الجزء السابع والعشرون
((دوّامـــات...))
انْـتظـر ياعمــر تكفــى..هد خُطوات السنيــن
أعطـنا فرصه أخيـــره ..نكتشف سِــرْ الوصـــول
المســــتشفى...
بعد مرور 6 ساعات....
طالَع بالدٌكتور خير الله بنظرات شكر وامتنان ...
شال الكمّام عن فمه وضم الدكتور على طول وهو يردد
فيصل:مشكوووور مشكووووووور الله يعطيك العافيه..
دفّه بشويش عنه وشال الكمام
الدكتور خير الله:مالك يابني رافعني فووأ وكأني محرر فلسطين..دي عمليه سهله وعاديه..ماتخافش..
فيصل:وكل هذا وماتبيني اشكرك..طلّعتك من بيتك بآخر الليل ومسوي عمليه مستعجله وتقول ماسويت شيء
الدكتور خير الله:داه وااااجب مش علشانك يافيصل..دنا دكتوووور...يلا بأأ...سبني اكمّل شغل داه النهار طلع..والمواعيد اد كده اهوه...عن ازنك
فيصل:الله يجزاك خير الله يجزاك خير...
كانت واقفه بجنب ابوها اوّل ماطلع الدكتور من قسم العمليات
ابوسليمان:بشّر بشّر..
الدكتور خير الله:لا ماتخافش كله تمام..وهيّا دلوأتي حتطلع وتطمنو عليها...عن ازنكو...
ضمّت ابوها..
عبير:الحمد الله على سلامتها..
ابوسليمان:الله يسلمك ...وانتبه لفيصل واللي معاه بالسرير..وراح لهم بسرعه..
ضم عمّه وحب راسه..
فيصل:الحمد الله على سلامتها..
ابوسليمان:الله يسلمك ياولدي..وطالع باللي ماتدري عن اي شيئ حولها..الله ستر..
أشّر للمرضات يجرون السرير..
فيصل:الحين بنوديها للجناح...ماعليها خلاف ان شاء الله..وربت على كتف عمه..عمي تعبان؟؟؟
ابو سليمان:لا مافيني شيء..خلنا نروح لها..عبير يلا
مشى وهو ماسك يد فيصل...وهي وراهم..
كانت تطالعه وماودها ترمش..تبي تروي عيونها من شوفه..ياهي مشتاقتله..
وصلو للجناح ووقف فيصل..
فيصل:انا عندي شغل مضطر اروح وبمر عليكم اذا خلصت..
ابو سليمان:الله يعينك ياولدي...
راح وهي تراقبه بعيونها..مربيله ذقن خفيف..وكأنه ناحف..
لمحته بنهاية السيب كيف وقف مع ممرضه وبيدها ملف...حست بنار بصدرها..
اكيد الحين تسبّلّه بعيونها..و...التفتت على ابوها
ابو سليمان:عبير فيك شيء؟؟؟
عبير:ها؟؟..لا يباه مافيني شيء
ابوسليمان:اجل ليه واقفه؟؟؟دَخَلْت ومالحقتيني
افْتَشْلَت ..ابوها دخل للجناح وطلع لمّا تأخرت..ضاع وقتها وهي تتفرج على فيصل..
عبير:كِنْت اتْكلًم مع وَحْده مِن المُمَرٍضَات..خلاص خَلْ ندخل..
*****************************
الليــل كله مانامه..والحين الساعه ثمان الصبح..ولاهو قادر ينام..خايف ينام ويموت وهو مرتكب هالكبيره..
وش يسوي..وشهو العمل اللي بيسويه ويكفّر هالجريمه اللي ارتكبها...
يتصّدق؟؟...يبني مسجد؟؟..يحجّج..؟؟..يطبع كتب مفيده؟؟؟..يسوي ماء سبيل..؟؟؟
يبني مدرسه..؟؟؟ يبني مستشفى..؟؟؟...يساعد بالابحاث الطبيه..؟؟؟..يتكفل بدراسة شاب..؟؟؟
كل شيء قلته لرابح وقال مايكفي...
آآآآآه...اخترقت صدره وطلعت ..
محمد:يارب يارب يارب ارحمني...والله كنت جااهل جاااهل..يارب عفوك...
