البارت السادس


كثيرا ً ماتنصدم من نفسك او من اناسٍ بالحياه ولاكن كيف اذا صدمت من شخص كان يحبك ويحترمك

كانت جالسه على اعصابها
مهند : راح نتزوج
شموخ انصدمت جاها الكلام مثل الكف القوي ونزلت عيونها تستوعب
سديم تفاجئت وحزنت لشموخ بس مااستسلمت كانت اتفكر اذا شموخ ماتبي انا بوقف معها اكيد
مهند مسح وجهه بيدينه بعدها ناظرها : شموخ
شموخ كانت شاده على يدينها بكل قوتها
مهند : شموخ ناظريني
شموخ تناظر فيه بعدسة مب ثابته
مهند : أنا ماراح استعجل اهم شي لا قلت لأبوي وقال بسخريه : صح ماراح يخلي الزواج بعد سنه بس لو طلبت منه كم شهر يمكن يوافق
ويصير اتفكرين وانا بعد ارجع افكر
شموخ ناظرته بعدها نزلت عيونها : بس ... بس انا ماابيك
مهند بنرفزه هو ياالله تقبل الموضوع : ولا انا لا تحسبيني ابيك لا تحسبيني مب مجبور مثلك انا مجبور اتزوجك عجزت مع ابوي ماخليت شي ماسويته
وانا الحين ياالله تقبلت الموضوع يعني انتي تقبليه لأني من جد معد اتحمل أي كلمه ثانيه زين
شموخ تجمعت دموعها بعيونها
مهند : آه
شموخ بكت بهمس مع شهقات خفيفه
سديم ماتحملت وادخلت : مستحيل تتزوج شموخ وهي ماتبيك
مهند : لا اله الا الله ..... خالتي أنا مثلها تكلموني كاني أنا اللي مسوي كل شي كأني انا اللي ابي
سديم : شموخ ماراح تتزوجك والبنت صغيره روح قول لأبوك هالكلام
مهند ابتسم مع الضحك بسخريه :والله انكم ماتدرون شنو مسوي انا .. تقولي الحين قولها صغيره ومدري شنو
سديم تنهدت



اسير مصدوم مب مستوعب " شنو هذا "
قام من سريره بهستريه وراح للتواليت وكح كح وصار يشوف دم من فمه ينزل للمغسله وصار قلبه يدق



مهند : الشي الثاني
سديم وشموخ ناظروه
مهند : ابوي يقول لازم ترجعين معي
سديم : ياالله ابوك يحسب نفسه الوحيد اللي مسؤول عنها كلنا مسؤولين
شموخ : خلاص خالتي أنا بروح
مهند تفاجئ
سديم : متأكده
شموخ قامت : ايه واطلعت من الغرفه
مهند قام
سديم : قول للوالده لو ضايقت شموخ بكلمه ياويلها
مهند طلع بدون مايرد


ماجد قام : وش صاير
شموخ : ولا شي بروح مع مهند
ماجد انصدم : شنو
شموخ :ـــ
ماجد : يعني بتتزوجينه
شموخ : قلت بروح معه يعني رايحه بيت عمي ماقلت بتزوجه واطلعت فوق
ماجد " لا مااصدق " وطلع يلحقها
ماجد : شموخ
شموخ كانت داخله الغرفه ويوم اسمعت اسمها التفتت كانت دموعها بعيونها
ماجد راح وقف قدامها : اذا ماتبين اتروحين لا تروحين محد متضايق منك هنا
شموخ : لا بروح اتكلم مع عمي
ماجد : وراح يوافق
شموخ : بحاول
ماجد مسك ايدها خلا جسمها يبرد : أي تعجبيني كذا اهم شي لا تضعفين قدامهم وتوافقين تتزوجين واحد ماتبينه
اسير طالع من غرفته وشافهم
شموخ اسحبت ايدها
اسير مر من جمبهم وجا بينزل بس التفت وقال : لا تسوء الاخلاق وهو يناظر شموخ بحتقار بعدها التفت ونزل
ماجد : شغلي معك اسير بعدين وناظر شموخ اللي التفتت وادخلت الغرفه
ماجد تنهد


ام مهند " اليوم لازم يصير شي " وتناظر بالدرج " من فوق لتحت و ياسلام " وابتسمت شر


اطلعت شموخ بعد ماودعتهم وقالتلها خالتها بعض التنبيهات من مرت عمها
اركبت السياره ومهند حرك السياره من دون أي كلام طول الطريق


