[قصة مكتملة] انكساري ، للكاتبة : أنشودة المطر .. - الصفحة 16

25-12-11, 12:40 AM

المشاركة رقم: 76

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

اخذت قطعة الجبنه بالشوكه وكلتها بذوق..بلعتها وقالت وهي تحط الشوكه على قطعه ثانيه..
عهود:اليوم زواج بنت خالتي..ممكن اروح
سالم:اكيد مو بنت خالتك..ورجع يكمل اكله
عهود:تبي يشاركها بكل شيء...بس مادري مستحيه اروح..
سالم:رفع راسه لها فجأه ..هالشيء اربكها لانها كانت تطالعه..قال..ليه مستحيه؟؟
عهود:حمر وجهها..مادري لاني توي امس متزوجه..
سالم:انا عندي عادي..بس مادري عن تفكيركم انتم
عهود:عقدت حواجبها..مين احنا
سالم:انتم الحريم..اخذ كوب الشاهي وبدى يشرب..
رن جوالها..نزلت اللي بيدها ومسحت يدها بالمنديل ..فتحت شنطتها وطلعت الجوال وردت..
عهود:بهمس..هلا يمه
ام مؤيد:هلا ياقلبي..اسمعي نسيت اقولك انا بروح لعبير بدري وانتي الحقينا بالقاعه اوكيه..
عهود:لا والله استحي ادخل اقابلهم لحالي..
ام مؤيد:عهود خلاص سوي اللي قلته انتي كبرتي
عهود:مادري اذا قدرت جيت
ام مؤيد:عهود بتجيــــن مع السلامه
سكرت الجوال ورجعته للشنطه..
رفعت عيونها له ولقته يشرب الشاهي وشكله يفكر بشيء..
عهود:هذي امي تقول اروح لحالي للقاعه..
مارد عليها..
عهود:سالم
سالم:انتبه لها..نعم؟؟
عهود:اقول امي تقول اروح للقاعه لحالي
سالم:طيب
عهود:اقولك استحي تقوللي طيب..
سالم:ابتسم بسخريه..(وبقلبه وينه الحياء يوم فشلتيني عند خلق الله)
**************

بعد صلاة الظهر..

دخل هو ومحمد وهم يغنون..

لا اله الا الله..
وخويتم باليمين..
لا اله الا الله..
وخويتم باليمين..

محمد معه الطبل ويطق ويصفر.. وخالد يرقص ويغني..

فيصل:ترك شنطته اللي يجهزها ..وشاركهم بالرقص..
وماخلو اغنيه بالموروث الشعبي ماقالوها..

فيصل:مشكووورين مشكوورين اردها لكم ان شاء الله قريبا..
محمد:الله لايقوله..انا اترك الحريه وادخل القفص الاسود
خالد:طالعه بنص عين..بشوف وين توصلك الحريه..
فيصل:طيب دامكم عندي وماعندكم شغل وبما انه هذي ساعاتي الاخيــره اللي اقضيها بالعزوبيه ابيكم تساعدوني بترتيب شنطتي..
محمد:انا ارتبها لك من هالعين..وراح لغرفة ملابسه يرتب اغراضه
خالد:اكدت حجزك بالفندق..متأكد من الجوازات واوراقك
فيصل:ايه تأكدت..بعدين السفر بكره مو الليله..
خالد:طيب انا بروح للقاعه اشوف الوضع هناك..عطاه ظهره بيطلع..
بسرعه مد يده ووقفه..
فيصل:خالد..
التفت عليه
خالد:سم..
فيصل:مافيه روحه..بتقعد معاي ونروح للقاعه مع بعض..ابشبع منك قبل لا اسافر..
خالد:ابتسم لاخوه..وضمه..همس باذنه..اسف
فيصل:بعّده عنه..على ايش؟؟
خالد:على اللي صار..فيصل ادري اني المفروض مااخذ مـ...
قاطعه..وهو يحس بالالم اللي بخالد..
فيصل:هههههه ضم اخوه...عاد سويت فيني خير..
خالد:عقد حواجبه..خير!!
فيصل:حط يده على كتف خالد...خالد ميساء ماتحبني وعمرها ماحبتني..يمكن حتى انا..الا اكيد ماحبيتها..
انا وياها كنا نسمع من يوم حنا صغار اننا لبعض..وتكيفنا على هالوضع..بس حب ابدا ماحبينا بعض..
صدقني مشاعري لعبير غيييير فعلا حسيت انها زوجتي..بس ميساء ماشعرت معها هالشعور..

طلع محمد وبيده الشنطه..وقاطع حديثهم
محمد:اخترتلك بدل يحبها قلبك ويخلي عبور تنجن عليك..
فيصل:نزل يده من كتف خالد وابتسم لمحمد..الله يعافيك انا ابيها صاحيه مابيها مجنونه
محمد:صاحيه مجنونه اللي هو..يلا يلا خلنا نوديك للحلاق بسويلك زفه ..
خالد:اي والله ترى تأخرنا متى يمديك ترجع وتتروش وتضبط نفسك..
****************

العصـــــــــــــــــــر..

في قاعة المقــــــــــصوره..

الجده جالسه على وحده من الكنبات اللي داخل قاعة الحفل ومعها سديم..
والعاملات حوالينها يجهزون ويرتبون..

في احد الغرف..
ليلى بيدها المصحف تقرى وردها اليومي بعد ماصلت العصر وقرت الاذكار..
وسلمى حاطه بوجهها قناع الخيار..
دخلت عليهم ام فيصل..
ام فيصل:ههههههه والله ياسلمى لو احد يدخل بيهج من الخوف
سلمى:.......
ام فيصل:وين فلورا؟؟(الكوفيره)
سلمى:أشرت بيدها انها تصلّي..
طلعت فلورا من غرفه جانبيه صغيره..
فلورا:يس ام فيسل
ام فيصل:يلا خلصت صلاة ابدي شغلك..
جلست ام فيصل وبدت فلورا شغلها..

************************

ابتسمت وهي تشوف شكلها بالمرايه..
عهود:تسلمين مرفت تعبتك معاي
مرفت:ولو تأبريني تعبك راحه..يلا بدك شي
عهود:لا خلاص..
طلعت الكوفيره وعهود راحت للصاله تشوف وين سالم..
عهود:غريبه..رجعت للغرفه وراحت تلبس فستانها لانها بتروح للقاعه وهي خالصه..

طلّعت فستانها الشيفون الوردي مع تل ذهبي من تحت الصدر وينزل على شكل عروق لكامل الفستان..قصير من قدام لنص الساق ومن ورى طويل سيور ذهبيه ..كان روعه عليها..
طلعت صندلها بكعب عالي ذهبي لبسته وراحت لصندوق مجوهراتها تلبس شيء يناسب الفستان..
اخذت عقد ذهبي ناعم سلاسل ادوار واخذت معاه اسوارته وحلقه الطويل والخاتم ..
احتارت تبخ عطر ولا لأ..بس سالم بيجي ولازم اتعطر..
سمعت صوت فتح الباب مدت يدها على ديور وبخت منه..رتبت الاغرض اللي على التسريحه وهي تسوي نفسها انها مادرت انه جاء..

السلام عليكم..
عهود:سوّت نفسها خافت..وحطت يدها على صدرها..بسم الله متى جيت..
سالم:الحين جيت..مشى بخطوات ثقيله لين وصل للدولاب فصخ غترته وعقاله وعلقهم..وراح للتسريحه يفك كبكاته وينزل جواله بنفس الوقت..
ولا علّق على شكلها
كانو واقفين قدام مراية التسريحه..
عهود:احم..متى تبينا نروح..كانت واقفه بجنبه بالتمام..
رفع راسه وطالعها من المرايه..
سالم:متى تبينا نروح..
عهود:حمّر وجهها..مادري بكيفك بس الحين احسن..اذا ماكنت تعبان..
سالم:لا خلاص بوديك الحين ..رجع لبس كبك احد الاكمام ..البسي عباتك..
عهود:انقهرت منه معقوله مانتبه لي..طيب شرايك بلبسي..
سالم:دخل الجوال بجيبه..حلو..مادري انا ماعرف بلبس الحريم..وراح للدولاب ياخذ غترته
عهود:صرت على سنونها وراحت تلبس عبايتها..

ركبت السياره..
كان هدوء قاتل..طول الطريق ساكتين..

وصلو للقاعه وقف عند البوابه..
عهود:مشكور..
سالم:العفو..
كانت بتنزل بس وقفها
سالم:لحظه
عهود:هلا..
سالم:فيه شيء ناقصك..معك فلوس محتاجه شيء ودك تشترين شيء لبنت خالتك..
عهودوهي تغلي من داخلها..يعني يعرف بالذوق..)..لا مشكوره..ونزلت قبل لاتنفجر على هالانسان البارد..

دخلت ولا رمت عبايتها..اتصلت على امها..
عهود:يمه انتم وين
ام مؤيد:انتي جيتي
عهود:ايوه..
ام مؤيد:اطلعي فوق
عهود:طيب..رمت الجوال بشنطتها الذهبيه..ومشت ..دخلت لقاعة الحفل وهي تشوفها بلمساتها الاخيره..
كل شيء لونه موف ودرجاته..فراشات تتوزع وورود وباين الذوق والفخامه..
تقدمت للداخل لما شافت الجده..
عهود:نزلت راسها وحبتها...السلام عليكم كيف حالك..كان وجهها احمر
الجده:هلا هلا بالعروس..تعالي تعالي..وفتحت يدينها لها..وضمتها..مبروك
عهود:بحياء وهي تحاول تتحرر من الجده..الله يبارك فيك..
الجده:مشاء الله مشاء الله يابخت رجلتس والله..
عهود:تسلمين..انا بروح اسلم على البنات..
مسكتها الجده ..
الجده:يابنيتي حصني نفستتس ترى الناس ماتعطي خير..
عهود:ان شاء الله..وطلعت فوق وهي تتعوذ..

***************

قلت مو راااااااااااااااايحه
ريم:لا بتروووووووووحين...انتي تبين تفضحينا
ميساء:غصب مو رايحه..ضمت ريم..والله مااااااقدر ماااااااقدر حسي فيني
ريم:مسحت على ظهرها..ميساء اللي تقولينه مااايجوز انتي الحين زوجة خالد ..تراك تذنبين وانتي ماتحسين
ميساء:للحين انا مو زوجته..بعدين شسوي بقلبي اللي مو راضي ينسى..وبدت تنتحب
ريم:ميساء هو مايستاهل ليه الدموع...ماتذكرين كلامك قبل ..مافي رجال يستاهل دمعه..
ميساء:صعب صعب..
ريم:مافي شيء صعب..بعدتها عنها..مسحت دموعها باصبعها...ميساء طالعي فيني...هو الخسران وانتي مالك نصيب فيه..انتي بطريق وهو بطريق..انتي تذلين نفسك وتهينينها
ميساء:طيب خلاص بسكت بس مو رايحه
ريم:بتروحين سامعه..تبينهم يتكلمون عنك...
ميساء:خليهم يتكلمون
ريم:لحووووول ..اسمعي.......
وبدى نقاش طويل مع ميساء

**********

الســـــــــــــــــــــــــاعه 9 والنصف..

كل شيء تمام..
قسم النســــــــاء

بدت الناس تجتمع بالقاعه ..اللي تحولت 180 درجه..كل شيء مختار بعنايه..
الورود والفراشات اللي زينت القاعه والكوشه اللي تتناسب مع الديكور..
تدخلين وكأنك بعالم ثاني..

الكل متحمس للحضور..ام فيصل علاقاتها واجد...

واقفين عند مدخل قاعة الحفل..يستقبلون الناس..
ام فيصل لابسه فستان كامل وضيق على جسمها حرير فيروزي ورافعه شعرها الاحمر شنيون..
لابسه طقم الماس..ومكياجها فيروزي..بين حلاوة عيونها البنيه..
وبجنبها ام عهود وام فهد..والجده داخل القاعه..
والبنات مقابلينهم سلمى وليلى وميساء وريم..وعهود عند عبير..

ساعه ونص وامتلت القاعه..
ثواني واعلنو وصول مطربة الحفل..نوال الكويتيه..
كانت ناعمه مره بلبسها ومكياجها..

في جناح العروس..

الـــــــــــــــله مرررره روووعه
عبير:والله خايفه تدرين مابي ازف
عهود:اقول بلا دلع..مافي شيء يخوف ..تخيلي نفسك انك معزومه لهالعرس..
عبير:والله ارجف..مدت يدها..شووفي..
عهود:بااااارده..انتي اكلتي شيء..اخاف مافيك دم
عبير:مالي نفس
عهود:على الاقل عصير..
عبير:اقولك بطني يعورني ..
عهود:هههههههه والله ياعبير مايخوف..عاااااادي..خوذي اشربي عصير اخاف تنصفرين وتطيحين بالزفه
عبير:يممممه تخيلي..لا لا خلاص مابي ازف والله يضحكون علي
عهود:بكحلها عميتها...يابنت الناس هذي ليله العمر استاااااانسي فيها علشان ماتندمييين..(ااه ياعبير انتي اخذتي واحد يحب ثانيه وانا واحد مايبيني ...علينا حظ)

في داخل القاعه..

هذي قصدك ام رقبه طويله..
:ايه هذي ..لا ومخلينها تجي للعرس..
:المفروض ذابحينها شبلاهم سكتو..

مشت خطوات مبتعده عنهم..

تدرين ماجيت الا علشانها..يخرب بيتها تجنن
:كامله هالبنت جسم وشعر وجمال..
:اصلا معروفه بجمالها..ودي اعرف شلون تتكلم
:ههههه زيّنا اكيد
:والله ماظنيت..طالعي شفايفها وتخيلي الكلام اللي بيطلع منه..اكيد ناعم

مشت خطوات مبتعده عنهم..

:فستانها يهبل بنت الذين..دااايما كشخه
:ياحبيبتي الجسم اللي يزين الفستان..
:ليه وشفيه جسمي..ياحبيتي تلقينها مسويه مليون عملية شفط ونحت..هذي بنت الــ ــ مو ناقصها فلوس

مشت خطوات مبتعده عنهم..:

هذي استغلت جمالها بما يعصي الله..لا حول ولا قوة الا بالله
:بنت عز ومدلعه وتلقين اهلها اهملوها...
:اقولك خااينه زوجها..اهلها شدخلهم هي خانتهم وخانت ثقة ربها قبل..لا وبكل وقاحه تجي..
:اهلها ساكتين عنها مايبون الفضايح
:لا سمعت انهم مايطلعونها الا اذا امها معها وحرموها من الدراسه..
:المفروض ذابحينها..

مشت خطوات مبتعده عنهم..

:شرايك فيها..
:تجننننن..لا اله الا الله..
:ااااخ بس لو شفتي زوجها...ماتصدقين عذاااااااااب
:وين شفتيه؟؟؟
:زواجها كان بعطلة الربيع ..وزفو هذيك الزفه..ااااااه ياقلبي كل مااتذكر يطري علي وجهه..
:هذولا شلون بيطلع ولدهم او بنتهم..ماقلتيلي حلو زواجهم..
:ياحبيتي هذولا ال---- اكيد زواجاتهم تجنن..

وصلت عند سلمى وريم..

ليلى:مشاء الله جالسين ..
ريم:وشتبينا نسوي..اجلسي واشربي عصير يبرد على قلبك..
ليلى:وين ميساء طيب..
سلمى:شوفيها وراك جالسه مع بنات
ليلى:التفتت على ورى..خلاص بكيفها...شربت عصير الكوكتيل على دفعات الى ان انتصف..
سلمى:مارحتي لعبوره..
ليلى:الحين بروحلها..ريم شفيك مارقصتي؟؟
ريم:لا مااعرف ارقص..مخليه الرقص لك مشاء الله عليك..
سلمى:اخخ بس لو ماني حامل
ليلى:استغفري ربك...وقفت وعدلت فستانها..تبون شيء
ريم:سلامتك
راحت عنهم..سلمت على صديقات امها اللي ماشافتهم وطلعت فوق..

