتى قلم كحل..وشنطتها تحت..ياربي شالسواة؟؟؟صعبه يشوف شكلي كذا..

استسلمت للامر الواقع..ولفت بقوه ..

25-12-11, 08:38 PM

المشاركة رقم: 137

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

حست ان الدنيا ظلااااام وانها موبالارض..ثواني وحست التشويش اللي براسها انتهى..

فتحت عيونها ..وضحكت

ههههههه هههههههه

فيصل:ان شاء الله دوووووم هالضحكه..ونزل ايده عن ركبها وخلاها توقف بعد ماكان شايلها..وقربها منه وهو يمرر اصابع ايده على شعرها..

دختي..؟؟

عبير:شوي ..ماكنت عارفه انك شايلني...

فيصل:مره ثانيه ايدك بيدي..ماتفارقيني لحظه سامعه..

عبير:اخاف تمل مني..

حاوطها بيدينه

فيصل:ايه تعذري وقولي انك ماتبيني...

عبير:ايه مابيك..

ابو طبيع مايجوز عن طبعه..يعني شفيها لوقلتيلي ابيك..بتنقص من وقتك..تركها وراح للدولاب

درت انه متضايق..بس هو شفيه على طول زعل..وقفت وراه ودقت ظهره بأصبعها..

التفت عليها

عبير:مابيك وبس..الا ماودي تغيب عن عيني لحظه

فيصل:لا فيه تطور..اول تقطين الكلمه بدون تصليح..والحين تصليح..ان شاء الله ماتحتاجين للتصليح بعدين..

عبير:احنا شقلنا..ننسى الماضي..ومسكت يدينه وبدت تلعب فيهم مثل فتاحيه ورده..

انت دايما عجول..عطني فرصه علشان اعبرلك..وهمست..أحبك..

مسك يدينها ورفعهم لشفايفه وباسهم

فيصل:عبري على راحتك ياقلبي..حياتي بنروح للمستشفى اخذتلك موعد..

سحبت يدينها وطلعت بسرعه..وجلست على السرير..

مالحقها..دخل للحمام ياخذ شور سريع وبعدها ياخذها غصب عنها...

************************

حطت الورد الاحمر بمزهريه رايقه وحطتها بالعربيه الفضيه المشغوله بزخرفات فخمه مع الفطور..

وهمست بالله يسعدهم..واشرت للخدامه تطلعه فوق..ونزلت راسها للي تسحب ثوبها

ام فيصل:امري ياوجه الخير..

سديم:ابي اسكريم

هي تدري انه يظرها وخصوصا بهالوقت لانها ماافطرت بس هي حالفه تنفذ اوامرها لانها هي اللي بشرتها برجعة فيصل لعبير..

ام فيصل:افطري بسرعه وبروح معاك للسوق نلعب وناكل اسكريم..ومسكت يدها وراحو لغرفة الجده..

واول ماشافتها فتحت يدينها وهي تردد

ياهلا بوجه الخير ياهلا باللي فرحت قلبي ياهلا بوجه السعد..

استانست وحضنت الجده..اللي ماقصرت فيها تبويس من امس..

سديم:ماما ضربتي عبير

الجده:الحين ان نزلت بضربها قدامك..ارسلتيلهم الفطور..

ام فيصل:ايه..بس مادري هم قامو ولا لأ.

الجده:نوم الهنا ان شاء الله يالله انك تهدي سرهم...

********************************

25-12-11, 08:38 PM

المشاركة رقم: 138

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

رن المنبه تقلبت وتقلبت..فتحت عيونها بشويش..ومدت ايده وسحبت الجوال من على الكومندينه وسكرته..

زفرت..

ميساء:ااخ الواحد مايعرف ينام الا ببيته..وابتسمت وهي تطالع بغرفتها..ماكأني نمت فيها يوم واحد..شالت الحاف عنها ولبست شبشبها...

ومشت للحمام وهي تجمع شعرها بكلبس...

