كاتب الموضوع :
♫ معزوفة حنين ♫
المنتدى :
القصص المكتمله
طالعت بالساعه لقتها وحده الظهر...ودها تتغدى مع خالتها وتجلس معها للعصر..
مسكت جوالها ودقت عليه..رد عليها وباين من صوته العجله
فيصل:هلا
عبير:هلا فيك..ماطلعتو من المستشفى للحين
فيصل:لا باقي فحوصات..ساعه بالكثير ونكون عندكم..تبين شيء..
ابتسمت..
عبير:ابي اشيااااااءاااات كثيييره..
ابتعد عن زحمة الممرضين اللي بالاسياب ..هو مو فاضي لها..بس غصب عنه يبي يسمعها..لانه يحب صوتها وهي تكلمه بهالطريقه..
فيصل:وشي هالاشياءات
عبير:اول شيء من هالاشياءات واهمها..ترى والله والله انا كنت بقومك من غير ماتقولي خالتي..
فيصل:هالكلام ماخوذ خيره..وشو الشيء الثاني..
عبير:حبيبي صدقني..مارح اكمل هالاشياءات وانت مو مراضي عني..
ابتسم
فيصل:راضي..
عبير:قول راضي حبيبتي..
فيصل:راضي حبيبتي..غيره
عبير:قلبي انا ودي اروح اتغدى عند خالتي ناصر يقول انها ماتفضى الا بالغدى وودي اجيها..
فيصل:خلاص روحي..بس لا تتاخرين..وغيره
عبير:احبك..
فيصل:وغيره..
عبير:امم بعد احبك..
فيصل:وغيره..
عبير:لاتحاول مافي غير احبك..
طالع بالدكتور اللي طلع من غرفة الكشف..
فيصل:ماودي اسكر ..بس ابوي طلع...
عبير:مع السلامه
فيصل:الله يسلمك...سكر الجوال وراح للدكتور...
لبست تيور شيفون فرنسي فيه تدرجات من الفوشيا والاورنج...
موجت شعرها بلفافات البخار وبدت تتمكيج على بال مايتلفف شعرها..
حطت شدو اورنج زاهي وكحل داخلي زيتي وبلاشر اورنج وختمته بقلوس مشمشي..
فكت اللفافات وحركت شعرها يمين يسار حتى يتحرك..اخذت شنطتها وعبايتها ونزلت..
مرت على جدتها وعلى سلمى وقالتلهم انها بتروح..ودعتهم ووقفتها سلمى اللي لحقتها
سلمى:عبير استأذنتي من فيصل؟؟؟
عبير:ايه..
سلمى:وقلتي لامي..
عبير:لا..انتم قولولها..
زفرت وهي تركي ايدها على طاولة المدخل
سلمى:عبوره قلبي..الاصول اذا كنتي ساكنه عند حمولتك تستأذني من ام زوجك..ادري ان امي طيبه وانتي على نياتك..بس المنقود منقود..وانا مابي احد يتكلم عليك..روحي استأذني من امي..واذا رجعتي شكلي بعطيك انتي وليلى كورسات بالتعامل مع الحموله اخاف تفشلونا..
عبير:مصدقه نفسك انك عاقله وسنعه..روحي بس مناك خليني اروح لخالتي استأذن..
**********************************
الليـــــــــــــــــــــــل..
الساعه 12 مساء..
أتدري حلمت بك كثيرا" !؟
كانت أحلامي بـك
كالأمطار حين تغيثني ..
كالرحمة حين تأتيني ..