مشت بالممر الطويل وصوت نوال الكويتيه يوصلها..
وقفت عند مرايه معلقه تطالع بشكلها..ابتسمت..
ليلى:على قولة ريم..من غيرتهم يتكلمون عني..الله لايحرمني هالابتسامه..
كملت طريقها..

فجــــــأه..

شافته من بعيد جاي..وقف اول ماشافها..
بسرعه دخلت اقرب غرفه لها وانصدمت لما ماشافت فيها مفتاح..
مسكت الكولون بيدها وتسندت على الباب....

بعد 10 دقايق..

نزلت يدها من المقبض..وتنفست بعمق..

فتحت الباب وطلعت..
كل شـــــيء صار بسرعه..
لقت نفسها بوسط الغرفه اللي طلعت منها....

سكر الباب وراه..
تقدم منها وصار قبالها بالضبط..
استنشق ريحة عطرها اللي يعشقه..
ناصر:همس ..وحشتيني..
ليلى:اللي خافت من نظراته..قالت برجاء..ناصر حرررام مايجوز ...خاف الله حرررررام
ناصر:اااااه ياني مشتاق لصوتك ..

مشتـــــاق ومضنيني الفراق..
ياعيونها خذي من عيوني تعب
واعطيني من جفنك فتور..
وابكي علي لو بالكذب..
مليت بك طبع الغرور
ياعيونها مشتاق
وللدمع مع جفني عناق
مشتاق ومضنيني الفراق..

ليلى:تراجعت لورى..نااصر اطلع بررررى...حررررام انا مااحل لك..واخذت خداديه مرميه على الكنبه اللي موجوده وغطت بها وجهها..

لابسه فستان احمــــر متداخل فيه اكثر من قماش حرير شيفون دانتيل موديله غريب ..اكمام طويله متشابكه مع الفستان
وهاي نك بين طول رقبتها..كان الفستان تحفه عليها..(تصميم وليد عطالله)
مسويه بف خفيفه بشعرها اللي موجته تمويج ناعم..
مكياج ثقيل.سموكي اسود وروج احمر صارخ..

ناصر:الحرام اللي تسوينه فيني..تقدم منها اكثر..يالظالمه كم صارلي ماشفتك..
ليلى:عصبت..انا موووووزوجتك...طلعت العده ومالك شيء عندي..
ناصر:مسك يدها ورمى الخداديه وسحبها لعنده..انفاسهم اختلطت ببعض..تراني مليت من الفراق..خلااااااااص
ليلى:وانا شعلي تقوللي هالكلام..كانت تطالع عيونه بتحدي
ناصر:واللــــــــه تأدبت..خلاص تووووبه..
ليلى:تتأدب ولا متتأدب مشكلتك..ماااايهمني
ناصر:همس ..احبــــــــك..
ليلى:اتركني اتركني..حاولت تحرر نفسها بس ماقدرت..كان ماسكها بيدينه بقوه
ناصر:وبعدين..
ليلى:اتركني..ناصر اتركني والله حررام
ناصر:مو تاركك انتي حبيبتي..وبعدين انا خايف عليك من عيون الناس..
ليلى:انت خاااااف من الله اول بعدين خاف علي..اتركني
ناصر:الليله برجعك..
ليلى:تحلم..
ناصر:تنهد...ليلى والله ماااقدر على فراقك..عجزت اتأقلم..مسك يدها وحطها على قلبه وهو ضاغط عليها علشان ماتتحرك..ماتحسيـــن..
ليلى:مالي دخل فيك..اتركني ...اتركني الله يخليك
ناصر:مو تاركك لين تحسين..
ليلى:حاسه خلاص..بدورلك الليله على عروس..
ناصر:انتي العروس
ليلى:حست باختناق..همست ...نااصر..مو راجعتلك..
ناصر:معليش تحمليني واضغطي على نفسك وارجعيلي..حبيبتي علشان خاطري..
ليلى:انت مالك خاطر عندي..
ناصر:غمض عينه ورجع فتحها بسرعه..اسف برجعك..حتى لوغصب عنك
ليلى:انت تحبني؟؟؟
ناصر:......
ليلى:همست..ناصر انت تحبني
ناصر:اموت فيك..مو بس احبك..انا اعشقك لولي
ليلى:لي خاطر عندك..
ناصر:لاتحاولين بترجعين بترجعين..قال بصوت مكسور..لولي انا تعبــــــــــــــان..
ليلى:طيب ممكن تتركني ابي اتفاهم معك..
ناصر:مسك يدها اليمين وشدها علشان ماتهرب وجلسو بالكنب..
ليلى:ناصر اسمعني زين..انت تبيني ارجعلك علشان تعيش سعيد..صح؟؟
ناصر:صح..
ليلى:مارح تعيش سعيد..تدري ليه..لان مابينا ثقه..
كان بيقاطعها حطت يدها على شفايفه تمنعه..
اسمعني ولا تقاطعني..ناصر انا ماقصدتك..انا اللي مااثق فيك..واظن من حقي عقب اللي صارلي منك مااثق..
زواج بدون ثقه ماينجح..
ناصر:انا راضي..انتي بس ارجعيلي
ليلى:وانا مو راضيه..ناصر انا اكرهك اكرهك اكرهك..كل ما التقي بالناس يزيد كرهي لك..كل مااسمع كلمه يزيد كرهي لك..
ناصر:وانا احبــــــــــك..
هزت راسها بيأس..
ليلى:انت مايهمك الا نفسك..اناني ..صدت بوجهها
ناصر:ايه اناني بس احبك..الليله بترجعين معي..قام ووقفها معاه..يلا خلينا نروح
ليلى:طلعت عيونها قدام...وين نرووووح صاحي انت..ترى عطيتك وجه..وخر وخر
ناصر:لولي اعقلي..
ليلى:بعقل اذا تركتني..
ناصر:قلتلك مو تاااااركك انا ماصدقت قابلتك..
هيييييييء وشو اللي عليك؟؟؟؟؟
ناصر:ارخى يدها وطالع بكتوفه..وشو؟؟
ليلى:سحبت يدها بسرعه وفتحت الباب وهي تركض ..
طلع وراها بسرعه بس ماشاف الا غبارها..
ناصر:وين بتروحين مني...

ناااااااصر

التفت على وراه..
ناصر:سليمان متى جيت؟؟؟
سليمان:جيت اصور مع عبير قبل الزفه..انت وين رحت ؟؟عبير تقول انك ماجيتها ؟؟؟
ناصر:تذكر ليلى..تنهد..ااااه ياقلبي..
سليمان:ناصر شفيك؟؟؟..لايكوون!!!! مجنون انت بتفضحنا..(كان يحسبه رايح لقاعة النساء ويتفرج على ليلى)
ناصر:مافضحتك..وبعدين وش شايفني يوم اروح ليه ماعندي مروه..عبير عندها احد
سليمان:لا عندها سبت
ناصر:هههههههههههه...مر من جنبه بيروح لجناح عبير
سليمان:والله اني شاك فيك..
ناصر:طنشه..متى بيزفون...
سليمان:بعد نص ساعه..
ناصر:ابتسم بمكر..ودخل للجناح

************************

((سبحانــــــــك اللهم وبحمدك أشهد ان لا اله الا انت استغفرك اللهم واتوب اليك))

25-12-11, 12:42 AM

المشاركة رقم: 77

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

الجزء التاسع عشر.

)نحو...المجهول(

لقد خذل إحساسي الجميل
وجعلني اركض وراء سراب خادع..
رحل عني مثلما رحلت عني أيام العمر
وسرقت معها ابتسامتي التي كانت لا تفارقني.. ـ

كسر معه أحلامي بقسوة
ليترك بعد ذلك في قلبي جرح باتساع الفراغ الذي تركه خلفه.. ـ
كم بكيت وأنا أراه يمضي في طريقه..
يبتعد عني بخطى واضحة وجريئة
..

]<<طبعا مافي معازف عائلة ابوفيصل طلبت بس طق(دف)

بصوت مخملي من حنجرة نوال..

يبيني على كيفه ولا يفكر بحالي..
صوابي وخطايا بواقعي او خيالي..
ليته يفهم ظروفي او يهدي لي خوفي

التفتت عليها بنت عمها ..
لجين:امشي خلينا نرقص..
ارتبكت واستنكرت بنفس الوقت..
ميساء:لا لا مابي..(انا ارقص بزواجه..معقوله..لا مستحيل)
لجين:ميساء اش فيكي؟؟ مارقصتي ابد..هذا زواج ولد خالتك المفروض ترقصين..
عقدت حواجبها وهي تتخيل تفسيرات الناس لجلوسها..الكل يدري انها كانت له..بس معقوله يدرون انها تحبه..
لجين:ميساء تبغين ترقصين والا اقوم لحالي..ورجّعت الكرسي لورى تستعد للوقوف
ميساء:بتحدي..ابي ارقص..
مشت وهي تغتصب ابتسامه..تحس انها مراقبه..لازم يعرفون انه ماهمني
بدت تتمايل مع كل كلمه ..
دلع ..غنج..

ليه الهوا يبدا بنظره وابتسام
عالم نشوفه في بداياته غريب
وليه المشاعر تنتشي بأحلى الكلام
لما تلاقي بالهوا اغلى حبيب

غمضت عيونها ورجعت فتحتهم بتحدي اكبر تمنع اي دمعه ممكن تنزل...

ليه..مهما كبر عمر الفرح وقته قصير
تبقى مساحات الحزن اكبر كثير
ليه التساؤل يستمر واحنا نغيب
وتبقى مشاوير الالم ذكرى وحبيب..

ماقدرت تستحمل..لهنا وخلاص...بسرعه طلعت لبرى القاعه..تبي تستجمع شجاعتها..تبي تلملم شتاتها..
تبي تتنفس..تحس باختناق..
دخلت دورة مياه منزويه ومافيها احد..لان فيه اكثر من دورة مياه وهذي الابعد..
طالعت شكلها بالمرايه..
ضربت يدها بطاولة المغسله الرخاميه والمزينه بالورود
وهمست لنفسها..
اناااا قويه ...قويييييه

انهارت..

انا أنثى..
انا احس..
انا موحجر..
انا ضعيفه..
انا..
انا..
انا..
أحبــــــــــــــــــــــــــــــــــه

جلست على كرسي بالركن ودفنت وجهها بين يدينها..
بكت..وبكت..
بدت تنتحب..وصوتها يعلى..
ماهي قادره تتحكم بمشاعرها..
ليتني مارقصت..
كله منك يالجين الزفت..

رفعت راسها..
وانصدمت باللي تشوفها..
عهـــــــــــــــود..!!!!!!!!!!

حطت يدها الناعمه على كتفها
عهود:كنت متوقعه انك بتنهارين...
ميساء:مسحت دموعها اللي اختلطت بالكحل بظاهر يدها...انهار!!!
عهود:ابتسمت لها..ميساء الكل يدري انك لفيصل..
ميساء:انتي شتخرفين ان...
قاطعتها..
عهود:ميساء يمكن حنا مو قراب لبعض مره..يعني دايما كلامنا سطحي..علاقتنا مو قويه..بس انتي زيي..بنت..
وانا جربت اللي جربتيه...بعّدت خصله من شعرها..بس انتي احسن مني..وأشرت على قلبها..قلبك طاهر مو زيي..
ميساء:مافهمت..
عهود:انا كنت احب ناصر..وحقدت على ليلى لانها خذته..كان قلبي معميني...وبليتها ببلوى..خليتها تتنكد بشهر عسلها..
وتنهدت..وربك يمهل ولايهمل..
ميساء:كانت عارفه بهالموضوع قالت لها ليلى...عهود انا..انا تعبانه ماابكي على فيصل..انتي فاهمه غلط
عهود:ميساء الكلام اللي قلته سر..واللي شفته محد بيدري فيه..بعد شوي الزفه..لاتفضحين نفسك..اذا مو قادره قوليلي وانا بجلس معك ومحد بيشك..
ميساء:هزتها الكلمه..بيزف..يعني واقع مو حلم...دفنت راسها بحضن عهود ولوت يدينها على خصرها..ورجعت تبكي بصمت..
عهود:مسحت على راسها..ميساء...ميساء..
ميساء:من بين دموعها..ن..عـ...م..
عهود:طالعي فيني..
ميساء:رفعت راسها وشفايفها متوهجه..
عهود:اذا مانسيتيه الحين مارح تنسينه طول عمرك..انسيـــــــــه..عندك استعداد ولا لأ
ميساء:------
عهود:انتي قويه..
ميساء:-------
عهود:اللي يبيعك تبيعينه..
ميساء:-------
عهود:نفسك عزيزه..؟
ميساء:------
عهود:باصرار وتحدي قالت..ماجابته امه اللي ينزّل دمعة ميساء ال----ويخليها تبكي فراقه..تحضرين؟؟؟
ميساء:ا..ي..ه
عهود:حررت نفسها من يدين ميساء وقومتها للمغسله..فتحت المويه ..يلا غسلي وجهك..
ماعارضت..غسلت وجهها بالمويه البارده وحست بانتعاش وبروحها تهدى..
اخذت الكلينكس وبدت تنشف وجهها وتشيل بقايا الكحل اللي انعدم..
طالعت بعهود بحيره..
عهود:لاتخافين العده معي..فتحت شنطتها الصغيره وطلّعت روج وكحل وعلبه صغيره لبودره سائبه..
اجلسي علشان اعدّل مكياجك...
فتحت علبة البودره وبدت تحطها على خدودها تخفي اثار الكحل اللي بقى منه شوي..
رجعت رسمة عيونها على نفس الرسمه اللي قبل..والشدو ثابت ماخرب..
اخذت الروج ولونت شفايفها بالوردي..
خلصنا..
ميساء:قامت تشوف شكلها بالمرايه..والتفتت على عهود..مشكوره عهود
عهود:دخّلت اغراضها بشنطتها..لاشكر على واجب..بس ترى مافي ماسكارا..
ميساء:ماقدرت الا تضم عهود..هي كانت محتاجه غدير..بس الله عوضها باللي تفهمها اكثر..صرخت بداخلها..احبك ياعهوووود..
عهود:هههههه ميساء خلاص..ياللا امشي الحين بتبدى الزفه..

جلسو على طاوله وحده ومامعهم احد بعد مااخذو عباية ميساء من الرسبشن..(عهود معها عبايتها بيدها)
جلست نوال الكويتيه لان الزفه بتبدى..

ثواني..
تحولت الاضاءه الى موف خافت..
قاعه شبه مظلمه..
اضاءة الشموع تعكس على الفراشات اللي مزينتها وتعطي شكل

شغّلت المصوره كاميرتها..
الكل عيونه على المدخل..

بدت الزفه..

قلبها يرجف وتحس ان الكل يرجف..
سمّت بالرحمن ودخلت.
دخلت للقاعه
الناس ضباب..
ماتشوف احد..
الاضاءه قويه عليها..

شافت ام فيصل وام مؤيد يلوحون بيدهم لها
انتبهت لسلمى اللي تناديها بصوت عالي
ابتسمي..ابتسمي
تحس ان كل شيء فيها بارد..
حاولت تحرك خدودها اللي تحولو لقالب ثلج واغتصبت ابتسامه..
وعلى كلمات قصيده واصلت زفتها ..
ماصدّقت على الله توصل للكوشه..

في قاعة الرجال..

مؤيد:وانت يازياد مالك نيه تلحق خويك..
زياد:ان شاء الله ..الله يسمع منك..
مؤيد:اوو يعني معزم...
زياد:قال يسوي نفسه ناصح..يابني كل شخص يبحث عن الاستقرار..
جاهم خالد..
خالد:زياد يبيك المعرس
زياد:ليه عروسه وانا مادري؟؟؟ ..وراح لفيصل..

