السلام عليكم حبيبتي كيفك روايتك روعه واتمنى تستمري لاني متابعتها من البدايه وشخصياتك هواي حلوه وخصوصا جسوف وهسه ضفتي شخصية لهيب الي اكيد راح احبها بس القفله كانت مدمره وبانتظار شنو راح يصير بلياج بس اتمنى امها تعرف حتى يرتاحون وينتهي خوف لياج بانتظارك ويعطيكي العافيه.

السلام عليكم و رحمه الله و بركاته
اشكر اللي تواجد بالمتصفح
لكني اعتذر عن الاكمال لان الحضور نهائيا ما يشجع على المواصلة
عارفة من ضمن القوانين ان المشرفين راح يتولوا امر اكمال الرواية خصوصا
ان الرواية تنزل في منتديين مجاورين
عمر الرواية ما تستمر بدون قراء و متابعين
انزل الى من ؟ اذا اللي يقرون يطلعون بدون رد
عموما اشكر الجميع
و استودعكم الكريم

الجزء العاشر




سمعت باب البيت انفتح يعني رجعت امها فكرت في باب غرفتها ضرب قلبها بقوة و هي تتذكر ان الباب مو مقفل يعني امها بتجي غرفتها و تشوف جسوف انفجعت بخوف من الموقف
بدأت ترجف غمضت بقوة من هالموقف اللي خلاها فيه
جسوف ابتسم على حالتها رغم انه يعرف انها قفلت باب غرفتها بس من خوفها نست ان كانت قفلته او لا
سمعت صوت مقبض الباب يتحرك بدون ما ينفتح الباب عرفت انها قفلت الباب
جسوف ابتسم بشدة و هو يشد عليها من حس فيها ضربت صدره بخفة ناعمة
لياج بخوف و نبرة متغيرة : شفت امي رجعت
جسوف بابتسامة و بنبرة رجولية : شفيج بلا دموع و اللي يعافيج
لياج بارتباك و بهمس : قلت لك ما اقدر ما طعت
ام لياج حاولت تفتح الباب لقته مقفل ضربته : لياج يمه لياج نمتي
لياج فكرت ان لو ردت عليها بتفتح الباب و راح يتكلمون و جسوف عندها اشلون بتقدر تفتح الباب فكرت تسكت و تدعي النوم علشان امها تنام و بعدها تتطلع جسوف
غمضت و هي ساكته عن نداء امها و عاضة شفتها السفلى
جسوف و هو ماسكنها يتأملها بحب و نظرة خاصة و ابتسامة بدون ما يهتم للموقف
غراه شكلها و عضتها على شفتها قرب راسه طبع قبلة خفيفة على شفاتها
جسوف بهمس مثير : دقات قلبج وصلت مليووون كل هذا مني
لياج تحركت قليل جسوف شد عليها و هو قربها
سمعت صوت باب غرفة امها يتسكر
لياج بهمس حاد : شفت اشلون بذمتك انا شاسوي الحين
جسوف و هو يتأملها : اح
ما اكتملت كلمة ( احبج ) لانها قاطعته
لياج و عينها على كتفه : ااا اا خلني اشوفف طريقق
جسوف و ضربات قلبها مرتكزة بصدره : راح اشوف امج باجر اوكي
لياج هزت راسها بخفة و لمساته للحين مسيطرة عليها
جسوف ببحة رجولية : ناظريني
و بهمس : خجلانة مني
ما قدرت ترد عليه و لا تناظره
لياج بهمس متوتر : انتظر دقايق اتأكد برى
جسوف بابتسامة عريضة : طيب
لياج بحيا : طيب ات احم ابعد يعني ات اقصد بروح ( لانه ماسكنها للحين و هي تبي تتطلع تتأكد )
جسوف مبتسم على توترها منه و حياها و على تغييرها لكلمة اتركني
جسوف بهمس : ماابي
لياج بحيرة و ارتباك من الوضع : جسوف تأخر الوقت الله يخليك
جسوف ببحته اللي توترها : اول ناظريني
لياج ببطئ و خجل رفعت راسها له ناظرت عينه ثانية و نزلت نظرها لصدره
جسوف بحب و ضحكة خفيفة : طيب انا ماابي اتركج
لياج لمحت ضحكته ابتسمت رغم توترها ناظرته
لياج بابتسامة صغيرة : بالله اشلون ارووح اذا ما تركتني
جسوف بنبرة حلوة : ههههههههه
لياج بابتسامة : جسووف و ربي خايفة و انت تضحك علي
جسوف مسك وجهها بخفة و بنظرة تربك : حبيبتي انتي
رمشت بخجل و تحاشت نظرته
جسوف : ما تبي تناظريني
لياج بربكة : خلني اشوف امي اذا نامت و ارجع لك
جسوف بحب : و انا انتظرج
لياج ابتعدت و طلعت سكرت باب غرفتها و راحت غرفة امها بشويش ما لقتها بالغرفة تقربت من الحمام سمعت صوت الماي تأكدت ان امها تاخذ شاور طلعت بسرعة راحت غرفتها
جسوف واقف جنب التسريحة و يشوف صورة لياج بابتسامة دخلت لياج نزل الصورة و طالعها
جسوف تقدم لها و بابتسامة : شنو الاوضاع تمام
لياج مبتسمة : ممكن اعرف سر هالابتسامة فرحان اني خايفة من الوضع مو
جسوف و هو يقترب منها : ههههههه انتي ليش ظالمتني
مسك وجهها من قرب ارتبكت من جديد
جسوف بهمس محب : راح اشتاق لج ديري بالج من نفسج اوكي
غمضت من تكلم بهالنبرة و من ملمس يده على خدينها قبل جبينها بهدوء فتحت عينها وسط انفاسه ناظرته بنظرة و بصوت انثوي : انت بعد دير بالك على نفسك
جسوف بابتسامة و همس : تخافي علي يا روحي
لياج بخجل رفعت يدها ليده اللي على وجهها : جسوف الوقت تأخر اخاف امي تطلع
جسوف بهمس ضرب قلبها : يا حظي يوم اني سمعت اسمي منج هاليوم اكثر من مرة
لياج مسكت كفه و لفت تمشي طلعت من غرفتها للباب و هو مستمتع بكفها و هو يناظرها وقفت عند الباب و ناظرته
جسوف : مع السلامة
تقرب و قبل خدها
لياج بخجل و همس : الله يسلمك
طلع جسوف مع ابتسامته