حلمت بطفل منك يناديني
ماما
ماما
ماما
وتماديت بخيالي
حتى سمعته يناديني . . !؟**
غدا" سأزف إليه
غدا" سأقف بكامل زينتي امام عينيه
غدا" سيترك طوقه الماسي في عنقي
غدا" سأترك خاتمي في خنصر يديه
غدا" سيناصفني قطع الحلوى
ويطبع قبلته فوق جبيني
**
غدا" سأزف إليه
غدا" سأغمض عيني في حضرته خجلا"
غدا" سترتجف يداي منه رهبة
غدا" سـ أرتعش كالريشة تحت مساء لا يحتويك
غدا" سأموت ألف مرة تحت مقصلة الحنين
**
غدا" سأزف إليه
غدا سأرتدي ألف قناع لديه
غدا" سأترك أحمر شفاهي على يديه
غدا" سأغمض عيني بقوة
وأردد هو أنت !! هو أنت !! هو أنت !!؟
كي لا أموت ألفا حين يحتويني !!!**
غدا" سأزف إليه
غدا" سأقرأ كل ما نزفته بك عليك
غدا" سأراقصه على بقاياك
على رسائلك على هداياك
غدا" سيدركني معه الصباح
غدا" ستموت في حضرته سنيني**
غدا" سأزف إليه
غدا" سأنثر تحت قدميه أوراقي
غدا" سأرقصه على أمسك رقصة الاحتراق
غدا سأقاوم في حضرته ارتباكي واختناقي
غدا" سأسدل على حكايتك أثواب النهاية
غدا" سيبكيك الليل في شراييني
**
غدا" سأزف إليه
غدا" سينحرك النبأ العظيم
غدا" ستصرخ في ظلام الليل كاليتيم
غدا" سيطل رأسك من قلبي يتابع طقوسي معه
وسأضع يدي على فاهم وأنت تصرخ بي
ارحميني
ارحمييييييييييني
ارحميييييييييييييني**
غدا" سأزف إليه
غدا" سيأخذك خيالك إلى ليله وليلاه
غدا" ستتخيل كيف تحضن يدي يداه
وكيف أنثاك أمست أنثاه
وكيف بجنون عشقه سيحتويني
وستضرب رأسك بالجدار غيرة كالمجانين**
غدا" سأزف إليه
غدا" سيأتيك الليل بلهب الجحيم
غدا" سيصبح المساء ليس المساء الذي تعرفـه
ولا الوجوه التي ألفتها هي الوجوه
غدا" سيكويك خيالك وليلي معه
كما كان خيالي وليلك معها يكويني .. !؟**
غدا" سأزف إليه
غدا" سيكرهك قلبك
غدا" سترفضك نفسك
وأنت تتسلل إلى أطلالي
وتقرأ " أوصيك به خيرا" "
وتنظر إليها ذاكرا" وصاياي
وتفر منها إلى زوايا وحدتك
و ......... تبكيني ؟**
غدا" سأزف إليه
غدا" ستعود إلى ما نزفته تحت قدميك
غدا" سيصبح الكون أضيق من القبر عليك
غدا" ستقرأ" " أحبك مع الاعتذار إليها "
غدا" ستقرأني
وتقرأ
وتقرأ
غدا" ستمزقك حروفي خلي كالسكاكين**
غدا" سأزف إليه
غدا" ستعلم أي عذراي عشقتك في داخلي
غدا" ستكتشف لماذا لم تكن أنثاك تجيد التجاوب
غدا" ستدرك أنها لم تكن ملطخة بالتجارب
لم تكن تتفنن بالكيد كالصبايا
لم تكن تمتهن الخبث كالبغايا
كانت معك بطهر المصلين**
غدا" سأزف إليه
غدا" لن أخبره
انك كنت لي فرحة العمر
واني تمنيتك في جنة الرحمن
واني وهبتك يوما آيات من القرآن
واني حلمت بك بما يباح ومالا يباح
وان حلما معك كان يميتني
وحلما بك .. كان يحييني
سكرت دفترها وهي توعد نفسها انها بتكون اخر ذكرى لها مع فيصل...كل شيء تتقدر تتهاون فيه الا بعلاقتها مع ربها..فيه خطوط حمراء ماتتعداها..عشات مشاعرها واحتفضت بها لنفسها..حطت الدفتر بصندوق وردي ودخلته بدولابها وقفلت عليه مع اغراضها..
فرشت سجادتها ولبست شرشفها وقبل لاتبدى للصلاة رفعت يدينها تدعي ان الله يطهر قلبها..
********************************
ماجاها النوم مع انها تحس بتعب..بس هي خايفه من كل شيء..شلون بتعيش معه..بيحبها وبيثق فيها ولا بيوريها الويل..بطلقها مثل ناصر ويشمت الناس فيها..اخذت القران وبدت تقرى لعل وعسى روحها تهدى..
رن جوالها وقطع خشوعها وتركيزها مع القراءه..نزل القران ومسكت الجوال وطالعتب الشاشه وردت
ليلى:خير؟؟
ناصر:ماظن فيه خير وانتي بتتركيني..
ليلى:ناصر تراك تعبتني..انت اللي تسويه غلط وانا مارديت عليك الا لاني بحط حد لهالموضوع..انا خلاص وحده متزوجه وماظنتي ترضاها لي..
ناصر:مابعد صرتي زوجته
ليلى:انا حتى لو مو زوجته مايصير تكلمني..ولا خلاص ماتعرف الحرام من الحلال..
ناصر:انتي لو تعرفين الحرام ماتسوين كيذا فيني..
ليلى:ناصر خلاص انسى انسى مابينا نصيب..عيش حياتك مثل ماانا بعيشها
ناصر:اي حياه بعيشها من غيرك...وين كلامك اول عني..وين حبك لي..وين اللي مستحيل تتركني..صرخ فيها وييييييين
غمضت عيونها بألم
ليلى:كنت اكذب عليك...مثل ماكذبت علي..
جمع حبات الرمل بيده وضغط عليه
ناصر:اناااا مااااكذب..وهمس..لولي انتي تعرفين زين اني مااكذب..