بعد مرور ربع ساعه..لبست جلابيه ناعمه بتطريزات ناعمه لونها بين الوردي واللحمي..رتبت جناحها وخصوصا انها من زمان عنه..

اخذت جلالها ونزلت تفطر معهم..

نزّلت كوب الحليب بالنسكافيه وقالت لجدتها

سلمى:والله عجزت عنّه..لو يدري سليمان انه ماراح للمدرسه والله لايذبحني

الجده:الا تاركته مع الشغاله وانتي نيمتن ماتدرين وين الله حاطتس

سلمى:جدتي والله عمري ماتركته مع الشغاله ..سديم ماما روحي نادي ناصر علشان تسألونه بنفسكم

ام فيصل:حنا مانكذبك بس لازم تشدين عليه..يعني مو علشانه قال ماما الله يخليك ابي اغيب تخلينه يغيب..

الجده:الله يخلي ابوه الظاهر مايحرص عليه الا هو..

السلااااام عليكم..

وعليكم السلام..

جلست بجنب سلمى وتربعت على الارض...مسكت ترمس القهوه وصبت لنفسها..

ام فيصل:ترانا افطرنا..الله يهديك تأخرتي ومابغيت اقطع نومك..

ميساء:عادي خالتي..ماني غريبه

الجده:الله يرحم حريم اول اللي يقمن بدري ويسون الفطور لحمولتهن..

افتشلت ميساء..هذي شفيها علي

ام فيصل:ههه يماه الله يرحمهن هذام جيل وهذولي جيل..وبعدين ماله داعي الطباخين موجودين والخير واجد ربي لك الحمد..وميساء ضيفه عندنا ماهي ساكنه علشان نشره عليها..

الجده:ايه خربيهن خربيهن..

سلمى:ههههههه خربانات وخالصات ماينفعبهن ياجدتي

الجده:وانتي اردى منهن..ماندري عن ليلى شمسويتن مع حمولته ..عسى ماهي زي ميساء

انسدت نفسها ونزلت الفنجان

ميساء:اسفه ماكنت ادري..

قالت وهي تسكّتها بيدها..

الجده:ايه ايه...والتفتت على ام فيصل.. دقي على ابوفيصل اسأليه شصار

ام فيصل:يايمه تونا مسكرين السماعه منه..ماصار شيء

الجده:انتي شعليتس دقيلي عليه وانتي ساكته

همست لسلمى

ميساء:شفيها اليوم

سلمى:الظاهر من كثر ماهي مشتاقه لناصر حطت الحره فينا..روحي افطري بالمطبخ دامها لاهيه تكلم ابوي

ميساء:الله يستر...وطلعت بسرعه..

***************

رش من عطره بولغري وهو يحس نفسه سعيد..اخذ المفتاح والجوال ودخلهم بجيب بنطلونه الجنز..

وطلع من غرفة الملابس..لقاها نايمه على السرير ومعطيته ظهرها..وشاف الفطور بوسط الغرفه..

راح لجهتها وسحب الحاف عنها..وقال بهدوء وهو يدري انها مو نايمه

فيصل:حبيبتي قومي البسي مابقى شيء على الموعد..

ماردت عليه..

جلس على السرير وضغط على خشمها..

فيصل:خلي عنك الدلع..قووومي

فتحت عيونها ورفعت نفسها وقالت مثل الاطفال..

عبير:ماابي اروح معاك..الله يخليك مااابي..

فيصل:ليه ماتبين تروحين؟؟؟؟

عبير:مابي وخلاص..يعني شيبي يقولون..فيصل انا مابي اموت وانا اتعذب..الله يخليك..

وقف وشالها غصب عنها..

فيصل:الظاهر عاجبتك بجامتي..يلااا بتغيرين الحين وبتروحين معاااي

تعلقت برقبته

عبير:اولا ماعندي لبس..مااااابي ارووووح..وشلووون اروح وليلى حفلتها اليووم انت نااااسي

فيصل:اللبس انا بجيبلك الحين..والحفله بتحضرينها ان شاء الله..لاتحاولين معاااي

دمعت عيونها..وضاق صدره..جلس على كرسي التسريحه المخملي وهي بحضنه..وقال بحب

فيصل:يابعد قلبي ليه تبكين..والله هالشيء لمصلحتنا..انا مابي اسوي شيء غصب عنك..بس اذا تبيني ارتاح وارضى عنك طيعيني..