قفلت الباب بارتياح و رجعت غرفتها سكرت الباب تسندت عليه شوي بارتياح تام بعد الخوف اللي سيطر عليها مشت للسرير انسدحت بفرح و ابتسامة و تفكير بحالها مع جسوف حطت يدها على وجهها لما تذكرت جرأة جسوف معها حست بأن عطره بجو غرفتها ظلت تفكر مبتسمة و هي تلف خصلة من شعرها حول اصبعها و هي تفكر سمعت جوالها شافته هو المتصل ترددت ترد


لياج بهمس : ه هلا
جسوف ببحة : فديت احلى هلا يا بعد هالروح
لياج سكتت بخجل
جسوف : اشتقت لج
لياج قلبها يضرب منه
جسوف بهمس : بتمي ساكته
لياج بتوتر : احمم يعني ان
جسوف غمض من نبرة صوتها الناعمة : تعرفي اني ما غيرت ملابسي لان عطرج عالق فيها
لياج متوترة و مستحية بنفسها " انت ما تدري ان عطرك عالق بانفاسي مو بس بملابسي )
جسوف بابتسامة : دامج ما تبي تسمعي صوتي و لا حتى تردي علي خلاص اسكر
لياج بدون شعور و عفوية : انا ما قلت جذي ( و بتوتر ) اقصد يعني ان ااآ احم
جسوف مبتسم و ببحة : شنو مستحية تقولي انج ما تبيني اسكر و تعدلي عفويتج اللي تعتبريها غلطة
لياج سكتت و ما ردت عليه
جسوف بهمس : رغم اني ابيج تعرفي عني كل شي قبل ما اكلم امج إلا اني ما ابي اتكلم بالجوال ابي اشوفج و انا اتكلم
لياج بصعوبة : طييب لا تخبر امي بااجر
فهم جسوف موافقتها انه يشوفها و يكلمها
جسوف : يعني اشوفج و نتكلم عطيني يوم
لياج بحيا : ما ادري
جسوف : انا عارف ما راح ترضي اشوفج بالفندق بسبب الشغل اللي مو راضي عنه
لياج رغم انها ما تفضل تشوفه بالبيت من ورى امها و لانها تخاف إلا انها بدون شعور قالت
لياج : بعد ايام امي عندها شغل برى المنطقة
فهم جسوف موافقتها تشوفه بالبيت و فهم انها ما راح تروح مع امها
جسوف : اشوفج هاليوم و نتكلم بس لا تنسي انج المسئولة عن غرفتي
لياج بابتسامة : طيب





و مرت هالليلة





*،,.؛*،,.؛*،,.؛*،,.؛*،,.؛*،,.؛




في الفندق

الصباح
زحمة و الشغل ماشي بنشاط
بسبب غياب طارق و مزون بأجازة من جسوف
ظل الشغل متواصل و كل شخص يحاول يغطي انشغال الثاني
في الجلسات
لهيب ينزل طلبات للطاولات
و الناس منهم من يجلس على الطاولات و منهم من ينزل من الدرج و منهم من يصعد

إنمار تنزل الدرج بهدوء و فكرها مشغول
لابسة لبس للمشي سبورت بنطلون رصاصي قطني مع تيشرت اخضر غامق عليه جاكت من نفس قماش البنطلون رصاصي بأكمام طويلة فاتحة سحاب الجاكت كله و يدينها بجيوبه , شعرها لامتنه كله بربطة خفيفة غرتها على جبينها بشكل حلو شعرها مبين طريقة تقطيعه اللي خصلاته تتحرك مع مشيها
تنزل و لهيب يناظرها بتركيز لمح سرحانها و هي تنزل و يبين فكرها مشغول
عدته و هي ماشية للحديقة بتمشي بالاتجاه المخصص للمشي تمشي و هي تفكر بشي شاغلنها بالفترة اللي راحت