تنهدت
ليلى:غلطان..كنت احسب اني اعرفك..وطلعت مااعرفك..ناصر
قاطعها
ناصر:لولي انا مو مصدق اللي اسمعه منك..لولي معقوله انتي ماتحسين فيني..انا قاعد امووووت امووووت
حسي فيني ليه ماتحسين
نزلت دموعها وهي تسمع صوته المجروح..
ليلى:انا اكثر وحده حاسه فيك...لاني جربت طعنة الحبيب..
مرر يده على شعره وشده..
ناصر:يعني انتي تبيني بس بتنتقمين مني..
صرخت فيه
ليلى:انا مو تافهه لهالدرجه..ثانيا انت ماتعنيلي اي شيء سامع اي شيء...ورجاء لاعاد تدق على هالرقم انا
قاطعها
ناصر:حتى انتي مثلهم..مافي فرق بينك وبينهم..كلكم تبوني اعيش بحزن..انتي مظلومه وظالمه بنفس الوقت..محد فكر فيني او بسعادتي..
اهم شيء مصلحته..خلاص الله يهنيك ..
تنفست براحه
ليلى:ناصر صدقني كيذا اريحلك واريحلي..حنا بنظل عيال عم واخوان..
ناصر:انتي بتبقين حبيبتي وبس..
ابعتذر عن كل شيء..
الا الهـــــوى...ماللهوى عندي عذر..
ابعتذر عن اي شيء..
الا الجراح..ماللجراح الا الصبر..
ان ضايقك اني على بابك امر..
ليلة الم.. واني على دربك مشيت عمري وانا قلبي القدم..
ابعتذر..ابعتذر..كلـــــي ندم
عن كل شيء ..الا الهـــــوى
ماللهوى عندي عذر..
تصدقي..ماخترت انا احبك..
ماحد يحب اللي يبي..
سكنتي جروحي غصب..
ياحبي المر.. العذب..
ليت الهوى وانتي..كذب..
كان اعتذرلك عن هواي..
مااقول انا..كونــــــي معاي
ان ضايقك اني على بابك امر..
ليلة الم
واني على دربك مشيت عمري وانا..
قلبي القدم
ابعتذر..ابعتذر..كلــــــــي ندم..
عن كل شيء الا الهوى..
ماللهوى عندي عذر..
الله كريم..حبك ...يكون..
همي القديم..
وجرحي القديم..
والله عليم...يااحلى العيون..
ان الفراق..جزا الفراق..
ابوعدك...كان الطريق بيبعدك..
بامشي الطريق..
وكان الجحود بيسعدك..
مالي رفيق..
ابجمع اوراق السنين...واودعــــــك...
كان الفراق اللي تبين...اللــــــــه معك
*****************************************
الخميـــــــــــــــــــــس..
طالعت بساعتها نينا رتشي الذهبيه..وهي تسمع نداء الكابتن يعلن الوصول لمطار الملك خالد بالرياض..
مابقى شيء على الفراق..مارح ارجع معه..احقر شخص قابلته...ماخذني ينتقم مني..وانتقم..ليه اجلس معه واهين كرامتي اكثر..
فكت حزام الامان وبقت مكانها تنتظره يقوم..قام من مكانه وفتح الدرج العلوي وطلع شنطة صغيره..
سالم:يلا مشينا..
سكرت عبايتها الفراشه وقامت...
كان ينتظرهم بصالة الانتظار وبيده عصير برتقال...
شاف سالم ووراه عهود...بسرعه راح لهم وهو يلوح بيده..
مؤيد:الحمـــــــــــــــــــــــد الله على السلامه...وسلم على سالم
سالم:الله يسلمك..
مد يده يصافح اخته..اللي شدت على ايده
مؤيد:بالبيت سوي اللي تبين بس هينا لافضحينا مصافحه بس..ياني مشتاقلك..
عهود:وانا اكثرررر...ابوي ليه ماجاء معك؟؟؟
طالعو ببعض...مؤيد سكت
سالم:ماله داعي يجي..حنا نجيه..
طالعته بطرف عينها من خلال النقاب..
مؤيد:يلا خلونا نمشي ولا عاجبكم المطار...
ركبو سيارة مؤيد..وطول الطريق سالم يسولف مع مؤيد ويعلقون على بعض...
وهي ماتشاركهم الا بنعم او لأ...هذا اذا تذكروها...
وصلو للبيت..وعهود اول من نزل من السياره..
فتحت الباب ولقت امها باستقبالها...
عهود:مااااااااااااااااماااااااااااااا ...ارتمت على حضنها وبكت...
كانت ام مؤيد تبكي معها..
دخل مؤيد وسالم مع بعض..
مؤيد:يلا يكفي ..الحين دوري تراك ماسلمتي علي..
وهي دافنه راسها بصدر امها
عهود:مابعد شبعت...
ام مؤيد:عهود خليني اسلم على سالم...
بعدت عن امها هي تمسح دموعها اللي رجعت تنزل مره ثانيه وهي تضم مؤيد..
