[قصة مكتملة] انكساري ، للكاتبة : أنشودة المطر .. - الصفحة 26

25-12-11, 08:27 PM

المشاركة رقم: 126

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

الساعه 12 مساءًا

دخلت جناحها بعد ماوصلها خالد وتعذرت بأن زياد تعبان..

كانت تسمع صوت الاغاني من المكتب..زفرت وراحت تفصخ عبايتها..

راسها مصدع وودها تنام..دخلت عليه

ليلى:وين بتنام؟؟؟

طنشها ولا رد..كان على النت

قربت من عندها وسكرت الاستريو..

التفت وهو معصب..

زياد:خيييررر شفيـــه..

ليلى:انا اسأل وين بتناام

زياد:بالغرفه

ليلى:طيب انا بنام ممكن تطلع

زياد:لا والله اقول فارقي بس انام غصب عني علشانك

ليلى:طيب نام هنا وانا بالغرفه

زياد:لأ..وانطقي برى اذا خلصت وشبعت تعالي نامي..

ليلى:زياد انت شصايرلك؟؟ليه تغيرت؟؟ سامع شيء سويتلك شيء؟؟

نفخ هوى من فمه وسكر اللابتوب

زياد:اففففففف من هالعيـــــــشه وطلع بعد ماسكر الباب بقوه..

انتفضت وهي تسمع صوت الباب..

ليلى:ليه مو راضي يتكلم..ياربي ارحمني...

********************

طلع من الحمام بعد مااخذ شور وهو لابس بجامه سوداء والفوطه على شعره ويفرك شعره بقوه..

جلس على السرير ..

انتبهتله..باين عليه يفكر وقلقان..قالت وهي تحط على يدينها لوشن وتطالعه من المرايه..

ميساء:وشفيك؟؟؟ شكلك مو طبيعي..

خالد:مادري..حاس ان فيه شيء مو طبيعي..كل شيء تغير..

التفتت عليه

ميساء:خالد عن ايش تتكلم..

خالد:فيصل ومحمد وليلى.. وحتى عبير..مو طبيعيه..كارهتني..اول هي تتصل علي وتحاول ترجع علاقتنا زي اول..

ميساء:والحين؟؟؟

خالد:ماتتصل او حتى تسلم علي او تكلمني..انتي تغيرت معاك

ميساء:لا..بالعكس للحين احسها تحاول تتقرب مني..بس صعب علي..اللي سوته فيني مااقدر انساه..على الاقل بهالوقت..

خالد:يعني بس معاي..حاولت اكلمها واسألها وشفيها..انتي شايفه جسمها كيف ذابل وشاينه ..بس صرخت فيني وقالت لي

قامت من مكانها يوم شافته سكت..جلست بجنبه

ميساء:وش قالت؟؟؟

خالد:ولا شيء ولا شيء..

ميساء:الحين بعد كل هذا تقول ولاشيء..يلا قول وش قالت

تمدد على السرير

خالد:طفي الانوار تأخر الوقت..

ميساء:على راحتك...

****************

انتحبت وطلعت كل اللي بصدرها زي كل ليله..تكتم كل اليوم وبآخر الليل تنفجر..

تشتكي للي يعرف وش داخلها..تشتكي للي يعرف كل شيء يصيرلها..تشتكي للي ولا مره خذلها..

للي بث بنفسها الطمأنينه..للي خلاها تصبر على كل شيء..للي له حكمه تجهلها هي باللي يصيرلها..

رفعت راسها من اخر سجده وهي مرتاحه كليا..قرت التشهد الاخير برويه..وكأنها ماتبي تقطع هالعلاقه بينها وبين ربها..

ماتبي تقطع هالروحانيه اللي عايشتها...سلمت..وبدت تستغفر بيدينها..

قعدت على هالحال لين اذن الفجر..طلعت من المكتب..وراحت للغرفه..سمت بالرحمن ..وقربت منه ونادت عليه..

زياد..زياااد

زياد:همم

ليلى:اذن الفجر..

فتح عيونه

زياد:ومقومتني علشان الفجر؟؟؟ولا بس بتنكدين علي...

طالعت فيه بأسى..ليش ليش.. وتركته...حتى صلاة صار مايصلي..

.

دخلت المكتب وصلت الفجر..قرت اذكار الصباح..

فرشت فراشها ومددت جسمها عليه..

قعدت تفكر بحياتها..وش بيصير فيها..تعلم فيصل علشان يتكلم معاه؟؟؟..بس اخاف تخرب علاقتهم..

اقول لمين ؟؟لو تماضر فيه كان كلمتها..يااربي..من اكلم..اقول لام فراس؟؟لا اكيد بتدافع عن ولدها..لمين طيب..