لهيب دخل المطبخ بسرحان
اعطى نادر الصينية
جميلة تحط بعض الصحون على الصينية
جميلة : لهيب مع لياج الله يعافيك
و حطت كؤوس عصير
لياج شافت لهيب ساكت و سرحان
لياج : لهيب يلاا
انتبه لهيب و بهدوء : اي يلاا
شال الصينية و مشى مع لياج
لياج مشت للحديقة و لهيب معاها وقفت عند احدى الطاولات بابتسامة
لياج تنزل الصحون : تفضلي
البنت : شكراا
لهيب عينه على اللي تمشي باتجاه المشي
لياج : اي خدمة ثانية
البنات : لا شكرا
مشت لياج و لهيب وياهاا و عينه كل ثانية عليها
وقفت لياج عند طاولة ثانية اخذت الكاسات و نزلتها
لياج بابتسامة : اي خدمة ثانية
الرجال : مشكورة اختي
لفت بتمشي انتبهت لهيب واقف و عينه باتجاه ثاني
لياج بهمس : لهيب في شي امش كملنا
لهيب ناظرها و انتبه : احمم اي يلاا نمشي


راسيل استقبلت اتصال من سميرة
من بين الكلام
سميرة : انا عارفة انه قال لج كل شي بس انا ما غلطت بشي قلته انا ربيته يعني امه و ما يعاملني عدل و دوم مطنشني انا ما ابيه يخرب علاقتي فيج بكرهه لي
راسيل تسايرها : يا خالتي انا ما لي بينكم انتي زوجة ابوه و اذا بينكم مشاكل انا ما يدخلني بينكم حلوها بين بعض هالشي ما يهمني و لكل بيت مشاكل و ظروف
سميرة بخبث : انا ما ابي علاقتكم بي انتوا الاثنين تخترب هو مثل ولدي و انتي مثل بنتي هو ما يراعيني حتى من قبل حتى من ايام حبيبته القديمة
راسيل باستغراب : حبيبته القديمة !
سميرة تدعي زل اللسان : اوو حبيبتي انا ما ادري انج ما تدرين ان له علاقات من قبل مو بس مرة هو دايم يكلم و يحب من قبل و قدامنا و احنا ندري بس آخر حبيبة ثبت عليها
راسيل تسمع و راسها يدور اعتذرت من سميرة بالانشغال و سكرت منها



"-"~_`"-"~_`"-"~_`"-"~_`



إنمار تصعد الدرج و لهيب نازل من لفة الدرج شافته بلبس المظيفين
إنمار : اا آ اذا بغيت طلب بالغرفة اشلون اطلب
لهيب و بيده الصينية و بنظرة : اذا بتطلبي بالغرفة تتصلي على رقم المطبخ رقم 000 و تطلبيه يرسلوه لرقم غرفتج بامكانج تقولي لي طلبج و ارسله برقم غرفتج
إنمار بعدم اهتمام : بغيت ............
رقم الغرفة 000
و مشت بدون ما تسمع وش بيرد
ابتسم لهيب على طريقتها و هو يعدي الدرج
نزل المطبخ اخذ طلبها و صعد ضرب باب غرفتها
هي كانت تحتد بالكلام مع امها
فتحت باب الغرفة بعصبية بدون اهتمام شافته بالطلب و هي تلف و تدخل : ادخل نزله عالطاولة
و وجهت الكلام الى امها الجالسة على الكنب : اشلون يعني تكلميها و توافقي دون علمي
لهيب دخل ببطئ و هو يسمع النقاش
الام بعصبية : وقفي عدل و انتي تكلميني و بعدين راح تجي يعني راح تجي
إنمار بعصبية : ما راح اجي اوكي و هذي المرة الاخيرة اللي تعطي ام ناجي كلام بموافقتي دون علمي
الام بعدم اهتمام : راح تجي معاي لا تسببي بالاحراج لي
لهيب نزل الصينية
إنمار بحدة : ما راح اجي و سوي اللي تبي
لفت تتطالع لهيب و بعصبية : شكراا
و راحت دورة المياه
لهيب و هو يطالع الام : اي خدمة ثانية
الام بعدم اهتمام بدون ما تناظره : لا و لاشي
لهيب : بالاذن
و طلع ما عجبته طريقة الكلام مع امها هو عارف ان امها مسيطرة و صاحبة مظاهر ما استظرف حدة النقاش بينهم و الاخص تصرف الام هو عارف انها تفرض عليها اشياء كثيرة و اليوم فارضة عليها شي ما تبيه و قابلتها بالرفض
بنفسه " هذا الزرع اللي زرعتيه اكليه " اوعدج يا ام إنمار اعدل بنتج من الساس للراس ...