عهود:والله لك وحشه...
مسح على راسها
مؤيد:وانتي بعد...
بعد ماسلم على عمته...
سالم:عمي وينه؟؟؟
بعدت عن مؤيد وهي تعيد السؤال
عهود:ابوي وينه؟؟؟انا شفت سيارته بالباركنج...
ام مؤيد:ابوك بغرفته...اطلعيله انتي وسالم...
عهود:مادرى اني بجي؟؟؟بروح اسويله مفاجئه...
ام مؤيد:شوي شوي يمكنه نايم..
عهود:ينام وانا جيت والله يحلم فيه ماصدقت اشوفه..مررره وحشني...وطلعت فوق
ام مؤيد:سالم لاتستحي روح اطلعله البيت بيتك ومافي احد...
سالم:بس انا ماادل الغرفه...
مؤيد:روح الحق عهود....
سالم:الحين تلقاها جنبه...امش معي...
مؤيد:يلا امش قدامي يابو نسب...
قبل لايدخلون جناح ابو عهود..كانو يسمعون صوت نحيب..وشهقات...
بلع ريقه بصعوبه قبل لايدخل
كانو ضامين بعض..وهو دافنها بصدره ودموعه تنزل على شعرها..وهي متشبثه فيه وتنتحب وتشاهق..
عهود:يبه شصار فيك...ليه ماقلتلي انك تعبان...ليه خبيتو عني...
ابوعهود:ماصارلي يومين من تعبت...
رفعت راسها ومررت يدينها على وجهه ..
عهود:وهالتعب كله من يومين...هالهالات السوداء من يومين انا حاسه ان فيك شيء من زمان..بس ساكته خايفه من الجواب..
رجع ضمها
ابوعهود:يابعد هالدنيا..لاتخافين علي..ولاتسألين...
عهود:لا بسأل...لاني مو مرتاحه لين اعرف الجواب..
تقدم منها وهو يربت على كتفها
مؤيد:عهود شجاك اليوم على البكي..قومي قومي خلي سالم يسلم على عمي..وروحي البسي بنروح لزواج خالد..
عهود:مااااابي ومو قايمه..
راح حب راس عمه
سالم:شلونك عساك بخير...
ابوعهود:بخير يوم شفتكم
قال يبي يرطب الاجواء
مؤيد:افا يعني طاح كرتي..يعني اشيل اغراضي واطلع
ابو عهود:ههههههه لا انت الخير والبركه...هم الطالعين وانت الداخل
رفعت راسها ومسكت ذقنه وهي لازالت بحضنه
عهود:يقالك الحين مرقعها..
مسك اصابعها وباسها..وغمز لها
ابوعهود:اقصد سالم..
سالم:يعني الحين كحلتها...
كلهم ضحكو يوم شافو ابو عهود يرفع يده علامة الاستسلام...
*************************
قبل صلاة المغرب..
كان متوتر واي شيء يعصبه وينرفزه..
طق باب غرفة ليلى..وطلعتله بروب صيفي طويل وشعرها مبلول..
ابتسم
فيصل:ليه مو لافه شيء بشعرك؟؟؟
ليلى:الحين بتبدى فيه الكوافير..امر بغيت شيء..
فيصل:انتي محتاجه شيء تبين شيء..
مدت ايدها لخشمه وقرصته
ليلى:سلامتك مابي شيء...الله يخليك لنا..
رجع ابتسم لها بحنان ورجع
راح لغرفة محمد وطق الباب...
محد فتحله..دخل ولقا الغرفة مظلمه ومحمد نايم...ولع اللمبات..
فيصل:محمـــــــــــد قوم فز..محمد...محمــــــــــــــد
فتح عيونه بشويش لين يتعود على النور...
محمد:مين؟؟؟
فيصل:محمد صحصح قوووم البس مابقى شيء ويجون الناس قووووم..
محمد:الساعه كم؟؟؟
فيصل:افف يابرودك...هاتسمع اذان المغرب..
محمد:طيب خلاص قمت..رمى الحاف على الارض وراح لدورة المياه...
طلع فيصل وهو ماسك الجوال بيده وضغط على رقم خالد..
جاه صوت خالد..
خالد:هلا فيصل..
فيصل:خلصت حلاقه؟؟؟
خالد:يلا انا عند الاشاره جايكم
فيصل:يلا بسرعه يالله يمديك تكشخ وتروح للمسجد
خالد:ماني لابس البشت الا بروحتي لصلاة العشاء...مايمديني اتروش واتضبط واتدخن ..
فيصل:بلاه من برودك يالسامج..وسكر بوجهه..وراح لابوه علشان يلبسه ويحطه بالعربيه ويروحون للمسجد مره وحده..
*****************************
امتعض وجهها وهي تسمع ان ليلى زواجها الليله...