شموخ!!..بس احسها صغيره..ههههه مابيني وبينها الا ثلاث سنين..بس الظاهر من كثر اللي صارلي احس نفسي شيبت..

ونامت وهي تفكر...

**********************

((سبحانك اللهم وبحمدك أشهد ان لا اله الا انت استغفرك واتوب اليك))

سبحان الله وبحمده سبحان الله العظيم..

انتهى الجزء الثامن والعشرون بحمد الله...

25-12-11, 08:32 PM

المشاركة رقم: 127

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

تقرأون في البارت القادم

::مااااااااابي افطر غصب

:حرااام عليك وينهي كرشتي ..ماطلعت..

لا بتأخر اليوم..عندي شغل واجد..انتبهي لنفسك..ولولدي

:تمزح انت؟؟؟مستحيل قول غيرها ياشيخ

:دق على محمد وشوفه انا خايف يكون له يد بالموضوع.......................

:انا مابي اشكي بس حياتي صاارت جحييم.....................

:محد يفهمك كثري.................

:ان شاء الله هالكف يصحيـــك.....................

:الورم صار واضح..اكيد انتشر بكل جسمي............................

:يعني علاقتك معاه مانقطعت..وعاندتنا ومشيت معاه.....................

:ابي انااااااااام ابي ارتاااااااح........

:بس كان فيه الف طريقه وطريقه...ولا تنسى الكاظمين الغيظ..

:وانا جاي لك اليوم ببشاره..

:وبعديييييييين وبعدين وبعدين..كم مره قلتلك لا تفتحين فمك .........................

كلّم المطار..وقالوله ان مافي رحله قبل اربع ساعات................

:انت عارف هو بأي فندق..............

::وش اللي صار بالضبط..انا بحلم ولا بعلم..معقوله مات؟؟؟

:قالت سحرت وحده ودفنت سحرها بقبر واحد.............................

:بعد شوي ابيك بموضوع..والتفت عليهم...متى جيتي انتي..؟؟؟

واخيرا تحققت امنيتها..فتحت الدروج وطلعت كل شيء فيها..

ورم..ورم..ورم..تعرف شمعنى ورم .......................................

خربانات وخالصات ماينفعبهن ياجدتي..................

سلمى شهالكلام عيب............

يابعد قلبي والله ماقصدت..كنت ابيك ماتستحين..سامحيني .....

:تتشكييين من ورااااااي يا###

25-12-11, 08:32 PM

المشاركة رقم: 128

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

((الجزء التاسع والعشرون))

((وتحققت الاحــــلام...))

جريحه كنت اتعثر بآلآمــي

امضي بيأس احث خطواتــي

علي اتجاوز تلك المعاناة باسرع وقت..

لكنني سقطت وقد اعياني التعب..

انتظر الهلاك بصمت..

وقد تحجرت دموعي..

هنالك امتـــدت يد تربت على جراحــي

برقة الملاك..

ظننتها تطببني

انتشت بها روحي

ماعلمت انها ستكون لي يوما هلاك محال

ذوت تلك الآلام معه

وبدأت ملامح من الامل ترسم طريقها..

نحو قلبــي الفارغ من كل شيء

ليحتل الجـزء الاكبر من اعماقي...

صدقت كل تلك الحكايا..

ومضيت مغمضة العينين..

لأُصْدم ذات يوم انّه ماكان الاّ

مجرّد هذَيَان وسَراب

كُنْتُ اهمسُ به لنفسي..

حتى اقنعتها به..

وعِشْتُها قصّة من نسْج خيالي..

وحينَ سقطْت..!!!!!

فتحتُ عيْناي على حقيقة انّ الحُلْمَ انْتهى

ولمْ اكسب منه الا مزيد من جُرُعَات الالم...

فقمْت وانا ارْبِتُ عى كتفي

وافْرك يديْ ببعضهما البعض

لأتلفّتَ حوْلي ولا أجد الاّ الخواء..

لا أجد الا بقايا عاصفه قد بعثرت احلامي..

فمضيت اتلمّس طريقي وانا اتسائل

هل الاحلام تؤْلم كما الحقيقه..

ام انّ بعْض الحقيقه تكون قاسيه..

لدرجةِ انّنا نظنّها كوابيس..

ونتمنى تلْك اللّحظه التي

نفيق فيها

لنغسل ملامحنا من تلك الاحداث..

ولكن رواسبها تضل

تذكي بداخلنا تلك المشاعر..

والتي رغم ألمها..

تبقى الوقود المحرك لنا

بقوه

وعزيمه

لنمْضي وندوس تلك الرواسب

....لنعلو ونعلو نحو الثريا

وفي الاخير

تضل مجرد احداث..