راسيل ظلت محتارة و مقهورة ما قدرت تفكر بعد ما سمعت كلام سميرة اتصل فيها سرمد ما ردت من قهرها عليه تمت متجاهلة اتصلاته ... سرمد حس ان في شي جا لها البيت ما رضت تشوفه امها احتارت وياها و هاوشتها على تصرفاتها سرمد انقهر من تصرفها و خلاها على راحتها ....


لهيب و هو في الجلسات ياخذ الطلبات شاف إنمار و هي تنزل الدرج و تطلع من الفندق ... انقهر انه ما يقدر يطلع وراها او يراقبها هدأ لما تذكر دوام جامعتها ...


لياج تمشي بالممر بتوصل طلب
جسوف انتبه انها قدامه على بعد مسافة انتظر و شافها تدخل الغرفة ابتسم و راح غرفته فتح الباب و ظل وراه و خلاه مفتوح قليل يشوف من يمر
لياج طلعت من الغرفة تعمدت ما تاخذ الصينية معاها تبي تنزل الحديقة مع جميلة و تاخذ الطلبات
من مرت على غرفة جسوف فتح الباب بسرعة مسكها من ذراعها سحبها بسرعة و خفة دخلها الغرفة و سندها على الباب سكره و هو يقبل شفاتها بشوق
ما استوعبت وش صار ثواني
حاولت تنزل راسها بخجل ...

جسوف بهمس و بحة واضحة : صباح الحب
لياج غمضت و دقات قلبها تتسارع من بحة صوته همست بصعوبة : ه هلاا صصباح النور
جسوف يتمعنها و يتأملها و هي منزلة راسها بخجل من قربه منها
لياج تحس بالدوخة من قربه و من عطره اللي خنقها و راسها قريب من صدره
جسوف بصوت يربك : تعرفي اني اعشق خجلج و حياج مني
لياج ساكته و مرتبكة بقوة
جسوف بابتسامة : عارف تبي تروحي بس ناظريني اول
لياج حاولت تتحرك بخجل ضحك و هو يشدها ما يبيها تروح
جسوف : طيب طيب خلاص بس تمي شوي حتى لو ما ناظرتيني
لياج بابتسامة و خجل : بعدين الحين مشغولة
جسوف بابتسامة و تجهز لردة فعلها : اممم طيب بس انتظريني اغير ملابسي و ننزل مع بعض
لياج لفت عنه و هي تتحرك
جسوف ضحك و هو يمسكها ظل ظهرها بصدره و هو يحاوطها من خصرها
جسوف : ههههههه خلاص حبيبتي خلاص ما تنتظريني بس اهدأي
لياج بحيا من كلامه : ماابي ابي اروح
جسوف يتحرك قلبه من صوتها الناعم الانثوي و حياها منه و نعومتها
جسوف بهمس ببحة رجولية : طيب عن النعومة اللي تذوبني و استكمل اللي قبل شوي و اروح فيها
لياج اشتد خجلها بقوة مسكت يده اللي على خصرها نزلتها و فتحت الباب و طلعت





بعد فترة


إنمار نزلت من الدرج بوقت خروج لهيب من المطبخ بطلب للغرف شافها متجهة جهة الحديقة اعطى صينيته لجميلة و راح للحديقة ياخذ الطلبات
إنمار جلست على وحدة من الطاولات لشخصين فقط تمت مشغولة بجوالها
رغم انها ما تبي تنزل بس ما تبي تظل عند امها و تدخل في نقاش ما تحبه
لابسة جينز ازرق مع تيشرت ابيض عليه جاكت شتوي باللون البني الفاتح مايل الى البيج شعرها بتقطيعه مطلع على برى مع غرتها بشكل حلو

ظلت تفكر باللي شاغل بالها من فترة ما يروح من بالها ابوها و اللي قاله لها و الى امها

" شاللي سويته يا يبه اشلون تسوي هالشي و ما قلته إلا قبل ما تموت( ابتسمت رغم غرابة الموضوع ) طول عمرك ما عندك شخصية قدام امي هي اللي تمشي كل الامور بس ما كسرت راسها إلا بهالشي علقتني و رحت و ما قلت لي عن اي شي "

ظل لهيب بالحديقة يسجل الطلبات و يعطيها زميله للمطبخ و هو يراقبها بدقة

رفعت راسها شافت امها واقفة تناظرها نزلت راسها لجوالها بدون اهتمام
ام إنمار جلست بقهر : اتصل فيج تفصليني قومي قدامي اشوف
إنمار : ماابي اقوم معاج لا تحاولي لاني ما راح اروح
ام إنمار : قومي كلها ساعة جاملي فيها ام ناجي و بعدها اطلعي
إنمار بملل : ما راح اروح و مو فاضية لحفلات ام ناجي اللي ما لها معنى
ام إنمار : انتي ما تفهمي
إنمار رفعت راسها بعصبية : قلت لج ما راح اروح و ما بسوي شي غصب عني علشان هذا رايج انا حرة و كيفي و بسوي اللي يعجبني
ام إنمار بقهر : يعني
إنمار و عينها على الجوال : يعني ما بروح و روحي بروحج و ما تقدري تغصبيني
ام إنمار قامت مقهورة من تصرفات بنتها