هي صدفه..ولا كل شيء مخططله قبل..ايه قدر..قدري وقدر ناصر..اننا نفترق بنفس اليوم..
هو بيفترق عنها بسببي..وانا بفترق عن سالم عقوبه...نتايج افعالي وعقوبتي كلها اشوفها بيوم واحد..
فعلا ربي يمهل ولا يهمل...
انتبهت لامها
عهود:يمه شقلتي؟؟؟
ام مؤيد:اقول روحي بدالي احضري الزواج اخاف خالد يزعل ويشيل بخاطره....
عهود:مو رايحه..تبيني اروح وانا اللي فرقتهم عن بعض...
ام مؤيد:انتي مالك دخل...مو انتي السبب
عهود:انا فتحت الباب..انا اللي شككته من البدايه..هي سامحتني بس هو موراضي يسامح..
دخل مؤيد وسالم راجعين من صلاة المغرب..
مؤيد:يمه جاء الشيخ..
ام مؤيد:الله يحييه..بروح البس عبايتي واجي..
مؤيد:اجل انا بروح اجلس مع الشيخ ومع عمي..
جلس بمكان ام مؤيد
سالم:بتروحين للزواج..
طالعته باستحقار..
عهود:اروح وابوي بهالحال..صدق ماعندك سالفه..
سكت ماعلق..
عهود:الليله تطلقني سامع..انا مابيك..
مسد جبهته يحاول يبعد الصداع ..
سالم:طيب ..رفع السماعه وطلب من الشغاله تجيبله بنادول..
عهود:وشو اللي طيب..انت تتمسخر..تراني ساكته وماقلت لاحد عن فعايلك معي..
عقد حواجبه مستنكر اللي قالته..
سالم:انا قصرت معك بشيء؟؟؟
عهود:بكل شيء قصرت...
اخذ البنادول من الشغاله وطلب منها تنزل كوب المويه بالطاوله..
رفع حاجبه
سالم:مثل ايش ؟؟؟نوريني..بلع حبة البنادول
انقهرت منه وسكتت يوم شافت امها نازله..
سالم:اروح معك عمتي
ام مؤيد:لا مايحتاج..روح ارتاح تراني جهزت لكم جناح..وبيتكم انسوه انتم بتسكنون عندنا لين يطيب عمك..
سالم:اللي تشوفينه...
ردت عليه وهي معصبه بعد ماراحت امها
عهود:شلون تريح وانت بتطلقني؟؟؟فهمني يااخ سالم..
سالم:من قال اني بطلق..وانا بروح اريح مثل ماطلبت من عمتي..وقوموني لصلاة العشاء...
طلع فوق وهي تاكل بنفسها من القهر
***************************
لبست فستان طويل حرير لونه فضي وبأكمام طويله استشورت شعرها اللي واصل لتحت الاكتاف بطول واحد الا من غره غطت جبهتها
كانت حاطه مكياج فوشي صارخ مخفي اي اثر للحزن..جلست على الكرسي تلبس صندلها..سمعت طق الباب..
نوال:شموخ ادخلي...
انفتح الباب ودخلت شموخ بفستانها الاصفر اللي يوصل للركبه من تصاميم شانيل ومموجه شعرها
شموخ:شرايك فييني؟؟؟
نوال:مركبه توصيله..
شموخ:وهي تتدلع بشعرها...حلو صح..
وقفت بعد مالبست صندلها..
نوال:نايس..
((لعــــــــــــــن الله الواصله والمستوصله...))
شموخ:ثانكس..يلا ماما تنتظرنا..اقول شوشو مو جايه
نوال:زوجها معيي..فتحت عيونها بقوه لانها اذا رمشت بتنزل دموعها...لا اب ولا ام ولا اخت..جالسه عاله ببيت عمي..
شموخ:..شخص متخلف مادري شلون عمي زوجه..يلا انا نازله ..
راحت لمعلاق العبايات واخذت عبايه ضيقه على جسمها ومسكره ومزخرفه بشوارفسكي على اطرافها..
********************************
كانت جالسه على التسريحه تلبس حلقها الالماس..
دخل يبي يغير كبكاته وساعته..هو يحب يهتم بشكله ..بس هذي المره الالف اللي يغير فيها..من توتره مو حاس بشيء
دخل غرفة الملابس ولقاها جالسه على الكرسي المخملي المدور الذهبي قبال التسريحه..
ابتسم لها من المرايه..
فيصل:ياااهووو على الازرق..
ماردت عليه..استحت منه..وبدت يدها تتوتر وعجزت تلبس الحلق..
لاحظ توترها..
فيصل:عطيني انا البسك اياه..ومد يده بيسحب الحلق منها
دفت ايده وهي عاقده حواجبها..لانها كرهت نفسها لما عرف انها توترت من كلمته..