واذا ماتبين براحتك بس ترى بزعل..عبووره خلااص يكفي صياااح..

عبير:وافرض...مسكوني...ودرى ابوي...شيبي يصير..

فيصل:مارح يسوونلك شيء على مسؤليتي...انا بس بكشف عليك لااقل ولا اكثر..علشان نعرف بالضبط وشو اللي معك..ريحيني ياعبير

عبير:طيب..خلاص..بس توعدني ماتخليني عندهم

فيصل:وعد ياروح فيصل...يلا قومي معاي غسلي وجهك والبسي عباتك نروح لبيتكم تاخذين ملابسك ونروح للمستشفى وبعدها نفطر برى..

عبير:مايحتاج..انا جايبه معي لبسي لاني كنت بنام عندكم..بس شنطتي تحت..

فيصل:وينهي انا اجيبها..

عبير:بالغرفة اللي بجنب غرفة جدتي...

فيصل:خلاص قومي غسلي وجهك وانا الحين بجيبها....

***********************************

كل ماقلتــــــي يصفى

في زماني يشين

ويش اسوي بحظي

طاح عيا يقووم

كل ماقلتي يصفى في زماني يشيــن....

ببنطلون جنز برموده وبدي اصفر وعلى اصوات الطقاقه..منسجمه على الاخر..وترقص بأبداع وبفن..

كانت تفضي شحنات القهر الموجوده بداخلها..

دخلت شموخ عليها وهي ترقص وتصفق

شموخ:عاااشو عااشو..ياولد..ورى ورى..سرى سري..ايوه ايوه..

وبدو يرقصون مع بعض ويستهبلون...

انتهت الطقاقه ووقفت الاستريو شموخ..

شموخ:شعندك على هالصبح ترقصين ترى الحفله بالليل..

نفضت شعرها البني بيدينها وقالت

نوال:اتدرب..تبيني اروح على عماي...بروح اخذلي شور وبعدها بروح للصالون تروحين معاي

شموخ:اوفكورس..وجلست على السرير...وقالت بحالميه..نوال تهقين اشوفه الليله

نوال:الحمد الله والشكر..انت للحين تفكرين فيه؟؟؟اصحي لو يبي يتزوج كان تزوج من زماااااان

شموخ:وهذا اللي معلقني فيه...حاسه انه ينتظرني..ويفكر فيني..

نوال:شموخ تبين تروحين معاي روحي البسي وتجهزي..مارح انتظر احد...

شموخ:بسم الله توك مروقه..يلا الحين اجهز...

سكرت الجوال ورجعت تنظف جناحها..وشتبي ميساء..

خلصت تنظيف..وراحت تاخذ لها شور بارد ينعشها وبتروح تمر ميساء ببيت اهلها..

طلعت بتنوره جنز وبتيشرت وردي..ومسكت جوالها وارسلت له..

((اسفه على المضايقه..بطلع مع بنت خالتي تبيني بموضوع مهم..بحاول اجي بدري..))

طلعت من جناحها وشافت نوال وشموخ نازلين..

ليلى:صبااااحوو ياحلوين

التفتو عليها..

شموخ:هاااي..على وين ؟؟؟

ليلى:بروح لميساء بنت خالتي..انتم على وين

شموخ:بنروح الصالون..عندنا شيء ضروري الليله..وغمزتلها..

ليلى:وشو

شموخ:كل شيء بوقته ياحلووو..

نوال:افف يلا انتي خلصيني ولا بروح واخليك..ونزلت بسرعه

استغربت ليلى..

ليلى:وشفيها حتى ماتشوفني

شموخ:مادري.

ليلى:شموخ شصار على زياد

شموخ:اليوم بكلمه لاتخافين....يلا سي يوي وراحت تلحق نوال...