( هي ربتها على هالشكل و تحصد نتيجة تربيتها دلعتها زيادة عن اللزوم علمتها على الحرية و عدم المسؤلية ما تسألها عن اي شي و ما تهتم حواراتهم مع بعض تقتصر على اشياء تافهة ما تدري وين تطلع و متى ترجع البيت تهتم تشوفها اذا كانت مسوية حفلة و تبيها تحضر تشوف الناس او اذا هي معزومة على حفلة و تبيها تروح معاها و اذا إنمار لها مزاج تروح معاها بعض الاحيان و اغلب الاوقات تعارض امها و يتهاوشون )

إنمار اتصلت لصديقتها تجيها الفندق تجلس معاها
إنمار تلفتت تبي قرصون شافت واحد ياخذ طلبات الطاولة اللي قدامها
إنمار : هللووو لو سمحت
و لفت لصديقتها تكمل سوالف
لهيب اشر لزميله يكمل شغله و هو يشوف الطلب تقرب
لهيب : اي طلب
طالعته إنمار : اممم ابي عصير برتقال
ود و هي تناظره : عصير ليمون
لهيب : اي خدمة ثانية
إنمار : ثااانكس
راح لهيب و رجع بالطلب بنفسه
ود جاها اتصال ان امها تعبانه
تقرب لهيب إنمار وقفت مع ود
إنمار : خبريني بأي شي اووك
ود و هي تروح بسرعة : اوووك
إنمار طالعت لهيب اللي بيده الصينية و جلست
لهيب تقرب و هو يمسك كوب عصير البرتقال بينزله
إنمار : خلاص شكرا ( تقصد لا ينزل العصير الثاني )
لفت تتطالع الناس
لهيب و هو ينزل الكوب انتبهت لعطره غمضت لما حست بعينها تلمع رفعت راسها له و ناظرته
لهيب ناظرها : اي خدمة ثانية
إنمار و هي مركزة بعطره : لاا شكرا
لهيب راح و هو مستغرب سر نظرتها له

إنمار تذكرت ابوهاا و حنت له كثير كانت علاقتها بأبوها حلوة و قوية ... لاحظت ان عطر القرصون هو مثل عطر ابوها من قبل هالريحة تذكرها فيه ... حاولت تخلي من اغراض ابوها اي شي يذكرها فيه إلا ان امها تصرفت بكامل اغراضه حتى العطور ..



مزون جالسة مع طارق و مستحية منه
لابسة فستان ناعم باللون الاخضر شعرها سايح بنعومه
طارق جينز مع قميص سماوي فاتح
طارق : عارف يمكن الكلام اللي بقوله مو وقته بس ضروري
مزون و عينها على يدها و بهدوء : ت تفضل
طارق : راح تكملي شغل
مزون طالعته و طالعت الارض : بس ان يعني ..... اقصد اني
طارق بهدوء : تبي تواصلي لحين تسجيل الجامعة مو ؟
مزون هزت راسها بخفة و خجل
طارق بابتسامة : طيب لو مثلا عارضت و طلبت منج ما تكملي
مزون بصوت ناعم : يعني انت رافض
ابتسم طارق اكثر : انا افضل انج ما تواصلي
مزون طالعته بدون شعور : طارق ما ابي اجلس بالبيت بروحي ما معاي احد
طارق مبتسم و هو يناظرها تتكلم معاه
مزون : الله يخليك لا تردني ما ابي الله يخليك ما احب اجلس بالبيت لا تعارض طارق
طارق مبتسم : بشرط
مزون : و انا موافقة
طارق وقف وقفت مزون معاه
طارق : هو الصراحة شروط
و اولها تجي بحظني
سحبها من يدها لحظنه
ارتبكت بخجل تاام من قربه و حظنه
طارق حاوط خصرها بخفة و هو مغمض من شعوره تجاهها
مزون ما قدرت تتحرك و راسها على صدره و هي ترجف طارق طالعها و هو ماسكنها
طارق بهمس و هو يتأملها : لاني معاج راح اوافق تتمي بس على طول معاي و جنبي
مزون هزت راسها بحيا
طارق : جاوبيني بصراحة
مزون بخجل : عل على شنوو
طارق بهدوء : بيت امج
مزون بصوت متغير : ماابي طارق ماابي
نزلت دمعة من عينها
طارق مسح دموعها و بهمس : خلاص مزون مثل ما تبي
مزون بصياح : ما ابي اروح هناك ما ابي انا ما
قاطعها طارق : خلاص اهداي لا تضايقي بدون صياح
نزل راسها لصدره و هو يمسح عليها
مزون مسكت قميصه ناحية صدره و شدت عليه بدون شعور
مزون بصياح و شهقة : طارق ما ابي غيرك انت و بس ما ابي احد ثاني عمري 17 و عمري ما حسيت بالاهتمام غير من ابوي غير الحنان من ابوي لا تتركني طارق ما ابيك تروح عني
طارق حظنها اكثر : يا روح طارق يا طارق كله احبج مزون و عمري ما اتركج حبج هو الدنيا و الحياة و كل شي انتي بعيوني و بقلبي
مزون شدت اكثر على قميصه
طارق : علشان طارق كفاية دموع
مزون تمسح دموعها
طارق ناظرها و ابتسم : لو ادري ان طارق له مكانه عندج كان قلت علشانه من زمان
مزون انحرجت و هي تنزل نظرها عنه