عبير:مايحتاج..ياشين اللقافه..ماطلبت منك مساعده انا مو معاقه..وبعدين انت شجايبك هينا؟؟؟
هو جاي يبي احد ينسيه ..يبي ينساها الليله وللابد..بس مالقى الشخص المناسب..هو يدري انه مايجوز يفكر فيها وهي حليله لاخوه من هالليله..بس مين اللي بتنسيه؟؟..غمض عيونه ورجع فتحهم..
وفتح الدرج بسرعه وطلع صندوق الكبكات وعلبة ساعه وطلع للغرفه..
كشت على نفسها مرتين
عبير:مالت ..مالت..ياشين اللقافه..الا الله يقطع لساني اللي مايعرف يتكلم قدامه..افف وبعدين معي..
طلعت للغرفه ومالقته..رجعت تلبس حلقها وتنزل لانها تأخرت..
********************************
الساعه 11 مساء..
غطت امها بالحاف بعد مادهنتها بزيت مقري عليه..وخففت التكييف..طلعت وراحت لغرفتها..
انصدمت لماشافته جالس على الاريكه وحاضن راسه بيدينه..وقال بصوت هادي لما حس انها موجوده..
سالم:نامو..
عهود:ايه..ممكن اعرف شجايبك لغرفتي؟؟
سالم:اجلسي ابي اتكلم معك..
كتفت يدينها..
عهود:لاتحاول معي..رجعه مو راجعه..
رفع راسه..
سالم:لا ترجعين براحتك..بس ابي اطلب منك طلب..
عهود:خير؟؟
سالم:ارجعي معي للجناح ..بنام انا بغرفة الجلوس..
عهود:وليه؟؟؟
سالم:اتوقع الكل بيستغرب اذا شافوك نايمه هنا وانا بالجناح...
عهود:خايف من ابوي؟؟؟
سالم:انا مابيه يتضايق ..هذا اذا يهمك ابوك..
عهود:ابوي يهمني..ويهمني بعد انك تطلقني..
سالم:مااقدر اطلق..على الاقل بالوقت الحالي..
عهود:بس انا مابيك..
سالم:مو شيء جديد..سامعها من قبل..
صارت قباله بالضبط..
عهود:ودامك سامعها ليه تزوجتني.. ليييه
زهق منها..خلاص بيكشف اوراقه لها..وبيكون صريح لابعد حد..تراجع باخر لحظه..
سالم:تصبحين على خير..وطلع
لحقته وشدته مع كم بيجامته
عهود:وووقف ليه هربت..؟؟؟
مسك ايدها يبيها تفك كمه
سالم:مو ملزوم اجاوبك..اتركيني..
احم احم..
كلهم طالعو بمصدر الصوت..
مؤيد:يالربع ترى فيه اختراع اسمه جناح ضفو وجيهكم فيه..
رصت على سنونها بقهر هذا شجايبه
عهود:شمرجعك من العرس بدري
مؤيد:والله العرس خلص..ومادريت انك تلاحقين سالم وتسحبينه ..اثقلي يابنت عيب..
حمرت خدودها من كلام مؤيد..كانت بتبرر موقفها وبتقوله عن كل شيء..بس حست بيدين تحاوطها وترفعها
مؤيد:واااخزيااااااااه سويلم استح على وجهك
كان شايلها بيدينه..
سالم:والله ماسوي شيء حرام علشان استحي..وبعدين استحي من واحد لسانه يلوط اذانه..روح فارق خلنا ناخذ راحتنا
مؤيد:ليه بعد بتحضرون التجول بأروقة المنزل علشان تاخذ راحتك انت ومرتك...
سالم:اجل تحمل مايجيك...وباس خدها
مؤيد:لعنة الله على ابليس وفصخ عقاله
ركض لجناحه وهي بين يديه يهرب من مؤيد..
قفل الباب بعد مانزلها بسرعه وهو يسمع دعاوي مؤيد..
سالم:هههههه تستاهل قلتلك روح بس انت تتحداني..
سمعو صوت مؤيد اللي مو مفهوم من كثر ماهو معصب يبتعد..
والتفت على عهود..
سالم:اخوك بعبع..
عهود:وانت غووول ..
سحب المفتاح بيده.. وتعداها ودخل غرفة الجلوس..لحقته..
عهود:عطني المفتاح
سالم:مايحتاج..انا بنام هنا..ومو مضايقك بشيء..عمي تعبان ومو ناقص..
عهود:عطني المفتااااح
سالم:عهود اطلعي برى وطفي النور انا تعبان ابي انام...ورمى راسه على الخداديه وممد رجلينه قد مايقدر على الكنب وتغطى بشرشف مجهزه من زمان...
عهود:افففففففففففففف وصفقت الباب بقوه ودخلت للغرفه ...
*************************************
طول ليله قضاه بمطالع صورتها اللي بقت معاه..
طالع بساعته ..
ناصر:اكيد زفت الحين..
طلع من غرفته وراح فوق لجناحه اللي مادخله من فارقته...