ابو فيصل : لالا خلاص شنو كل يوم رايحه عند الناس
لميس: يبىااا
ام فيصل : وبعدين هو بيت اخوك يعني ماهم غرب
لميس : أي يبى
ابو فيصل : قلت لا ولا ترى مافيه فستان مدري شنو تبين
لميس : لا خلاص
ام فيصل : زين تروحين معنا
لميس مبوزه : زين
ام فيصل : خلاص حياتي لا تزعلين
لميس : هئ


تكلمت شموخ مع عمها ولا وافق وانهارت وكل شي وحدد يوم الملكه
سديم كلمت اخوها بس قال انه ماله بالمشاكل
اللي بالاستراحه ماصار معهم حدث مهم او مشوق ارجعو يوم الجمعه واسمعو ان ملكة شموخ الاحد
سلمى كانت مسافره عمره وكلمتها سديم وانصدمت
اسير كان كل يوم و الثاني يكح دم وصار مايقابل الاهل من المسجد للغرفه كان خايف حيل ولا يبي يروح للمستشفى
ولا يبي احد يعرف
لميس اسمعت عن ملكة شموخ وانقهرت وافرحت ابنفس الوقت
انقهرت لأنها بتتزوج وناسه مب انا قاعده عند اهلي ولا جا ماجد خطبني
وافرحت لأنها اكيد ماراح تاخذ ماجد منها



يوم السبت العشا كانت نوف ونوري ومنار و مزنه و مريم متجمعين بغرفة نوف
نوف : يعني والله حرام نزل عمي من عيني والله
مريم : ياقلبي تكسر الخاطر
نوري : وش تتوقعون قاعده اتسوي الحين
منار : تبكي
نوف : ياحياتي
مزنه : دقي عليها نوف
نوف : لا مابي
مزنه : نوري
نوري : ليش ؟
مزنه : بس كذا خلنا نبعد عنها الدموع دقايق نستهبل معها وكذا
نوف : لا نوري لا ادقين
مزنه : يلا عاد نوف
نوف : قلت لا
مزنه : اف
مريم قامت : من جد وش تبون تستهبلون معها وهي مب رايقه والله أنا مكانها وادقون علي تستهبلون قسم بالله السماعه بوجيهكم اسكرها
مزنه : أي هي اخلاق مب مثل ناس
منار تضحك
مريم تكش : مالت بس خلني أنزل عند خالاتي أسولف أحسن واطلعت
مزنه : روحي مب ميتين عليك
نوري : وش فيك مزوون خلاص
مزنه : وييه قهرتني
نوري : زين هدي
نايف كان بغرفته يلبس بنطلونه مستعجل والجوال بإذنه : لا تصارخ يارجال جاي جاي
وطلع من غرفته وسكر الباب بسرعه وهو يصلح نفسه ويحط جواله بجيب البنطلون وانتبه لمريم قدامه
مريم كانت لابسه تنوره طويله ماسكه من من البطن لين نهاية الخصر بعدها يجي زم قماشها من حرير حيل مريحه وحلوه وناعمه لونها زيتي داكن
تيشيرت من حرير مديله من النوع الطايح لونها زيتي داكن بعد طالع مثل الفستان الناعم البسيط جدا شعرها رافعته بإهمال بمساكه سودا ولا كانت لا بسه ولا اكسسوار
مريم ابتسمت : أخبارك نايف
نايف لف وجهه اشوي يصلح شعره : تمام وانتي ؟
مريم : بخير
نايف ناظرها وابتسم
مريم ردت له الابتسامه
نايف : ماكنت اعرف ان عندنا ضيوف
مريم : أي شكلك نايم 24 ساعه او برآ وشلون تسمع
نايف ضحك : لا والله بالبيت توني بطلع الحين
مريم : اها
نايف يناظرها من ساسها لراسها
مريم تلون وجها اشوي : يلا تفضل
نايف : مب يقولون السيدات اولا
مريم اضحكت : أي والله بس الحين نعكسها الرجال اولا
نايف ابتسم : زين ونزل وانزلت مريم بعده
نايف : وينها امك ولا بس انتم ياالبنات
مريم : لا امي وخالتي كلهم بالمقلط
نايف : اها
مريم : امش تسلم ولا
نايف : لا بعدين
مريم : اوكي
نايف : بسألك سؤال ؟
مريم : تفضل
نايف بجرأه يناظر فيها وببتسامة لها معنى : لا جيت خطبتك تقبلين ؟
مريم فار الدم عندها مليون درجه وصل لوجها وصارت مب مستوعبه
نايف يصغر اعيونه اشوي ينتظر شنو تقول وزادت ابتسامته بعد ماشاف ربكتها
مريم بين الضحك والابتسامه بتفاجئ : انت من جدك ولا تبي تلعب معي
نايف شوي ويضحك كتف يدينه : لا والله من جد
مريم تجمدت ونايف ماانتبه الا لغبارها راحت
نايف ؟؟؟؟ وضحك