تررررررررن...نقز اول ماسمع الصوت ..
بسم الله بسم الله..ومسك المنبه وخبطه بالجدار....ناقص انا تخرّع..
رمى لحافه على الارض وراح يغيّر ملابسه عشان يروح للشغل...
نزّل كوب المويه بعد مااخذ علاجه..ومد يده ياخذ قطعة خبز علشان يفطر..
ابو فيصل:والله هالبيت مايسوى من غير عيال سلمى...
ام فيصل:ان شاء الله يمتلي بعيال فيصل وخالد ومحمد...وبيغنونك عن سلمى وعيالها...
ابوفيصل:جهزتي بيت خالد...
ام فيصل:الحمد الله كل شيء خلص..ان شاء الله يعجبهم تأثيثي..
ابو فيصل:بيعجبهم..انتي ذوقك مايعلى عليه...اقول
ام فيصل:سم
ابوفيصل:سم الله عدوينك..شصار على موضوع فيصل..ماكلمتيه؟؟؟
ام فيصل:كلّمته..اوّل يقول ابي اادبها وبعدين يرجعها..والحين غيّر كلامه..ويقول انه مايبيها ولا يبي العرس بعد..
ابوفيصل:ليه؟؟؟
ام فيصل:مادري عنه...والله هالبنت كاسره خاطري..والله مااعدّها الا مثل بناتي..مسكينه لاعبه عليها بنت ابليس ومصدقتها..
ابوفيصل:من هي بنت ابليس؟؟؟
ام فيصل:الله يسلمك مو
عبير نست جوالها وعطانياه خالد بالمزرعه...ازعجني بالطريق من كثر المسجات..فتحتها ..وشفت المصايب..
وعطيت الجوال لفيصل اوّل مارجعنا للبيت..وقرى الرسايل وعصّب..وطلب مني اني مااعلّم احد بسالفة هالرسايل..
طلعت وحده تشتغل ممرضه بالمستشفى ومخاويتن عبير ..وتكذب على عبير وتقول ان فيصل يسوّي ويفعل..من هالسوالف البطاليه..وعبير تصدّق...قعد الجوال عند فيصل اسبوع..وقلتله عن موضوع عبير وقاللي انه بيرجعها بس مو الحين...وبعدها عطاني الجوال وقاللي ارجعه لعبير واقول ان عامل المزرعه هو اللي جابه...وبعدها مادري شصار عليه ووشو اللي غيّر رايه...
ابو فيصل:لا حول ولا قوة الا بالله...الله يكفينا شر شياطين الانس...
السلاااااام عليكم...قالها وهو يعدّل سكبة شماغه...وتوجّه لابوه وحب راسه..وراح لامه وحب راسها..
سحب الكرسي وجلس جنب امه..
ام فيصل:صباااح النور والسروور..
رد بابتسامه..واخذ ابريق الشاي وصب لنفسه..
ابوفيصل:ام فيصل..دوري على مره نبي نزوّج محمد..
ام فيصل:من الحين بدوّرله..
ماكان معهم..كان يطالع بالدوّامه اللي اتشكلت بكوب الشاي..تشابه حالته اللي يعيشها..
ولا انتبه الا لما هزته امّه..
محمد:هلا
ام فيصل:مضيّع شيء بالكوب..افطر بسرعه ابوك ينتظرك بالصاله..
محمد:طيب ان شاء الله...اخذ رشفتين من الشاهي وقام بسرعه
ام فيصل:الحين هذا فطورك
محمد:يماه مالي نفس...مع السلامه...
ركب السيّاره جنب ابوه بالمقاعد الخلفيه..
وتحركت السياره ..زي ماهي متعوده كل يوم..وراحت لبيت ابوسليمان...
وقبل لايدخلون وقفهم البواب..
فتح محمد شباكه..
محمد:وش فيه؟؟؟
البوّاب:طال عمرك عمي ابو سليمان مع عمتي راحو للمستشفى...
التفت على ابوه ورجع التفت بسرعه على البواب
محمد:ماتدري بأي مستشفى؟؟؟
البواب:لا والله...
سكر شباكه وهو يسمع ابوه اللي يقوله يتصل على سليمان يشوف السالفه...