*************************

25-12-11, 08:41 PM

المشاركة رقم: 139

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

نزل وهو ماسك ايدها والسعاده تشع من عيونه..وهي ساكته ومنزله عيونها بالارض..

راحو للجهه اللي فيها غرفة الجده..وبالممر..وقفته

فيصل:شفيك؟؟؟

عبير:تنحنح..ميساء اكيد فيه..

شد على ايدها وكأنه يقول انا لك .. وسحبها وهو يتنحنح...

لبست جلالها بسرعه..وهي تسمع الجده تحيي فيهم قبل لايدخلون..
دخل وقال بصوت جهوري
فيصل:صبحهم بالخــير...
ام فيصل:الله يصبحك بالنور وبالسروور..ودمعت عيونها..
راح لها بسرعه بعد ماحرر يده من عبير..وباس راسها وضمها..
فيصل:الحين بدل ماتفرحين تبكين...
مسحت دموعها بسرعه
ام فيصل:دمووع فرح ياولدي ..يالله يارب يسعدكم ويوفقكم..
فيصل:ايه هذي الدعاوي الزينه...
الجده:تعااال تعااااال خل عنك امك..تعاال خلني اباركلك
راح لها وحب راسها وسط دعاويها وتبريكاتها..وتلفت حوالينه ولا لقاها..استغرب..
فيصل:وين عبير؟؟؟

سلمى:مادخلت معك ماشفناها

ميساء:لادخلت بس رجعت بسرعه..

خاف لايكون صار فيها شيء ورجعلها الالم...بسرعه طلع..

سلمى:هههههه ياحليلك يافيصل..مايقدر على فراقها..اثري محمد صادق..ماعنده وقت
ام فيصل:سلمى شهالكلام عيب
سلمى:وانا صادقه يمه..اجل امس رامي شنطته بالدرج وباب جناحه مفتوح..وفضح نفسه مو بس عند محمد حتى عند سديم..والحين لحقها..
الجده:الله يكفيهم شرتتس..
سلمى:مشااااء الله تبــــــارك الله..يعني الواحد ماتبونه يعلق...

بالممر..
رفع حاجب
فيصل:وشو
قالت وجهها احمر من الحياء
عبير:والله ماااقدر..استحي شيبي يقولون عني..خلنا نطلع الله يخليك..
فيصل:بيقولون مبروك..
عبير:لا لا..حتى بدون مايدرون رجعتلك..الله يخليك خلنا نروح للموعد..مالي وجه اقابلهم..
ابتسم بمكر..
فيصل:طيب خلاص..امشي قدامي..
ردتله ابتسامته وهي مرتاحه انه قدر حياها وانها ماتقدر تدخل لهم...ومشت قدامه

ضحكو كلهم وهم يشوفون منظر عبير...
دافنه وجهها بصدر فيصل ويدينها متعلقه برقبته..
كان شايلها يد تحت ركبها ويد ورى ظهرها...
وجلس بجنب جدته على السرير وهي بحضنه..

فيصل:تقول انها مستحيتن تدخل عليكم..عاد جبته بطريقتي الخاصه..شرايتس ياجدتي
الجده:ايه عفيه على ولدي...
سلمى:عز الله ماتت عبير..
قال بانفعال
فيصل:بسم الله عليها عدوينها ان شاء الله..
سلمى:عبيرووووه انتي شمسويه بخوي؟؟؟؟؟
فيصل:عبووره..عبوووره..
ماردت عليه..
الجده:عبييير شبلاتس كل هذا حيا..تقل انتس غريبتن عنه..
ام فيصل:عبوره عاادي مافيها شيء..انتي زوجته..ماله داعي هالحياء..
حس بتيشرته تبلل..عرف انها تبكي بصمت...لام نفسه وكرهها..هو ماقصده يحرجها..
مسك يدينها اللي تحاوط رقبته بقوه وابعدها عنه..حاول يرفع وجهها بس ماقدر..

وقف وهو شايلها وقال قبل لايطلع
فيصل:حنا رايحين نتمشى برى..والغدى بنتغدى برى...مع السلامه....