مضت كاتفه الكوابيس

ننساها بمجرد ان ان نفيق

نعم مجرد اضغاث لا اهمية لها...

بقلـــم:بصمات الزمن...

الصبــــــــاح...

الاثنيـــــن...

لبست تيشرت ابيض نص كم على تنورتها السوداء..وشعرها الاسود القصير رفعته ذيل حصان..

لبست صندل فلات ابيض وشنطه كبيره سوداء ومسكت عبايتها بيدها وراحت تقوّمه قبل لاتطلع..

عهود:سالم..حبيبي قووم ..سااالم تراني تأخرت على الجامعه قووم..

انقلب على بطنه وطنشها..

طالعت بساعتها الفضيه..مافي وقت..اخذت الساعه وشغلت المنبه..وطلعت..

نزلت تحت ولا لقت احد موجود..الكل نايم..نادت الشغاله..

عهود:الساعه ثمانيه قومي امي اوكيه..

الشغاله :اوكيه...

ركبت السياره وطلعت مصحف صغير وبدت تقرى الى ان توصل للجامعه..

رن المنبه وزفر ..مد ايده يدوره بس مالقاه بمكانه..فتح عيونه ورفع راسه ودار فيه يمين ويسار يدوره حوالينه..

سالم:لحووول هذا وينه بعد..اووو اسكت جعلك الموت..افف..رمى الحاف وبسرعه راح للساعه وطفاها..

افف مابغى يسكت..هذي اكيد عهود باعدته..تحب الغثا هالبنت..ودخل ياخذ شور علشان يروح للشركه..

اول ماوصلت الجامعه دقت عليه ولا رد..

عهود:مارح ادق كيفه..الى متى وانا اصحيه..وراحت على محاضرتها..

*********************

قووومي قوووومي يكفي نوووم

ودها تصفقه..فتحت عيونها بثقل..قالت وهي تصطنع ابتسامه

ميساء:انت الحين وش تبي..

خالد:قومي افطري معي

ميساء:ياااارب رحمتك..خالد انت رااايق الحين تقومني من النوم علشان فطووور..واللي يرحم والديك خلني انااام

ابتسم بمكر

خالد:ياسلام يعني افطر لحالي قوومي قوومي

ميساء:وربي اني عارفه انك بس كذا ..مقهووور لاني نااايمه وانت بتروح تداوم وقلت خلني انرفزها صح..

هز راسه وهو يمسد ذقنه

خالد:تعرفين كل شيء انتي..مشاء الله عليك الله لايضر عقلك ..يلا قومي قومي..ماهنا نومتن وانا قايم..من اليوم ورايح اقوم تقومين انام تنامين..

رفعت نفسها وسندت ظهرها على ستاند السرير..

ميساء:لا والله

خالد:انتي مايجيك تأنيب ضمير

ميساء:لا مايجيني بالعكس استانس وانا اشوفك تقوم غصبا عليك وانا متهنيه باهالفراش والبراد الحلو والنوم

اااه رووح روح خلني اكمل نومتي عطيتك وجه

سحبها مع ايدها

خالد:تقومين غصب

ميساء:مااااااااابي افطر غصب

خالد:تفرجي علي المهم اشوفك قدامي قايمه مو ناايمه

مشت بجنبه وراسها يترنح يمين ويسار

ميساء:يااارب تتقاعد وافتك من هالعذاااب..

بعد ربع ساعه...

طالعت بساعتها ..وقالت وهي عين مفتحه وعين مسكره..

ميساء:ترى تأخرت على دوامك..وتثاوبت..

خالد:عطيني صحن المربى اللي عندتس لايكثر هرجتس يامره..

مدّت له الصحن وهي تتأفف..

خالد:لا تتأففين عندي..وبعدين شبلاتس ماتفطرين..

ميساء:مسويه ريجيم..

خالد:انتي احيانا اخاف تنكصمين (تنكسرين) وتسوين ريجيم..وش يبقابتس؟؟؟

مسحت وجهها بيدينها

ميساء:جسمي وانا حره فيه..افف

خالد:انا قلتلتس ماني رايح والا نومتس طاير..فلا تقعدين تتأففين..وبدى يشرب الشاهي وهو يطلع صوت

ميساء:خالد

خالد:ها

ميساء:قول نعم لاتقول ها

خالد:نعم..

ميساء:متى نسافر

خالد:تونا رجعنا..وين تبين تسافرين

ميساء:للشرقيه..اشتقت لفهد..وللعيال

خالد:متى تبين؟؟؟

ميساء:الاسبوع هذا صعبه علشان حفلة ليلى..شرايك الاسبوع اللي بعده..

خالد:ان شاء الله مايصير خاطرتس الا طيب..شريتي شيء لحفلة ليلى..ناقصتس شيء

ميساء:لا الله يخليك لي ماقصرت..