جاه صوته بعد ثالث رنه
سليمان:هلا محمد
محمد:سليمان انت وينك؟؟؟
سليمان:قريب من الشركه..وش بغيت
محمد:طيّب وش سالفة المستشفى؟؟؟منهو اللي وديتوه؟؟؟
سليمان:محمد انت نايم؟؟؟ صحصح معاااي محمــــــد
ابعد الجوال عن اذنه ورجعه
محمد:وصمخ فجرت اذني..انا صاحي وابوي بجنبي..حنا مرينا بيتكم والبواب يقول انهم راحو للمستشفى..الظاهر ماتدري شالسالفه
سليمان:مستشفى!!!!!!! مع السلامه...
طالع بأبوه
محمد:مايدري وسكّر بوجهي..خل ندق على عبير احسن
ابو فيصل:بسرعه وش تنتظر
دق على رقمها وطلع انتظار..
محمد:يباه شكل سليمان يكلمها...تبيني ادق على عمي
ابوفيصل:لا لا..انتظر عبير....
بالمستشفى
ابعدت الجوال عن اذنها تشوف من معها على الخط..ورجعته لاذنها وهي تقول
عبير:سليمان تبي تتطمن تعال للمستشفى بسرعه محمد معي على الخط...
سليمان:خلاص يلا مع السلامه
وردت على محمد..
عبير:هلا محمد
محمد:عبير انتم وين.؟؟؟ومن اللي بالمستشفى؟؟؟
عبير:مافيه شيء ..جدتي انخفض الضغط عندها شوي واضطرينا نوديها للمستشفى..
محمد:يعني هي الحين بخير
عبير:الحمد الله..
محمد:انتم بأي مستشفى؟؟؟؟
عبير:العسكري..
محمد:خلاص الحين نجيكم...مع السلامه
التفت على ابوه ومسك ايده يطمنه
محمد:ماعليها خلاف..منخفض الضغط شوووي...
قال للسواق وهو يشد على ايد محمد
ابو فيصل:بسرعه على المستشفى...
********************
افهم اغار عليك..صوتها يتردد بأذنه..وشتبي؟؟وش تفكرين فيه يانوال؟؟؟
مدّت ايدها له علشان تساعده..
ليلى:زياااد..وين رحت؟؟؟
نفض افكاره وابتسم لها
زياد:عندك..مارحت..ومسك ايدها ووقف..
ليلى:زياد فيك شيء؟؟؟شكلك مو طبيعي
زياد:ها..لا مافيني شيء..يلا تراني جوعان وودي نفطر جميع..
حطت جلالها فوق راسها وهو مسك كتوفها ومشًاها قَبْلَه...
طلعو من الجناح وكانت طالعه من غرفتها...
هرْوَلَت لهم بسرعه وهي تقول
صبااااااااح الخيررررر
ابْتَسْمَت ليلى لها..
ليلى:هلا نوال صباح النور..شكلك مِسْتَانْسَه ..يووه نسيت ان الغالي فيه(تقصد ابوها)
ابتسمت على جنب وقالت وهي تناظر بزياد..
نوال:الغالي كل يوم اصبح بوجهه..زياد شفيك تطالعني كِذَا لايكون لِبْسي مو عاجبك..
شتبين توصليله..ضيّق عيونه وهو يحط ايده على كتف ليلى ويقرّبهْا له..
زياد:ماعمري انتبهت لشكلك..ولافكرت..امْشي ليلى
مشت معاه كان بجنبها ويدينه محاوطه اكتافها..رفعت راسها لثواني له..
احساسها بمكانه..نوال تبيه..هي ماتعامله كأخو..هذا سر عداوتها لي...
*****************
العصــــــر...
جالسين حوالين السّرير...
ابو سليمان ومحمد بجنب بعض على الجانب الايمن من السرير...
وابو فيصل وسليمان جالسين على الجانب الايسر..وعبير على السرير وام فيصل بكرسي منفرد..
الجده:طلعووني طلعووني..والله مااجلس
ابوفيصل:يماه الله يطولي بعمرتْس تبين تطلعين ان شاء الله بس بعد يومين لين ترتاحين
الجده:مامن راحه وانا بهذا..انتم تبون تغثّوني
ابوسليمان:الله يصلحتتْس تراتتْس الصّبح مسوْيِتِنْ عمليّه وان طلعتي تبين تِشْتَمّين ومانتي مرتاحه..بهَذَا احسنْلِتْس..