ضاق صدر ام فيصل...
ام فيصل:الله يهديه..شكلها بكت من الاحراج..

سلمى:عاد فيصل ماعنده يسوي اللي يبيه قدام اي احد..وهي تستحي..
الجده:والله من الدلع اللي فيها...

ميساء:انا بروح البس قبل لاتجي ليلى..عن اذنكم..وطلعت...

وبآخر الممر اللي يودي للصاله وقفت..

كان جالس على كنبه منفرده وهي لازالت بحضنه..بس رافعه وجهها له وهو يمسح دموعها..
فيصل:يابعد قلبي والله ماقصدت..كنت ابيك ماتستحين..سامحيني
عبير:قلتلك مابي ادخل بس انت تعاااند..الحين شلون بقابلهم
باس راسها
فيصل:اللي تامرين فيه انا حاضر..بس تكفيين لاتبكين دموعك غاليه..
عبير:خلاص مارح ابكي..
ضمها وهو يقول بصوت واضح
فيصل:فدييييييييييت الزيييييييين ياناااس...
ابعدت عنه وهي تضحك..
عبير:هههه يلا خلنا نطلع..
خلاها توقف ووقف معها وساعدها تلبس عبايتها..وهمس بأذنها قبل لايمسك ايدها..
فيصل:احبك..
وطلعو...

كانت تحس بنااااار تغلي بجووفها..شلوون حبها..شلوون سامحها..واناااا..نساااني؟؟؟؟

طلعت لجناحها بسرعه وقفلت على نفسها..رمت نفسها على السرير..وحاولت تبكي بس ماقدرت...ليه دموعي مو راضيه تنزل..ليييه؟؟؟

رن جوالها ونقزت..وبسرعه ردت..

ميساء:هلا ليلى
ليلى:ترى انا عند الاشاره..دقايق واجيك..

ميساء:خلاص انا جاهزه..اذا وصلتي عند الباب دقي علي وبطلعلك..
ليلى :اوكيه...

سكرت الجوال وبسرعه راحت لغرفة الملابس تلبس...راحت لدورة المياه علشان تتوضى..واول ماغسلت وجهها..

اجهشت بالبكاء... وكأنها توها تصحى..شلون كنت افكر ؟؟؟انا كذا معقووله..؟؟وانا شدخلي فيه شلون سمحت لنفسي اغار عليه..؟؟؟

ليه لييييه..انا زووووجة خااااااااالد واحب خااااااااااااااالد وبس احب خاااااااااااااااااالد وبس...ارتاحت شوي..ورجعت عادت وضوئها..

****************************

في مستشفى التخصصي للاورام..

وقف وقبل لاتوقف اشرلها تجلس..
فيصل:لحظه انا بدخل قبلك..
عبير:ليش؟؟؟
فيصل:ابي الدكتوره بموضوع..ثواني بس..ودخل بسرعه قبل لاتفتح معاه تحقيق..
عدلت نقابها ..وهي تفكر..بحياتها..وش ممكن تقول الدكتوره..
قطع تفكيرها صوت فيصل..
قال وهو ماد ايده لها
فيصل:يلا..
مسكت ايده وقامت..كان شاد عليها وكأنه يطمنها...

***************

طلّعت الجوال من شنطتها قوتشي وقالت قبل لاتضغط على رقم خالد..
ميساء:ليش ماخليتينا نروح بسيارتك؟؟؟
كانت تتفرج على بيوت حارتهم..وتتذكر كل ايامها السعيده..قبل لاتدخل عالم الزواج..
ميساء:ياهوووو ليلى وين سرحتي؟؟؟

التفتت عليها

ليلى:معاك..تدرين اشتقت لايام الطفوله..ليتني ماكبرت..
ميساء:محد وده يكبر..اقول ماجاوبتيني..ليه مارحنا بسيارتك
ليلى:مو سيارتي..سيارة حمولتي..وبصراحه مستحيه اخذه لحالي..لو معي وحده منهم كان عادي..وبعدين شلنا فيهم الحمد الله سياراتنا موجوده ..على مين تدقين
ميساء:على خالد..افف شفيه ماايرد؟؟

ابتسمت من تحت غطاها ومسكت ايد ميساء
ليلى:ميساء حبيتي خالد؟؟؟
طالعت بأيد ليلى..ورفعت عيونها لها..