وقف وقال بلهجه لبنانيه

خالد:احنا بالخدمه مادموزيل ميساء..

وقفت وهي تبتسم..ومشت معاه لين وصّلته للباب..

ميساء:مع السلامه انتبه لنفسك

خالد:حاضر ماما ميساء..اذا تبين تسيْرين سيْري لاتجلسين لحالتس عشان مايضيق صدرتس..

ميساء:اذا بسيّر ادق عليك..

خالد:مايحتاج..روحي للمكان اللي تبينه..مع السلامه...

سكّرت الباب الزجاجي المشغول وهي تردد بداخلها

أستودعتك الله الذي لاتضيع ودائعه..

****************

الســاعه التاسعه صباحا..

يزر ازارير قميصه وهو حاط الجوال بين اذنه وكتفه..

زياد:حلتلك الجلسه..ارجعي يافصيله اشتقتلك..

فيصل:والله وناسه وسعة صدر..اقول شرايك تاخذ اجازه وتجي

زياد:والله فكره..

فيصل:طبعا انت وليلى ولا بتذبحني لاني اقترحت هالاقتراح عليك..

سكت ثواني وبعدها قال..

زياد:لا ماعليك..انت متى بترجع بالضبط..

فيصل:مادري..معي للاسبوع الجاي..ايه صح ترى ابوناصر كلمني علشان افتتاح المستشفى..

زياد:ايه امس قاللي فراس..انا قاعد افكر اترك المستشفى..

فيصل:ليه..

زياد:صعب اداوم بالمستشفيين

فيصل:مارح يتغير شيء..يعني بالصبح الحكومي وبالعصر الخاص..وين الصعوبه فيه

زياد:وشلي بهالحوسه خلاص اترك الحكومي وانتهينا

فيصل:براحتك..

زياد:يلا تراني عطيتك فيس ..مع السلامه

فيصل:الله يسلمك...

دخّل الجوال بجيب بنطلونه وبخ من العطر ..وقبل لايطلع التفت على باب المكتب..

بكت مثل كل ليله..ولاّ تعوّدت؟؟..للحين تحبني..؟؟

شكت لاحد؟؟..اااه يارب ارحمني..وطلع..

******************

الجامعه..

مبنى 12

طلعت من محاضرتها وبجنبها صديقتها وتسولف معها...

عهود:الله يعينا على المشواار..قبل لانوصل مبنى 4 بنكون ذبنا..

نجود(صديقتها):لا بنوقف سياره انتي بس وريهم كرشتك وبيرحمونا..

عهود:حرااام عليك وينهي كرشتي ..ماطلعت..

نجود:كل هذا وماطلعت..

ونزلو مع الدرج..

فتحت شنطتها وطلعت نظارتها الشمسيه ولبستها..وطلّعت جوالها تشوف اذا احد اتصل عليها...

نجود:بروح اشتري مويه لنا اخاف نموت عطش بنص الطريق...انتظريني هنا..واشرت على الكراسي..

عهود:اوكيه...

وضغطت على رقمه..وجاها صوته من اول رنه

سالم:هلا عهود

عهود:اهلين..داق علي

سالم:انتي اللي داقه علي..وش بغيتي

عهود:لا دقيت ابي اتأكد انك قمت بس

سالم:ايه لاتخافين قمت دامك مبعده الساعه يالنذله اكيد بقوم

عهود:ههههه طيب يلا اشوفك بالغدى

سالم:لا بتأخر اليوم..عندي شغل واجد..انتبهي لنفسك..ولولدي

عهود:ان شاء الله..مع السلامه

سالم:الله يسلمك...

دخّلت جوالها بالشنطه...ووقفت لمّا جت صديقتها وطلعو من المبنى...

***************

الشركه..

ابعد عيونه عن الملف اللي قدامه..صورته ..ضحكاته..نقاشه..كل هالاشياء تداهمه..

رجع بجسمه على ورى وارخى نفسه..وغمض عيونه وداهمته صورة وفاته..

فتح عيونه بسرعه..ومسح وجهه بيدينه وهو يسمي..

وش اللي صار بالضبط..انا بحلم ولا بعلم..معقوله مات؟؟؟

تنهد ..واستغفر ربه..تأنيب الضمير شعور قاتل..كل شي كان بيدي..ليش تساهلت؟؟؟

صديقي..ضاع بسببي..كان ممكن اكون مكانه..

اندق الباب ودخل السكرتير..

السكرتير:طال عمرك الملف طالبه الاستاذ سليمان..

محمد:بس ماخلصته..روح انا بكلمه

السكرتير:ان شاء الله..عن اذنك..