جلس جنبه وقرب لاذنه وقال
زياد:شتبي؟؟
فيصل:مادري بس ..لاتروح
زياد:ههههههه
فيصل:طير عيونه..فضحتنا الله ياخذ شيطانك
زياد:بعذري...طيب خلاص ماني تاركك
فيصل:تدري قوم قوم انت ترفع الضغط
زياد:متى الزفه؟؟
فيصل:بعد ربع ساعه..الله يستر
زياد:بتدخل لقاعة الحريم..
فيصل:ماودي بس امي الله يهديها وجدتي مصرين ادخل..
زياد:كلها خمس دقايق ورهم وجهك واطلع..شكلك قلقان..
فيصل:قلقان وبس..الله يستر..اقول زياد انت زيي يوم تزوجت
زياد:الله لايعودها من ذكرى...لا ماكنت قلقان..لانه اساسا كان تمثيل..
فيصل:يارب سترك...ليتني ماتزوجت
زياد:خفت لانه صار واقع وصارت زوجتك رسمي...قرّب من اذنه اكثر وهمس له...فيصل عيش حياتك خاف الله فيها لاتظلمها..الزواج مره بالعمر وانت هذا زواجك حاول تكون سعيد علشان تسعد..
فيصل:تنفس بعمق..صادق هي مره بالعمر ولازم يكون زواجي ناجح..
زياد:ابتسم..ايه تعدّل..وسرعان ماختفت الابتسامه يوم شافه مقبل عليهم..

ناصر:ياللا يالمعرس الزفه بدت..وراح لابوه ولعمه..
زياد:لاتنسى الدعاء ..
وقفو مع بعض وسلمو على بعض..
زياد:الله يوفقك
فيصل:وياك....

*************************

في قاعة النساء..
همست وهي تمسك ايد خالتها برجاء..
عبير:خالتي والله احس بيغمى علي بلييييز ...
تفهمت خالتها الوضع وراحت لام فيصل
دقايق وأعلنو رحيل عبير..
الحضور ماستغرب هالحركه لانه من الاساس مااعلنو دخول فيصل فكان الوضع طبيعي..

عند الرسبشن..
سلمىوهي تلبس عبايتها وتتغطى لان اكيد بيدخل ناصر
سلمى:يلا ليلى بسرعه ..
ليلى:ها؟؟
سلمى:يلا بسرعه الحين بيدخل فيصل..انا بطلع فوق وانتي الحقيني..
طلعت فوق سلمى وبقت ليلى تفكر..
ليلى:ياربي لازم اروح اباركله واصور معه ..بس هالناصر يخوف شكله مايطمن..اخاف اجازف بروحتي ..

كانت تمشي ببطىء..حملها ثقيل..حاطه يد ورى ظهرها ويد على بطنها البارز..
سمعت اصوات الضحك والتبريكات تطلع من الجناح..
سلمى:اخخ يالقهر دخل عليها وانا مو موجوده..وكملت مشيها..
دخلت الجناح
سلمى:الســــــــلام عليكم..وراحت لفيصل الواقف وضمته...مبرووووووك اللف الف مليون مبرووووك..
فيصل:ابتسم لها بحنان..الله يبارك فيك وعقبال مانفرح بولدك ان شاء الله..
سلمى:امين يارب..راحت لابوها وعمها وباركت لهم..
سليمان:سلمى تعالي اجلسي...ومسك ايدها وجلّسها على كرسي قبال المعاريس..
سلمى:اااه يازين الراحه
نزل راسه لها وهمس
سليمان:قلبي تعبانه تحسين بشيء؟؟
سلمى:وهي تتنفس بشكل سريع..لا مافي شيء بس تعبت وانا امشي..
سليمان:كان قلتيلي وانا اشيلك
سلمى:فاتتني هذي..خلاص المره الجايه شيلني..
بدى يصورون مع بعض..
خالد وناصر وسليمان وابوفيصل وابو سليمان.

.
كان يطالع بالباب ينتظرها..شفيها تأخرت..

طلع ابو سليمان علشان ام فيصل تتصور مع العيال..
وصورو صوره جماعيه..بعدها طلع ابو فيصل وخالد وبقى ناصر وسليمان..
سليمان:وهو يعدل سكبة غترته..الاخو خلاص صورت ليه ماتفارق ابي اصور مع حرمتي
ناصر:استحى من سلمى..طيب..سلم على فيصل وعبير وطلع وهو خايب..
فصخت عبايتها ونفضت شعرها الحرير ووقفت جنب عبير وسليمان جنب فيصل صورو مع بعض اكثر من مره..
بعدين صورو مع ام فيصل
سليمان:يلا نبي نصور لحالنا..
سلمى:وين مافي مكان..كان الجناح مافيه الا كوشة للمعاريس وكرسي واحد
سليمان:بمكان عبير وفيصل
فيصل وعبير ماكانو يسمعون اي شيء الا دقات قلوبهم..
حسو بايد تشيلهم
سليمان:يلا قومو بس نبي ثلاث صور يلا يلا

***********************

بغرفتها اللي تصدح فيها اغنيه فرنسيه..
متمدد على الاريكه واللابتوب على فخوذها ..
مسكت كوب النسكافيه واخذت رشفه منه ونزلته على طاوله بجنبها..
تنتظره يدخل..صارله اسبوع مايدخل..
سجلت خروج وطلعت وراحت للمنتدى اللي تعرفت عليه فيه..
ضغطت على ملفه ولقته غير متصل..
شموخ:غريبه وين راح..لايكون صار له شيء...افف
رن جوالها شافت المتصل وردت بصوت ناعم..
الووو
هيفاء:فديت هالالو..جهزي نفسك خمس دقايق وبمرك..
شموخ:اوكيه..بس وين بنطلع؟؟
هيفاء:لمكان يحبه قلبك..يلا تجهزي..
شموخ:سي يو...رمت جوالها وسكرت الموقع..وقبل ماتسكر الجهاز..راحت للمسن سجلت دخول..
وطلع لها على طول..

ماتغلبني لو الحب غلابـــــــ

مســــاء الحب لاحلى حب عشته

اللي مايطول العنب حامض عنه يقول

ويـــــــــــنك انت خفت عليك..

ماتغلبني لو الحب غلابــــــ

ههههه شفيك على طول طبيتي بوجهي..

اللي مايطول العنب حامض عنه يقول
سوري بس من خوفي عليك..

ماتغلبني لو الحب غلابـــــ
يابعد قلبي اسف..بس غصب عني صارتلي ضروف قاهره..

اللي مايطول العنب حامض عنه يقول

ممكن اعرف الظروف اللي ابعدتك عني؟؟؟؟

ماتغلبني لو الحب غلابـــــ
بصفتك ايش ؟؟؟

اللي مايطول العنب حامض عنه يقول
بصفتي زميله..مايكفي

ماتغلبني لو الحب غلابــــــ
بس انا ماعتبرك زميله وثانيا الزماله ماتخلينا نبوح لاسرارنا لبعض ولا شرايك؟؟؟؟

اللي مايطول العنب حامض عنه يقول

مشكور واسفه اني تدخلت بشيء مايعنيني

ماتغلبني لو الحب غلابـــــ

بس هالاشياء المفروض تعنيك...

اللي مايطول العنب حامض عنه يقول

مافهمت عليك ممكن توضح

ماتغلبني لو الحب غلابـــ
انتي اكثر من مجرد زميله بالنسبه لي...

اللي مايطول العنب حامض عنه يقول
قصدك صديقه لك..

ماتغلبني لو الحب غلابــــ

مااؤمن بصداقة الرجل والمرأه..

اللي مايطول العنب حامض عنه يقول

معقووووله...ماتوقعتك بهالتخلف

ماتغلبني لو الحب غلابـــــــ

هذا واقع..الصداقه تكون بين مراه ومراه رجل ورجل بس بين مراه ورجل مستحيــــل

وقبل ماترد عليه

رن جوالها وردت..
هيفاء:يلا انا عند الباب
شموخ:ياقلبي مااقدر امي جات..بليييز لاتزعل
هيفاء:بدري ليه جات..انتي مو تقولين انها معزومه على زواج
شموخ:ايوه بس ماعجبها ورجعت..سوري
هيفاء:اوكيه اوكيه..وسكرت بوجهها
شموخ:قفلت الجوال ورمته ورجعت للمسن...
****************

كانو بيطلعون بس ضروري يسلمون على ام فيصل..
خمنو انها بنتها..
تقدمت منها ..وسألتها
نوال:عفوا لو سمحتي..وين خاله ام فيصل..
ليلى:امي طلعت مع العروسه للفندق..
نوال:اها..اوكيه..واشرت لام فراس..
تقدمت ام فراس..
نوال:تقول انها مو موجوده
ام فراس:طيب انتي من بناتها؟؟؟
ليلى:ابتسمت ابتسامه تذوب..ايه ياخاله..
ام فراس:مشاء الله تبارك الله الله يحفظك..انا ام زياد صاحب فيصل
ليلى:ياهلا والله ياخاله شرفتينا..انا ليلى اخت فيصل..
ام فراس:عاشت الاسامي..لا اله الا الله..طيب سلمينا على امك كان ودي اسلم عليها..
ليلى:الله يسلمك يوصل ان شاء الله وتشرفت بمعرفتكم..

********************

25-12-11, 12:43 AM

المشاركة رقم: 78

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

بالسيــــــــاره..
قصّر صوت المسجل..
ماسمعتك يمه ..
ام فراس:قاعده اتكلم مع نوال مو معك..
زياد:طيب شكنتو تقولون ابي اسمع سواليفكم..شخبار العرس عجبكم
ام فراس:يهبل وراقي مره..
زياد:وانتي يانوال؟؟
نوال:لا حلووو مره..بس خويك مازف
زياد:فيصل مادخل على الحريم؟؟؟؟غريبه
ام فراس:ليش؟؟
زياد:هو قايل انه بيدخل..شكله هون باخر لحظه...طيب تعرفتو على امه
ام فراس:لا والله كنت ناويه اتعرف عليها بعد العشاء بس مالقيتها طلعت تزف ولدها للفندق...
زياد:ولا على خواتـــــــــــه؟؟؟
ام فراس:الا تعرفنا على وحده لا اله الله الله يحرسها وقلنالها حنا من طرف زياد
زياد:فز قلبه..ماعرفتو شسمها؟؟؟
ام فراس:اسمها ليلى..لا اله الا الله
زياد:شفيك يمه كل ماجبتي طاريها قلتي لا اله الا الله لهالدرجه حلووه؟؟؟(كان بيعرف راي امه فيها)
ام فراس:حلوه وبس ..الا ملكة جمال ..
نوال:بملل وهي تطالع الشارع..عاديه
زياد:حرام عليك تهبل..(او ماي قاد زليت)
نوال:وانت شدراك شايفها؟؟؟؟
زياد:على وصف امي..
ام فراس:فات شموخ هالعرس
نوال:بتنهبل اذا درت ان نوال هي مطربة الحفل..
زياد:احسن تستاهل الحماره..
**************************

تستهبل انت؟؟؟مستحيل تروح اصلا انا مو رايحه..
واخذت عبايتها بيدها
سلطان:خلاص بكيفك..
رمت عبايتها وشنطتها بالارض وتقدمت منه صارت قباله..مايفصل بينهم شيء..
غيوض:ارحمنــــــــــي..
سلطان:ويجاول يظبط اعصابه..(الله يلعنك ياغيوض انتي وهاللبس)..وخري عن وجهي
غيوض:صدت بوجهها ودموعها نزلت غصب..جثت على الارض وغطت وجهها بيدينها
سلطان:جثى على ركبته وضمها..خلاص لاتبكين..بدت دقات قلبه تزيد ..(لا مابي اتهور)..دفها بيده وقام..قووومي البسي عباتك وفارقي
غيوض:طالعت فيه..بطلع بس والله مااااااااقدر ماااااااااااقدر
سلطان:مافي احد بيجي..بس انتي وياها..
غيوض:قامت وتناولت عبايتها لبستها وطلعت...

وصلت للبيت ودموعها مغطيه وجهها...
شتسوي بهالمصيبه..ليش انا بالذات...المشكله مااقدر استغني عنه..
دخلت غرفتها ورمت نفسها على السرير..شالحل؟؟؟
غيووض؟؟؟
غيوض:نعم..
عاليه:تقدمت من السرير...شفيك نايمه بعباتك؟؟؟
غيوض:مادري..الحين بغير لبسي..
عاليه:جلست على طرف السرير..غيوض متضايقه من شيء؟؟
غيوض:لا مافي شيء..بس ابي انام
عاليه:اوكيه..تصبحين على خير

دخلت غرفتها وفرشت سجادتها تتهجد وتدعو الله يحفظ لها اختها ويكفيها شر هالسلطان..

***************************

الفنــــــــــــــــــــــــــدق..

قطع صمتهم صوت مسج لجوال فيصل..
فتحه..
((ياعريس اسفين على الازعاج بس لاتنسى الدعاء والصلاة..الله يوفقك
استانس لاتنكد على عمرك..زيود))
ابتسم..الله يذكرك بالشهاده يازياد..
طالع فيها..لازالت منزله راسها..الى الان ماشافها زين..
فيصل:احم..احم..ا..ا..ابي ..ابي اقول الدعاء
عبير:------
فيصل:قام من مكانه ووقف على راسها..حط يده على جبهتهاوقال:
((اللهم اني اسألك خيرهاوخير ماجبلتها عليه واعوذ بك من شرها وشر ماجبلتها عليه))

حســــت براحه تغمرها صوته وهو يقول الدعاء هز كيانها..
ثواني وشافته جاثي على ركبته قدامها
فيصل:يلا الحين دورك..
عبير:حررت يدها من مسكتها..كانت يدها ترجف الى ان وصلت لجبهته..توها تحس ببرودة يدها يوم مسكت جبهته الحاره..
غمضت عيونها وقالت..
((اللهم اني اسألك خيره وخيره ماجبلته عليه..واعوذ بك من شره وشر ماجبلته عليه))
كان صوتها رنان..ناعم وفيه رجفه..
اللي احسه وشو؟؟؟
راحه ولا سعاده..
عبير:شالت يدها ورجعتها لمكانها..
فيصل:ابتسم لها..باقي الصلاة..
عبير:استغربت..اي صلاة؟؟؟
فيصل:صلاة شكر لله انه رزقني فيك..
كلماته نبرته وهو يقولها نظراته..معقوله فرحان فيني..
فيصل:وقف ومد يده لها يساعدها توقف..
عبير:مدت يدها ووقفت..نزلت المسكه من يدها وطالعت حوالينها تدور عبايتها..
فيصل:انا بجيب عباتك..دخل للغرفه وجاب عبايتها ومدها لها..
لبستها ومشاعرها متضاربه..قلبها يرجف..انا بحلم ولا بعلم..
فيصل:عدّل بشته ونزل عقاله على الكنب..ورفع يدينه..اللــــــــــــه أكبــــــــــــر..

*****************************

تشهدت التشهد الاخير وسلمت..
اذن صلاة الفجـــر..
رددت ورى المؤذن..
قرت دعاء مابعد الاذان..((اللهم رب هذه الدعوة التامه والصلاة القائمه ات محمد الوسيله والفضيله وابعثه اللهم مقاما محمودا اللذي وعدته انك لاتخلف الميعاد))
ضمت رجولها لصدرها ودفنت راسها وبكت بحرقه..
ليلى:يارب اغفرلي ذنبي ياااارب من لي سواك يغفر الذنوب اللهم انت اعلم مابي نفسي اللهم اغفرلي..يارب ياارب يارحم الراحمين يامن رحمته
وسعت كل شيء اللهم ارحمني يوم اموت ويوم ابعث اللهم ياذا الجلال والاكرام اغفرلي ذنوبي..يااااارب ..
اللهم انك تعلم مافي نفسي..اللهم اغفرلي زللي..اللهم استر علي واحفظني بما تحفظ به عبادك الصالحين..
<<من رجعت من القاعه وهي تصلي وتطلب المغفره على ذنب هي انجبرت عليه وماكان لها حيله..تستغفر علشان ناصر شافها..قلبها حي يخاف الله ويعرف ان اخرته حفره وتراب ...<<
سمعت صوت الاقامه كبرت وصلت ركعتين قبل الفجر وبعدها صلاة الفجر..قرت وردها اليومي وحصنت نفسها بالاذكار وبالمعوذات..
وراحت تنام
******************

الصبــــــــــــــــــــاح..