الجده:والله والله ....قاطعها وهو يدخل بدون استئذان..
فيصل:بدووون احْلِفَااااااان خلاص اللي تبينُه يصير...
نزّلت نقابها بسرعه وهي تحس وجْهها احترق تحس كل الانظار عليها...
الجده:ايه كفو كفو والله قول وفعل..يلا يلا نمشي..
اتجه لجدته وهو يسلّم على الجميع..ووقف بجنب السرير..كان يبي يجلس بس مايبي يضايق عبير اللي بالجهه الثانيه..
فيصل:انا توني مسوي اوراق خروجتْس..بس عيّا المدير يقول ماهْنَا طلعه لين يقوم بواجِب الضيافه..يَبيتْس تجلسين ثلاث ايام...
وحب راسها
الجده:انزح وراااك مابيلك حُبّه
فيصل:افا زعلتي..
سليمان:جدتي خلاص انسي وهالثلاث ايام تبي تروح بسرعه..اهم شيء صحّتتْس..
الجده:انت اسكت ..
سليمان:الاخلاق خربانه..
التفتت لجهة عبير ورفعت عيونها لها..
الجده:وانتي شبلاتتس متغطيه ماني خابرتتس تغطين عن محمد
قال بانفعال بعد ماكان هادي
محمد:لا بتتغطى غصب عنها انا مو نااااقص ذنوووووب..وطلع وهو منفعل..
الكل استغرب ردة فعله..
ابوفيصل:شفيه؟؟؟
سليمان:مادري..اليوم شكله مو طبيعي ابدا...بس ساكت موعادته
فيصل:يمكن متضايق من شيء...وحط الحره بهالموضوع..
طالعته بطرف عينها..وهي تردد بداخلها..
مايبي ينطق اسمي..لهالدرجه كارهني..
انتبهت على اللي يصوتلها..
عبير:هلا
ام فيصل:بترافقين الليله..و
قاطعتها
عبير:ايه انا اللي برافق..وانتي ارتاحي خالتي...
ام فيصل:الله يجزاتتس خير..اجل برسل اغراضتتس مع العشاء مشتهيه شيء..
عبير:اللي تطبخونه..
الجده:سويلي مرقوق
فيصل:ممنوع انتي مسويلتس عمليه ولازم تاكلين اكل المستشفى..حلفت وماترديني
الجده:اطلع اطلع انت غاااثّن
فيصل:خلاص بطلع..يماه ماله داعي احد يرافق..انا جالس هنا
سليمان:اي والله دام فيصل هنا ارجعي ياعبير
عبير:لا لا بجلس..مااقدر اخليها...بس يباه انت روح مع سليمان لا تنام لحالك بالبيت علشان خاطري
ابتسم لبنته وقال بحنان بان من صوته..
ابوسليمان: خلاص ان شاء الله
*************************
الليــــل...
الساعه التاسعه...
جالسين بالحديقه اللي ورى البيت..ويشوون..
شموخ ونوال على الطاوله..
وليلى ونوف وتماضر على بساط احمر لحالهم
والعيال مع عمهم وابوهم وامهم على بساط ثاني لحالهم...
ابتسمت ليلى من ورى نقابها لايمان بنت تماضر اللي تحاول فيها تكشف..
ليلى:عييب فيه رجال هنا
ايمان:ماافي احد..اكشفي بلييز
ليلى:ايمان حبيبيي روحي العبي مع عيال خالك..يلا ترى بيزعلون
تماضر:ايماااان خلاص يكفي ..اااوووت..
سمعت كلام امها وراحت..
نوف:اقول ليلى..امك واختك ماشفتهم مازاروك هنا
ليلى:الا والله يزوروني بس ان شاء الله بخليكم تجتمعون يوم..
عدّلت حجابها اللي تحرر غصب عنها..وكمّلت كلامها
نوف:طيب شرايك تزوريني بكره..حتى اهلي بيتعرفون عليك..
ليلى:بكره..مادري والله بشوف زياد واردلك..بس شوفي مسيار عصر.. مابي تتكلفين بعشاء ترى حنا خوات
نوف:لا والله ماني عازمتك على عصريه وانتي اوّل مرّه تزوريني..