مسك سماعة التلفون وضغط على رقم مكتب سليمان..وجاه صوته من اول رنه

سليمان:هلا محمد

محمد:ابو ناصر الملف للحين ماخلصته..عطني ساعه بالكثير ويكون جاهز

سليمان:محمد انت تعبان؟؟؟؟شكلك مو طبيعي

محمد:لا زين مافيه شيء..ارسلك الملف اذا خلصت

سليمان:لا ترسلياه..انا بعد نص ساعه عندي زياره ميدانيه لمشروع ## ارسله لطارق اوكيه

محمد:ان شاء الله...مع السلامه...سكّر وتنفس بعمق...وطالع بالملف..وفتحه وهو يحاول يركز ويشغل نفسه فيه....

25-12-11, 08:32 PM

المشاركة رقم: 129

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

*************************

تمزح انت؟؟؟مستحيل قول غيرها ياشيخ

عبدالله:فاضي لامك امزح معك بهالامور

رمى القلم من يده وقال وهو يضحك باستهزاء

خالد:عاد ياجيت بتنصب انصب بشيء يدخل العقل..رااابح ارهااابي؟؟اكبر داشر بالمملكه العربيه السعوديه يكوون ارهابي؟؟؟

عبدالله:لحظه لحظه وانت ليش قرنت الارهاب بالدين..ليش خلطت ؟؟

بلل شفايفه وقال بجديه

خالد:ادري ان الارهاب ماله دخل بالدين ومقتنع بس تعرف هالاعلام اثر علي..وصرت اكرر كلامهم ..وانا مو مقتنع فيه..

عبدالله:هذا وانت رجل دوله تقول هالكلام ومتأثر..

خالد:ولاني رجل دوله اقول هالكلام..يعني معليش شبابنا ليش يتجهون لهالمجموعات الارهابيه..مو علشانهم يعتقدون انها دينيه واصلاحيه..

عبدالله:بس مؤسسين هالجماعات مالها علاقه بالدين واغراضها سياسيه

خالد:هذا انت قلتها المؤسسين..والشباب المسكين مايدري ويدخلون معاهم باسم الدين..ياخوي لاعبينها صح ياخي يشككونك بدينك ..عليهم اساليب الله يستر منها..

عبدالله:اساس هالمشكله قلة الوعي الديني..شوف جيلنا واتوقع هو اخر جيل ممكن يكون صالح..انخرطو تحت هالجماعات لان ماعندهم وعي ديني وثقافه دينيه..والله يستر من الاجيال الجايه هذولي عليهم السلام مايدرون وين لله حاطهم..الظاهر لو تسأله عن الصلاة قام يحك راسه مايدري وشهي...المفروض يكون عندنا ثقافه ومانعتمد بس على المدارس المفروض حنا نوعي عيالنا علشان اذا تعرضو لهالاشكال ماينقادون بسرعه ويكونو قويين ويصمدون امام كل التيارات

خالد:ايه نشوف عيالك..

عبدالله:بتشوفهم عام الف وتسعمه هجري..

خالد:اوووه معمر الشيخ..

عبدالله:الله يطول بعمري ان شاء الله..المهم نرجع لمحور حديثنا..محمد مادرى؟؟؟

خالد:ابو شنب تتكلم انت صادق ولاتمزح

عبدالله:ترى ماخذ مقلب بنفسك من انت علشان امزح معه..وبعدين فيه احد يمزح بهالامور

خالد:والله ماني مصدق..ابو شنب لايكون بس

عبدالله:وهذا اللي خايف منه..دق على محمد وشوفه انا خايف يكون له يد بالموضوع

وكأنه تذكر شيء

خالد:امس وجهه مو طبيعي..وعيونه حمراء ويقول انه تعبان..وسكت

عبدالله:شوف لاتخاف ..يعني لو له يد بالموضوع كان جروه..

خالد:انا خايف يكون يمولهم..

عبدالله:ياخالد لاتوسوس..وبعدين لاتنسى ان علاقته فيه انقطعت..

خالد:ماهقيت..محمد يسوي اي شيء علشان يعاند..

عبدالله:اسأله بهداااااااااوه واذا ماتقدر قوللي وانا بكلمه..تدري اعزمه عندك بالبيت وانا اجي

خالد:مافيه غير كذا..هالولد هذا ودي اصفقه بزرر مرااهق ولايسمع الكلاام

عبدالله:خلاص اعزمه ولاتبينله شيء..وبخلي الموضوع كأنه سر بيني وبينه وانت ماتدري عن شيء سااامع

خالد:ان شاء الله...الله يستر..

عبد الله:يلا سلام...

خالد:سلام...