اليوم الثاني

الصباح

راسيل فتحت جوالها لقت مسج من سرمد ارسله بالليل
( اذا كنتي زعلانة علي في شي تواجهيني و تقولي لي وش صاير مو تتصرفي بهالشكل )
انقهرت من رده
" وش قصده .. ما اواجهه و اقوله طيب يا سرمد ... فوق سواته من قبل يرد علي بهالرد !؟ راح اواجهك و اشوف وش ترد علي اشلون بتبرر سوالفك "

بسرعة اتصلت على رقم بيت ابو سرمد عرفت من الخدامة ان سميرة موجودة و راح تتطلع بعد شوي
( و هي ما تبي تروح اذا كانت سميرة بالبيت و تبي تروح قبل ما سرمد يطلع )
وصت الخدامة اذا طلعت سميرة و سرمد ما طلع تتصل فيها ضروري
انتظرت بقهر لين اتصلت فيها الخدامة لبست جينز ازرق مع قميص اسود شعرها سايح الى كتفها اخذت شنطتها خبرت امها انها راح تزور الفندق تشوف صديقاتها و طلعت بسرعة


إنمار ما قدرت تنام انتظرت يطلع الصباح علشان تنزل مصممة تكلم صاحب العطر

لبست جينز ازرق مايل الى الاسود بغماقة مع تيشرت اصفر لبست جاكت بقماش الجينز ازرق غامق يوصل للخصر شعرها سايح ما طلعته على برى مع غرتها متغيرة بشكل شعرها اللي بين تقطيعته بخفة

طلعت بسرعة نزلت الدرج و هي تتلفت بالجلسات شافت زملائه يضيفون بس ما لقته بينهم طلعت الحديقة تلفتت تدور ما لقته راحت الجلسات مرة ثانية وقفت عند الدرج و بجرأتها فكرت تروح المطبخ و تشوفه تحركت بتروح لمحت شخص بلبس المضيفين ينزل من الدرج طالعته عدل لقته هو نفسه
لهيب ينزل الدرج تحرك قلبه و هو يشوفها واقفة عند نهاية الدرج
و الاكثر تتطالعه باستمرار نزل و هو يتقرب منها
إنمار بجرأة و هدوء و هي ترفع غرتها : اممم ابي منك شي
لهيب بداخله وده يضحك على جرأتها و بمثل الوقت عصب و الاكثر استغرب
لهيب : تفضلي
إنمار : انا ابي اسم العطر اللي تستخدمه
لهيب باستغراب شديد : عفوا
إنمار : اوو اشلون اقول يعني انا لاحظت عطرك و انا ادور عليه من فترة و ابيه فأبي اسمه
لهيب حك طرف حاجبه : يعني ان انا ما ادري انتي اي عطر تقصدي
إنمار باسترسال تبيه يقول لها : لاحظته امس وصلت الطلب لي بالحديقة
لهيب بابتسامة : و لا يهمج لايقيني باجر
إنمار بتأفف : اووو لا , ما يصير اليوم , حاوول طيب ابيه ضروري
لهيب يناظرها بتأمل و نظرة خاصة : اليوم بطوله بالدوام
إنمار : طيب وين اشوفك باجر يعني اي وقت
لهيب بابتسامة على سرعتها : امم و لا يهمج انا اوصلها لج الغرفة
إنمار : انا بغرفة رقم 0000 راح انتظر اووكي
لهيب بضحكة : اوكي
لفت و صعدت الدرج ظل يناظرها لين اختفت
" يبي لها تعديل على ثقيل ... بس ليش تبي العطر و الى من ؟! "