ميساء:ايه..احبه..هو صحيح دفش وماله بالرومانسيه..بس يحبني و هالشيء متأكده منه..وهذا المهم..
صابر شغل اغنيه..
ليلى:ميساء من متى تسمعين اغاني؟؟؟

ميساء:استغفر الله العظيم خلاص خلاص لاتشغل نسيت انك ماتسمعين

ليلى:ميساء انتي بعد ماكنتي تسمعين؟؟؟

ميساء:اخوك هو السبب..بالغصب يخليني اسمع..وبعدين هو يقول ان العلماء اختلفو فيه..

ليلى:ايه هذي اخر الدنيا يحلون المعازف..شيء واضح انه حرام لاتتفلسفين وتدورينلك اعذار..

ميساء:طيب انا شسوي..هو يغصبني

ليلى:حاولي معاه واسحبيه معاك مو هو يسحبك معاه..

رن جوالها وردت على طول..
ميساء:هلا حبيبي
خالد:هلا قلبي..شخبارك
ابتسمت وهي تتخيل شكله كيف يقولّها ياقلبي..لا فيه تحسّن..
ميساء:مو زينه وانت مو عندي..
خالد:لاتخليني اجيك الحين..
ميساء:والله؟؟؟
خالد:على طول انتي تصدقين..نمزح يابنت الحلال..اقول وين انتي طالعه؟؟؟
ميساء:وش دراك اني طالعه؟؟؟
خالد:كل شيء ادري فيه..يلا قوليلي وين رايحه انتي وليلى؟؟؟
التفتت على ليلى اللي تتفرج على الطريق..

ميساء:وش دراك ان ليلى معاااي؟؟؟؟

خالد:العصفوره قالتلي..
ميساء:لا جد من قالك؟؟؟
خالد:سر..وين بتروحون؟؟؟
ميساء:بنروح للصالون..واكيد ماعندك مانع

خالد:بعد ماطلعتي من البيت تقولين اكيد ماعندك مانع..ليه شايفتني طرطوووور..يلااا ارجعي ارجعي

قالت بدلع يحبه..
ميساء:خاااااااالد..بليييييييز

خالد:خلاص روحي بس علشان بليزك..بس اسمعي ان دريت انك قاصه شعرك ياويلك..سامعه
ميساء:اوكيه..انتبه لنفسك حبيبي..ولاتزعل مني ترى والله كنت مستعجله وتوقعت انك مارح ترفض اني اطلع..
خالد:خلاص اخر مره..سلمي على ليلى..الا اقول فيصل بالبيت ولا مداوم..
طرى على بالها مشهد فيصل وعبير..عقدت حواجبها
ميساء:ماظنيت انه مداوم لانه طلع مع عبير..
خالد:غريبه..ادق عليه مقفل..خلاص اجل تامرين على شيء
ميساء:سلامتك ياقلبي..
قال بصوت خافت..
خالد:الله يسلمك يا كلي..
همست وهي تحاول ان ليلى ماتسمع
ميساء:احبك..
خالد:وانا اعشقك..
زادت نبضات قلبها..وسكتت ماتعرف وش ترد..خايفه تتكلم ويقول خلاص اسكتي..
خالد:الوووو
ميساء:هلا معاك معاك..
خالد:باين معاي..ليه سكتّي؟؟؟ماعندك رد..
ميساء:ردي تعرفه..
قال بجديه وهو يحاول يقهرها..
خالد:خلاص بس مره ثانيه لاتحشين فيني وتقولين اني دفش ومالي بالرومانسيه ..الظاهر الحين عرفتي منهو اللي ماله بالرومانسيه...مع السلااامه..