ام مهند كانت عازمه أختها ومرت أخوها عندها وقاعدين سوالف وضحك اما شموخ
كانت بغرفتها مقفلتها ماتطلع منها لأنها ماتبي تشوف وجه أحد خاصه عمها ولا تبي تكلم احد فقفلت جوالها
كانت قاعده ضامه رجلينها ودافنه راسها فيها خلاص اتعبت من الدموع فحاليا كانت تحاول انها تحبس دموعها
ما أصعب أن تبكي بلا..." دموع".....
وما أصعـــــب..أن تذهب بلا " رجوع "......
وما اصعب أن تشعر "" بالضيق"....
وكأن المكان من حولك ..." يضــــــيق "....


**************
مااصعب ان تتكــلم بلا صـــــوت
ان تحيــى كى تنتــظر المــــــوت
مااصعب ان تشــــعر بالســـــــأم
فتــرى كل من حــــولك عــــــدم
ويسودك احســـــــاس النـــــــدم
على إثــم لا تعرفه .... وذنب لم تقترفه


***************
ما اصعب ان تشـــــعربالحــزن العميـق
وكأنه كامـنٌ فى داخــلك ألـــم عريــــق
تستـــكمل وحــدك الطــريــق......
بلا هـــــدفٍ... بلا شــريكٍ... بلا رفيــقٍ
وتصيــر انــت و الحزن و النـدم فريــق
و تـــجد وجـــهك بين الدمــــوع غريـق
و يتحــول الأمــل البــاقى الى.... بريـق


******************
مااصعب ان تعـــيش داخــل نفـــسك وحيـد
بلا صديــــقِ... بلا رفيـــــقِ... بلا حبيـــبِ
تشـــــعر ان الفــــرح بعـــــيد......
تعانى من جــــرح...لا يطــيب
جـــرح عمـيق.. جـــرح عنـيد.....
جـــرح لا يـــداويــه طبيـــب....