*،,.؛*،,.؛*،,.؛*،,.؛*،,.؛*،,.؛



راسيل راحت بيت ابو سرمد وصت الخدامة اذا سميرة رجعت او ابو سرمد رجع قبل ما تتطلع لا تخبرهم بوجودها ...
سرمد بعد ما اخذ شور لبس جينز مع تيشرت رصاصي غامق فيه ازرار من فوق
وقف بجانب الطاولة يتصفح بعض الاوراق في الملف
راسيل فتحت الباب بهدوء شافته واقف و تشوفه من جانب واحد
سرمد لف وجهه و شافها واقفة من داخله ابتسم لانه يعرف اشلون يعاملها و يشلون يسيرها إلا انه ما ابتسم
ناظر الاوراق بجمود و قال بهدوء : هلا
راسيل تقدمت بهدوء و داخلها قهر نزلت شنطتها على الطاولة و طالعته و راسها مرفوع له بسبب الطول بينهم
راسيل بنبرة هادئة : ليش ما قلت لي
سرمد و عينه على الاوراق و قلبه يتحرك منها : شنو اللي ما قلته ( و يرفع اوراق و يشوف اللي بعدها )
راسيل انقهرت من اسلوبه تقربت اكثر منه : ابي افهم ليش تدعي انك ما سويت شي
سرمد ابتعد ناحية السرير و عطاها ظهره و بهدوء : تكلمي بوضوح
راسيل بدون شعور تقدمت و وقفت قدامه و هي تقول : لك علاقات من قبل مكالمات و حبيبة
سرمد يناظرها بتركيز و بهدوء : و صدقتي
راسيل تغيرت نظرة عينها بسبب كلمته كأنه يقول لها انه يعرف ان سميرة قالت لها و يسألها تصدق عليه
راسيل بنبرة متغيرة و هادئة : ابي افهم
سرمد رفع يده لازرار تيشرته و يفتحهم ببطئ و هو يناظرها راسيل تحرك قلبها و ارتجفت لما كمل اربعة ازراره
سرمد قرب راسه من اذنها و بهمس : متمسك فيج و ابيج و احبج اذا بتظلي تصدقي اي شي ينقال منها بتتعكر حياتنا
ارتبكت من قربه منها و انفاسه على وجهها من جانب
راسيل توترت
سرمد بصوت رجولي : يعني تصدقي علي و صدقتي
راسيل بتوتر : ضايعة بينكم
سرمد شدها بقوة و بهمس باذنها : كلمة ثانية بموضوع سميرة بتخليني اسوي شي مو وقته بنظرج
( و بهمس رجولي ) : انا ابي الشي و ناوي عليه تشكي فيني تصدقي علي
راسيل خافت بقوة و هي ترجف
راسيل بارتباك شديد : سرمد اتركني نتفاهم
سرمد شدها اكثر و ضغط عليها ارتجفت اكثر
سرمد : صدقتي علي و زعلتي يعني تشكي فيني
راسيل بارتجاف : سسرمد اتركني نتكلم
سرمد : و احنا نتكلم
و ركز بعينها بنظرة خاصة
راسيل رفعت راسها له و ناظرت عينه
سرمد بهمس و عتب : تصدقي في سرمد و تشكي فيه
راسيل نزلت نظرها لصدره بحيرة و ارتباك
راسيل بنبرة هادئة و قلبها يضرب : ابي اروح
سرمد تملكها اكثر وترها اقترب و طبع قبلة على خدها باحساس غمضت من انفاسه
ضرب قلبها بقوة شديدة
سرمد و هو يقبل خدها : انتي اول بنت بحياتي
راسيل برجفة : سررمد
سرمد يقبلها بهيام و بهمس : و ربي انتي الحبيبة الاولى و الاخيرة ما عرفت و ما كلمت غيرج
راسيل قلبها يضرب من قربه
سرمد بهمس : و انتي صدقتي علي و بكل سهولة
راسيل : سررمد انتت يعني ان سررمدد الله يخليك بعدد
سرمد اقترب اكثر
سرمد بهمس : احبج
راسيل سكتت بهدوء و هي تحس بشفاته تندمج مع شفاتها






في الحديقة

لياج نزلت طلب على احدى الطاولات و هي تمشي سمعت
: لو سمحتي
ارتبكت من سمعت صوت جسوف لفت شافته على طاولة جالس و قدامه لاب
تقربت بهدوء و بهمس : في اي طلب
جسوف يطالعها بتركيز : وحشتيني
لياج بتوتر و همس : تبي شي او اروح الناس حولينا
جسوف بابتسامة مثيرة : انا ما ابي شي بس ابيج انتي
لياج بخجل و توتر : جسوف الله يخليك اذا ما تبي شي انا رايحة
جسوف مبتسم : طيب متى شغل الوالدة
لياج : باجر
جسوف بنبرة خاصة : عطيني خبر و انا اجيج
لياج بدون شعور مشت و هي مستحية زيادة من كلامه






بعد فترة


لهيب واقف على باب الغرفة
فتحت الباب ام إنمار
ام إنمار : نزله عالطاولة
لهيب دخل بهدوء شاف إنمار جالسة على الكنب بسرحان و مو منتبهة
نزل كوب القهوة و طلع و هو يفكر فيها

انتبهت إنمار ان امها تشرب القهوة ما استغربت انها طلبت بدون ما تسألها اذا كانت تبي تطلب شي لانها متعودة
اخذت شور لبست بنطلون بيج فاتح مع تيشرت بنفسجي غامق اكمامه قصيرة اخذت جاكت مناسب و خلت شعرها سايح و طلعت بدون ما تكلم امها
فكرت تروح عند صديقتها ود






و انتهى هذا اليوم


اليوم الثاني


راسيل بغرفتها تفكر و بالها مشغول و مو قادرة تحدد موقفها من اللي صار
مو قادرة حتى انها تكلم سرمد او تشوفه بعد هالشي حست بالخجل و الحياء ظلت محتارة هالشي صار قبل الزواج رغم ان بينهم العقد الشرعي و حلال إلا انها مو قادرة تفكر و متغيرة ....