الفنــــــــــــــــــــــدق..

فز من نومه..طالع حوالينه ..لا شلون الصبح طلع مستحيــــل..
رمى الحاف وركض يتوضى..
طلع وهو يتشهد ويستغفر..
فصخ بجامته ولبس ثوبه وشماغه وفرش سجادته وصلى..
دخلت للغرفه وشافته يصلي..تثاوبت واخذت الحاف وانسدحت على السرير علشان تنام..
عهود:تقلبت وتقلبت..افف ارق شفيني..نامت على بطنها..حطت الوساده فوق راسها..ماقدرت تنام راسها مصدع..
انتهى من صلاته..
سالم:عهود..
عهود:شالت الوساده وعدلت جلستها..نعم؟؟
سالم:انتي قمتي للفجر؟؟؟
عهود:ايه..
سالم:ودامك مشاء الله قايمه ليه ماقومتيني؟؟؟عاجبك اصليها متأخر..
عهود:سكتت..(هي مو متعوده تقوّم احد على الصلاة..مؤيد وابوها ماتدري من يقومهم..بالعكس هم اللي يقومونها احيانا)
سالم:راحت علي البراءه كله بسببك
عهود:وش برائته؟؟؟
سالم:براءه من النار ومن النفاق..صارلي 39 يوم محافظ على وقتها بالتمام ولا فوتها واصليها كامله مع الجماعه واليوم اللهي اليوم الاربعين اللي تنكتب فيها البراءه حضرتك ماقومتيني وفوتي الاجر علي..
عهود:مادري انت ماقلتلي اقومك
سالم:لاني اعتمدت عى المنبه ..مره ثانيه بدون مااقول قوميني..
عهود:ان شاء الله..ورمت نفسها على السرير..
سفط سجادته وحطها على الكرسي..راح لها..
سالم:شفيك؟؟
عهود:مادري مانمت الا ساعه وعيا لايجيني النوم راسي مصدع ..
سالم:طبيعي مو راجعه من عرس وطقطقه..تبين بنادول..
عهود:ياليت اذا عندك..
سالم:ايه عندي..وراح للكومندينه اللي بجنب السرير من جهته..فتحه وطلع كرتون بنادول ..امسكي وبروح اجيبلك مويه..
عهود:اخذت من ايده..فتحت الكرتون وطلعت مغلف اخذت حبه وحطتها بفمها..
عطاها كاس مويه وشربته..
عهود:مشكور..
سالم:العفو..افطرتي؟؟
عهود:مالي نفس..
سالم:اكلتي الحبه وبطنك خالي..قومي قومي بطلب فطور لهنا
عهود:مالي نفس
سالم:سحبها غصب عنها..
طلعو من الغرفه وهو ماسك ايدها ويجرها جر..جلّسها على الكنبه وراح يدق على خدمة الغرف يطلب فطور..

جاء الفطور واكلت لقمتين وبعدها راحت تنام لان مفعول البنادول بدى..
وهو تمدد على الكنبه وشغل التلفزيون على الاخبار...
*******************

بعـــــــــــــــــــــــــد مرور يومين..

موريشيوس..
منتجع الشيراتون..

واقفه على البلكونه تستمتع بالمناظر اللي تشوفها..
المنتجع بهالوقت مافيه سياح كثير..الا من بعض الاجانب كبار السن..
امطار غزيره بدون رعد او برق..اشجار خضراء وتلمع اوراقها من المويه..والعشب اخضر غامق ..
طلع من الغرفه وهو لابس بنطلون اسود وقميص اسود من ارماني فاتح ياقته ومفسر اكمامه بطريقه مرتبه..
الاسود بين لون بشرته ولون عيونه..
شافها واقفه ومعطيته ظهرها..
شعرها لنص ظهرها لونه بني شوكلاته..
فستان ابيض قصير بلا اكمام مع ورود ورديه
ولابسه صندل ابيض زحف..كان شكلها منعش..
تقدم منها وحط يده على كتفها..
كانت سرحانه وحركته خوفتها فصرخت والتفتت على ورى..
فيصل:بسم الله عليك..اسف ماكنت اقصد..
عبير:قامت تنفث على نفسها وتسمي..طالعت فيه..مره ثانيه انتبه تنحنح مو تخوفني كذا..افف
فيصل:قلنا اسفين..ومارح اعيدها ارتحتي..
عبير:ايه ارتحت..وتعدته ودخلت للصاله..
لحقها..
فيصل:ماتبين تطلعين..
عبير:الحين..
فيصل:ايه الحين..هنا يسكرون بدري بحدود خمس العصر
عبير:وين بنروح؟؟
فيصل:مافي مكان محدد..بنتمشى على كل موريشيوس..
عبير:خلاص بروح انتظرني بس
فيصل:خذي راحتك...
جلس على الكنبه المنفرده واخذ مجله يقراها..
لبست بنطلون جنز وبلوزه الى الركبه..ربطت شعرها ذيل حصان ولبست كوتش اريح لها..
اخذت عبايتها الفراشه الساده والخاليه من اي نقوش وتنقبت وطلعت..
*****************

استسلمت لجدتها والتفتت على سلمى..
ليلى:ماتدرين عن اخبار عهود
سلمى:لا والله حتى ام مؤيد ماكلمتها..ان شاء الله ادق عليها بكره..الحين مايمدي..
جتهم سديم تركض وشعرها الطويل يتحرك معها
سديم:ماما ماما بابا جاء..
ليلى تغطت بطرحتها
سلمى:الله يحييه..
السلاااام عليكم..
الجده:هلا هلا يالله انك تقويه..
سليمان:راح لجدته وحبها على راسها..شخبارتس ليلى؟؟
ليلى:بخير الله يسلمك..
سليمان:ياللا سلمى نروح للبيت..
مسكته جدته بيدها
الجده:لا والله ماتنهجون امرحوا الليله عندي(نامو عندي)
سليمان:والله بس علشان احلفانتس..ولا انا ماارتاح الا ببيتي..
سلمى:بس انا ماجبت غيار للعيال
الجده:مايضرهم ان نامو بلبسهم ليله..
سمعو صوت ضحكه..
ثواني وبدى الصوت يقرب جاهم صوته وهو يقول
ياحرم سليمان تغطي تراني جيت معك خمس ثواني وبدخل ماعلي منتس..
بسرعه اخذت طرحتها وتغطت فيها
سليمان:حياااك نصور ادخل..
دخل وعلى وجهه ابتسامه..اتسعت هالابتسامه اكثر يوم شاف اللي جالسه يسار جدتها..
ماكان يدري شيقول او وش يسوي..كان قلبه هو اللي يحركه..بحركه مفاجئه ومتجاهل كل الاصوات..
جلس جنبها بالضبط وهو يقول
ناصر:اخيــــــــــرا جيتي يابعد هالدنيا..
كانت مصدومه من حركته..قامت بسرعه بس يده مسكتها..
ناصر:على وين؟؟مافي طلعه
ليلى:ارتجفت ..اترك ايدي ياحيوان..
سليمان:قام من مكانه وسحب ايد ليلى من ناصر وخلاها وراه..نااااصر استح على وجهك
ناصر:وقف..انت شدخلك لا تتدخل بيني وبينها..
الجده:سليمان خذ مرتك وروح للبيت واترك ناصر ومرته يتفاهمون
تمسكت بشماغ سليمان..
قرّب من سليمان يبي يسحبها ..بس سليمان مسك ايده يمنعه..
سليمان:نااااااااااااااااصر استــــــــــح تبي تفضحنا
ليلى:صرخت من الخوف..يممممممممممه يمممممممممممه
سليمان عصّب زياده ..دف ناصر على الارض وصرخ بليلى..
سليمان:اطلعي بسرعه الظاهر انه مو صاحي..
الباب بعيد واقرب لناصر منها..وقفت محتاره..
استفزته كلماته..
ناصر:احتررم نفسك ياسليمان وشو مو صاااحي ليه مجنون؟؟؟
سليمان:ايه اللي تسويه جنون..
ناصر:قاطع كلامه..اعلمك وش الجنون وبسرعه راح لليلى ومسكها..
صرخت بأعلى صوت وسليمان يهجم عليه
تشابكو بالايدي وبعدها تحول لضرب..
سلمى الصدمه الجمتها كانت جالسه بمكانها ومفهيه
الجده اخذت عصاها وهي تحاول تفكهم..
استغلت الوضع وبسرعه طلعت ..كانت تركض..تركت شنطتها داخل..طلعت للحوش وبعدها للشارع تهرب..
بيتهم قريب من عمها..الشارع فاضي وصارت تركض تستغل الوقت..
قطعت الشارع بدون ماتلتفت يمين او يسار..
صوت البريـــــــــــك القوي هو اللي اوقفها..
طاحت على الارض من الروعه..كانت بتسوي حادث بسببه..
طلع ابوفيصل والسواق من السياره..كانو بيعتذرون من المرأه
ابوفيصل:سلامات سلامات..
غصب عنها يوم شافته بكت..
ليلى:يبـــــــــــــــــــــه..وبدت تبكي بصوت عالي
ابوفيصل:ليلى!!! بسرعه مسكها وهو يسألها عسى ماتعورتي قوليلي فيك شيء تحسين بشيء
ليلى:ماردت عليه استمرت بالبكاء..
اشر للسواق يفتح الباب الخلفي...ساعد بنته تمشي وركبها السياره..
ابوفيصل:روح للمستشفى
ليلى:مسحت دموعها ..يبه مايحتاج نروح مافيني شيء
ابوفيصل:اكيد
ليلى:اكيد..ورجعت تبكي
دخلت السياره للبيت.. اللي كان مره قريب..
نزلو وهو ماسك يدها يساعدها..

انسدحت على السرير ومددت رجلينها اللي حست انهم انكمشو يوم صار الحادث..
غطاها بالحاف..
ابوفيصل:اكيد مو محتاجه مستشفى..
ليلى:اكيد..
ابوفيصل:انتي وين كنتي ليه تمشين برجولك؟؟
ليلى:انا كنت عند جدتي..والسواق تأخر علي..والبيت قريب
ابوفيصل:ولو مره ثانيه لاتمشين الا ومعك احد هالدنيا مالها امان وعيال الحرام واجد..ومسح على شعرها..
ليلى:ان شاء الله..
كان يركض واول ماوصل الغرفه وشافها وقف يسترجع نفسه..
محمد:الحمدالله..تقدم منها..صارلك شيء؟؟سوالك شيء؟؟
ليلى:مسحت دموعها..لا ربي ستر..
محمد:هال---- شغله عندي ..ومسك جواله ودق على رقم سليمان..الوو..لا بخير مافيها شيء...مع السلامه..
طالع فيهم ابوفيصل وهو مستغرب
ابوفيصل:شالسالفه؟؟فيه شيء وانا مادري ومنهو اللي سوالها شيء؟؟؟
محمد:انت مادريت..؟؟؟اجل ليش انت عندها؟؟
ليلى:محمد اسكت خلاص..
ابوفيصل:يسكت عن ايش؟؟محمد قول
محمد:ناصر انهبل وكان .................
..........................................

************************

اخذت الديتول وغطست القطنه فيه..وبدت تمسح الجرح اللي بوجهه..
عقد حواجبه من الالم..قال يخفف من التوتر..
سليمان:ايييييي يعور ..شوي شوي علي
سلمى:ياربييي شسويلك..استحمل حبيبي
سليمان:مسك القطنه من يدها ورماها...خلاص مايحتاج هي تطيب من حالها
سلمى:لا بعدين تتجرثم
سليمان:انتي فيصل مأثر عليك..من يوم انا بزر انجرح واتركه يطيب من حاله وهذا انا قدامك عايش ولله الحمد..
سلمى:طيب براحتك..وقفت
سليمان:على وين؟؟
سلمى:بجيبلك عصير يروق مزاجك
سليمان:وقف وسحبها وهو يأشر على السرير..نامي وارتاحي وبعدين انا مروق..شال الحاف عن السرير ونومها وبعدين غطاها
سلمى:وانت ماتبي تتريح..
سليمان:بروح ادق على هالتعبان نويصر..
سلمى:الله يهديه انهبل
سليمان:هبّلت فيه اختك..مثل ماهبلتي فيني
سلمى:والله اغلطو علينا وانهبلو..وغطت وجهها بالحاف
سليمان:طفى انوار الغرفه..وطلع..مر على غرفة العيال وتأكد انهم نايمين..ونزل للمطبخ ياخذله عصير ليمون..
كان ماسك الجوال بيده وهو يحاول يدق عليه..
رماه على الطاوله وسحب كرسي وجلس..
مسك الجوال مره ثانيه ودق..رد عليه ناصر
ناصر:سكر انا بدق..وسكّر بوجهه
سليمان:وهو يطالع بالجوال اللي رجع يدق مره ثانيه..ورد ..شتقصد بهالحركه
ناصر:ههههه مااقصد شيء..بس المفروض انا ادق عليك واعتذر مو انت يالشايب..
سليمان:زين قبلت عذرك ياللا تصبح على خير..
ناصر:لحظه سليمان..ابيك تعتذر من سلمى..انا مادري شلون سويت هالحركه البايخه
سليمان:هي من جهة بايخه بايخه اكثر من وجهك..الله يستر مايدري عمي والله لايتوطى ببطنك..
ناصر:الله يستر..يلا تصبح على خير..
*****************

لبست عبايتها وحطت شنطتها على كتفها..
عهود:يلا مع السلامه..
ام مؤيد:بكره لاتجين كلمينا بالتلفون وخلاص..لاتخربين شهر عسلك بزياراتنا
عهودامحق شهر عسل)..ان شاء الله يمه..

ركبت سيارته اللكزس البيضاء ..
سكرت الباب بشويش..
عهود:تأخرت عليك..
سالم:عادي..حرك السياره ..
الصمت يقطّع عهود..
بارد
بارد
بارد
هذي هي الكلمات اللي ترددها بداخلها..
ماتدري كم مضى من الوقت الا يوم سمعته..
عاجبتك القعده بالسياره؟؟؟
طالعت فيه بحقد..باااااااارد ياناااااااااااس ثللللللج ماعنده احسااااااس بالمره..
فتحت الباب وسكرته بقوه لدرجة ان السياره اهتزت..
سالم:عسى ماشر شفيك؟؟؟
عهود:طنشته(اخيرا حسيت ..افففف)..سبقته وهي تدخل للفندق..
راحت لجهة المصاعد ولا استنته انفتح المصعد وركبت فيه وضغطت على رقم الدور ..
جلس بالبهو وطلب عصير..
حط رجل على رجل ...
مرّت ربع ساعه..بعدها قام وطلع بالمصعد..
كانت واقفه عند باب الغرفه..مامعها بطاقه ..وهو تأخر وماتدري وينه..
عهود:الحقير وين راح لطعني هنا..افف ليتني استنيته..
شافته يمشي بهدوء وهو يفرك بجواله..
عهود:قطّعت شفايفها من كثر ماضغطت عليهم بسنونها من القهر...يمشي ببرود عااااادي عنده..اففففف
طلّع البطاقه من جيبه وفتح الباب ودخل قبلها..
عهود:ربيييييييييييييييييييييييييي....صبررررررر الهمنييييي الصبررررررررررررررررررررر
دخلت ولقته بالحمام..سمعت صوت المويه شكله يتروش..
رمت عبايتها وطلعت للصاله تنتظره يخلص علشان تتروش وتنام..
*******************

على البيتش ماكان فيه احد..حتى الامن بعيد..
المنتجع مافيه ناس واجد..كان الجو بين العصر والمغرب..فيه نسمات لطيفه ترطب الجو..