*************
مااصعب ان تــرى النـــور ظـــلام
مااصعب ان تـــرى السعادة اوهـام
وانت وحيــد حـــيران
قطع تفكيرها صوت الباب اللي مادق اليوم ابد تنهدت وقامت من سريرها حست الدنيا حولها تلف وطاحت عالسرير
الباب يدق وتسمع صوت بنت : شموخ نايمه
شموخ وهي حاطه ايدها على راسها ناظرت بالباب بستغراب " من هذي "
مها تسمع مافي صوت : يمكن نايمه
بيان : يمكن أصلا وش نبي فيها امشي ننزل
مها : والله محد اسحبك من اذنك وقالك تعالي معي
بيان : يعني وش تبيني اسوي الحالي تحت زهقت لو رحنا عند اعمامي احسن
مها مشت عنها واقعدت بالصاله افتحت التلفزيون وبيان الحقتها : اف واقعدت
مها : اليوم مافي شي يحمس بالتلفزيون
بيان : ماعرف
مها تناظرها : انزين كان رحتي عند اعمامي ولا جيتي معنا
بيان : أي مره امي بتوافق يعني
مها : آه وناظرت التلفزيون
بيان : أي انتي ماعندك مشكله منصور وهنا
مها تناظرها ببتسامه
بيان : اف
مها تركت الرموت وراحت اقعدت عند بيان : شايفه شلون عمي الحين يزوج مهند بعدها أنا ومنصور
بيان : أي واثقه
مها : اكيد ياحبيبتي واثقه
بيان : زين سكتي ياالله قاعده هنا أنا
واسمعو صوت باب ينفتح ناظرو
شموخ اطلعت من الغرفه ويوم شافتهم " الله على المفاجئه "
بيان من تحت سنونها : مالت
مها قامت وهي مبتسمه : أخبارك شموخ ؟
شموخ تتصنع الابتسامه : بخير وانتي ؟
مها : تمام وتمسك وجها : ليش وجهك كذا وبكرى ملكتك
شموخ دفت ايدها : لا تمسكيني لو سمحتي
مها ؟؟؟
شموخ " اف "
مها: آسفه اذا ضايقتك
شموخ تناظر فيها بتفاجئ من فوق لتحت وابتسمت سخريه : والله
مها : ايه
شموخ : أي زين
مها: وش فيك تتكلمين كذا ؟
شموخ : ابد بس ماصدقت ان بنت اخت مرت عمي هي اللي قدامي
مها : اها والله
شموخ : مدري عنك ومشت حست راسها يدور وتمسكت بسور الدرج
مها : بسم الله عليك فيك شي
شموخ ارفعت ايدها بمعنى لا تلمسيني
بيان كانت اتناظر كل شي بقرف وهي متكتفه ومسنده ظهرها على الكنب بكسل
مها : لا تعاندين خلني اساعدك
شموخ : مشكوره
شموخ كانت لابسه روب طويل أصفر نص كم شعرها لافته بإهمال بمساكه حمرا ((اللي قدامها شالته يعني))
اما مها سكيني ابيض وبلوزه نص كم بني فاتح وجزمه " الله يكرمكم " باليه أبيض وحلق على شكل فيس أبيض
شعرها تركته مفتوح تبين قصتها اللي هي الفراوله
بيان نفس الشي بالضبط بس ألوانه مختلفه سكيني أسود والبلوزه فوشي وجزمة الباليه اسود " الله يكرمكم " حلق فوشي
شعرها البست طوق أسود وهو بوي تقريبا ً
انزلت شموخ اشوي اشوي لين وصلت آخر شي وانتبهت للي بالصاله كلهم ناظرو فيها
ام فارس : وييه ام مهند وشلون تعطين هالبنت لولدك
ام منذر : والله معك حق شوفي بشنو نازله وعندها ضيوف
شموخ كانت رايحه للمطبخ وتسمعهم لأنهم كانو متعمدين يرفعون اصواتهم ماعطت للكلام أي اهميه ابتسمت بسخريه وادخلت للمطبخ
ام منذر : وييه كأني اشوفها تتعامل كنه بيتها
ام مهند : والله لو علي مااخليها كذا بس تدرون وراها ابو مهند
ام فارس : الحين مايدري عنها روحي طلعيها منه
ام منذر : أي وانا معها روحي طلعيها
ام مهند الفرحه مب ناقصتها يازين الناس اللي تفكر مثلي وتشجعني وقامت
شموخ خذت بندول وصبت لها ماي واقعدت على الكرسي
ام مهند : يااهليين تو ظلم البيت
شموخ تنهدت ملل واكلت الحبه واشربت الماي
ام مهند : يلا برآ وثاني مره تستأذنين يوم اتجين تاخذين شي
شموخ ماتبي تتجادل : ان شالله
ام مهند تبي المشاكل امسكتها ولفتها : يوم اتكلميني لا تعطيني ظهرك تلفين وتتكلمين زين
شموخ : زين
ام مهند عصبت وش فيها هالبنت بارده كذا
شموخ : لو سمحتي فكيني بطلع
ام مهند دفتها كان راسها بيصدم بالباب بس ربي ستر
شموخ خافت وصارت تشوف الاشياء ادور لأن تو مابدا مفعول البندول
ام مهند : يلا برآ وش تنتظرين
شموخ اطلعت
وام مهند راحت لأختها ومرت اخوها
ام منذر: زين سويتي فيها صوتك لهنا واصل
ام مهند : وييه ماشافت شي مجهزتلها مفاجئه
ام فارس : شنهي
ام مهند ببتسامه : مفاجئه
ام منذر : اهم شي مايعرف ابو مهند
ام مهند : اكيد وش عبالك واضحكو


سديم ادق الباب: اسير .. اسير
اسير كان مقفل باب الغرفه وكان يكح بصوت ملفت
سديم : اسير وش عندك مقفل الباب
اسير يكتم كحته اشوي وبصوت مب واضح قال : خلاص يمى مافيني شي
سديم : شنو
اسير يكح بس هالمره مافيه دم كله
سديم تحوم حول الغرفه
فجئه أختفى صوت اسير
سديم تحط اذنها على الباب مااسمعت شي وادق : اسير
ثواني اسمعت صوت المفتاح وانفتح الباب
سديم امسكته : يمى وش فيك
اسير : لا يمى مافي شي بس يمكن صدري تعب اشوي
سديم : زين روح المستشفى صوت هالكحه مب عاجبني
اسير يبعد ادين امه عنه بهدوء : يمى لا تخافين انا بخير
سديم : ان شالله بس انا ماقلت شي بس قلت روح للمستشفى
اسير : ان شالله
سديم ابتسمت ورد لها الابتسامه