إنمار جالسة بغرفتها تنتظر القرصون يجي هو وعدها يخبرها بأسم العطر ما اهتمت لوجود امها او عدمه و هي اساسا طلعت لوحدة من صديقاتها
لبست لبس سبورت قطني بنطلون برتقالي مع تيشرت ابيض عليه كتابات بالبرتقالي مع جاكت قطني برتقالي عليه كتابات على جنب بالابيض رفعت شعرها بربطة خفيفة
سمعت الباب راحت بسرعة فتحته
شافت شخص بلبس المضيفين بس مو صاحب العطر
إنمار : نعم
الشاب : اختي هذا بريد برقم الغرفة
و بيده كيس فخم
إنمار : طيب هاته
اخذته و سكرت الباب بدون ما تنتظر الشاب يتكلم
جلست على السرير و فتحت الكيس طلعت العلبه اللي داخل كانت تحتوي على زجاجتين عطر مثل الشي
اخذت زجاجة و شمت العطر لقته مثل العطر حست بالحنين لابوها
ما اهتمت ان صاحب العطر ارسل العطر بدل ما يقول لها اسم العطر و ما اهتمت انه مو هو اللي ارسله بس فكرت تحاول تشوفه تشكره و تدفع قيمة العطر



لياج ما راحت مع امها الى بيت الزبونه اللي طلبتها علشان عزيمتها و امها ارتاحت علشان ما تعبها معاها و قالت لها اذا تحب تروح دوام الفندق استعذرت لها انها اليوم ما راح تدوام وصتها امها تدير بالها على نفسها و ما تفتح الباب
لبست جينز ازرق يبين رشاقتها مع تيشرت شتوي اكمام طويلة اخضر فاتح فتحة الصدر مثلث واسع و يبين قميص ابيض من الياقة و جزء من الصدر فتحت اول زرارين من القميص
لمت شعرها من الخلف عند رقبتها بربطة حلوة طالعة حلوة مع شعرها و غرتها و خصلات شعرها بجانب الغرة

جسوف جالس جنبها على الكنب
لابس جينز اسود مع تيشرت ماروني بكتابات بيضاء و خالع جاكيته

و لياج مستحية تناظره من قريب
جسوف ( يستكمل كلامهم ) و ببحة واضحة : و عمري 24 سنة
( قال لها عن دراسته و وضعه المادي و شغله )
لياج بحيا : العمر كله
جسوف بهمس : و هالعمر ابيه معاج
لياج رفعت راسها له و هي تناظر عينه و ملامحه و بصوت انثوي : و اهلك
ابتسم جسوف لانه يعرف انها شايلة هم اهله : اهلي الله يسلمج نخليهم لين تشوفينهم
لياج : لا ماابي قولي الحين
جسوف بابتسامة : شايلة هم اهلي بشكل كبير
لياج ناظرت الطاولة : تقدر تقول جذي
جسوف مبتسم : ابوي و امي متوفين
ناظرته لياج بصدمه و بهمس : الله يرحمهم
جسوف : ان شاء الله يرحمهم و يرحم الجميع
لياج و هي تناظره : طيب و بقية اهلك
جسوف : من اهل ابوي ما عندي احد و من اهل امي عندي خالتي اللي انا عايش معاها الحين و هي ام ياسمين و تقريبا مثل امي لانها ربتني و لي ولد خالة ثانية اسمه عماد و غالبا يتواجد معانا
لياج : و الخالة ام ياسمين لها اولاد
جسوف : هي عندها ياسمين و متزوجة و ساكنة بمنطقة غير منطقتنا لكن مو بعيدة و عندها ولد و بنت الولد 6 سنين و البنوته اصغر منه بسنتين
لياج : الله يخليهم لها
( و بتردد ) و هي طيبة
جسوف : هههههه حبوبة و راح تتعرفي عليها
( و بجدية ) و ان شاء الله بعد الزواج ما حبيتي بمثل البيت و لا يهمج نستقر ببيت بروحنا
لياج بطيبة : و نترك الخالة ام ياسمين بروحها
جسوف بنظرة تلمع : على راحتج تعرفي عليهم و بعدها يصير خير
لياج نزلت نظرها لتحت و بنبرة هادئة : و يعرفون ان ابوي عــ ( كانت بتقول عرضني عليك )
جسوف انقهر من كلامها و وقف و بقهر : اذا فكرتي تفهمي حقيقة الموضوع ذيك الساعة كلميني
و تحرك بيمشي
لياج وقفت بسرعة و قالت بنعومة : شفيك ما قلت شي
جسوف بعصبية : انتي عارفة اني ابيج قبل كل شي فلا تذكري هالشي بين كل دقيقة بتحسس و كأنه شي غلط
مشى خطوة لياج بدون شعور تقربت منه

انتهى الجزء العاشر

البارت 11 يوم يوم السبت بإذن الله