طلع المفتاح من جيبه وفتح بيد مرتجفه وبصدر ضايق..
ولع انوار السيب(الممر) وتقدم للغرفه..كانت ريحة الغبار هي المنتشره..
ولع انوار الغرفه وهو مغمض عيونه...يتمنى يشوفها قدامه تستقبله ..يتمنى يكون اللي مر فيه كابوس ويفيق منه..
فتح عيونه وخاب امله مالقاها تستقبله..نزلت دمعه غصب عنه..وطالع بكل زوايا الغرفه اللي له معها ذكرى..
تقدم ناحية السرير وهو يشوف البوم صور مرمي على الارض وحوالينه الصور مرميه..
جثى على ركبته وبدى يطالع بالصور اللي مقصصه..فصلت صورتها عنك من هذاك اليوم..يعني كانت مقرره ماترجعلي..فصلتني بالصوره وبالواقع..وقف بيروح لغرفة الملابس..يمكن يلقى شيء لها ويصبره..فتح كل الدواليب والادراج ولقى كل شي مثل ماهو عليه..ماخذت اي شيء من ملابسها..ابتسم
ناصر:اجل ناويه ترجعلي..طلع من الغرفه وراح للتسريحه ولقى عطورها تناديها ومشتاقه لها..طالع بالمرايه وقرى المكتوب بالروج الاحمر..
انتهــــــــــــــى..
رجعته هالكلمه لواقعه المرير..
ناصر:وانا انتهيت ياليلى...وطلع من الجناح..
***************************
الساعه الثانيه والنصف..
سفط سجادته ورمى نفسه على السرير..طالع بعبير اللي متعمقه بالنوم
ريح راسه على المخده..غمض عيونه وطلعتله ميساء وخالد..تخيلهم وهم مع بعض..تخيل كلام خالد..نظراته لها..دلعها له..خجلها وحياها..
فتح عيونه وهو يتعوذ بصوت عالي..
فيصل:اعوذ بالله منك يابليس اعوذ بالله منك يابليس..
*****************************
الصبـــــــــــــــــــــــــاح...
صحت من النوم وهي تحس رقبتها انكسرت..كانت نايمه على الكنب وهو مريح نفسه على السرير..
طقت رقبتها وقامت..طالعت بساعتها ولقتها 11 الضحى..
فتحت الدولاب وطلعتلها ملابس بشويش علشان مايصحى عليها..اخذت الروب معها ودخلت تاخذ شاور..
طلعت وهي لابسه فستان ضيق ومن تحت يتوسع لونه وردي صافي من الشيفون هو موديله ماسك من الصدر بدون اكمام..بس هي لبست عليه جاكيت لانها مستحيه من خالد..استشورت شعرها وتمكيجت بالحمام..
ابتسم يوم شافها وابعد الحاف عنه..
خالد:صباح الورد ياورد..
حست بوجهها حراره وهمست بصوت مبحوح ويالله ينسمع
ميساء:صباح النور..وطلعت من الغرفه بسرعه..
رجعت للغرفه وهي تسمع باب الحمام يتسكر..اخذت عبايتها وطلعت للصاله علشان تصلي صلاة الضحى...
بعد نص ساعه طلع وهو كاشخ بالثوب وبالشماغ..وريحة عطره معبيه المكان..
جلس جنبها وهو يحط يده ورى رقبتها..وباليد الثانيه علبه مخمليه ماسكها..
خالد:افتحيها ياقلبي..
مدت يدينها المرتجفه وهي تاخذ العلبه وتحطها بحظنها ..فتحتها
ميساء:وااااو روووعه..والتفتت عليه..مشكور..
ابتسم لانها عجبتها..
خالد:تبين تشكريني خليني البسك..
كانت بتمانع بس هو ماعطاها مجال.. لبسها الطقم الالماس الاصفر ..وخلاها تفصخ حلقها ولبسها حلق الطقم..لبسها الاسواره والخاتم وانهاها بقبله على يدها..
خالد:توه يزين الطقم ..يوم لبستيه..
ابتسمت غصب عنها لرقته..ماكانت متوقعته كيذا..
خالد:بنفطر هينا وبعدين بنروح لاهلي نسلم عليهم ونرجع..
قالت بحياء ودلع طبيعي
ميساء:وامي وابوي..
خالد:اكيد كلهم بنجيهم..
تخيلت شكلها وهي تسلم عليهم وحست بقشعريره تسري بأنحاء جسمها..
طالعت بعيونه اللي مافارقتها ونزلتها بسرعه
ميساء:طيب ليه مو بكره نروح احسن..
خالد:ليه؟؟
ميساء:كيذا يعني اقتراح..