سكر الجوال وشد عليه بيده..والتفت بقوه على جنب يطالع بالنجمتين اللي بكتفه...غمّض عيونه عليها وهو يفكّر بأسوأ الاحتمالات..

********************

المغـــرب...

منزل ابو فراس..

دقت الباب ودخلت..لقتها على سجادتها وتقرى الاذكار..

جلست تنتظرها تخلّص..وثواني والتفتت عليها وهي تشيل الجلال عنها

شموخ:هلوو لولي..نورتي غرفتي..

ابتسمت

ليلى:منوره باصحابها..خلصتي

تركت سجادتها على الارض وجلست قبال ليلى بكنبه مدوره على شكل ورده..

شموخ:خلصت..وش فيك؟؟؟

ليلى:فيه موضوع بكلمك فيه..وودي تساعديني..

شموخ:زياد صح؟؟؟

طالعت فيها وكأنها تسألها وش دراك..

شموخ:الكل ملاحظ علاقتكم وساكت...حتى مع اصرارك انك تخلينها طبيعيه..بس هو واضح عليه..

ليلى:ليش يعاملني بهالطريقه؟؟؟شسويتله؟؟؟

شموخ:مادري..انتي ماسألتيه؟؟؟

ليلى:مايتكلم معاي الا اذا جاء بيهاوشني..شموخ انا مابي اشكي بس حياتي صاارت جحييم..ولاني قادر اسوي شيء..حاسه نفسي مقيده..ماعندي خيارات..

شموخ:بكلم امي

ليلى:لأ..انتي كلميه..ومابي احد يدري..الله يخليك..

شموخ:خلاص بكلمه واعرف الموضوع بالضبط..المهم انت ياجميل لاتكشرين..

تنهدت..

ليلى:سولفيلي عن الجامعه والدكتورات..

شموخ:وععع وش تبين فيهم ..مريت السوبر ماركت قبل لاجي وجبت كل المجلاات...ووقفت تجيبهم

ليلى:زين ماسويتي لاني ملاااانه

شموخ:تملين وانتي فاضيه..اقل شيء افتحي النت واقري من هالروايات ..

ليلى:انا مااحب اقرى الروايات الكامله..احب اتابع اول بأول..والكاتبات يطولون على ماينزلون بارت..يعني ياالله بارت بالاسبوع..وكل الايام فاضيه..شسوي..

عطتها المجلات وهي تجلس بجنبها

شموخ:انتي عكسي مااحب اقرى الا المكتمله..صارتلي مواااقف كثير اقرى واتعب وبالاخير تطلع ناقصه

ليلى:الحمد الله ماصارت معي..عطيني ابي هذي..واخذت المجله وفتحتها..

************************

25-12-11, 08:33 PM

المشاركة رقم: 130

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

دخل وهو يغني ويلعب بميدالية المفاتيح..

مقادير ياقلب العنا..

مقادير وش ذنبي انا..

وتمضي حياتي

تمضي حياتي...

مقادير...

لقى ابوه وامه بالصاله.. سلم وهو يلوح لهم بيده..وكمّل طريقه ..

وقفه صوت ابوه..

ابو فراس:تعال اجلس بكلمك بموضوع..

سكت وهو يتفحص ملامح ابوه..مافي غير هالموضوع اكيد...قال وهو عاقد حواجبه..

زياد:مايتأجل هالموضوع...بصراحه راسي دايخ

ابوفراس:لا ..اجلس اجلس..

مط بوزه وجلس

زياد:آمر..

ابوفراس:نوال جاها خطّيب..

زياد:مبرووك وان شاء الله يستاهلها..

ابوفراس:زيـــــــاد

عقد حواجبه ونفخ هوى من فمه يحاول يتمالك اعصابه

زياد:يباه قلتلك مااابيها وهي ماتبيني..خلها تشوف نصيبها

ابوفراس:والحلال يروح للغريب مايكفي اختها

زياد:احسن من تقعد طول عمرها كذا

ابوفراس:انت اللي اسمع..لو نوال ماتبيك كان مشّيت هالموضوع..بس هي تبيك وتحبك..

زياد:مستحيل..

ابوفراس:روح اسألها..وبوضحلك شيء..اذا مااخذتها خلال هالاسبوع بتطلع من هالبيت ولاني ابوك ولا تعرفني وحتى صلاة علي ماابي تصليها ساامع

ام فراس:يابو فراس

زياد:يباه ليش

ابوفراس:اللي قلته مابي اعيده..هالبنت بذمتي..وهي تبيك وتحبك ومابي اظلمها مع واحد الله العالم شيسوي فيها..

زياد:وحنا مارح نزوجها واحد مايستاهلها..بس

ابوفراس:بس ايـــش؟؟؟زياد فكر بكلامي..ويارضاي ولا غضبي عليك ليوم الديـــن...