افصخي عباتك..مافي احد
عبير:طلعت عيونها..صاحي افصخ عباتي..
فيصل:وقف قبالها وسحب نقابها..ايه صاحي تشوفين احد حولك..
عبير:اخذت النقاب من يده..افرض احد مر..لا ماابي
فيصل:انا احرص منك..تبين تفصخين افصخي ماتبين انتي حره..
جلس على الكرسي وهو منزل راسه ..كان يرفع بنطلونه ..خلاه يوصل لركبه..رمى جزمته وراح للمويه..
كان شكله جنان..
قعدت تطالع فيه وبحركاته..اخذت الكاميرا وبدت تصوره فديو وصور فوتاغرافيه..
انتبه لها..وراح لها بسرعه اخذ الكاميرا منها وقومها رمى عبايتها بيده اليمين وطرحتها ونقابها..
فيصل:يلا يلا افصخي جزمتك خلينا نلعب بالمويه..
حركته الجمتها خلتها ماتقدر ترفض رمة جزمتها وراحو يغطسون رجلينهم بالمويه..
عبير:دخلت رجلينها بالمويه..اخاف فيه حجر ولا شيء يجرحني..
فيصل:طالع برجلينها..مافي حجر كله رمل..وبعدين ارفعي بنطلونك امتلى ماء..
عبير:لا لا افرض احد جاء..
فيصل:لحووول ..مد لها الكاميرا..امسكي امسكي..
اخذت الكاميرا منه وهو ميل ظهره لقدام وبدى يرفع اطراف بنطلونها..
هذا صاااحي..
مجنون..
يستهبل علي..
هو صدق كذا..
ماحست الا لما سحب الكاميرا منها وقال يلا ابتسمي علشان اصورك..
عبير:ابتسمت من كل قلبها..
صورها..
فيصل:سحبها لجنبه وحط يده اليسار على كتفها وباليمين الكاميرا ..حاول يبعد الكاميرا على طول يده..عبوره ابتسمي
عبير:هههههه بتطلع صورتنا قررريبه مره وتخوف..
فيصل:ضغط على الزر..والتقط الصوره..التفت لها..مو شرط تكون صوره حلوه المهم انها ذكرى جميله..ولا شرايك؟؟
عبير:لمعت عيونها..صح كلامك..
فيصل:شكل الصلاة بدت..الشمس غابت(للعلم موريشيوس بلد اسلامي واهلهم يتكلمون اللغه الفرنسيه طبعا هي جزيره على جنوب من قاره افريقيا )
عبير:ايه ادنيا حمرا..مشت بشويش على المويه علشان توصل للرمل ..حست فيه وهو يضربها مع كتفها ويسبقها...
فيصل:تسااااابقين..كان يقولها وهو يركض وملتفت عليها
عبير:ماردت عليه ..لانها ركضت تسبقه..
******************

دخلت للغرفه ولقته لابس بجامته وبينام..راحت للدولاب واخذت بيجامتها
سالم:عهود ترى بكره مسافرين ان شاء الله
عهود:التفتت عليه وهي فرحانه..ويين؟؟
سالم:بريطانيا..لندن..وتغطى بالحاف
عهود:لنـــــــــــــــدن!!!! من جدك
سالم:اي والله..
عهودهذا بيجلطني)..لندن شهر عسل!!!!اول مره اسمعها
سالم:ليه لندن حلوه..وبعدين ليه ماتنفع شهر عسل؟؟؟
عهود:لانها ماتصلح شهر عسل..معروفه الاماكن المخصصه للعرسان..
سالم:خلاص انا حجزت وانتهى الموضوع...وقلب للجهه الثانيه..
استفزتها حركته..راحت للحمام وصقعت الباب بالقوه علشان ينقهر..
بس ماسمعت له حس..
عهود:الهمننننننني الصبررررررر ياااااااارب
***********************

حبت رجوله وبيده الكاميرا يصورها..
غيوض:خااااالي الله يرحم والديك ارحممنننننني بمووووووت بمووووت
سلطان:ليه ماجبتيها معك؟؟...وطالعها بنظرات خبيثه..وصار يتلمس جسمها..
غيوض:بعدت يده..شتسوي؟؟
سلطان:لبسك حلووو دايما ستايل..
غيوض:لبسي عادي(برموده زيتي وبدي اورنج وكان مره ضيق)..خالللي بس سيجاااره..
سلطان:نو نو..لاتحاوليييين..
غيوض:والله بموووووت ارحمممننننننننني..راااااسي رااااااااااسي..شتبي شتبي وبدت تحب راسه ويديه قول شتبي
سلطان:ابي شيء واحد وانتي تعرفينه..
غيوض:والله مو متذكرررره قووووووول شتبي وخلصنننننيي..
سلطان:ابي نوال تجيبينها هنا..
غيوض:مين نوال؟؟؟
سلطان:بنت جيرانكم..تذكرتيها ولافقدتي الذاكره..
غيوض:ايه تذكرتها خلاص بخليها تجي بس عطني سيجاااره
سلطان:هههههه ايه صيري مطيعه..طلّع سيجاره ورماها بعيد..
***********

شفيها تأخرت؟؟هي متعوده تنام عنده..
عاليه:لا مو متعوده..نوال والله خايفه عليها..وجهها اصفر وتخيلي ماتنام زي الناس كل شيء قايمه من نومها وتصرخ..
نوال:انا اقول نوديها لطبيب نفسي..
عاليه:ليش؟؟
نوال:هي من وفاة جدها وهي مو طبيعيه...كم صارلي ماشفتها كل مااجي مالقاها..شكلها صار عندها اكتئاب..
عاليه:ماادري..
نوال:خلاص انا برجع للبيت
عاليه:امك رجعت
نوال:ايه رجعت ..لبست عبايتها وهي تقول ..تقول ماتقدر تخليني لحالي بالبيت...مادري هي تضحك علي ولا على نفسها
عاليه:يمكن عليك ..ههههههه شفيك
نوال:انا اتكلم بكيفي انتي لا سامعه..
عاليه:طيب طيب..

وصّلتها للباب الخارجي ...ورجعت للبيت..

راحت للمطبخ واخذت معها قارورة موية صحه وطلعت فوق..
مرّت من غرفة اخوانها..فتحت الباب بهدوء..
طلعت عيونها وهي تحاول تستوعب اللي تشوفه..
شهقت وطاحت القاروره من يدها..
عاليه:ويدها على فمها..هيييييييييييء!!!!!!!!!!!!!!

*****************************

وين نروح وين قلت..؟؟؟ ووقف لعب بلستيشن..
رابح:بنروح للكويت الاسبوع الجاي
محمد:انت ومين؟؟
رابح :حازم بيروح ومهند سبقنا هناك..هاشقلت
محمد:لا مااقدر اروح صعبه
رابح:قول انك خايف واهلك مانعينك
محمد:عصّب.. راااااااااابح..انت اكثر واحد تعرف اني مااسوي الا اللي براسي وعلشان اثبتلك برووح..
رابح:ايه هذا الكلام اللي يجمد على الشارب..يلا سلام..
رمى جواله ..ورجع يكمل لعب..دقايق وترك اللعب..
محمد:شلون اشكالهم..ليه يسوون كيذا...انا شيوديني؟؟؟
راح يسكر غرفته ورجع يفتح واحد من ادراجه طلع باكيت دخان..اخذ حبه..
هههههه انا اسوي اللي ابيه يانويصرر الزفت..
********************

كانت تضحك ومستانسه وخصوصا بعد ماريحت راسها بالسيجاره..
فجأه حست بدوار..وبعدها طاحت على الارض وبدت ترجع كل اللي ببطنها..
تقرف من شكلها..
سلطان:الله يقرفك..وسكر كاميرته وطلع لجناحه وتركها لحالها..
حست ببروده اطرافها..ساعدت نفسها على الوقوف..وراحت لدورة المياه..
فتحت المويه وبدت تغسل وجهها..
طالعت شكلها بالمرايه..عيونها حمره..
طلعت بسرعه وتركت المويه..اخذت العبايه وطلعت للبيت..
***************

الصبـــــــــــــــــــــاح..

جلست قدام ابوها..اللي كان يفطر وباين انه متضايق..
ليلى:يبه..
رفع راسه لها..
ليلى:لاتضيق خلقك..ولاتزعل ..هو مو بوعيه..الله يخليك سامحه مابي مشاكل..
ابوفيصل:لاتخافين..
ليلى:اوعدني انك ماتسويله شيء..اعمل نفسك مادريت..ترى سلمى كلمتني وقالتلي انه مفتشل..الله يخليك يبه
ابوفيصل:طيب يصير خير..
ترك الفطور وراح للشركه..
ام فيصل:الله يستر بس ماتصير مشاكل..الله يهديك ليتك ماقلتيله
ليلى:مو انا اللي قلت..محمد ..
اخذت قطعة توست ودهنتها بزبده..كلت نصها وقامت
ام فيصل:على وين..؟؟
ليلى:بروح ادق على ميساء ودي اسير عليها..
ام فيصل:تدرين الساعه كم؟؟
ليلى:ادري الساعه تسع..بس مافيني نوم ولازم اطلع...
****************

ردت على الجوال ..
ميساء:وصوتها مليان نوم...همممم
ليلى:نايمه صاحيه قومي الحين بجيك عندي علوم
ميساء:بس انا ابي انام
ليلى:مالي دخل ابي اجي..يلا نص ساعه وجايتك..
قامت من السرير بصعوبه ..تحس راسها ثقيل..
شافت الساعه اللي على الجدار وضحكت..
ميساء:الحمدالله والشكر احد يجي بهالوقت صدق مخرفه ليلى..

اخذت شور سريع وطلعت وراسها مبلول..
صلّت الضحى..وجلست على التسريحه علشان تمشط شعرها..
ليلى:السلااااااااااااااااااااااااااااااام
التفتت عليها ميساء وهي تضحك
ميساء:وعليكم السلام ماسرع ماجيتي
ليلى:طالعت بالساعه..الحين عشر وربع وانا قايلتلك نص ساعه يعني جيت متأخره..
رمت عبايتها وطرحتها وجلست على السرير بقوه لدرجة انه ارتفع فيها
ميساء:شوي شوي على سريري..
ليلى:يلا بسرعه خليني اسولفلك
ميساء:لا بدري على السواليف..ابي انشف شعري واستشوره وبعدين ابي افطر..
ليلى:رمتها بالمخده..كل هذول يالظالمه..
ميساء:علشان استوعب اللي تقولينه..
***************

انا مو مكلمه..بس وصلّه هالكلام..ومابي ابوك يعرف بسواد وجهه..
حب راس عمه..
سليمان:هو ماكان يقصد..وهو بيعتذر منك ومنها..
ابوفيصل:دار بالكرسي الجلدي الفخم وعطا سليمان ظهره..
هالاسبوع لايجي مو متحمل اشوف وجهه ..
سليمان:والاجتماعات؟؟؟
ابوفيصل:الشغل شغل..انت دري اني افرّق بين حياتي الخاصه وبين الشغل..
سليمان:مثل ماتبي طال عمرك..

طلع من مكتب عمه وراح لمكتب اخوه..
كان لاهي مع السكرتير بالملفات..
سليمان:ناصر ابي اكلمك بموضوع خاص
السكرتير فهم..
:عن اذنكم ...وطلع
ناصر:طالع بسليمان..خير شفيه؟؟
سليمان:عمي يقول مايبيك تكلمه على الاقل لمدة اسبوع ..لين ينسى سواتك
ناصر:تضايق..بس
قاطعه
سليمان:وازيدك من الشعر بيت يقول عقب سواته ماله مره عندي..
ناصر:شيقصد؟؟؟
سليمان:يعني انسى ليلى..
ناصر:مو على كيفهم..هي زوجتي..ومحد له خل
سليمان:وقف..ايه اقعد على عنادك ..ياااخي اصبرررر اصبرررر خل النفوس تهدى..وطلع..
ناصر:وانا شلون اهددددى شلوووووون ضرب المكتب بقبضة يده..
***************************

صدددددق الله يبشرك بالخير..
ليلى:والله..يااااني فرحانه قولي طاير عقلي..
ميساء:ليلى من جدك ماتبينه ولابس زعلانه
ليلى:ميساء والله والله مااابيه..ناصر كسرني واللي ينكسر عمره مايتصلح..
ميساء:فرقعت اصابعها ..
ليلى:قولي شعندك؟؟
ميساء:هههههه فاهمتني..اقول شخبار عهود؟؟
ليلى:مادري عنها ماشفتها الا بالعرس
ميساء:اها..طيب وعبير ماتصلت عليكم..
ليلى:يوووووه طايرين من الفرحه..مستاااااانسين..
ميساء:كشرت بوجهها..يعني
قاطعتها..
ليلى:ميساء انسي فيصل..هذا هو انهبل على عبير ونسااااااك ولا كأنك موجوده..عيشي حياتك وانبسطي..والله خالد مافي منه ويموت عليك..
ميساء:حتى فيصل يحبني..
ليلى:كاااااااااااااااان كاااااااان ياميساء..وبعدين لاتنسين انك بحكم زوجة خالد وهالكلام اللي تقولينه مايصير..
رن جوالها ..الطيب عند ذكره..الوووو
خالد:ليلى اطلعي انا عند الباب..
ليلى:طيب..يوووه الساعه 2 ..
ميساء:طيب اجلسي وش وراك
ليلى:لا اسم اللي خالد جاء مره ثانيه..وضربتها على كتفها انتي يالدبا ماصرتي تجينا..
ميساء:ان شاء الله اجيكم..
اخذت عبايتها وطلعت...

*****************************

]((سبحااانك اللهم وبحمدك اشهد ان لا اله الا انت استغفرك اللهم واتوب اليك))

25-12-11, 12:43 AM

المشاركة رقم: 79

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

بسم اللــه الرحمن الرحيم

(الجزء العشرون)

(1)

(سقـــــــــــوط الأقنـــــــــــــــعه...)

الحيـــــــــــاة..مســـــــــــرح..

ونحــــــــــــــن ..أبطالـــــــــها..

نضحك..وبداخلنا نبكي..

نبكي..وبداخلنا نضحك..

يثقون بنا....ونحن نخون..

انا صديقك...عدوك اللدود..

ندّعــــــي المثاليه..ونعيش الفسوق
لا نرى
لانسمع
لانتكلم..

لكــــــــــــــــــــن..
حيـــــــــــــن تسقط الاقنعه..لاتنصدم بالوجوه القبيحه..!!!

عضت على شفتها السفليه وحمرة الخجل تعتلي خدودها..
ابعدت خصله تحررت من شعرها ورى اذنها وهي تهمس..
عهود:هو قال كذا؟؟
مؤيد:ههه يازين اللي يستحوون
عهود:مؤيد اخلص علي ..احلف هو قال كذا؟؟
مؤيد:ايه قال..مسح خشمه بالمنديل وعطس مره ثالثه..رفع راسه..ااااه الزكمه متعبه
عهود:اعرفك تنام بدون ماتتغطى..
مؤيد:شسوي طيب مافي احد ينتبهلي..
عهود:تزوج وبتلقى اللي تنتبهلك..
مؤيد:افكر بالموضوع
عهود:وشو تفكر البنات كلهم تزوجو مابقى الا الشينات..حسافة عبير كنت اتمنى تاخذها..
مؤيد:الزواج قسمه ونصيب..سالم مو كأنه تأخر؟؟
عهود:مادري..
مؤيد:طيب انا بروح دوامي بدى..وقف ووقفت معه..مسك خدها وقرصها..شوي شوي على سالم ابيه يرجع صاحي..
عهود:حمرت خدودها مره ثانيه..سلّم على سويره
مؤيد:لا مااقدر هذيك القاطعه من يوم ماخطبوها لحسام وهي لاترد علي ولاتطب بيتنا..السكنيه اثريها ترفض اللي يخطبونها وانا اساعدها على نياتي علشان حسامووه...
عهود:مو مبين عليها شكلها بريء
مؤيد:هو مايخوفك الا البريء ..ياما تحت السواهي دواهي..يلا مع السلامه واذا وصلتي دقي علي..
عهود:ان شاء الله..ضمته وحب راسها..طلع وهو معطيها امل..