ليلى:حلفت عليك ماتسوين عشى..يابنت الحلال انا مااحب الرسميات..تدرين وشلون شكلي بجيك زياره مفاجئه..
على الطاوله..
نوال:خير هذي شتبي؟؟؟..ولا متحجبه!! من متى؟؟؟
شموخ:تتلزق بليلى..اكبر مصلحجيه بالعالم..
نوال:علميها ان ماعند ليلى اخوان شاغرين..
شموخ:لا عندها واحد بالثانوي...انا بعلمها انهم مايناسبون هالاشكال..تتحلّم
نوال:وليه ان شاء الله ؟؟ لايكون بس اهل ليلى عندهم زيادة ايد ولا رجل؟؟؟
شموخ:بلا مصخره وانتي فاهمه قصدي..ليلى واهلها فووق الريح..انا كل مايطري علي جهازها(بقشتها..دبشها))
يغمى علي..انتي بس شوفي بيتهم وانطمي
على البساط الثاني((الشباب))
همس بصوت واطي لاخوه اللي جالس بجنبه
عبدالمجيد:متأكّد ..الناس كلها تحكي عنّه
زياد:يعني سليطين عايش مامات...
عبدالمجيد:ان شاء الله مايطلع منها هالمرره..خلّي يفك هالناس من شره..
زياد:اي والله..خسيس ..بس الحمدالله اني افتكّيت من شره..
عبدالمجيد:ربّك يحبك..اقول كلّمت ابوي
زياد:ايه كلمته..لو يدري فراس ذبحني
عبدالمجيد:احسن من جلسته بلا مره..ياخذ نوال ويفكك من شرها
زياد:ان شاء الله بس يوافق..بس لو نفتك من تماضر..تزن فوق راسه تبيه يرجع مرته...
عبدالمجيد:ماعندهم سالفة..انت متزوج شيبون فيك
زياد:كذا يحبون ينكدون على الواحد..
ابو شيخه:اقول ابو فراس شصار على الموضوع...
ابوفراس:هذا زياد قدامك اسأله...
ابوشيخه:زياد متى تبي تملّك..تراني مستعجل ولاني مطوّل هنا
رفع عينه على طول وهو يتمنى تكون لاهيه وماسمعت..وتحققت امنيته لانه ماشافها جالسه معهم..
زياد:عمّي لو سمحت تبينا نتناقش نتناقش لحالنا مو هناا
ابو شيخه:بس انا مااتناقش..انا اسأل ..متى..تبي..الملكه؟؟؟
التفت على الطاوله (اللي نوال وشموخ كانو جالسين فيها) ولا لقى فيها احد..كمّل كلامه
زياد:انا متزوج ومرتاح مع زوجتي...ولا لي نيّه اتزوج عليها..وبنتك الله ييسر لها النصيب الزين..
ابوفراس:زياد وين اتفاقنا؟؟؟
زياد:يباه الله يطوّلي بعمرك..تراني مو بزر..وحياتي وانا حر فيها..ياخي زوجوها لفراس
ابو شيخه:بس هي زوجتك..وماضنتي فراس ياخذ مرة اخوه..انا ماارضاها له
زياد:والله هذي مشكلتكم..وزواج ماني متزوج..واللي تبونه سووه..
ابو فراس:يعني تتحدااااني
زياد:انا ماتحديـــت..انا انحدّيـــت على هالاسلووب..انا مادري شتبون البنت ماتبيني ولا انا ابيها حنا اخواااااااااان وبس وغير كذا انا ماعندي استعداد...
ابوشيخه:اوكي اوكي..خلك على رايك..
نوف:والله عمّك ماعنده سالفه..وشجاب ليلى بنت الحسب والنسب لنويلوه
تماضر:نوف تراها بنت عمممي
نوف:والله والكوبه
تماضر:نوووووووف
نوف:افف خلااص خلااص
تماضر:هالسالفه مابي اسمعها تنقال لليلى فاهمه
نوف:ليه هي ماتدري
تماضر:لأ..والحمدالله انها راحت مع شموخ ونوال لداخل..ربي ستر..
نوف:ايه مصيرها تدري...
25-12-11, 07:25 PM
جديد مواضيع قسم القصص المكتمله
العرض العادي