ماجد معصب : بس هي وافقت ويناظر خويه : هي قالت انها ماتبيه
بسام تنهد : ياماجد ياماجد هدي الله يصلحك
ماجد :ــ
بسام : كل هالجنان انزين كان قلت لأبوك ابيها
ماجد ابتسم سخريه : اولا انا مااحبها سمعت
ثانيا هي صغيره عرفت
ثالثا ماتبيه ماتبيه ياخي غصب يعني يزوجونها له
بسام شبه يضحك : والله مدري عنك انت وشلون واحد صدع راسي من اليوم
وبانهايه يقول مااحبها لا تكذب على نفسك زين
ماجد بحده وهو يناظر فيه : قلتلك مااحبها
بسام : اها زين لا تعصب خلاص ماتحبها ماتحبها و أنا وش علي
ماجد يصد عنه : قال احبها قال
بسام يناظره من طرف عيونه وابتسم سخريه وبعد نظراته عنه
ماجد : ولا اقول
بسام يفتح الببسي : شنو
ماجد احم ولف عليه : شوف أنا أحبها
بسام ضحك
ماجد : اسكت
بسام حط اكس على فمه بمعنى سكت
ماجد : وأحب بنت عمي علشان كذا مااقدر أعترف لنفسي وشلون احب ثنتين ها قولي
بسام يحرك كتوفه مدري
ماجد : والصراحه اميل لبنت عمي اكثر بس بنت خالتي يوم قالو انها بتتزوج عصبت ليش لا تسأل
بسام احم : والله مدري عنك القلب مستحيل يحب ثنتين
ماجد تنهد
بسام بمزح : خلاص خل بنت خالك مدري خالتك تتزوج وبنت عمك عطني هي وانت دور غيرهم
ماجد بسخريه : أي علشان يصيرون ثلاث ناقص انا
بسام : لو منك انا مااخذ من الاهل
ماجد : ليش يعني
بسام : والله بس كذا مااحب هالزواجات اللي بين الاهل ياخي حلو التغيير مب كل ماحضرت عرس ولد وبنت عمه ولد وبنت خاله
ماجد : هو معك حق بس والله ياخي شنسوي يعني نصيب
بسام : أي والله كل شي نصيب
اعرفكم على بسام شاب مملوح ملامحه خليجيه حيل قمحي عمره 24
عنده أخت وحده اسمها الجازي عمرها 17 سنه


لميس واقفه قدام المرايه ماسكه فستانها الجديد وترقص وتغني
توك على بالي تنور خيالي
وفجاءه لقيتك حبيبي معاي
ياحلوها صدفه جمعتنا
ولقينا المحبه تنور سماك وسماي
خلك بقربي حبيبي ابنسى العنا
واحتفل بالمشاعر وانسى الهموم

ياعمري لو تدري بغلاتك حياتي فدا لك
وكلي انا ملك ايديك ماقدر على
بعدك يكفيني حضنك
وكل المشاعر تنادي تبيك
الله يديم السعاده وتبقى معايا
هنايا ومنايا في كل يوم

ماكملت امها ادخلت عليها مبتسمه : واه فديت الفرحانه
لميس بدلع : بتقطع من الفرح بكرى بروح فيه وتناظر نفسها بالمرايا بنتصار


الليل قام اسير من النوم على الكحه التفت شاف جمبه بالكومادينا كوب ودبة ماي ابتسم عرف انها امه
قطعت الكحه عليه ابتسامته قعد وصب له ماي يشرب بس الكحه تمنعه ماشرب الا شوي بعد الكوب عن فمه
وشاف الماي اللي كان صافي ولذيذ اختلط معه شوي من الدم اللي اطلعت من فمه قام دخل لتواليت كب الماي ورجع لسريره انسدح على ظهره
ويدينه مسترخيه فوق بعض على بطنه وامتلت عيونه دموع كان يشوف قدامه امه وابوه وماجد وعنود
انزلت دموعه والتفت جمبه
تلف هالدنيا على الناس وتدور..
والزمن عندك توقف ولا دار..!
أدري مقصر بس لاصرت مجبور..
ودي تسامحني على حكم الاقدار..
كني بدونك..عقد لاصار منثور..
وش يجمع المنثور دام الزمن جار..!!"
ورفع ايده مسك جواله



شموخ كانت تتقلب بسريرها يمين يسار ماجاها النوم : اففف واقعدت سندت ظهرها على المخده وارفعت راسها شوي
جفت دموعي الحين ابي انزل دمعه وحده بس مااقدر ياربي حيل متضايقه يارب مايصير هالزواج يارب يارب
غير اللي في بالي ماراح اتزوج مع انه مادرى عني واضغطت على ايدها وهي متكتفه وانزلت ادموعها غصبا عنها
ابي اسكن "وطن حبكـ"
ترى مليت هـ الأوطان..
وابيكـ تكون ذاك اللي ..
قصيدة عشق..
سميته ..