ركب سيارته وهو يستغفر..كذبه بيضاء..ايه كذبه للاصلاح..
مسك جواله ودق على اغلى الغوالي..جاه صوتها اللي يعشقه..
مؤيد:صباااح الخير ياجميل
ام مؤيد:صباح النور والسرور هلا يمه..وينك ابطيت علي
مؤيد:بعد الدوام اجيك..
ام مؤيد:رحت لاختك..
مؤيد:توي طالع منها
ام مؤيد:وشقلتلها؟؟؟
مؤيد:استغفر الله العظيم..قلت انه ميت عليها ومنهبل ويحب يستفزها يبي يعرف شخصيتها وانها تعجبه ومن هالكلام..
ام مؤيد:وصدقتك؟؟
مؤيد:من اللي شفته حسيت انها صدقتني..بس يمه مادري حاس بالذنب..
ام مؤيد:لمصلحتها ياولدي..علشان تقدر تعيش معه..ان شاء الله بس انها تصدق..اقول يمه ترى حجزت موعد مع الشيخ..
مؤيد:حلو خلاص اجيكم على العشاء..
ام مؤيد:ايه يمه لاتنسى علاجك ترى انت مهمل بنفسك..وياويلك ان شغلت المكيف والبس ثقيل المستشفى بارده
مؤيد:ان شاء الله تامرين على شيء
ام مؤيد:سلامتك..

******************

يللااا قووووم يااااربي فييييصل يكفي نوووووم قووووووم
الصلااااة فااااتت قووووووم
انقلب على بطنه وتغطى بالحاف متجاهل ندائها..
عبير:ياربي ياثقل نومه..هذا شسوي فيه..صلاة الظهر ماصلاها والحين بيدخل العصر...اخاف اجيب مويه وارشه ويكون يوم حتفي..
تذكرت ناصر يوم سوت معه نفس الحركه راح شالها فووق وهي تصارخ وبعدها رماها على السرير بقوه..
ضحكت بصوت عالي وهي تتذكر الموقف وكأنه صار توه..هههههههههههههه
سكنهم بمساكنهم..قالها وهو يرفع راسه وعين مفتوحه وعين مسكره..
حطت يدها على شفايفها ووجهها احمر..
عبير:بيقول عني مجنونه ..خخخ
فيصل:بسم الله الرحمن الرحيم..تضحكين مع نفسك؟؟
عبير:لا ..كنت اضحك عليك شكلك يضحك..
فيصل:رجع دفن راسه بالسرير..بنام وبصحى القى عذر ثاني..
عبيرخخخ كشفني)...فيصل قووووم الصلاة بتفوتك..
فيصل:والله العظيييم صليييت خليني انام
عبير:لاتكذب حرام..متى صليت؟؟
فيصل:صليت بوقتها ورجعت نمت..
عبير:متى ماشفتك؟؟
فيصل:كيف تشوفيني وانتي نايمه..واللي يرحم والديك خليني انام..
عبير:والله انت ادرى بكيفك..
طلعت من الغرفه وراحت للصاله..
شغلت التلفزيون قعدت تفرفر بالقنوات ومالقت شيء..هي لقت بس تفكيرها بفيصل هو اللي اشغلها..
ضمت خداديه لها وارخت راسها عليها..
عبير:معقوله حبيته..ومؤيد؟؟..لا اللي احسه مع فيصل غير..اللي مع فيصل يخلي كل شيء فيني يتحرك يخليني ابتسم غصب عني مايخليني ارجف..لا يخليني ساكنه ومو خايفه من شيء..ايه انا حبيته..وليه ماحبه..كل شيء فيه ينحب..تصرفاته عفويته اخلاقه شكله لبسه..عيونه خشمه ابتسامته..تنهدت بصوت مسموع..اااااه
سلامتك من الاااااااه قالها وهو مبتسم..
طلعت عيونها وطاحت الخداديه منها..
عبير:فيصل من متى انت هنا..؟؟؟شافت ساعة يدها وانصدمت..ساااااعه افكر فيه
فيصل:توي جيت ..لايكون ماتغديتي.؟؟
عبير:لا ماتغديت..لحظه اذن العصر؟؟؟
فيصل:من زماااااان..
عبير:استغفر الله شلون غفيت عنها...راحت للغرفه وهو وراها..
دخلت دورة المياه تتوضى وهو اخذ جواله وطلع بالبلكونه يكلم..
جلس على الكرسي الخشبي..وضغط زر الاتصال على الرقم اللي حدده..

كان يكشف على مريض يوم رن تلفون المكتب..
استأذن من المريض ورد
زياد:الو نعم
نعّم صوته قد مايقدر..
فيصل:اها دكتور زياد ال--- ماني مسدقه عيوني الحلوه
زياد:لا صدقي يافصيله
هنا فيصل ماقدر يمسك ضحكته
ههههههههههههههه
هههههههههههههههههههه
زياد:بصوت واطي ضحك العدو بليا سنون الشرهه مو عليك علي انا اللي معطيك وجه صايم صايم وتدق علي وان مشغول
فيصل:مسح دموعه..شسوي فيك يالبثره غاثن حتى بشهر العسل
زياد:اوو صرنا نتكلم عن شهر العسل من قدنا...اسمع بعد ربع ساعه دق علي فاااااااااهم ولا ترى والله لايصيرلك شيء ماشفته..
فيصل:خلاص ان شاء الله..مع السلامه

التفت على ورى يبي يشوف اذا خلّصت عبير من صلاتها ..لقاها جالسه على سجادتها وشكلها مخلصه بس تحرك شفايفها..(تتحصن)
ناداها
فيصل:عبيير خلصتي؟؟
عبير:اشرتله بدون ماترد ..شوي..
فصخت جلالها وسفطته مع سجادتها وحطتهم على السرير..عدلت شعرها وراحت له..
عبير:هلا فيصل شبغيت
فيصل:التفت عليها ..يلا البسي بنتغدى على البيتش احسن..ولا شرايك
عبير:رايي من رايك..

قبل المغرب بشوي..
رمت الجوال بقهر..لازم اسوي اللي يبيه..مستحيييل..اصلا خلاص مو محتاجه هالسقاير..
طلعت من غرفتها..مشتهيه حلا..
عاليه شفيها من امس ماطلعت..دقت الباب عليها ولاردت..
غيوض:غريبه..تركتها ونزلت

كانت ضامه الحاف وشادته عليها كل ماتتذكر الموقف تزييد رجفتها ..
عاليه:يااارب رحمتك ياااارب لاتسخط علينا..
اخوي صالح يطلع كذا..هالطفل يطلع كذا.. ومع مين مع اسامه(اخوها اللي اصغر من صالح)..مستحيل ليش وشلون وكيف مو مصدقه وش اسوي يااارب يااارب الهمني..
من اللي علمه؟؟هو كذا انخلق..لا لا ..اقول لامه؟؟ولا لابوه.؟؟اخاف بدل مااحل المصيبه ازيدها...هالعقرب متخلف وهذيك ماعندها سالفه ..
لاحول ولا قوة الا بالله يااارب غفرانك..

فجأه شهقت..شلوووووووووووووووون؟؟؟؟معقوووووووووله؟؟؟
انا شلون ماااااانتبهت!!!!
السوووووواق ماغيره!!!!....صح صالح برمضان كان يقولي انه يروح غرفه كبيره ومافيها الا هالسواق...ضغطت على راسها بيدينها المرتجفه..ويجيب معه حلاو..وبعدها قال انه فيه رجال كثار..شهقــــــــــــــــت...الحقير انا ارسله معه علشان يصلي بالمسجد وهو يستغل طفوووووووولته!!!!!!!...وصااااااالح شبسوي معه؟؟؟؟؟...هالسواااااق لازم اطردده...

*******************

موريشيوس

نزّل الملعقه على نغمة جواله وهو يخفي ابتسامته..
فتح الخط بدون مايرد
زياد:فصيل ..الووووو...فصييييل...الووووو الله ي----الخط..وسكر الخط
ضحك بصوت عالي
هههههههه هههههههههههه
عبير:ابتسمت..وشفيك؟؟
فيصل:رجع اخذ الشوكه وغرسها بقطعة روبيانه وغمسها بالصلصه ..هذا زياد بهبل فيه..
عبير:ماعلقت وكملت اكلها..
رن الجوال مره ثانيه..
عبير:هو؟؟
فيصل:ايه بس مو راد عليه خليه شوي بعد..رهيب هالولد اذا عصب..
وباخر رنه لما حس انه زودها رد
فيصل:الوو
زياد:لوا لوا لوا لوا يلووووووووويك يااازفت..انت متى تعقل تحسبني ميت عليك انت وهالوجه الله يعين مرتك على ثقالة دمك ..
فيصل:هههههههههههههههه...شوي شوي ..وياخي اذا مو معجبك وش تبي داق علي؟؟والله ثقيل الدم اللي يدق بشهر العسل..
زياد:هي كلها اسبوع وبترجع وباتوطى ببطنك..ومو داق لسواد عيونك..شصار على موضوعي؟؟؟
فيصل:حب يستهبل..شفط من العصير اللي قدامه..اي موضوع؟؟
زياد:فصيل شوف قدامك خمس ثواني ياتصير رجال ياتصير رجال
فيصل:خلاص بصير رجال الاولى الثانيه مادري ماحبيتها..
زياد:12345678910...وبعدها اخذ نفس..
فيصل:عرف انها خلاص وصلت اتش عند زياد..خلاص خلاص..تووبه..والموضوع ماسويت فيه شيء
زياد:ليه اخ فيصل؟؟؟
فيصل:طال عمرك انت ماخطبتها الا بيوم عرسي وانا وين وانت وين وبعدها سافرت يعني مامداني اقعد معها..انتظر لين ارجع..
زياد:مو منتظررر مااااقدر ابوي عطيته خبر من زمان وكل شوي ساائلني..فيصل استعجل ياخي كلمها
فيصل:لا كلام صعب لازم وجه لوجه
زياد:فيصل مافي وقت وبعدين دامك تبي تكلمها وجه لوجه ليه ماكلمتها قبل..
فيصل:ياخي تدري خلاص بكلم خالد يسألها وانا بكلمها بعد واردلك
زياد:فيصل رد علي خلال هاليومين..مو اكثر
فيصل:طيب بحاول بس انت لاتغثني..
قعد يسولف معه شوي..سكر وكمل اكله
عبير:اخذت حبة بطاطس مشوي وقبل ماتاكلها سألت...وش سالفة الخطبه؟؟ وكلتها
فيصل:لا بس زياد خويي خاطب ليلى
كح كح كح كح ..
بسرعه عطاها ماء...
فيصل:سلامات سلامات
عبير:صارت تسترجع انفاسها..شتقول خطب ليلى!!!!..وناااصر؟؟؟
فيصل:ناصر خلاص ماله نصيب عندنا
عبير:وليه ان شاء الله؟؟؟ مو قد المقام؟؟؟ولا سكير وراعي مخدرات؟؟
فيصل:استغرب حدتها ورد بهدوء..لا..وحنا زوجناهم لبعض وماتوافقو مع بعض..فماله داعي كلامك..
عبير:لا واالله..قول لخويك مافي نصيب يدور غيرها..
فيصل:رفع حاجب..وبأمر مين ان شاء الله مافي نصيب؟؟
عبير:بأمري وبأمر اخوي وليلى ياترجع لناصر ياتقعد طول عمرها كذا..ناصر بينهبل اذا تزوجت..
فيصل:استفزته بكلامها..اخوك هو اللي ضيعها وبصرراحه اكثر هو مايستاهلها ولاهو قد ثقتنا فيه..ومحد يقدر يجبر ليلى على شيء وانا حي..سكتها وهو يكلم خالد..

كان راجع من صلاة المغرب..ويمشي للبيت..وقدامه ناصر وسليمان وابوه وعمه
خالد:هلا بالمعرس كيف حالك
فيصل:بخير الله يسلمك وانت اخبارك..
خالد:مافي شيء جديد..شلون عبوره
فيصل:الحمدالله..انت وين
خالد:راجع للبيت..بغيت شيء
فيصل:ايه بكلمك بموضوع يخص ليلى..
خالد:خير..
فيصل:اسمع تعرف زياد
خالد:ايه وشفيه؟؟
فيصل:يبي يناسبنا
خالد:مافهمت؟؟؟
فيصل:خطب ليلى..
خالد:رفع حاجب..متــى؟؟محد قاللي؟؟
فيصل:يوم عرسي..ماكلمو ابوي هو كلمني براسه يقول اول شيء بيعرف راي البنت منعا لاحراج اهله..ابيك تسألها ومايحتاج اقولك عن زياد انت تعرفه اكثر مني..
خالد:وقف علشان اللي قدامه مايسمعون...طيب هو درى بسبب طلاقها والك..
قاطعه
فيصل:بكل شيء يدري..
خالد:الله يبشرك بالخير والله اني شايل همها وزياد مافي منه غصب عليها توافق
فيصل:خالد خلها تفكر براحتها وياويلك ان غصبتها ترى اعرف اسلوبك اللي مثل وجهك
خالد:يعني حلو
فيصل:ايه حلو..مع السلامه
خالد:الله يسلمك..لحظه لحظه
فيصل:هلا
خالد:انا اقول لحد يدري بالموضوع..اقصد عمي وناصر..
فيصل:ليه؟؟
خالد:فيصل مانبي مشاكل..
فيصل:خلاص لاتقولهم
خالد:انا موقايل بس انت لاتخلي عبير تدري
فيصل:وهو يطالع بعبير اللي تهز رجولها بتوتر...لاتخاف..
خالد:يالله مع السلامه
فيصل:الله يسلمك...نزل الجوال قدامه...خير شفيك؟؟
انقهرت وجاوبت بحده..
عبير:تستهبل معي انت..شلون تقول لخالد يكلمها والموضوع منتهي..؟؟
فيصل:انتي ليلى؟؟
عبير:لأ..
فيصل:اجل اسكتي ولا اسمع صوتك وان دريت ان عمي او واحد من اخوانك درى مايصيرلك طيب..
عبير:رفعت حاجب..شمخوفك؟؟
فيصل:مسك اعصابه..هو مو متعود يهاوش حريم..بس هي تستفز وبتكسر قاعدتي بالحياه..تعوذ من ابليس بصوت مسموع..
عبير:كلّم خويك قوله مافي نصيب..وباسلوب استفزازي..ولا بعلم ابوي..
بزر
بزر
بزر
هذي الكلمات اللي رددها بداخله..
فيصل:كلمتي سمعتيها وانا مااعيد كلامي..
عبير:بتحدي ..وانا قلت كلمتي..وقدها بعد..
فيصل:مارد عليها ولا طالعها اخذ جواله وانسحب من هالمكان قبل لايرتكب فيها جريمه..
بسرعه طلّعت جوالها من الشنطه ودقت على خالد..