خالد:لا بنجيهم اليوم علشان بنسافر اسبوع وبنرجع..بنروح لمكه..وان شاء الله اذا تعافى ابوي بنروح لشهر عسل
اقول ميسو انتي ماكان كيذا شعرك ماكان فيه هالخطوط الفاتحه
ضحكت غصب عنها
ميساء:ههههه..خالد اسمها خصل..وبعدين شدراك انت بشعري..؟؟؟
ذاب عليها وهي تضحك برقه وتنطق اسمه بدلع..
خالد:شايفك يوم تروحين للزواج يوم لبستي فستان احمر..ومافارقتي خيالي ابد..
ضيقت عيونها مستنكره
ميساء:مالبست احمر ..لبست فوشي..
خالد:كلهم نفس الطقه ...
هزت راسها معترضه
ميساء:لا مو نفس الطقه..انتبه تقول كيذا عند خواتك والله يعلقون عليك..
خالد:علشان اقص السنتهم..
********************************
حست فيه يوم دخل والابتسامه على وجهه..وحاط يدينه ورى ظهره وكأنه مغبي شيء..
تقدم منها وجثى على ركبته وطلع بوكيه ورد احمر من ورى ظهره..ومده لها..
اخذت البوكيه واستنشقته
ليلى:تسلم..كلك ذوق..
زياد:انا كلي ذايب فيك..
حمر وجهها وصدت عنه وحطت البوكيه على الطاوله..
جلس قدامها على الطاوله وفتح الاطباق..
زياد:ان شاء الله يعجبك الفطور..
اخذ الشوكه وغرس فيها قطعة جبن ابيض وقربه من شفايفها ..مامانعت وبلعتها..
خلصو فطور وراحت للغرفه تعدل مكياجها..
سمعت صوت الاذان يعلن دخول وقت صلاة الظهر..راحت للدولاب وطلعت شرشفها وسجادتها..
صلت ركعتين بعدين صلت الظهر بعدين ركعتين..
خلصت صلاه ورجعت سجادتها لمكانها وراحت للتسريحه تضبط شعرها المموج..اخذت عطرها فلور بومب وبخت منه..
زادت من القلوس المشمشي اللي يتناسب مع لون فستانها الكوكتيل المشمشي..كان مبرز انوثتها وجمال جسمها وصفاء بشرتها..
طلعت للصاله ومالقت احد..شكله راح يصلي..
صارت تلعب بطقمها اللي من مجموعة مس لازوردي على شكل حلقات..
سمعت طق الباب..وتوقعت انه هو...كانت بتفتح الباب بس شيء غصبها تطالع بالعين السحريه..شافت حرمه
ليلى:مين عند الباب؟؟؟
:انا انا افتحي..
شيء منعها تفتح..كانه احد ماسكها ويمنع ايدها تنحط على الكولون
ليلى:انتي مين؟؟؟
:انا من اهل زياد ابي اسلم عليك..
عقدت حواجبها
ليلى:من اهل زيااد!!! طيب لحظه بس..وقفت بمكانها محتاره..تفتح ولا ماتفتح...ليه حاسه بالخوف من هالمره..عزمت تفتحلها واللي فيها فيها..يعني من بتكون؟؟؟اكيد من اهله الحين شبتقول عني..مااعرف حق الضيف...فتحت الباب بعد ماسمت..
كانت الحرمه بتدخل بس غيرت خطتها وهربت لما شافت زياد جاي..استغربت من حركتها ونادتها..ياخاااله ياخاااله...
عقد حواجبه لماشاف المره تركض وهرول لسويته
زياد:شفيه شصاير..
ليلى:ماصار شيء بس وحده جتني تقول انها من اهلك فتحت الباب وهربت..
زياد:من اهلي!!! مستحيل هذي اول مره اشوف زولها..
ليلى:الا والله هي تقول انها من اهلك...
دخل وهو حاط يدينه على كتوف ليلى وسكر الباب...
زياد:غريبه من؟؟انا مالي الا بنات عمي حتى عمات وخالات مالي...
ليلى:بصراحه انا تأخرت مافتحتلها مادري ليه خفت منها...اكيد فيها شر والله حماني منها ..
زياد:فيها شر؟؟؟
ليلى:اجل ليش هربت يوم شافتك...وبعدين انا محصنه نفسي ومستودعتها الله..كان فيه شيء يمنعني افتحلها..طالعت فيه..انت حصنت نفسك..
زياد:ايه محصن نفسي..
رمت عبايتها على السرير واتصلت على الرقم..
جاها صوته
:بشري نفذتي المهمه
:جاء الزفت يوم فتحتلي...الله يقلعها لطعتني ساعه..
:اجل اطلعي الحين من الفندق..خلاص بنغير الخطه..وزياد مصيره يطيح بيدي...
:اللي تامر فيه...
********************
)) سبحا نـــــــــــك اللهم وبحمدك...اشهد ان لا اله الا انت استغفرك واتوب اليك))
|
25-12-11, 12:47 AM
جديد مواضيع قسم القصص المكتمله
العرض العادي