سكر بوجهها وهي مستغربه..شلووون عرف؟؟؟

ليلى:فيصل طلع مع عبير؟؟؟
انتبهت لليلى..وردت وبالها مع خالد..
ميساء:انتي مادريتي..امس رجعو لبعض

ليلى:احلفـــــي..وشلوووون؟؟؟؟
ميساء:كذا بدون مقدمات..جتنا سديم وهي تبكي مقهوره تقول انها شافت عبير وفيصل مع بعض..ماصدقناها..
بس بعدين جانا محمد وهو يباركلنا برجعتهم..واستغرب اننا ماندري..وبس..اما شلون وكيف محد يدري ولا احد يبي يسأل...
المهم انهم رجعو...
ليلى:الحمد الله الحمد الله...

*************************

25-12-11, 08:42 PM

المشاركة رقم: 140

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

وش تحسين فيه بالضبط ومن متى؟؟؟اسأله طرحتها الدكتوره بعد ماكشفت عليها..
رفعت نفسها عن السرير وساعدها فيصل تنزل..وقالت وهي تشوف الدكتوره تجلس على مكتبها..
عبير:الاعراض تقريبا صارلي من شهر ونص الى شهرين..والورم ماطلع الا قبل اسبوع..
ومشت وهي ماسكه ايد فيصل وجلست على الكرسي ..وجلس فيصل قبالها..

الدكتوره:وشهي الاعراض اللي حسيتي فيها بالضبط..

عبير:احس راسي ثقيل..ومااقدر الف بسرعه..احيانا افقد التوازن واشوف الدنيا سواد..مااقدر آكل..كل شيء آكله ارجعه..
وشعري تساقط..

الدكتوره:اوكيه..مبدئيا بنسوي شوية تحاليل..بس مو اليوم..لاني قبل بتأكد من شيء معين..تقدرون تتفضلون..فيصل لوسمحت ابيك بموضوع..

فيصل:الحين اجي..بس اساعدها تجلس برى بالانتظار...

غطت وجهها زين وهي مقهوره وتردد بداخلها كلام الدكتوره..فيصل لو سمحت..تمون عمتي عمى بعيونها كل وقتها وهي تقزه قز..

طلعت من الغرفة وهو بجنبها وماسك ايدها..وصلو لغرفة الانتظار

فيصل:انتظريني بس بشوف وش تبي..انتبهي لنفسك
عبير:ايه روح روح لاتموت علينا
رفع حاجبه مستغرب
فيصل:وش تقولين؟؟
عبير:والله كلام الشيوخ ماينعاااد..
فيصل:طيب ياالشيخه ممكن تدخلين لاني تأخرت..
دارت بظهرها ودخلت...وراح بسرعه...

***********************

في الصالون
فصخت عبايتها وشنطتها وعطتهم المسؤوله
والتفتت على ليلى
ميساء:اثريني دقيت عليه وانا اسولف معك ورد بدون ماادري وسمع كلامي عنه...الله يعيني على مراضاته..انا غبيه مادري شلون خليته يمسك علي شيء..
ومشو لداخل المركز
ليلى:لا تخافين بكم تسبيله من عيونك الحلوه وتنحل كل مشاكلك...
ميساء:الله يعين...
ليلى:اقول ماله داعي نسوي سبا..اصلا هالعزيمه كلها مو داخلتلي مزاج..
ميساء:علشان تزعل عليك خالتي..وبعدين انا ابيك الليله تصيرين النجمه..
ليلى:عز الله بتأخر على البيت
ميساء:لا تخافين ..

****************

ابتسم وبانت شوي من سنونه ..وقال وهو يتمنى اللي سمعه صحيح..
فيصل:متأكده..لا تأمليني يادكتوره
الدكتوره:فيصل انا اقول 90 % وهم..انا خبره واعرف الاورام..صحيح اني ماسويت التحاليل..بس وااضح انه كيس دهني..ومو مأثر عليها..
فيصل:اجل هالاعراض لايش؟؟؟
الدكتوره:الله اعلم..عموما افضّل تروح لمستشفى خاص وتسوي تحاليل مستعجله..يمكن عندها شيء ثاني..
فيصل:يعني اكيد مافيها ورم
الدكتوره:اللي فيها كيس دهني ..روح اكشف عليها بمستشفى $$$ وان شاء الله مايطلع شيء خطير...
فيصل:شكرا دكتوره..ازعجناك..
الدكتوره:لا شكر على واجب...