*************

ادخـــــل خااااالد
فتح الباب وهو يبتسم..
خالد:شدراك انه انا؟؟؟مركبه كاميرا برا
ليلى:كانت جالسه قدام المرايه تمشط شعرها...لا اعرفك من طقك الدفش..مادري متى تتعلم اصول الاتيكيت..
خالد:ياي ياتيكيت..
طالعته من المرايه وهي تلم شعرها بكلبس..
ليلى:ترى حرمكم المصون اهم شيء عندها الاتيكيت..لاتفضحنا عندها
خالد:ماعلّق او حتى ابتسم..طالعها بنظره جامده..ابيك بموضوع..
ليلى:يلا بس ثواني ..
رن جوال خالد
جلس على السرير ورد
خالد:هلووو مستره عبوره
عبير:خالد اسمعني
خالد:خاف من صوتها..عبير شفيك؟؟
عبير:مافي شيء ..اسمع لاتقول لليلى شيء خلاص ماله نصيب عندنا..
خالد:عقد حواجبه..ماله نصيب؟؟ليش؟؟
عبير:يعني ليش لانها لناصر..
خالد:ضحك باستهزاء... الله يقلع بليسك خوفتيني..وانتي شدخلك بالموضوع..
عبير:قالت بنرفزه..ناصر اخوي
خالد:واخوي بعد بس هو مو كفو ليلى..
عبير:خااالد لاتزيد النار حطب انت بتسوي مشاكل والله ناصر ينهبل
خالد:وينهبل بقلعته..عبير ياااااويلك مني ان شميت ريحة خبر واصله..ترى بتوطااك توطي..
عبير:خاااااالد لاتقهرني انهبلت انت شلون ليلى تتزوج؟؟؟
خالد:عبير للحين ماصار شيء..وان تزوجت الله يهنيها ويسعدها..
عبير:مع ناصر مو مع غيره
خالد:والله عاد شيء راجعلها يلا تبين شيء ولا سكري..
عبير:اففففففف وسكرت بوجهه..
جلست جنبه وهي مستغربه من الكلام اللي انقال..
ليلى:خالد شفيه؟؟
خالد:ابتسم لها..مافيه الا الخير..فيصل كلمني قال جاك معرس مادري جاك شيراك..
ليلى:ههههه..حلووه..لامن جد شفيها عبير ؟؟
خالد:ليلى اتكلم جد وعم بعد..تعرفين خوي فيصل..اصلا مافي غيره زياد..عرفتيه
ليلى:ايه شفيه؟؟
خالد:خاطبك من زمان وفيصل انشغل..وهو يبي ردك خلال يومين
ليلى:خاطبني انـــــــــــــــــــــا!!!!!!!!!!!

*****************************

الطيـــــــــاره..
كان مغمض عيونه ومنزل الكرسي ..
كانت تعرف انه يحس فيها..ويحس بأي حركه تسويها..
الحين كل شيء معها..هين ياسالم صح انك باارد بس بخليك مثل ماابي دامني عاجبتك..
طالعت حوالينها مافي احد..كشفت وجهها..وقربت من وجهه تتفحصه وانفاسها تختلط مع انفاسه..
عهود:بهمس وهي تدري انه يسمعها..اخخ لو اقدر اغطي وجهه ومااخلي احد يشوفه غيري..انا لو متزوجه واحد شين اصرفلي..
الظاهر بقعد طول عمري على اعصابي..مسكت يده وبدت تلعب باصباعه...
ماتحرك..
مافتح عينه وطالعني..
مازاد تنفسه..
ماشفت حتى شبح ابتسامه..
معقوله نااااايم؟؟؟
ماحست الا لما سحب ايده منها وقال ببرود وعيون جامده
سالم:بروح احرك رجليني..وتركها
عهود:حمر وجهها من القهر..وصرخت بداخلها..الهمني الصبررررررر يااارب...

***********************

طالع فيه الشيخ..وقال لمؤيد..
الشيخ:الوالد؟؟
مؤيد:ايه الوالد..
الشيخ:من خلال خبرتي..اللي فيه عين..
مؤيد:يعني فيه امل..
الشيخ:علاجه صعب..لاتنسى ان العين من زمان والمرض اللي جاه خطير حسب قولك..يعني الاعمار بيد الله..
مؤيد:ونعم بالله..
الشيخ:ولاتقنطو من رحمة الله ياولدي..انا مابي فلوس على علاجه..انا ابيه لوجه الله..وابي اتفرغ له..بس هو مايروح للمستشفى؟؟
مؤيد:ماله علاج الا الكيماوي والكيماوي حل مؤقت للي مثل حالته..وهو رافض انه يتعذب
الشيخ:الله اذا حب مؤمن ابتلاه..هدي بالك ياولدي وثق بالله تعالى..شوف انا بجيكم من بعد صلاة العشاء..
وابي اعطيكم ماء مقري فيه وزيت وسدر وعسل وحبة سوداء وابيكم ياولدي تتصدقون للمحتاااجين انتم تأكدو من حاجتهم بنفسكم داوو مرضاكم بالصدقه..وابي اي معصيه بهالبيت تنشال..والدعاء ياولدي فماخاب من دعا الله..وان شاء الله ان شاء الله انه بيطيب..
مؤيد:حب راس الشيخ..الله يسمع منك...

دخل على امه بعد ماراح الشيخ وهو ساند عمه اللي تعب من القرايه..
ام مؤيد:شقال؟؟
مؤيد:خليني ادخله للغرفه بعدين اقولك...فتحت له باب الغرفه ونزله على السرير وغطاه..وطلع مع امه..
ام مؤيد:هاشقال؟؟
مؤيد:يقول عين..واحتمال يشفى واحتمال لأ..يقول انها من زمان فيه وصارت بدماغه
ام مؤيد:الله يعمي من صابه..طيب متى بيجي اخذت منه موعد
مؤيد:يقول بيجي كل يوم هنا بعد صلاة العشاء..بس فيه مشكله
ام مؤيد:وش فيه؟؟
مؤيد:انا احيانا تصير عندي مناوبه من بيجلس معه..وعيال اخوه كلهم بالشرقيه..وسالم مسافر
ام مؤيد:سليمان ولاناصر يجي عندي
مؤيد:خلاص اجل بعلمهم..

*********************

بالمطبخ..
كانت تاكل الحلويات بنهم تخلص من هذا وتبدا بهذا..
استغربت هالشيء الشغاله..
:غيود انتي فيه اكل وازد بعدين سيري دببا
غيوض:كيفي مزاااااااااج...خلصت الموس اللي بيدها ومسحت على بطنها..الحمدالله..عطت نظره للشغاله وطلعت
راحت للصاله ومالقت فيها احد..
غيوض:يوه امي وابوي مغبرين مره..مادري شصار على العاشق الماكر..ههههههههه
ضغطت زر المصعد وانفتح وهي تغني..
لا لي ليه لالالا لي ليه
بنســـــــــى حالي لما بشوفك
ياحبيبي يااااقمر
طالع بالعالي
لالي ليه
انفتح المصعد وراحت لغرفة عاليه..
طقت مره ومرتين نادتها بس محد رد..
طنشتها وراحت لغرفتها..اخذت جوالها ودقت على نوال..

بتسافرين!!!! وين؟؟
ام شيخه:بروح لمصر مع خالتك اغير جو..وتعالج حسين
نوال:كشرت يوم جابت طاريه وبقلبها جعله مايطيب..وانا؟؟
ام شيخه:انتي شيبي يضرك؟؟هذا انا صارلي اسابيع غايبه عن البيت وحالك مثل ماهو
نوال:صح وجودك مثل عدمك..
ام شيخه:وقحه على ابوك
نوال:ماخذتها منكم الاثنين..
ام شيخه:الكلام ضايع معك..وطلعت
نوال:صرخت..اكررررررررررررررررررررهك....اففففف..
رن جوالها شافت المتصل واستغربت..عدلّت صوتها وردت..
نوال:هلا غيوض
غيوض:هااااااااي من زمااااااان عنك يادبا
نوال:اسألي نفسك..
غيوض:او ماي قاد جت النسخه الثانيه من عاليه نواااال بليز خلاص انسي ادري انا غلطانه ارتحتي
نوال:ماارتاح الا اذا جيتيني
غيوض:ليش؟؟
نوال:علشان اصفقك..
غيوض:ههههههه طيب اسمعي عاليه نايمه وبصراحه انا طفشااانه شرايك نطلع
نوال:نو بروبلم..
غيوض:يلا عشر دقايق وانا عندك..
***********

25-12-11, 12:44 AM

المشاركة رقم: 80

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

الصبــــــــــاح..

طقت الباب بهدوء بعكس الاعاصير اللي تحس فيها داخلها..
انفتح الباب وتراجعت لورى..
ابتسم وهو يشوفها..دخّل المسدس بجيبه..وعدّل بنطلونه..
خالد:القمر عندنا الصبح؟؟ماذا لديك يافتاة..

طالعت فيه..يمزح مو وقته ابد..لفّت عنه بترجع لغرفتها ومسكها بيده..
خالد:تعالي تعالي وين
ليلى:خالد واللي يعافيك موفاضيه لمزحك
خالد:خلاص مو مازح معك..قوليلي شعندك؟؟
ليلى:مابي شيء
خالد:ليلوه جايه هنا علشان توريني جمالك الفتان..انطقي واقري يافتاة
ليلى:انا موافقه..
ضرب جبهتها باصبعه
خالد:وكل هالزحمه والاخلاق التجاريه علشان انا موافقه..
ليلى:لانك ترفع الضغط
خالد:على البركه خلاص بقول لفيصل..
ليلى:بس ترى على ضمانتك
خالد:انتي ضامنه فيصل
ليلى:هزت راسها بايه
خالد:اجل اضمني زياد..القرين بالقرين يهتدي..
ليلى:الله يستر..ورجعت لغرفتها..
طالع فيها الى ان اختفت ..
كان بينزل بس مايدري ليه حب يشوف محمد..
مسك المقبض ونزله بس ماانفتح الباب..استغرب ؟؟من متى وهو يقفل الباب اذا جاء بينام؟؟
طق الباب ولا جاه رد..
طق مره ثانيه..
جاه صوته..ميــــــن؟؟
تعمد خالد انه مايرد..
رجع له صوته وهو يقرب..ميـــــــن؟؟
ثواني وتحرك المقبض وانفتح الباب..
محمد:خاااالد!!! وليه ماترد ياحمار؟؟؟
خالد:ياعيني على الاخلاق..تسند على الباب..وليه مقفل غرفتك؟؟خايف من شيء؟؟
محمد:والله غرفتي وبكيفي..تبي شيء؟؟الظاهر انا بعطله والدراسه توها..
خالد:مط شفايفه..طيب ..ابعده عن طريقه ودخل للغرفه..طالع فيها كل شيء فيها مايبعث على الريبه..تنفس بعمق!!!هالريحه مو غريبه عليه؟؟
التفت على محمد والشرر طالع من عيونه...شهالريحه؟؟؟؟؟؟
محمد:صار يشم معه..اي ريحه؟؟مافي ريحه..
خالد:شم زين وبتعرف شريحته؟؟
محمد:شميت زين شريحته..ريحة غرفتي حلوه بخور..
خالد:بخوور؟؟
محمد:يمكن بعد..لاني ماشم ريحه
خالد:هز راسه بعدم اقتناع..يمكن..رجع على ورى وهو يقول..ومره ثانيه لاتقفل غرفتك..
طلع من الغرفه وهو يفكر..يدخن؟؟لا مستحيل..

*******************

ااااااااااااااااااااااااااااااااااااااااه

كانت نازله تجهز الفطور يوم سمعت صرخته..رجعت وهي تركض..
دخلت الغرفه واتجهت للسرير..لقته ماسك راسه ويضغط عليه..
بسرعه مسكت يدينه وبدت تهديه
ام مؤيد:شفيك شتحس فيه؟؟
ابوعهود:رااااسي راااسي اخ..سكت فجأه وهو عاقد حواجبه كان باين انه يتألم..صرخ عليها..اطللللللعي اطلللللللعي
ام مؤيد:اطلع ليش؟؟؟ابوعهود قول اوديك للمستشفى ..
ابوعهود:ماااافي شيء بس اطلعي ..وبدى يضغط على راسه بدون مايطلع صوت
احترمت رغبته وطلعت..

اخذت التلفون ودقت على مؤيد..
جاها صوته بعد ثالث رنه
ام مؤيد:مؤيد يمه الحق علي
مؤيد:خير يمه
ام مؤيد:عمك تعبااااان تعبان وبدت تبكي
مؤيد:شفيه بالضبط؟؟
ام مؤيد:ودموعها تنزل..مادري راسه يعوره
مؤيد:طيب الحين جاي..

**********************

الظهــــــــــر..

جلس على كنبه قبالها ببجامته وشعره حايس حط ايده تحت خده وسوى نفسه يتابع التلفزيون..
طالعت فيه بعيون مرتبكه..ودها ان الارض تنشق وتبلعها..غبيه ليه سويت كذا..
جاها صوت اخوها اللي على الخط..
سليمان:عبوره كملي..وافقت ولا لأ؟؟؟..
اخذت نفس ..احم احم
عبير:الله يسلمك والله انا مشتاقه لكم اكثر وسلمى شفيها مادقت علي؟؟
استغرب من اخته..شفيها دخلت بسالفه وطلعت بسالفه..
سليمان:عبير انتي تسمعيني؟؟؟
عبير:ايه ..وبدت تشد على قبضة يدها..خلاص مااطول عليك..سلّم على ابوي
سليمان:رفع حاجبه ..عبير شفيك؟؟
عبير:ولا شيء يلا مع السلامه..نزلت السماعه من اذنها وهي تحس برجفه غريبه..

التفت عليها وهو ينزل الريموت من يده على الطاوله اللي قدامه..
فيصل:بنظرات احتقار..من كنتي تكلمين؟؟
عبير:سليمان..واخذت مجله علشان تبعد عن نظراته..
فيصل:قلتيله شيء عن موضوع ليلى؟؟
عبير:ها..اقصد لا ماقلتله..
فرقع اصابعه وقام..
دخل للغرفه بعد ماسكر الباب..
رمى نفسه على السرير..
فيصل:تكذب علي..وماتنأمن على سر..خذت وحده مو قد الثقه..اذا بدايتها كذا ..
غمض عيونه وهو يشوف الباب ينفتح..
حس بقربها من صوت نفسها..
عبير:احم ..فيصل..فييصل
فيصل:هممم
عبير:قوم نبي نتمشى
انقلب للجهه الثانيه..
فيصل:روحي تمشي لحالك..
عبير:بخيبه..طيب نام..
راحت للبلكونه وجلست على الكرسي..

*****************

من جدك تتكلمين؟؟
قالتها وهي تعلق عبايتها على الشماعه..
ليلى:يعني هالامور فيها كذب..
جلست جنبها وضمتها بحب..
ميساء:شفتي يالمعقده وانتي تقولين محد يفكر يرتبط بوحده سمعتها سيئه..قلتلك الناس تنسى..
ليلى:بعّدت ميساء عنها..ومن قالك ..هو تقدملي وهو داري عن سالفتي كلها من فيصل..ويدري اني مظلومه..بس مادري ليه خطبني..
ميساء:لان الكلام اللي انقال عنك كذب..
ليلى:هو يدري بس الناس ماتدري..ليش جازف بسمعته؟؟يعني شاللي يحده ياخذني وهو يقدر ياخذ احسن مني وماتزوجت بعد وسمعتها نظيفه.؟؟
ميساء:هو مو مطلق؟؟
ليلى:الا..
ميساء:حطت اصبعها السبابه على خدها...لايكون فيه عيب ويحسب انه بيتكرم عليك لما ياخذك؟؟؟؟
ليلى:اذا فيه عيب يعني فيصل فيه عيب..
ميساء:رطبت لسانها وهي تحس اوصالها ترجف من طاريه ..خلاص لاتفكرين كل شيء يبي يبين بوقته..انتي وافقتي وانتهى الامر..
ليلى:خااااااايفه
ميساء:اجل ليش وافقتي..
ليلى:رفعت نظرها لفوق وكأنها تشوف لبعيد..اقول بس ماتضحكين..
ميساء:مااضحك قولي
ليلى:ابي..اصير ام..
نزلت دمعه حارقه على خدها..
انا مارح يتقدملي احد عقب اللي صار..وزياد هو اللي تقدملي..ماانكر انا خايفه من فكرة الارتباط..بس ..بس ابي ولد او بنت..
لو اللي ببطني ماطاح كان مافكرت بهالفكره ابدا ولايمكن ارتبط برجل عقب اللي صار..
ميساء:لو تفتح عمل الشيطان..استغفري وبعدين انتي ماتدرين وين الخيره فيه مو هذا كلامك لي قبل..يمكن ولدك او بنتك نطفه فاسده..
رن جوالها وردت..
ميساء:هلا يمه...متى؟؟..والله توي جلست مع ليلى بانفراد...ساعتين كلها مع خالتي....طيب طيب..الله يسلمك..سكرت من امها وطالعت بليلى اللي مطيره عيونها..خير؟؟
ليلى:لاتقولين انها تبيك ترجعين؟؟؟
ميساء:تعرفين امي لازم اتغدى عندها..يلا اشوفك على خير..
ليلى:احتمال اجيكم الليله
ميساء:لا لا لا ..زهقت من مقابل وجهك
ليلى:خلاص مو جايه
ميساء:وهي تقلد صوتها..خلاص مو جايه..انثبري بس صايره ماتتقبل مزح الله يعين زيد عليك
ليلى:زياااااااااااااد مو زيد
ميساء:اللي هو..
لبست عبايتها وطرحتها وطلعت ليلى معها توصلها للباب..