قام وهو معصّب... ورقى الدرج بسرعه..

وصوت الميداليه يخترق السكون..ويزيده توتر..

وصل لغرفتها ودق الباب بالمفتاح بدقات متتاليه...

انفتح الباب.. وابتسمت اول ماشافته..

نوال:هلا زياد

ضغط على الميداليه بيده ...

زياد:انتي وش قايله لابوي؟؟؟؟

مسكت اصبعها الوسطي وبدت تفركه..

نوال:ماقلت شيء

زياد:انتي تدرين ان فيه احد خطبك

نوال:ورفضت..

عقد حواجبه..

زياد:ليش..؟؟؟

نوال:علشانك...زياد انا مستحيل اتخيل نفسي بعيد عنك..زياد انا احبك معقوله ماتحس فيني..ماوصلك شعوري..زياد انت لي انا وبس

مصدوم من اللي يسمعه..اللي عمره مافكر فيها اكثر من اخت تطلع تحبه..هذي تكذب علي ولا على نفسها..

قرّبت منه ومسكت ايده وشدت عليها

نوال:خلنا نتزوج وبنعيش احلى حياة..اصلا انت مو مرتاح مع ليلى..

شد على ايدها وكأنه يستجوبها..

زياد:مو مرتاح؟؟؟منين عرفتي؟؟وشدرااك..هي شكت؟؟؟

نوال:لا ماشكت...بس انا احس فيك..اعرف وش فيك من نظرة عيونك...محد يفهمك كثري..زياد انا مو بس احبك انا ا ...ودارت على نفسها قبل ماتطيح الارض بسبب الكف اللي هوى على خدها..رفعت عيونها له وهي فاتحه فمها

زياد:ماتوقعتك بهالوقااحه..ان شاء الله هالكف يصحيـــك..ودار بظهره وتركها..

انسابت دموعها على خدها الساخن ..وكلمته تتردد بداخلها..

يصحيك..يصحييك..يصحيييك...

ووقفت ودخلت غرفتها وقفلت على نفسها...

*************************

تحسست رقبتها واستقرّت يدينها المرتجفه لتحت اذنها..الورم صار واضح..اكيد انتشر بكل جسمي..

مسحت دموعها بسرعه اول ماهجمو عليها عيال اخوها..

سديم:ابيييييييييييييير

فتحت يدينها لها وضمتها بقوه..

عبير:يارووح وقلب عبييير...تعال تعال ماتبي تسلم علي ولا صرت رجال

ناصر:ايه رجال..بس بسلم عليك

ابتسمت ودموعها تنزل..وسحبته لحضنها...ايام وبفارقكم..بتحسون بفراقي؟؟؟ بتبكون علي؟؟؟

ناصر:عمتي ليش تبكين؟؟؟

عبير:مافيه شيء بس عيوني تعورني..انزلو والحين الحقكم..

سديم:ماما تقول انزلي بسرعه...

عبير:ان شاء الله..يلا يلا برى..

انصاعو لاوامرها وطلعو..وهي بسرعه راحت تغسل وجهها بمويه بارده تنعشها وتخفف من اثار الحزن اللي عليها..وقبل ماتنزل حطت بودره خفيفه على وجهها وبلاشر وفكت شعرها علشان ماينتبهون للورم...

***********************

بعد صلاة العشـــــاء...

في مجلس الرجال بمنزل خالد...

بروح اشوف العشاء وش صار عليه..وغمز له وطلع..

قصّر على القناة اللي حاطينها والتفت عليه

عبدالله:اقول محمد..شخبار رابح؟؟انت للحين علاقتك معاه..زينه

هو جاي هنا يبي ينسى..يبي يحاول يتجاهل هالموضوع..ضميره يعذبه..

قال وملامح وجهه بانت عليها الحزن

محمد:..رابح...

عبدالله:من ملامح وجهك شكلك عرفت انه مات..الله يرحمه..

بصوت مخنوق ومبحوح قال..

محمد:قريت الخبر بالجريده..ماني مصدّق..

عبدالله:محمد من غير لف ودوران وانت عارف اسلوبي زين وتدري اني ابي مصلحتك وخايف عليك...انت لك علاقه معهم؟؟؟

عقد حواجبه وهو مستغرب

محمد:علاقه مع مين؟؟؟

عبدالله:مع الارهابيين..ترى الموضوع اخطر مما تتصور وانت تدري ان السالفه فيها امن دوله..فاهم قصدي

محمد:لا مالي علاقه فيهم..اساسا ماقابلتهم..اللي له علاقه هو رابح...حاولت امنعه..بس ماقدرت

عبدالله:تمنعه؟؟؟يعني انت تدري انه معهم

محمد:ايه..ونصحته بس مااقتنع ووعدني يكلمني ويقولي وش يصير له اذا قابلهم..رجعت للرياض وانقطعت اخباره حاولت اتصل فيه بس جواله مقفل..هو كان مقتنع بكلامي بس قال لازم يسمعهم..واختفى شهر ونص وماقريت خبره الا بالجريده..