ركبو السياره وهي مستغربه حاله..لايكون بس عاجبته الدكتوره؟؟؟
علشان اذبحه..لا مستحيل يسويها..وليه مايسويها..تلقينه قال شيبي بوحده مريضه..
اففف..طلعت منها بدون ماتحس..
فيصل:شفيك تتأففين؟؟؟
انتبهت انه مو مشغل التكييف..ولقتها حجه
عبير:لانك مطفي التكييف..مادري قالولك بباريس حنا..بس ماعليك شرهه اكيد سرحان والله اعلم بمين؟؟؟
مد ايده وشغّل التكييف..
فيصل:وكل هالجمله علشان تكييف..
التفتت عليه
عبير:شكنت تسوي معها طول الوقت؟؟؟
شال نظارته الكلاسيكيه السوداء وحطها على التكييف تبردها..
فيصل:مين هي؟؟؟
عبير:الدكتوره..وقالت بسخريه..عزيزه..
لبس النظاره وكانت بارده..
فيصل:انتبهي لالفاظك..
قهرها بروده..تبيه يصرخ يعصب..هي مقهووره وبس..
عبير:اففففف..
ابتسم على جنب
فيصل:اليوم يوم الاف العالمي..
عبير:باااااااايخه..
فيصل:شكرا..يجي منك اكثر..
قالت بغيض..
عبير:فيــــــــصل..
فيصل:عيوونه..
ماقدرت تستحمل..خنقتها العبره..وسكتت..لانها لو تكلمت بكت..وبدت تفرك يدينها ببعض..
انتبه لها وحس فيها..مد يده وهو يشوف الطريق ومسك يدينها وضغط عليهم..
فيصل:ليه متوتره..مافيه شيء يخوف..الدكتوره طمنتني..ماتشوفيني مبسوط..بس شوية تحاليل وان شاء الله مايطلع شيء خطير...
قالت ودمعه تحررت غصبا عنها
عبير:تواسيني وشفقان علي..عاجبتك الدكتوره صح؟؟
فيصل:ياقلبي انتي تدرين ومتأكده بعد اني مو بس احبك..انا امووت فيك..بس انتي تقولين هالكلام تتدلعين علي..وتدلعي يحقلك..
ياروح فيصل انتي..
سكتت وهدت روحها..هي محتاجه لهالكلاام...

وقف عند مستشفى خاص معروف..
عبير:ليه جينا هنا؟؟؟
فيصل:الحين بتعرفين ليش...

********************

وااااااو وااااااااو جنااااان يانواااال مررره
ابتسمت الكوفيره
:نوال تحلّي الشيء..كل شيء يلبقلها..
ابتسمت وقالت بقلبها((كل شيء يلبقلي..ياربي من البكااشه..اتمنى اشوف كوفيره صادقه..))
مررت اصابعها على شعرها الاشقر الفاتح اللي ابرز جمال بشرتها وعطاها لون ذهبي رائع..
نوال:طيب ابيك تموجينه..
شموخ:لااا خليه كذا يجنن
نوال:لا مابي ..يلا ابدي شغلك..
شموخ:اوكيه انا بروح اسوي مني كير وبدي كير..
نوال:شموخ تدرين طالع شكلك بزززززرررر
التفتت عليها وهي معصبه
شموخ:انتي اللي قلتيلي اقص شعري كذا..((صبغت شعرها اسود بانعكاس بنفسجي وقصت كاريه قصييير وغره..))
نوال:هههههه امززح بالعكس طاالع شكلك كيووووت..وغمزتلها..لو شافوك بعض ناس اليوم بيتخبلوون..
حمرت اخدودها وراحت..