كان راجع من الدوام وباين عليه انه فرحان..
دخل للبيت وهو يصارخ..
يممممممه يمممممممممه
مااااااااااااااااااااااام مااااااااااااااااااااام
طلعت من المطبخ على صراخه..
ام فيصل:خير خير؟؟
راح لها بسرعه وحضنها..
خالد:بااااااركيييلييي بااااااركيلي..
ام فيصل:مبروووووووك بس على ايش؟؟
خالد:نجحت بالدوووووووره وبيرسلوني بعثه على امريكا..
ام فيصل:وتحضنه اكثر..اللف الف مبرووووووك..

كانو واقفين على الدرج ومستغربين..
نزلت الدرجات بسرعه ..ومسكت كتف خالد اللي محتضنه امه..
ليلى:وش فيه خالد.؟؟
خالد:التفت عليها..وترك امه.. وقال بطريقه مسرحيه نجحت بالدوووره..
ليلى:صدددق..الف الف مبرووووووووووك وضمته..
ام فيصل انتبهت لميساء..
ام فيصل:تعالي ياميساء باركي لخالد ..مازرتينا من زمان ويوم زرتينا جتنا بركاتك..
رفع راسه وانصدم..
موجوده عندنا؟؟؟
ميساء:استحت من كلام خالتها..وهمست بصوت مو مسموع..مبروك..
ام فيصل:لانها ماسمعتها ضحكت وهي تطالع بخالد..زوجتك مستحيه منك..
رفعت عيونها واصطدمت بنظرات عيونه..
ميساءبقلبها)..زوجته ياخالتي..ياما سمعتها منك ومن فيصل..ووينه فيصل؟؟..ااااه...حست بدموعها تتجمع..نزلت الدرجات بسرعه وانسحبت من هالمكان متجاهله كل الاصوات اللي تناديها...

****************

نزل الجوال على الكومندينه اللي بجنبه بعد ماكلم سليمان وفهمه الموضوع ووعده سليمان ان محد بيدري..
طلع للصاله ولا لقاها..دخل للغرفه وراح للبلكونه لقاها نايمه وباين انها مو مرتاحه بنومتها..
نادها بجفاء..
فيصل:عبير..عبير
عبير:رفعت راسها وهي تتثاوب..ااااي وصارت تحرك رقبتها..
دخل وتركها..
اخذ روب الحمام وراح ياخذ شور ينشطه..
دخلت ورمت نفسها على السرير...

فتحت عينها لما شمت ريحة عطره..واقف قبال المرايه ويمشط شعره..
استغربت ليه ماقومها وين بيطلع
عبير:سندت نفسها على ستاند السرير..بتطلع؟؟
فيصل:ايه..
عبير:وين؟؟
فيصل:بتمشى..وانتي اذا بغيتي غدى اطلبي
عبير:لحالك بتتمشى ابي معك
فيصل:لا ابي اكون لحالي..نزل المشط على التسريحه وراح للكومندينه اللي جنب السرير واخذ جواله وساعته
عبير:وليه تتمشى لحالك؟؟...اكيد تبي تسترق النظر الى ماحرم الله صح؟؟؟
انصدم من كلامها..ومن تفكيرها الصغير..
فيصل:قال يبي يقهرها..ياليت.. بس حنا وقتنا غلط مافي الا هالشيبان الاجانب بس العوض ولا القطيعه حتى حريمهم الكبار يفتحون النفس..
عبير:قامت بسرعه وراحت للباب وقفلته بالمفتاح..وقالت بقهر..والله ماتطلع .
فيصل:قرّب منها وصارت بينه وبين الباب..هاتي المفتاح..
عبير:وعيونها تلمع..ماااافي..
صبر جميل والله المستعان..
فيصل:عبير هاتي المفتاح..بسرعه
عبير:ماااافي..
فيصل:ليه مااافي؟؟
عبير:مزااج..رايح تتفرج على ماحرم الله على اللي مايستحون وتبيني افتح لك الباب تحلم...
فيصل:انا حر وبكيفي اتفرج مااتفرج الذنب علي انتي شدخلك؟؟؟
عبير:انا..بلعت ريقها..انا مابيك تاخذ ذنب
فيصل:باستهزاء...اوولهالدرجه حريصه علي؟؟
عبير:ايه..
فيصل:والحريص المفروض يمسك لسانه وماينشر الاسرار..عبير هاااااااتي المفتاح..

درى!!!!
معقوله سمعني؟؟؟

ماحست الا لما بعدها عن الباب وطلع..
عبير:وهي تطالع بيدها..اخذ المفتاح بدون مااحس..نزلت دموعها ..زعلان مني..انا حماره ليه علمت سليمان..

********************

بعـــــــــد مرور ثلاث ايام..ردو على زياد بالموافقه..وتحددت الزياره الرسميه بالخميس الجاي..

************************

الســـــــــــــــــــــــــــبت..

اول يوم دراسي بعد اجازة العيــــــــــــد..

المــــــــدرسه..

قامـــــــــت الصبح تبي تلحق على اخوها..مستحيل تخليه يركب مع السواق..
جهزتله سندويتش وقدمتها له..تحس بالقرف منه وبنفس الوقت الشفقه وتأنيب الضمير..
من يوم اللي صار وهي قاعده تفكر بحل..بس شلون؟؟ماعندي اي طريقه..
ماصحت من سرحانها الا لما قال
صالح:شكرا..واكل الساندويتش
عاليه:العفو حبيبي...التهت بمطالعه وهو ياكل بنهم..اااه ياخوي..تاكل ولاتدري بمصيرك..حسبي الله على...ماقدرت تكمل..اناااا السبب!!!..
لا انا مو السبب..بس انا اللي ارسلته معه..حست براسها يدور من الافكار..
قطع افكارها هزه ليدها..
صالح:عاليه..
عاليه:نعم؟؟
صالح:اقولك مع السلااامه
عاليه:لحظه بخلي سعيد يوصلك..مسكت كتوفه الصغار بيدينها المرتجفه وشدت عليهم ..صالح حبيبي مابيك تركب مع اي سواق بالبيت فاااهم بس تركب مع سعيد..اي واحد ماتركب ..واي اي شيء يصير ابيك تعلمني ..فاهم
صالح:فاهم..
عاليه:اشرت للشغاله تاخذ شنطته وتركبها مع سعيد..وطالعت فيه..يلا مع السلامه..وزي ماتفقنا
صالح:زي ماتفقناااااااا..وطلع وهو يركض...

رمت زجاجة العطر بقوه على المرايه اللي تحولت لخريطه من الخطوط..
صرخت بداخلها وهي تضغط على راسها..
اهدى اهـــــــــــــــــــدى خلاااااااااااااااص يكفي يكفي..
جثت على ركبها متجاهله برودة الرخام اللي تسللت لعظامها..الصداااااع بيذبحها..
غيوض:ااااااي..اااااااي..لييييش الحييين ليييييييييش...اسبووووووع وانا مو حاسسسه بشيء..لييش الحييين...
نزلت دموعها وهي تحاول تقاوم...بس هي محتاجه سجاره..مايهديها الا السجاااره..
مافي حل لاااازم اكلمه..
بسرعه راحت للجوال اللي بصعوبه قدرت تمسكه..يديها ترجف بشكل مو طبيعي..ضغطت على رقمه..
غيوض:رد ياحقيـــــــــــــــــر..رد ..رد..
دقت عليه مره ثانيه
وثالثه
ورابعه..
غيوض:ااااااااااي راااااااسي اااااااااه..وبدت تضرب راسها بيدها..ماهي مستحمله..
وباليد الثانيه تنتظره يرد..
جاها صوته وهو يضحك وكأنه متأكد انها محتاجته
سلطان:ههههههههههه..مدموزيل غيوض متصله..
غيوض:راااااااسي رااااااااااااسي ابي سيجاره ضروري الحين بجيك..راحت تلبس عبايتها وبيدها الجوال..
سلطان:تزو تزو تزو...ياحرام راس حبي يعوره..ولو يامدموزيل غيوض احنا اهم شيء عندنا راسك..
بس شالطاااري؟؟على اساس انك مو محتاجتنا وتخلصتي من الادمان ..
طلعت من الغرفه واخذت المصعد لانها مافيها حيل تمشي..
غيوض:مادري مادري شصارلي...
سلطان:اممم..طيب ياقلبي تبين سيجاره جيبي نوال معك..ماتبين لاتجيبينها..
غيوض:كييف ماااقدر انا تعبانه مااقدر اجيبها مافي وقت احس راسي بينفجر
سلطان:ولعنه ينفجر تبين حياك ماتبين ضفي وجهك..وسكر بوجهها
صرخت اول ماانفتح المصعد..
غيوض:ااااااااااااااااااه رااااااااسي

طاح الكوب من يدها وتحول لقطع صغيره على الارض..
بسرعه راحت لمصدر الصوت..بس مالقت احد..
مين اللي صرخ؟؟؟
طلعت الدرج بخفه واول ماخطر ببالها غيوض..
لقت بابها مفتوح..دخلت ونادت عليها..
عاليه:غيوض وينك غيوووووض....
دخلت غرفة الملابس..ولا لقتها ..رجعت للغرفه وانتبهت للمرايه ..
شصااااااااااااير؟؟؟
طلعت بسرعه تدووورها..

صرخت بصوت عالي لما حست بشيء يجثو عليها..
نوال:يممممممممممممممممممممممممممممممممه
غيوض:نوال بسرعه بسرعه قومي
نوال:وهي تحط يدها على صدرها وتسمي...غيوض شفيك فجعتيني شصاير ..طالعت بساعتها..وصرخت..عاليه فيها شيء؟؟؟
ماتركت لها مجال وسحبتها من ايدها
غيوض:بسررررررعه مااافي وقت بمووووووت بموووووت يلا يلا
نوال:حررت يدينها منها بصعوبه..شفيك غيوض ليش تبكين قول ي شصاير؟؟؟؟
غيوض:اقووووولك بس بسررررررررررعه بسرررررررعه البسي عباتك نوال محتاااجتك محتاااااااجتك..وصارت تبكي بشكل هستيري..
نوال:خلاص خلاص بروح معك ..سحبت عبايتها حتى من غير ماتغير بجامتها او تغسل وجهها على الاقل..

نادى على الخادم يلم اغراض السهره وينظف المكان ويرتب غرفته لضيفته العزيزه..

***********************

نزّل نظارته الطبيه الكبيره اللي مغطيه نص وجهه وسكر الملف اللي بيده..
التفت عليه مستغرب..
ابوفيصل:رحله للكويت!!!...ليه شالمناسبه؟؟
حك رقبته باصبعه ومسح خشمه وحاول يثبت صوته
محمد:احم..عندنا درس بالجغرافيا عن الكويت..احم ومدرستنا بالتعاون طبعا مع وزارة التعليم قررو ياخذونا رحله هناك..
رجع لبس نظارته وهز راسه وهو يقول
ابوفيصل:على كذا بيودونكم كل دول الخليج..مومعقوله تدرسون بالجغرافيا بس الكويت..
لا يبه مو وقت ذكائك الحين..
محمد:لا هم سوو قرعه وطلعت الكويت..
وقفت السياره
ابوفيصل:رفع راسه وطالع بأسوار المدرسه..يلا انزل..
محمد:والرحله؟؟
ابوفيصل:روح..مع انها مالها داعي لانك بالنهايه مارح تدخل للجامعه..بس يلا تغيير جو لك..
محمد:قرب من ابوه وحب راسه..مشكوووووور يااحلى ابو بهالدنيا...نزل من السياره وهو مبسوط..

***************************

دخلت معها القصر وهي مستغربه..
من بيته هذا..بس مشت معها حالة غيوض غرريبه..
بسرعه طالعت بالصاله اللي اول شيء دخلت عليه..
كل شيء فيه كلاسيك..مافي اثاث كثير..
غيوض:وينه وينه..سلطاااااااااااان سلطااااااااااااااااااااان
فتحت فمها وعيونها على وسعها..
نوال:سلطان!!!..التفتت على غيوض...بيت سلطان؟؟؟
غيوض:ضغطت على راسها كثر وهي تصررخ....سلطاااااااااااااااااااااااااااااان

ياعيـــــــــــــون سلطان
بلعت ريقها وهي تحس بأنفاسه الحاره تلفح علباها(الرقبه من الخلف)
التفتت على ورى صرخت برعب لما شافت قربه
نوال:هيييييييييييييييييييء وتراجعت خطوتين لورى..
غيوض:مسكت ايده..يلا وين السيجاااااااره اخللللص
سلطان:مسح شفايفه بيده..دامك نفذتي طلبي وجبتي الحلوه..تستاهلين..روحي للمكتبي وبتلقينه عليه
غيوض:وينه مكتبك ؟؟
سلطان:مكتبي تلقينه على اليسار اول ماتطلعين فوق..
ركضت وهي تحاول تحفظ كلامه
كانت تبي تلحقها للحين مو مستوعبه..
مسك ايدها بقوه
سلطان:على وين..ماضيفناك
نوال:وخخخرررر اترك ايدي..

سلطان:سحبها بقوه ورماها على الكنبه بعنف..

وبسرعه ثبتها بيدها وقرب من وجهها لدرجة الانفاس اختلطت

سلطان:نوال قلبي ليه تبكين..اهدي..
نوال:تحس ان كل شيء فيها انشل حتى الكلام مو قادره تتكلم ..الشيء الوحيد اللي يتحرك فيها هو دموعها..
مسح دموعها باصبعه..
وضحك فجأه..
سلطان:تسوين نفسك قويه وتطولين لسانك علي وتهدديني ابعد عن صديقتك..رفع حاجب..شسمها نوال صديقتك؟؟ذكريني..انا اقول.. صديقتك غيوض.. مد بوزه وهو عاقد حواجبه..غريبه هي اللي جابتك لي بنفسها..ماتستاهل التضحيه صح....حبي تكلمي ابي اسمع صوتك..من زمااان عنه..ماكنت اسمع الا الو ورد ياحيوان وياقليل الادب..فتح فمه على وسعه وهو يضحك على نظراتها له..
هههههههههههههه...ايه ياحلوه انا اللي ادق عليك..ورقمك بعد اخذته من خويتك غيوض..ههههههههه
زادت دموعها وحاولت تصرخ لما شافته يشيلها..
بدت تحرك راسها يمين يسار واخيــــــرا استجابت يدينها وبدت تضرب وجهه وتحاول تدفه
صارت تجرح وجهه بأظافرها وهو يضحك اكثر واكثر..
راح لجهة المصعد وضغط عليه بصعوبه لانها قاعده تضربه..
*******************************

((سبحانك اللهم وبحمدك أشهد ان لا اله الا انت استغفرك واتوب اليك))