عبدالله:يعني علاقتك معاه مانقطعت..وعاندتنا ومشيت معاه

محمد:هذا اللي صار..

عبدالله:ووشلون تعرفتو عليهم

سكت..ماعنده رد..هو ماصدق على الله ماحد درى بسالفته..يروح هو ينشرها..

قطع افكاره صوت خالد اللي استمع لحوارهم...

خالد:محمد..شفيك..

رفع عيونه تلقائيا له...

محمد:ها لا ولاشيء...حطيتو العشاء

عبدالله:مو قبل ماتجاوب على سؤالي

محمد:قلتلك مادري شلون تعرفو عليه..وهو تاب وقاللي اتعرف عليهم كانت نيته زينه..

ويوم شرحلي الموضوع عرفت انهم الارهابيين..نصحته والله العظيم نصحته بس هو ماسمعني..كان يبي يسأل بنفسه..انا ماالي دخل ماااالي دخل والله العظيم مااالي دخل..لو ادري بيصير فيه كذا ماسكت..بس ماتوقعت الامور توصل لهالدرجه..ماقدر يكمّل ..حس نفسه مخنوق...

وطلع بسرعه..

لحقه ..

خالد:محمد محمـــــــد..محمـــد..ومسك ايده ووقفه...وين رايح؟؟؟

شاح بوجهه بعيد عنه وركز انظاره على باب الفيلا ..

محمد:خالد برجع للبيت..ابي انااااااااام ابي ارتاااااااح

خالد:نام عندي احسن..

محمد:لا مااقدر..فيصل مسافر وابوي وجدتي لازم اكون معهم

خالد:طيب بوصلك للبيت..علشان بس اتطمن

محمد:لا خلك مع عبدالله..وبعدين انا جاي مشي ومو من بعد البيت...

خالد:ماهو طاير ابو شنب..وثانيا انا ودي امشي معك...امش امش..

وصّل اخوه ورجع بسرعه لعبدالله..

دخل المجلس وكان باين عليه التفكير..قطع افكار خويه

خالد:سمعت اللي قاله..والله اني مستغرب

سحب شماغه وعقاله

خالد:على وين على وين

عبدالله:للبيت..

خالد:والعشاء

رمى شماغه وقال وهو رافع حاجب

عبدالله:تهقى اجبروه يسوي العمليه؟؟؟

خالد:مااستبعد شيء..يمكن خافو لايبلغ عليهم..وهو صغير وبعدين يقدرون يجبرون الكبار مو عاد اللي بعمر رابح

عبدالله:اكيد..محمد يقول انه نصحه واقتنع بكلامه..بس راح يسألهم ويتأكد..وهو المسكين مايدري ان دخول الحمام

خالد:مو مثل خروجه...الله يرحمه ياارب..محمد باين عليه التعب خايف عليه

عبدالله:ماينخاف عليه..عقب هالسالفه تطمنت عليه طلع رجاال

خالد:رجال..والله ماهقيت..انت ناسي وش سوى من قبل..هذا رجال بمواقف وبمواقف الله يستر عليه..خبل خبل

عبدالله:لا بس انت الذكي..هي على مين يابو الشباب تلعب... ناسي وش سويت بمراهقتك؟؟؟

خالد:انا للحين مراهق..تبي تتكلم عن نفسك انت حر..

عبدالله:هههههه قووم قوم حط العشاء مت جوع

خالد:هذا هو جاهز بالمقلط..حياك حيااك..

*****************************

الشرقيّه...

دفّها بقوه على الارض متجاهل كبر سنّها وصرخ فيها

ابو محمد:شلووووون تتصرفين من ورااااي شلوووووون

مسكت ظهرها بيدها وقالت وهي عاقده حواجبها..

ام محمد:هو ولدي مثل ماهو ولدك..انت غلطااان عليهم وفوق هذا كله بتعذب ولدك بقبره..

ابو محمد:وانتي على بالك ولدك بيرتاح وهو يشوووف نويصر عااايش..نويصر اللي اخذ اعز مانملك..تكونين سعيده وهو يرجع لابوه ومستانس..

ام محمد:عمري مارح اسامحه..بس شتبيني اسوي وانا اسمع بنت الناس تدعي عليه كل يوووم...

ابومحمد:وعلشان كلمتين تهتزين..خليها تدعي ليوم الدين وش علينا منها